Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā

    махааваг̇г̇о

    Mahāvaggo

    1. буг̇г̇алагат̇аа

    1. Puggalakathā

    1. суд̣̇д̇хасажжигадто

    1. Suddhasaccikaṭṭho

    1. ануломабажжанийгаван̣н̣анаа

    1. Anulomapaccanīkavaṇṇanā

    1. самб̣араад̣̇ийхи багаббид̇авиж̇ж̇аа, д̇ат̇аабхисан̇кад̇аани осад̇хаани жа ‘‘мааяаа’’д̇и вужжанд̇и, ид̇ха бана мааяааяа аахид̇ависзсаа абхууд̇ан̃н̃зяяаагаараа ад̇хиббзд̇аад̇и д̣̇ассзнд̇о ‘‘мааяааяа аман̣иаад̣̇аяо ман̣иаад̣̇иаагаарзна д̣̇иссамаанаа мааяаад̇и вуд̇д̇аа’’д̇и ааха. сажжан̃н̃зва сажжигам̣, со зва ад̇т̇о авибарийд̇асса н̃аан̣асса висаяабхаавадтзнаад̇и сажжигадто. д̇знааха ‘‘бхууд̇адто’’д̇и. авибарийд̇абхаавад̇о зва барамо бад̇хаано ад̇т̇од̇и барамад̇т̇о, н̃аан̣асса бажжагкабхууд̇о д̇хаммаанам̣ анид̣̇д̣̇исид̇аб̣б̣асабхааво. д̇зна вуд̇д̇ам̣ ‘‘уд̇д̇амад̇т̇о’’д̇и.

    1. Sambarādīhi pakappitavijjā, tathābhisaṅkhatāni osadhāni ca ‘‘māyā’’ti vuccanti, idha pana māyāya āhitavisesā abhūtaññeyyākārā adhippetāti dassento ‘‘māyāya amaṇiādayo maṇiādiākārena dissamānā māyāti vuttā’’ti āha. Saccaññeva saccikaṃ, so eva attho aviparītassa ñāṇassa visayabhāvaṭṭhenāti saccikaṭṭho. Tenāha ‘‘bhūtaṭṭho’’ti. Aviparītabhāvato eva paramo padhāno atthoti paramattho, ñāṇassa paccakkhabhūto dhammānaṃ aniddisitabbasabhāvo. Tena vuttaṃ ‘‘uttamattho’’ti.

    ад̇т̇ийд̇и важанасааман̃н̃знаад̇и ‘‘ад̇т̇и буг̇г̇ало ад̇д̇ахид̇ааяа бадибанно’’д̇иаад̣̇ийсу (а. ни. 4.96; гат̇аа. 22) ‘‘ад̇т̇ий’’д̇и бавад̇д̇аважанасааман̃н̃зна. ад̇т̇авигаббубабад̇д̇ияаа важанавигхаад̇о чаланд̇и вад̣̇анд̇и. бад̇идтам̣ бажчинд̣̇анд̇од̇и хзд̇ум̣ д̣̇уусзнд̇о, ахзд̇ум̣ гаронд̇од̇и ад̇т̇о. хзд̇у хи бадин̃н̃ааяа бад̇идтаабанад̇о бад̇идтаа, д̇ам̣ бана хзд̇ум̣ ад̇т̇амад̇д̇ад̇о д̣̇ассзнд̇о ‘‘яад̣̇и сажжигадтзнаа’’д̇иаад̣̇имааха. баяог̇ад̇о бана д̣̇уусанзна сад̣̇д̇хим̣ барад̇о аави бхависсад̇и. огаасам̣ ад̣̇ад̣̇амаанод̇и яат̇аануруубам̣ яуд̇д̇им̣ вад̇д̇ум̣ авасарам̣ ад̣̇знд̇о. ат̇а ваа бад̇идтам̣ бажчинд̣̇анд̇о, бадин̃н̃ам̣ зва баривад̇д̇знд̇од̇и ад̇т̇о. убалаб̣бхад̇и буг̇г̇алод̇и хи сагаваад̣̇им̣ уд̣̇д̣̇исса бараваад̣̇ино бадин̃н̃аава на яуд̇д̇аа аббасид̣̇д̇хад̇д̇аа висзсид̇аб̣б̣асса. д̇знзвааха ‘‘анубалаб̣бханзяяад̇о на д̇ава ваад̣̇о д̇идтад̇ийд̇и нивад̇д̇знд̇о’’д̇и. руубан̃жа убалаб̣бхад̇и…бз… д̣̇ассзд̇ийд̇и зд̇зна бараваад̣̇инаа ад̇хиббзд̇ахзд̇уно вибарийд̇ад̇т̇асаад̇хагад̇д̇ам̣ д̣̇ассзд̇и.

    Atthīti vacanasāmaññenāti ‘‘atthi puggalo attahitāya paṭipanno’’tiādīsu (a. ni. 4.96; kathā. 22) ‘‘atthī’’ti pavattavacanasāmaññena. Atthavikappupapattiyā vacanavighāto chalanti vadanti. Patiṭṭhaṃ pacchindantoti hetuṃ dūsento, ahetuṃ karontoti attho. Hetu hi paṭiññāya patiṭṭhāpanato patiṭṭhā, taṃ pana hetuṃ atthamattato dassento ‘‘yadi saccikaṭṭhenā’’tiādimāha. Payogato pana dūsanena saddhiṃ parato āvi bhavissati. Okāsaṃ adadamānoti yathānurūpaṃ yuttiṃ vattuṃ avasaraṃ adento. Atha vā patiṭṭhaṃ pacchindanto, paṭiññaṃ eva parivattentoti attho. Upalabbhati puggaloti hi sakavādiṃ uddissa paravādino paṭiññāva na yuttā appasiddhattā visesitabbassa. Tenevāha ‘‘anupalabbhaneyyato na tava vādo tiṭṭhatīti nivattento’’ti. Rūpañca upalabbhati…pe… dassetīti etena paravādinā adhippetahetuno viparītatthasādhakattaṃ dasseti.

    убалаб̣бхамаанам̣ наама ход̇ийд̇и аагаарад̇о д̇ам̣аагаараванд̇аанам̣ анан̃н̃ад̇д̇аад̇и ад̇хиббааяо. ан̃н̃ат̇аад̇и аагаара, аагаараванд̇аанам̣ бхзд̣̇з. зд̇иссаад̇и ‘‘д̇ад̇о со буг̇г̇ало убалаб̣бхад̇и сажжигадтабарамадтзнаа’’д̇и звам̣ вуд̇д̇ааяа д̣̇уд̇ияабужчааяа. зса висзсод̇и яо яат̇аавуд̇д̇о д̣̇виннам̣ бужчаанам̣ висаяасса сабхааваагаарабхзд̣̇о, зса д̣̇виннам̣ бужчаанам̣ висзсо. сабхаавад̇хаммаанам̣ сааман̃н̃алагкан̣зна абхиннаанамби салагкан̣ад̇о бхзд̣̇оязваад̇и ан̃н̃ад̇хаммасса ан̃н̃знаагаарзна на гад̣̇аажиби убалаб̣бхо бхавзяяа. яад̣̇и сияаа, ан̃н̃ад̇д̇амзва на сияаад̇и руббанаад̣̇исабажжаяаад̣̇иаагаарзна анубалаб̣бхамааноби буг̇г̇ало ад̇д̇ано бхууд̇асабхаавадтзна убалаб̣бхад̇зваад̇и вад̣̇анд̇ам̣ бараваад̣̇инам̣ бад̇и ‘‘яо сажжигадто’’д̇иаад̣̇и жод̣̇анаа аногаасаад̇и д̣̇ассзнд̇о ааха ‘‘яат̇аа бана…бз… ниг̇г̇ахо жа на гаад̇аб̣б̣о’’д̇и. д̇ад̇т̇а ниг̇г̇аход̇и ‘‘ааж̇аанаахи ниг̇г̇аха’’нд̇и звам̣ вуд̇д̇аниг̇г̇ахо, барааж̇аяааробанзна бараваад̣̇ино ниг̇г̇ан̣хананд̇и ад̇т̇о.

    Upalabbhamānaṃ nāma hotīti ākārato taṃākāravantānaṃ anaññattāti adhippāyo. Aññathāti ākāra, ākāravantānaṃ bhede. Etissāti ‘‘tato so puggalo upalabbhati saccikaṭṭhaparamaṭṭhenā’’ti evaṃ vuttāya dutiyapucchāya. Esa visesoti yo yathāvutto dvinnaṃ pucchānaṃ visayassa sabhāvākārabhedo, esa dvinnaṃ pucchānaṃ viseso. Sabhāvadhammānaṃ sāmaññalakkhaṇena abhinnānampi salakkhaṇato bhedoyevāti aññadhammassa aññenākārena na kadācipi upalabbho bhaveyya. Yadi siyā, aññattameva na siyāti ruppanādisapaccayādiākārena anupalabbhamānopi puggalo attano bhūtasabhāvaṭṭhena upalabbhatevāti vadantaṃ paravādinaṃ pati ‘‘yo saccikaṭṭho’’tiādi codanā anokāsāti dassento āha ‘‘yathā pana…pe… niggaho ca na kātabbo’’ti. Tattha niggahoti ‘‘ājānāhi niggaha’’nti evaṃ vuttaniggaho, parājayāropanena paravādino niggaṇhananti attho.

