| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
махааваг̇г̇о
Mahāvaggo
1. буг̇г̇алагат̇аа
1. Puggalakathā
1. суд̣̇д̇хасажжигадто
1. Suddhasaccikaṭṭho
1. ануломабажжанийгаван̣н̣анаа
1. Anulomapaccanīkavaṇṇanā
1. мааяааяа аман̣иаад̣̇аяо ман̣иаад̣̇иаагаарзна д̣̇иссамаанаа ‘‘мааяаа’’д̇и вуд̇д̇аа. абхууд̇зна ман̣иуд̣̇агаад̣̇иаагаарзна г̇аяхамаанаа мааяаамарийжиаад̣̇аяо абхууд̇ан̃н̃зяяаагаарад̇д̇аа асажжигадтаа. яо д̇ат̇аа на ход̇и, со сажжигадтод̇и д̣̇ассзнд̇о ааха ‘‘мааяаа…бз… бхууд̇ад̇т̇о’’д̇и. ануссаваад̣̇ивасзна г̇аяхамаано д̇ат̇ааби ход̇и ан̃н̃ат̇аабийд̇и д̇аад̣̇исо н̃зяяо на барамад̇т̇о, ад̇д̇абажжагко бана барамад̇т̇од̇и д̣̇ассзнд̇о ааха ‘‘ануссаваа…бз… уд̇д̇амад̇т̇о’’д̇и.
1. Māyāya amaṇiādayo maṇiādiākārena dissamānā ‘‘māyā’’ti vuttā. Abhūtena maṇiudakādiākārena gayhamānā māyāmarīciādayo abhūtaññeyyākārattā asaccikaṭṭhā. Yo tathā na hoti, so saccikaṭṭhoti dassento āha ‘‘māyā…pe… bhūtattho’’ti. Anussavādivasena gayhamāno tathāpi hoti aññathāpīti tādiso ñeyyo na paramattho, attapaccakkho pana paramatthoti dassento āha ‘‘anussavā…pe… uttamattho’’ti.
чалаваад̣̇ассаад̇и ад̇т̇ийд̇и важанасааман̃н̃зна ад̇т̇ийд̇и вуд̇д̇зхи руубаад̣̇ийхи сааман̃н̃аважанассаад̇и ад̇хиббааяо. ‘‘со сажжи…бз… лад̣̇д̇хим̣ г̇ахзд̇ваа ааманд̇аад̇и бадиж̇аанаад̇ий’’д̇и важанад̇о бана ‘‘чалаваад̣̇ассаа’’д̇и на саггаа вад̇д̇ум̣. на хи лад̣̇д̇хи чаланд̇и. огаасам̣ ад̣̇ад̣̇амаанод̇и бад̇идтам̣ бажчинд̣̇анд̇о. яад̣̇и сажжигадтзна убалаб̣бхад̇и, руубаад̣̇аяо вияа убалаб̣бхзяяа, д̇ат̇аа анубалаб̣бханийяад̇о на д̇ава ваад̣̇о д̇идтад̇ийд̇и нивад̇д̇знд̇од̇и ад̇хиббааяо. д̇ам̣ санд̇хааяаад̇и ‘‘яо сажжигадто’’д̇и зд̇т̇а вуд̇д̇о яо сажжигадто, со саббажжаяаад̣̇ибхаавзна д̣̇ийбид̇о ‘‘руубан̃жа убалаб̣бхад̇ий’’д̇иаад̣̇ийсу ааг̇ад̇о д̇хаммаббабхзд̣̇од̇и д̣̇ассзд̇и.
Chalavādassāti atthīti vacanasāmaññena atthīti vuttehi rūpādīhi sāmaññavacanassāti adhippāyo. ‘‘So sacci…pe… laddhiṃ gahetvā āmantāti paṭijānātī’’ti vacanato pana ‘‘chalavādassā’’ti na sakkā vattuṃ. Na hi laddhi chalanti. Okāsaṃ adadamānoti patiṭṭhaṃ pacchindanto. Yadi saccikaṭṭhena upalabbhati, rūpādayo viya upalabbheyya, tathā anupalabbhanīyato na tava vādo tiṭṭhatīti nivattentoti adhippāyo. Taṃ sandhāyāti ‘‘yo saccikaṭṭho’’ti ettha vutto yo saccikaṭṭho, so sappaccayādibhāvena dīpito ‘‘rūpañca upalabbhatī’’tiādīsu āgato dhammappabhedoti dasseti.
‘‘д̇зна сажжигадтабарамад̇т̇знаа’’д̇и вад̇ваа ‘‘д̇знаагаарзнаа’’д̇и вад̣̇ад̇о аяамад̇хиббааяо – сажжигадтабарамад̇т̇аагаарзна убалаб̣бхамаанам̣ сажжигадтабарамад̇т̇зна убалаб̣бхамаанам̣ наама ход̇ийд̇и. ан̃н̃ат̇аа д̇ад̇од̇и д̇асса д̇знаагаарзнаад̇и вад̇д̇аб̣б̣ам̣ сияаа. го банзд̇иссаа буримабужчааяа жа висзсод̇и? буримабужчааяа сад̇д̇абан̃н̃аасавид̇хо д̇хаммаббабхзд̣̇о яат̇аа бхууд̇зна сабхаавад̇т̇зна убалаб̣бхад̇и, звам̣ буг̇г̇ало убалаб̣бхад̇ийд̇и вуд̇д̇ам̣. ид̇ха бана бхууд̇асабхаавад̇т̇зна убалаб̣бхамаано со д̇хаммаббабхзд̣̇о язна руббанаад̣̇исаббажжаяаад̣̇иаагаарзна убалаб̣бхад̇и, гим̣ д̇знаагаарзна буг̇г̇алоби убалаб̣бхад̇ийд̇и зса висзсо. яат̇аа бана руубам̣ вияа бхууд̇асабхаавад̇т̇зна убалаб̣бхамаанаа взд̣̇анаа на руббанаагаарзна убалаб̣бхад̇и, звам̣ д̇хаммаббабхзд̣̇о вияа бхууд̇асабхаавад̇т̇зна убалаб̣бхамаано буг̇г̇ало на руббанаад̣̇исаббажжаяаад̣̇иаагаарзна убалаб̣бхад̇ийд̇и саггаа бараваад̣̇инаа вад̇д̇унд̇и ажод̣̇анийяам̣ зд̇ам̣ сияаа. аваж̇аананан̃жа д̇асса яуд̇д̇анд̇и ниг̇г̇ахо жа на гаад̇аб̣б̣о. д̇хаммаббабхзд̣̇ад̇о бана ан̃н̃асса сажжигадтасса асид̣̇д̇хад̇д̇аа д̇хаммаббабхзд̣̇аагаарзнзва жод̣̇зд̇и. аваж̇аананзнзва ниг̇г̇ахам̣ д̣̇ассзд̇и. ануж̇аананааваж̇аананабагкаа сааман̃н̃ависзсзхи бадин̃н̃аабадигкзбабагкаа ануломабадиломабагкаа батамад̣̇уд̇ияанаяаад̇и аяамзд̇зсам̣ висзсо взд̣̇ид̇аб̣б̣о.
‘‘Tenasaccikaṭṭhaparamatthenā’’ti vatvā ‘‘tenākārenā’’ti vadato ayamadhippāyo – saccikaṭṭhaparamatthākārena upalabbhamānaṃ saccikaṭṭhaparamatthena upalabbhamānaṃ nāma hotīti. Aññathā tatoti tassa tenākārenāti vattabbaṃ siyā. Ko panetissā purimapucchāya ca visesoti? Purimapucchāya sattapaññāsavidho dhammappabhedo yathā bhūtena sabhāvatthena upalabbhati, evaṃ puggalo upalabbhatīti vuttaṃ. Idha pana bhūtasabhāvatthena upalabbhamāno so dhammappabhedo yena ruppanādisappaccayādiākārena upalabbhati, kiṃ tenākārena puggalopi upalabbhatīti esa viseso. Yathā pana rūpaṃ viya bhūtasabhāvatthena upalabbhamānā vedanā na ruppanākārena upalabbhati, evaṃ dhammappabhedo viya bhūtasabhāvatthena upalabbhamāno puggalo na ruppanādisappaccayādiākārena upalabbhatīti sakkā paravādinā vattunti acodanīyaṃ etaṃ siyā. Avajānanañca tassa yuttanti niggaho ca na kātabbo. Dhammappabhedato pana aññassa saccikaṭṭhassa asiddhattā dhammappabhedākāreneva codeti. Avajānaneneva niggahaṃ dasseti. Anujānanāvajānanapakkhā sāmaññavisesehi paṭiññāpaṭikkhepapakkhā anulomapaṭilomapakkhā paṭhamadutiyanayāti ayametesaṃ viseso veditabbo.
‘‘д̇зна вад̇а рз вад̇д̇аб̣б̣з’’д̇и вад̣̇анд̇о вад̇д̇аб̣б̣асса аважанз д̣̇осам̣ баабзд̇ийд̇и иминаа ад̇хиббааязна ‘‘ниг̇г̇ахасса баабид̇ад̇д̇аа’’д̇и вуд̇д̇анд̇и д̣̇адтаб̣б̣ам̣. ‘‘звамзд̇ам̣ ниг̇г̇ахасса жа ануломабадиломад̇о жад̇уннам̣ баабанааробанан̃жа вуд̇д̇ад̇д̇аа убалаб̣бхад̇ийд̇иаад̣̇игам̣ ануломабан̃жагам̣ наамаа’’д̇и вуд̇д̇ам̣, ануломабадиломад̇о бана д̣̇вийхи табанаахи саха сад̇д̇агзна бхавид̇аб̣б̣ам̣, д̇ам̣важ̇ж̇анз ваа гааран̣ам̣ вад̇д̇аб̣б̣ам̣. яам̣ бана вагкад̇и ‘‘табанаа наама бараваад̣̇ийбагкасса табанад̇о ‘аяам̣ д̇ава д̣̇осо’д̇и д̣̇ассзд̇ум̣ табанамад̇д̇амзва ход̇и, на ниг̇г̇ахасса ваа бадигаммасса ваа баагадабхаавагаран̣а’’нд̇и (гат̇аа. адта. 2). д̇знаад̇хиббааязна ид̇хааби табанаад̣̇ваяам̣ важ̇ж̇зд̇и. яат̇аа бана д̇ад̇т̇а бадигаммабан̃жагабхаавам̣ авад̇ваа бадигаммажад̇уггабхаавам̣ вагкад̇и, звамид̇хааби ниг̇г̇ахажад̇уггабхааво вад̇д̇аб̣б̣о сияаа. суд̣̇д̇хиганиг̇г̇ахасса бана ниг̇г̇ахаббад̇хаанад̇д̇аа уд̣̇д̣̇зсабхаавзна вуд̇д̇о ниг̇г̇ахова висум̣ вуд̇д̇од̇и д̣̇адтаб̣б̣о. яз бана ‘‘аяат̇аабхууд̇аниг̇г̇ахад̇д̇аа д̇ад̇т̇а бадигаммам̣ висум̣ на вуд̇д̇а’’нд̇и вад̣̇анд̇и, д̇зсам̣ д̣̇уд̇ияз ваад̣̇амукз ниг̇г̇ахажад̇уггабхааво бадигаммабан̃жагабхааво жа аабаж̇ж̇ад̇и.
