Library / Tipiṭaka / ತಿಪಿಟಕ • Tipiṭaka / ಪಟ್ಠಾನಪಾಳಿ • Paṭṭhānapāḷi

    ೭. ಪೀತಿತ್ತಿಕಂ

    7. Pītittikaṃ

    ೧. ಪಟಿಚ್ಚವಾರೋ

    1. Paṭiccavāro

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೧. ವಿಭಙ್ಗವಾರೋ

    1. Vibhaṅgavāro

    ಹೇತುಪಚ್ಚಯೋ

    Hetupaccayo

    ೧. ಪೀತಿಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪೀತಿಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ, ತಯೋ ಖನ್ಧೇ ಪಟಿಚ್ಚ ಏಕೋ ಖನ್ಧೋ, ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ। ಪಟಿಸನ್ಧಿಕ್ಖಣೇ ಪೀತಿಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ। (೧)

    1. Pītisahagataṃ dhammaṃ paṭicca pītisahagato dhammo uppajjati hetupaccayā – pītisahagataṃ ekaṃ khandhaṃ paṭicca tayo khandhā, tayo khandhe paṭicca eko khandho, dve khandhe paṭicca dve khandhā. Paṭisandhikkhaṇe pītisahagataṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)

    ಪೀತಿಸಹಗತಂ ಧಮ್ಮಂ ಪಟಿಚ್ಚ ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪೀತಿಸಹಗತಂ ಏಕಂ ಖನ್ಧಂ ಪಟಿಚ್ಚ ಸುಖಸಹಗತಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ। ಪಟಿಸನ್ಧಿಕ್ಖಣೇ ಪೀತಿಸಹಗತಂ ಏಕಂ ಖನ್ಧಂ ಪಟಿಚ್ಚ ಸುಖಸಹಗತಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ। (೨)

    Pītisahagataṃ dhammaṃ paṭicca sukhasahagato dhammo uppajjati hetupaccayā – pītisahagataṃ ekaṃ khandhaṃ paṭicca sukhasahagatā tayo khandhā…pe… dve khandhe paṭicca dve khandhā. Paṭisandhikkhaṇe pītisahagataṃ ekaṃ khandhaṃ paṭicca sukhasahagatā tayo khandhā…pe… dve khandhe paṭicca dve khandhā. (2)

    ಪೀತಿಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪೀತಿಸಹಗತಂ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ಚ ಸುಖಸಹಗತಾ ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ। ಪಟಿಸನ್ಧಿಕ್ಖಣೇ ಪೀತಿಸಹಗತಂ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ಚ ಸುಖಸಹಗತಾ ಚ ತಯೋ ಖನ್ಧಾ …ಪೇ॰… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ। (೩)

    Pītisahagataṃ dhammaṃ paṭicca pītisahagato ca sukhasahagato ca dhammā uppajjanti hetupaccayā – pītisahagataṃ ekaṃ khandhaṃ paṭicca pītisahagatā ca sukhasahagatā ca tayo khandhā…pe… dve khandhe paṭicca dve khandhā. Paṭisandhikkhaṇe pītisahagataṃ ekaṃ khandhaṃ paṭicca pītisahagatā ca sukhasahagatā ca tayo khandhā …pe… dve khandhe paṭicca dve khandhā. (3)

    ೨. ಸುಖಸಹಗತಂ ಧಮ್ಮಂ ಪಟಿಚ್ಚ ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ। ಪಟಿಸನ್ಧಿಕ್ಖಣೇ ಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ। (೧)

    2. Sukhasahagataṃ dhammaṃ paṭicca sukhasahagato dhammo uppajjati hetupaccayā – sukhasahagataṃ ekaṃ khandhaṃ paṭicca dve khandhā, dve khandhe paṭicca eko khandho. Paṭisandhikkhaṇe sukhasahagataṃ ekaṃ khandhaṃ paṭicca dve khandhā, dve khandhe paṭicca eko khandho. (1)

    ಸುಖಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ। ಪಟಿಸನ್ಧಿಕ್ಖಣೇ ಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ। (೨)

    Sukhasahagataṃ dhammaṃ paṭicca pītisahagato dhammo uppajjati hetupaccayā – sukhasahagataṃ ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. Paṭisandhikkhaṇe sukhasahagataṃ ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. (2)

    ಸುಖಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ಚ ಸುಖಸಹಗತಾ ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ। ಪಟಿಸನ್ಧಿಕ್ಖಣೇ ಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ಚ ಸುಖಸಹಗತಾ ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ। (೩)

    Sukhasahagataṃ dhammaṃ paṭicca pītisahagato ca sukhasahagato ca dhammā uppajjanti hetupaccayā – sukhasahagataṃ ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. Paṭisandhikkhaṇe sukhasahagataṃ ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. (3)

    ೩. ಉಪೇಕ್ಖಾಸಹಗತಂ ಧಮ್ಮಂ ಪಟಿಚ್ಚ ಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಉಪೇಕ್ಖಾಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ। ಪಟಿಸನ್ಧಿಕ್ಖಣೇ…ಪೇ॰…। (೧)

    3. Upekkhāsahagataṃ dhammaṃ paṭicca upekkhāsahagato dhammo uppajjati hetupaccayā – upekkhāsahagataṃ ekaṃ khandhaṃ paṭicca dve khandhā, dve khandhe paṭicca eko khandho. Paṭisandhikkhaṇe…pe…. (1)

    ಪೀತಿಸಹಗತಞ್ಚ ಸುಖಸಹಗತಞ್ಚ ಧಮ್ಮಂ ಪಟಿಚ್ಚ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪೀತಿಸಹಗತಞ್ಚ ಸುಖಸಹಗತಞ್ಚ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ। ಪಟಿಸನ್ಧಿಕ್ಖಣೇ ಪೀತಿಸಹಗತಞ್ಚ ಸುಖಸಹಗತಞ್ಚ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ। (೧)

    Pītisahagatañca sukhasahagatañca dhammaṃ paṭicca pītisahagato dhammo uppajjati hetupaccayā – pītisahagatañca sukhasahagatañca ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. Paṭisandhikkhaṇe pītisahagatañca sukhasahagatañca ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. (1)

    ಪೀತಿಸಹಗತಞ್ಚ ಸುಖಸಹಗತಞ್ಚ ಧಮ್ಮಂ ಪಟಿಚ್ಚ ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ಹೇತುಪಚ್ಚಯಾ – ಪೀತಿಸಹಗತಞ್ಚ ಸುಖಸಹಗತಞ್ಚ ಏಕಂ ಖನ್ಧಂ ಪಟಿಚ್ಚ ಸುಖಸಹಗತಾ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ। ಪಟಿಸನ್ಧಿಕ್ಖಣೇ ಪೀತಿಸಹಗತಞ್ಚ ಸುಖಸಹಗತಞ್ಚ ಏಕಂ ಖನ್ಧಂ ಪಟಿಚ್ಚ ಸುಖಸಹಗತಾ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ। (೨)

    Pītisahagatañca sukhasahagatañca dhammaṃ paṭicca sukhasahagato dhammo uppajjati hetupaccayā – pītisahagatañca sukhasahagatañca ekaṃ khandhaṃ paṭicca sukhasahagatā dve khandhā, dve khandhe paṭicca eko khandho. Paṭisandhikkhaṇe pītisahagatañca sukhasahagatañca ekaṃ khandhaṃ paṭicca sukhasahagatā dve khandhā, dve khandhe paṭicca eko khandho. (2)

    ಪೀತಿಸಹಗತಞ್ಚ ಸುಖಸಹಗತಞ್ಚ ಧಮ್ಮಂ ಪಟಿಚ್ಚ ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಉಪ್ಪಜ್ಜನ್ತಿ ಹೇತುಪಚ್ಚಯಾ – ಪೀತಿಸಹಗತಞ್ಚ ಸುಖಸಹಗತಞ್ಚ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ಚ ಸುಖಸಹಗತಾ ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ। ಪಟಿಸನ್ಧಿಕ್ಖಣೇ ಪೀತಿಸಹಗತಞ್ಚ ಸುಖಸಹಗತಞ್ಚ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ಚ ಸುಖಸಹಗತಾ ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ। (೩)

    Pītisahagatañca sukhasahagatañca dhammaṃ paṭicca pītisahagato ca sukhasahagato ca dhammā uppajjanti hetupaccayā – pītisahagatañca sukhasahagatañca ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. Paṭisandhikkhaṇe pītisahagatañca sukhasahagatañca ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. (3)

    ಆರಮ್ಮಣಪಚ್ಚಯಾದಿ

    Ārammaṇapaccayādi

    ೪. ಪೀತಿಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ಆರಮ್ಮಣಪಚ್ಚಯಾ… ಅಧಿಪತಿಪಚ್ಚಯಾ… (ಪಟಿಸನ್ಧಿಕ್ಖಣೇ ನತ್ಥಿ) ಅನನ್ತರಪಚ್ಚಯಾ… ಸಮನನ್ತರಪಚ್ಚಯಾ… ಸಹಜಾತಪಚ್ಚಯಾ… ಅಞ್ಞಮಞ್ಞಪಚ್ಚಯಾ… ನಿಸ್ಸಯಪಚ್ಚಯಾ… ಉಪನಿಸ್ಸಯಪಚ್ಚಯಾ… ಪುರೇಜಾತಪಚ್ಚಯಾ… (ಪುರೇಜಾತೇ ಪಟಿಸನ್ಧಿಕ್ಖಣೇ ನತ್ಥಿ) ಆಸೇವನಪಚ್ಚಯಾ… (ಆಸೇವನೇ ವಿಪಾಕಂ ನತ್ಥಿ) ಕಮ್ಮಪಚ್ಚಯಾ… ವಿಪಾಕಪಚ್ಚಯಾ… ಆಹಾರ…ಪೇ॰… ಇನ್ದ್ರಿಯ… ಝಾನ… ಮಗ್ಗ… ಸಮ್ಪಯುತ್ತ… ವಿಪ್ಪಯುತ್ತ… ಅತ್ಥಿ… ನತ್ಥಿ… ವಿಗತ… ಅವಿಗತಪಚ್ಚಯಾ।

    4. Pītisahagataṃ dhammaṃ paṭicca pītisahagato dhammo uppajjati ārammaṇapaccayā… adhipatipaccayā… (paṭisandhikkhaṇe natthi) anantarapaccayā… samanantarapaccayā… sahajātapaccayā… aññamaññapaccayā… nissayapaccayā… upanissayapaccayā… purejātapaccayā… (purejāte paṭisandhikkhaṇe natthi) āsevanapaccayā… (āsevane vipākaṃ natthi) kammapaccayā… vipākapaccayā… āhāra…pe… indriya… jhāna… magga… sampayutta… vippayutta… atthi… natthi… vigata… avigatapaccayā.

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ಸುದ್ಧಂ

    Suddhaṃ

    ೫. ಹೇತುಯಾ ದಸ, ಆರಮ್ಮಣೇ ದಸ, ಅಧಿಪತಿಯಾ ದಸ, ಅನನ್ತರೇ ಸಮನನ್ತರೇ ಸಹಜಾತೇ ಅಞ್ಞಮಞ್ಞೇ ನಿಸ್ಸಯೇ ಉಪನಿಸ್ಸಯೇ ಪುರೇಜಾತೇ ಆಸೇವನೇ ಕಮ್ಮೇ ವಿಪಾಕೇ ಆಹಾರೇ ಇನ್ದ್ರಿಯೇ ಝಾನೇ ಮಗ್ಗೇ ಸಮ್ಪಯುತ್ತೇ ವಿಪ್ಪಯುತ್ತೇ ಅತ್ಥಿಯಾ ನತ್ಥಿಯಾ ವಿಗತೇ ಅವಿಗತೇ ಸಬ್ಬತ್ಥ ದಸ।

    5. Hetuyā dasa, ārammaṇe dasa, adhipatiyā dasa, anantare samanantare sahajāte aññamaññe nissaye upanissaye purejāte āsevane kamme vipāke āhāre indriye jhāne magge sampayutte vippayutte atthiyā natthiyā vigate avigate sabbattha dasa.

    (ಏವಂ ಅನುಲೋಮಗಣನಾ ಗಣೇತಬ್ಬಾ।)

    (Evaṃ anulomagaṇanā gaṇetabbā.)

    ಅನುಲೋಮಂ।

    Anulomaṃ.

    ೨. ಪಚ್ಚಯಪಚ್ಚನೀಯಂ

    2. Paccayapaccanīyaṃ

    ೧. ವಿಭಙ್ಗವಾರೋ

    1. Vibhaṅgavāro

    ನಹೇತುಪಚ್ಚಯೋ

    Nahetupaccayo

    ೬. ಪೀತಿಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಪೀತಿಸಹಗತಂ ಏಕಂ ಖನ್ಧಂ ಪಟಿಚ್ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ। (೧)

    6. Pītisahagataṃ dhammaṃ paṭicca pītisahagato dhammo uppajjati nahetupaccayā – ahetukaṃ pītisahagataṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)

    ಪೀತಿಸಹಗತಂ ಧಮ್ಮಂ ಪಟಿಚ್ಚ ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಪೀತಿಸಹಗತಂ ಏಕಂ ಖನ್ಧಂ ಪಟಿಚ್ಚ ಸುಖಸಹಗತಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ। (೨)

    Pītisahagataṃ dhammaṃ paṭicca sukhasahagato dhammo uppajjati nahetupaccayā – ahetukaṃ pītisahagataṃ ekaṃ khandhaṃ paṭicca sukhasahagatā tayo khandhā…pe… dve khandhe paṭicca dve khandhā. (2)

    ಪೀತಿಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ಪೀತಿಸಹಗತಂ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ಚ ಸುಖಸಹಗತಾ ಚ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ। (೩)

    Pītisahagataṃ dhammaṃ paṭicca pītisahagato ca sukhasahagato ca dhammā uppajjanti nahetupaccayā – ahetukaṃ pītisahagataṃ ekaṃ khandhaṃ paṭicca pītisahagatā ca sukhasahagatā ca tayo khandhā…pe… dve khandhe paṭicca dve khandhā. (3)

    ೭. ಸುಖಸಹಗತಂ ಧಮ್ಮಂ ಪಟಿಚ್ಚ ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ। (೧)

    7. Sukhasahagataṃ dhammaṃ paṭicca sukhasahagato dhammo uppajjati nahetupaccayā – ahetukaṃ sukhasahagataṃ ekaṃ khandhaṃ paṭicca dve khandhā, dve khandhe paṭicca eko khandho. (1)

    ಸುಖಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ। (೨)

    Sukhasahagataṃ dhammaṃ paṭicca pītisahagato dhammo uppajjati nahetupaccayā – ahetukaṃ sukhasahagataṃ ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. (2)

    ಸುಖಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ಸುಖಸಹಗತಂ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ಚ ಸುಖಸಹಗತಾ ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ। (೩)

    Sukhasahagataṃ dhammaṃ paṭicca pītisahagato ca sukhasahagato ca dhammā uppajjanti nahetupaccayā – ahetukaṃ sukhasahagataṃ ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. (3)

    ೮. ಉಪೇಕ್ಖಾಸಹಗತಂ ಧಮ್ಮಂ ಪಟಿಚ್ಚ ಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಉಪೇಕ್ಖಾಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ। ಅಹೇತುಕಪಟಿಸನ್ಧಿಕ್ಖಣೇ ಉಪೇಕ್ಖಾಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ। ವಿಚಿಕಿಚ್ಛಾಸಹಗತೇ ಉದ್ಧಚ್ಚಸಹಗತೇ ಖನ್ಧೇ ಪಟಿಚ್ಚ ವಿಚಿಕಿಚ್ಛಾಸಹಗತೋ ಉದ್ಧಚ್ಚಸಹಗತೋ ಮೋಹೋ। (೧)

    8. Upekkhāsahagataṃ dhammaṃ paṭicca upekkhāsahagato dhammo uppajjati nahetupaccayā – ahetukaṃ upekkhāsahagataṃ ekaṃ khandhaṃ paṭicca dve khandhā, dve khandhe paṭicca eko khandho. Ahetukapaṭisandhikkhaṇe upekkhāsahagataṃ ekaṃ khandhaṃ paṭicca dve khandhā, dve khandhe paṭicca eko khandho. Vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)

    ೯. ಪೀತಿಸಹಗತಞ್ಚ ಸುಖಸಹಗತಞ್ಚ ಧಮ್ಮಂ ಪಟಿಚ್ಚ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಪೀತಿಸಹಗತಞ್ಚ ಸುಖಸಹಗತಞ್ಚ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ತಯೋ ಖನ್ಧಾ…ಪೇ॰… ದ್ವೇ ಖನ್ಧೇ ಪಟಿಚ್ಚ ದ್ವೇ ಖನ್ಧಾ। (೧)

    9. Pītisahagatañca sukhasahagatañca dhammaṃ paṭicca pītisahagato dhammo uppajjati nahetupaccayā – ahetukaṃ pītisahagatañca sukhasahagatañca ekaṃ khandhaṃ paṭicca pītisahagatā tayo khandhā…pe… dve khandhe paṭicca dve khandhā. (1)

    ಪೀತಿಸಹಗತಞ್ಚ ಸುಖಸಹಗತಞ್ಚ ಧಮ್ಮಂ ಪಟಿಚ್ಚ ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ನಹೇತುಪಚ್ಚಯಾ – ಅಹೇತುಕಂ ಪೀತಿಸಹಗತಞ್ಚ ಸುಖಸಹಗತಞ್ಚ ಏಕಂ ಖನ್ಧಂ ಪಟಿಚ್ಚ ಸುಖಸಹಗತಾ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ। (೨)

    Pītisahagatañca sukhasahagatañca dhammaṃ paṭicca sukhasahagato dhammo uppajjati nahetupaccayā – ahetukaṃ pītisahagatañca sukhasahagatañca ekaṃ khandhaṃ paṭicca sukhasahagatā dve khandhā, dve khandhe paṭicca eko khandho. (2)

    ಪೀತಿಸಹಗತಞ್ಚ ಸುಖಸಹಗತಞ್ಚ ಧಮ್ಮಂ ಪಟಿಚ್ಚ ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಉಪ್ಪಜ್ಜನ್ತಿ ನಹೇತುಪಚ್ಚಯಾ – ಅಹೇತುಕಂ ಪೀತಿಸಹಗತಞ್ಚ ಸುಖಸಹಗತಞ್ಚ ಏಕಂ ಖನ್ಧಂ ಪಟಿಚ್ಚ ಪೀತಿಸಹಗತಾ ಚ ಸುಖಸಹಗತಾ ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ। (೩)

    Pītisahagatañca sukhasahagatañca dhammaṃ paṭicca pītisahagato ca sukhasahagato ca dhammā uppajjanti nahetupaccayā – ahetukaṃ pītisahagatañca sukhasahagatañca ekaṃ khandhaṃ paṭicca pītisahagatā ca sukhasahagatā ca dve khandhā, dve khandhe paṭicca eko khandho. (3)

    ನಅಧಿಪತಿ-ನಆಸೇವನಪಚ್ಚಯಾ

    Naadhipati-naāsevanapaccayā

    ೧೦. ಪೀತಿಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ನಅಧಿಪತಿಪಚ್ಚಯಾ (ನಅಧಿಪತಿಪಟಿಸನ್ಧಿಕ್ಖಣೇ ಪರಿಪುಣ್ಣಂ)… ನಪುರೇಜಾತಪಚ್ಚಯಾ… (‘‘ಅರೂಪೇ’’ತಿ ನಿಯಾಮೇತಬ್ಬಂ ‘‘ಪಟಿಸನ್ಧಿಕ್ಖಣೇ’’ತಿ ಚ) ನಪಚ್ಛಾಜಾತಪಚ್ಚಯಾ… ನಆಸೇವನಪಚ್ಚಯಾ।

    10. Pītisahagataṃ dhammaṃ paṭicca pītisahagato dhammo uppajjati naadhipatipaccayā (naadhipatipaṭisandhikkhaṇe paripuṇṇaṃ)… napurejātapaccayā… (‘‘arūpe’’ti niyāmetabbaṃ ‘‘paṭisandhikkhaṇe’’ti ca) napacchājātapaccayā… naāsevanapaccayā.