    свааяам̣ бана яасмаа д̇асса ваад̣̇аабараад̇хахзд̇уго, д̇асмаа д̇ам̣ д̣̇ассзд̇ум̣ адтагат̇ааяам̣ д̣̇осаабараад̇хабарияааязхи вибхаавид̇о. аваж̇аананан̃хзд̇т̇а ниг̇г̇ахадтаанам̣. д̇ат̇аа хи бадин̃н̃аахаани, бадин̃н̃аанд̇арам̣, бадин̃н̃аавирод̇хо, бадин̃н̃аасан̃н̃аасо, хзд̇ванд̇арам̣, ад̇т̇анд̇арам̣, нирад̇т̇агам̣, авин̃н̃аад̇ад̇т̇ам̣, асамб̣анд̇хад̇т̇ам̣, аббад̇д̇агаалам̣, уунам̣, ад̇хигам̣, бунаруд̇д̇ам̣, ананубхаасанам̣, авин̃н̃аад̇ам̣, аббадибхаа, вигкзбо, мад̇аанун̃н̃аа, ануяун̃ж̇ид̇аб̣б̣асса убзгканам̣, анануяун̃ж̇ид̇аб̣б̣асса ануяог̇о, абасид̣̇д̇ханд̇арам̣, хзд̇ваабхаасаа жаад̇и д̣̇ваавийсад̇и ниг̇г̇ахадтаанаани н̃ааяаваад̣̇ино вад̣̇анд̇и.

    Svāyaṃ pana yasmā tassa vādāparādhahetuko, tasmā taṃ dassetuṃ aṭṭhakathāyaṃ dosāparādhapariyāyehi vibhāvito. Avajānanañhettha niggahaṭṭhānaṃ. Tathā hi paṭiññāhāni, paṭiññāntaraṃ, paṭiññāvirodho, paṭiññāsaññāso, hetvantaraṃ, atthantaraṃ, niratthakaṃ, aviññātatthaṃ, asambandhatthaṃ, appattakālaṃ, ūnaṃ, adhikaṃ, punaruttaṃ, ananubhāsanaṃ, aviññātaṃ, appaṭibhā, vikkhepo, matānuññā, anuyuñjitabbassa upekkhanaṃ, ananuyuñjitabbassa anuyogo, apasiddhantaraṃ, hetvābhāsā cāti dvāvīsati niggahaṭṭhānāni ñāyavādino vadanti.

    д̇ад̇т̇а висад̣̇исууд̣̇аахаран̣ад̇хаммаануж̇аананам̣ батамуд̣̇аахаран̣з бадин̃н̃аахаани. бадин̃н̃аад̇ад̇т̇абадисзд̇хз д̇ад̣̇ан̃н̃ад̇т̇анид̣̇д̣̇зсо бадин̃н̃аанд̇арам̣. бадин̃н̃аавируд̣̇д̇хахзд̇угид̇д̇анам̣ бадин̃н̃аавирод̇хо. бадин̃н̃аад̇ад̇т̇аабанаяанам̣ бадин̃н̃аасан̃н̃аасо. ависзсавуд̇д̇з хзд̇умхи бадисид̣̇д̇хз висзсахзд̇угат̇анам̣ хзд̇ванд̇арам̣. ад̇хигад̇ад̇т̇аанубаяог̇иад̇т̇агат̇анам̣ ад̇т̇анд̇арам̣. маад̇игаабаато вияа ад̇т̇ахийнам̣ нирад̇т̇агам̣. д̇игкад̇д̇ум̣ вуд̇д̇амби сагкибадиваад̣̇ийхи авид̣̇ид̇ам̣ авин̃н̃аад̇ад̇т̇ам̣. буб̣б̣аабаравасзна самб̣анд̇харахид̇ам̣ асамб̣анд̇хад̇т̇ам̣. аваяававибаллаасаважанам̣ аббад̇д̇агаалам̣. аваяававигалам̣ уунам̣. ад̇хигахзд̇ууд̣̇аахаран̣ам̣ ад̇хигам̣. табзд̇ваа ануваад̣̇ам̣ сад̣̇д̣̇ад̇т̇аанам̣ бунаббунам̣ важанам̣ ад̇т̇аабаннаважанан̃жа бунаруд̇д̇ам̣. барисааяа вид̣̇ид̇асса д̇ийхи вуд̇д̇асса абажжуд̣̇аахааро ананубхаасанам̣. яам̣ ваад̣̇инаа вуд̇д̇ам̣ барисааяа вин̃н̃аад̇ам̣ бадиваад̣̇инаа д̣̇увин̃н̃аад̇ам̣, д̇ам̣ авин̃н̃аад̇ам̣. д̇ам̣ваад̣̇инаа вад̇д̇аб̣б̣з вуд̇д̇з бараваад̣̇ино бадиважанасса анубадтаанам̣ аббадибхаа. гижжанд̇араббасан̇г̇зна гат̇аавижчинд̣̇анам̣ вигкзбо. ад̇д̇ано д̣̇осаануж̇аананзна барабагкасса д̣̇осаббасан̃ж̇анам̣ барамад̇аануж̇аананам̣ мад̇аанун̃н̃аа. ниг̇г̇ахаббад̇д̇асса ниг̇г̇ан̣ханам̣ ануяун̃ж̇ид̇аб̣б̣асса убзгканам̣. самбад̇д̇аниг̇г̇ахасса аниг̇г̇ахадтаанз жа ниг̇г̇ан̣ханам̣ ануяун̃ж̇ид̇аб̣б̣асса ануяог̇о. згам̣ сид̣̇д̇ханд̇амануж̇аанид̇ваа анияамад̇о д̇ад̣̇ан̃н̃асид̣̇д̇ханд̇агат̇ааббасан̃ж̇анам̣ абасид̣̇д̇ханд̇арам̣. асид̣̇д̇хаа анзганд̇игаа вируд̣̇д̇хаа жа хзд̇ваабхаасаа, хзд̇убад̇ируубагаад̇и ад̇т̇о. д̇зсан̃жа гат̇анам̣ ниг̇г̇ахадтаананд̇и.

    Tattha visadisūdāharaṇadhammānujānanaṃ paṭhamudāharaṇe paṭiññāhāni. Paṭiññātatthapaṭisedhe tadaññatthaniddeso paṭiññāntaraṃ. Paṭiññāviruddhahetukittanaṃ paṭiññāvirodho. Paṭiññātatthāpanayanaṃ paṭiññāsaññāso. Avisesavutte hetumhi paṭisiddhe visesahetukathanaṃ hetvantaraṃ. Adhikatatthānupayogiatthakathanaṃ atthantaraṃ. Mātikāpāṭho viya atthahīnaṃ niratthakaṃ. Tikkhattuṃ vuttampi sakkhipaṭivādīhi aviditaṃ aviññātatthaṃ. Pubbāparavasena sambandharahitaṃ asambandhatthaṃ. Avayavavipallāsavacanaṃ appattakālaṃ. Avayavavikalaṃ ūnaṃ. Adhikahetūdāharaṇaṃ adhikaṃ. Ṭhapetvā anuvādaṃ saddatthānaṃ punappunaṃ vacanaṃ atthāpannavacanañca punaruttaṃ. Parisāya viditassa tīhi vuttassa apaccudāhāro ananubhāsanaṃ. Yaṃ vādinā vuttaṃ parisāya viññātaṃ paṭivādinā duviññātaṃ, taṃ aviññātaṃ. Taṃvādinā vattabbe vutte paravādino paṭivacanassa anupaṭṭhānaṃ appaṭibhā. Kiccantarappasaṅgena kathāvicchindanaṃ vikkhepo. Attano dosānujānanena parapakkhassa dosappasañjanaṃ paramatānujānanaṃ matānuññā. Niggahappattassa niggaṇhanaṃ anuyuñjitabbassa upekkhanaṃ. Sampattaniggahassa aniggahaṭṭhāne ca niggaṇhanaṃ anuyuñjitabbassa anuyogo. Ekaṃ siddhantamanujānitvā aniyamato tadaññasiddhantakathāppasañjanaṃ apasiddhantaraṃ. Asiddhā anekantikā viruddhā ca hetvābhāsā, hetupatirūpakāti attho. Tesañca kathanaṃ niggahaṭṭhānanti.

    имзсу д̣̇ваавийсад̇ияаа ниг̇г̇ахадтаанзсу ид̣̇ам̣ бадин̃н̃ааяа абанаяанад̇о саяамзва бажжагкаанад̇о бадин̃н̃аасан̃н̃аасо наама ниг̇г̇ахадтаанам̣. д̇знзвааха ‘‘аваж̇аананзнзва ниг̇г̇ахам̣ д̣̇ассзд̇ий’’д̇и. асид̣̇д̇хад̇д̇аад̇и зд̇зна бажжагкад̇о анумаанад̇о жа буг̇г̇аласса анубалаб̣бхамааха. на хи со бажжагкад̇о убалаб̣бхад̇и. яад̣̇и убалаб̣бхзяяа, виваад̣̇о зва на сияаа, анумаанамби д̇аад̣̇исам̣ над̇т̇и, язна буг̇г̇алам̣ ануминзяяум̣. д̇ат̇аа хи д̇ам̣ саасаниго буг̇г̇алаваад̣̇ий вад̣̇зяяа ‘‘буг̇г̇ало убалаб̣бхад̇и, ад̇т̇и буг̇г̇ало’’д̇и бхаг̇авад̇аа вуд̇д̇ад̇д̇аа руубавзд̣̇анаад̣̇и вияа. яан̃хи бхаг̇авад̇аа ‘‘ад̇т̇ий’’д̇и яад̣̇и вуд̇д̇ам̣, д̇ам̣ барамад̇т̇ад̇о ад̇т̇и яат̇аа д̇ам̣ руубам̣ взд̣̇анаа сан̃н̃аа сан̇каараа вин̃н̃аан̣ам̣. яам̣ бана барамад̇т̇ад̇о над̇т̇и, на д̇ам̣ бхаг̇авад̇аа ‘‘ад̇т̇ий’’д̇и вуд̇д̇ам̣ яат̇аа д̇ам̣ багад̇иваад̣̇иаад̣̇ийнам̣ багад̇иаад̣̇ийд̇и, д̇ам̣ мижчаа. зд̇т̇а хи яад̣̇и вохаарад̇о буг̇г̇аласса ад̇т̇ибхааво ад̇хиббзд̇о, сид̣̇д̇хам̣ саад̇ханам̣, ат̇а барамад̇т̇ад̇о, асид̣̇д̇хо хзд̇у д̇ат̇аа авуд̇д̇ад̇д̇аа. вируд̣̇д̇хо жа д̇асса анижжасан̇кад̇абадижжасамуббаннаад̣̇ибхааваасаад̇ханад̇о руубавзд̣̇анаад̣̇ийсу д̇ат̇аа д̣̇идтад̇д̇аад̇иаад̣̇инаа д̇асса ахзд̇угабхаавассзва баагадабхаавад̇о.

    Imesu dvāvīsatiyā niggahaṭṭhānesu idaṃ paṭiññāya apanayanato sayameva paccakkhānato paṭiññāsaññāso nāma niggahaṭṭhānaṃ. Tenevāha ‘‘avajānaneneva niggahaṃ dassetī’’ti. Asiddhattāti etena paccakkhato anumānato ca puggalassa anupalabbhamāha. Na hi so paccakkhato upalabbhati. Yadi upalabbheyya, vivādo eva na siyā, anumānampi tādisaṃ natthi, yena puggalaṃ anumineyyuṃ. Tathā hi taṃ sāsaniko puggalavādī vadeyya ‘‘puggalo upalabbhati, atthi puggalo’’ti bhagavatā vuttattā rūpavedanādi viya. Yañhi bhagavatā ‘‘atthī’’ti yadi vuttaṃ, taṃ paramatthato atthi yathā taṃ rūpaṃ vedanā saññā saṅkhārā viññāṇaṃ. Yaṃ pana paramatthato natthi, na taṃ bhagavatā ‘‘atthī’’ti vuttaṃ yathā taṃ pakativādiādīnaṃ pakatiādīti, taṃ micchā. Ettha hi yadi vohārato puggalassa atthibhāvo adhippeto, siddhaṃ sādhanaṃ, atha paramatthato, asiddho hetu tathā avuttattā. Viruddho ca tassa aniccasaṅkhatapaṭiccasamuppannādibhāvāsādhanato rūpavedanādīsu tathā diṭṭhattātiādinā tassa ahetukabhāvasseva pākaṭabhāvato.

    яам̣ бана б̣аахирагаа бут̇у ан̃н̃ад̇ид̇т̇ияаа вад̣̇анд̇и. ад̇т̇зва жа барамад̇т̇ад̇о ад̇д̇аа н̃аан̣аабхид̇хаанасса бавад̇д̇ияаа нимид̇д̇абхаавад̇о руубаад̣̇и вияа. ат̇а ваа ад̇д̇аад̇ирид̇д̇абад̣̇ад̇т̇анд̇аро руубагканд̇хо канд̇хасабхаавад̇д̇аа яат̇аа д̇ам̣ ид̇арагканд̇хаа. яан̃хзд̇т̇а бад̣̇ад̇т̇анд̇арам̣, со буг̇г̇алод̇и ад̇хиббааяо.

    Yaṃ pana bāhirakā puthu aññatitthiyā vadanti. Attheva ca paramatthato attā ñāṇābhidhānassa pavattiyā nimittabhāvato rūpādi viya. Atha vā attātirittapadatthantaro rūpakkhandho khandhasabhāvattā yathā taṃ itarakkhandhā. Yañhettha padatthantaraṃ, so puggaloti adhippāyo.

    зд̇т̇а жа буримасса хзд̇уно бан̃н̃ад̇д̇ияаа анзганд̇игад̇аа асид̣̇д̇хад̇аа жа. на хи асад̇о сагаваад̣̇инам̣ бад̇и барамад̇т̇ад̇о н̃аан̣аабхид̇хаанаббавад̇д̇ияаа нимид̇д̇абхааво сиж̇жхад̇и. вохаарад̇о жз, д̇ад̣̇асид̣̇д̇хасаад̇ханад̇аа руубаад̣̇исабхаававинимуд̇д̇аруубоби буг̇г̇ало на ход̇ийд̇и звамаад̣̇ивируд̣̇д̇хад̇т̇ад̇аа. бажчимасса бана хзд̇уно саад̇хзд̇аб̣б̣ад̇т̇асааман̃н̃абариг̇г̇ахз сид̣̇д̇хасаад̇ханад̇аа, руубагканд̇хад̇о бад̣̇ад̇т̇анд̇арад̇о барамад̇т̇анд̇арабхууд̇авзд̣̇анаад̣̇исамбхавасса ижчид̇ад̇д̇аа жа. д̇аб̣б̣исзсабариг̇г̇ахз жа сагаваад̣̇инам̣ бад̇и уд̣̇аахаран̣аабхааво барабаригаббид̇аж̇ийвабад̣̇ад̇т̇авирахад̇о. ид̇арагканд̇хаанам̣ взд̣̇анаад̣̇ивинимуд̇д̇аубхаяасид̣̇д̇хаж̇ийвабад̣̇ад̇т̇асахид̇оби руубагканд̇хо на ход̇и ид̇арагканд̇хаа вияаад̇и вируд̣̇д̇хад̇т̇ад̇аа жа.

    Ettha ca purimassa hetuno paññattiyā anekantikatā asiddhatā ca. Na hi asato sakavādinaṃ pati paramatthato ñāṇābhidhānappavattiyā nimittabhāvo sijjhati. Vohārato ce, tadasiddhasādhanatā rūpādisabhāvavinimuttarūpopi puggalo na hotīti evamādiviruddhatthatā. Pacchimassa pana hetuno sādhetabbatthasāmaññapariggahe siddhasādhanatā, rūpakkhandhato padatthantarato paramatthantarabhūtavedanādisambhavassa icchitattā ca. Tabbisesapariggahe ca sakavādinaṃ pati udāharaṇābhāvo paraparikappitajīvapadatthavirahato. Itarakkhandhānaṃ vedanādivinimuttaubhayasiddhajīvapadatthasahitopi rūpakkhandho na hoti itarakkhandhā viyāti viruddhatthatā ca.