‘‘Tena vata re vattabbe’’ti vadanto vattabbassa avacane dosaṃ pāpetīti iminā adhippāyena ‘‘niggahassa pāpitattā’’ti vuttanti daṭṭhabbaṃ. ‘‘Evametaṃ niggahassa ca anulomapaṭilomato catunnaṃ pāpanāropanañca vuttattā upalabbhatītiādikaṃ anulomapañcakaṃ nāmā’’ti vuttaṃ, anulomapaṭilomato pana dvīhi ṭhapanāhi saha sattakena bhavitabbaṃ, taṃvajjane vā kāraṇaṃ vattabbaṃ. Yaṃ pana vakkhati ‘‘ṭhapanā nāma paravādīpakkhassa ṭhapanato ‘ayaṃ tava doso’ti dassetuṃ ṭhapanamattameva hoti, na niggahassa vā paṭikammassa vā pākaṭabhāvakaraṇa’’nti (kathā. aṭṭha. 2). Tenādhippāyena idhāpi ṭhapanādvayaṃ vajjeti. Yathā pana tattha paṭikammapañcakabhāvaṃ avatvā paṭikammacatukkabhāvaṃ vakkhati, evamidhāpi niggahacatukkabhāvo vattabbo siyā. Suddhikaniggahassa pana niggahappadhānattā uddesabhāvena vutto niggahova visuṃ vuttoti daṭṭhabbo. Ye pana ‘‘ayathābhūtaniggahattā tattha paṭikammaṃ visuṃ na vutta’’nti vadanti, tesaṃ dutiye vādamukhe niggahacatukkabhāvo paṭikammapañcakabhāvo ca āpajjati.
2. ад̇д̇анаа ад̇хиббзд̇ам̣ сажжигадтамзваад̇и саммуд̇исажжам̣ санд̇хааяаад̇и ад̇хиббааяо. вагкад̇и хи ‘‘суд̣̇д̇хасаммуд̇исажжам̣ ваа барамад̇т̇амиссагам̣ ваа саммуд̇исажжам̣ санд̇хааяа ‘яо сажжигадто’д̇и буна ануяог̇о бараваад̣̇иссаа’’д̇и (гат̇аа. адта. 6). д̇ад̇т̇а яад̣̇и бараваад̣̇инаа ад̇д̇анаа ад̇хиббзд̇асажжигадто саммуд̇исажжам̣, саммуд̇исажжаагаарзна буг̇г̇ало убалаб̣бхад̇ийд̇и вад̣̇анд̇зна самааналад̣̇д̇хиго наббадисзд̇хид̇аб̣б̣о, гат̇аа звааяам̣ наарабхид̇аб̣б̣аа. ат̇а сагаваад̣̇инаа ад̇д̇анаа жа ад̇хиббзд̇асажжигадтам̣язва санд̇хааяа бараваад̣̇ий ‘‘яо сажжигадто’’д̇иаад̣̇имаахаад̇и аяамад̇т̇о. сагаваад̣̇инаа саммуд̇исажжам̣язва сажжигадтод̇и ад̇хиббзд̇анд̇и аабаж̇ж̇ад̇и. яад̣̇и убхаяам̣ ад̇хиббзд̇ам̣, буна ‘‘саммуд̇исажжабарамад̇т̇асажжаани ваа згад̇о гад̇вааби звамаахаа’’д̇и на вад̇д̇аб̣б̣ам̣ сияаад̇и. яад̣̇и жа д̣̇взби сажжаани сажжигадтабарамад̇т̇аа, сажжигадтзгад̣̇зсзна убалад̣̇д̇хим̣ ижчанд̇зна ‘‘буг̇г̇ало убалаб̣бхад̇и сажжигадтабарамад̇т̇знаа’’д̇иаад̣̇и ануяог̇о на гаад̇аб̣б̣о, на жа сажжигадтзгад̣̇зсзна ануяог̇о яуд̇д̇о. на хи взд̣̇аяид̇аагаарзна убалаб̣бхамаанаа взд̣̇анаа руббанаагаарзна убалаб̣бхад̇ийд̇и ануяун̃ж̇ид̇аб̣б̣аа, на жа бараваад̣̇ий руббанаад̣̇исабхаавам̣ буг̇г̇алам̣ ижчад̇и, ат̇а ко сажжигадтабарамад̇т̇амзваад̇и. барамад̇т̇асажжад̇о ан̃н̃асмим̣ сажжигадтз виж̇ж̇амаанз наасса барамад̇т̇асажжад̇аа ануяун̃ж̇ид̇аб̣б̣аа. асажжигадтз сажжигадтавохаарам̣ ааробзд̇ваа д̇ам̣ санд̇хааяа бужчад̇ийд̇и вад̣̇анд̇аанам̣ вохарид̇асажжигадтасса ад̇д̇анаа ад̇хиббзд̇асажжигадтад̇аа на яуд̇д̇аа. вохарид̇абарамад̇т̇асажжигадтаанан̃жа д̣̇виннам̣ сажжигадтабхаавз вуд̇д̇анаяова д̣̇осо. саммуд̇исажжаагаарзна убалаб̣бхамаанан̃жа бхууд̇асабхаавад̇т̇зна убалаб̣бхзяяа ваа на ваа. яад̣̇и бхууд̇асабхаавад̇т̇зна убалаб̣бхад̇и, буг̇г̇алоби убалаб̣бхад̇и сажжигадтабарамад̇т̇знаад̇и ануж̇аананд̇о наануяун̃ж̇ид̇аб̣б̣о. ат̇а на бхууд̇асабхаавад̇т̇зна, д̇ам̣винимуд̇д̇о саммуд̇исажжасса сажжигадтабарамад̇т̇аагааро на вад̇д̇аб̣б̣о асид̣̇д̇хад̇д̇аа. вагкад̇и жа ‘‘яат̇аа руубаад̣̇аяо бажжад̇д̇алагкан̣асааман̃н̃алагкан̣авасзна ад̇т̇и, на звам̣ буг̇г̇ало’’д̇и. д̇асмаа маг̇г̇ид̇аб̣б̣о зд̇т̇а ад̇хиббааяо.
2. Attanā adhippetaṃ saccikaṭṭhamevāti sammutisaccaṃ sandhāyāti adhippāyo. Vakkhati hi ‘‘suddhasammutisaccaṃ vā paramatthamissakaṃ vā sammutisaccaṃ sandhāya ‘yo saccikaṭṭho’ti puna anuyogo paravādissā’’ti (kathā. aṭṭha. 6). Tattha yadi paravādinā attanā adhippetasaccikaṭṭho sammutisaccaṃ, sammutisaccākārena puggalo upalabbhatīti vadantena samānaladdhiko nappaṭisedhitabbo, kathā evāyaṃ nārabhitabbā. Atha sakavādinā attanā ca adhippetasaccikaṭṭhaṃyeva sandhāya paravādī ‘‘yo saccikaṭṭho’’tiādimāhāti ayamattho. Sakavādinā sammutisaccaṃyeva saccikaṭṭhoti adhippetanti āpajjati. Yadi ubhayaṃ adhippetaṃ, puna ‘‘sammutisaccaparamatthasaccāni vā ekato katvāpi evamāhā’’ti na vattabbaṃ siyāti. Yadi ca dvepi saccāni saccikaṭṭhaparamatthā, saccikaṭṭhekadesena upaladdhiṃ icchantena ‘‘puggalo upalabbhati saccikaṭṭhaparamatthenā’’tiādi anuyogo na kātabbo, na ca saccikaṭṭhekadesena anuyogo yutto. Na hi vedayitākārena upalabbhamānā vedanā ruppanākārena upalabbhatīti anuyuñjitabbā, na ca paravādī ruppanādisabhāvaṃ puggalaṃ icchati, atha kho saccikaṭṭhaparamatthamevāti. Paramatthasaccato aññasmiṃ saccikaṭṭhe vijjamāne nāssa paramatthasaccatā anuyuñjitabbā. Asaccikaṭṭhe saccikaṭṭhavohāraṃ āropetvā taṃ sandhāya pucchatīti vadantānaṃ voharitasaccikaṭṭhassa attanā adhippetasaccikaṭṭhatā na yuttā. Voharitaparamatthasaccikaṭṭhānañca dvinnaṃ saccikaṭṭhabhāve vuttanayova doso. Sammutisaccākārena upalabbhamānañca bhūtasabhāvatthena upalabbheyya vā na vā. Yadi bhūtasabhāvatthena upalabbhati, puggalopi upalabbhati saccikaṭṭhaparamatthenāti anujānanto nānuyuñjitabbo. Atha na bhūtasabhāvatthena, taṃvinimutto sammutisaccassa saccikaṭṭhaparamatthākāro na vattabbo asiddhattā. Vakkhati ca ‘‘yathā rūpādayo paccattalakkhaṇasāmaññalakkhaṇavasena atthi, na evaṃ puggalo’’ti. Tasmā maggitabbo ettha adhippāyo.
д̣̇виннам̣ сажжаананд̇и зд̇т̇а сажжад̣̇ваяаагаарзна анубалаб̣бханийяад̇о анун̃н̃зяяамзд̇ам̣ сияаа, на ваа гин̃жи вад̇д̇аб̣б̣ам̣. яат̇аа хи згад̣̇зсзна барамад̇т̇аагаарзна анубалаб̣бханийяад̇аа ануж̇аананасса на гааран̣ам̣, звам̣ згад̣̇зсзна саммуд̇ияаагаарзна убалаб̣бханийяад̇аа бадигкзбасса жаад̇и маг̇г̇ид̇аб̣б̣о зд̇т̇ааби ад̇хиббааяо. нубалаб̣бхад̇ийд̇и важанасааман̃н̃амад̇д̇анд̇и нубалаб̣бхад̇ийд̇и ид̣̇амзва важанам̣ анун̃н̃аад̇ам̣ бадигкид̇д̇ан̃жаад̇и зд̇ам̣ чалаваад̣̇ам̣ ниссааяаад̇и ад̇хиббааяо. яат̇аа убалаб̣бхад̇ийд̇и зд̇ассзва ануж̇аананабадигкзбзхи ахам̣ ниг̇г̇ахзд̇аб̣б̣о, звам̣ нубалаб̣бхад̇ийд̇и зд̇ассзва ануж̇аананабадигкзбзхи д̇ванд̇и звам̣ самбхаванд̇асса сааман̃н̃зна асамбхаванд̇асса габбанам̣ банзд̇т̇а чалаваад̣̇о бхавид̇ум̣ арахад̇и. д̇зна нубалаб̣бхад̇ийд̇и важанасааман̃н̃амад̇д̇ам̣ чалаваад̣̇асса гааран̣ад̇д̇аа ‘‘чалаваад̣̇о’’д̇и вуд̇д̇анд̇и д̣̇адтаб̣б̣ам̣. важанасааман̃н̃амад̇д̇ан̃жа чалаваад̣̇ан̃жа ниссааяаад̇и ваа ад̇т̇о. табанаа ниг̇г̇ахаббадигаммаанам̣ баагадабхаавагаран̣ам̣ на ход̇ийд̇и ид̣̇ам̣ вижаарзд̇аб̣б̣ам̣. на хи багкадтабанзна винаа буримам̣ ануж̇аанид̇ваа бажчимасса аваж̇аананам̣, бажчимам̣ ваа аваж̇аананд̇асса буримаануж̇аананам̣ мижчаад̇и саггаа ааробзд̇унд̇и.
Dvinnaṃ saccānanti ettha saccadvayākārena anupalabbhanīyato anuññeyyametaṃ siyā, na vā kiñci vattabbaṃ. Yathā hi ekadesena paramatthākārena anupalabbhanīyatā anujānanassa na kāraṇaṃ, evaṃ ekadesena sammutiyākārena upalabbhanīyatā paṭikkhepassa cāti maggitabbo etthāpi adhippāyo. Nupalabbhatīti vacanasāmaññamattanti nupalabbhatīti idameva vacanaṃ anuññātaṃ paṭikkhittañcāti etaṃ chalavādaṃ nissāyāti adhippāyo. Yathā upalabbhatīti etasseva anujānanapaṭikkhepehi ahaṃ niggahetabbo, evaṃ nupalabbhatīti etasseva anujānanapaṭikkhepehi tvanti evaṃ sambhavantassa sāmaññena asambhavantassa kappanaṃ panettha chalavādo bhavituṃ arahati. Tena nupalabbhatīti vacanasāmaññamattaṃ chalavādassa kāraṇattā ‘‘chalavādo’’ti vuttanti daṭṭhabbaṃ. Vacanasāmaññamattañca chalavādañca nissāyāti vā attho. Ṭhapanā niggahappaṭikammānaṃ pākaṭabhāvakaraṇaṃ na hotīti idaṃ vicāretabbaṃ. Na hi pakkhaṭṭhapanena vinā purimaṃ anujānitvā pacchimassa avajānanaṃ, pacchimaṃ vā avajānantassa purimānujānanaṃ micchāti sakkā āropetunti.
3. д̇аваад̇и, бадиж̇аананд̇анд̇и жа бажжад̇д̇з саамиубаяог̇аважанаанийд̇и ад̇хиббааязна ‘‘д̇вам̣язва бадиж̇аананд̇о’’д̇и ааха.
3. Tavāti, paṭijānantanti ca paccatte sāmiupayogavacanānīti adhippāyena ‘‘tvaṃyeva paṭijānanto’’ti āha.
4-5. жад̇уухи баабанааробанаахи ниг̇г̇ахасса убанийд̇ад̇д̇аад̇и ‘‘д̣̇унниг̇г̇ахид̇аа жа хома, хан̃жий’’д̇иаад̣̇инаа д̇аяаа мама гад̇о ниг̇г̇ахо, маяаа д̇ава гад̇о ниг̇г̇ахо вияа мижчаад̇и звам̣ д̇зна ануломабан̃жагз жад̇уухи баабанааробанаахи гад̇асса ниг̇г̇ахасса д̇зна нияаамзна д̣̇уггадабхаавасса ад̇д̇анаа гад̇аниг̇г̇ахзна саха убанийд̇ад̇д̇аа аниг̇г̇ахабхаавасса ваа убаг̇амид̇ад̇д̇аад̇и ад̇т̇о д̣̇адтаб̣б̣о. звамзва д̇зна хи яам̣ ниг̇г̇ан̣хааси хан̃жи…бз… ид̣̇ам̣ д̇з мижчаад̇и зд̇асса аниг̇г̇ахабхааваниг̇аманассзва ниг̇г̇аманажад̇уггад̇аа взд̣̇ид̇аб̣б̣аа.
4-5. Catūhi pāpanāropanāhi niggahassa upanītattāti ‘‘dunniggahitā ca homa, hañcī’’tiādinā tayā mama kato niggaho, mayā tava kato niggaho viya micchāti evaṃ tena anulomapañcake catūhi pāpanāropanāhi katassa niggahassa tena niyāmena dukkaṭabhāvassa attanā kataniggahena saha upanītattā aniggahabhāvassa vā upagamitattāti attho daṭṭhabbo. Evameva tena hi yaṃ niggaṇhāsi hañci…pe… idaṃ te micchāti etassa aniggahabhāvanigamanasseva niggamanacatukkatā veditabbā.
ануломабажжанийгаван̣н̣анаа нидтид̇аа.
Anulomapaccanīkavaṇṇanā niṭṭhitā.
2. бажжанийгаануломаван̣н̣анаа
2. Paccanīkānulomavaṇṇanā
7-10. ‘‘ад̇д̇ано лад̣̇д̇хим̣ ниссааяа бадин̃н̃аа бараваад̣̇иссаа’’д̇и вад̇ваа буна ‘‘барамад̇т̇авасзна буг̇г̇аласса абхаавад̇о бадигкзбо бараваад̣̇иссаа’’д̇и вуд̇д̇ам̣. д̇ад̇рааяам̣ бадигкзбо ад̇д̇ано лад̣̇д̇хияаа яад̣̇и гад̇о, барамад̇т̇ад̇о ан̃н̃зна сажжигадтабарамад̇т̇зна буг̇г̇ало убалаб̣бхад̇ийд̇и аяамасса лад̣̇д̇хийд̇и аабаж̇ж̇ад̇и. д̇ат̇аа жа сад̇и нааяам̣ саммуд̇исажжавасзна убалад̣̇д̇хим̣ ижчанд̇зна ниг̇г̇ахзд̇аб̣б̣о. ат̇а ад̇д̇ано лад̣̇д̇хим̣ ниг̇г̇уухид̇ваа барасса лад̣̇д̇хивасзна бадигкибад̇и, буримабадин̃н̃ааяа авирод̇хид̇ад̇д̇аа на ниг̇г̇ахзд̇аб̣б̣о. на хи ад̇д̇ано жа барасса жа лад̣̇д̇хим̣ вад̣̇анд̇асса д̣̇осо аабаж̇ж̇ад̇ийд̇и. ад̇д̇ано бана лад̣̇д̇хияаа бадиж̇аанид̇ваа баралад̣̇д̇хияаа бадигкибанд̇зна ад̇д̇ано лад̣̇д̇хим̣ чад̣д̣зд̇ваа баралад̣̇д̇хи г̇ахид̇аа ход̇ийд̇и ниг̇г̇ахзд̇аб̣б̣од̇и аяамзд̇т̇а ад̇хиббааяо сияаа.
7-10. ‘‘Attano laddhiṃ nissāya paṭiññā paravādissā’’ti vatvā puna ‘‘paramatthavasena puggalassa abhāvato paṭikkhepo paravādissā’’ti vuttaṃ. Tatrāyaṃ paṭikkhepo attano laddhiyā yadi kato, paramatthato aññena saccikaṭṭhaparamatthena puggalo upalabbhatīti ayamassa laddhīti āpajjati. Tathā ca sati nāyaṃ sammutisaccavasena upaladdhiṃ icchantena niggahetabbo. Atha attano laddhiṃ niggūhitvā parassa laddhivasena paṭikkhipati, purimapaṭiññāya avirodhitattā na niggahetabbo. Na hi attano ca parassa ca laddhiṃ vadantassa doso āpajjatīti. Attano pana laddhiyā paṭijānitvā paraladdhiyā paṭikkhipantena attano laddhiṃ chaḍḍetvā paraladdhi gahitā hotīti niggahetabboti ayamettha adhippāyo siyā.
бажжанийгаануломаван̣н̣анаа нидтид̇аа.
Paccanīkānulomavaṇṇanā niṭṭhitā.
суд̣̇д̇хасажжигадтаван̣н̣анаа нидтид̇аа.
Suddhasaccikaṭṭhavaṇṇanā niṭṭhitā.
2. огаасасажжигадто
2. Okāsasaccikaṭṭho
1. ануломабажжанийгаван̣н̣анаа
1. Anulomapaccanīkavaṇṇanā
11. саб̣б̣ад̇т̇аад̇и саб̣б̣асмим̣ сарийрзд̇и аяамад̇т̇од̇и д̣̇ассзнд̇о ааха ‘‘сарийрам̣ санд̇хааяаа’’д̇и. д̇ад̇т̇аад̇и д̇асмим̣ сам̣кид̇д̇абаатз. яасмаа сарийрам̣ санд̇хааяа ‘‘саб̣б̣ад̇т̇а на убалаб̣бхад̇ий’’д̇и вуд̇д̇з сарийрад̇о б̣ахи убалаб̣бхад̇ийд̇и аабаж̇ж̇ад̇и, д̇асмаа бажжанийгз бадигкзбо сагаваад̣̇иссаад̇и зд̇зна на гзнажи сабхаавзна буг̇г̇ало убалаб̣бхад̇ийд̇и аяамад̇т̇о вуд̇д̇о ход̇и. на хи гзнажи сабхаавзна убалаб̣бхамаанасса сарийрад̇ад̣̇ан̃н̃аавимуд̇д̇о убалад̣̇д̇хиогаасо ад̇т̇ийд̇и.
11. Sabbatthāti sabbasmiṃ sarīreti ayamatthoti dassento āha ‘‘sarīraṃ sandhāyā’’ti. Tatthāti tasmiṃ saṃkhittapāṭhe. Yasmā sarīraṃ sandhāya ‘‘sabbattha na upalabbhatī’’ti vutte sarīrato bahi upalabbhatīti āpajjati, tasmā paccanīke paṭikkhepo sakavādissāti etena na kenaci sabhāvena puggalo upalabbhatīti ayamattho vutto hoti. Na hi kenaci sabhāvena upalabbhamānassa sarīratadaññāvimutto upaladdhiokāso atthīti.