    ನಕಮ್ಮಪಚ್ಚಯೋ

    Nakammapaccayo

    ೧೧. ಪೀತಿಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಪೀತಿಸಹಗತೇ ಖನ್ಧೇ ಪಟಿಚ್ಚ ಪೀತಿಸಹಗತಾ ಚೇತನಾ।

    11. Pītisahagataṃ dhammaṃ paṭicca pītisahagato dhammo uppajjati nakammapaccayā – pītisahagate khandhe paṭicca pītisahagatā cetanā.

    ಪೀತಿಸಹಗತಂ ಧಮ್ಮಂ ಪಟಿಚ್ಚ ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ನಕಮ್ಮಪಚ್ಚಯಾ – ಪೀತಿಸಹಗತೇ ಖನ್ಧೇ ಪಟಿಚ್ಚ ಸುಖಸಹಗತಾ ಚೇತನಾ।

    Pītisahagataṃ dhammaṃ paṭicca sukhasahagato dhammo uppajjati nakammapaccayā – pītisahagate khandhe paṭicca sukhasahagatā cetanā.

    (ಇಮಿನಾ ಕಾರಣೇನ ದಸ ಪಞ್ಹಾ ವಿತ್ಥಾರೇತಬ್ಬಾ।)

    (Iminā kāraṇena dasa pañhā vitthāretabbā.)

    ನವಿಪಾಕಪಚ್ಚಯೋ

    Navipākapaccayo

    ೧೨. ಪೀತಿಸಹಗತಂ ಧಮ್ಮಂ ಪಟಿಚ್ಚ ಪೀತಿಸಹಗತೋ ಧಮ್ಮೋ ಉಪ್ಪಜ್ಜತಿ ನವಿಪಾಕಪಚ್ಚಯಾ…ಪೇ॰… (ಪರಿಪುಣ್ಣಂ, ಪಟಿಸನ್ಧಿ ನತ್ಥಿ)।

    12. Pītisahagataṃ dhammaṃ paṭicca pītisahagato dhammo uppajjati navipākapaccayā…pe… (paripuṇṇaṃ, paṭisandhi natthi).

    ನಝಾನಪಚ್ಚಯಾದಿ

    Najhānapaccayādi

    ೧೩. ಸುಖಸಹಗತಂ ಧಮ್ಮಂ ಪಟಿಚ್ಚ ಸುಖಸಹಗತೋ ಧಮ್ಮೋ ಉಪ್ಪಜ್ಜತಿ ನಝಾನಪಚ್ಚಯಾ – ಸುಖಸಹಗತಂ ಕಾಯವಿಞ್ಞಾಣಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ। (೧)

    13. Sukhasahagataṃ dhammaṃ paṭicca sukhasahagato dhammo uppajjati najhānapaccayā – sukhasahagataṃ kāyaviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho. (1)

    ಉಪೇಕ್ಖಾಸಹಗತಂ ಧಮ್ಮಂ ಪಟಿಚ್ಚ ಉಪೇಕ್ಖಾಸಹಗತೋ ಧಮ್ಮೋ ಉಪ್ಪಜ್ಜತಿ ನಝಾನಪಚ್ಚಯಾ – ಚತುವಿಞ್ಞಾಣಸಹಗತಂ ಏಕಂ ಖನ್ಧಂ ಪಟಿಚ್ಚ ದ್ವೇ ಖನ್ಧಾ, ದ್ವೇ ಖನ್ಧೇ ಪಟಿಚ್ಚ ಏಕೋ ಖನ್ಧೋ। (೧)

    Upekkhāsahagataṃ dhammaṃ paṭicca upekkhāsahagato dhammo uppajjati najhānapaccayā – catuviññāṇasahagataṃ ekaṃ khandhaṃ paṭicca dve khandhā, dve khandhe paṭicca eko khandho. (1)

    (ನಮಗ್ಗಪಚ್ಚಯಾ ನಹೇತುಪಚ್ಚಯಸದಿಸಂ। ಮೋಹೋ ನತ್ಥಿ। ನವಿಪ್ಪಯುತ್ತಪಚ್ಚಯಾ ಪರಿಪುಣ್ಣಂ ಅರೂಪಪಞ್ಹಮೇವ।)

    (Namaggapaccayā nahetupaccayasadisaṃ. Moho natthi. Navippayuttapaccayā paripuṇṇaṃ arūpapañhameva.)

    ೨. ಪಚ್ಚಯಪಚ್ಚನೀಯಂ

    2. Paccayapaccanīyaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ಸುದ್ಧಂ

    Suddhaṃ

    ೧೪. ನಹೇತುಯಾ ದಸ, ನಅಧಿಪತಿಯಾ ದಸ, ನಪುರೇಜಾತೇ ನಪಚ್ಛಾಜಾತೇ ನಆಸೇವನೇ ನಕಮ್ಮೇ ನವಿಪಾಕೇ ದಸ, ನಝಾನೇ ದ್ವೇ, ನಮಗ್ಗೇ ದಸ, ನವಿಪ್ಪಯುತ್ತೇ ದಸ (ಪಚ್ಚನೀಯಂ ಪರಿಪುಣ್ಣಂ ಕಾತಬ್ಬಂ)।

    14. Nahetuyā dasa, naadhipatiyā dasa, napurejāte napacchājāte naāsevane nakamme navipāke dasa, najhāne dve, namagge dasa, navippayutte dasa (paccanīyaṃ paripuṇṇaṃ kātabbaṃ).

    ಪಚ್ಚನೀಯಂ।

    Paccanīyaṃ.

    ೩. ಪಚ್ಚಯಾನುಲೋಮಪಚ್ಚನೀಯಂ

    3. Paccayānulomapaccanīyaṃ

    ದುಕಂ

    Dukaṃ

    ೧೫. ಹೇತುಪಚ್ಚಯಾ ನಅಧಿಪತಿಯಾ ದಸ, ನಪುರೇಜಾತೇ ದಸ, ನಪಚ್ಛಾಜಾತೇ ನಆಸೇವನೇ ನಕಮ್ಮೇ ನವಿಪಾಕೇ ನವಿಪ್ಪಯುತ್ತೇ ದಸ।

    15. Hetupaccayā naadhipatiyā dasa, napurejāte dasa, napacchājāte naāsevane nakamme navipāke navippayutte dasa.

    (ಅನುಲೋಮಪಚ್ಚನೀಯಂ ವಿತ್ಥಾರೇನ ಗಣೇತಬ್ಬಂ।)

    (Anulomapaccanīyaṃ vitthārena gaṇetabbaṃ.)

    ಅನುಲೋಮಪಚ್ಚನೀಯಂ।

    Anulomapaccanīyaṃ.

    ೪. ಪಚ್ಚಯಪಚ್ಚನೀಯಾನುಲೋಮಂ

    4. Paccayapaccanīyānulomaṃ

    ದುಕಂ

    Dukaṃ

    ೧೬. ನಹೇತುಪಚ್ಚಯಾ ಆರಮ್ಮಣೇ ದಸ, ಅನನ್ತರೇ ದಸ, ಸಮನನ್ತರೇ ದಸ, ಸಹಜಾತೇ ಅಞ್ಞಮಞ್ಞೇ ನಿಸ್ಸಯೇ ಉಪನಿಸ್ಸಯೇ ಪುರೇಜಾತೇ ಆಸೇವನೇ ಕಮ್ಮೇ ವಿಪಾಕೇ ಆಹಾರೇ ಇನ್ದ್ರಿಯೇ ಝಾನೇ ಸಬ್ಬೇ ದಸ, ಮಗ್ಗೇ ಏಕಂ, ಸಮ್ಪಯುತ್ತೇ ದಸ, ವಿಪ್ಪಯುತ್ತೇ ಅತ್ಥಿಯಾ ನತ್ಥಿಯಾ ವಿಗತೇ ಅವಿಗತೇ ಸಬ್ಬೇ ದಸ।

    16. Nahetupaccayā ārammaṇe dasa, anantare dasa, samanantare dasa, sahajāte aññamaññe nissaye upanissaye purejāte āsevane kamme vipāke āhāre indriye jhāne sabbe dasa, magge ekaṃ, sampayutte dasa, vippayutte atthiyā natthiyā vigate avigate sabbe dasa.

    ಪಚ್ಚನೀಯಾನುಲೋಮಂ।

    Paccanīyānulomaṃ.

    ಪಟಿಚ್ಚವಾರೋ।

    Paṭiccavāro.

    ೨-೬. ಸಹಜಾತ-ಪಚ್ಚಯ-ನಿಸ್ಸಯ-ಸಂಸಟ್ಠ-ಸಮ್ಪಯುತ್ತವಾರೋ

    2-6. Sahajāta-paccaya-nissaya-saṃsaṭṭha-sampayuttavāro

    (ಸಹಜಾತವಾರೋಪಿ ಪಚ್ಚಯವಾರೋಪಿ ನಿಸ್ಸಯವಾರೋಪಿ ಸಂಸಟ್ಠವಾರೋಪಿ ಸಮ್ಪಯುತ್ತವಾರೋಪಿ ಪಟಿಚ್ಚವಾರಸದಿಸಾ।)

    (Sahajātavāropi paccayavāropi nissayavāropi saṃsaṭṭhavāropi sampayuttavāropi paṭiccavārasadisā.)

    ೭. ಪಞ್ಹಾವಾರೋ

    7. Pañhāvāro

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೧. ವಿಭಙ್ಗವಾರೋ

    1. Vibhaṅgavāro

    ಹೇತುಪಚ್ಚಯೋ

    Hetupaccayo

    ೧೭. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಪೀತಿಸಹಗತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ। ಪಟಿಸನ್ಧಿಕ್ಖಣೇ ಪೀತಿಸಹಗತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ। (೧)

    17. Pītisahagato dhammo pītisahagatassa dhammassa hetupaccayena paccayo – pītisahagatā hetū sampayuttakānaṃ khandhānaṃ hetupaccayena paccayo. Paṭisandhikkhaṇe pītisahagatā hetū sampayuttakānaṃ khandhānaṃ hetupaccayena paccayo. (1)

    ಪೀತಿಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಪೀತಿಸಹಗತಾ ಹೇತೂ ಸಮ್ಪಯುತ್ತಕಾನಂ ಸುಖಸಹಗತಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ। ಪಟಿಸನ್ಧಿಕ್ಖಣೇ…ಪೇ॰…। (೨)

    Pītisahagato dhammo sukhasahagatassa dhammassa hetupaccayena paccayo – pītisahagatā hetū sampayuttakānaṃ sukhasahagatānaṃ khandhānaṃ hetupaccayena paccayo. Paṭisandhikkhaṇe…pe…. (2)

    ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಪೀತಿಸಹಗತಾ ಹೇತೂ ಸಮ್ಪಯುತ್ತಕಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ। ಪಟಿಸನ್ಧಿಕ್ಖಣೇ…ಪೇ॰…। (೩)

    Pītisahagato dhammo pītisahagatassa ca sukhasahagatassa ca dhammassa hetupaccayena paccayo – pītisahagatā hetū sampayuttakānaṃ pītisahagatānañca sukhasahagatānañca khandhānaṃ hetupaccayena paccayo. Paṭisandhikkhaṇe…pe…. (3)

    ೧೮. ಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ…ಪೇ॰… ಪೀತಿಸಹಗತಸ್ಸ ಧಮ್ಮಸ್ಸ…ಪೇ॰… ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ…ಪೇ॰… (ಸುಖಮೂಲೇ ತೀಣಿ)।

    18. Sukhasahagato dhammo sukhasahagatassa dhammassa…pe… pītisahagatassa dhammassa…pe… pītisahagatassa ca sukhasahagatassa ca dhammassa…pe… (sukhamūle tīṇi).

    ಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಉಪೇಕ್ಖಾಸಹಗತಾ ಹೇತೂ ಸಮ್ಪಯುತ್ತಕಾನಂ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ। ಪಟಿಸನ್ಧಿಕ್ಖಣೇ…ಪೇ॰…। (೧)

    Upekkhāsahagato dhammo upekkhāsahagatassa dhammassa hetupaccayena paccayo – upekkhāsahagatā hetū sampayuttakānaṃ khandhānaṃ hetupaccayena paccayo. Paṭisandhikkhaṇe…pe…. (1)

    ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಧಮ್ಮಸ್ಸ…ಪೇ॰… ಸುಖಸಹಗತಸ್ಸ ಧಮ್ಮಸ್ಸ…ಪೇ॰… ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಹೇತುಪಚ್ಚಯೇನ ಪಚ್ಚಯೋ – ಪೀತಿಸಹಗತಾ ಚ ಸುಖಸಹಗತಾ ಚ ಹೇತೂ ಸಮ್ಪಯುತ್ತಕಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ ಹೇತುಪಚ್ಚಯೇನ ಪಚ್ಚಯೋ। ಪಟಿಸನ್ಧಿಕ್ಖಣೇ…ಪೇ॰…। (೨)

    Pītisahagato ca sukhasahagato ca dhammā pītisahagatassa dhammassa…pe… sukhasahagatassa dhammassa…pe… pītisahagatassa ca sukhasahagatassa ca dhammassa hetupaccayena paccayo – pītisahagatā ca sukhasahagatā ca hetū sampayuttakānaṃ pītisahagatānañca sukhasahagatānañca khandhānaṃ hetupaccayena paccayo. Paṭisandhikkhaṇe…pe…. (2)

    ಆರಮ್ಮಣಪಚ್ಚಯೋ

    Ārammaṇapaccayo

    ೧೯. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಪೀತಿಸಹಗತೇನ ಚಿತ್ತೇನ ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಪೀತಿಸಹಗತೇನ ಚಿತ್ತೇನ ಪಚ್ಚವೇಕ್ಖತಿ, ಪೀತಿಸಹಗತಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ತಂ ಪೀತಿಸಹಗತೇನ ಚಿತ್ತೇನ ಪಚ್ಚವೇಕ್ಖತಿ। ಅರಿಯಾ ಪೀತಿಸಹಗತೇನ ಚಿತ್ತೇನ ಪೀತಿಸಹಗತೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ। ಪೀತಿಸಹಗತೇ ಖನ್ಧೇ ಪೀತಿಸಹಗತೇನ ಚಿತ್ತೇನ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ ಅಸ್ಸಾದೇನ್ತಿ ಅಭಿನನ್ದನ್ತಿ; ತಂ ಆರಬ್ಭ ಪೀತಿಸಹಗತೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಪೀತಿಸಹಗತೇ ಖನ್ಧೇ ಆರಬ್ಭ ಪೀತಿಸಹಗತಾ ಖನ್ಧಾ ಉಪ್ಪಜ್ಜನ್ತಿ। (೧)

    19. Pītisahagato dhammo pītisahagatassa dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ pītisahagatena cittena paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ pītisahagatena cittena paccavekkhati. Ariyā pītisahagatena cittena pītisahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Pītisahagate khandhe pītisahagatena cittena aniccato dukkhato anattato vipassanti assādenti abhinandanti; taṃ ārabbha pītisahagato rāgo uppajjati, diṭṭhi uppajjati. Pītisahagate khandhe ārabbha pītisahagatā khandhā uppajjanti. (1)

    ಪೀತಿಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಪೀತಿಸಹಗತೇನ ಚಿತ್ತೇನ ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಸುಖಸಹಗತೇನ ಚಿತ್ತೇನ ಪಚ್ಚವೇಕ್ಖತಿ, ಪೀತಿಸಹಗತಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ತಂ ಸುಖಸಹಗತೇನ ಚಿತ್ತೇನ ಪಚ್ಚವೇಕ್ಖತಿ। ಅರಿಯಾ ಸುಖಸಹಗತೇನ ಚಿತ್ತೇನ ಪೀತಿಸಹಗತೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ। ಪೀತಿಸಹಗತೇ ಖನ್ಧೇ ಸುಖಸಹಗತೇನ ಚಿತ್ತೇನ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ ಅಸ್ಸಾದೇನ್ತಿ ಅಭಿನನ್ದನ್ತಿ; ತಂ ಆರಬ್ಭ ಸುಖಸಹಗತೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಪೀತಿಸಹಗತೇ ಖನ್ಧೇ ಆರಬ್ಭ ಸುಖಸಹಗತಾ ಖನ್ಧಾ ಉಪ್ಪಜ್ಜನ್ತಿ। (೨)

    Pītisahagato dhammo sukhasahagatassa dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ sukhasahagatena cittena paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ sukhasahagatena cittena paccavekkhati. Ariyā sukhasahagatena cittena pītisahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Pītisahagate khandhe sukhasahagatena cittena aniccato dukkhato anattato vipassanti assādenti abhinandanti; taṃ ārabbha sukhasahagato rāgo uppajjati, diṭṭhi uppajjati. Pītisahagate khandhe ārabbha sukhasahagatā khandhā uppajjanti. (2)

    ಪೀತಿಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಪೀತಿಸಹಗತೇನ ಚಿತ್ತೇನ ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಉಪೇಕ್ಖಾಸಹಗತೇನ ಚಿತ್ತೇನ ಪಚ್ಚವೇಕ್ಖತಿ, ಪೀತಿಸಹಗತಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ತಂ ಉಪೇಕ್ಖಾಸಹಗತೇನ ಚಿತ್ತೇನ ಪಚ್ಚವೇಕ್ಖತಿ। ಅರಿಯಾ ಉಪೇಕ್ಖಾಸಹಗತೇನ ಚಿತ್ತೇನ ಪೀತಿಸಹಗತೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ। ಪೀತಿಸಹಗತೇ ಖನ್ಧೇ ಉಪೇಕ್ಖಾಸಹಗತೇನ ಚಿತ್ತೇನ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ ಅಸ್ಸಾದೇನ್ತಿ ಅಭಿನನ್ದನ್ತಿ; ತಂ ಆರಬ್ಭ ಉಪೇಕ್ಖಾಸಹಗತೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ। ಚೇತೋಪರಿಯಞಾಣೇನ ಪೀತಿಸಹಗತಚಿತ್ತಸಮಙ್ಗಿಸ್ಸ ಚಿತ್ತಂ ಜಾನನ್ತಿ, ಪೀತಿಸಹಗತಾ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। ಪೀತಿಸಹಗತೇ ಖನ್ಧೇ ಆರಬ್ಭ ಉಪೇಕ್ಖಾಸಹಗತಾ ಖನ್ಧಾ ಉಪ್ಪಜ್ಜನ್ತಿ। (೩)

    Pītisahagato dhammo upekkhāsahagatassa dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ upekkhāsahagatena cittena paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ upekkhāsahagatena cittena paccavekkhati. Ariyā upekkhāsahagatena cittena pītisahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Pītisahagate khandhe upekkhāsahagatena cittena aniccato dukkhato anattato vipassanti assādenti abhinandanti; taṃ ārabbha upekkhāsahagato rāgo uppajjati, diṭṭhi uppajjati, vicikicchā uppajjati, uddhaccaṃ uppajjati. Cetopariyañāṇena pītisahagatacittasamaṅgissa cittaṃ jānanti, pītisahagatā khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. Pītisahagate khandhe ārabbha upekkhāsahagatā khandhā uppajjanti. (3)

    ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಪೀತಿಸಹಗತೇನ ಚಿತ್ತೇನ ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ಪಚ್ಚವೇಕ್ಖತಿ, ಪೀತಿಸಹಗತಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ತಂ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ಪಚ್ಚವೇಕ್ಖತಿ। ಅರಿಯಾ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ಪೀತಿಸಹಗತೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ , ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ। ಪೀತಿಸಹಗತೇ ಖನ್ಧೇ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ ಅಸ್ಸಾದೇನ್ತಿ ಅಭಿನನ್ದನ್ತಿ; ತಂ ಆರಬ್ಭ ಪೀತಿಸಹಗತೋ ಚ ಸುಖಸಹಗತೋ ಚ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಪೀತಿಸಹಗತೇ ಖನ್ಧೇ ಆರಬ್ಭ ಪೀತಿಸಹಗತಾ ಚ ಸುಖಸಹಗತಾ ಚ ಖನ್ಧಾ ಉಪ್ಪಜ್ಜನ್ತಿ। (೪)

    Pītisahagato dhammo pītisahagatassa ca sukhasahagatassa ca dhammassa ārammaṇapaccayena paccayo – pītisahagatena cittena dānaṃ datvā sīlaṃ samādiyitvā uposathakammaṃ katvā taṃ pītisahagatena ca sukhasahagatena ca cittena paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ pītisahagatena ca sukhasahagatena ca cittena paccavekkhati. Ariyā pītisahagatena ca sukhasahagatena ca cittena pītisahagate pahīne kilese paccavekkhanti, vikkhambhite kilese paccavekkhanti , pubbe samudāciṇṇe kilese jānanti. Pītisahagate khandhe pītisahagatena ca sukhasahagatena ca cittena aniccato dukkhato anattato vipassanti assādenti abhinandanti; taṃ ārabbha pītisahagato ca sukhasahagato ca rāgo uppajjati, diṭṭhi uppajjati. Pītisahagate khandhe ārabbha pītisahagatā ca sukhasahagatā ca khandhā uppajjanti. (4)

    ೨೦. ಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸುಖಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ…ಪೇ॰… ಉಪೇಕ್ಖಾಸಹಗತಸ್ಸ ಧಮ್ಮಸ್ಸ…ಪೇ॰… ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಸುಖಸಹಗತೇ ಖನ್ಧೇ ಆರಬ್ಭ ಪೀತಿಸಹಗತಾ ಚ ಸುಖಸಹಗತಾ ಚ ಖನ್ಧಾ ಉಪ್ಪಜ್ಜನ್ತಿ। (೪)

    20. Sukhasahagato dhammo sukhasahagatassa dhammassa ārammaṇapaccayena paccayo… sukhasahagato dhammo pītisahagatassa dhammassa…pe… upekkhāsahagatassa dhammassa…pe… pītisahagatassa ca sukhasahagatassa ca dhammassa ārammaṇapaccayena paccayo – sukhasahagate khandhe ārabbha pītisahagatā ca sukhasahagatā ca khandhā uppajjanti. (4)

    ಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಉಪೇಕ್ಖಾಸಹಗತೇನ ಚಿತ್ತೇನ ಪಚ್ಚವೇಕ್ಖತಿ, ಉಪೇಕ್ಖಾಸಹಗತಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ತಂ ಉಪೇಕ್ಖಾಸಹಗತೇನ ಚಿತ್ತೇನ ಪಚ್ಚವೇಕ್ಖತಿ। ಅರಿಯಾ ಉಪೇಕ್ಖಾಸಹಗತೇನ ಚಿತ್ತೇನ ಉಪೇಕ್ಖಾಸಹಗತೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ। ಉಪೇಕ್ಖಾಸಹಗತೇ ಖನ್ಧೇ ಉಪೇಕ್ಖಾಸಹಗತೇನ ಚಿತ್ತೇನ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ ಅಸ್ಸಾದೇನ್ತಿ ಅಭಿನನ್ದನ್ತಿ; ತಂ ಆರಬ್ಭ ಉಪೇಕ್ಖಾಸಹಗತೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ। ಚೇತೋಪರಿಯಞಾಣೇನ ಉಪೇಕ್ಖಾಸಹಗತಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ। ಆಕಾಸಾನಞ್ಚಾಯತನಂ ವಿಞ್ಞಾಣಞ್ಚಾಯತನಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ…ಪೇ॰… ಆಕಿಞ್ಚಞ್ಞಾಯತನಂ ನೇವಸಞ್ಞಾನಾಸಞ್ಞಾಯತನಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ। ಉಪೇಕ್ಖಾಸಹಗತಾ ಖನ್ಧಾ ಇದ್ಧಿವಿಧಞಾಣಸ್ಸ, ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। ಉಪೇಕ್ಖಾಸಹಗತೇ ಖನ್ಧೇ ಆರಬ್ಭ ಉಪೇಕ್ಖಾಸಹಗತಾ ಖನ್ಧಾ ಉಪ್ಪಜ್ಜನ್ತಿ। (೧)

    Upekkhāsahagato dhammo upekkhāsahagatassa dhammassa ārammaṇapaccayena paccayo – upekkhāsahagatena cittena dānaṃ datvā sīlaṃ samādiyitvā uposathakammaṃ katvā taṃ upekkhāsahagatena cittena paccavekkhati, upekkhāsahagatā jhānā vuṭṭhahitvā, maggā vuṭṭhahitvā, phalā vuṭṭhahitvā taṃ upekkhāsahagatena cittena paccavekkhati. Ariyā upekkhāsahagatena cittena upekkhāsahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Upekkhāsahagate khandhe upekkhāsahagatena cittena aniccato dukkhato anattato vipassanti assādenti abhinandanti; taṃ ārabbha upekkhāsahagato rāgo uppajjati, diṭṭhi uppajjati, vicikicchā uppajjati, uddhaccaṃ uppajjati. Cetopariyañāṇena upekkhāsahagatacittasamaṅgissa cittaṃ jānāti. Ākāsānañcāyatanaṃ viññāṇañcāyatanassa ārammaṇapaccayena paccayo…pe… ākiñcaññāyatanaṃ nevasaññānāsaññāyatanassa ārammaṇapaccayena paccayo. Upekkhāsahagatā khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa āvajjanāya ārammaṇapaccayena paccayo. Upekkhāsahagate khandhe ārabbha upekkhāsahagatā khandhā uppajjanti. (1)

    ಉಪೇಕ್ಖಾಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ…ಪೇ॰… ಸುಖಸಹಗತಸ್ಸ ಧಮ್ಮಸ್ಸ…ಪೇ॰… ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ತಂ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ಪಚ್ಚವೇಕ್ಖತಿ, ಉಪೇಕ್ಖಾಸಹಗತಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ ಫಲಾ ವುಟ್ಠಹಿತ್ವಾ, ತಂ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ಪಚ್ಚವೇಕ್ಖತಿ। ಅರಿಯಾ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ಉಪೇಕ್ಖಾಸಹಗತೇ ಪಹೀನೇ ಕಿಲೇಸೇ ಪಚ್ಚವೇಕ್ಖನ್ತಿ, ವಿಕ್ಖಮ್ಭಿತೇ ಕಿಲೇಸೇ ಪಚ್ಚವೇಕ್ಖನ್ತಿ, ಪುಬ್ಬೇ ಸಮುದಾಚಿಣ್ಣೇ ಕಿಲೇಸೇ ಜಾನನ್ತಿ। ಉಪೇಕ್ಖಾಸಹಗತೇ ಖನ್ಧೇ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸನ್ತಿ ಅಸ್ಸಾದೇನ್ತಿ ಅಭಿನನ್ದನ್ತಿ; ತಂ ಆರಬ್ಭ ಪೀತಿಸಹಗತೋ ಚ ಸುಖಸಹಗತೋ ಚ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಉಪೇಕ್ಖಾಸಹಗತೇ ಖನ್ಧೇ ಆರಬ್ಭ ಪೀತಿಸಹಗತಾ ಚ ಸುಖಸಹಗತಾ ಚ ಖನ್ಧಾ ಉಪ್ಪಜ್ಜನ್ತಿ। (೩)

    Upekkhāsahagato dhammo pītisahagatassa dhammassa…pe… sukhasahagatassa dhammassa…pe… pītisahagatassa ca sukhasahagatassa ca dhammassa ārammaṇapaccayena paccayo – upekkhāsahagatena cittena dānaṃ datvā sīlaṃ samādiyitvā uposathakammaṃ katvā taṃ pītisahagatena ca sukhasahagatena ca cittena paccavekkhati, upekkhāsahagatā jhānā vuṭṭhahitvā, maggā vuṭṭhahitvā phalā vuṭṭhahitvā, taṃ pītisahagatena ca sukhasahagatena ca cittena paccavekkhati. Ariyā pītisahagatena ca sukhasahagatena ca cittena upekkhāsahagate pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Upekkhāsahagate khandhe pītisahagatena ca sukhasahagatena ca cittena aniccato dukkhato anattato vipassanti assādenti abhinandanti; taṃ ārabbha pītisahagato ca sukhasahagato ca rāgo uppajjati, diṭṭhi uppajjati. Upekkhāsahagate khandhe ārabbha pītisahagatā ca sukhasahagatā ca khandhā uppajjanti. (3)

    ೨೧. ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಧಮ್ಮಸ್ಸ…ಪೇ॰… ಸುಖಸಹಗತಸ್ಸ ಧಮ್ಮಸ್ಸ…ಪೇ॰… ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ – ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ…ಪೇ॰… ಪೀತಿಸಹಗತೇ ಚ ಸುಖಸಹಗತೇ ಚ ಖನ್ಧೇ ಉಪೇಕ್ಖಾಸಹಗತೇನ ಚಿತ್ತೇನ ಅನಿಚ್ಚತೋ ದುಕ್ಖತೋ ಅನತ್ತತೋ ವಿಪಸ್ಸತಿ ಅಸ್ಸಾದೇತಿ ಅಭಿನನ್ದತಿ; ತಂ ಆರಬ್ಭ ಉಪೇಕ್ಖಾಸಹಗತೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ, ವಿಚಿಕಿಚ್ಛಾ ಉಪ್ಪಜ್ಜತಿ, ಉದ್ಧಚ್ಚಂ ಉಪ್ಪಜ್ಜತಿ। ಚೇತೋಪರಿಯಞಾಣೇನ ಪೀತಿಸಹಗತಸುಖಸಹಗತಚಿತ್ತಸಮಙ್ಗಿಸ್ಸ ಚಿತ್ತಂ ಜಾನಾತಿ। ಪೀತಿಸಹಗತಾ ಚ ಸುಖಸಹಗತಾ ಚ ಖನ್ಧಾ ಚೇತೋಪರಿಯಞಾಣಸ್ಸ, ಪುಬ್ಬೇನಿವಾಸಾನುಸ್ಸತಿಞಾಣಸ್ಸ, ಯಥಾಕಮ್ಮೂಪಗಞಾಣಸ್ಸ, ಅನಾಗತಂಸಞಾಣಸ್ಸ, ಆವಜ್ಜನಾಯ ಆರಮ್ಮಣಪಚ್ಚಯೇನ ಪಚ್ಚಯೋ। ಪೀತಿಸಹಗತೇ ಚ ಸುಖಸಹಗತೇ ಚ ಖನ್ಧೇ ಆರಬ್ಭ ಉಪೇಕ್ಖಾಸಹಗತಾ ಖನ್ಧಾ ಉಪ್ಪಜ್ಜನ್ತಿ। (೩)

    21. Pītisahagato ca sukhasahagato ca dhammā pītisahagatassa dhammassa…pe… sukhasahagatassa dhammassa…pe… upekkhāsahagatassa dhammassa ārammaṇapaccayena paccayo – pītisahagatena ca sukhasahagatena ca cittena dānaṃ datvā sīlaṃ samādiyitvā uposathakammaṃ katvā…pe… pītisahagate ca sukhasahagate ca khandhe upekkhāsahagatena cittena aniccato dukkhato anattato vipassati assādeti abhinandati; taṃ ārabbha upekkhāsahagato rāgo uppajjati, diṭṭhi uppajjati, vicikicchā uppajjati, uddhaccaṃ uppajjati. Cetopariyañāṇena pītisahagatasukhasahagatacittasamaṅgissa cittaṃ jānāti. Pītisahagatā ca sukhasahagatā ca khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. Pītisahagate ca sukhasahagate ca khandhe ārabbha upekkhāsahagatā khandhā uppajjanti. (3)

    ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ (ಸಂಖಿತ್ತಂ)। (೪)

    Pītisahagato ca sukhasahagato ca dhammā pītisahagatassa ca sukhasahagatassa ca dhammassa ārammaṇapaccayena paccayo (saṃkhittaṃ). (4)

    ಅಧಿಪತಿಪಚ್ಚಯೋ

    Adhipatipaccayo

    ೨೨. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಪೀತಿಸಹಗತೇನ ಚಿತ್ತೇನ ದಾನಂ ದತ್ವಾ ಸೀಲಂ ಸಮಾದಿಯಿತ್ವಾ ಉಪೋಸಥಕಮ್ಮಂ ಕತ್ವಾ ಪೀತಿಸಹಗತೇನ ಚಿತ್ತೇನ ತಂ ಗರುಂ ಕತ್ವಾ ಪಚ್ಚವೇಕ್ಖತಿ, ಪೀತಿಸಹಗತಾ ಝಾನಾ ವುಟ್ಠಹಿತ್ವಾ, ಮಗ್ಗಾ ವುಟ್ಠಹಿತ್ವಾ, ಫಲಾ ವುಟ್ಠಹಿತ್ವಾ ಪೀತಿಸಹಗತೇನ ಚಿತ್ತೇನ ತಂ ಗರುಂ ಕತ್ವಾ ಪಚ್ಚವೇಕ್ಖತಿ। ಪೀತಿಸಹಗತೇ ಖನ್ಧೇ ಪೀತಿಸಹಗತೇನ ಚಿತ್ತೇನ ಗರುಂ ಕತ್ವಾ ಅಸ್ಸಾದೇತಿ ಅಭಿನನ್ದತಿ; ತಂ ಗರುಂ ಕತ್ವಾ ಪೀತಿಸಹಗತೋ ರಾಗೋ ಉಪ್ಪಜ್ಜತಿ, ದಿಟ್ಠಿ ಉಪ್ಪಜ್ಜತಿ। ಸಹಜಾತಾಧಿಪತಿ – ಪೀತಿಸಹಗತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

    22. Pītisahagato dhammo pītisahagatassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – pītisahagatena cittena dānaṃ datvā sīlaṃ samādiyitvā uposathakammaṃ katvā pītisahagatena cittena taṃ garuṃ katvā paccavekkhati, pītisahagatā jhānā vuṭṭhahitvā, maggā vuṭṭhahitvā, phalā vuṭṭhahitvā pītisahagatena cittena taṃ garuṃ katvā paccavekkhati. Pītisahagate khandhe pītisahagatena cittena garuṃ katvā assādeti abhinandati; taṃ garuṃ katvā pītisahagato rāgo uppajjati, diṭṭhi uppajjati. Sahajātādhipati – pītisahagatādhipati sampayuttakānaṃ khandhānaṃ adhipatipaccayena paccayo. (1)

    ಪೀತಿಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಪೀತಿಸಹಗತೇನ ಚಿತ್ತೇನ ದಾನಂ ದತ್ವಾ…ಪೇ॰…। ಸಹಜಾತಾಧಿಪತಿ – ಪೀತಿಸಹಗತಾಧಿಪತಿ ಸಮ್ಪಯುತ್ತಕಾನಂ ಸುಖಸಹಗತಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೨)