    яам̣ бана гаан̣аад̣̇аа ‘‘сукаад̣̇ийнам̣ ниссаяабхаавад̇о’’д̇и анумаанам̣ вад̣̇анд̇и, д̇з ид̣̇ам̣ вад̇д̇аб̣б̣аа – гим̣ сукаад̣̇ийнам̣ ад̇д̇ани бадиб̣ад̣̇д̇хам̣ яад̇о сукаад̣̇иниссаяад̇ааяа ад̇д̇аа анумийяад̇и. яад̣̇и уббаад̣̇о, звам̣ санд̇з саб̣б̣зби сукаад̣̇аяо згад̇о зва бхавзяяум̣ гааран̣асса саннихид̇абхаавад̇о ан̃н̃анирабзгкад̇о жа. ат̇а ан̃н̃амби гин̃жи инд̣̇рияаад̣̇игааран̣анд̇арамабзгкид̇аб̣б̣ам̣, д̇ад̣̇зва ход̇у гааран̣ам̣, гиман̃н̃зна ад̣̇идтасаамад̇т̇иязна баригаббид̇зна баяож̇анам̣. ат̇а бана д̇зсам̣ ад̇д̇аад̇хийнаа вуд̇д̇ийд̇и вад̣̇зяяум̣, звамби на сиж̇жхад̇и уд̣̇аахаран̣аабхаавад̇о. на хи руубаад̣̇ивинимуд̇д̇о д̇аад̣̇исо гожи сабхаавад̇хаммо сукаад̣̇исанниссаяабхууд̇о ад̇т̇и, яад̇о ад̇д̇ано ад̇д̇ад̇т̇асид̣̇д̇хияаа уд̣̇аахаран̣ам̣ абад̣̇исзяяум̣. иминаа наязна асамаасабад̣̇аабхид̇хзяяад̇д̇аад̇иаад̣̇ийнамби аяуд̇д̇ад̇д̇аа ниваарзд̇аб̣б̣аа. д̇ат̇аа ‘‘ан̃н̃асса сажжигадтасса асид̣̇д̇хад̇д̇аа’’д̇и иминаа жа багад̇иан̣уаад̣̇ийнамби б̣аахирабаригаббид̇аанам̣ асид̣̇д̇хад̇аа вуд̇д̇ааваад̇и взд̣̇ид̇аб̣б̣аа. гат̇ам̣ бана д̇зсам̣ асид̣̇д̇хийд̇и? бамаан̣зна анубалаб̣бханад̇о. на хи бажжагкад̇о багад̇и сид̣̇д̇хаа габилассаби исино д̇асса абажжагкабхаавасса гаабилзхи анун̃н̃ааяамаанад̇д̇аа.

    Yaṃ pana kāṇādā ‘‘sukhādīnaṃ nissayabhāvato’’ti anumānaṃ vadanti, te idaṃ vattabbā – kiṃ sukhādīnaṃ attani paṭibaddhaṃ yato sukhādinissayatāya attā anumīyati. Yadi uppādo, evaṃ sante sabbepi sukhādayo ekato eva bhaveyyuṃ kāraṇassa sannihitabhāvato aññanirapekkhato ca. Atha aññampi kiñci indriyādikāraṇantaramapekkhitabbaṃ, tadeva hotu kāraṇaṃ, kimaññena adiṭṭhasāmatthiyena parikappitena payojanaṃ. Atha pana tesaṃ attādhīnā vuttīti vadeyyuṃ, evampi na sijjhati udāharaṇābhāvato. Na hi rūpādivinimutto tādiso koci sabhāvadhammo sukhādisannissayabhūto atthi, yato attano attatthasiddhiyā udāharaṇaṃ apadiseyyuṃ. Iminā nayena asamāsapadābhidheyyattātiādīnampi ayuttattā nivāretabbā. Tathā ‘‘aññassa saccikaṭṭhassa asiddhattā’’ti iminā ca pakatiaṇuādīnampi bāhiraparikappitānaṃ asiddhatā vuttāvāti veditabbā. Kathaṃ pana tesaṃ asiddhīti? Pamāṇena anupalabbhanato. Na hi paccakkhato pakati siddhā kapilassapi isino tassa apaccakkhabhāvassa kāpilehi anuññāyamānattā.

    яам̣ бана ‘‘ад̇т̇и бад̇хаанам̣ бхзд̣̇аанам̣ анваяад̣̇ассанад̇о сагалагалаабамад̇д̇ам̣ вияаа’’д̇и д̇з анумаанам̣ вад̣̇анд̇и. иминаа хи бхзд̣̇аанам̣ сад̇ваад̣̇ийнам̣ виж̇ж̇амаанабад̇хаанад̇аа бадин̃н̃аад̇аа. зд̇т̇а жа вужжад̇з – сагалаад̣̇ийнам̣ бад̇хаанам̣ д̇аб̣б̣ибхааг̇зхи гим̣ ан̃н̃ад̇д̇ам̣, уд̣̇ааху анан̃н̃анд̇и, гин̃жзд̇т̇а яад̣̇и ан̃н̃ад̇д̇ам̣, саб̣б̣о лого бад̇хаанамаяод̇и самаяавирод̇хо сияаа, сан̣таанабхзд̣̇зна ан̃н̃ад̇т̇а бадиж̇аананад̇о на д̣̇осод̇и жз? д̇ам̣ на, валаяагадагаад̣̇исан̣таанабхзд̣̇зби ганагаабхзд̣̇ад̣̇ассанад̇о. на хи сан̣таанам̣ вад̇т̇убхзд̣̇анимид̇д̇ам̣ д̇асса анубаад̣̇аанад̇д̇аа. яам̣ яасса бхзд̣̇анимид̇д̇ам̣, на д̇ам̣ д̇асса анубаад̣̇аанам̣ яат̇аа суван̣н̣амад̇д̇игаад̣̇игхадаад̣̇ийнам̣ суван̣н̣агхадо мад̇д̇игаагхадо госзяяабадо габбаасабадод̇и жа саад̇хзд̇аб̣б̣ад̇хаммарахид̇ан̃жа уд̣̇аахаран̣ам̣. на хи бад̇хаанзгагааран̣абуб̣б̣агад̇д̇ам̣ сагалаад̣̇ийнам̣ багад̇иваад̣̇ино сид̣̇д̇хам̣, нааби гаабилаанам̣ гат̇ан̃жи ан̃н̃ад̇д̇аануж̇аананад̇о. анан̃н̃ад̇д̇з бана уд̣̇аахаран̣аабхааво. на хи д̇ад̣̇зва саад̇хзд̇аб̣б̣ам̣ д̇ад̣̇зва жа уд̣̇аахаран̣ам̣ яуд̇д̇ам̣, анваяад̣̇ассанамби асид̣̇д̇хам̣. на хи д̇ад̣̇зва д̇зна анвид̇ам̣ яуж̇ж̇ад̇и. бад̇хаанзна анваяад̣̇ассанамби асид̣̇д̇хам̣ бараваад̣̇инод̇и г̇ун̣асса бад̇хаанасса анануж̇аананад̇о. ат̇а яам̣ гин̃жи гааран̣ам̣ бад̇хаанам̣ ‘‘бад̇хийяад̇и зд̇т̇а пала’’нд̇и, звамби асид̣̇д̇хамзва гааран̣з паласса ад̇т̇ибхааваанануж̇аананад̇о, хзд̇уно жа асид̣̇д̇ханиссаяад̇аабараабхимад̇абхзд̣̇аанануж̇аананад̇о. ат̇а висзсзна гааран̣ааяад̇д̇авуд̇д̇ид̇аа паласса саад̇хийяад̇и, на гин̃жи вируд̣̇д̇хам̣ д̇хаммаанам̣ яат̇аасагам̣ бажжаязна бадижжасамуббад̇д̇ияаа ижчид̇ад̇д̇аад̇и.

    Yaṃ pana ‘‘atthi padhānaṃ bhedānaṃ anvayadassanato sakalakalāpamattaṃ viyā’’ti te anumānaṃ vadanti. Iminā hi bhedānaṃ satvādīnaṃ vijjamānapadhānatā paṭiññātā. Ettha ca vuccate – sakalādīnaṃ padhānaṃ tabbibhāgehi kiṃ aññattaṃ, udāhu anaññanti, kiñcettha yadi aññattaṃ, sabbo loko padhānamayoti samayavirodho siyā, saṇṭhānabhedena aññattha paṭijānanato na dosoti ce? Taṃ na, valayakaṭakādisaṇṭhānabhedepi kanakābhedadassanato. Na hi saṇṭhānaṃ vatthubhedanimittaṃ tassa anupādānattā. Yaṃ yassa bhedanimittaṃ, na taṃ tassa anupādānaṃ yathā suvaṇṇamattikādighaṭādīnaṃ suvaṇṇaghaṭo mattikāghaṭo koseyyapaṭo kappāsapaṭoti ca sādhetabbadhammarahitañca udāharaṇaṃ. Na hi padhānekakāraṇapubbakattaṃ sakalādīnaṃ pakativādino siddhaṃ, nāpi kāpilānaṃ kathañci aññattānujānanato. Anaññatte pana udāharaṇābhāvo. Na hi tadeva sādhetabbaṃ tadeva ca udāharaṇaṃ yuttaṃ, anvayadassanampi asiddhaṃ. Na hi tadeva tena anvitaṃ yujjati. Padhānena anvayadassanampi asiddhaṃ paravādinoti guṇassa padhānassa ananujānanato. Atha yaṃ kiñci kāraṇaṃ padhānaṃ ‘‘padhīyati ettha phala’’nti, evampi asiddhameva kāraṇe phalassa atthibhāvānanujānanato, hetuno ca asiddhanissayatāparābhimatabhedānanujānanato. Atha visesena kāraṇāyattavuttitā phalassa sādhīyati, na kiñci viruddhaṃ dhammānaṃ yathāsakaṃ paccayena paṭiccasamuppattiyā icchitattāti.

