| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
10. புப்³ப³ண்ஹஸுத்தவண்ணனா
10. Pubbaṇhasuttavaṇṇanā
156. த³ஸமே ஸுனக்க²த்தந்திஆதீ³ஸு யஸ்மிங் தி³வஸே தயோ ஸுசரிதத⁴ம்மா பூரிதா ஹொந்தி, ஸோ தி³வஸோ லத்³த⁴னக்க²த்தயோகோ³ நாம, தேனஸ்ஸ ஸதா³ ஸுனக்க²த்தங் நாம ஹோதீதி வுச்சதி. ஸ்வேவ தி³வஸோ கதமங்க³லோ நாம ஹோதி, தேனஸ்ஸ ஸதா³ ஸுமங்க³லந்தி வுச்சதி. பபா⁴தம்பிஸ்ஸ ஸதா³ ஸுப்பபா⁴தமேவ, ஸயனதோ உட்டா²னம்பி ஸுஹுட்டி²தமேவ, க²ணோபி ஸுக்க²ணோவ, முஹுத்தோபி ஸுமுஹுத்தோவ. எத்த² ச த³ஸச்ச²ரபமாணோ காலோ க²ணோ நாம, தேன க²ணேன த³ஸக்க²ணோ காலோ லயோ நாம, தேன லயேன ச த³ஸலயோ காலோ க²ணலயோ நாம, தேன த³ஸகு³ணோ முஹுத்தோ நாம, தேன த³ஸகு³ணோ க²ணமுஹுத்தோ நாமாதி அயங் விபா⁴கோ³ வேதி³தப்³போ³. ஸுயிட்ட²ங் ப்³ரஹ்மசாரிஸூதி யஸ்மிங் தி³வஸே தீணி ஸுசரிதானி பூரிதானி, ததா³ஸ்ஸ ஸெட்ட²சாரீஸு தி³ன்னதா³னங் ஸுயிட்ட²ங் நாம ஹோதி . பத³க்கி²ணங் காயகம்மந்தி தங் தி³வஸங் தேன கதங் காயகம்மங் வட்³டி⁴காயகம்மங் நாம ஹோதி. ஸேஸபதே³ஸுபி ஏஸேவ நயோ. பத³க்கி²ணானி கத்வானாதி வட்³டி⁴யுத்தானி காயகம்மாதீ³னி கத்வா. லப⁴ந்தத்தே² பத³க்கி²ணேதி பத³க்கி²ணே வட்³டி⁴அத்தே²யேவ லப⁴தி. ஸேஸங் உத்தானமேவாதி.
156. Dasame sunakkhattantiādīsu yasmiṃ divase tayo sucaritadhammā pūritā honti, so divaso laddhanakkhattayogo nāma, tenassa sadā sunakkhattaṃ nāma hotīti vuccati. Sveva divaso katamaṅgalo nāma hoti, tenassa sadā sumaṅgalanti vuccati. Pabhātampissa sadā suppabhātameva, sayanato uṭṭhānampi suhuṭṭhitameva, khaṇopi sukkhaṇova, muhuttopi sumuhuttova. Ettha ca dasaccharapamāṇo kālo khaṇo nāma, tena khaṇena dasakkhaṇo kālo layo nāma, tena layena ca dasalayo kālo khaṇalayo nāma, tena dasaguṇo muhutto nāma, tena dasaguṇo khaṇamuhutto nāmāti ayaṃ vibhāgo veditabbo. Suyiṭṭhaṃ brahmacārisūti yasmiṃ divase tīṇi sucaritāni pūritāni, tadāssa seṭṭhacārīsu dinnadānaṃ suyiṭṭhaṃ nāma hoti . Padakkhiṇaṃ kāyakammanti taṃ divasaṃ tena kataṃ kāyakammaṃ vaḍḍhikāyakammaṃ nāma hoti. Sesapadesupi eseva nayo. Padakkhiṇāni katvānāti vaḍḍhiyuttāni kāyakammādīni katvā. Labhantatthe padakkhiṇeti padakkhiṇe vaḍḍhiattheyeva labhati. Sesaṃ uttānamevāti.
மங்க³லவக்³கோ³ பஞ்சமோ.
Maṅgalavaggo pañcamo.
ததியபண்ணாஸகங் நிட்டி²தங்.
Tatiyapaṇṇāsakaṃ niṭṭhitaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. புப்³ப³ண்ஹஸுத்தங் • 10. Pubbaṇhasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 11-13. பட²மமோரனிவாபஸுத்தாதி³வண்ணனா • 11-13. Paṭhamamoranivāpasuttādivaṇṇanā