    Pītisahagato dhammo sukhasahagatassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – pītisahagatena cittena dānaṃ datvā…pe…. Sahajātādhipati – pītisahagatādhipati sampayuttakānaṃ sukhasahagatānaṃ khandhānaṃ adhipatipaccayena paccayo. (2)

    ಪೀತಿಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ। ಆರಮ್ಮಣಾಧಿಪತಿ – ಪೀತಿಸಹಗತೇನ ಚಿತ್ತೇನ ದಾನಂ ದತ್ವಾ…ಪೇ॰… ಉಪೇಕ್ಖಾಸಹಗತೇನ ಚಿತ್ತೇನ (ಸಂಖಿತ್ತಂ)। (೩)

    Pītisahagato dhammo upekkhāsahagatassa dhammassa adhipatipaccayena paccayo. Ārammaṇādhipati – pītisahagatena cittena dānaṃ datvā…pe… upekkhāsahagatena cittena (saṃkhittaṃ). (3)

    ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಪೀತಿಸಹಗತೇನ ಚಿತ್ತೇನ ದಾನಂ ದತ್ವಾ…ಪೇ॰…। ಸಹಜಾತಾಧಿಪತಿ – ಪೀತಿಸಹಗತಾಧಿಪತಿ ಸಮ್ಪಯುತ್ತಕಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೪)

    Pītisahagato dhammo pītisahagatassa ca sukhasahagatassa ca dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – pītisahagatena cittena dānaṃ datvā…pe…. Sahajātādhipati – pītisahagatādhipati sampayuttakānaṃ pītisahagatānañca sukhasahagatānañca khandhānaṃ adhipatipaccayena paccayo. (4)

    ೨೩. ಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ। ಆರಮ್ಮಣಾಧಿಪತಿ – ಸುಖಸಹಗತೇನ ಚಿತ್ತೇನ ದಾನಂ ದತ್ವಾ…ಪೇ॰…। ಸಹಜಾತಾಧಿಪತಿ – ಸುಖಸಹಗತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

    23. Sukhasahagato dhammo sukhasahagatassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – sukhasahagatena cittena dānaṃ datvā…pe…. Sahajātādhipati – sukhasahagatādhipati sampayuttakānaṃ khandhānaṃ adhipatipaccayena paccayo. (1)

    ಸುಖಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ…ಪೇ॰…। ಸಹಜಾತಾಧಿಪತಿ – ಸುಖಸಹಗತಾಧಿಪತಿ ಸಮ್ಪಯುತ್ತಕಾನಂ ಪೀತಿಸಹಗತಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೨)

    Sukhasahagato dhammo pītisahagatassa dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – sukhasahagatādhipati sampayuttakānaṃ pītisahagatānaṃ khandhānaṃ adhipatipaccayena paccayo. (2)

    ಸುಖಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ (ಸಂಖಿತ್ತಂ)। (೩)

    Sukhasahagato dhammo upekkhāsahagatassa dhammassa adhipatipaccayena paccayo – ārammaṇādhipati (saṃkhittaṃ). (3)

    ಸುಖಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ…ಪೇ॰…। ಸಹಜಾತಾಧಿಪತಿ – ಸುಖಸಹಗತಾಧಿಪತಿ ಸಮ್ಪಯುತ್ತಕಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೪)

    Sukhasahagato dhammo pītisahagatassa ca sukhasahagatassa ca dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – sukhasahagatādhipati sampayuttakānaṃ pītisahagatānañca sukhasahagatānañca khandhānaṃ adhipatipaccayena paccayo. (4)

    ೨೪. ಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ…ಪೇ॰…। ಸಹಜಾತಾಧಿಪತಿ – ಉಪೇಕ್ಖಾಸಹಗತಾಧಿಪತಿ ಸಮ್ಪಯುತ್ತಕಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

    24. Upekkhāsahagato dhammo upekkhāsahagatassa dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – upekkhāsahagatādhipati sampayuttakānaṃ khandhānaṃ adhipatipaccayena paccayo. (1)

    ಉಪೇಕ್ಖಾಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ (ಸಂಖಿತ್ತಂ)। (೨)

    Upekkhāsahagato dhammo pītisahagatassa dhammassa adhipatipaccayena paccayo – ārammaṇādhipati (saṃkhittaṃ). (2)

    ಉಪೇಕ್ಖಾಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ (ಸಂಖಿತ್ತಂ)। (೩)

    Upekkhāsahagato dhammo sukhasahagatassa dhammassa adhipatipaccayena paccayo – ārammaṇādhipati (saṃkhittaṃ). (3)

    ಉಪೇಕ್ಖಾಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ (ಸಂಖಿತ್ತಂ)। (೪)

    Upekkhāsahagato dhammo pītisahagatassa ca sukhasahagatassa ca dhammassa adhipatipaccayena paccayo – ārammaṇādhipati (saṃkhittaṃ). (4)

    ೨೫. ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ…ಪೇ॰…। ಸಹಜಾತಾಧಿಪತಿ – ಪೀತಿಸಹಗತಾ ಚ ಸುಖಸಹಗತಾ ಚ ಅಧಿಪತಿ ಸಮ್ಪಯುತ್ತಕಾನಂ ಪೀತಿಸಹಗತಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೧)

    25. Pītisahagato ca sukhasahagato ca dhammā pītisahagatassa dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – pītisahagatā ca sukhasahagatā ca adhipati sampayuttakānaṃ pītisahagatānaṃ khandhānaṃ adhipatipaccayena paccayo. (1)

    ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಸುಖಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ…ಪೇ॰…। ಸಹಜಾತಾಧಿಪತಿ – ಪೀತಿಸಹಗತಾ ಚ ಸುಖಸಹಗತಾ ಚ ಅಧಿಪತಿ ಸಮ್ಪಯುತ್ತಕಾನಂ ಸುಖಸಹಗತಾನಂ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೨)

    Pītisahagato ca sukhasahagato ca dhammā sukhasahagatassa dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – pītisahagatā ca sukhasahagatā ca adhipati sampayuttakānaṃ sukhasahagatānaṃ khandhānaṃ adhipatipaccayena paccayo. (2)

    ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ (ಸಂಖಿತ್ತಂ)। (೩)

    Pītisahagato ca sukhasahagato ca dhammā upekkhāsahagatassa dhammassa adhipatipaccayena paccayo – ārammaṇādhipati (saṃkhittaṃ). (3)

    ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಅಧಿಪತಿಪಚ್ಚಯೇನ ಪಚ್ಚಯೋ – ಆರಮ್ಮಣಾಧಿಪತಿ, ಸಹಜಾತಾಧಿಪತಿ …ಪೇ॰…। ಸಹಜಾತಾಧಿಪತಿ – ಪೀತಿಸಹಗತಾ ಚ ಸುಖಸಹಗತಾ ಚ ಅಧಿಪತಿ ಸಮ್ಪಯುತ್ತಕಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ ಅಧಿಪತಿಪಚ್ಚಯೇನ ಪಚ್ಚಯೋ। (೪)

    Pītisahagato ca sukhasahagato ca dhammā pītisahagatassa ca sukhasahagatassa ca dhammassa adhipatipaccayena paccayo – ārammaṇādhipati, sahajātādhipati…pe…. Sahajātādhipati – pītisahagatā ca sukhasahagatā ca adhipati sampayuttakānaṃ pītisahagatānañca sukhasahagatānañca khandhānaṃ adhipatipaccayena paccayo. (4)

    ಅನನ್ತರಪಚ್ಚಯೋ

    Anantarapaccayo

    ೨೬. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಪೀತಿಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಪೀತಿಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। ಪೀತಿಸಹಗತಂ ಅನುಲೋಮಂ ಗೋತ್ರಭುಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (ಇಮಿನಾ ಕಾರಣೇನ ಸಬ್ಬೇಸಂ ಪದಾನಂ ಪಚ್ಚಯೋತಿ ದೀಪೇತಬ್ಬೋ)। ಅನುಲೋಮಂ ವೋದಾನಸ್ಸ… ಗೋತ್ರಭು ಮಗ್ಗಸ್ಸ… ವೋದಾನಂ ಮಗ್ಗಸ್ಸ… ಮಗ್ಗೋ ಫಲಸ್ಸ… ಫಲಂ ಫಲಸ್ಸ… ಅನುಲೋಮಂ ಪೀತಿಸಹಗತಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (೧)

    26. Pītisahagato dhammo pītisahagatassa dhammassa anantarapaccayena paccayo – purimā purimā pītisahagatā khandhā pacchimānaṃ pacchimānaṃ pītisahagatānaṃ khandhānaṃ anantarapaccayena paccayo. Pītisahagataṃ anulomaṃ gotrabhussa anantarapaccayena paccayo. (Iminā kāraṇena sabbesaṃ padānaṃ paccayoti dīpetabbo). Anulomaṃ vodānassa… gotrabhu maggassa… vodānaṃ maggassa… maggo phalassa… phalaṃ phalassa… anulomaṃ pītisahagatāya phalasamāpattiyā anantarapaccayena paccayo. (1)

    ಪೀತಿಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಪೀತಿಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸುಖಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। ಪೀತಿಸಹಗತಂ ಅನುಲೋಮಂ ಸುಖಸಹಗತಸ್ಸ ಗೋತ್ರಭುಸ್ಸ ಅನನ್ತರಪಚ್ಚಯೇನ ಪಚ್ಚಯೋ। ಪೀತಿಸಹಗತಂ ಅನುಲೋಮಂ ಸುಖಸಹಗತಸ್ಸ ವೋದಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। ಪೀತಿಸಹಗತಂ ಅನುಲೋಮಂ ಸುಖಸಹಗತಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (೨)

    Pītisahagato dhammo sukhasahagatassa dhammassa anantarapaccayena paccayo – purimā purimā pītisahagatā khandhā pacchimānaṃ pacchimānaṃ sukhasahagatānaṃ khandhānaṃ anantarapaccayena paccayo. Pītisahagataṃ anulomaṃ sukhasahagatassa gotrabhussa anantarapaccayena paccayo. Pītisahagataṃ anulomaṃ sukhasahagatassa vodānassa anantarapaccayena paccayo. Pītisahagataṃ anulomaṃ sukhasahagatāya phalasamāpattiyā anantarapaccayena paccayo. (2)

    ಪೀತಿಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪೀತಿಸಹಗತಂ ಚುತಿಚಿತ್ತಂ ಉಪೇಕ್ಖಾಸಹಗತಸ್ಸ ಉಪಪತ್ತಿಚಿತ್ತಸ್ಸ ಅನನ್ತರಪಚ್ಚಯೇನ ಪಚ್ಚಯೋ। ಪೀತಿಸಹಗತಂ ಭವಙ್ಗಂ ಆವಜ್ಜನಾಯ ಅನನ್ತರಪಚ್ಚಯೇನ ಪಚ್ಚಯೋ। ಪೀತಿಸಹಗತಾ ವಿಪಾಕಮನೋವಿಞ್ಞಾಣಧಾತು ಕಿರಿಯಮನೋವಿಞ್ಞಾಣಧಾತುಯಾ ಅನನ್ತರಪಚ್ಚಯೇನ ಪಚ್ಚಯೋ। ಪೀತಿಸಹಗತಂ ಭವಙ್ಗಂ ಉಪೇಕ್ಖಾಸಹಗತಸ್ಸ ಭವಙ್ಗಸ್ಸ ಅನನ್ತರಪಚ್ಚಯೇನ ಪಚ್ಚಯೋ । ಪೀತಿಸಹಗತಂ ಕುಸಲಾಕುಸಲಂ ಉಪೇಕ್ಖಾಸಹಗತಸ್ಸ ವುಟ್ಠಾನಸ್ಸ… ಕಿರಿಯಂ ವುಟ್ಠಾನಸ್ಸ… ಫಲಂ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೩)

    Pītisahagato dhammo upekkhāsahagatassa dhammassa anantarapaccayena paccayo – pītisahagataṃ cuticittaṃ upekkhāsahagatassa upapatticittassa anantarapaccayena paccayo. Pītisahagataṃ bhavaṅgaṃ āvajjanāya anantarapaccayena paccayo. Pītisahagatā vipākamanoviññāṇadhātu kiriyamanoviññāṇadhātuyā anantarapaccayena paccayo. Pītisahagataṃ bhavaṅgaṃ upekkhāsahagatassa bhavaṅgassa anantarapaccayena paccayo . Pītisahagataṃ kusalākusalaṃ upekkhāsahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa anantarapaccayena paccayo. (3)

    ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಪೀತಿಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ । ಪೀತಿಸಹಗತಂ ಅನುಲೋಮಂ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಗೋತ್ರಭುಸ್ಸ ಅನನ್ತರಪಚ್ಚಯೇನ ಪಚ್ಚಯೋ…ಪೇ॰… ಪೀತಿಸಹಗತಂ ಅನುಲೋಮಂ ಪೀತಿಸಹಗತಾಯ ಚ ಸುಖಸಹಗತಾಯ ಚ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (೪)

    Pītisahagato dhammo pītisahagatassa ca sukhasahagatassa ca dhammassa anantarapaccayena paccayo – purimā purimā pītisahagatā khandhā pacchimānaṃ pacchimānaṃ pītisahagatānañca sukhasahagatānañca khandhānaṃ anantarapaccayena paccayo . Pītisahagataṃ anulomaṃ pītisahagatassa ca sukhasahagatassa ca gotrabhussa anantarapaccayena paccayo…pe… pītisahagataṃ anulomaṃ pītisahagatāya ca sukhasahagatāya ca phalasamāpattiyā anantarapaccayena paccayo. (4)

    ೨೭. ಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸುಖಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸುಖಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ। ಸುಖಸಹಗತಂ ಅನುಲೋಮಂ ಸುಖಸಹಗತಸ್ಸ ಗೋತ್ರಭುಸ್ಸ ಅನನ್ತರಪಚ್ಚಯೇನ ಪಚ್ಚಯೋ…ಪೇ॰… ಸುಖಸಹಗತಂ ಅನುಲೋಮಂ ಸುಖಸಹಗತಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (೧)

    27. Sukhasahagato dhammo sukhasahagatassa dhammassa anantarapaccayena paccayo – purimā purimā sukhasahagatā khandhā pacchimānaṃ pacchimānaṃ sukhasahagatānaṃ khandhānaṃ anantarapaccayena paccayo. Sukhasahagataṃ anulomaṃ sukhasahagatassa gotrabhussa anantarapaccayena paccayo…pe… sukhasahagataṃ anulomaṃ sukhasahagatāya phalasamāpattiyā anantarapaccayena paccayo. (1)

    ಸುಖಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸುಖಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಪೀತಿಸಹಗತಾನಂ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ…ಪೇ॰… ಸುಖಸಹಗತಂ ಅನುಲೋಮಂ ಪೀತಿಸಹಗತಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (೨)

    Sukhasahagato dhammo pītisahagatassa dhammassa anantarapaccayena paccayo – purimā purimā sukhasahagatā khandhā pacchimānaṃ pacchimānaṃ pītisahagatānaṃ khandhānaṃ anantarapaccayena paccayo…pe… sukhasahagataṃ anulomaṃ pītisahagatāya phalasamāpattiyā anantarapaccayena paccayo. (2)

    ಸುಖಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಸುಖಸಹಗತಂ ಚುತಿಚಿತ್ತಂ ಉಪೇಕ್ಖಾಸಹಗತಸ್ಸ ಉಪಪತ್ತಿಚಿತ್ತಸ್ಸ ಅನನ್ತರಪಚ್ಚಯೇನ ಪಚ್ಚಯೋ। ಸುಖಸಹಗತಂ ಭವಙ್ಗಂ ಆವಜ್ಜನಾಯ ಅನನ್ತರಪಚ್ಚಯೇನ ಪಚ್ಚಯೋ। ಸುಖಸಹಗತಂ ಕಾಯವಿಞ್ಞಾಣಂ ವಿಪಾಕಮನೋಧಾತುಯಾ ಅನನ್ತರಪಚ್ಚಯೇನ ಪಚ್ಚಯೋ। ಸುಖಸಹಗತಾ ವಿಪಾಕಮನೋವಿಞ್ಞಾಣಧಾತು ಕಿರಿಯಮನೋವಿಞ್ಞಾಣಧಾತುಯಾ ಅನನ್ತರಪಚ್ಚಯೇನ ಪಚ್ಚಯೋ ಸುಖಸಹಗತಂ ಭವಙ್ಗಂ ಉಪೇಕ್ಖಾಸಹಗತಸ್ಸ ಭವಙ್ಗಸ್ಸ ಅನನ್ತರಪಚ್ಚಯೇನ ಪಚ್ಚಯೋ। ಸುಖಸಹಗತಂ ಕುಸಲಾಕುಸಲಂ ಉಪೇಕ್ಖಾಸಹಗತಸ್ಸ ವುಟ್ಠಾನಸ್ಸ… ಕಿರಿಯಂ ವುಟ್ಠಾನಸ್ಸ… ಫಲಂ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೩)

    Sukhasahagato dhammo upekkhāsahagatassa dhammassa anantarapaccayena paccayo – sukhasahagataṃ cuticittaṃ upekkhāsahagatassa upapatticittassa anantarapaccayena paccayo. Sukhasahagataṃ bhavaṅgaṃ āvajjanāya anantarapaccayena paccayo. Sukhasahagataṃ kāyaviññāṇaṃ vipākamanodhātuyā anantarapaccayena paccayo. Sukhasahagatā vipākamanoviññāṇadhātu kiriyamanoviññāṇadhātuyā anantarapaccayena paccayo sukhasahagataṃ bhavaṅgaṃ upekkhāsahagatassa bhavaṅgassa anantarapaccayena paccayo. Sukhasahagataṃ kusalākusalaṃ upekkhāsahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa anantarapaccayena paccayo. (3)

    ಸುಖಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಸುಖಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ ಅನನ್ತರಪಚ್ಚಯೇನ ಪಚ್ಚಯೋ…ಪೇ॰… ಸುಖಸಹಗತಂ ಅನುಲೋಮಂ ಪೀತಿಸಹಗತಾಯ ಚ ಸುಖಸಹಗತಾಯ ಚ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (೪)

    Sukhasahagato dhammo pītisahagatassa ca sukhasahagatassa ca dhammassa anantarapaccayena paccayo – purimā purimā sukhasahagatā khandhā pacchimānaṃ pacchimānaṃ pītisahagatānañca sukhasahagatānañca khandhānaṃ anantarapaccayena paccayo…pe… sukhasahagataṃ anulomaṃ pītisahagatāya ca sukhasahagatāya ca phalasamāpattiyā anantarapaccayena paccayo. (4)

    ೨೮. ಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಉಪೇಕ್ಖಾಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಉಪೇಕ್ಖಾಸಹಗತಾನಂ ಖನ್ಧಾನಂ…ಪೇ॰… ಆವಜ್ಜನಾ ಪಞ್ಚನ್ನಂ ವಿಞ್ಞಾಣಾನಂ ಅನನ್ತರಪಚ್ಚಯೇನ ಪಚ್ಚಯೋ। ಉಪೇಕ್ಖಾಸಹಗತಂ ಅನುಲೋಮಂ ಉಪೇಕ್ಖಾಸಹಗತಾಯ ಫಲಸಮಾಪತ್ತಿಯಾ… ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಂ ಉಪೇಕ್ಖಾಸಹಗತಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (೧)

    28. Upekkhāsahagato dhammo upekkhāsahagatassa dhammassa anantarapaccayena paccayo – purimā purimā upekkhāsahagatā khandhā pacchimānaṃ pacchimānaṃ upekkhāsahagatānaṃ khandhānaṃ…pe… āvajjanā pañcannaṃ viññāṇānaṃ anantarapaccayena paccayo. Upekkhāsahagataṃ anulomaṃ upekkhāsahagatāya phalasamāpattiyā… nirodhā vuṭṭhahantassa nevasaññānāsaññāyatanaṃ upekkhāsahagatāya phalasamāpattiyā anantarapaccayena paccayo. (1)

    ಉಪೇಕ್ಖಾಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಉಪೇಕ್ಖಾಸಹಗತಂ ಚುತಿಚಿತ್ತಂ ಪೀತಿಸಹಗತಸ್ಸ ಉಪಪತ್ತಿಚಿತ್ತಸ್ಸ…ಪೇ॰… ಆವಜ್ಜನಾ ಪೀತಿಸಹಗತಾನಂ ಖನ್ಧಾನಂ…ಪೇ॰… ವಿಪಾಕಮನೋಧಾತು ಪೀತಿಸಹಗತಾಯ ವಿಪಾಕಮನೋವಿಞ್ಞಾಣಧಾತುಯಾ…ಪೇ॰… ಉಪೇಕ್ಖಾಸಹಗತಂ ಭವಙ್ಗಂ ಪೀತಿಸಹಗತಸ್ಸ ಭವಙ್ಗಸ್ಸ…ಪೇ॰… ಉಪೇಕ್ಖಾಸಹಗತಂ ಕುಸಲಾಕುಸಲಂ ಪೀತಿಸಹಗತಸ್ಸ ವುಟ್ಠಾನಸ್ಸ… ಕಿರಿಯಂ ವುಟ್ಠಾನಸ್ಸ… ಫಲಂ ವುಟ್ಠಾನಸ್ಸ… ನಿರೋಧಾ ವುಟ್ಠಹನ್ತಸ್ಸ ನೇವಸಞ್ಞಾನಾಸಞ್ಞಾಯತನಂ ಪೀತಿಸಹಗತಾಯ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (೨)

    Upekkhāsahagato dhammo pītisahagatassa dhammassa anantarapaccayena paccayo – upekkhāsahagataṃ cuticittaṃ pītisahagatassa upapatticittassa…pe… āvajjanā pītisahagatānaṃ khandhānaṃ…pe… vipākamanodhātu pītisahagatāya vipākamanoviññāṇadhātuyā…pe… upekkhāsahagataṃ bhavaṅgaṃ pītisahagatassa bhavaṅgassa…pe… upekkhāsahagataṃ kusalākusalaṃ pītisahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa… nirodhā vuṭṭhahantassa nevasaññānāsaññāyatanaṃ pītisahagatāya phalasamāpattiyā anantarapaccayena paccayo. (2)

    ಉಪೇಕ್ಖಾಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ…ಪೇ॰… ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೪)

    Upekkhāsahagato dhammo sukhasahagatassa dhammassa…pe… pītisahagatassa ca sukhasahagatassa ca dhammassa anantarapaccayena paccayo. (4)

    (ತಾನಿಯೇವ ಚ ಗಮನಾನಿ ನಿಯಾಮೇತಬ್ಬಾನಿ।)

    (Tāniyeva ca gamanāni niyāmetabbāni.)

    ೨೯. ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಧಮ್ಮಸ್ಸ…ಪೇ॰… ಸುಖಸಹಗತಸ್ಸ ಧಮ್ಮಸ್ಸ…ಪೇ॰… ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪೀತಿಸಹಗತಞ್ಚ ಸುಖಸಹಗತಞ್ಚ ಚುತಿಚಿತ್ತಂ ಉಪೇಕ್ಖಾಸಹಗತಸ್ಸ ಉಪಪತ್ತಿಚಿತ್ತಸ್ಸ…ಪೇ॰… ಪೀತಿಸಹಗತಞ್ಚ ಸುಖಸಹಗತಞ್ಚ ಭವಙ್ಗಂ ಆವಜ್ಜನಾಯ…ಪೇ॰… ಪೀತಿಸಹಗತಾ ಚ ಸುಖಸಹಗತಾ ಚ ವಿಪಾಕಮನೋವಿಞ್ಞಾಣಧಾತು ಕಿರಿಯಮನೋವಿಞ್ಞಾಣಧಾತುಯಾ…ಪೇ॰… ಪೀತಿಸಹಗತಞ್ಚ ಸುಖಸಹಗತಞ್ಚ ಭವಙ್ಗಂ ಉಪೇಕ್ಖಾಸಹಗತಸ್ಸ ಭವಙ್ಗಸ್ಸ…ಪೇ॰… ಪೀತಿಸಹಗತಞ್ಚ ಸುಖಸಹಗತಞ್ಚ ಕುಸಲಾಕುಸಲಂ ಉಪೇಕ್ಖಾಸಹಗತಸ್ಸ ವುಟ್ಠಾನಸ್ಸ… ಕಿರಿಯಂ ವುಟ್ಠಾನಸ್ಸ… ಫಲಂ ವುಟ್ಠಾನಸ್ಸ ಅನನ್ತರಪಚ್ಚಯೇನ ಪಚ್ಚಯೋ। (೩)

    29. Pītisahagato ca sukhasahagato ca dhammā pītisahagatassa dhammassa…pe… sukhasahagatassa dhammassa…pe… upekkhāsahagatassa dhammassa anantarapaccayena paccayo – pītisahagatañca sukhasahagatañca cuticittaṃ upekkhāsahagatassa upapatticittassa…pe… pītisahagatañca sukhasahagatañca bhavaṅgaṃ āvajjanāya…pe… pītisahagatā ca sukhasahagatā ca vipākamanoviññāṇadhātu kiriyamanoviññāṇadhātuyā…pe… pītisahagatañca sukhasahagatañca bhavaṅgaṃ upekkhāsahagatassa bhavaṅgassa…pe… pītisahagatañca sukhasahagatañca kusalākusalaṃ upekkhāsahagatassa vuṭṭhānassa… kiriyaṃ vuṭṭhānassa… phalaṃ vuṭṭhānassa anantarapaccayena paccayo. (3)

    ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಅನನ್ತರಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಪೀತಿಸಹಗತಾ ಚ ಸುಖಸಹಗತಾ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ…ಪೇ॰… ಪೀತಿಸಹಗತಞ್ಚ ಸುಖಸಹಗತಞ್ಚ ಅನುಲೋಮಂ ಪೀತಿಸಹಗತಾಯ ಚ ಸುಖಸಹಗತಾಯ ಚ ಫಲಸಮಾಪತ್ತಿಯಾ ಅನನ್ತರಪಚ್ಚಯೇನ ಪಚ್ಚಯೋ। (೪)

    Pītisahagato ca sukhasahagato ca dhammā pītisahagatassa ca sukhasahagatassa ca dhammassa anantarapaccayena paccayo – purimā purimā pītisahagatā ca sukhasahagatā ca khandhā pacchimānaṃ pacchimānaṃ pītisahagatānañca sukhasahagatānañca khandhānaṃ…pe… pītisahagatañca sukhasahagatañca anulomaṃ pītisahagatāya ca sukhasahagatāya ca phalasamāpattiyā anantarapaccayena paccayo. (4)

    ಸಮನನ್ತರಪಚ್ಚಯೋ

    Samanantarapaccayo

    ೩೦. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಸಮನನ್ತರಪಚ್ಚಯೇನ ಪಚ್ಚಯೋ (ಅನನ್ತರಪಚ್ಚಯಸದಿಸಂ)।

    30. Pītisahagato dhammo pītisahagatassa dhammassa samanantarapaccayena paccayo (anantarapaccayasadisaṃ).

    ಸಹಜಾತಪಚ್ಚಯೋ

    Sahajātapaccayo

    ೩೧. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಸಹಜಾತಪಚ್ಚಯೇನ ಪಚ್ಚಯೋ – ಪೀತಿಸಹಗತೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ ಸಹಜಾತಪಚ್ಚಯೇನ ಪಚ್ಚಯೋ…ಪೇ॰… (ಪಟಿಚ್ಚಸದಿಸಂ ಸಹಜಾತೇ ದಸ ಪಞ್ಹಾ)।

    31. Pītisahagato dhammo pītisahagatassa dhammassa sahajātapaccayena paccayo – pītisahagato eko khandho tiṇṇannaṃ khandhānaṃ sahajātapaccayena paccayo…pe… dve khandhā dvinnaṃ khandhānaṃ sahajātapaccayena paccayo…pe… (paṭiccasadisaṃ sahajāte dasa pañhā).

    ಅಞ್ಞಮಞ್ಞ-ನಿಸ್ಸಯಪಚ್ಚಯಾ

    Aññamañña-nissayapaccayā

    ೩೨. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಅಞ್ಞಮಞ್ಞಪಚ್ಚಯೇನ ಪಚ್ಚಯೋ… ನಿಸ್ಸಯಪಚ್ಚಯೇನ ಪಚ್ಚಯೋ (ದಸ ಪಞ್ಹಾ ಕಾತಬ್ಬಾ)।

    32. Pītisahagato dhammo pītisahagatassa dhammassa aññamaññapaccayena paccayo… nissayapaccayena paccayo (dasa pañhā kātabbā).

    ಉಪನಿಸ್ಸಯಪಚ್ಚಯೋ

    Upanissayapaccayo

    ೩೩. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಪೀತಿಸಹಗತಂ ಸದ್ಧಂ ಉಪನಿಸ್ಸಾಯ ಪೀತಿಸಹಗತೇನ ಚಿತ್ತೇನ ದಾನಂ ದೇತಿ, ಸೀಲಂ ಸಮಾದಿಯತಿ, ಉಪೋಸಥಕಮ್ಮಂ ಕರೋತಿ, ಪೀತಿಸಹಗತಂ ಝಾನಂ ಉಪ್ಪಾದೇತಿ, ವಿಪಸ್ಸನಂ ಉಪ್ಪಾದೇತಿ, ಮಗ್ಗಂ ಉಪ್ಪಾದೇತಿ, ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ। ಪೀತಿಸಹಗತಂ ಸೀಲಂ… ಸುತಂ… ಚಾಗಂ… ಪಞ್ಞಂ ಉಪನಿಸ್ಸಾಯ ಪೀತಿಸಹಗತೇನ ಚಿತ್ತೇನ ದಾನಂ ದೇತಿ, ಸೀಲಂ ಸಮಾದಿಯತಿ…ಪೇ॰… ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ। ಪೀತಿಸಹಗತಂ ರಾಗಂ… ಮೋಹಂ… ಮಾನಂ… ದಿಟ್ಠಿಂ… ಪತ್ಥನಂ ಉಪನಿಸ್ಸಾಯ ಪೀತಿಸಹಗತೇನ ಚಿತ್ತೇನ ದಾನಂ ದೇತಿ, ಸೀಲಂ ಸಮಾದಿಯತಿ, ಉಪೋಸಥಕಮ್ಮಂ ಕರೋತಿ, ಪೀತಿಸಹಗತಂ ಝಾನಂ ಉಪ್ಪಾದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ। ಪೀತಿಸಹಗತೇನ ಚಿತ್ತೇನ ಅದಿನ್ನಂ ಆದಿಯತಿ, ಮುಸಾ ಭಣತಿ , ಪಿಸುಣಂ ಭಣತಿ, ಸಮ್ಫಂ ಪಲಪತಿ, ಸನ್ಧಿಂ ಛಿನ್ದತಿ, ನಿಲ್ಲೋಪಂ ಹರತಿ, ಏಕಾಗಾರಿಕಂ ಕರೋತಿ, ಪರಿಪನ್ಥೇ ತಿಟ್ಠತಿ, ಪರದಾರಂ ಗಚ್ಛತಿ, ಗಾಮಘಾತಂ ಕರೋತಿ, ನಿಗಮಘಾತಂ ಕರೋತಿ। ಪೀತಿಸಹಗತಾ ಸದ್ಧಾ… ಸೀಲಂ… ಸುತಂ… ಚಾಗೋ… ಪಞ್ಞಾ… ರಾಗೋ… ಮೋಹೋ… ಮಾನೋ… ದಿಟ್ಠಿ… ಪತ್ಥನಾ ಪೀತಿಸಹಗತಾಯ ಸದ್ಧಾಯ… ಸೀಲಸ್ಸ… ಸುತಸ್ಸ… ಚಾಗಸ್ಸ… ಪಞ್ಞಾಯ… ರಾಗಸ್ಸ… ಮೋಹಸ್ಸ… ಮಾನಸ್ಸ… ದಿಟ್ಠಿಯಾ… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

    33. Pītisahagato dhammo pītisahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagataṃ saddhaṃ upanissāya pītisahagatena cittena dānaṃ deti, sīlaṃ samādiyati, uposathakammaṃ karoti, pītisahagataṃ jhānaṃ uppādeti, vipassanaṃ uppādeti, maggaṃ uppādeti, samāpattiṃ uppādeti, mānaṃ jappeti, diṭṭhiṃ gaṇhāti. Pītisahagataṃ sīlaṃ… sutaṃ… cāgaṃ… paññaṃ upanissāya pītisahagatena cittena dānaṃ deti, sīlaṃ samādiyati…pe… mānaṃ jappeti, diṭṭhiṃ gaṇhāti. Pītisahagataṃ rāgaṃ… mohaṃ… mānaṃ… diṭṭhiṃ… patthanaṃ upanissāya pītisahagatena cittena dānaṃ deti, sīlaṃ samādiyati, uposathakammaṃ karoti, pītisahagataṃ jhānaṃ uppādeti…pe… samāpattiṃ uppādeti. Pītisahagatena cittena adinnaṃ ādiyati, musā bhaṇati , pisuṇaṃ bhaṇati, samphaṃ palapati, sandhiṃ chindati, nillopaṃ harati, ekāgārikaṃ karoti, paripanthe tiṭṭhati, paradāraṃ gacchati, gāmaghātaṃ karoti, nigamaghātaṃ karoti. Pītisahagatā saddhā… sīlaṃ… sutaṃ… cāgo… paññā… rāgo… moho… māno… diṭṭhi… patthanā pītisahagatāya saddhāya… sīlassa… sutassa… cāgassa… paññāya… rāgassa… mohassa… mānassa… diṭṭhiyā… patthanāya upanissayapaccayena paccayo. (1)

    ಪೀತಿಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಪೀತಿಸಹಗತಂ ಸದ್ಧಂ ಉಪನಿಸ್ಸಾಯ ಸುಖಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ। ಪೀತಿಸಹಗತಂ ಸೀಲಂ… ಸುತಂ… ಚಾಗಂ… ಪಞ್ಞಂ… ರಾಗಂ… ಮೋಹಂ… ಮಾನಂ… ದಿಟ್ಠಿಂ… ಪತ್ಥನಂ ಉಪನಿಸ್ಸಾಯ ಸುಖಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ। ಸುಖಸಹಗತೇನ ಚಿತ್ತೇನ ಅದಿನ್ನಂ ಆದಿಯತಿ…ಪೇ॰… ನಿಗಮಘಾತಂ ಕರೋತಿ। ಪೀತಿಸಹಗತಾ ಸದ್ಧಾ…ಪೇ॰… ಪತ್ಥನಾ ಸುಖಸಹಗತಾಯ ಸದ್ಧಾಯ…ಪೇ॰… ಪತ್ಥನಾಯ ಸುಖಸಹಗತಸ್ಸ ಕಾಯವಿಞ್ಞಾಣಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

    Pītisahagato dhammo sukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagataṃ saddhaṃ upanissāya sukhasahagatena cittena dānaṃ deti…pe… samāpattiṃ uppādeti, mānaṃ jappeti, diṭṭhiṃ gaṇhāti. Pītisahagataṃ sīlaṃ… sutaṃ… cāgaṃ… paññaṃ… rāgaṃ… mohaṃ… mānaṃ… diṭṭhiṃ… patthanaṃ upanissāya sukhasahagatena cittena dānaṃ deti…pe… samāpattiṃ uppādeti. Sukhasahagatena cittena adinnaṃ ādiyati…pe… nigamaghātaṃ karoti. Pītisahagatā saddhā…pe… patthanā sukhasahagatāya saddhāya…pe… patthanāya sukhasahagatassa kāyaviññāṇassa upanissayapaccayena paccayo. (2)

    ಪೀತಿಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಪೀತಿಸಹಗತಂ ಸದ್ಧಂ ಉಪನಿಸ್ಸಾಯ ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ಅಭಿಞ್ಞಂ ಉಪ್ಪಾದೇತಿ, ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ। ಪೀತಿಸಹಗತಂ ಸೀಲಂ…ಪೇ॰… ಪತ್ಥನಂ ಉಪನಿಸ್ಸಾಯ ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ನಿಗಮಘಾತಂ ಕರೋತಿ। ಪೀತಿಸಹಗತಾ ಸದ್ಧಾ…ಪೇ॰… ಪತ್ಥನಾ ಉಪೇಕ್ಖಾಸಹಗತಾಯ ಸದ್ಧಾಯ…ಪೇ॰… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

