| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
7. бияаж̇аад̇игасуд̇д̇ам̣
7. Piyajātikasuttaṃ
353. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇арасса г̇ахабад̇исса згабуд̇д̇аго бияо манаабо гаалан̇гад̇о ход̇и. д̇асса гаалам̣гирияааяа нзва гамманд̇аа бадибханд̇и на бхад̇д̇ам̣ бадибхаад̇и. со аал̣ааханам̣ г̇анд̇ваа ганд̣̇ад̇и – ‘‘гахам̣, згабуд̇д̇ага, гахам̣, згабуд̇д̇агаа’’д̇и! ат̇а ко со г̇ахабад̇и язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко д̇ам̣ г̇ахабад̇им̣ бхаг̇аваа зд̇ад̣̇авожа – ‘‘на ко д̇з, г̇ахабад̇и, сагз жид̇д̇з тид̇асса инд̣̇рияаани, ад̇т̇и д̇з инд̣̇рияаанам̣ ан̃н̃ат̇ад̇д̇а’’нд̇и. ‘‘гин̃хи мз, бханд̇з, инд̣̇рияаанам̣ наан̃н̃ат̇ад̇д̇ам̣ бхависсад̇и; маяхан̃хи, бханд̇з, згабуд̇д̇о бияо манаабо гаалан̇гад̇о. д̇асса гаалам̣гирияааяа нзва гамманд̇аа бадибханд̇и, на бхад̇д̇ам̣ бадибхаад̇и. сохам̣ аал̣ааханам̣ г̇анд̇ваа ганд̣̇аами – ‘гахам̣, згабуд̇д̇ага, гахам̣, згабуд̇д̇агаа’’’д̇и! ‘‘звамзд̇ам̣, г̇ахабад̇и, звамзд̇ам̣, г̇ахабад̇и 1! бияаж̇аад̇игаа хи, г̇ахабад̇и, согабарид̣̇звад̣̇угкад̣̇оманассубааяаасаа бияаббабхавигаа’’д̇и. ‘‘гасса ко 2 наамзд̇ам̣, бханд̇з, звам̣ бхависсад̇и – ‘бияаж̇аад̇игаа согабарид̣̇звад̣̇угкад̣̇оманассубааяаасаа бияаббабхавигаа’д̇и? бияаж̇аад̇игаа хи ко, бханд̇з, аананд̣̇асоманассаа бияаббабхавигаа’’д̇и. ат̇а ко со г̇ахабад̇и бхаг̇авад̇о бхаасид̇ам̣ анабхинанд̣̇ид̇ваа бадиггосид̇ваа удтааяаасанаа баггаами.
353. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññatarassa gahapatissa ekaputtako piyo manāpo kālaṅkato hoti. Tassa kālaṃkiriyāya neva kammantā paṭibhanti na bhattaṃ paṭibhāti. So āḷāhanaṃ gantvā kandati – ‘‘kahaṃ, ekaputtaka, kahaṃ, ekaputtakā’’ti! Atha kho so gahapati yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho taṃ gahapatiṃ bhagavā etadavoca – ‘‘na kho te, gahapati, sake citte ṭhitassa indriyāni, atthi te indriyānaṃ aññathatta’’nti. ‘‘Kiñhi me, bhante, indriyānaṃ nāññathattaṃ bhavissati; mayhañhi, bhante, ekaputto piyo manāpo kālaṅkato. Tassa kālaṃkiriyāya neva kammantā paṭibhanti, na bhattaṃ paṭibhāti. Sohaṃ āḷāhanaṃ gantvā kandāmi – ‘kahaṃ, ekaputtaka, kahaṃ, ekaputtakā’’’ti! ‘‘Evametaṃ, gahapati, evametaṃ, gahapati 3! Piyajātikā hi, gahapati, sokaparidevadukkhadomanassupāyāsā piyappabhavikā’’ti. ‘‘Kassa kho 4 nāmetaṃ, bhante, evaṃ bhavissati – ‘piyajātikā sokaparidevadukkhadomanassupāyāsā piyappabhavikā’ti? Piyajātikā hi kho, bhante, ānandasomanassā piyappabhavikā’’ti. Atha kho so gahapati bhagavato bhāsitaṃ anabhinanditvā paṭikkositvā uṭṭhāyāsanā pakkāmi.