    абижа багад̇иваад̣̇ино ‘‘сад̇вараж̇ад̇амасан̇каад̇аанам̣ д̇ин̣н̣ам̣ г̇ун̣аанам̣ самабхааво багад̇и, саа жа нижжаа сад̇ваад̣̇ивисамасабхаавад̇о анижжад̇о махад̇аад̣̇ивигаарад̇о анан̃н̃аа’’д̇и бадиж̇аананд̇и. саа д̇зсам̣ вуд̇д̇аббагаараа багад̇и на сиж̇жхад̇и д̇ад̇о вируд̣̇д̇хасабхаавад̇о вигаарад̇о анан̃н̃ад̇д̇аа. на хи ассасса висаан̣ам̣ д̣̇ийгхам̣, д̇ан̃жа рассад̇о г̇овисаан̣ад̇о анан̃н̃анд̇и вужжамаанам̣ сиж̇жхад̇и. гин̃жа бхияяо? д̇ин̣н̣ам̣ згабхааваабхаавад̇о. сад̇ваад̣̇иг̇ун̣ад̇д̇аяад̇о хи багад̇ияаа анан̃н̃ад̇д̇ам̣ ижчанд̇аанам̣ д̇зсам̣ сад̇ваад̣̇ийнамби багад̇ияаа анан̃н̃ад̇д̇ам̣ аабаж̇ж̇ад̇и, на жа яуд̇д̇ам̣ д̇ин̣н̣ам̣ згабхаавод̇и. звамби багад̇и на сиж̇жхад̇и. гат̇ам̣? анзгад̣̇осаабад̇д̇ид̇о. яад̣̇и хи б̣яад̇д̇асабхаавад̇о вигаарад̇о аб̣яад̇д̇асабхааваа багад̇и анан̃н̃аа, звам̣ санд̇з хзд̇уманд̇ад̇аа анижжад̇аа аб̣яаабид̇аа сагирияад̇аа анзгад̇аа ниссид̇ад̇аа лин̇г̇ад̇аа сааваяавад̇аа барад̇анд̇рад̇аад̇и звамаад̣̇аяо анзгз д̣̇осаа багад̇ияаа аабаж̇ж̇анд̇и, на ж̇аад̇ивигаарад̇о анан̃н̃аа бадиж̇аанид̇аб̣б̣аа. д̇ат̇аа жа сад̇и самаяавирод̇ход̇и габбанаамад̇д̇ам̣ багад̇ийд̇и асид̣̇д̇хаа саад̇и нидтамзд̇т̇а г̇анд̇аб̣б̣ам̣.

    Apica pakativādino ‘‘satvarajatamasaṅkhātānaṃ tiṇṇaṃ guṇānaṃ samabhāvo pakati, sā ca niccā satvādivisamasabhāvato aniccato mahatādivikārato anaññā’’ti paṭijānanti. Sā tesaṃ vuttappakārā pakati na sijjhati tato viruddhasabhāvato vikārato anaññattā. Na hi assassa visāṇaṃ dīghaṃ, tañca rassato govisāṇato anaññanti vuccamānaṃ sijjhati. Kiñca bhiyyo? Tiṇṇaṃ ekabhāvābhāvato. Satvādiguṇattayato hi pakatiyā anaññattaṃ icchantānaṃ tesaṃ satvādīnampi pakatiyā anaññattaṃ āpajjati, na ca yuttaṃ tiṇṇaṃ ekabhāvoti. Evampi pakati na sijjhati. Kathaṃ? Anekadosāpattito. Yadi hi byattasabhāvato vikārato abyattasabhāvā pakati anaññā, evaṃ sante hetumantatā aniccatā abyāpitā sakiriyatā anekatā nissitatā liṅgatā sāvayavatā paratantratāti evamādayo aneke dosā pakatiyā āpajjanti, na jātivikārato anaññā paṭijānitabbā. Tathā ca sati samayavirodhoti kappanāmattaṃ pakatīti asiddhā sāti niṭṭhamettha gantabbaṃ.

    багад̇ияаа жа асид̣̇д̇хааяа д̇ам̣нимид̇д̇агабхаавзна вужжамаанаа махад̇аад̣̇аяоби асид̣̇д̇хаа зва. яат̇аа жа багад̇и махад̇аад̣̇аяо жа, звам̣ иссарабаж̇аабад̇ибурисагааласабхааванияад̇ияад̣̇ижчаад̣̇аяоби. зд̇зсу хи иссаро д̇аава на сиж̇жхад̇и убагаарасса ад̣̇ассанад̇о. сад̇д̇аанан̃хи ж̇аад̇ияам̣ маад̇аабид̇уунам̣ б̣ийж̇акзд̇д̇абхаавзна гаммасса хийнад̇аад̣̇ивибхааг̇агаран̣зна, д̇ад̇о баран̃жа уд̇уаахаараанам̣ б̣рууханубад̇т̇амбханзна, инд̣̇рияаанам̣ д̣̇ассанаад̣̇игижжасаад̇ханзна убагааро д̣̇иссад̇и, на, звамиссарасса. хийнад̇аад̣̇ивибхааг̇агаран̣амиссарассаад̇и жз? д̇ам̣ на, асид̣̇д̇хад̇д̇аа. яат̇аавуд̇д̇о убагаарависзсо иссараниммид̇о, на гаммунаад̇и саад̇ханийяамзд̇ам̣. ид̇арад̇рааби самаанамзд̇анд̇и жз? на, гаммад̇о паланияамасид̣̇д̇хад̇д̇аа . сад̇и хи гад̇уубажид̇з гаммасмим̣ д̇ад̇т̇а яам̣ агусалам̣, д̇ад̇о хийнад̇аа, яам̣ гусалам̣, д̇ад̇о бан̣ийд̇ад̇аад̇и сид̣̇д̇хамзд̇ам̣. иссараваад̣̇инааби хи на саггаа гаммам̣ бадигкибид̇ум̣.

    Pakatiyā ca asiddhāya taṃnimittakabhāvena vuccamānā mahatādayopi asiddhā eva. Yathā ca pakati mahatādayo ca, evaṃ issarapajāpatipurisakālasabhāvaniyatiyadicchādayopi. Etesu hi issaro tāva na sijjhati upakārassa adassanato. Sattānañhi jātiyaṃ mātāpitūnaṃ bījakhettabhāvena kammassa hīnatādivibhāgakaraṇena, tato parañca utuāhārānaṃ brūhanupatthambhanena, indriyānaṃ dassanādikiccasādhanena upakāro dissati, na, evamissarassa. Hīnatādivibhāgakaraṇamissarassāti ce? Taṃ na, asiddhattā. Yathāvutto upakāraviseso issaranimmito, na kammunāti sādhanīyametaṃ. Itaratrāpi samānametanti ce? Na, kammato phalaniyamasiddhattā . Sati hi katūpacite kammasmiṃ tattha yaṃ akusalaṃ, tato hīnatā, yaṃ kusalaṃ, tato paṇītatāti siddhametaṃ. Issaravādināpi hi na sakkā kammaṃ paṭikkhipituṃ.

    абижзд̇асса логавижид̇д̇асса иссараниммаанабхаавз б̣ахуу д̣̇осаа самбхаванд̇и. гат̇ам̣? яад̣̇и саб̣б̣амид̣̇ам̣ логавижид̇д̇ам̣ иссараниммид̇ам̣, сахзва важанзна бавад̇д̇ид̇аб̣б̣ам̣, на гамзна. на хи саннихид̇агааран̣аанам̣ палаанам̣ гамзна уббад̇д̇и яуд̇д̇аа, гааран̣анд̇араабзгкааяа иссарасса саамад̇т̇ияахаани. жагкаад̣̇ийнам̣ жагкувин̃н̃аан̣аад̣̇ийсу гааран̣абхааво на яуд̇д̇о. гарод̇ийд̇и хи гааран̣анд̇и. иссаро зва жа гаарагод̇и саб̣б̣агааран̣аанам̣ гааран̣абхаавахаани. язхи бут̇увисзсзхи иссаро басийд̣̇зяяа, д̇зсан̃жа саяам̣гаарад̇аа аабаж̇ж̇ад̇и, д̇ат̇аа саб̣б̣зсам̣ хзд̇угаанам̣ гааран̣абхааво. яан̃ж̇зд̇ам̣ ниммаанам̣, д̇ан̃жасса ад̇д̇ад̣̇ад̇т̇ам̣ ваа сияаа, барад̇т̇ам̣ ваа сияаа. ад̇д̇ад̣̇ад̇т̇ад̇ааяам̣ ад̇д̇ано иссарабхаавахаани агад̇агижжад̇ааяа исид̇аавасид̇аабхаавад̇о. д̇зна ваа ниммид̇зна яам̣ ад̇д̇ано гаад̇аб̣б̣ам̣, д̇ам̣ гасмаа саяамзва на гарод̇и. барад̇т̇ад̇ааяам̣ бана баро наамзд̇т̇а лого зваад̇и гимад̇т̇ияам̣ д̇асса нираяаад̣̇ирог̇аад̣̇ивисаад̣̇иниммаанам̣. яаа жасса иссарад̇аа, саа саяам̣гад̇аа ваа сияаа барам̣гад̇аа ваа ахзд̇угаа ваа. д̇ад̇т̇а саяам̣гад̇аа жз, д̇ад̇о буб̣б̣з аниссарабхааваабад̇д̇и. барам̣гад̇аа жз, бажчааби аниссарабхааваабад̇д̇и сауд̇д̇арад̇аа жа сияаа. ахзд̇угаа жз, на гассажи аниссарад̇аад̇и звамиссарассаби асид̣̇д̇хи взд̣̇ид̇аб̣б̣аа.

    Apicetassa lokavicittassa issaranimmānabhāve bahū dosā sambhavanti. Kathaṃ? Yadi sabbamidaṃ lokavicittaṃ issaranimmitaṃ, saheva vacanena pavattitabbaṃ, na kamena. Na hi sannihitakāraṇānaṃ phalānaṃ kamena uppatti yuttā, kāraṇantarāpekkhāya issarassa sāmatthiyahāni. Cakkhādīnaṃ cakkhuviññāṇādīsu kāraṇabhāvo na yutto. Karotīti hi kāraṇanti. Issaro eva ca kārakoti sabbakāraṇānaṃ kāraṇabhāvahāni. Yehi puthuvisesehi issaro pasīdeyya, tesañca sayaṃkāratā āpajjati, tathā sabbesaṃ hetukānaṃ kāraṇabhāvo. Yañjetaṃ nimmānaṃ, tañcassa attadatthaṃ vā siyā, paratthaṃ vā siyā. Attadatthatāyaṃ attano issarabhāvahāni akatakiccatāya isitāvasitābhāvato. Tena vā nimmitena yaṃ attano kātabbaṃ, taṃ kasmā sayameva na karoti. Paratthatāyaṃ pana paro nāmettha loko evāti kimatthiyaṃ tassa nirayādirogādivisādinimmānaṃ. Yā cassa issaratā, sā sayaṃkatā vā siyā paraṃkatā vā ahetukā vā. Tattha sayaṃkatā ce, tato pubbe anissarabhāvāpatti. Paraṃkatā ce, pacchāpi anissarabhāvāpatti sauttaratā ca siyā. Ahetukā ce, na kassaci anissaratāti evamissarassapi asiddhi veditabbā.

    яат̇аа жа иссаро, звам̣ баж̇аабад̇и бурисо жа. наамамад̇д̇амзва хзд̇т̇а висзсо. д̇зхи ваад̣̇ийхи багаббид̇ам̣ яад̣̇ид̣̇ам̣ ‘‘баж̇аабад̇и бурисо’’д̇и. д̇ам̣нимид̇д̇агам̣ бана логаббавад̇д̇им̣ ижчанд̇аанам̣ баж̇аабад̇иваад̣̇з бурисаваад̣̇з жа иссараваад̣̇з вияа д̣̇осаа асид̣̇д̇хи жа вид̇хаад̇аб̣б̣аа. яат̇аа жзд̇з иссараад̣̇аяо, звам̣ гаалоби асид̣̇д̇хо лагкан̣аабхаавад̇о. барамад̇т̇ад̇о хи виж̇ж̇амаанаанам̣ д̇хаммаанам̣ сабхаавасан̇каад̇ам̣ лагкан̣ам̣ убалаб̣бхад̇и. яат̇аа бат̇авияаа гат̇инад̇аа, на звам̣ гааласса, д̇асмаа над̇т̇и барамад̇т̇ад̇о гаалод̇и. гаалаваад̣̇ий банааха ‘‘вад̇д̇анаалагкан̣о гаало’’д̇и. со вад̇д̇аб̣б̣о ‘‘гаа банааяам̣ вад̇д̇анаа’’д̇и. со ааха ‘‘самаяамухуд̇д̇аад̣̇ийнам̣ бавад̇д̇ий’’д̇и. д̇амби на, руубаад̣̇ийхи ад̇т̇анд̇арабхаавзна анид̣̇д̇хаарид̇ад̇д̇аа. барамад̇т̇ад̇о хи анид̣̇д̇хаарид̇асабхаавасса вад̇д̇анаалагкан̣ад̇ааяам̣ сасависаан̣аад̣̇ийнамби д̇ам̣лагкан̣ад̇аа аабаж̇ж̇зяяа.

    Yathā ca issaro, evaṃ pajāpati puriso ca. Nāmamattameva hettha viseso. Tehi vādīhi pakappitaṃ yadidaṃ ‘‘pajāpati puriso’’ti. Taṃnimittakaṃ pana lokappavattiṃ icchantānaṃ pajāpativāde purisavāde ca issaravāde viya dosā asiddhi ca vidhātabbā. Yathā cete issarādayo, evaṃ kālopi asiddho lakkhaṇābhāvato. Paramatthato hi vijjamānānaṃ dhammānaṃ sabhāvasaṅkhātaṃ lakkhaṇaṃ upalabbhati. Yathā pathaviyā kathinatā, na evaṃ kālassa, tasmā natthi paramatthato kāloti. Kālavādī panāha ‘‘vattanālakkhaṇo kālo’’ti. So vattabbo ‘‘kā panāyaṃ vattanā’’ti. So āha ‘‘samayamuhuttādīnaṃ pavattī’’ti. Tampi na, rūpādīhi atthantarabhāvena aniddhāritattā. Paramatthato hi aniddhāritasabhāvassa vattanālakkhaṇatāyaṃ sasavisāṇādīnampi taṃlakkhaṇatā āpajjeyya.

    яам̣ бана вад̣̇анд̇и гаан̣аад̣̇аа ‘‘абарасмим̣ абарам̣ яуг̇абад̣̇и жирам̣ киббамид̇и гаалалин̇г̇аанийд̇и лин̇г̇асаб̣бхаавад̇о ад̇т̇и гаало’’д̇и, д̇ам̣ аяуд̇д̇ам̣ лин̇г̇ино анубалаб̣бхамаанад̇д̇аа. сид̣̇д̇хасамб̣анд̇хзсу хи лин̇г̇зсу лин̇г̇амад̇д̇аг̇г̇ахан̣зна лин̇г̇ини аваб̣од̇хо бхавзяяа. на жа гзнажи авибарийд̇ажзд̇асаа д̇зна лин̇г̇зна саха гад̣̇аажи гааласан̇каад̇о лин̇г̇ий г̇ахид̇абуб̣б̣од̇и. ад̇о на яуд̇д̇ам̣ ‘‘лин̇г̇асаб̣бхаавад̇о ад̇т̇и гаало’’д̇и. ‘‘абарасмим̣ абара’’нд̇иаад̣̇игасса висзсасса нимид̇д̇абхаавад̇о яуд̇д̇анд̇и жз? на, батамаж̇аад̇ад̇аад̣̇инимид̇д̇агад̇д̇аа д̇асса. на жа батамаж̇аад̇ад̇аад̣̇и наама гожи д̇хаммо ад̇т̇и ан̃н̃ад̇ра саман̃н̃аамад̇д̇ад̇од̇и над̇т̇зва барамад̇т̇ад̇о гаало. гин̃жа бхияяо, б̣ахуунам̣ згабхааваабад̇д̇ид̇о. ад̇ийд̇аад̣̇ивибхааг̇зна хи логасаман̃н̃аавасзна б̣ахуу гаалабхзд̣̇аа. д̇ван̃жзд̇ам̣ згам̣ вад̣̇асийд̇и б̣ахуунам̣ згабхааваабхаавад̇о над̇т̇зва барамад̇т̇ад̇о гаало. д̇ат̇аа згасса анзгабхааваабад̇д̇ид̇о. яо хи аяам̣ аж̇ж̇а вад̇д̇амаанагаало, со хияяо анааг̇ад̇о ахоси, свз ад̇ийд̇о бхависсад̇и. хияяо жа вад̇д̇амаано аж̇ж̇а ад̇ийд̇о ахоси, д̇ат̇аа свз вад̇д̇амааноби абараж̇ж̇а. на жзгасабхаавасса анзгасабхаавад̇аа яуд̇д̇аад̇и асид̣̇д̇хо барамад̇т̇ад̇о гаало. д̇хаммаббавад̇д̇им̣ бана убаад̣̇ааяа габбанаамад̇д̇асид̣̇д̇хааяа логасаман̃н̃ааяа ад̇ийд̇аад̣̇ивибхааг̇ад̇о вохарийяад̇ийд̇и вохаарамад̇д̇агод̇и д̣̇адтаб̣б̣о.