    Pītisahagato dhammo upekkhāsahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagataṃ saddhaṃ upanissāya upekkhāsahagatena cittena dānaṃ deti…pe… abhiññaṃ uppādeti, samāpattiṃ uppādeti, mānaṃ jappeti, diṭṭhiṃ gaṇhāti. Pītisahagataṃ sīlaṃ…pe… patthanaṃ upanissāya upekkhāsahagatena cittena dānaṃ deti…pe… nigamaghātaṃ karoti. Pītisahagatā saddhā…pe… patthanā upekkhāsahagatāya saddhāya…pe… patthanāya upanissayapaccayena paccayo. (3)

    ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಪೀತಿಸಹಗತಂ ಸದ್ಧಂ ಉಪನಿಸ್ಸಾಯ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ದಾನಂ ದೇತಿ…ಪೇ॰… ದಿಟ್ಠಿಂ ಗಣ್ಹಾತಿ। ಪೀತಿಸಹಗತಂ ಸೀಲಂ…ಪೇ॰… ಪತ್ಥನಂ ಉಪನಿಸ್ಸಾಯ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ದಾನಂ ದೇತಿ…ಪೇ॰… ನಿಗಮಘಾತಂ ಕರೋತಿ। ಪೀತಿಸಹಗತಾ ಸದ್ಧಾ…ಪೇ॰… ಪತ್ಥನಾ ಪೀತಿಸಹಗತಾಯ ಚ ಸುಖಸಹಗತಾಯ ಚ ಸದ್ಧಾಯ…ಪೇ॰… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೪)

    Pītisahagato dhammo pītisahagatassa ca sukhasahagatassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagataṃ saddhaṃ upanissāya pītisahagatena ca sukhasahagatena ca cittena dānaṃ deti…pe… diṭṭhiṃ gaṇhāti. Pītisahagataṃ sīlaṃ…pe… patthanaṃ upanissāya pītisahagatena ca sukhasahagatena ca cittena dānaṃ deti…pe… nigamaghātaṃ karoti. Pītisahagatā saddhā…pe… patthanā pītisahagatāya ca sukhasahagatāya ca saddhāya…pe… patthanāya upanissayapaccayena paccayo. (4)

    ೩೪. ಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸುಖಸಹಗತಂ ಸದ್ಧಂ ಉಪನಿಸ್ಸಾಯ ಸುಖಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ದಿಟ್ಠಿಂ ಗಣ್ಹಾತಿ। ಸುಖಸಹಗತಂ ಸೀಲಂ…ಪೇ॰… ಪತ್ಥನಂ ಸುಖಸಹಗತಂ ಕಾಯವಿಞ್ಞಾಣಂ ಉಪನಿಸ್ಸಾಯ ಸುಖಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ನಿಗಮಘಾತಂ ಕರೋತಿ। ಸುಖಸಹಗತಾ ಸದ್ಧಾ…ಪೇ॰… ಪತ್ಥನಾ ಸುಖಸಹಗತಂ ಕಾಯವಿಞ್ಞಾಣಂ ಸುಖಸಹಗತಾಯ ಸದ್ಧಾಯ…ಪೇ॰… ಪತ್ಥನಾಯ ಸುಖಸಹಗತಸ್ಸ ಕಾಯವಿಞ್ಞಾಣಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

    34. Sukhasahagato dhammo sukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – sukhasahagataṃ saddhaṃ upanissāya sukhasahagatena cittena dānaṃ deti…pe… diṭṭhiṃ gaṇhāti. Sukhasahagataṃ sīlaṃ…pe… patthanaṃ sukhasahagataṃ kāyaviññāṇaṃ upanissāya sukhasahagatena cittena dānaṃ deti…pe… nigamaghātaṃ karoti. Sukhasahagatā saddhā…pe… patthanā sukhasahagataṃ kāyaviññāṇaṃ sukhasahagatāya saddhāya…pe… patthanāya sukhasahagatassa kāyaviññāṇassa upanissayapaccayena paccayo. (1)

    ಸುಖಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸುಖಸಹಗತಂ ಸದ್ಧಂ ಉಪನಿಸ್ಸಾಯ ಪೀತಿಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ದಿಟ್ಠಿಂ ಗಣ್ಹಾತಿ। ಸುಖಸಹಗತಂ ಸೀಲಂ…ಪೇ॰… ಪತ್ಥನಂ ಸುಖಸಹಗತಂ ಕಾಯವಿಞ್ಞಾಣಂ ಉಪನಿಸ್ಸಾಯ ಪೀತಿಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ನಿಗಮಘಾತಂ ಕರೋತಿ। ಸುಖಸಹಗತಾ ಸದ್ಧಾ…ಪೇ॰… ಪತ್ಥನಾ ಸುಖಸಹಗತಂ ಕಾಯವಿಞ್ಞಾಣಂ ಪೀತಿಸಹಗತಾಯ ಸದ್ಧಾಯ…ಪೇ॰… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

    Sukhasahagato dhammo pītisahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – sukhasahagataṃ saddhaṃ upanissāya pītisahagatena cittena dānaṃ deti…pe… diṭṭhiṃ gaṇhāti. Sukhasahagataṃ sīlaṃ…pe… patthanaṃ sukhasahagataṃ kāyaviññāṇaṃ upanissāya pītisahagatena cittena dānaṃ deti…pe… nigamaghātaṃ karoti. Sukhasahagatā saddhā…pe… patthanā sukhasahagataṃ kāyaviññāṇaṃ pītisahagatāya saddhāya…pe… patthanāya upanissayapaccayena paccayo. (2)

    ಸುಖಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಸುಖಸಹಗತಂ ಸದ್ಧಂ ಉಪನಿಸ್ಸಾಯ ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ಅಭಿಞ್ಞಂ ಉಪ್ಪಾದೇತಿ…ಪೇ॰… ದಿಟ್ಠಿಂ ಗಣ್ಹಾತಿ। ಸುಖಸಹಗತಂ ಸೀಲಂ…ಪೇ॰… ಪತ್ಥನಂ ಸುಖಸಹಗತಂ ಕಾಯವಿಞ್ಞಾಣಂ ಉಪನಿಸ್ಸಾಯ ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ನಿಗಮಘಾತಂ ಕರೋತಿ। ಸುಖಸಹಗತಾ ಸದ್ಧಾ…ಪೇ॰… ಪತ್ಥನಾ ಸುಖಸಹಗತಂ ಕಾಯವಿಞ್ಞಾಣಂ ಉಪೇಕ್ಖಾಸಹಗತಾಯ ಸದ್ಧಾಯ…ಪೇ॰… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

    Sukhasahagato dhammo upekkhāsahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – sukhasahagataṃ saddhaṃ upanissāya upekkhāsahagatena cittena dānaṃ deti…pe… abhiññaṃ uppādeti…pe… diṭṭhiṃ gaṇhāti. Sukhasahagataṃ sīlaṃ…pe… patthanaṃ sukhasahagataṃ kāyaviññāṇaṃ upanissāya upekkhāsahagatena cittena dānaṃ deti…pe… nigamaghātaṃ karoti. Sukhasahagatā saddhā…pe… patthanā sukhasahagataṃ kāyaviññāṇaṃ upekkhāsahagatāya saddhāya…pe… patthanāya upanissayapaccayena paccayo. (3)

    ಸುಖಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ …ಪೇ॰…। ಪಕತೂಪನಿಸ್ಸಯೋ – ಸುಖಸಹಗತಂ ಸದ್ಧಂ ಉಪನಿಸ್ಸಾಯ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ದಾನಂ ದೇತಿ…ಪೇ॰… ದಿಟ್ಠಿಂ ಗಣ್ಹಾತಿ। ಸುಖಸಹಗತಂ ಸೀಲಂ…ಪೇ॰… ಪತ್ಥನಂ ಸುಖಸಹಗತಂ ಕಾಯವಿಞ್ಞಾಣಂ ಉಪನಿಸ್ಸಾಯ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ದಾನಂ ದೇತಿ…ಪೇ॰… ನಿಗಮಘಾತಂ ಕರೋತಿ। ಸುಖಸಹಗತಾ ಸದ್ಧಾ…ಪೇ॰… ಪತ್ಥನಾ ಸುಖಸಹಗತಂ ಕಾಯವಿಞ್ಞಾಣಂ ಪೀತಿಸಹಗತಾಯ ಚ ಸುಖಸಹಗತಾಯ ಚ ಸದ್ಧಾಯ…ಪೇ॰… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೪)

    Sukhasahagato dhammo pītisahagatassa ca sukhasahagatassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo …pe…. Pakatūpanissayo – sukhasahagataṃ saddhaṃ upanissāya pītisahagatena ca sukhasahagatena ca cittena dānaṃ deti…pe… diṭṭhiṃ gaṇhāti. Sukhasahagataṃ sīlaṃ…pe… patthanaṃ sukhasahagataṃ kāyaviññāṇaṃ upanissāya pītisahagatena ca sukhasahagatena ca cittena dānaṃ deti…pe… nigamaghātaṃ karoti. Sukhasahagatā saddhā…pe… patthanā sukhasahagataṃ kāyaviññāṇaṃ pītisahagatāya ca sukhasahagatāya ca saddhāya…pe… patthanāya upanissayapaccayena paccayo. (4)

    ೩೫. ಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಉಪೇಕ್ಖಾಸಹಗತಂ ಸದ್ಧಂ ಉಪನಿಸ್ಸಾಯ ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ಅಭಿಞ್ಞಂ ಉಪ್ಪಾದೇತಿ…ಪೇ॰… ದಿಟ್ಠಿಂ ಗಣ್ಹಾತಿ। ಉಪೇಕ್ಖಾಸಹಗತಂ ಸೀಲಂ…ಪೇ॰… ಪತ್ಥನಂ ಉಪನಿಸ್ಸಾಯ ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ನಿಗಮಘಾತಂ ಕರೋತಿ। ಉಪೇಕ್ಖಾಸಹಗತಾ ಸದ್ಧಾ…ಪೇ॰… ಪತ್ಥನಾ ಉಪೇಕ್ಖಾಸಹಗತಾಯ ಸದ್ಧಾಯ…ಪೇ॰… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

    35. Upekkhāsahagato dhammo upekkhāsahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upekkhāsahagataṃ saddhaṃ upanissāya upekkhāsahagatena cittena dānaṃ deti…pe… abhiññaṃ uppādeti…pe… diṭṭhiṃ gaṇhāti. Upekkhāsahagataṃ sīlaṃ…pe… patthanaṃ upanissāya upekkhāsahagatena cittena dānaṃ deti…pe… nigamaghātaṃ karoti. Upekkhāsahagatā saddhā…pe… patthanā upekkhāsahagatāya saddhāya…pe… patthanāya upanissayapaccayena paccayo. (1)

    ಉಪೇಕ್ಖಾಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಉಪೇಕ್ಖಾಸಹಗತಂ ಸದ್ಧಂ ಉಪನಿಸ್ಸಾಯ ಪೀತಿಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ದಿಟ್ಠಿಂ ಗಣ್ಹಾತಿ। ಉಪೇಕ್ಖಾಸಹಗತಂ ಸೀಲಂ…ಪೇ॰… ಪತ್ಥನಂ ಉಪನಿಸ್ಸಾಯ ಪೀತಿಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ನಿಗಮಘಾತಂ ಕರೋತಿ। ಉಪೇಕ್ಖಾಸಹಗತಾ ಸದ್ಧಾ…ಪೇ॰… ಪತ್ಥನಾ ಪೀತಿಸಹಗತಾಯ ಸದ್ಧಾಯ…ಪೇ॰… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

    Upekkhāsahagato dhammo pītisahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upekkhāsahagataṃ saddhaṃ upanissāya pītisahagatena cittena dānaṃ deti…pe… diṭṭhiṃ gaṇhāti. Upekkhāsahagataṃ sīlaṃ…pe… patthanaṃ upanissāya pītisahagatena cittena dānaṃ deti…pe… nigamaghātaṃ karoti. Upekkhāsahagatā saddhā…pe… patthanā pītisahagatāya saddhāya…pe… patthanāya upanissayapaccayena paccayo. (2)

    ಉಪೇಕ್ಖಾಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಉಪೇಕ್ಖಾಸಹಗತಂ ಸದ್ಧಂ ಉಪನಿಸ್ಸಾಯ ಸುಖಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ದಿಟ್ಠಿಂ ಗಣ್ಹಾತಿ। ಉಪೇಕ್ಖಾಸಹಗತಂ ಸೀಲಂ…ಪೇ॰… ಪತ್ಥನಂ ಉಪನಿಸ್ಸಾಯ ಸುಖಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ನಿಗಮಘಾತಂ ಕರೋತಿ। ಉಪೇಕ್ಖಾಸಹಗತಾ ಸದ್ಧಾ…ಪೇ॰… ಪತ್ಥನಾ ಸುಖಸಹಗತಾಯ ಸದ್ಧಾಯ…ಪೇ॰… ಪತ್ಥನಾಯ ಸುಖಸಹಗತಸ್ಸ ಕಾಯವಿಞ್ಞಾಣಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

    Upekkhāsahagato dhammo sukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upekkhāsahagataṃ saddhaṃ upanissāya sukhasahagatena cittena dānaṃ deti…pe… diṭṭhiṃ gaṇhāti. Upekkhāsahagataṃ sīlaṃ…pe… patthanaṃ upanissāya sukhasahagatena cittena dānaṃ deti…pe… nigamaghātaṃ karoti. Upekkhāsahagatā saddhā…pe… patthanā sukhasahagatāya saddhāya…pe… patthanāya sukhasahagatassa kāyaviññāṇassa upanissayapaccayena paccayo. (3)

    ಉಪೇಕ್ಖಾಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಉಪೇಕ್ಖಾಸಹಗತಂ ಸದ್ಧಂ ಉಪನಿಸ್ಸಾಯ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ದಾನಂ ದೇತಿ…ಪೇ॰… ದಿಟ್ಠಿಂ ಗಣ್ಹಾತಿ। ಉಪೇಕ್ಖಾಸಹಗತಂ ಸೀಲಂ…ಪೇ॰… ಪತ್ಥನಂ ಉಪನಿಸ್ಸಾಯ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ದಾನಂ ದೇತಿ…ಪೇ॰… ನಿಗಮಘಾತಂ ಕರೋತಿ। ಉಪೇಕ್ಖಾಸಹಗತಾ ಸದ್ಧಾ…ಪೇ॰… ಪತ್ಥನಾ ಪೀತಿಸಹಗತಾಯ ಚ ಸುಖಸಹಗತಾಯ ಚ ಸದ್ಧಾಯ…ಪೇ॰… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೪)

    Upekkhāsahagato dhammo pītisahagatassa ca sukhasahagatassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – upekkhāsahagataṃ saddhaṃ upanissāya pītisahagatena ca sukhasahagatena ca cittena dānaṃ deti…pe… diṭṭhiṃ gaṇhāti. Upekkhāsahagataṃ sīlaṃ…pe… patthanaṃ upanissāya pītisahagatena ca sukhasahagatena ca cittena dānaṃ deti…pe… nigamaghātaṃ karoti. Upekkhāsahagatā saddhā…pe… patthanā pītisahagatāya ca sukhasahagatāya ca saddhāya…pe… patthanāya upanissayapaccayena paccayo. (4)

    ೩೬. ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಪೀತಿಸಹಗತಞ್ಚ ಸುಖಸಹಗತಞ್ಚ ಸದ್ಧಂ ಉಪನಿಸ್ಸಾಯ ಪೀತಿಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ದಿಟ್ಠಿಂ ಗಣ್ಹಾತಿ। ಪೀತಿಸಹಗತಞ್ಚ ಸುಖಸಹಗತಞ್ಚ ಸೀಲಂ…ಪೇ॰… ಪತ್ಥನಂ ಉಪನಿಸ್ಸಾಯ ಪೀತಿಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ನಿಗಮಘಾತಂ ಕರೋತಿ। ಪೀತಿಸಹಗತಾ ಚ ಸುಖಸಹಗತಾ ಚ ಸದ್ಧಾ…ಪೇ॰… ಪತ್ಥನಾ ಪೀತಿಸಹಗತಾಯ ಸದ್ಧಾಯ…ಪೇ॰… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೧)

    36. Pītisahagato ca sukhasahagato ca dhammā pītisahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagatañca sukhasahagatañca saddhaṃ upanissāya pītisahagatena cittena dānaṃ deti…pe… diṭṭhiṃ gaṇhāti. Pītisahagatañca sukhasahagatañca sīlaṃ…pe… patthanaṃ upanissāya pītisahagatena cittena dānaṃ deti…pe… nigamaghātaṃ karoti. Pītisahagatā ca sukhasahagatā ca saddhā…pe… patthanā pītisahagatāya saddhāya…pe… patthanāya upanissayapaccayena paccayo. (1)

    ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಸುಖಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಪೀತಿಸಹಗತಞ್ಚ ಸುಖಸಹಗತಞ್ಚ ಸದ್ಧಂ ಉಪನಿಸ್ಸಾಯ ಸುಖಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ದಿಟ್ಠಿಂ ಗಣ್ಹಾತಿ। ಪೀತಿಸಹಗತಞ್ಚ ಸುಖಸಹಗತಞ್ಚ ಸೀಲಂ…ಪೇ॰… ಪತ್ಥನಂ ಉಪನಿಸ್ಸಾಯ ಸುಖಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ನಿಗಮಘಾತಂ ಕರೋತಿ। ಪೀತಿಸಹಗತಾ ಚ ಸುಖಸಹಗತಾ ಚ ಸದ್ಧಾ…ಪೇ॰… ಪತ್ಥನಾ ಸುಖಸಹಗತಾಯ ಸದ್ಧಾಯ…ಪೇ॰… ಪತ್ಥನಾಯ ಸುಖಸಹಗತಸ್ಸ ಕಾಯವಿಞ್ಞಾಣಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೨)