354. д̇зна ко бана самаязна самб̣ахулаа агкад̇худ̇д̇аа бхаг̇авад̇о авид̣̇уурз агкзхи д̣̇иб̣б̣анд̇и. ат̇а ко со г̇ахабад̇и язна д̇з агкад̇худ̇д̇аа д̇знубасан̇гами; убасан̇гамид̇ваа агкад̇худ̇д̇з зд̇ад̣̇авожа – ‘‘ид̇хаахам̣, бхонд̇о, язна саман̣о г̇од̇амо д̇знубасан̇гамим̣; убасан̇гамид̇ваа саман̣ам̣ г̇од̇амам̣ абхиваад̣̇зд̇ваа згаманд̇ам̣ нисийд̣̇им̣. згаманд̇ам̣ нисиннам̣ ко мам̣, бхонд̇о, саман̣о г̇од̇амо зд̇ад̣̇авожа – ‘на ко д̇з, г̇ахабад̇и, сагз жид̇д̇з тид̇асса инд̣̇рияаани, ад̇т̇и д̇з инд̣̇рияаанам̣ ан̃н̃ат̇ад̇д̇а’нд̇и. звам̣ вуд̇д̇з, ахам̣, бхонд̇о, саман̣ам̣ г̇од̇амам̣ зд̇ад̣̇авожам̣ – ‘гин̃хи мз, бханд̇з, инд̣̇рияаанам̣ наан̃н̃ат̇ад̇д̇ам̣ бхависсад̇и; маяхан̃хи, бханд̇з, згабуд̇д̇аго бияо манаабо гаалан̇гад̇о. д̇асса гаалам̣гирияааяа нзва гамманд̇аа бадибханд̇и, на бхад̇д̇ам̣ бадибхаад̇и . сохам̣ аал̣ааханам̣ г̇анд̇ваа ганд̣̇аами – гахам̣, згабуд̇д̇ага, гахам̣, згабуд̇д̇агаа’д̇и! ‘звамзд̇ам̣, г̇ахабад̇и, звамзд̇ам̣, г̇ахабад̇и! бияаж̇аад̇игаа хи, г̇ахабад̇и, согабарид̣̇звад̣̇угкад̣̇оманассубааяаасаа бияаббабхавигаа’д̇и. ‘гасса ко наамзд̇ам̣, бханд̇з, звам̣ бхависсад̇и – бияаж̇аад̇игаа согабарид̣̇звад̣̇угкад̣̇оманассубааяаасаа бияаббабхавигаа? бияаж̇аад̇игаа хи ко, бханд̇з, аананд̣̇асоманассаа бияаббабхавигаа’д̇и. ат̇а кваахам̣, бхонд̇о, саман̣асса г̇од̇амасса бхаасид̇ам̣ анабхинанд̣̇ид̇ваа бадиггосид̇ваа удтааяаасанаа баггами’’нд̇и. ‘‘звамзд̇ам̣, г̇ахабад̇и, звамзд̇ам̣, г̇ахабад̇и! бияаж̇аад̇игаа хи, г̇ахабад̇и, аананд̣̇асоманассаа бияаббабхавигаа’’д̇и . ат̇а ко со г̇ахабад̇и ‘‘самзд̇и мз агкад̇худ̇д̇зхий’’д̇и баггаами. ат̇а ко ид̣̇ам̣ гат̇аавад̇т̇у анубуб̣б̣зна рааж̇анд̇збурам̣ баависи.
354. Tena kho pana samayena sambahulā akkhadhuttā bhagavato avidūre akkhehi dibbanti. Atha kho so gahapati yena te akkhadhuttā tenupasaṅkami; upasaṅkamitvā akkhadhutte etadavoca – ‘‘idhāhaṃ, bhonto, yena samaṇo gotamo tenupasaṅkamiṃ; upasaṅkamitvā samaṇaṃ gotamaṃ abhivādetvā ekamantaṃ nisīdiṃ. Ekamantaṃ nisinnaṃ kho maṃ, bhonto, samaṇo gotamo etadavoca – ‘na kho te, gahapati, sake citte ṭhitassa indriyāni, atthi te indriyānaṃ aññathatta’nti. Evaṃ vutte, ahaṃ, bhonto, samaṇaṃ gotamaṃ etadavocaṃ – ‘kiñhi me, bhante, indriyānaṃ nāññathattaṃ bhavissati; mayhañhi, bhante, ekaputtako piyo manāpo kālaṅkato. Tassa kālaṃkiriyāya neva kammantā paṭibhanti, na bhattaṃ paṭibhāti . Sohaṃ āḷāhanaṃ gantvā kandāmi – kahaṃ, ekaputtaka, kahaṃ, ekaputtakā’ti! ‘Evametaṃ, gahapati, evametaṃ, gahapati! Piyajātikā hi, gahapati, sokaparidevadukkhadomanassupāyāsā piyappabhavikā’ti. ‘Kassa kho nāmetaṃ, bhante, evaṃ bhavissati – piyajātikā sokaparidevadukkhadomanassupāyāsā piyappabhavikā? Piyajātikā hi kho, bhante, ānandasomanassā piyappabhavikā’ti. Atha khvāhaṃ, bhonto, samaṇassa gotamassa bhāsitaṃ anabhinanditvā paṭikkositvā uṭṭhāyāsanā pakkami’’nti. ‘‘Evametaṃ, gahapati, evametaṃ, gahapati! Piyajātikā hi, gahapati, ānandasomanassā piyappabhavikā’’ti . Atha kho so gahapati ‘‘sameti me akkhadhuttehī’’ti pakkāmi. Atha kho idaṃ kathāvatthu anupubbena rājantepuraṃ pāvisi.