3. гааласажжигадто
3. Kālasaccikaṭṭho
1. ануломабажжанийгаван̣н̣анаа
1. Anulomapaccanīkavaṇṇanā
12. буримабажчимаж̇аад̇игаалан̃жаад̇и маж̇жхимаж̇аад̇игаалз убалаб̣бхамаанасса д̇ассзва буримабажчимаж̇аад̇игаалзсу убалад̣̇д̇хим̣ санд̇хааяаад̇и ад̇хиббааяо. сзсам̣ батаманаяз вуд̇д̇асад̣̇исамзваад̇и имзсу д̇ийсу батамз ‘‘саб̣б̣ад̇т̇аа’’д̇и зд̇асмим̣ наяз вуд̇д̇асад̣̇исамзва, гим̣ д̇ам̣? баатасса сам̣кид̇д̇ад̇аад̇и ад̇т̇о. ид̇хааби хи яасмаа ‘‘саб̣б̣ад̣̇аа на убалаб̣бхад̇ий’’д̇и вуд̇д̇з згад̣̇аа убалаб̣бхад̇ийд̇и аабаж̇ж̇ад̇и, д̇асмаа бажжанийгз бадигкзбо сагаваад̣̇иссаад̇и яож̇зд̇аб̣б̣анд̇и.
12. Purimapacchimajātikālañcāti majjhimajātikāle upalabbhamānassa tasseva purimapacchimajātikālesu upaladdhiṃ sandhāyāti adhippāyo. Sesaṃ paṭhamanaye vuttasadisamevāti imesu tīsu paṭhame ‘‘sabbatthā’’ti etasmiṃ naye vuttasadisameva, kiṃ taṃ? Pāṭhassa saṃkhittatāti attho. Idhāpi hi yasmā ‘‘sabbadā na upalabbhatī’’ti vutte ekadā upalabbhatīti āpajjati, tasmā paccanīke paṭikkhepo sakavādissāti yojetabbanti.
4. аваяавасажжигадто
4. Avayavasaccikaṭṭho
1. ануломабажжанийгаван̣н̣анаа
1. Anulomapaccanīkavaṇṇanā
13. д̇ад̇ияанаяз жа яасмаа ‘‘саб̣б̣зсу на убалаб̣бхад̇ий’’д̇и вуд̇д̇з згасмим̣ убалаб̣бхад̇ийд̇и аабаж̇ж̇ад̇и, д̇асмаа бажжанийгз бадигкзбо сагаваад̣̇иссаад̇и яож̇зд̇аб̣б̣ам̣. д̇знааха ‘‘д̇аад̣̇исамзваа’’д̇и.
13. Tatiyanaye ca yasmā ‘‘sabbesu na upalabbhatī’’ti vutte ekasmiṃ upalabbhatīti āpajjati, tasmā paccanīke paṭikkhepo sakavādissāti yojetabbaṃ. Tenāha ‘‘tādisamevā’’ti.
огаасаад̣̇исажжигадто
Okāsādisaccikaṭṭho
2. бажжанийгаануломаван̣н̣анаа
2. Paccanīkānulomavaṇṇanā
14. д̇ад̇т̇а ануломабан̃жагассаад̇иаад̣̇имхи ануломабан̃жаганд̇и ниг̇г̇ахабан̃жагам̣, бажжанийганд̇и жа бадигаммам̣ вуд̇д̇анд̇и д̣̇адтаб̣б̣ам̣. д̇ад̇т̇а ануломабан̃жагасса ‘‘саб̣б̣ад̇т̇а буг̇г̇ало нубалаб̣бхад̇ий’’д̇иаад̣̇игасса ад̇т̇о ‘‘саб̣б̣ад̇т̇а буг̇г̇ало нубалаб̣бхад̇ий’’д̇иаад̣̇ибаал̣им̣ сам̣кибид̇ваа ааг̇ад̇з саруубзна авуд̇д̇з ‘‘яасмаа сарийрам̣ санд̇хааяаа’’д̇иаад̣̇инаа (гат̇аа. адта. 11) вуд̇д̇анаязна взд̣̇ид̇аб̣б̣о, бажжанийгасса жа ‘‘саб̣б̣ад̇т̇а буг̇г̇ало убалаб̣бхад̇ий’’д̇иаад̣̇игасса бадигаммагаран̣авасзна вуд̇д̇асса ад̇т̇о бадигаммаад̣̇ибаал̣им̣ сам̣кибид̇ваа аад̣̇имад̇д̇ад̣̇ассанзна ааг̇ад̇з ‘‘буг̇г̇ало убалаб̣бхад̇ий’’д̇иаад̣̇имхи ануломз ‘‘саб̣б̣ад̇т̇аад̇и сарийрам̣ санд̇хааяа ануяог̇о сагаваад̣̇иссаа’’д̇иаад̣̇инаа (гат̇аа. адта. 11) вуд̇д̇анаязна взд̣̇ид̇аб̣б̣од̇и звамад̇т̇о д̣̇адтаб̣б̣о. ат̇а ваа д̇ад̇т̇аад̇и яам̣ аарад̣̇д̇хам̣, д̇асминд̇и звам̣ ад̇т̇ам̣ аг̇г̇ахзд̇ваа д̇ад̇т̇а д̇зсу д̇ийсу мукзсууд̇и ад̇т̇о г̇ахзд̇аб̣б̣о. ануломабан̃жагамуулагаа жзд̇т̇а саб̣б̣аануломабажжанийгабан̃жагабаал̣и ануломабан̃жагасса баал̣ийд̇и вуд̇д̇аа, д̇ат̇аа бажжанийгаануломабан̃жагабаал̣и жа бажжанийгасса баал̣ийд̇и. д̇ам̣ сам̣кибид̇ваа бадигаммавасзна ааг̇ад̇з саруубзна авуд̇д̇з ‘‘буг̇г̇ало нубалаб̣бхад̇ий’’д̇иаад̣̇игз бажжанийгз ‘‘убалаб̣бхад̇ий’’д̇иаад̣̇игз ануломз жа ад̇т̇о хздтаа суд̣̇д̇хигасажжигадтз вуд̇д̇анаязнзва взд̣̇ид̇аб̣б̣од̇и вуд̇д̇ам̣ ход̇и.
14. Tattha anulomapañcakassātiādimhi anulomapañcakanti niggahapañcakaṃ, paccanīkanti ca paṭikammaṃ vuttanti daṭṭhabbaṃ. Tattha anulomapañcakassa ‘‘sabbattha puggalo nupalabbhatī’’tiādikassa attho ‘‘sabbattha puggalo nupalabbhatī’’tiādipāḷiṃ saṃkhipitvā āgate sarūpena avutte ‘‘yasmā sarīraṃ sandhāyā’’tiādinā (kathā. aṭṭha. 11) vuttanayena veditabbo, paccanīkassa ca ‘‘sabbattha puggalo upalabbhatī’’tiādikassa paṭikammakaraṇavasena vuttassa attho paṭikammādipāḷiṃ saṃkhipitvā ādimattadassanena āgate ‘‘puggalo upalabbhatī’’tiādimhi anulome ‘‘sabbatthāti sarīraṃ sandhāya anuyogo sakavādissā’’tiādinā (kathā. aṭṭha. 11) vuttanayena veditabboti evamattho daṭṭhabbo. Atha vā tatthāti yaṃ āraddhaṃ, tasminti evaṃ atthaṃ aggahetvā tattha tesu tīsu mukhesūti attho gahetabbo. Anulomapañcakamūlakā cettha sabbānulomapaccanīkapañcakapāḷi anulomapañcakassa pāḷīti vuttā, tathā paccanīkānulomapañcakapāḷi ca paccanīkassa pāḷīti. Taṃ saṃkhipitvā paṭikammavasena āgate sarūpena avutte ‘‘puggalo nupalabbhatī’’tiādike paccanīke ‘‘upalabbhatī’’tiādike anulome ca attho heṭṭhā suddhikasaccikaṭṭhe vuttanayeneva veditabboti vuttaṃ hoti.
сажжигадтаван̣н̣анаа нидтид̇аа.
Saccikaṭṭhavaṇṇanā niṭṭhitā.
5. суд̣̇д̇хигасам̣санд̣̇анаван̣н̣анаа
5. Suddhikasaṃsandanavaṇṇanā
17-27. руубаад̣̇ийхи сад̣̇д̇хим̣ сажжигадтасам̣санд̣̇ананд̇и сажжигадтасса буг̇г̇аласса руубаад̣̇ийхи сад̣̇д̇хим̣ сам̣санд̣̇анам̣, сажжигадтз ваа руубаад̣̇ийхи сад̣̇д̇хим̣ буг̇г̇аласса сам̣санд̣̇ананд̇и ад̇хиббааяо. буг̇г̇ало руубан̃жаад̇и жа-гаарасса самужжаяад̇т̇ад̇д̇аа яат̇аа руубанд̇и звам̣ нид̣̇ассанавасзна вуд̇д̇о ад̇т̇о вижаарзд̇аб̣б̣о. руубаад̣̇ийхи ан̃н̃о анан̃н̃о жа буг̇г̇ало на вад̇д̇аб̣б̣од̇и лад̣̇д̇хи самаяо. ‘‘ан̃н̃ам̣ ж̇ийвам̣ ан̃н̃ам̣ сарийранд̇и аб̣яаагад̇амзд̇ам̣ бхаг̇авад̇аа’’д̇иаад̣̇игам̣ (сам̣. ни. 4.416) суд̇д̇ам̣. анун̃н̃ааяамаанз д̇ад̣̇убхаяавирод̇хо аабаж̇ж̇ад̇ийд̇и имамад̇т̇ам̣ санд̇хааяааха ‘‘самаяасуд̇д̇авирод̇хам̣ д̣̇исваа’’д̇и.
17-27. Rūpādīhisaddhiṃ saccikaṭṭhasaṃsandananti saccikaṭṭhassa puggalassa rūpādīhi saddhiṃ saṃsandanaṃ, saccikaṭṭhe vā rūpādīhi saddhiṃ puggalassa saṃsandananti adhippāyo. Puggalo rūpañcāti ca-kārassa samuccayatthattā yathā rūpanti evaṃ nidassanavasena vutto attho vicāretabbo. Rūpādīhi añño anañño ca puggalo na vattabboti laddhi samayo. ‘‘Aññaṃ jīvaṃ aññaṃ sarīranti abyākatametaṃ bhagavatā’’tiādikaṃ (saṃ. ni. 4.416) suttaṃ. Anuññāyamāne tadubhayavirodho āpajjatīti imamatthaṃ sandhāyāha ‘‘samayasuttavirodhaṃ disvā’’ti.