    Pītisahagato ca sukhasahagato ca dhammā sukhasahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagatañca sukhasahagatañca saddhaṃ upanissāya sukhasahagatena cittena dānaṃ deti…pe… diṭṭhiṃ gaṇhāti. Pītisahagatañca sukhasahagatañca sīlaṃ…pe… patthanaṃ upanissāya sukhasahagatena cittena dānaṃ deti…pe… nigamaghātaṃ karoti. Pītisahagatā ca sukhasahagatā ca saddhā…pe… patthanā sukhasahagatāya saddhāya…pe… patthanāya sukhasahagatassa kāyaviññāṇassa upanissayapaccayena paccayo. (2)

    ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಪೀತಿಸಹಗತಞ್ಚ ಸುಖಸಹಗತಞ್ಚ ಸದ್ಧಂ ಉಪನಿಸ್ಸಾಯ ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದೇತಿ …ಪೇ॰… ಅಭಿಞ್ಞಂ ಉಪ್ಪಾದೇತಿ…ಪೇ॰… ದಿಟ್ಠಿಂ ಗಣ್ಹಾತಿ। ಪೀತಿಸಹಗತಞ್ಚ ಸುಖಸಹಗತಞ್ಚ ಸೀಲಂ…ಪೇ॰… ಪತ್ಥನಂ ಉಪನಿಸ್ಸಾಯ ಉಪೇಕ್ಖಾಸಹಗತೇನ ಚಿತ್ತೇನ ದಾನಂ ದೇತಿ…ಪೇ॰… ನಿಗಮಘಾತಂ ಕರೋತಿ। ಪೀತಿಸಹಗತಾ ಚ ಸುಖಸಹಗತಾ ಚ ಸದ್ಧಾ…ಪೇ॰… ಪತ್ಥನಾ ಉಪೇಕ್ಖಾಸಹಗತಾಯ ಸದ್ಧಾಯ…ಪೇ॰… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೩)

    Pītisahagato ca sukhasahagato ca dhammā upekkhāsahagatassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagatañca sukhasahagatañca saddhaṃ upanissāya upekkhāsahagatena cittena dānaṃ deti …pe… abhiññaṃ uppādeti…pe… diṭṭhiṃ gaṇhāti. Pītisahagatañca sukhasahagatañca sīlaṃ…pe… patthanaṃ upanissāya upekkhāsahagatena cittena dānaṃ deti…pe… nigamaghātaṃ karoti. Pītisahagatā ca sukhasahagatā ca saddhā…pe… patthanā upekkhāsahagatāya saddhāya…pe… patthanāya upanissayapaccayena paccayo. (3)

    ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಉಪನಿಸ್ಸಯಪಚ್ಚಯೇನ ಪಚ್ಚಯೋ – ಆರಮ್ಮಣೂಪನಿಸ್ಸಯೋ, ಅನನ್ತರೂಪನಿಸ್ಸಯೋ, ಪಕತೂಪನಿಸ್ಸಯೋ…ಪೇ॰…। ಪಕತೂಪನಿಸ್ಸಯೋ – ಪೀತಿಸಹಗತಞ್ಚ ಸುಖಸಹಗತಞ್ಚ ಸದ್ಧಂ ಉಪನಿಸ್ಸಾಯ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ದಾನಂ ದೇತಿ, ಸೀಲಂ ಸಮಾದಿಯತಿ, ಉಪೋಸಥಕಮ್ಮಂ ಕರೋತಿ। ಪೀತಿಸಹಗತಞ್ಚ ಸುಖಸಹಗತಞ್ಚ ಝಾನಂ ಉಪ್ಪಾದೇತಿ, ವಿಪಸ್ಸನಂ ಉಪ್ಪಾದೇತಿ, ಮಗ್ಗಂ ಉಪ್ಪಾದೇತಿ, ಸಮಾಪತ್ತಿಂ ಉಪ್ಪಾದೇತಿ, ಮಾನಂ ಜಪ್ಪೇತಿ, ದಿಟ್ಠಿಂ ಗಣ್ಹಾತಿ। ಪೀತಿಸಹಗತಞ್ಚ ಸುಖಸಹಗತಞ್ಚ ಸೀಲಂ… ಸುತಂ… ಚಾಗಂ… ಪಞ್ಞಂ… ರಾಗಂ… ಮೋಹಂ… ಮಾನಂ… ದಿಟ್ಠಿಂ… ಪತ್ಥನಂ ಉಪನಿಸ್ಸಾಯ ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ದಾನಂ ದೇತಿ, ಸೀಲಂ ಸಮಾದಿಯತಿ, ಉಪೋಸಥಕಮ್ಮಂ ಕರೋತಿ। ಪೀತಿಸಹಗತಞ್ಚ ಸುಖಸಹಗತಞ್ಚ ಝಾನಂ ಉಪ್ಪಾದೇತಿ…ಪೇ॰… ಸಮಾಪತ್ತಿಂ ಉಪ್ಪಾದೇತಿ। ಪೀತಿಸಹಗತೇನ ಚ ಸುಖಸಹಗತೇನ ಚ ಚಿತ್ತೇನ ಅದಿನ್ನಂ ಆದಿಯತಿ, ಮುಸಾ ಭಣತಿ, ಪಿಸುಣಂ ಭಣತಿ, ಸಮ್ಫಂ ಪಲಪತಿ, ಸನ್ಧಿಂ ಛಿನ್ದತಿ, ನಿಲ್ಲೋಪಂ ಹರತಿ, ಏಕಾಗಾರಿಕಂ ಕರೋತಿ, ಪರಿಪನ್ಥೇ ತಿಟ್ಠತಿ, ಪರದಾರಂ ಗಚ್ಛತಿ, ಗಾಮಘಾತಂ ಕರೋತಿ, ನಿಗಮಘಾತಂ ಕರೋತಿ। ಪೀತಿಸಹಗತಾ ಚ ಸುಖಸಹಗತಾ ಚ ಸದ್ಧಾ…ಪೇ॰… ಪತ್ಥನಾ ಪೀತಿಸಹಗತಾಯ ಚ ಸುಖಸಹಗತಾಯ ಚ ಸದ್ಧಾಯ…ಪೇ॰… ಪತ್ಥನಾಯ ಉಪನಿಸ್ಸಯಪಚ್ಚಯೇನ ಪಚ್ಚಯೋ। (೪)

    Pītisahagato ca sukhasahagato ca dhammā pītisahagatassa ca sukhasahagatassa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – pītisahagatañca sukhasahagatañca saddhaṃ upanissāya pītisahagatena ca sukhasahagatena ca cittena dānaṃ deti, sīlaṃ samādiyati, uposathakammaṃ karoti. Pītisahagatañca sukhasahagatañca jhānaṃ uppādeti, vipassanaṃ uppādeti, maggaṃ uppādeti, samāpattiṃ uppādeti, mānaṃ jappeti, diṭṭhiṃ gaṇhāti. Pītisahagatañca sukhasahagatañca sīlaṃ… sutaṃ… cāgaṃ… paññaṃ… rāgaṃ… mohaṃ… mānaṃ… diṭṭhiṃ… patthanaṃ upanissāya pītisahagatena ca sukhasahagatena ca cittena dānaṃ deti, sīlaṃ samādiyati, uposathakammaṃ karoti. Pītisahagatañca sukhasahagatañca jhānaṃ uppādeti…pe… samāpattiṃ uppādeti. Pītisahagatena ca sukhasahagatena ca cittena adinnaṃ ādiyati, musā bhaṇati, pisuṇaṃ bhaṇati, samphaṃ palapati, sandhiṃ chindati, nillopaṃ harati, ekāgārikaṃ karoti, paripanthe tiṭṭhati, paradāraṃ gacchati, gāmaghātaṃ karoti, nigamaghātaṃ karoti. Pītisahagatā ca sukhasahagatā ca saddhā…pe… patthanā pītisahagatāya ca sukhasahagatāya ca saddhāya…pe… patthanāya upanissayapaccayena paccayo. (4)

    ಆಸೇವನಪಚ್ಚಯೋ

    Āsevanapaccayo

    ೩೭. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಪೀತಿಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಪೀತಿಸಹಗತಾನಂ ಖನ್ಧಾನಂ ಆಸೇವನಪಚ್ಚಯೇನ ಪಚ್ಚಯೋ। ಪೀತಿಸಹಗತಂ ಅನುಲೋಮಂ ಪೀತಿಸಹಗತಸ್ಸ ಗೋತ್ರಭುಸ್ಸ… ಅನುಲೋಮಂ ವೋದಾನಸ್ಸ… ಗೋತ್ರಭು ಮಗ್ಗಸ್ಸ… ವೋದಾನಂ ಮಗ್ಗಸ್ಸ ಆಸೇವನಪಚ್ಚಯೇನ ಪಚ್ಚಯೋ। (೧)

    37. Pītisahagato dhammo pītisahagatassa dhammassa āsevanapaccayena paccayo – purimā purimā pītisahagatā khandhā pacchimānaṃ pacchimānaṃ pītisahagatānaṃ khandhānaṃ āsevanapaccayena paccayo. Pītisahagataṃ anulomaṃ pītisahagatassa gotrabhussa… anulomaṃ vodānassa… gotrabhu maggassa… vodānaṃ maggassa āsevanapaccayena paccayo. (1)

    ಪೀತಿಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಪೀತಿಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಸುಖಸಹಗತಾನಂ ಖನ್ಧಾನಂ ಆಸೇವನಪಚ್ಚಯೇನ ಪಚ್ಚಯೋ। ಪೀತಿಸಹಗತಂ ಅನುಲೋಮಂ ಸುಖಸಹಗತಸ್ಸ ಗೋತ್ರಭುಸ್ಸ ಆಸೇವನಪಚ್ಚಯೇನ ಪಚ್ಚಯೋ। ಪೀತಿಸಹಗತಂ ಅನುಲೋಮಂ ಸುಖಸಹಗತಸ್ಸ ವೋದಾನಸ್ಸ ಆಸೇವನಪಚ್ಚಯೇನ ಪಚ್ಚಯೋ। ಪೀತಿಸಹಗತಂ ಗೋತ್ರಭು ಸುಖಸಹಗತಸ್ಸ ಮಗ್ಗಸ್ಸ… ಪೀತಿಸಹಗತಂ ವೋದಾನಂ ಸುಖಸಹಗತಸ್ಸ ಮಗ್ಗಸ್ಸ ಆಸೇವನಪಚ್ಚಯೇನ ಪಚ್ಚಯೋ। (೨)

    Pītisahagato dhammo sukhasahagatassa dhammassa āsevanapaccayena paccayo – purimā purimā pītisahagatā khandhā pacchimānaṃ pacchimānaṃ sukhasahagatānaṃ khandhānaṃ āsevanapaccayena paccayo. Pītisahagataṃ anulomaṃ sukhasahagatassa gotrabhussa āsevanapaccayena paccayo. Pītisahagataṃ anulomaṃ sukhasahagatassa vodānassa āsevanapaccayena paccayo. Pītisahagataṃ gotrabhu sukhasahagatassa maggassa… pītisahagataṃ vodānaṃ sukhasahagatassa maggassa āsevanapaccayena paccayo. (2)

    ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಪೀತಿಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಆಸೇವನಪಚ್ಚಯೇನ ಪಚ್ಚಯೋ…ಪೇ॰… ಪೀತಿಸಹಗತಂ ವೋದಾನಂ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಮಗ್ಗಸ್ಸ ಆಸೇವನಪಚ್ಚಯೇನ ಪಚ್ಚಯೋ। (೩)

    Pītisahagato dhammo pītisahagatassa ca sukhasahagatassa ca dhammassa āsevanapaccayena paccayo – purimā purimā pītisahagatā khandhā pacchimānaṃ pacchimānaṃ pītisahagatānañca sukhasahagatānañca āsevanapaccayena paccayo…pe… pītisahagataṃ vodānaṃ pītisahagatassa ca sukhasahagatassa ca maggassa āsevanapaccayena paccayo. (3)

    ೩೮. ಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ…ಪೇ॰… ಪೀತಿಸಹಗತಸ್ಸ ಧಮ್ಮಸ್ಸ…ಪೇ॰… ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ (ಸಂಖಿತ್ತಂ। ಪೀತಿನಯಂ ಪಸ್ಸಿತ್ವಾ ಕಾತಬ್ಬಂ)।

    38. Sukhasahagato dhammo sukhasahagatassa dhammassa…pe… pītisahagatassa dhammassa…pe… pītisahagatassa ca sukhasahagatassa ca dhammassa āsevanapaccayena paccayo (saṃkhittaṃ. Pītinayaṃ passitvā kātabbaṃ).

    ಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಉಪೇಕ್ಖಾಸಹಗತಾ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಉಪೇಕ್ಖಾಸಹಗತಾನಂ ಖನ್ಧಾನಂ…ಪೇ॰… ಉಪೇಕ್ಖಾಸಹಗತಂ ವೋದಾನಂ ಉಪೇಕ್ಖಾಸಹಗತಸ್ಸ ಮಗ್ಗಸ್ಸ ಆಸೇವನಪಚ್ಚಯೇನ ಪಚ್ಚಯೋ। (೧)

    Upekkhāsahagato dhammo upekkhāsahagatassa dhammassa āsevanapaccayena paccayo – purimā purimā upekkhāsahagatā khandhā pacchimānaṃ pacchimānaṃ upekkhāsahagatānaṃ khandhānaṃ…pe… upekkhāsahagataṃ vodānaṃ upekkhāsahagatassa maggassa āsevanapaccayena paccayo. (1)

    ೩೯. ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಧಮ್ಮಸ್ಸ…ಪೇ॰… ಸುಖಸಹಗತಸ್ಸ ಧಮ್ಮಸ್ಸ…ಪೇ॰… ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆಸೇವನಪಚ್ಚಯೇನ ಪಚ್ಚಯೋ – ಪುರಿಮಾ ಪುರಿಮಾ ಪೀತಿಸಹಗತಾ ಚ ಸುಖಸಹಗತಾ ಚ ಖನ್ಧಾ ಪಚ್ಛಿಮಾನಂ ಪಚ್ಛಿಮಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ ಆಸೇವನಪಚ್ಚಯೇನ ಪಚ್ಚಯೋ…ಪೇ॰… ಪೀತಿಸಹಗತಞ್ಚ ಸುಖಸಹಗತಞ್ಚ ವೋದಾನಂ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಮಗ್ಗಸ್ಸ ಆಸೇವನಪಚ್ಚಯೇನ ಪಚ್ಚಯೋ। (೩)

    39. Pītisahagato ca sukhasahagato ca dhammā pītisahagatassa dhammassa…pe… sukhasahagatassa dhammassa…pe… pītisahagatassa ca sukhasahagatassa ca dhammassa āsevanapaccayena paccayo – purimā purimā pītisahagatā ca sukhasahagatā ca khandhā pacchimānaṃ pacchimānaṃ pītisahagatānañca sukhasahagatānañca khandhānaṃ āsevanapaccayena paccayo…pe… pītisahagatañca sukhasahagatañca vodānaṃ pītisahagatassa ca sukhasahagatassa ca maggassa āsevanapaccayena paccayo. (3)

    ಕಮ್ಮಪಚ್ಚಯೋ

    Kammapaccayo

    ೪೦. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ 1। ಸಹಜಾತಾ – ಪೀತಿಸಹಗತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। ಪಟಿಸನ್ಧಿಕ್ಖಣೇ ಪೀತಿಸಹಗತಾ ಚೇತನಾ ಸಮ್ಪಯುತ್ತಕಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। ನಾನಾಕ್ಖಣಿಕಾ – ಪೀತಿಸಹಗತಾ ಚೇತನಾ ವಿಪಾಕಾನಂ ಪೀತಿಸಹಗತಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। (೧)

    40. Pītisahagato dhammo pītisahagatassa dhammassa kammapaccayena paccayo – sahajātā, nānākkhaṇikā 2. Sahajātā – pītisahagatā cetanā sampayuttakānaṃ khandhānaṃ kammapaccayena paccayo. Paṭisandhikkhaṇe pītisahagatā cetanā sampayuttakānaṃ khandhānaṃ kammapaccayena paccayo. Nānākkhaṇikā – pītisahagatā cetanā vipākānaṃ pītisahagatānaṃ khandhānaṃ kammapaccayena paccayo. (1)

    ಪೀತಿಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ಪೀತಿಸಹಗತಾ ಚೇತನಾ ಸಮ್ಪಯುತ್ತಕಾನಂ ಸುಖಸಹಗತಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। ಪಟಿಸನ್ಧಿಕ್ಖಣೇ ಪೀತಿಸಹಗತಾ ಚೇತನಾ ಸಮ್ಪಯುತ್ತಕಾನಂ ಸುಖಸಹಗತಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। ನಾನಾಕ್ಖಣಿಕಾ – ಪೀತಿಸಹಗತಾ ಚೇತನಾ ವಿಪಾಕಾನಂ ಸುಖಸಹಗತಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। (೨)

    Pītisahagato dhammo sukhasahagatassa dhammassa kammapaccayena paccayo – sahajātā, nānākkhaṇikā. Sahajātā – pītisahagatā cetanā sampayuttakānaṃ sukhasahagatānaṃ khandhānaṃ kammapaccayena paccayo. Paṭisandhikkhaṇe pītisahagatā cetanā sampayuttakānaṃ sukhasahagatānaṃ khandhānaṃ kammapaccayena paccayo. Nānākkhaṇikā – pītisahagatā cetanā vipākānaṃ sukhasahagatānaṃ khandhānaṃ kammapaccayena paccayo. (2)

    ಪೀತಿಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ। ನಾನಾಕ್ಖಣಿಕಾ – ಪೀತಿಸಹಗತಾ ಚೇತನಾ ವಿಪಾಕಾನಂ ಉಪೇಕ್ಖಾಸಹಗತಾನಂ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। (೩)

    Pītisahagato dhammo upekkhāsahagatassa dhammassa kammapaccayena paccayo. Nānākkhaṇikā – pītisahagatā cetanā vipākānaṃ upekkhāsahagatānaṃ khandhānaṃ kammapaccayena paccayo. (3)

    ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ। ಸಹಜಾತಾ – ಪೀತಿಸಹಗತಾ ಚೇತನಾ ಸಮ್ಪಯುತ್ತಕಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। ಪಟಿಸನ್ಧಿಕ್ಖಣೇ …ಪೇ॰…। ನಾನಾಕ್ಖಣಿಕಾ – ಪೀತಿಸಹಗತಾ ಚೇತನಾ ವಿಪಾಕಾನಂ ಪೀತಿಸಹಗತಾನಞ್ಚ ಸುಖಸಹಗತಾನಞ್ಚ ಖನ್ಧಾನಂ ಕಮ್ಮಪಚ್ಚಯೇನ ಪಚ್ಚಯೋ। (೪)

    Pītisahagato dhammo pītisahagatassa ca sukhasahagatassa ca dhammassa kammapaccayena paccayo – sahajātā, nānākkhaṇikā. Sahajātā – pītisahagatā cetanā sampayuttakānaṃ pītisahagatānañca sukhasahagatānañca khandhānaṃ kammapaccayena paccayo. Paṭisandhikkhaṇe …pe…. Nānākkhaṇikā – pītisahagatā cetanā vipākānaṃ pītisahagatānañca sukhasahagatānañca khandhānaṃ kammapaccayena paccayo. (4)

    ೪೧. ಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ (ಚತ್ತಾರಿಪಿ ಗಣನಾನಿ ಪಸ್ಸಿತ್ವಾ ಕಾತಬ್ಬಾನಿ)।

    41. Sukhasahagato dhammo sukhasahagatassa dhammassa (cattāripi gaṇanāni passitvā kātabbāni).

    ೪೨. ಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ – ಸಹಜಾತಾ, ನಾನಾಕ್ಖಣಿಕಾ…ಪೇ॰…।

    42. Upekkhāsahagato dhammo upekkhāsahagatassa dhammassa kammapaccayena paccayo – sahajātā, nānākkhaṇikā…pe….

    ಉಪೇಕ್ಖಾಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ। ನಾನಾಕ್ಖಣಿಕಾ – ಉಪೇಕ್ಖಾಸಹಗತಾ ಚೇತನಾ…ಪೇ॰…।

    Upekkhāsahagato dhammo pītisahagatassa dhammassa kammapaccayena paccayo. Nānākkhaṇikā – upekkhāsahagatā cetanā…pe….