355. ат̇а ко рааж̇аа басзнад̣̇и госало маллигам̣ д̣̇звим̣ ааманд̇зси – ‘‘ид̣̇ам̣ д̇з, маллигз, саман̣зна г̇од̇амзна бхаасид̇ам̣ – ‘бияаж̇аад̇игаа согабарид̣̇звад̣̇угкад̣̇оманассубааяаасаа бияаббабхавигаа’’’д̇и. ‘‘сажзд̇ам̣, махаарааж̇а, бхаг̇авад̇аа бхаасид̇ам̣, звамзд̇а’’нд̇и. ‘‘звамзва банааяам̣ маллигаа яан̃н̃ад̣̇зва саман̣о г̇од̇амо бхаасад̇и д̇ам̣ д̇ад̣̇звасса аб̣бханумод̣̇ад̇и’’. ‘‘сажзд̇ам̣, махаарааж̇а, бхаг̇авад̇аа бхаасид̇ам̣ звамзд̇анд̇и. сзяяат̇ааби наама, яан̃н̃ад̣̇зва аажарияо анд̇зваасисса бхаасад̇и д̇ам̣ д̇ад̣̇звасса анд̇зваасий аб̣бханумод̣̇ад̇и – ‘звамзд̇ам̣, аажарияа, звамзд̇ам̣, аажарияаа’’’д̇и. ‘‘звамзва ко д̇вам̣, маллигз, яан̃н̃ад̣̇зва саман̣о г̇од̇амо бхаасад̇и д̇ам̣ д̇ад̣̇звасса аб̣бханумод̣̇аси’’. ‘‘сажзд̇ам̣, махаарааж̇а , бхаг̇авад̇аа бхаасид̇ам̣ звамзд̇а’’нд̇и. ‘‘жараби, рз маллигз, винассаа’’д̇и. ат̇а ко маллигаа д̣̇звий наал̣иж̇ан̇гхам̣ б̣раахман̣ам̣ ааманд̇зси – ‘‘зхи д̇вам̣, б̣раахман̣а, язна бхаг̇аваа д̇знубасан̇гама; убасан̇гамид̇ваа мама важанзна бхаг̇авад̇о баад̣̇з сирасаа ванд̣̇аахи, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужча – ‘маллигаа, бханд̇з, д̣̇звий бхаг̇авад̇о баад̣̇з сирасаа ванд̣̇ад̇и, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇ий’д̇и. зван̃жа вад̣̇зхи – ‘бхаасид̇аа ну ко, бханд̇з, бхаг̇авад̇аа зсаа ваажаа – бияаж̇аад̇игаа согабарид̣̇звад̣̇угкад̣̇оманассубааяаасаа бияаббабхавигаа’д̇и . яат̇аа д̇з бхаг̇аваа б̣яаагарод̇и д̇ам̣ саад̇хугам̣ уг̇г̇ахзд̇ваа мама аарожзяяааси. на хи д̇ат̇ааг̇ад̇аа вид̇ат̇ам̣ бхан̣анд̇ий’’д̇и. ‘‘звам̣, бход̇ий’’д̇и ко наал̣иж̇ан̇гхо б̣раахман̣о маллигааяа д̣̇звияаа бадиссуд̇ваа язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко наал̣иж̇ан̇гхо б̣раахман̣о бхаг̇аванд̇ам̣ зд̇ад̣̇авожа – ‘‘маллигаа, бхо г̇од̇ама, д̣̇звий бход̇о г̇од̇амасса баад̣̇з сирасаа ванд̣̇ад̇и; аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇и; зван̃жа вад̣̇зд̇и – ‘бхаасид̇аа ну ко, бханд̇з, бхаг̇авад̇аа зсаа ваажаа – бияаж̇аад̇игаа согабарид̣̇звад̣̇угкад̣̇оманассубааяаасаа бияаббабхавигаа’’’д̇и.
355. Atha kho rājā pasenadi kosalo mallikaṃ deviṃ āmantesi – ‘‘idaṃ te, mallike, samaṇena gotamena bhāsitaṃ – ‘piyajātikā sokaparidevadukkhadomanassupāyāsā piyappabhavikā’’’ti. ‘‘Sacetaṃ, mahārāja, bhagavatā bhāsitaṃ, evameta’’nti. ‘‘Evameva panāyaṃ mallikā yaññadeva samaṇo gotamo bhāsati taṃ tadevassa abbhanumodati’’. ‘‘Sacetaṃ, mahārāja, bhagavatā bhāsitaṃ evametanti. Seyyathāpi nāma, yaññadeva ācariyo antevāsissa bhāsati taṃ tadevassa antevāsī abbhanumodati – ‘evametaṃ, ācariya, evametaṃ, ācariyā’’’ti. ‘‘Evameva kho tvaṃ, mallike, yaññadeva samaṇo gotamo bhāsati taṃ tadevassa abbhanumodasi’’. ‘‘Sacetaṃ, mahārāja , bhagavatā bhāsitaṃ evameta’’nti. ‘‘Carapi, re mallike, vinassā’’ti. Atha kho mallikā devī nāḷijaṅghaṃ brāhmaṇaṃ āmantesi – ‘‘ehi tvaṃ, brāhmaṇa, yena bhagavā tenupasaṅkama; upasaṅkamitvā mama vacanena bhagavato pāde sirasā vandāhi, appābādhaṃ appātaṅkaṃ lahuṭṭhānaṃ balaṃ phāsuvihāraṃ puccha – ‘mallikā, bhante, devī bhagavato pāde sirasā vandati, appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchatī’ti. Evañca vadehi – ‘bhāsitā nu kho, bhante, bhagavatā esā vācā – piyajātikā sokaparidevadukkhadomanassupāyāsā piyappabhavikā’ti . Yathā te bhagavā byākaroti taṃ sādhukaṃ uggahetvā mama āroceyyāsi. Na hi tathāgatā vitathaṃ bhaṇantī’’ti. ‘‘Evaṃ, bhotī’’ti kho nāḷijaṅgho brāhmaṇo mallikāya deviyā paṭissutvā yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho nāḷijaṅgho brāhmaṇo bhagavantaṃ etadavoca – ‘‘mallikā, bho gotama, devī bhoto gotamassa pāde sirasā vandati; appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchati; evañca vadeti – ‘bhāsitā nu kho, bhante, bhagavatā esā vācā – piyajātikā sokaparidevadukkhadomanassupāyāsā piyappabhavikā’’’ti.