д̇хаммад̇од̇и баал̣ид̇о. ‘‘бадигаммажад̇уггаад̣̇ийни сам̣кид̇д̇аани. бараваад̣̇ий…бз… д̣̇ассид̇ааний’’д̇и вад̣̇анд̇зхи буг̇г̇ало нубалаб̣бхад̇и…бз… ааж̇аанаахи бадигамманд̇и зд̇т̇а ааж̇аанаахи ниг̇г̇аханд̇и баато д̣̇идто бхависсад̇и. ан̃н̃ад̇д̇ам̣ бадиж̇аанаабанад̇т̇анд̇и яат̇аа маяаа ан̃н̃ад̇д̇ам̣ вад̇д̇аб̣б̣ам̣, д̇ат̇аа жа д̇аяааби д̇ам̣ вад̇д̇аб̣б̣анд̇и ан̃н̃ад̇д̇абадин̃н̃ааяа жод̣̇анад̇т̇анд̇и ад̇т̇о. саммуд̇ибарамад̇т̇аанам̣ згад̇д̇анаанад̇д̇абан̃хасса табанийяад̇д̇аад̇и аб̣яаагад̇ад̇д̇аад̇и ад̇т̇о. яад̣̇и табанийяад̇д̇аа бадигкибид̇аб̣б̣ам̣, барзнаби табанийяад̇д̇аа лад̣̇д̇химзва ниссааяа бадигкзбо гад̇од̇и соби на ниг̇г̇ахзд̇аб̣б̣о сияаа. баро бана буг̇г̇алод̇и ган̃жи сабхаавам̣ г̇ахзд̇ваа д̇асса табанийяад̇д̇ам̣ ижчад̇и, сад̇и жа сабхаавз табанийяад̇аа на яуд̇д̇аад̇и ниг̇г̇ахзд̇аб̣б̣о. саммуд̇и бана гожи сабхааво над̇т̇и. д̇знзвасса згад̇д̇анаанад̇д̇абан̃хасса табанийяад̇ам̣ вад̣̇анд̇о на ниг̇г̇ахзд̇аб̣б̣од̇и сагаваад̣̇инаа бадигкзбо гад̇од̇и аяамзд̇т̇а ад̇хиббааяо яуд̇д̇о.
Dhammatoti pāḷito. ‘‘Paṭikammacatukkādīni saṃkhittāni. Paravādī…pe… dassitānī’’ti vadantehi puggalo nupalabbhati…pe… ājānāhi paṭikammanti ettha ājānāhi niggahanti pāṭho diṭṭho bhavissati. Aññattaṃ paṭijānāpanatthanti yathā mayā aññattaṃ vattabbaṃ, tathā ca tayāpi taṃ vattabbanti aññattapaṭiññāya codanatthanti attho. Sammutiparamatthānaṃ ekattanānattapañhassa ṭhapanīyattāti abyākatattāti attho. Yadi ṭhapanīyattā paṭikkhipitabbaṃ, parenapi ṭhapanīyattā laddhimeva nissāya paṭikkhepo katoti sopi na niggahetabbo siyā. Paro pana puggaloti kañci sabhāvaṃ gahetvā tassa ṭhapanīyattaṃ icchati, sati ca sabhāve ṭhapanīyatā na yuttāti niggahetabbo. Sammuti pana koci sabhāvo natthi. Tenevassa ekattanānattapañhassa ṭhapanīyataṃ vadanto na niggahetabboti sakavādinā paṭikkhepo katoti ayamettha adhippāyo yutto.
суд̣̇д̇хигасам̣санд̣̇анаван̣н̣анаа нидтид̇аа.
Suddhikasaṃsandanavaṇṇanā niṭṭhitā.
6. обаммасам̣санд̣̇анаван̣н̣анаа
6. Opammasaṃsandanavaṇṇanā
28-36. убалад̣̇д̇хисааман̃н̃зна ан̃н̃ад̇д̇абужчаа жаад̇и ид̣̇ан̃жа д̣̇виннам̣ самаанад̇аа но ан̃н̃ад̇д̇асса гааран̣ам̣ яуд̇д̇ам̣, ат̇а ко висум̣ ад̇д̇ано сабхаавзна сажжигадтабарамад̇т̇зна убалаб̣бханийяад̇аад̇и вижаарзд̇аб̣б̣ам̣. ‘‘згавийсаад̇хигааний’’д̇и буримабаато, вийсаад̇хигаанийд̇и бана батид̇аб̣б̣ам̣.
28-36. Upaladdhisāmaññena aññattapucchā cāti idañca dvinnaṃ samānatā no aññattassa kāraṇaṃ yuttaṃ, atha kho visuṃ attano sabhāvena saccikaṭṭhaparamatthena upalabbhanīyatāti vicāretabbaṃ. ‘‘Ekavīsādhikānī’’ti purimapāṭho, vīsādhikānīti pana paṭhitabbaṃ.
37-45. ‘‘ад̇т̇и буг̇г̇ало’’д̇и суд̇д̇ам̣ ануж̇аанаабзнд̇зна убалад̣̇д̇хи ануж̇аанид̇аа ход̇ийд̇и ман̃н̃амаано ааха ‘‘убалад̣̇д̇хисааман̃н̃ам̣ ааробзд̇ваа’’д̇и. вийсаад̇хигаани нава бадигаммабан̃жагасад̇аани д̣̇ассид̇аанийд̇и зд̇зна суд̣̇д̇хигасам̣санд̣̇анзби ‘‘ааж̇аанаахи бадигамма’’мижжзва баатод̇и вин̃н̃ааяад̇и. яан̃жа ваад̣̇амукзсу суд̣̇д̇хигасажжигадтз ‘‘бадигаммажад̇угга’’нд̇и вуд̇д̇ам̣, д̇амби ‘‘бадигаммабан̃жага’’нд̇и.
37-45. ‘‘Atthi puggalo’’ti suttaṃ anujānāpentena upaladdhi anujānitā hotīti maññamāno āha ‘‘upaladdhisāmaññaṃ āropetvā’’ti. Vīsādhikāni nava paṭikammapañcakasatāni dassitānīti etena suddhikasaṃsandanepi ‘‘ājānāhi paṭikamma’’micceva pāṭhoti viññāyati. Yañca vādamukhesu suddhikasaccikaṭṭhe ‘‘paṭikammacatukka’’nti vuttaṃ, tampi ‘‘paṭikammapañcaka’’nti.
обаммасам̣санд̣̇анаван̣н̣анаа нидтид̇аа.
Opammasaṃsandanavaṇṇanā niṭṭhitā.
7. жад̇угганаяасам̣санд̣̇анаван̣н̣анаа
7. Catukkanayasaṃsandanavaṇṇanā
46-52. згад̇хаммад̇оби ан̃н̃ад̇д̇ам̣ анижчанд̇о руубаад̣̇изгзгад̇хаммавасзна наануяун̃ж̇ид̇аб̣б̣о. самуд̣̇ааяад̇о хи аяам̣ ан̃н̃ад̇д̇ам̣ анижчанд̇о згад̣̇зсад̇о анан̃н̃ад̇д̇ам̣ бадигкибанд̇о на ниг̇г̇ахаарахо сияаад̇и зд̇ам̣ важаногаасам̣ нивад̇д̇зд̇ум̣ ‘‘аяан̃жа ануяог̇о’’д̇иаад̣̇имааха. сагаланд̇и сад̇д̇абан̃н̃аасавид̇хо д̇хаммаббабхзд̣̇о буг̇г̇алод̇и ваа барамад̇т̇асажжам̣ буг̇г̇алод̇и ваа звам̣ сагалам̣ санд̇хааяаад̇и ад̇т̇о. звам̣ сагалам̣ барамад̇т̇ам̣ жинд̇зд̇ваа д̇анд̇ивасзна ануяог̇алагкан̣асса табид̇ад̇д̇аа сагалабарамад̇т̇ад̇о жа ан̃н̃асса сажжигадтасса абхааваа сажжигадтзна буг̇г̇алзна д̇ад̇о ан̃н̃зна на бхавид̇аб̣б̣анд̇и ‘‘руубам̣ буг̇г̇ало’’д̇и имам̣ бан̃хам̣ бадигкибанд̇асса ниг̇г̇ахааробанам̣ яуд̇д̇анд̇и ад̇т̇о.
46-52. Ekadhammatopi aññattaṃ anicchanto rūpādiekekadhammavasena nānuyuñjitabbo. Samudāyato hi ayaṃ aññattaṃ anicchanto ekadesato anaññattaṃ paṭikkhipanto na niggahāraho siyāti etaṃ vacanokāsaṃ nivattetuṃ ‘‘ayañca anuyogo’’tiādimāha. Sakalanti sattapaññāsavidho dhammappabhedo puggaloti vā paramatthasaccaṃ puggaloti vā evaṃ sakalaṃ sandhāyāti attho. Evaṃ sakalaṃ paramatthaṃ cintetvā tantivasena anuyogalakkhaṇassa ṭhapitattā sakalaparamatthato ca aññassa saccikaṭṭhassa abhāvā saccikaṭṭhena puggalena tato aññena na bhavitabbanti ‘‘rūpaṃ puggalo’’ti imaṃ pañhaṃ paṭikkhipantassa niggahāropanaṃ yuttanti attho.
сабхааг̇авиниб̣бхог̇ад̇од̇и руубад̇о ан̃н̃асабхааг̇ад̇д̇аад̇и вуд̇д̇ам̣ ход̇и. саб̣б̣ад̇хаммаад̇и руубаваж̇ж̇з саб̣б̣ад̇хаммз вад̣̇ад̇и. ‘‘руубасмим̣ буг̇г̇ало’’д̇и зд̇т̇а ниссаяавинаасз винаасаабад̇д̇ибхаязна бадигкибад̇ийд̇и ад̇хиббааязнааха ‘‘ужчзд̣̇ад̣̇идтибхаязна жзваа’’д̇и. д̇ийсу бана самаяавирод̇хзна бадигкзбо ад̇хиббзд̇о. на хи со саггааяад̣̇идтим̣ ижчад̇и, абижа сассад̇ад̣̇идтибхаязна бадигкибад̇ийд̇и яуд̇д̇ам̣ вад̇д̇ум̣. саггааяад̣̇идтийсу хи бан̃жзва ужчзд̣̇ад̣̇идтияо, сзсаасассад̇ад̣̇идтияод̇и. ан̃н̃ад̇ра руубаад̇и зд̇т̇а жа руубаваа буг̇г̇алод̇и аяамад̇т̇о сан̇г̇ахид̇од̇и взд̣̇ид̇аб̣б̣о.
Sabhāgavinibbhogatoti rūpato aññasabhāgattāti vuttaṃ hoti. Sabbadhammāti rūpavajje sabbadhamme vadati. ‘‘Rūpasmiṃ puggalo’’ti ettha nissayavināse vināsāpattibhayena paṭikkhipatīti adhippāyenāha ‘‘ucchedadiṭṭhibhayena cevā’’ti. Tīsu pana samayavirodhena paṭikkhepo adhippeto. Na hi so sakkāyadiṭṭhiṃ icchati, apica sassatadiṭṭhibhayena paṭikkhipatīti yuttaṃ vattuṃ. Sakkāyadiṭṭhīsu hi pañceva ucchedadiṭṭhiyo, sesāsassatadiṭṭhiyoti. Aññatra rūpāti ettha ca rūpavā puggaloti ayamattho saṅgahitoti veditabbo.
