| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१०. पियालफलदायकत्थेरअपदानं
10. Piyālaphaladāyakattheraapadānaṃ
१०४.
104.
‘‘मिगलुद्दो पुरे आसिं, विपिने विचरं तदा।
‘‘Migaluddo pure āsiṃ, vipine vicaraṃ tadā;
अद्दसं विरजं बुद्धं, सब्बधम्मान पारगुं॥
Addasaṃ virajaṃ buddhaṃ, sabbadhammāna pāraguṃ.
१०५.
105.
‘‘पियालफलमादाय, बुद्धसेट्ठस्सदासहं।
‘‘Piyālaphalamādāya, buddhaseṭṭhassadāsahaṃ;
पुञ्ञक्खेत्तस्स वीरस्स, पसन्नो सेहि पाणिभि॥
Puññakkhettassa vīrassa, pasanno sehi pāṇibhi.
१०६.
106.
‘‘एकतिंसे इतो कप्पे, यं फलं अददिं तदा।
‘‘Ekatiṃse ito kappe, yaṃ phalaṃ adadiṃ tadā;
दुग्गतिं नाभिजानामि, फलदानस्सिदं फलं॥
Duggatiṃ nābhijānāmi, phaladānassidaṃ phalaṃ.
१०७.
107.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
१०८.
108.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
१०९.
109.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पियालफलदायको थेरो इमा
Itthaṃ sudaṃ āyasmā piyālaphaladāyako thero imā
गाथायो अभासित्थाति।
Gāthāyo abhāsitthāti.
पियालफलदायकत्थेरस्सापदानं दसमं।
Piyālaphaladāyakattherassāpadānaṃ dasamaṃ.
किङ्कणिपुप्फवग्गो पञ्ञासमो।
Kiṅkaṇipupphavaggo paññāsamo.
तस्सुद्दानं –
Tassuddānaṃ –
किङ्कणी पंसुकूलञ्च, कोरण्डमथ किंसुकं।
Kiṅkaṇī paṃsukūlañca, koraṇḍamatha kiṃsukaṃ;
उपड्ढदुस्सी घतदो, उदकं थूपकारको॥
Upaḍḍhadussī ghatado, udakaṃ thūpakārako.
नळकारी च नवमो, पियालफलदायको।
Naḷakārī ca navamo, piyālaphaladāyako;
सतमेकञ्च गाथानं, नवकञ्च तदुत्तरि॥
Satamekañca gāthānaṃ, navakañca taduttari.
अथ वग्गुद्दानं –
Atha vagguddānaṃ –
मेत्तेय्यवग्गो भद्दालि, सकिंसम्मज्जकोपि च।
Metteyyavaggo bhaddāli, sakiṃsammajjakopi ca;
एकविहारी विभीतकी, जगती सालपुप्फियो॥
Ekavihārī vibhītakī, jagatī sālapupphiyo.
नळागारं पंसुकूलं, किङ्कणिपुप्फियो तथा।
Naḷāgāraṃ paṃsukūlaṃ, kiṅkaṇipupphiyo tathā;
असीति द्वे च गाथायो, चतुद्दससतानि च॥
Asīti dve ca gāthāyo, catuddasasatāni ca.
मेत्तेय्यवग्गदसकं।
Metteyyavaggadasakaṃ.
पञ्चमसतकं समत्तं।
Pañcamasatakaṃ samattaṃ.