356. ‘‘звамзд̇ам̣, б̣раахман̣а, звамзд̇ам̣, б̣раахман̣а! бияаж̇аад̇игаа хи, б̣раахман̣а, согабарид̣̇звад̣̇угкад̣̇оманассубааяаасаа бияаббабхавигаад̇и. д̇ад̣̇аминаабзд̇ам̣, б̣раахман̣а, барияааязна взд̣̇ид̇аб̣б̣ам̣ яат̇аа бияаж̇аад̇игаа согабарид̣̇звад̣̇угкад̣̇оманассубааяаасаа бияаббабхавигаа. бхууд̇абуб̣б̣ам̣, б̣раахман̣а, имиссааязва саавад̇т̇ияаа ан̃н̃ад̇ариссаа ид̇т̇ияаа маад̇аа гааламагааси. саа д̇ассаа гаалагирияааяа уммад̇д̇игаа кид̇д̇ажид̇д̇аа рат̇игааяа рат̇игам̣ 5 син̇гхаадагзна син̇гхаадагам̣ убасан̇гамид̇ваа звамааха – ‘аби мз маад̇арам̣ ад̣̇д̣̇ассат̇а 6, аби мз маад̇арам̣ ад̣̇д̣̇ассат̇аа’д̇и? иминааби ко зд̇ам̣, б̣раахман̣а, барияааязна взд̣̇ид̇аб̣б̣ам̣ яат̇аа бияаж̇аад̇игаа согабарид̣̇звад̣̇угкад̣̇оманассубааяаасаа бияаббабхавигаад̇и.
356. ‘‘Evametaṃ, brāhmaṇa, evametaṃ, brāhmaṇa! Piyajātikā hi, brāhmaṇa, sokaparidevadukkhadomanassupāyāsā piyappabhavikāti. Tadamināpetaṃ, brāhmaṇa, pariyāyena veditabbaṃ yathā piyajātikā sokaparidevadukkhadomanassupāyāsā piyappabhavikā. Bhūtapubbaṃ, brāhmaṇa, imissāyeva sāvatthiyā aññatarissā itthiyā mātā kālamakāsi. Sā tassā kālakiriyāya ummattikā khittacittā rathikāya rathikaṃ 7 siṅghāṭakena siṅghāṭakaṃ upasaṅkamitvā evamāha – ‘api me mātaraṃ addassatha 8, api me mātaraṃ addassathā’ti? Imināpi kho etaṃ, brāhmaṇa, pariyāyena veditabbaṃ yathā piyajātikā sokaparidevadukkhadomanassupāyāsā piyappabhavikāti.
‘‘бхууд̇абуб̣б̣ам̣ , б̣раахман̣а, имиссааязва саавад̇т̇ияаа ан̃н̃ад̇ариссаа ид̇т̇ияаа бид̇аа гааламагааси… бхаад̇аа гааламагааси… бхаг̇иний гааламагааси… буд̇д̇о гааламагааси… д̇хийд̇аа гааламагааси… саамиго гааламагааси. саа д̇асса гаалагирияааяа уммад̇д̇игаа кид̇д̇ажид̇д̇аа рат̇игааяа рат̇игам̣ син̇гхаадагзна син̇гхаадагам̣ убасан̇гамид̇ваа звамааха – ‘аби мз саамигам̣ ад̣̇д̣̇ассат̇а, аби мз саамигам̣ ад̣̇д̣̇ассат̇аа’д̇и? иминааби ко зд̇ам̣, б̣раахман̣а, барияааязна взд̣̇ид̇аб̣б̣ам̣ яат̇аа бияаж̇аад̇игаа согабарид̣̇звад̣̇угкад̣̇оманассубааяаасаа бияаббабхавигаад̇и.
‘‘Bhūtapubbaṃ , brāhmaṇa, imissāyeva sāvatthiyā aññatarissā itthiyā pitā kālamakāsi… bhātā kālamakāsi… bhaginī kālamakāsi… putto kālamakāsi… dhītā kālamakāsi… sāmiko kālamakāsi. Sā tassa kālakiriyāya ummattikā khittacittā rathikāya rathikaṃ siṅghāṭakena siṅghāṭakaṃ upasaṅkamitvā evamāha – ‘api me sāmikaṃ addassatha, api me sāmikaṃ addassathā’ti? Imināpi kho etaṃ, brāhmaṇa, pariyāyena veditabbaṃ yathā piyajātikā sokaparidevadukkhadomanassupāyāsā piyappabhavikāti.