жад̇угганаяасам̣санд̣̇анаван̣н̣анаа нидтид̇аа.
Catukkanayasaṃsandanavaṇṇanā niṭṭhitā.
нидтид̇аа жа сам̣санд̣̇анагат̇ааван̣н̣анаа.
Niṭṭhitā ca saṃsandanakathāvaṇṇanā.
8. лагкан̣аяуд̇д̇иван̣н̣анаа
8. Lakkhaṇayuttivaṇṇanā
54. бажжанийгаануломзд̇и ид̣̇ам̣ яам̣ вагкад̇и ‘‘чалавасзна бана вад̇д̇аб̣б̣ам̣ ‘ааж̇аанаахи бадигамма’нд̇иаад̣̇ий’’д̇и (гат̇аа. адта. 54), д̇зна бана на самзд̇и. бажжанийгаануломз хи бажжанийгз ‘‘ааж̇аанаахи ниг̇г̇аха’’нд̇и вад̇д̇аб̣б̣ам̣, на бана ‘‘бадигамма’’нд̇и.
54. Paccanīkānulometi idaṃ yaṃ vakkhati ‘‘chalavasena pana vattabbaṃ ‘ājānāhi paṭikamma’ntiādī’’ti (kathā. aṭṭha. 54), tena pana na sameti. Paccanīkānulome hi paccanīke ‘‘ājānāhi niggaha’’nti vattabbaṃ, na pana ‘‘paṭikamma’’nti.
лагкан̣аяуд̇д̇иван̣н̣анаа нидтид̇аа.
Lakkhaṇayuttivaṇṇanā niṭṭhitā.
9. важанасод̇ханаван̣н̣анаа
9. Vacanasodhanavaṇṇanā
55-59. буг̇г̇ало убалаб̣бхад̇ийд̇и бад̣̇ад̣̇ваяасса ад̇т̇ад̇о згад̇д̇зд̇и зд̇т̇а д̇ад̣̇зва згад̇д̇ам̣ барзна самбадижчид̇ам̣ асамбадижчид̇анд̇и вижаарзд̇аб̣б̣амзд̇ам̣. буг̇г̇аласса хи авибхаж̇ид̇аб̣б̣ад̇ам̣, убалаб̣бхад̇ийд̇и зд̇асса вибхаж̇ид̇аб̣б̣ад̇ам̣ вад̣̇анд̇о вибхаж̇ид̇аб̣б̣аавибхаж̇ид̇аб̣б̣ад̇т̇аанам̣ убалаб̣бхад̇ибуг̇г̇ала-сад̣̇д̣̇аанам̣ гат̇ам̣ ад̇т̇ад̇о згад̇д̇ам̣ самбадижчзяяаад̇и? яат̇аа жа вибхаж̇ид̇аб̣б̣аавибхаж̇ид̇аб̣б̣ад̇т̇аанам̣ убалаб̣бхад̇и-рууба-сад̣̇д̣̇аанам̣ д̇ам̣ вибхааг̇ам̣ вад̣̇ад̇о руубам̣ гин̃жи убалаб̣бхад̇и, гин̃жи на убалаб̣бхад̇ийд̇и аяам̣ басан̇г̇о наабаж̇ж̇ад̇и, звам̣ зд̇ассаби яат̇аавуд̇д̇авибхааг̇ам̣ вад̣̇ад̇о яат̇аааабаад̣̇ид̇зна басан̇г̇зна на бхавид̇аб̣б̣анд̇и маг̇г̇ид̇аб̣б̣о зд̇т̇а ад̇хиббааяо.
55-59. Puggaloupalabbhatīti padadvayassa atthato ekatteti ettha tadeva ekattaṃ parena sampaṭicchitaṃ asampaṭicchitanti vicāretabbametaṃ. Puggalassa hi avibhajitabbataṃ, upalabbhatīti etassa vibhajitabbataṃ vadanto vibhajitabbāvibhajitabbatthānaṃ upalabbhatipuggala-saddānaṃ kathaṃ atthato ekattaṃ sampaṭiccheyyāti? Yathā ca vibhajitabbāvibhajitabbatthānaṃ upalabbhati-rūpa-saddānaṃ taṃ vibhāgaṃ vadato rūpaṃ kiñci upalabbhati, kiñci na upalabbhatīti ayaṃ pasaṅgo nāpajjati, evaṃ etassapi yathāvuttavibhāgaṃ vadato yathāāpāditena pasaṅgena na bhavitabbanti maggitabbo ettha adhippāyo.
60. ‘‘сун̃н̃ад̇о логам̣ авзгкассуу’’д̇и (су. ни. 1125) зд̇зна ад̇т̇ад̇о буг̇г̇ало над̇т̇ийд̇и вуд̇д̇ам̣ ход̇ийд̇и ааха ‘‘над̇т̇ийд̇иби вуд̇д̇а’’нд̇и.
60. ‘‘Suññato lokaṃ avekkhassū’’ti (su. ni. 1125) etena atthato puggalo natthīti vuttaṃ hotīti āha ‘‘natthītipi vutta’’nti.
важанасод̇ханаван̣н̣анаа нидтид̇аа.
Vacanasodhanavaṇṇanā niṭṭhitā.
10. бан̃н̃ад̇д̇аануяог̇аван̣н̣анаа
10. Paññattānuyogavaṇṇanā
61-66. руубагааяаавирахам̣ санд̇хааяа ‘‘руубагааяасаб̣бхаавад̇о’’д̇и ааха. ‘‘руубино ваа аруубино ваа’’д̇и (ид̇иву. 90) суд̇д̇з ааг̇ад̇абан̃н̃ад̇д̇им̣ санд̇хааяа ‘‘д̇ат̇ааруубааяа жа бан̃н̃ад̇д̇ияаа ад̇т̇ид̇ааяаа’’д̇и. вийд̇арааг̇асаб̣бхаавад̇од̇и гаамийбхаавасса анзганд̇игад̇д̇аа гаамад̇хаад̇уяаа ааяад̇д̇ад̇д̇аабхаавад̇о жа ‘‘гаамий’’д̇и на вад̇д̇аб̣б̣од̇и бадигкибад̇ийд̇и ад̇хиббааяо.
61-66. Rūpakāyāvirahaṃ sandhāya ‘‘rūpakāyasabbhāvato’’ti āha. ‘‘Rūpino vā arūpino vā’’ti (itivu. 90) sutte āgatapaññattiṃ sandhāya ‘‘tathārūpāya ca paññattiyā atthitāyā’’ti. Vītarāgasabbhāvatoti kāmībhāvassa anekantikattā kāmadhātuyā āyattattābhāvato ca ‘‘kāmī’’ti na vattabboti paṭikkhipatīti adhippāyo.
67. гааяаанубассанааяаад̇и гааран̣аважанамзд̇ам̣, гааяаанубассанааяа гааран̣абхууд̇ааяа звам̣лад̣̇д̇хигад̇д̇аад̇и ад̇т̇о. аахажжа бхаасид̇анд̇и ‘‘ан̃н̃ам̣ ж̇ийвам̣ ан̃н̃ам̣ сарийранд̇и аб̣яаагад̇амзд̇ам̣ маяаа’’д̇и (ма. ни. 2.128) аахажжа бхаасид̇ам̣.
67. Kāyānupassanāyāti kāraṇavacanametaṃ, kāyānupassanāya kāraṇabhūtāya evaṃladdhikattāti attho. Āhacca bhāsitanti ‘‘aññaṃ jīvaṃ aññaṃ sarīranti abyākatametaṃ mayā’’ti (ma. ni. 2.128) āhacca bhāsitaṃ.
бан̃н̃ад̇д̇аануяог̇аван̣н̣анаа нидтид̇аа.
Paññattānuyogavaṇṇanā niṭṭhitā.
11. г̇ад̇иануяог̇аван̣н̣анаа
11. Gatianuyogavaṇṇanā
69-72. ‘‘д̣̇ассзнд̇о ‘д̇зна хи буг̇г̇ало санд̇хаавад̇ий’д̇иаад̣̇имаахаа’’д̇и вуд̇д̇ам̣, ‘‘д̣̇ассзнд̇о ‘на вад̇д̇аб̣б̣ам̣ буг̇г̇ало санд̇хаавад̇ий’д̇иаад̣̇имаахаа’’д̇и бана бхавид̇аб̣б̣ам̣, д̣̇ассзд̇ваад̇и ваа вад̇д̇аб̣б̣ам̣.
69-72. ‘‘Dassento‘tena hi puggalo sandhāvatī’tiādimāhā’’ti vuttaṃ, ‘‘dassento ‘na vattabbaṃ puggalo sandhāvatī’tiādimāhā’’ti pana bhavitabbaṃ, dassetvāti vā vattabbaṃ.
91. язна руубасан̇каад̇зна сарийрзна сад̣̇д̇хим̣ г̇ажчад̇ийд̇и зд̇т̇а ‘‘руубзна сад̣̇д̇хим̣ г̇ажчад̇ий’’д̇и вад̣̇анд̇зна ‘‘руубам̣ буг̇г̇ало’’д̇и ананун̃н̃аад̇ад̇д̇аа язнаагаарзна д̇ам̣ ж̇ийвам̣ д̇ам̣ сарийранд̇и ид̣̇ам̣ аабаж̇ж̇ад̇и , со вад̇д̇аб̣б̣о. асан̃н̃уубабад̇д̇им̣ санд̇хааяаад̇и нираяуубаг̇асса буг̇г̇аласса асан̃н̃уубаг̇асса аруубуубаг̇асса жа анд̇араабхавам̣ на ижчад̇ийд̇и жуд̇ид̇о ананд̇арам̣ убабад̇д̇им̣ санд̇хааяаад̇и ад̇т̇о д̣̇адтаб̣б̣о. яз бана жуд̇игаалз убабад̇д̇игаалз жа асан̃н̃уубабад̇д̇игаалз жа асан̃н̃асад̇д̇зсу сан̃н̃аа ад̇т̇ийд̇и г̇ахзд̇ваа асан̃н̃уубаг̇асса жа анд̇араабхавам̣ ижчзяяум̣, д̇зсам̣ анд̇араабхавабхаавад̇о ‘‘асан̃н̃уубабад̇д̇и авзд̣̇анаа’’д̇и на саггаа вад̇д̇унд̇и.
91. Yena rūpasaṅkhātena sarīrena saddhiṃ gacchatīti ettha ‘‘rūpena saddhiṃ gacchatī’’ti vadantena ‘‘rūpaṃ puggalo’’ti ananuññātattā yenākārena taṃ jīvaṃ taṃ sarīranti idaṃ āpajjati , so vattabbo. Asaññūpapattiṃ sandhāyāti nirayūpagassa puggalassa asaññūpagassa arūpūpagassa ca antarābhavaṃ na icchatīti cutito anantaraṃ upapattiṃ sandhāyāti attho daṭṭhabbo. Ye pana cutikāle upapattikāle ca asaññūpapattikāle ca asaññasattesu saññā atthīti gahetvā asaññūpagassa ca antarābhavaṃ iccheyyuṃ, tesaṃ antarābhavabhāvato ‘‘asaññūpapatti avedanā’’ti na sakkā vattunti.
