| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
8. பொத்த²கஸுத்தவண்ணனா
8. Potthakasuttavaṇṇanā
100. அட்ட²மே நவோதி கரணங் உபாதா³ய வுச்சதி. பொத்த²கோதி வாகமயவத்த²ங். மஜ்ஜி²மோதி பரிபோ⁴க³மஜ்ஜி²மோ. ஜிண்ணோதி பரிபோ⁴க³ஜிண்ணோ. உக்க²லிபரிமஜ்ஜனந்தி உக்க²லிபரிபுஞ்ச²னங் து³ஸ்ஸீலோதி நிஸ்ஸீலோ. து³ப்³ப³ண்ணதாயாதி கு³ணவண்ணாபா⁴வேன து³ப்³ப³ண்ணதாய. தி³ட்டா²னுக³திங் ஆபஜ்ஜந்தீதி தேன கதங் அனுகரொந்தி. ந மஹப்ப²லங் ஹோதீதி விபாகப²லேன மஹப்ப²லங் ந ஹோதி. ந மஹானிஸங்ஸந்தி விபாகானிஸங்ஸேனேவ ந மஹானிஸங்ஸங். அப்பக்³க⁴தாயாதி விபாகக்³கே⁴ன அப்பக்³க⁴தாய. காஸிகங் வத்த²ந்தி தீஹி கப்பாஸஅங்ஸூஹி ஸுத்தங் கந்தித்வா கதவத்த²ங், தஞ்ச கோ² காஸிரட்டே²யேவ உட்டி²தங். ஸேஸங் உத்தானமேவ. ஸீலங் பனெத்த² மிஸ்ஸகங் கதி²தந்தி.
100. Aṭṭhame navoti karaṇaṃ upādāya vuccati. Potthakoti vākamayavatthaṃ. Majjhimoti paribhogamajjhimo. Jiṇṇoti paribhogajiṇṇo. Ukkhaliparimajjananti ukkhaliparipuñchanaṃ dussīloti nissīlo. Dubbaṇṇatāyāti guṇavaṇṇābhāvena dubbaṇṇatāya. Diṭṭhānugatiṃ āpajjantīti tena kataṃ anukaronti. Na mahapphalaṃ hotīti vipākaphalena mahapphalaṃ na hoti. Na mahānisaṃsanti vipākānisaṃseneva na mahānisaṃsaṃ. Appagghatāyāti vipākagghena appagghatāya. Kāsikaṃ vatthanti tīhi kappāsaaṃsūhi suttaṃ kantitvā katavatthaṃ, tañca kho kāsiraṭṭheyeva uṭṭhitaṃ. Sesaṃ uttānameva. Sīlaṃ panettha missakaṃ kathitanti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 8. பொத்த²கஸுத்தங் • 8. Potthakasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 8. பொத்த²கஸுத்தவண்ணனா • 8. Potthakasuttavaṇṇanā