‘‘бхууд̇абуб̣б̣ам̣ , б̣раахман̣а, имиссааязва саавад̇т̇ияаа ан̃н̃ад̇арасса бурисасса маад̇аа гааламагааси. со д̇ассаа гаалагирияааяа уммад̇д̇аго кид̇д̇ажид̇д̇о рат̇игааяа рат̇игам̣ син̇гхаадагзна син̇гхаадагам̣ убасан̇гамид̇ваа звамааха – ‘аби мз маад̇арам̣ ад̣̇д̣̇ассат̇а, аби мз маад̇арам̣ ад̣̇д̣̇ассат̇аа’д̇и ? иминааби ко зд̇ам̣, б̣раахман̣а , барияааязна взд̣̇ид̇аб̣б̣ам̣ яат̇аа бияаж̇аад̇игаа согабарид̣̇звад̣̇угкад̣̇оманассубааяаасаа бияаббабхавигаад̇и.
‘‘Bhūtapubbaṃ , brāhmaṇa, imissāyeva sāvatthiyā aññatarassa purisassa mātā kālamakāsi. So tassā kālakiriyāya ummattako khittacitto rathikāya rathikaṃ siṅghāṭakena siṅghāṭakaṃ upasaṅkamitvā evamāha – ‘api me mātaraṃ addassatha, api me mātaraṃ addassathā’ti ? Imināpi kho etaṃ, brāhmaṇa , pariyāyena veditabbaṃ yathā piyajātikā sokaparidevadukkhadomanassupāyāsā piyappabhavikāti.
‘‘бхууд̇абуб̣б̣ам̣, б̣раахман̣а, имиссааязва саавад̇т̇ияаа ан̃н̃ад̇арасса бурисасса бид̇аа гааламагааси… бхаад̇аа гааламагааси… бхаг̇иний гааламагааси… буд̇д̇о гааламагааси… д̇хийд̇аа гааламагааси… баж̇аабад̇и гааламагааси. со д̇ассаа гаалагирияааяа уммад̇д̇аго кид̇д̇ажид̇д̇о рат̇игааяа рат̇игам̣ син̇гхаадагзна син̇гхаадагам̣ убасан̇гамид̇ваа звамааха – ‘аби мз баж̇аабад̇им̣ ад̣̇д̣̇ассат̇а, аби мз баж̇аабад̇им̣ ад̣̇д̣̇ассат̇аа’д̇и? иминааби ко зд̇ам̣, б̣раахман̣а, барияааязна взд̣̇ид̇аб̣б̣ам̣ яат̇аа бияаж̇аад̇игаа согабарид̣̇звад̣̇угкад̣̇оманассубааяаасаа бияаббабхавигаад̇и.
‘‘Bhūtapubbaṃ, brāhmaṇa, imissāyeva sāvatthiyā aññatarassa purisassa pitā kālamakāsi… bhātā kālamakāsi… bhaginī kālamakāsi… putto kālamakāsi… dhītā kālamakāsi… pajāpati kālamakāsi. So tassā kālakiriyāya ummattako khittacitto rathikāya rathikaṃ siṅghāṭakena siṅghāṭakaṃ upasaṅkamitvā evamāha – ‘api me pajāpatiṃ addassatha, api me pajāpatiṃ addassathā’ti? Imināpi kho etaṃ, brāhmaṇa, pariyāyena veditabbaṃ yathā piyajātikā sokaparidevadukkhadomanassupāyāsā piyappabhavikāti.
‘‘бхууд̇абуб̣б̣ам̣, б̣раахман̣а, имиссааязва саавад̇т̇ияаа ан̃н̃ад̇араа ид̇т̇ий н̃аад̇игулам̣ аг̇амааси. д̇ассаа д̇з н̃аад̇агаа саамигам̣ 9 ажчинд̣̇ид̇ваа ан̃н̃асса д̣̇аад̇угаамаа. саа жа д̇ам̣ на ижчад̇и. ат̇а ко саа ид̇т̇ий саамигам̣ зд̇ад̣̇авожа – ‘имз, мам̣ 10, аяяабуд̇д̇а, н̃аад̇агаа д̇вам̣ 11 ажчинд̣̇ид̇ваа ан̃н̃асса д̣̇аад̇угаамаа. ахан̃жа д̇ам̣ на ижчаамий’д̇и. ат̇а ко со бурисо д̇ам̣ ид̇т̇им̣ д̣̇вид̇хаа чзд̇ваа ад̇д̇аанам̣ убпаалзси 12 – ‘убхо бзжжа бхависсаамаа’д̇и. иминааби ко зд̇ам̣, б̣раахман̣а, барияааязна взд̣̇ид̇аб̣б̣ам̣ яат̇аа бияаж̇аад̇игаа согабарид̣̇звад̣̇угкад̣̇оманассубааяаасаа бияаббабхавигаа’’д̇и.