92. авзд̣̇анод̇иаад̣̇ийсу д̇ад̣̇ан̃н̃анд̇и сан̃н̃абхавад̇о ан̃н̃ам̣ асан̃н̃аанзвасан̃н̃аанаасан̃н̃ааяад̇анубабад̇д̇им̣. нзвасан̃н̃аанаасан̃н̃ааяад̇анзби хи на вад̇д̇аб̣б̣ам̣ сан̃н̃аа ад̇т̇ийд̇и ижчанд̇и.
92. Avedanotiādīsu tadaññanti saññabhavato aññaṃ asaññānevasaññānāsaññāyatanupapattiṃ. Nevasaññānāsaññāyatanepi hi na vattabbaṃ saññā atthīti icchanti.
93. яасмаа руубаад̣̇ид̇хаммз винаа буг̇г̇ало над̇т̇ийд̇и инд̇ханубаад̣̇аано аг̇г̇и вияа инд̇ханзна руубаад̣̇иубаад̣̇аано буг̇г̇ало руубаад̣̇инаа винаа над̇т̇ийд̇и лад̣̇д̇хивасзна вад̣̇ад̇и.
93. Yasmā rūpādidhamme vinā puggalo natthīti indhanupādāno aggi viya indhanena rūpādiupādāno puggalo rūpādinā vinā natthīti laddhivasena vadati.
г̇ад̇иануяог̇аван̣н̣анаа нидтид̇аа.
Gatianuyogavaṇṇanā niṭṭhitā.
12. убаад̣̇аабан̃н̃ад̇д̇аануяог̇аван̣н̣анаа
12. Upādāpaññattānuyogavaṇṇanā
97. нийлам̣ руубам̣ убаад̣̇ааяа нийлод̇иаад̣̇ийсууд̇и ‘‘нийлам̣ руубам̣ убаад̣̇ааяа нийлагасса буг̇г̇аласса бан̃н̃ад̇д̇ий’’д̇и зд̇т̇а яо будто нийлам̣ убаад̣̇ааяа нийлод̇и, д̇ад̣̇аад̣̇ийсууд̇и ад̇т̇о.
97. Nīlaṃ rūpaṃ upādāya nīlotiādīsūti ‘‘nīlaṃ rūpaṃ upādāya nīlakassa puggalassa paññattī’’ti ettha yo puṭṭho nīlaṃ upādāya nīloti, tadādīsūti attho.
98. чзгадтам̣ санд̇хааяаад̇и чзгадтам̣ санд̇хааяа вуд̇д̇ам̣, на гусалабан̃н̃ад̇д̇им̣. ‘‘гусалам̣ взд̣̇анам̣ убаад̣̇ааяаа’’д̇и ман̃н̃амаано бадиж̇аанаад̇ийд̇и ад̇т̇о д̣̇адтаб̣б̣о.
98. Chekaṭṭhaṃ sandhāyāti chekaṭṭhaṃ sandhāya vuttaṃ, na kusalapaññattiṃ. ‘‘Kusalaṃ vedanaṃ upādāyā’’ti maññamāno paṭijānātīti attho daṭṭhabbo.
112. ид̣̇аани …бз… д̣̇ассзд̇ум̣ ‘‘яат̇аа ругка’’нд̇иаад̣̇имаахаад̇и буб̣б̣абагкам̣ д̣̇ассзд̇ваа уд̇д̇арамаахаад̇и вуд̇д̇ам̣ ход̇и.
112. Idāni…pe… dassetuṃ ‘‘yathā rukkha’’ntiādimāhāti pubbapakkhaṃ dassetvā uttaramāhāti vuttaṃ hoti.
115. ‘‘яасса руубам̣ со руубаваа’’д̇и уд̇д̇арабагкз вуд̇д̇ам̣ важанам̣ уд̣̇д̇харид̇ваа ‘‘яасмаа’’д̇иаад̣̇имааха.
115. ‘‘Yassa rūpaṃ so rūpavā’’ti uttarapakkhe vuttaṃ vacanaṃ uddharitvā ‘‘yasmā’’tiādimāha.
116. жид̇д̇аанубассанаавасзнаад̇и жид̇д̇аанубассанаавасзна барид̣̇ийбид̇асса сарааг̇аад̣̇ижид̇д̇аяог̇асса васзнаад̇и ад̇хиббааяо.
116. Cittānupassanāvasenāti cittānupassanāvasena paridīpitassa sarāgādicittayogassa vasenāti adhippāyo.
118. язнаад̇и жагкунд̇и ‘‘язнаа’’д̇и вуд̇д̇ам̣ гаран̣ам̣ жагкунд̇и ад̇т̇о. жагкумзва руубам̣ бассад̇ийд̇и вин̃н̃аан̣аниссаяабхаавуубаг̇аманамзва жагкусса д̣̇ассанам̣ наама ход̇ийд̇и санд̇хааяа вад̣̇ад̇и.
118. Yenāti cakkhunti ‘‘yenā’’ti vuttaṃ karaṇaṃ cakkhunti attho. Cakkhumeva rūpaṃ passatīti viññāṇanissayabhāvūpagamanameva cakkhussa dassanaṃ nāma hotīti sandhāya vadati.
убаад̣̇аабан̃н̃ад̇д̇аануяог̇аван̣н̣анаа нидтид̇аа.
Upādāpaññattānuyogavaṇṇanā niṭṭhitā.
13. бурисагаараануяог̇аван̣н̣анаа
13. Purisakārānuyogavaṇṇanā
123. гаран̣амад̇д̇анд̇и гаммаанам̣ нибпаад̣̇агаббаяож̇агабхаавзна бавад̇д̇аа канд̇хаа.
123. Karaṇamattanti kammānaṃ nipphādakappayojakabhāvena pavattā khandhā.
124. буримагаммзна винаа буг̇г̇аласса ж̇аад̇и, ж̇аад̇асса жа виж̇ж̇адтаанаад̣̇ийсу саммаа мижчаа ваа бавад̇д̇и над̇т̇ийд̇и санд̇хааяа ‘‘буримагаммамзва д̇ассаа’’д̇иаад̣̇имааха.
124. Purimakammena vinā puggalassa jāti, jātassa ca vijjaṭṭhānādīsu sammā micchā vā pavatti natthīti sandhāya ‘‘purimakammameva tassā’’tiādimāha.
125. гаммаваддассаад̇и зд̇т̇а гаммагаарагасса яо гаараго, д̇знаби ан̃н̃ам̣ гаммам̣ гаад̇аб̣б̣ам̣, д̇асса гаарагзнаби ан̃н̃анд̇и звам̣ гаммаваддасса анубажчзд̣̇ам̣ вад̣̇анд̇и. буг̇г̇аласса гаараго гаммасса гаараго аабаж̇ж̇ад̇ийд̇и вижаарзд̇аб̣б̣амзд̇ам̣. маад̇аабид̇уухи ж̇анид̇ад̇аад̣̇инаа д̇асса гаарагам̣ ижчанд̇асса гаммагаарагаанам̣ гаарагабарамбараа аабаж̇ж̇ад̇ийд̇и ид̣̇ан̃жа вижаарзд̇аб̣б̣ам̣.
125. Kammavaṭṭassāti ettha kammakārakassa yo kārako, tenapi aññaṃ kammaṃ kātabbaṃ, tassa kārakenapi aññanti evaṃ kammavaṭṭassa anupacchedaṃ vadanti. Puggalassa kārako kammassa kārako āpajjatīti vicāretabbametaṃ. Mātāpitūhi janitatādinā tassa kārakaṃ icchantassa kammakārakānaṃ kārakaparamparā āpajjatīti idañca vicāretabbaṃ.
170. суд̇д̇авирод̇хабхаязнаад̇и ‘‘со гарод̇и со бадисам̣взд̣̇аяад̇ийд̇и ко, б̣раахман̣а, аяамзго анд̇о’’д̇иаад̣̇ийхи (сам̣. ни. 2.46) вирод̇хабхаяаа.
170. Suttavirodhabhayenāti ‘‘so karoti so paṭisaṃvedayatīti kho, brāhmaṇa, ayameko anto’’tiādīhi (saṃ. ni. 2.46) virodhabhayā.
171. ‘‘ид̇ха нанд̣̇ад̇и бзжжа нанд̣̇ад̇ий’’д̇и (д̇ха. ба. 18) важанад̇о гаммагаран̣агаалз вибаагабадисам̣взд̣̇анагаалз жа соязваад̇и бадиж̇аанаад̇ийд̇и ад̇хиббааяо. саяам̣гад̇ам̣ сукад̣̇угканд̇и жа будто ‘‘гим̣ ну ко, бхо г̇од̇ама, саяам̣гад̇ам̣ сукам̣ д̣̇угканд̇и? маа хзвам̣ гассабаа’’д̇иаад̣̇исуд̇д̇авирод̇хаа (сам̣. ни. 2.18) бадигкибад̇и.
171. ‘‘Idha nandati pecca nandatī’’ti (dha. pa. 18) vacanato kammakaraṇakāle vipākapaṭisaṃvedanakāle ca soyevāti paṭijānātīti adhippāyo. Sayaṃkataṃsukhadukkhanti ca puṭṭho ‘‘kiṃ nu kho, bho gotama, sayaṃkataṃ sukhaṃ dukkhanti? Mā hevaṃ kassapā’’tiādisuttavirodhā (saṃ. ni. 2.18) paṭikkhipati.
176. лад̣̇д̇химад̇д̇амзвзд̇анд̇и соязвзго нзва со ход̇и на ан̃н̃од̇и ид̣̇ам̣ бана над̇т̇зва, д̇асмаа звам̣ваад̣̇ино асаяам̣гааранд̇иаад̣̇и аабаж̇ж̇ад̇ийд̇и ад̇хиббааяо. абижаад̇иаад̣̇инаа ид̣̇ам̣ д̣̇ассзд̇и – на барасса ижчаавасзнзва ‘‘со гарод̇ий’’д̇иаад̣̇и ануяог̇о вуд̇д̇о, ат̇а ко ‘‘со гарод̇ий’’д̇иаад̣̇ийсу згам̣ анижчанд̇асса ид̇арам̣, д̇ан̃жа анижчанд̇асса ан̃н̃ам̣ аабаннанд̇и звам̣ гаарагавзд̣̇агижчааяа тад̇ваа ‘‘со гарод̇ий’’д̇иаад̣̇ийсу д̇ам̣ д̇ам̣ анижчааяа аабаннавасзнаабийд̇и. ат̇а ваа на гзвалам̣ ‘‘со гарод̇ий’’д̇иаад̣̇ийнам̣ саб̣б̣зсам̣ аабаннад̇д̇аа, ат̇а ко згзгассзва жа аабаннад̇д̇аа аяам̣ ануяог̇о гад̇од̇и д̣̇ассзд̇и. буриманаязнзваад̇и зд̇зна ‘‘ид̇ха нанд̣̇ад̇ий’’д̇иаад̣̇и саб̣б̣ам̣ бадиж̇аананаад̣̇игааран̣ам̣ згад̇о яож̇зд̇аб̣б̣анд̇и д̣̇ассзд̇и.
176. Laddhimattamevetanti soyeveko neva so hoti na aññoti idaṃ pana nattheva, tasmā evaṃvādino asayaṃkārantiādi āpajjatīti adhippāyo. Apicātiādinā idaṃ dasseti – na parassa icchāvaseneva ‘‘so karotī’’tiādi anuyogo vutto, atha kho ‘‘so karotī’’tiādīsu ekaṃ anicchantassa itaraṃ, tañca anicchantassa aññaṃ āpannanti evaṃ kārakavedakicchāya ṭhatvā ‘‘so karotī’’tiādīsu taṃ taṃ anicchāya āpannavasenāpīti. Atha vā na kevalaṃ ‘‘so karotī’’tiādīnaṃ sabbesaṃ āpannattā, atha kho ekekasseva ca āpannattā ayaṃ anuyogo katoti dasseti. Purimanayenevāti etena ‘‘idha nandatī’’tiādi sabbaṃ paṭijānanādikāraṇaṃ ekato yojetabbanti dasseti.
бурисагаараануяог̇аван̣н̣анаа нидтид̇аа.
Purisakārānuyogavaṇṇanā niṭṭhitā.
галяаан̣аваг̇г̇о нидтид̇о.
Kalyāṇavaggo niṭṭhito.
14. абхин̃н̃аануяог̇аван̣н̣анаа
14. Abhiññānuyogavaṇṇanā
193. абхин̃н̃аануяог̇аад̣̇ивасзна арахад̇д̇асаад̇ханаад̇и зд̇т̇а ‘‘нану ад̇т̇и гожи ид̣̇д̇хим̣ вигуб̣б̣ад̇ий’’д̇и абхин̃н̃ааануяог̇о жа ‘‘хан̃жи ад̇т̇и гожи ид̣̇д̇хим̣ вигуб̣б̣ад̇ий’’д̇и табанаа жа ‘‘д̇зна вад̇а рз’’д̇иаад̣̇и баабанаа жа аад̣̇исад̣̇д̣̇асан̇г̇ахид̇о ад̇т̇ова д̣̇адтаб̣б̣о. аасавагкаяан̃аан̣ам̣ банзд̇т̇а абхин̃н̃аа вуд̇д̇аад̇и д̇ад̣̇абхин̃н̃аавад̇о арахад̇о саад̇ханам̣ ‘‘арахад̇д̇асаад̇ханаа’’д̇и ааха. арахад̇о хи саад̇ханаа д̇аб̣бхаавасса жа саад̇ханаа ход̇иязваад̇и.
193. Abhiññānuyogādivasena arahattasādhanāti ettha ‘‘nanu atthi koci iddhiṃ vikubbatī’’ti abhiññāanuyogo ca ‘‘hañci atthi koci iddhiṃ vikubbatī’’ti ṭhapanā ca ‘‘tena vata re’’tiādi pāpanā ca ādisaddasaṅgahito atthova daṭṭhabbo. Āsavakkhayañāṇaṃ panettha abhiññā vuttāti tadabhiññāvato arahato sādhanaṃ ‘‘arahattasādhanā’’ti āha. Arahato hi sādhanā tabbhāvassa ca sādhanā hotiyevāti.
абхин̃н̃аануяог̇аван̣н̣анаа нидтид̇аа.
Abhiññānuyogavaṇṇanā niṭṭhitā.
15-18. н̃аад̇агаануяог̇аад̣̇иван̣н̣анаа
15-18. Ñātakānuyogādivaṇṇanā
209. д̇ат̇ааруубассаад̇и д̇ад̇ияагодибхууд̇асса сажжигадтасса абхааваад̇и ад̇хиббааяо. звам̣ бана бадигкибанд̇о асажжигадтам̣ д̇ад̇ияагодибхууд̇ам̣ буг̇г̇алам̣ вад̣̇зяяаад̇и д̇аад̣̇исам̣ буг̇г̇алам̣ ижчанд̇о хи суд̇д̇зна ниг̇г̇ахзд̇аб̣б̣о сияаа. гасмаа? д̇ат̇ааруубасса сажжигадтасса абхаавад̇од̇и, д̇ат̇ааруубасса гассажи сабхаавасса абхаавад̇о бадигкзбаарахад̇д̇аа ад̇д̇ано лад̣̇д̇хим̣ ниг̇уухид̇ваа бадигкзбо бараваад̣̇иссаад̇и аяамад̇т̇о д̣̇адтаб̣б̣о.
209. Tathārūpassāti tatiyakoṭibhūtassa saccikaṭṭhassa abhāvāti adhippāyo. Evaṃ pana paṭikkhipanto asaccikaṭṭhaṃ tatiyakoṭibhūtaṃ puggalaṃ vadeyyāti tādisaṃ puggalaṃ icchanto hi suttena niggahetabbo siyā. Kasmā? Tathārūpassa saccikaṭṭhassa abhāvatoti, tathārūpassa kassaci sabhāvassa abhāvato paṭikkhepārahattā attano laddhiṃ nigūhitvā paṭikkhepo paravādissāti ayamattho daṭṭhabbo.
н̃аад̇агаануяог̇аад̣̇иван̣н̣анаа нидтид̇аа.
Ñātakānuyogādivaṇṇanā niṭṭhitā.
19. бадивзд̇хаануяог̇аад̣̇иван̣н̣анаа
19. Paṭivedhānuyogādivaṇṇanā
218. бариг̇г̇ахид̇авзд̣̇анод̇и важанзна абариг̇г̇ахид̇авзд̣̇анасса ‘‘сукид̇осми, д̣̇угкид̇осмий’’д̇и ж̇аананам̣ баж̇аананам̣ наама на ход̇ийд̇и д̣̇ассзд̇и яог̇ааважарасса сукумаанамби взд̣̇анаанам̣ барижчзд̣̇анасамад̇т̇ад̇ан̃жа.
218. Pariggahitavedanoti vacanena apariggahitavedanassa ‘‘sukhitosmi, dukkhitosmī’’ti jānanaṃ pajānanaṃ nāma na hotīti dasseti yogāvacarassa sukhumānampi vedanānaṃ paricchedanasamatthatañca.
228. лагкан̣аважананд̇и руубаб̣бханд̇араг̇аманам̣ сахаруубабхааво, б̣ахид̣̇д̇хаа нигкаманам̣ винааруубабхаавод̇и ад̇хиббааяо.
228. Lakkhaṇavacananti rūpabbhantaragamanaṃ saharūpabhāvo, bahiddhā nikkhamanaṃ vinārūpabhāvoti adhippāyo.
237. имаа код̇и ол̣аариго ад̇д̇абадилаабхо маномаяо ад̇д̇абадилаабхо аруубо ад̇д̇абадилаабход̇и имаа логасса саман̃н̃аа, яаахи д̇ат̇ааг̇ад̇о вохарад̇и абараамасам̣, яо сажжо могхо ваа сияаа, д̇асмим̣ анубалаб̣бхамаанзби ад̇д̇ани д̇ад̣̇анубалаб̣бхад̇оязва бараамаасам̣ ад̇д̇ад̣̇идтим̣ ануббаад̣̇знд̇о логз ад̇д̇абадилаабход̇и бавад̇д̇авохааравасзнзва вохарад̇ийд̇и аяамзд̇т̇а ад̇т̇о. зд̇т̇а жа бажжад̇д̇асааман̃н̃алагкан̣авасзна буг̇г̇аласса ад̇т̇ид̇ам̣ бадигкибид̇ваа логавохаарзна ад̇т̇ид̇ам̣ вад̣̇анд̇зна буг̇г̇алод̇и гожи сабхааво над̇т̇ийд̇и вуд̇д̇ам̣ ход̇и. сад̇и хи д̇асмим̣ ад̇д̇ано сабхаавзнзва ад̇т̇ид̇аа вад̇д̇аб̣б̣аа сияаа, на логавохаарзнаад̇и. иминаа бана яат̇аа самзд̇и, яат̇аа жа бараамаасо на ход̇и, звам̣ ид̇о буримаа жа ад̇т̇аван̣н̣анаа яож̇зд̇аб̣б̣аа.
237. Imā khoti oḷāriko attapaṭilābho manomayo attapaṭilābho arūpo attapaṭilābhoti imā lokassa samaññā, yāhi tathāgato voharati aparāmasaṃ, yo sacco mogho vā siyā, tasmiṃ anupalabbhamānepi attani tadanupalabbhatoyeva parāmāsaṃ attadiṭṭhiṃ anuppādento loke attapaṭilābhoti pavattavohāravaseneva voharatīti ayamettha attho. Ettha ca paccattasāmaññalakkhaṇavasena puggalassa atthitaṃ paṭikkhipitvā lokavohārena atthitaṃ vadantena puggaloti koci sabhāvo natthīti vuttaṃ hoti. Sati hi tasmiṃ attano sabhāveneva atthitā vattabbā siyā, na lokavohārenāti. Iminā pana yathā sameti, yathā ca parāmāso na hoti, evaṃ ito purimā ca atthavaṇṇanā yojetabbā.
логасаммуд̇игааран̣анд̇и яасмаа логасаммуд̇ивасзна бавад̇д̇ам̣, д̇асмаа сажжанд̇и вуд̇д̇ам̣ ход̇и. д̇ат̇алагкан̣анд̇и д̇ат̇агааран̣ам̣. яасмаа д̇хаммаанам̣ д̇ат̇ад̇ааяа бавад̇д̇ам̣, д̇асмаа сажжанд̇и д̣̇ассзд̇и.
Lokasammutikāraṇanti yasmā lokasammutivasena pavattaṃ, tasmā saccanti vuttaṃ hoti. Tathalakkhaṇanti tathakāraṇaṃ. Yasmā dhammānaṃ tathatāya pavattaṃ, tasmā saccanti dasseti.
бадивзд̇хаануяог̇аад̣̇иван̣н̣анаа нидтид̇аа.
Paṭivedhānuyogādivaṇṇanā niṭṭhitā.
буг̇г̇алагат̇ааван̣н̣анаа нидтид̇аа.
Puggalakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / 1. буг̇г̇алагат̇аа • 1. Puggalakathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 1. буг̇г̇алагат̇аа • 1. Puggalakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. буг̇г̇алагат̇аа • 1. Puggalakathā
