Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

    2. буб̣б̣зсамб̣од̇хасуд̇д̇ам̣

    2. Pubbesambodhasuttaṃ

    115. саавад̇т̇ияам̣ вихарад̇и…бз… ‘‘буб̣б̣зва мз, бхигкавз, самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о зд̇ад̣̇ахоси – ‘го ну ко бат̇авийд̇хаад̇уяаа ассаад̣̇о, го аад̣̇ийнаво, гим̣ ниссаран̣ам̣; го аабод̇хаад̇уяаа ассаад̣̇о, го аад̣̇ийнаво, гим̣ ниссаран̣ам̣; го д̇зж̇од̇хаад̇уяаа ассаад̣̇о, го аад̣̇ийнаво, гим̣ ниссаран̣ам̣; го вааяод̇хаад̇уяаа ассаад̣̇о, го аад̣̇ийнаво, гим̣ ниссаран̣а’’’нд̇и?

    115. Sāvatthiyaṃ viharati…pe… ‘‘pubbeva me, bhikkhave, sambodhā anabhisambuddhassa bodhisattasseva sato etadahosi – ‘ko nu kho pathavīdhātuyā assādo, ko ādīnavo, kiṃ nissaraṇaṃ; ko āpodhātuyā assādo, ko ādīnavo, kiṃ nissaraṇaṃ; ko tejodhātuyā assādo, ko ādīnavo, kiṃ nissaraṇaṃ; ko vāyodhātuyā assādo, ko ādīnavo, kiṃ nissaraṇa’’’nti?

    ‘‘д̇асса маяхам̣, бхигкавз, зд̇ад̣̇ахоси – ‘яам̣ ко бат̇авийд̇хаад̇ум̣ бадижжа уббаж̇ж̇ад̇и сукам̣ соманассам̣, аяам̣ бат̇авийд̇хаад̇уяаа ассаад̣̇о; яам̣ 1 бат̇авийд̇хаад̇у анижжаа д̣̇угкаа вибарин̣аамад̇хаммаа, аяам̣ бат̇авийд̇хаад̇уяаа аад̣̇ийнаво; яо бат̇авийд̇хаад̇уяаа чанд̣̇арааг̇авинаяо чанд̣̇арааг̇аббахаанам̣, ид̣̇ам̣ бат̇авийд̇хаад̇уяаа ниссаран̣ам̣. яам̣ аабод̇хаад̇ум̣ бадижжа…бз… яам̣ д̇зж̇од̇хаад̇ум̣ бадижжа…бз… яам̣ вааяод̇хаад̇ум̣ бадижжа уббаж̇ж̇ад̇и сукам̣ соманассам̣, аяам̣ вааяод̇хаад̇уяаа ассаад̣̇о; яам̣ вааяод̇хаад̇у анижжаа д̣̇угкаа вибарин̣аамад̇хаммаа, аяам̣ вааяод̇хаад̇уяаа аад̣̇ийнаво; яо вааяод̇хаад̇уяаа чанд̣̇арааг̇авинаяо чанд̣̇арааг̇аббахаанам̣, ид̣̇ам̣ вааяод̇хаад̇уяаа ниссаран̣ам̣’’’.

    ‘‘Tassa mayhaṃ, bhikkhave, etadahosi – ‘yaṃ kho pathavīdhātuṃ paṭicca uppajjati sukhaṃ somanassaṃ, ayaṃ pathavīdhātuyā assādo; yaṃ 2 pathavīdhātu aniccā dukkhā vipariṇāmadhammā, ayaṃ pathavīdhātuyā ādīnavo; yo pathavīdhātuyā chandarāgavinayo chandarāgappahānaṃ, idaṃ pathavīdhātuyā nissaraṇaṃ. Yaṃ āpodhātuṃ paṭicca…pe… yaṃ tejodhātuṃ paṭicca…pe… yaṃ vāyodhātuṃ paṭicca uppajjati sukhaṃ somanassaṃ, ayaṃ vāyodhātuyā assādo; yaṃ vāyodhātu aniccā dukkhā vipariṇāmadhammā, ayaṃ vāyodhātuyā ādīnavo; yo vāyodhātuyā chandarāgavinayo chandarāgappahānaṃ, idaṃ vāyodhātuyā nissaraṇaṃ’’’.

    ‘‘яаавагийван̃жаахам̣ , бхигкавз, имаасам̣ жад̇уннам̣ д̇хаад̇уунам̣ звам̣ ассаад̣̇ан̃жа ассаад̣̇ад̇о аад̣̇ийнаван̃жа аад̣̇ийнавад̇о ниссаран̣ан̃жа ниссаран̣ад̇о яат̇аабхууд̇ам̣ на аб̣бхан̃н̃аасим̣, нзва д̇ааваахам̣, бхигкавз, сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа ануд̇д̇арам̣ саммаасамб̣од̇хим̣ абхисамб̣уд̣̇д̇ход̇и 3 бажжан̃н̃аасим̣.

    ‘‘Yāvakīvañcāhaṃ , bhikkhave, imāsaṃ catunnaṃ dhātūnaṃ evaṃ assādañca assādato ādīnavañca ādīnavato nissaraṇañca nissaraṇato yathābhūtaṃ na abbhaññāsiṃ, neva tāvāhaṃ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya anuttaraṃ sammāsambodhiṃ abhisambuddhoti 4 paccaññāsiṃ.

    ‘‘яад̇о жа кваахам̣, бхигкавз, имаасам̣ жад̇уннам̣ д̇хаад̇уунам̣ звам̣ ассаад̣̇ан̃жа ассаад̣̇ад̇о аад̣̇ийнаван̃жа аад̣̇ийнавад̇о ниссаран̣ан̃жа ниссаран̣ад̇о яат̇аабхууд̇ам̣ аб̣бхан̃н̃аасим̣, ат̇аахам̣, бхигкавз, сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа ануд̇д̇арам̣ саммаасамб̣од̇хим̣ абхисамб̣уд̣̇д̇ход̇и бажжан̃н̃аасим̣. н̃аан̣ан̃жа бана мз д̣̇ассанам̣ уд̣̇абаад̣̇и – ‘агуббаа мз вимуд̇д̇и 5, аяаманд̇имаа ж̇аад̇и, над̇т̇и д̣̇аани бунаб̣бхаво’’’д̇и. д̣̇уд̇ияам̣.

    ‘‘Yato ca khvāhaṃ, bhikkhave, imāsaṃ catunnaṃ dhātūnaṃ evaṃ assādañca assādato ādīnavañca ādīnavato nissaraṇañca nissaraṇato yathābhūtaṃ abbhaññāsiṃ, athāhaṃ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya anuttaraṃ sammāsambodhiṃ abhisambuddhoti paccaññāsiṃ. Ñāṇañca pana me dassanaṃ udapādi – ‘akuppā me vimutti 6, ayamantimā jāti, natthi dāni punabbhavo’’’ti. Dutiyaṃ.




    Next: 3. ажарим̣суд̇д̇ам̣ • 3. Acariṃsuttaṃ




    Footnotes:
    1. яаа (сий.)
    2. yā (sī.)
    3. абхисамб̣уд̣̇д̇хо (сий. сяаа. гам̣.)
    4. abhisambuddho (sī. syā. kaṃ.)
    5. жзд̇овимуд̇д̇и (сий. бий. га.)
    6. cetovimutti (sī. pī. ka.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. буб̣б̣зсамб̣од̇хасуд̇д̇аван̣н̣анаа • 2. Pubbesambodhasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. буб̣б̣зсамб̣од̇хасуд̇д̇аван̣н̣анаа • 2. Pubbesambodhasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact