| Library / Tipiṭaka / తిపిటక • Tipiṭaka / పరివార-అట్ఠకథా • Parivāra-aṭṭhakathā |
పుబ్బకరణనిదానాదివిభాగవణ్ణనా
Pubbakaraṇanidānādivibhāgavaṇṇanā
౪౦౫. పుబ్బకరణం కింనిదానన్తిఆదిపుచ్ఛావిస్సజ్జనం ఉత్తానమేవ.
405.Pubbakaraṇaṃ kiṃnidānantiādipucchāvissajjanaṃ uttānameva.
౪౦౬-౭. ‘‘పయోగో కింనిదానో’’తిఆదీసు పుచ్ఛాద్వయవిస్సజ్జనేసు హేతునిదానో పచ్చయనిదానోతి ఏత్థ ఛ చీవరాని హేతు చేవ పచ్చయో చాతి వేదితబ్బాని. పుబ్బపయోగాదీనఞ్హి సబ్బేసం తానియేవ హేతు, తాని పచ్చయో. న హి ఛబ్బిధే చీవరే అసతి పయోగో అత్థి, న పుబ్బకరణాదీని, తస్మా ‘‘పయోగో హేతునిదానో’’తిఆది వుత్తం.
406-7. ‘‘Payogo kiṃnidāno’’tiādīsu pucchādvayavissajjanesu hetunidāno paccayanidānoti ettha cha cīvarāni hetu ceva paccayo cāti veditabbāni. Pubbapayogādīnañhi sabbesaṃ tāniyeva hetu, tāni paccayo. Na hi chabbidhe cīvare asati payogo atthi, na pubbakaraṇādīni, tasmā ‘‘payogo hetunidāno’’tiādi vuttaṃ.
౪౦౮. సఙ్గహవారే – వచీభేదేనాతి ‘‘ఇమాయ సఙ్ఘాటియా, ఇమినా ఉత్తరాసఙ్గేన, ఇమినా అన్తరవాసకేన కథినం అత్థరామీ’’తి ఏతేన వచీభేదేన. కతిమూలాదిపుచ్ఛావిస్సజ్జనే – కిరియా మజ్ఝేతి పచ్చుద్ధారో చేవ అధిట్ఠానఞ్చ.
408. Saṅgahavāre – vacībhedenāti ‘‘imāya saṅghāṭiyā, iminā uttarāsaṅgena, iminā antaravāsakena kathinaṃ attharāmī’’ti etena vacībhedena. Katimūlādipucchāvissajjane – kiriyā majjheti paccuddhāro ceva adhiṭṭhānañca.
౪౧౧. వత్థువిపన్నం హోతీతి అకప్పియదుస్సం హోతి. కాలవిపన్నం నామ అజ్జ దాయకేహి దిన్నం స్వే సఙ్ఘో కథినత్థారకస్స దేతి. కరణవిపన్నం నామ తదహేవ ఛిన్దిత్వా అకతం.
411.Vatthuvipannaṃ hotīti akappiyadussaṃ hoti. Kālavipannaṃ nāma ajja dāyakehi dinnaṃ sve saṅgho kathinatthārakassa deti. Karaṇavipannaṃ nāma tadaheva chinditvā akataṃ.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / పరివారపాళి • Parivārapāḷi / ౩. పుబ్బకరణనిదానాదివిభాగో • 3. Pubbakaraṇanidānādivibhāgo
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / పుబ్బకరణనిదానాదివిభాగవణ్ణనా • Pubbakaraṇanidānādivibhāgavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / పుబ్బకరణనిదానాదివిభాగవణ్ణనా • Pubbakaraṇanidānādivibhāgavaṇṇanā