    ಉಪೇಕ್ಖಾಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ। ನಾನಾಕ್ಖಣಿಕಾ – ಉಪೇಕ್ಖಾಸಹಗತಾ ಚೇತನಾ…ಪೇ॰…।

    Upekkhāsahagato dhammo sukhasahagatassa dhammassa kammapaccayena paccayo. Nānākkhaṇikā – upekkhāsahagatā cetanā…pe….

    ಉಪೇಕ್ಖಾಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಕಮ್ಮಪಚ್ಚಯೇನ ಪಚ್ಚಯೋ। ನಾನಾಕ್ಖಣಿಕಾ – ಉಪೇಕ್ಖಾಸಹಗತಾ ಚೇತನಾ…ಪೇ॰…। (೪)

    Upekkhāsahagato dhammo pītisahagatassa ca sukhasahagatassa ca dhammassa kammapaccayena paccayo. Nānākkhaṇikā – upekkhāsahagatā cetanā…pe…. (4)

    ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಧಮ್ಮಸ್ಸ (ಚತ್ತಾರಿ ಕಾತಬ್ಬಾನಿ, ಪೀತಿಸಹಗತಂ ಅನುಮಜ್ಜನ್ತೇನ ವಿಭಜಿತಬ್ಬಂ)। (೪)

    Pītisahagato ca sukhasahagato ca dhammā pītisahagatassa dhammassa (cattāri kātabbāni, pītisahagataṃ anumajjantena vibhajitabbaṃ). (4)

    ವಿಪಾಕಪಚ್ಚಯೋ

    Vipākapaccayo

    ೪೩. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ವಿಪಾಕಪಚ್ಚಯೇನ ಪಚ್ಚಯೋ – ಪೀತಿಸಹಗತೋ ವಿಪಾಕೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ ವಿಪಾಕಪಚ್ಚಯೇನ ಪಚ್ಚಯೋ…ಪೇ॰… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ…ಪೇ॰… ಪಟಿಸನ್ಧಿಕ್ಖಣೇ ಪೀತಿಸಹಗತೋ ಏಕೋ ಖನ್ಧೋ ತಿಣ್ಣನ್ನಂ ಖನ್ಧಾನಂ…ಪೇ॰… ದ್ವೇ ಖನ್ಧಾ ದ್ವಿನ್ನಂ ಖನ್ಧಾನಂ…ಪೇ॰…।

    43. Pītisahagato dhammo pītisahagatassa dhammassa vipākapaccayena paccayo – pītisahagato vipāko eko khandho tiṇṇannaṃ khandhānaṃ vipākapaccayena paccayo…pe… dve khandhā dvinnaṃ khandhānaṃ…pe… paṭisandhikkhaṇe pītisahagato eko khandho tiṇṇannaṃ khandhānaṃ…pe… dve khandhā dvinnaṃ khandhānaṃ…pe….

    (ಯಥಾ ಪಟಿಚ್ಚವಾರೇ ಹೇತುಪಚ್ಚಯೇ ಏವಂ ವಿತ್ಥಾರೇತಬ್ಬಾ ದಸ ಪಞ್ಹಾ।)

    (Yathā paṭiccavāre hetupaccaye evaṃ vitthāretabbā dasa pañhā.)

    ಆಹಾರಪಚ್ಚಯಾದಿ

    Āhārapaccayādi

    ೪೪. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ… ಝಾನಪಚ್ಚಯೇನ ಪಚ್ಚಯೋ… ಮಗ್ಗಪಚ್ಚಯೇನ ಪಚ್ಚಯೋ… ಸಮ್ಪಯುತ್ತಪಚ್ಚಯೇನ ಪಚ್ಚಯೋ… ಅತ್ಥಿಪಚ್ಚಯೇನ ಪಚ್ಚಯೋ… (ದಸ ಪಞ್ಹಾ ವಿತ್ಥಾರೇತಬ್ಬಾ) ನತ್ಥಿಪಚ್ಚಯೇನ ಪಚ್ಚಯೋ… ವಿಗತಪಚ್ಚಯೇನ ಪಚ್ಚಯೋ… (ನತ್ಥಿಪಿ ವಿಗತಮ್ಪಿ ಅನನ್ತರಸದಿಸಂ) ಅವಿಗತಪಚ್ಚಯೇನ ಪಚ್ಚಯೋ।

    44. Pītisahagato dhammo pītisahagatassa dhammassa āhārapaccayena paccayo… indriyapaccayena paccayo… jhānapaccayena paccayo… maggapaccayena paccayo… sampayuttapaccayena paccayo… atthipaccayena paccayo… (dasa pañhā vitthāretabbā) natthipaccayena paccayo… vigatapaccayena paccayo… (natthipi vigatampi anantarasadisaṃ) avigatapaccayena paccayo.

    ೧. ಪಚ್ಚಯಾನುಲೋಮಂ

    1. Paccayānulomaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ಸುದ್ಧಂ

    Suddhaṃ

    ೪೫. ಹೇತುಯಾ ದಸ, ಆರಮ್ಮಣೇ ಸೋಳಸ, ಅಧಿಪತಿಯಾ ಸೋಳಸ, ಅನನ್ತರೇ ಸೋಳಸ, ಸಮನನ್ತರೇ ಸೋಳಸ, ಸಹಜಾತೇ ದಸ, ಅಞ್ಞಮಞ್ಞೇ ದಸ, ನಿಸ್ಸಯೇ ದಸ, ಉಪನಿಸ್ಸಯೇ ಸೋಳಸ, ಆಸೇವನೇ ದಸ, ಕಮ್ಮೇ ಸೋಳಸ, ವಿಪಾಕೇ ದಸ, ಆಹಾರೇ ಇನ್ದ್ರಿಯೇ ಝಾನೇ ಮಗ್ಗೇ ಸಮ್ಪಯುತ್ತೇ ಅತ್ಥಿಯಾ ದಸ, ನತ್ಥಿಯಾ ಸೋಳಸ, ವಿಗತೇ ಸೋಳಸ, ಅವಿಗತೇ ದಸ।

    45. Hetuyā dasa, ārammaṇe soḷasa, adhipatiyā soḷasa, anantare soḷasa, samanantare soḷasa, sahajāte dasa, aññamaññe dasa, nissaye dasa, upanissaye soḷasa, āsevane dasa, kamme soḷasa, vipāke dasa, āhāre indriye jhāne magge sampayutte atthiyā dasa, natthiyā soḷasa, vigate soḷasa, avigate dasa.

    (ಕುಸಲತ್ತಿಕಂ ಅನುಲೋಮಂ ಅನುಮಜ್ಜನ್ತೇನ ಗಣೇತಬ್ಬಂ।)

    (Kusalattikaṃ anulomaṃ anumajjantena gaṇetabbaṃ.)

    ಅನುಲೋಮಂ।

    Anulomaṃ.

    ಪಚ್ಚನೀಯುದ್ಧಾರೋ

    Paccanīyuddhāro

    ೪೬. ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೧)

    46. Pītisahagato dhammo pītisahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)

    ಪೀತಿಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೨)

    Pītisahagato dhammo sukhasahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (2)

    ಪೀತಿಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೩)

    Pītisahagato dhammo upekkhāsahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)

    ಪೀತಿಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೪)

    Pītisahagato dhammo pītisahagatassa ca sukhasahagatassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (4)

    ೪೭. ಸುಖಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೧)

    47. Sukhasahagato dhammo sukhasahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)

    ಸುಖಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೨)

    Sukhasahagato dhammo pītisahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (2)

    ಸುಖಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೩)

    Sukhasahagato dhammo upekkhāsahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)

    ಸುಖಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೪)

    Sukhasahagato dhammo pītisahagatassa ca sukhasahagatassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (4)

    ೪೮. ಉಪೇಕ್ಖಾಸಹಗತೋ ಧಮ್ಮೋ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೧)

    48. Upekkhāsahagato dhammo upekkhāsahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)

    ಉಪೇಕ್ಖಾಸಹಗತೋ ಧಮ್ಮೋ ಪೀತಿಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೨)

    Upekkhāsahagato dhammo pītisahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (2)

    ಉಪೇಕ್ಖಾಸಹಗತೋ ಧಮ್ಮೋ ಸುಖಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೩)

    Upekkhāsahagato dhammo sukhasahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)

    ಉಪೇಕ್ಖಾಸಹಗತೋ ಧಮ್ಮೋ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೪)

    Upekkhāsahagato dhammo pītisahagatassa ca sukhasahagatassa ca dhammassa ārammaṇapaccayena paccayo… upanissayapaccayena paccayo… kammapaccayena paccayo. (4)

    ೪೯. ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೧)

    49. Pītisahagato ca sukhasahagato ca dhammā pītisahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (1)

    ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಸುಖಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೨)

    Pītisahagato ca sukhasahagato ca dhammā sukhasahagatassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (2)

    ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಉಪೇಕ್ಖಾಸಹಗತಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೩)

    Pītisahagato ca sukhasahagato ca dhammā upekkhāsahagatassa dhammassa ārammaṇapaccayena paccayo… upanissayapaccayena paccayo… kammapaccayena paccayo. (3)

    ಪೀತಿಸಹಗತೋ ಚ ಸುಖಸಹಗತೋ ಚ ಧಮ್ಮಾ ಪೀತಿಸಹಗತಸ್ಸ ಚ ಸುಖಸಹಗತಸ್ಸ ಚ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ। (೪)

    Pītisahagato ca sukhasahagato ca dhammā pītisahagatassa ca sukhasahagatassa ca dhammassa ārammaṇapaccayena paccayo… sahajātapaccayena paccayo… upanissayapaccayena paccayo… kammapaccayena paccayo. (4)

    ೨. ಪಚ್ಚಯಪಚ್ಚನೀಯಂ

    2. Paccayapaccanīyaṃ

    ೨. ಸಙ್ಖ್ಯಾವಾರೋ

    2. Saṅkhyāvāro

    ಸುದ್ಧಂ

    Suddhaṃ

    ೫೦. ನಹೇತುಯಾ ಸೋಳಸ, ನಆರಮ್ಮಣೇ ನಅಧಿಪತಿಯಾ ನಅನನ್ತರೇ ನಸಮನನ್ತರೇ ನಸಹಜಾತೇ ನಅಞ್ಞಮಞ್ಞೇ ನನಿಸ್ಸಯೇ ನಉಪನಿಸ್ಸಯೇ ನಪುರೇಜಾತೇ ನಪಚ್ಛಾಜಾತೇ ನಆಸೇವನೇ ನಕಮ್ಮೇ ನವಿಪಾಕೇ ನಆಹಾರೇ ನಇನ್ದ್ರಿಯೇ ನಝಾನೇ ನಮಗ್ಗೇ ನಸಮ್ಪಯುತ್ತೇ ನವಿಪ್ಪಯುತ್ತೇ ನೋಅತ್ಥಿಯಾ ನೋನತ್ಥಿಯಾ ನೋವಿಗತೇ ನೋಅವಿಗತೇ ಸಬ್ಬತ್ಥ ಸೋಳಸ।

    50. Nahetuyā soḷasa, naārammaṇe naadhipatiyā naanantare nasamanantare nasahajāte naaññamaññe nanissaye naupanissaye napurejāte napacchājāte naāsevane nakamme navipāke naāhāre naindriye najhāne namagge nasampayutte navippayutte noatthiyā nonatthiyā novigate noavigate sabbattha soḷasa.

    (ಪಚ್ಚನೀಯಂ ಅನುಮಜ್ಜನ್ತೇನ ಗಣೇತಬ್ಬಂ।)

    (Paccanīyaṃ anumajjantena gaṇetabbaṃ.)

    ಪಚ್ಚನೀಯಂ।

    Paccanīyaṃ.

    ೩. ಪಚ್ಚಯಾನುಲೋಮಪಚ್ಚನೀಯಂ

    3. Paccayānulomapaccanīyaṃ

    ದುಕಂ

    Dukaṃ

    ೫೧. ಹೇತುಪಚ್ಚಯಾ ನಆರಮ್ಮಣೇ ದಸ, ನಅಧಿಪತಿಯಾ ದಸ, ನಅನನ್ತರೇ ನಸಮನನ್ತರೇ ನಉಪನಿಸ್ಸಯೇ ನಪುರೇಜಾತೇ ನಪಚ್ಛಾಜಾತೇ ನಆಸೇವನೇ ನಕಮ್ಮೇ ನವಿಪಾಕೇ ನಆಹಾರೇ ನಇನ್ದ್ರಿಯೇ ನಝಾನೇ ನಮಗ್ಗೇ ನವಿಪ್ಪಯುತ್ತೇ ನೋನತ್ಥಿಯಾ ನೋವಿಗತೇ ಸಬ್ಬತ್ಥ ದಸ।

    51. Hetupaccayā naārammaṇe dasa, naadhipatiyā dasa, naanantare nasamanantare naupanissaye napurejāte napacchājāte naāsevane nakamme navipāke naāhāre naindriye najhāne namagge navippayutte nonatthiyā novigate sabbattha dasa.

    (ಅನುಲೋಮಪಚ್ಚನೀಯಂ ಅನುಮಜ್ಜನ್ತೇನ ಗಣೇತಬ್ಬಂ।)

    (Anulomapaccanīyaṃ anumajjantena gaṇetabbaṃ.)

    ಅನುಲೋಮಪಚ್ಚನೀಯಂ।

    Anulomapaccanīyaṃ.

    ೪. ಪಚ್ಚಯಪಚ್ಚನೀಯಾನುಲೋಮಂ

    4. Paccayapaccanīyānulomaṃ

    ದುಕಂ

    Dukaṃ

    ೫೨. ನಹೇತುಪಚ್ಚಯಾ ಆರಮ್ಮಣೇ ಸೋಳಸ, ಅಧಿಪತಿಯಾ ಅನನ್ತರೇ ಸಮನನ್ತರೇ ಸೋಳಸ, ಸಹಜಾತೇ ದಸ, ಅಞ್ಞಮಞ್ಞೇ ದಸ, ನಿಸ್ಸಯೇ ದಸ, ಉಪನಿಸ್ಸಯೇ ಸೋಳಸ, ಆಸೇವನೇ ದಸ, ಕಮ್ಮೇ ಸೋಳಸ, ವಿಪಾಕೇ ದಸ, ಆಹಾರೇ ದಸ, ಇನ್ದ್ರಿಯೇ ದಸ, ಝಾನೇ ದಸ, ಮಗ್ಗೇ ದಸ, ಸಮ್ಪಯುತ್ತೇ ದಸ, ಅತ್ಥಿಯಾ ದಸ, ನತ್ಥಿಯಾ ಸೋಳಸ, ವಿಗತೇ ಸೋಳಸ, ಅವಿಗತೇ ದಸ।

    52. Nahetupaccayā ārammaṇe soḷasa, adhipatiyā anantare samanantare soḷasa, sahajāte dasa, aññamaññe dasa, nissaye dasa, upanissaye soḷasa, āsevane dasa, kamme soḷasa, vipāke dasa, āhāre dasa, indriye dasa, jhāne dasa, magge dasa, sampayutte dasa, atthiyā dasa, natthiyā soḷasa, vigate soḷasa, avigate dasa.

    (ಪಚ್ಚನೀಯಾನುಲೋಮಂ ಅನುಮಜ್ಜನ್ತೇನ ಗಣೇತಬ್ಬಂ।)

    (Paccanīyānulomaṃ anumajjantena gaṇetabbaṃ.)

    ಪಚ್ಚನೀಯಾನುಲೋಮಂ।

    Paccanīyānulomaṃ.

    ಪೀತಿತ್ತಿಕಂ ನಿಟ್ಠಿತಂ।

    Pītittikaṃ niṭṭhitaṃ.




    Next: ೮. ದಸ್ಸನೇನಪಹಾತಬ್ಬತ್ತಿಕಂ • 8. Dassanenapahātabbattikaṃ




    Footnotes:
    1. ನಾನಾಖಣಿಕಾ (ಸ್ಯಾ॰ ಕ॰)
    2. nānākhaṇikā (syā. ka.)



    Related texts:



    ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೫-೨೨. ಸಙ್ಕಿಲಿಟ್ಠತ್ತಿಕಾದಿವಣ್ಣನಾ • 5-22. Saṅkiliṭṭhattikādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact