| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౮. పోత్థకసుత్తవణ్ణనా
8. Potthakasuttavaṇṇanā
౧౦౦. అట్ఠమే నవోతి కరణం ఉపాదాయ వుచ్చతి. పోత్థకోతి వాకమయవత్థం. మజ్ఝిమోతి పరిభోగమజ్ఝిమో. జిణ్ణోతి పరిభోగజిణ్ణో. ఉక్ఖలిపరిమజ్జనన్తి ఉక్ఖలిపరిపుఞ్ఛనం దుస్సీలోతి నిస్సీలో. దుబ్బణ్ణతాయాతి గుణవణ్ణాభావేన దుబ్బణ్ణతాయ. దిట్ఠానుగతిం ఆపజ్జన్తీతి తేన కతం అనుకరోన్తి. న మహప్ఫలం హోతీతి విపాకఫలేన మహప్ఫలం న హోతి. న మహానిసంసన్తి విపాకానిసంసేనేవ న మహానిసంసం. అప్పగ్ఘతాయాతి విపాకగ్ఘేన అప్పగ్ఘతాయ. కాసికం వత్థన్తి తీహి కప్పాసఅంసూహి సుత్తం కన్తిత్వా కతవత్థం, తఞ్చ ఖో కాసిరట్ఠేయేవ ఉట్ఠితం. సేసం ఉత్తానమేవ. సీలం పనేత్థ మిస్సకం కథితన్తి.
100. Aṭṭhame navoti karaṇaṃ upādāya vuccati. Potthakoti vākamayavatthaṃ. Majjhimoti paribhogamajjhimo. Jiṇṇoti paribhogajiṇṇo. Ukkhaliparimajjananti ukkhaliparipuñchanaṃ dussīloti nissīlo. Dubbaṇṇatāyāti guṇavaṇṇābhāvena dubbaṇṇatāya. Diṭṭhānugatiṃ āpajjantīti tena kataṃ anukaronti. Na mahapphalaṃ hotīti vipākaphalena mahapphalaṃ na hoti. Na mahānisaṃsanti vipākānisaṃseneva na mahānisaṃsaṃ. Appagghatāyāti vipākagghena appagghatāya. Kāsikaṃ vatthanti tīhi kappāsaaṃsūhi suttaṃ kantitvā katavatthaṃ, tañca kho kāsiraṭṭheyeva uṭṭhitaṃ. Sesaṃ uttānameva. Sīlaṃ panettha missakaṃ kathitanti.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౮. పోత్థకసుత్తం • 8. Potthakasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౮. పోత్థకసుత్తవణ్ణనా • 8. Potthakasuttavaṇṇanā
