| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
14. босааласуд̇д̇аван̣н̣анаа
14. Posālasuttavaṇṇanā
1119-20. яо ад̇ийд̇анд̇и босааласуд̇д̇ам̣. д̇ад̇т̇а яо ад̇ийд̇ам̣ аад̣̇исад̇ийд̇и яо бхаг̇аваа ад̇д̇ано жа барзсан̃жа ‘‘згамби ж̇аад̇и’’нд̇иаад̣̇ибхзд̣̇ам̣ ад̇ийд̇ам̣ аад̣̇исад̇и. вибхууд̇аруубасан̃н̃иссаад̇и самад̇игганд̇аруубасан̃н̃исса. саб̣б̣агааяаббахааяинод̇и д̇ад̣̇ан̇г̇авигкамбханавасзна саб̣б̣аруубагааяаббахааяино, бахийнаруубабхавабадисанд̇хигассаад̇и ад̇хиббааяо. над̇т̇и гин̃жийд̇и бассад̇од̇и вин̃н̃аан̣аабхаававибассанзна ‘‘над̇т̇и гин̃жий’’д̇и бассад̇о, аагин̃жан̃н̃ааяад̇аналаабхинод̇и вуд̇д̇ам̣ ход̇и. н̃аан̣ам̣ саггаанубужчаамийд̇и саггаад̇и бхаг̇аванд̇ам̣ аалабанд̇о ааха. д̇асса буг̇г̇аласса н̃аан̣ам̣ бужчаами, гийд̣̇исам̣ бужчид̇аб̣б̣анд̇и. гат̇ам̣ нзяяод̇и гат̇ам̣ со нзд̇аб̣б̣о, гат̇амасса уд̇д̇арин̃аан̣ам̣ уббаад̣̇зд̇аб̣б̣анд̇и.
1119-20.Yoatītanti posālasuttaṃ. Tattha yo atītaṃ ādisatīti yo bhagavā attano ca paresañca ‘‘ekampi jāti’’ntiādibhedaṃ atītaṃ ādisati. Vibhūtarūpasaññissāti samatikkantarūpasaññissa. Sabbakāyappahāyinoti tadaṅgavikkhambhanavasena sabbarūpakāyappahāyino, pahīnarūpabhavapaṭisandhikassāti adhippāyo. Natthi kiñcīti passatoti viññāṇābhāvavipassanena ‘‘natthi kiñcī’’ti passato, ākiñcaññāyatanalābhinoti vuttaṃ hoti. Ñāṇaṃ sakkānupucchāmīti sakkāti bhagavantaṃ ālapanto āha. Tassa puggalassa ñāṇaṃ pucchāmi, kīdisaṃ pucchitabbanti. Kathaṃ neyyoti kathaṃ so netabbo, kathamassa uttariñāṇaṃ uppādetabbanti.
1121. ат̇асса бхаг̇аваа д̇аад̣̇исз буг̇г̇алз ад̇д̇ано аббадихад̇ан̃аан̣ад̇ам̣ багаасзд̇ваа д̇ам̣ н̃аан̣ам̣ б̣яаагаад̇ум̣ г̇аат̇аад̣̇ваяамааха. д̇ад̇т̇а вин̃н̃аан̣адтид̇ияо саб̣б̣аа, абхиж̇аанам̣ д̇ат̇ааг̇ад̇од̇и абхисан̇кааравасзна жад̇ассо бадисанд̇хивасзна сад̇д̇аад̇и звам̣ саб̣б̣аа вин̃н̃аан̣адтид̇ияо абхиж̇аананд̇о д̇ат̇ааг̇ад̇о. д̇идтанд̇амзнам̣ ж̇аанаад̇ийд̇и гаммаабхисан̇кааравасзна д̇идтанд̇ам̣ зд̇ам̣ буг̇г̇алам̣ ж̇аанаад̇и ‘‘ааяад̇им̣ аяам̣ звам̣г̇ад̇иго бхависсад̇ий’’д̇и. вимуд̇д̇анд̇и аагин̃жан̃н̃ааяад̇анаад̣̇ийсу ад̇химуд̇д̇ам̣. д̇аббарааяан̣анд̇и д̇аммаяам̣.
1121. Athassa bhagavā tādise puggale attano appaṭihatañāṇataṃ pakāsetvā taṃ ñāṇaṃ byākātuṃ gāthādvayamāha. Tattha viññāṇaṭṭhitiyo sabbā, abhijānaṃ tathāgatoti abhisaṅkhāravasena catasso paṭisandhivasena sattāti evaṃ sabbā viññāṇaṭṭhitiyo abhijānanto tathāgato. Tiṭṭhantamenaṃ jānātīti kammābhisaṅkhāravasena tiṭṭhantaṃ etaṃ puggalaṃ jānāti ‘‘āyatiṃ ayaṃ evaṃgatiko bhavissatī’’ti. Vimuttanti ākiñcaññāyatanādīsu adhimuttaṃ. Tapparāyaṇanti tammayaṃ.
1122. аагин̃жан̃н̃асамбхавам̣ н̃ад̇ваад̇и аагин̃жан̃н̃ааяад̇анаж̇анагам̣ гаммаабхисан̇каарам̣ н̃ад̇ваа ‘‘гинд̇и балиб̣од̇хо аяа’’нд̇и. нанд̣̇ий сам̣яож̇анам̣ ид̇ийд̇и яаа жа д̇ад̇т̇а аруубарааг̇асан̇каад̇аа нанд̣̇ий, д̇ан̃жа сам̣яож̇анам̣ ид̇и н̃ад̇ваа. д̇ад̇о д̇ад̇т̇а вибассад̇ийд̇и д̇ад̇о аагин̃жан̃н̃ааяад̇анасамаабад̇д̇ид̇о вудтахид̇ваа д̇ам̣ самаабад̇д̇им̣ анижжаад̣̇ивасзна вибассад̇и. зд̇ам̣ н̃аан̣ам̣ д̇ат̇ам̣ д̇ассаад̇и зд̇ам̣ д̇асса буг̇г̇аласса звам̣ вибассад̇о ануггамзнзва уббаннам̣ арахад̇д̇ан̃аан̣ам̣ авибарийд̇ам̣. вусиймад̇од̇и вусид̇аванд̇асса. сзсам̣ саб̣б̣ад̇т̇а баагадамзва.
1122.Ākiñcaññasambhavaṃ ñatvāti ākiñcaññāyatanajanakaṃ kammābhisaṅkhāraṃ ñatvā ‘‘kinti palibodho aya’’nti. Nandī saṃyojanaṃ itīti yā ca tattha arūparāgasaṅkhātā nandī, tañca saṃyojanaṃ iti ñatvā. Tato tattha vipassatīti tato ākiñcaññāyatanasamāpattito vuṭṭhahitvā taṃ samāpattiṃ aniccādivasena vipassati. Etaṃ ñāṇaṃ tathaṃ tassāti etaṃ tassa puggalassa evaṃ vipassato anukkameneva uppannaṃ arahattañāṇaṃ aviparītaṃ. Vusīmatoti vusitavantassa. Sesaṃ sabbattha pākaṭameva.
звам̣ бхаг̇аваа имамби суд̇д̇ам̣ арахад̇д̇анигуудзнзва д̣̇зсзси. д̣̇зсанаабарияосаанз жа буб̣б̣асад̣̇исо зва д̇хаммаабхисамаяо ахосийд̇и.
Evaṃ bhagavā imampi suttaṃ arahattanikūṭeneva desesi. Desanāpariyosāne ca pubbasadiso eva dhammābhisamayo ahosīti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа босааласуд̇д̇аван̣н̣анаа нидтид̇аа.
Suttanipāta-aṭṭhakathāya posālasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 14. босааламаан̣авабужчаа • 14. Posālamāṇavapucchā
