| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੧੦. ਪੁਬ੍ਬਕਮ੍ਮਪਿਲੋਤਿਕਬੁਦ੍ਧਅਪਦਾਨવਣ੍ਣਨਾ
10. Pubbakammapilotikabuddhaapadānavaṇṇanā
੬੪. ਦਸਮਾਪਦਾਨੇ ਅਨੋਤਤ੍ਤਸਰਾਸਨ੍ਨੇਤਿ ਪਬ੍ਬਤਕੂਟੇਹਿ ਪਟਿਚ੍ਛਨ੍ਨਤ੍ਤਾ ਚਨ੍ਦਿਮਸੂਰਿਯਾਨਂ ਸਨ੍ਤਾਪੇਹਿ ਓਤਤ੍ਤਂ ਉਣ੍ਹਂ ਉਦਕਂ ਏਤ੍ਥ ਨਤ੍ਥੀਤਿ ਅਨੋਤਤ੍ਤੋ। ਸਰਨ੍ਤਿ ਗਚ੍ਛਨ੍ਤਿ ਪਭવਨ੍ਤਿ ਸਨ੍ਦਨ੍ਤਿ ਏਤਸ੍ਮਾ ਮਹਾਨਦਿਯੋਤਿ ਸਰੋ। ਸੀਹਮੁਖਾਦੀਹਿ ਨਿਕ੍ਖਨ੍ਤਾ ਮਹਾਨਦਿਯੋ ਤਿਕ੍ਖਤ੍ਤੁਂ ਤਿਕ੍ਖਤ੍ਤੁਂ ਪਦਕ੍ਖਿਣਂ ਕਤ੍વਾ ਨਿਕ੍ਖਨ੍ਤਨਿਕ੍ਖਨ੍ਤਦਿਸਾਭਾਗੇਨ ਸਰਨ੍ਤਿ ਗਚ੍ਛਨ੍ਤੀਤਿ ਅਤ੍ਥੋ। ਅਨੋਤਤ੍ਤੋ ਚ ਸੋ ਸਰੋ ਚਾਤਿ ਅਨੋਤਤ੍ਤਸਰੋ । ਤਸ੍ਸ ਆਸਨ੍ਨਂ ਸਮੀਪਟ੍ਠਾਨਨ੍ਤਿ ਅਨੋਤਤ੍ਤਸਰਾਸਨ੍ਨਂ, ਤਸ੍ਮਿਂ ਅਨੋਤਤ੍ਤਸਰਾਸਨ੍ਨੇ, ਸਮੀਪੇਤਿ ਅਤ੍ਥੋ। ਰਮਣੀਯੇਤਿ ਦੇવਦਾਨવਗਨ੍ਧਬ੍ਬਕਿਨ੍ਨਰੋਰਗਬੁਦ੍ਧਪਚ੍ਚੇਕਬੁਦ੍ਧਾਦੀਹਿ ਰਮਿਤਬ੍ਬਂ ਅਲ੍ਲੀਯਿਤਬ੍ਬਨ੍ਤਿ ਰਮਣੀਯਂ, ਤਸ੍ਮਿਂ ਰਮਣੀਯੇ। ਸਿਲਾਤਲੇਤਿ ਏਕਗ੍ਘਨਪਬ੍ਬਤਸਿਲਾਤਲੇਤਿ ਅਤ੍ਥੋ। ਨਾਨਾਰਤਨਪਜ੍ਜੋਤੇਤਿ ਪਦੁਮਰਾਗવੇਲ਼ੁਰਿਯਾਦਿਨਾਨਾਅਨੇਕੇਹਿ ਰਤਨੇਹਿ ਪਜ੍ਜੋਤੇ ਪਕਾਰੇਨ ਜੋਤਮਾਨੇ। ਨਾਨਾਗਨ੍ਧવਨਨ੍ਤਰੇਤਿ ਨਾਨਪ੍ਪਕਾਰੇਹਿ ਚਨ੍ਦਨਾਗਰੁਕਪ੍ਪੂਰਤਮਾਲਤਿਲਕਾਸੋਕਨਾਗਪੁਨ੍ਨਾਗਕੇਤਕਾਦੀਹਿ ਅਨੇਕੇਹਿ ਸੁਗਨ੍ਧਪੁਪ੍ਫੇਹਿ ਗਹਨੀਭੂਤવਨਨ੍ਤਰੇ ਸਿਲਾਤਲੇਤਿ ਸਮ੍ਬਨ੍ਧੋ।
64. Dasamāpadāne anotattasarāsanneti pabbatakūṭehi paṭicchannattā candimasūriyānaṃ santāpehi otattaṃ uṇhaṃ udakaṃ ettha natthīti anotatto. Saranti gacchanti pabhavanti sandanti etasmā mahānadiyoti saro. Sīhamukhādīhi nikkhantā mahānadiyo tikkhattuṃ tikkhattuṃ padakkhiṇaṃ katvā nikkhantanikkhantadisābhāgena saranti gacchantīti attho. Anotatto ca so saro cāti anotattasaro . Tassa āsannaṃ samīpaṭṭhānanti anotattasarāsannaṃ, tasmiṃ anotattasarāsanne, samīpeti attho. Ramaṇīyeti devadānavagandhabbakinnaroragabuddhapaccekabuddhādīhi ramitabbaṃ allīyitabbanti ramaṇīyaṃ, tasmiṃ ramaṇīye. Silātaleti ekagghanapabbatasilātaleti attho. Nānāratanapajjoteti padumarāgaveḷuriyādinānāanekehi ratanehi pajjote pakārena jotamāne. Nānāgandhavanantareti nānappakārehi candanāgarukappūratamālatilakāsokanāgapunnāgaketakādīhi anekehi sugandhapupphehi gahanībhūtavanantare silātaleti sambandho.