‘‘Bhūtapubbaṃ, brāhmaṇa, imissāyeva sāvatthiyā aññatarā itthī ñātikulaṃ agamāsi. Tassā te ñātakā sāmikaṃ 13 acchinditvā aññassa dātukāmā. Sā ca taṃ na icchati. Atha kho sā itthī sāmikaṃ etadavoca – ‘ime, maṃ 14, ayyaputta, ñātakā tvaṃ 15 acchinditvā aññassa dātukāmā. Ahañca taṃ na icchāmī’ti. Atha kho so puriso taṃ itthiṃ dvidhā chetvā attānaṃ upphālesi 16 – ‘ubho pecca bhavissāmā’ti. Imināpi kho etaṃ, brāhmaṇa, pariyāyena veditabbaṃ yathā piyajātikā sokaparidevadukkhadomanassupāyāsā piyappabhavikā’’ti.
357. ат̇а ко наал̣иж̇ан̇гхо б̣раахман̣о бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа язна маллигаа д̣̇звий д̇знубасан̇гами; убасан̇гамид̇ваа яаавад̇аго ахоси бхаг̇авад̇аа сад̣̇д̇хим̣ гат̇аасаллаабо д̇ам̣ саб̣б̣ам̣ маллигааяа д̣̇звияаа аарожзси. ат̇а ко маллигаа д̣̇звий язна рааж̇аа басзнад̣̇и госало д̇знубасан̇гами; убасан̇гамид̇ваа рааж̇аанам̣ басзнад̣̇им̣ госалам̣ зд̇ад̣̇авожа – ‘‘д̇ам̣ гим̣ ман̃н̃аси, махаарааж̇а, бияаа д̇з важ̇ирий гумаарий’’д̇и? ‘‘звам̣, маллигз, бияаа мз важ̇ирий гумаарий’’д̇и. ‘‘д̇ам̣ гим̣ ман̃н̃аси, махаарааж̇а, важ̇ирияаа д̇з гумаарияаа вибарин̣ааман̃н̃ат̇аабхааваа уббаж̇ж̇зяяум̣ согабарид̣̇звад̣̇угкад̣̇оманассубааяаасаа’’д̇и? ‘‘важ̇ирияаа мз, маллигз, гумаарияаа вибарин̣ааман̃н̃ат̇аабхааваа ж̇ийвид̇ассаби сияаа ан̃н̃ат̇ад̇д̇ам̣, гим̣ бана мз на уббаж̇ж̇иссанд̇и согабарид̣̇звад̣̇угкад̣̇оманассубааяаасаа’’д̇и? ‘‘ид̣̇ам̣ ко д̇ам̣, махаарааж̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна санд̇хааяа бхаасид̇ам̣ – ‘бияаж̇аад̇игаа согабарид̣̇звад̣̇угкад̣̇оманассубааяаасаа бияаббабхавигаа’д̇и.
357. Atha kho nāḷijaṅgho brāhmaṇo bhagavato bhāsitaṃ abhinanditvā anumoditvā uṭṭhāyāsanā yena mallikā devī tenupasaṅkami; upasaṅkamitvā yāvatako ahosi bhagavatā saddhiṃ kathāsallāpo taṃ sabbaṃ mallikāya deviyā ārocesi. Atha kho mallikā devī yena rājā pasenadi kosalo tenupasaṅkami; upasaṅkamitvā rājānaṃ pasenadiṃ kosalaṃ etadavoca – ‘‘taṃ kiṃ maññasi, mahārāja, piyā te vajirī kumārī’’ti? ‘‘Evaṃ, mallike, piyā me vajirī kumārī’’ti. ‘‘Taṃ kiṃ maññasi, mahārāja, vajiriyā te kumāriyā vipariṇāmaññathābhāvā uppajjeyyuṃ sokaparidevadukkhadomanassupāyāsā’’ti? ‘‘Vajiriyā me, mallike, kumāriyā vipariṇāmaññathābhāvā jīvitassapi siyā aññathattaṃ, kiṃ pana me na uppajjissanti sokaparidevadukkhadomanassupāyāsā’’ti? ‘‘Idaṃ kho taṃ, mahārāja, tena bhagavatā jānatā passatā arahatā sammāsambuddhena sandhāya bhāsitaṃ – ‘piyajātikā sokaparidevadukkhadomanassupāyāsā piyappabhavikā’ti.
‘‘д̇ам̣ гим̣ ман̃н̃аси, махаарааж̇а, бияаа д̇з ваасабхаа кад̇д̇ияаа’’д̇и? ‘‘звам̣, маллигз, бияаа мз ваасабхаа кад̇д̇ияаа’’д̇и. ‘‘д̇ам̣ гим̣ ман̃н̃аси, махаарааж̇а, ваасабхааяа д̇з кад̇д̇ияааяа вибарин̣ааман̃н̃ат̇аабхааваа уббаж̇ж̇зяяум̣ согабарид̣̇звад̣̇угкад̣̇оманассубааяаасаа’’д̇и? ‘‘ваасабхааяа мз, маллигз, кад̇д̇ияааяа вибарин̣ааман̃н̃ат̇аабхааваа ж̇ийвид̇ассаби сияаа ан̃н̃ат̇ад̇д̇ам̣, гим̣ бана мз на уббаж̇ж̇иссанд̇и согабарид̣̇звад̣̇угкад̣̇оманассубааяаасаа’’д̇и? ‘‘ид̣̇ам̣ ко д̇ам̣, махаарааж̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна санд̇хааяа бхаасид̇ам̣ – ‘бияаж̇аад̇игаа согабарид̣̇звад̣̇угкад̣̇оманассубааяаасаа бияаббабхавигаа’д̇и.