੬੫. ਗੁਣਮਹਨ੍ਤਤਾਯ ਸਙ੍ਖ੍ਯਾਮਹਨ੍ਤਤਾਯ ਚ ਮਹਤਾ ਭਿਕ੍ਖੁਸਙ੍ਘੇਨ, ਪਰੇਤੋ ਪਰਿવੁਤੋ ਲੋਕਨਾਯਕੋ ਲੋਕਤ੍ਤਯਸਾਮਿਸਮ੍ਮਾਸਮ੍ਬੁਦ੍ਧੋ ਤਤ੍ਥ ਸਿਲਾਸਨੇ ਨਿਸਿਨ੍ਨੋ ਅਤ੍ਤਨੋ ਪੁਬ੍ਬਾਨਿ ਕਮ੍ਮਾਨਿ ਬ੍ਯਾਕਰੀ વਿਸੇਸੇਨ ਪਾਕਟਮਕਾਸੀਤਿ ਅਤ੍ਥੋ। ਸੇਸਮੇਤ੍ਥ ਹੇਟ੍ਠਾ ਬੁਦ੍ਧਾਪਦਾਨੇ (ਅਪ॰ ਥੇਰ ੧.੧.੧ ਆਦਯੋ) વੁਤ੍ਤਤ੍ਤਾ ਉਤ੍ਤਾਨਤ੍ਥਤ੍ਤਾ ਚ ਸੁવਿਞ੍ਞੇਯ੍ਯਮੇવ। ਬੁਦ੍ਧਾਪਦਾਨੇ ਅਨ੍ਤੋਗਧਮ੍ਪਿ ਇਧਾਪਦਾਨੇ ਕੁਸਲਾਕੁਸਲਂ ਕਮ੍ਮਸਂਸੂਚਕਤ੍ਤਾ વਗ੍ਗਸਙ੍ਗਹવਸੇਨ ਧਮ੍ਮਸਙ੍ਗਾਹਕਤ੍ਥੇਰਾ ਸਙ੍ਗਾਯਿਂਸੂਤਿ।
65. Guṇamahantatāya saṅkhyāmahantatāya ca mahatā bhikkhusaṅghena, pareto parivuto lokanāyako lokattayasāmisammāsambuddho tattha silāsane nisinno attano pubbāni kammāni byākarī visesena pākaṭamakāsīti attho. Sesamettha heṭṭhā buddhāpadāne (apa. thera 1.1.1 ādayo) vuttattā uttānatthattā ca suviññeyyameva. Buddhāpadāne antogadhampi idhāpadāne kusalākusalaṃ kammasaṃsūcakattā vaggasaṅgahavasena dhammasaṅgāhakattherā saṅgāyiṃsūti.
ਪੁਬ੍ਬਕਮ੍ਮਪਿਲੋਤਿਕਬੁਦ੍ਧਅਪਦਾਨવਣ੍ਣਨਾ ਸਮਤ੍ਤਾ।
Pubbakammapilotikabuddhaapadānavaṇṇanā samattā.
ਏਕੂਨਚਤ੍ਤਾਲੀਸਮવਗ੍ਗવਣ੍ਣਨਾ ਸਮਤ੍ਤਾ।
Ekūnacattālīsamavaggavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੧੦. ਪੁਬ੍ਬਕਮ੍ਮਪਿਲੋਤਿਕਬੁਦ੍ਧਅਪਦਾਨਂ • 10. Pubbakammapilotikabuddhaapadānaṃ