‘‘Taṃ kiṃ maññasi, mahārāja, piyā te vāsabhā khattiyā’’ti? ‘‘Evaṃ, mallike, piyā me vāsabhā khattiyā’’ti. ‘‘Taṃ kiṃ maññasi, mahārāja, vāsabhāya te khattiyāya vipariṇāmaññathābhāvā uppajjeyyuṃ sokaparidevadukkhadomanassupāyāsā’’ti? ‘‘Vāsabhāya me, mallike, khattiyāya vipariṇāmaññathābhāvā jīvitassapi siyā aññathattaṃ, kiṃ pana me na uppajjissanti sokaparidevadukkhadomanassupāyāsā’’ti? ‘‘Idaṃ kho taṃ, mahārāja, tena bhagavatā jānatā passatā arahatā sammāsambuddhena sandhāya bhāsitaṃ – ‘piyajātikā sokaparidevadukkhadomanassupāyāsā piyappabhavikā’ti.
‘‘д̇ам̣ гим̣ ман̃н̃аси, махаарааж̇а, бияо д̇з видадуубхо 17 сзнаабад̇ий’’д̇и? ‘‘звам̣ , маллигз, бияо мз видадуубхо сзнаабад̇ий’’д̇и. ‘‘д̇ам̣ гим̣ ман̃н̃аси, махаарааж̇а, видадуубхасса д̇з сзнаабад̇исса вибарин̣ааман̃н̃ат̇аабхааваа уббаж̇ж̇зяяум̣ согабарид̣̇звад̣̇угкад̣̇оманассубааяаасаа’’д̇и? ‘‘видадуубхасса мз, маллигз, сзнаабад̇исса вибарин̣ааман̃н̃ат̇аабхааваа ж̇ийвид̇ассаби сияаа ан̃н̃ат̇ад̇д̇ам̣ , гим̣ бана мз на уббаж̇ж̇иссанд̇и согабарид̣̇звад̣̇угкад̣̇оманассубааяаасаа’’д̇и? ‘‘ид̣̇ам̣ ко д̇ам̣, махаарааж̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна санд̇хааяа бхаасид̇ам̣ – ‘бияаж̇аад̇игаа согабарид̣̇звад̣̇угкад̣̇оманассубааяаасаа бияаббабхавигаа’д̇и.
‘‘Taṃ kiṃ maññasi, mahārāja, piyo te viṭaṭūbho 18 senāpatī’’ti? ‘‘Evaṃ , mallike, piyo me viṭaṭūbho senāpatī’’ti. ‘‘Taṃ kiṃ maññasi, mahārāja, viṭaṭūbhassa te senāpatissa vipariṇāmaññathābhāvā uppajjeyyuṃ sokaparidevadukkhadomanassupāyāsā’’ti? ‘‘Viṭaṭūbhassa me, mallike, senāpatissa vipariṇāmaññathābhāvā jīvitassapi siyā aññathattaṃ , kiṃ pana me na uppajjissanti sokaparidevadukkhadomanassupāyāsā’’ti? ‘‘Idaṃ kho taṃ, mahārāja, tena bhagavatā jānatā passatā arahatā sammāsambuddhena sandhāya bhāsitaṃ – ‘piyajātikā sokaparidevadukkhadomanassupāyāsā piyappabhavikā’ti.
‘‘д̇ам̣ гим̣ ман̃н̃аси, махаарааж̇а, бияаа д̇з аха’’нд̇и? ‘‘звам̣, маллигз, бияаа мзси д̇ва’’нд̇и. ‘‘д̇ам̣ гим̣ ман̃н̃аси, махаарааж̇а, маяхам̣ д̇з вибарин̣ааман̃н̃ат̇аабхааваа уббаж̇ж̇зяяум̣ согабарид̣̇звад̣̇угкад̣̇оманассубааяаасаа’’д̇и? ‘‘д̇уяхан̃хи мз, маллигз, вибарин̣ааман̃н̃ат̇аабхааваа ж̇ийвид̇ассаби сияаа ан̃н̃ат̇ад̇д̇ам̣, гим̣ бана мз на уббаж̇ж̇иссанд̇и согабарид̣̇звад̣̇угкад̣̇оманассубааяаасаа’’д̇и? ‘‘ид̣̇ам̣ ко д̇ам̣, махаарааж̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна санд̇хааяа бхаасид̇ам̣ – ‘бияаж̇аад̇игаа согабарид̣̇звад̣̇угкад̣̇оманассубааяаасаа бияаббабхавигаа’д̇и.
‘‘Taṃ kiṃ maññasi, mahārāja, piyā te aha’’nti? ‘‘Evaṃ, mallike, piyā mesi tva’’nti. ‘‘Taṃ kiṃ maññasi, mahārāja, mayhaṃ te vipariṇāmaññathābhāvā uppajjeyyuṃ sokaparidevadukkhadomanassupāyāsā’’ti? ‘‘Tuyhañhi me, mallike, vipariṇāmaññathābhāvā jīvitassapi siyā aññathattaṃ, kiṃ pana me na uppajjissanti sokaparidevadukkhadomanassupāyāsā’’ti? ‘‘Idaṃ kho taṃ, mahārāja, tena bhagavatā jānatā passatā arahatā sammāsambuddhena sandhāya bhāsitaṃ – ‘piyajātikā sokaparidevadukkhadomanassupāyāsā piyappabhavikā’ti.
‘‘д̇ам̣ гим̣ ман̃н̃аси, махаарааж̇а, бияаа д̇з гаасигосалаа’’д̇и? ‘‘звам̣, маллигз, бияаа мз гаасигосалаа. гаасигосалаанам̣, маллигз, аанубхаавзна гаасигажанд̣̇анам̣ бажжанубхома, маалааг̇анд̇хавилзбанам̣ д̇хаарзмаа’’д̇и. ‘‘д̇ам̣ гим̣ ман̃н̃аси, махаарааж̇а, гаасигосалаанам̣ д̇з вибарин̣ааман̃н̃ат̇аабхааваа уббаж̇ж̇зяяум̣ согабарид̣̇звад̣̇угкад̣̇оманассубааяаасаа’’д̇и? ‘‘гаасигосалаанан̃хи, маллигз , вибарин̣ааман̃н̃ат̇аабхааваа ж̇ийвид̇ассаби сияаа ан̃н̃ат̇ад̇д̇ам̣, гим̣ бана мз на уббаж̇ж̇иссанд̇и согабарид̣̇звад̣̇угкад̣̇оманассубааяаасаа’’д̇и? ‘‘ид̣̇ам̣ ко д̇ам̣, махаарааж̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна санд̇хааяа бхаасид̇ам̣ – ‘бияаж̇аад̇игаа согабарид̣̇звад̣̇угкад̣̇оманассубааяаасаа бияаббабхавигаа’’’д̇и.
‘‘Taṃ kiṃ maññasi, mahārāja, piyā te kāsikosalā’’ti? ‘‘Evaṃ, mallike, piyā me kāsikosalā. Kāsikosalānaṃ, mallike, ānubhāvena kāsikacandanaṃ paccanubhoma, mālāgandhavilepanaṃ dhāremā’’ti. ‘‘Taṃ kiṃ maññasi, mahārāja, kāsikosalānaṃ te vipariṇāmaññathābhāvā uppajjeyyuṃ sokaparidevadukkhadomanassupāyāsā’’ti? ‘‘Kāsikosalānañhi, mallike , vipariṇāmaññathābhāvā jīvitassapi siyā aññathattaṃ, kiṃ pana me na uppajjissanti sokaparidevadukkhadomanassupāyāsā’’ti? ‘‘Idaṃ kho taṃ, mahārāja, tena bhagavatā jānatā passatā arahatā sammāsambuddhena sandhāya bhāsitaṃ – ‘piyajātikā sokaparidevadukkhadomanassupāyāsā piyappabhavikā’’’ti.
‘‘ажчарияам̣, маллигз, аб̣бхуд̇ам̣, маллигз! яааван̃жа со бхаг̇аваа бан̃н̃ааяа ад̇ивиж̇жха ман̃н̃з 19 бассад̇и. зхи, маллигз, аажамзхий’’д̇и 20. ат̇а ко рааж̇аа басзнад̣̇и госало удтааяаасанаа згам̣сам̣ уд̇д̇араасан̇г̇ам̣ гарид̇ваа язна бхаг̇аваа д̇знан̃ж̇алим̣ бан̣аамзд̇ваа д̇игкад̇д̇ум̣ уд̣̇аанам̣ уд̣̇аанзси – ‘‘намо д̇асса бхаг̇авад̇о арахад̇о саммаасамб̣уд̣̇д̇хасса, намо д̇асса бхаг̇авад̇о арахад̇о саммаасамб̣уд̣̇д̇хасса, намо д̇асса бхаг̇авад̇о арахад̇о саммаасамб̣уд̣̇д̇хассаа’’д̇и.
‘‘Acchariyaṃ, mallike, abbhutaṃ, mallike! Yāvañca so bhagavā paññāya ativijjha maññe 21 passati. Ehi, mallike, ācamehī’’ti 22. Atha kho rājā pasenadi kosalo uṭṭhāyāsanā ekaṃsaṃ uttarāsaṅgaṃ karitvā yena bhagavā tenañjaliṃ paṇāmetvā tikkhattuṃ udānaṃ udānesi – ‘‘namo tassa bhagavato arahato sammāsambuddhassa, namo tassa bhagavato arahato sammāsambuddhassa, namo tassa bhagavato arahato sammāsambuddhassā’’ti.
бияаж̇аад̇игасуд̇д̇ам̣ нидтид̇ам̣ сад̇д̇амам̣.
Piyajātikasuttaṃ niṭṭhitaṃ sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 7. бияаж̇аад̇игасуд̇д̇аван̣н̣анаа • 7. Piyajātikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. бияаж̇аад̇игасуд̇д̇аван̣н̣анаа • 7. Piyajātikasuttavaṇṇanā