    Yaṃ pana vadanti kāṇādā ‘‘aparasmiṃ aparaṃ yugapadi ciraṃ khippamiti kālaliṅgānīti liṅgasabbhāvato atthi kālo’’ti, taṃ ayuttaṃ liṅgino anupalabbhamānattā. Siddhasambandhesu hi liṅgesu liṅgamattaggahaṇena liṅgini avabodho bhaveyya. Na ca kenaci aviparītacetasā tena liṅgena saha kadāci kālasaṅkhāto liṅgī gahitapubboti. Ato na yuttaṃ ‘‘liṅgasabbhāvato atthi kālo’’ti. ‘‘Aparasmiṃ apara’’ntiādikassa visesassa nimittabhāvato yuttanti ce? Na, paṭhamajātatādinimittakattā tassa. Na ca paṭhamajātatādi nāma koci dhammo atthi aññatra samaññāmattatoti nattheva paramatthato kālo. Kiñca bhiyyo, bahūnaṃ ekabhāvāpattito. Atītādivibhāgena hi lokasamaññāvasena bahū kālabhedā. Tvañcetaṃ ekaṃ vadasīti bahūnaṃ ekabhāvābhāvato nattheva paramatthato kālo. Tathā ekassa anekabhāvāpattito. Yo hi ayaṃ ajja vattamānakālo, so hiyyo anāgato ahosi, sve atīto bhavissati. Hiyyo ca vattamāno ajja atīto ahosi, tathā sve vattamānopi aparajja. Na cekasabhāvassa anekasabhāvatā yuttāti asiddho paramatthato kālo. Dhammappavattiṃ pana upādāya kappanāmattasiddhāya lokasamaññāya atītādivibhāgato voharīyatīti vohāramattakoti daṭṭhabbo.

    сабхааванияад̇ияад̣̇ижчаад̣̇аяоби асид̣̇д̇хаа. гим̣ гааран̣аа? лагкан̣аабхааваа. на хи сабхаавад̇о нияад̇ияад̣̇ижчаа самбхавад̇и. ан̃н̃ат̇аа звам̣вид̇хо гожи бхааво ад̇т̇и жз, д̇зсам̣ сабхаавасан̇каад̇зна лагкан̣зна бхавид̇аб̣б̣ам̣, бад̇идтаабагахзд̇унаа жа на жад̇т̇и. гзвалам̣ банзд̇з ваад̣̇аа вимад̣̇д̣̇ияамаанаа ахзд̇уваад̣̇з зва д̇идтанд̇и, на жаахзд̇угам̣ логавижид̇д̇ам̣ висзсаабхааваббасан̇г̇ад̇о. ахзд̇угабхаавз хи бавад̇д̇ияаа явааяам̣ нарасуранираяад̇иражчаанаад̣̇ийсу инд̣̇рияаад̣̇ийнам̣ висзсо, д̇асса абхааво аабаж̇ж̇ад̇и, на жааяам̣ бан̣д̣ид̇зхи ижчид̇о. гин̃жа? д̣̇идтабхаавад̇о. д̣̇идтаа хи жагкаад̣̇ид̇о жагкувин̃н̃аан̣аад̣̇ийнам̣ б̣ийж̇аад̣̇ид̇о ан̇гураад̣̇ийнам̣ бавад̇д̇и, д̇асмааби хзд̇уд̇овааяам̣ бавад̇д̇и. д̇ат̇аа бурз бажчаа жа абхаавад̇о. яад̇о яад̇о хи бажжаяасаамаг̇г̇ид̇о яам̣ яам̣ палам̣ ниб̣б̣ад̇д̇ад̇и, д̇ад̇о буб̣б̣з бажчаа жа на д̇асса ниб̣б̣ад̇д̇и самбхавад̇и, гин̃жа б̣ахунаа. яад̣̇и ахзд̇уд̇о бавад̇д̇и сияаа, ахзд̇угаа бавад̇д̇ийд̇и имааби ваажаа яат̇аасагабажжаяасамавааяад̇о бурз бажчаа жа бхавзяяум̣, на жа бхаванд̇и алад̣̇д̇хаббажжаяад̇д̇аа, маж̇жхз зва жа бхаванд̇и лад̣̇д̇хаббажжаяад̇д̇аа. звам̣ саб̣б̣зби сан̇кад̇аа д̇хаммаад̇и на сиж̇жхад̇и ахзд̇уваад̣̇о. д̇асмин̃жа асид̣̇д̇хз бавад̇д̇ияаа ахзд̇убхааво вияа ахзд̇убарияааяависзсабхууд̇аа сабхааванияад̇ияад̣̇ижчаад̣̇аяоби асид̣̇д̇хаа зва хонд̇ийд̇и взд̣̇ид̇аб̣б̣аа.

    Sabhāvaniyatiyadicchādayopi asiddhā. Kiṃ kāraṇā? Lakkhaṇābhāvā. Na hi sabhāvato niyatiyadicchā sambhavati. Aññathā evaṃvidho koci bhāvo atthi ce, tesaṃ sabhāvasaṅkhātena lakkhaṇena bhavitabbaṃ, patiṭṭhāpakahetunā ca na catthi. Kevalaṃ panete vādā vimaddiyamānā ahetuvāde eva tiṭṭhanti, na cāhetukaṃ lokavicittaṃ visesābhāvappasaṅgato. Ahetukabhāve hi pavattiyā yvāyaṃ narasuranirayatiracchānādīsu indriyādīnaṃ viseso, tassa abhāvo āpajjati, na cāyaṃ paṇḍitehi icchito. Kiñca? Diṭṭhabhāvato. Diṭṭhā hi cakkhādito cakkhuviññāṇādīnaṃ bījādito aṅkurādīnaṃ pavatti, tasmāpi hetutovāyaṃ pavatti. Tathā pure pacchā ca abhāvato. Yato yato hi paccayasāmaggito yaṃ yaṃ phalaṃ nibbattati, tato pubbe pacchā ca na tassa nibbatti sambhavati, kiñca bahunā. Yadi ahetuto pavatti siyā, ahetukā pavattīti imāpi vācā yathāsakapaccayasamavāyato pure pacchā ca bhaveyyuṃ, na ca bhavanti aladdhappaccayattā, majjhe eva ca bhavanti laddhappaccayattā. Evaṃ sabbepi saṅkhatā dhammāti na sijjhati ahetuvādo. Tasmiñca asiddhe pavattiyā ahetubhāvo viya ahetupariyāyavisesabhūtā sabhāvaniyatiyadicchādayopi asiddhā eva hontīti veditabbā.

    яам̣ бана гаан̣аад̣̇аа ‘‘барамаан̣аво нижжаа, д̇зхи д̣̇виан̣угаад̣̇ипалам̣ ниб̣б̣ад̇д̇ад̇и, д̇ан̃жа анижжам̣ , д̇асса васзнзд̇ам̣ логавижид̇д̇а’’нд̇и вад̣̇анд̇и, д̇амби мижчаабаригаббамад̇д̇ам̣. на хи барамаан̣аво наама санд̇и ан̃н̃ад̇ра бхууд̇асан̇гхаад̇аа. со бана анижжова, на жа нижжад̇о анижжасса ниб̣б̣ад̇д̇и яуд̇д̇аа д̇асса гааран̣абхааваанубабад̇д̇ид̇о д̇ат̇аа ад̣̇ассанад̇о жа. яад̣̇и жа со гассажи гааран̣абхаавам̣ г̇ажчзяяа, анижжо зва сияаа вигаараабад̇д̇ид̇о. на жааяам̣ самбхаво ад̇т̇и, яам̣ вигаарам̣ анаабаж̇ж̇анд̇амзва гааран̣ам̣ палам̣ ниб̣б̣ад̇д̇зяяаад̇и. вигааран̃жз аабаж̇ж̇ад̇и, гуд̇асса нижжад̇аавагаасо, д̇асмаа вуд̇д̇аббагаараа барамаан̣аво сад̇д̇аа анижжаа, ан̃н̃зби нижжаад̣̇ибхаавзна б̣аахирагзхи баригаббид̇аа асид̣̇д̇хаа зваад̇и взд̣̇ид̇аб̣б̣ам̣. д̇зна вуд̇д̇ам̣ ‘‘д̇хаммаббабхзд̣̇ад̇о бана ан̃н̃асса сажжигадтасса асид̣̇д̇хад̇д̇аа’’д̇и.

    Yaṃ pana kāṇādā ‘‘paramāṇavo niccā, tehi dviaṇukādiphalaṃ nibbattati, tañca aniccaṃ , tassa vasenetaṃ lokavicitta’’nti vadanti, tampi micchāparikappamattaṃ. Na hi paramāṇavo nāma santi aññatra bhūtasaṅghātā. So pana aniccova, na ca niccato aniccassa nibbatti yuttā tassa kāraṇabhāvānupapattito tathā adassanato ca. Yadi ca so kassaci kāraṇabhāvaṃ gaccheyya, anicco eva siyā vikārāpattito. Na cāyaṃ sambhavo atthi, yaṃ vikāraṃ anāpajjantameva kāraṇaṃ phalaṃ nibbatteyyāti. Vikārañce āpajjati, kutassa niccatāvakāso, tasmā vuttappakārā paramāṇavo sattā aniccā, aññepi niccādibhāvena bāhirakehi parikappitā asiddhā evāti veditabbaṃ. Tena vuttaṃ ‘‘dhammappabhedato pana aññassa saccikaṭṭhassa asiddhattā’’ti.

    зд̇т̇ааха ‘‘яад̣̇и барамад̇т̇ад̇о буг̇г̇ало на убалаб̣бхад̇и, звам̣ бана буг̇г̇алз анубалаб̣бхамаанз ат̇а гасмаа бхаг̇аваа ‘ад̇т̇и буг̇г̇ало ад̇д̇ахид̇ааяа бадибанно’д̇и (а. ни. 4.95; гат̇аа. 22), ‘жад̇д̇ааромз, бхигкавз, буг̇г̇алаа санд̇о сам̣виж̇ж̇амаанаа логасми’нд̇и (а. ни. 4.95; гат̇аа. 22) жа д̇ад̇т̇а д̇ад̇т̇а буг̇г̇аласса ад̇т̇ибхаавам̣ бавзд̣̇зсий’’д̇и. винзяяаж̇жхаасаяавасзна. д̇ат̇аа д̇ат̇аа винзд̇аб̣б̣аанан̃хи буг̇г̇алаанам̣ аж̇жхаасаяавасзна винзяяад̣̇аманагусало сад̇т̇аа д̇хаммам̣ д̣̇зсзнд̇о логасаман̃н̃аануруубам̣ д̇ад̇т̇а д̇ад̇т̇а буг̇г̇алаг̇г̇ахан̣ам̣ гарод̇и, на барамад̇т̇ад̇о буг̇г̇аласса ад̇т̇ибхаавад̇о.

    Etthāha ‘‘yadi paramatthato puggalo na upalabbhati, evaṃ pana puggale anupalabbhamāne atha kasmā bhagavā ‘atthi puggalo attahitāya paṭipanno’ti (a. ni. 4.95; kathā. 22), ‘cattārome, bhikkhave, puggalā santo saṃvijjamānā lokasmi’nti (a. ni. 4.95; kathā. 22) ca tattha tattha puggalassa atthibhāvaṃ pavedesī’’ti. Vineyyajjhāsayavasena. Tathā tathā vinetabbānañhi puggalānaṃ ajjhāsayavasena vineyyadamanakusalo satthā dhammaṃ desento lokasamaññānurūpaṃ tattha tattha puggalaggahaṇaṃ karoti, na paramatthato puggalassa atthibhāvato.

    абижа адтахи гааран̣зхи бхаг̇аваа буг̇г̇алагат̇ам̣ гат̇зд̇и хирод̇д̇аббад̣̇ийбанад̇т̇ам̣, гаммассагад̇аад̣̇ийбанад̇т̇ам̣, бажжад̇д̇абурисагаарад̣̇ийбанад̇т̇ам̣, аананд̇арияад̣̇ийбанад̇т̇ам̣, б̣рахмавихаарад̣̇ийбанад̇т̇ам̣, буб̣б̣зниваасад̣̇ийбанад̇т̇ам̣, д̣̇агкин̣аависуд̣̇д̇хид̣̇ийбанад̇т̇ам̣, логасаммуд̇ияаа аббахаанад̇т̇ан̃жаад̇и. ‘‘канд̇хаа д̇хаад̇уу ааяад̇анаани хирийяанд̇и од̇д̇аббанд̇ий’’д̇и хи вуд̇д̇з махааж̇ано на ж̇аанаад̇и, саммохам̣ аабаж̇ж̇ад̇и, бадисад̇д̇у ваа ход̇и ‘‘гимид̣̇ам̣ канд̇хаа д̇хаад̇уу ааяад̇анаани хирийяанд̇и од̇д̇аббанд̇и наамаа’’д̇и. ‘‘ид̇т̇ий хирийяад̇и од̇д̇аббад̇и, бурисо, кад̇д̇ияо, б̣раахман̣о’’д̇и бана вуд̇д̇з ж̇аанаад̇и, на саммохам̣ аабаж̇ж̇ад̇и, на бадисад̇д̇у ход̇и, д̇асмаа бхаг̇аваа хирод̇д̇аббад̣̇ийбанад̇т̇ам̣ буг̇г̇алагат̇ам̣ гат̇зд̇и. ‘‘канд̇хаа гаммассагаа, д̇хаад̇уяо ааяад̇анааний’’д̇и вуд̇д̇зби зсзва наяо. д̇асмаа гаммассагад̇аад̣̇ийбанад̇т̇амби буг̇г̇алагат̇ам̣ гат̇зд̇и. ‘‘взл̣уванаад̣̇аяо махаавихаараа канд̇хзхи гаараабид̇аа, д̇хаад̇уухи, ааяад̇анзхий’’д̇и вуд̇д̇зби зсзва наяо. д̇ат̇аа ‘‘канд̇хаа маад̇арам̣ ж̇ийвид̇аа воробзнд̇и, бид̇арам̣, араханд̇ам̣, рухируббаад̣̇агаммам̣, сан̇гхабхзд̣̇агаммам̣ гаронд̇и, д̇хаад̇уяо, ааяад̇анааний’’д̇и вуд̇д̇зби, ‘‘канд̇хаа мзд̇д̇ааяанд̇и , д̇хаад̇уяо, ааяад̇анааний’’д̇и вуд̇д̇зби, ‘‘канд̇хаа буб̣б̣зниваасам̣ ануссаранд̇и, д̇хаад̇уяо, ааяад̇анааний’’д̇и вуд̇д̇зби зсзва наяо. д̇асмаа бхаг̇аваа бажжад̇д̇абурисагаарад̣̇ийбанад̇т̇ам̣ аананд̇арияад̣̇ийбанад̇т̇ам̣ б̣рахмавихаарад̣̇ийбанад̇т̇ам̣ буб̣б̣зниваасад̣̇ийбанад̇т̇ан̃жа буг̇г̇алагат̇ам̣ гат̇зд̇и. ‘‘канд̇хаа д̣̇аанам̣ бадиг̇г̇ан̣ханд̇и, д̇хаад̇уяо, ааяад̇анааний’’д̇и вуд̇д̇зби махааж̇ано на ж̇аанаад̇и, саммохам̣ аабаж̇ж̇ад̇и, бадисад̇д̇у ваа ход̇и ‘‘гимид̣̇ам̣ канд̇хаа д̇хаад̇уу ааяад̇анаани бадиг̇г̇ан̣ханд̇и наамаа’’д̇и. ‘‘буг̇г̇ало бадиг̇г̇ан̣хаад̇ий’’д̇и бана вуд̇д̇з ж̇аанаад̇и, на саммохам̣ аабаж̇ж̇ад̇и, на бадисад̇д̇у ход̇и, д̇асмаа бхаг̇аваа д̣̇агкин̣аависуд̣̇д̇хид̣̇ийбанад̇т̇ам̣ буг̇г̇алагат̇ам̣ гат̇зд̇и. логасаммуд̇ин̃жа б̣уд̣̇д̇хаа бхаг̇аванд̇о наббаж̇аханд̇и логасаман̃н̃ааяа логаабхилаабз тид̇ааязва д̇хаммам̣ д̣̇зсзнд̇и, д̇асмаа бхаг̇аваа логасаммуд̇ияаа аббахаанад̇т̇амби буг̇г̇алагат̇ам̣ гат̇зд̇ийд̇и имзхи адтахи гааран̣зхи бхаг̇аваа буг̇г̇алагат̇ам̣ гат̇зд̇и, на барамад̇т̇ад̇о буг̇г̇аласса ад̇т̇ибхаавад̇од̇и взд̣̇ид̇аб̣б̣ам̣.

    Apica aṭṭhahi kāraṇehi bhagavā puggalakathaṃ katheti hirottappadīpanatthaṃ, kammassakatādīpanatthaṃ, paccattapurisakāradīpanatthaṃ, ānantariyadīpanatthaṃ, brahmavihāradīpanatthaṃ, pubbenivāsadīpanatthaṃ, dakkhiṇāvisuddhidīpanatthaṃ, lokasammutiyā appahānatthañcāti. ‘‘Khandhā dhātū āyatanāni hirīyanti ottappantī’’ti hi vutte mahājano na jānāti, sammohaṃ āpajjati, paṭisattu vā hoti ‘‘kimidaṃ khandhā dhātū āyatanāni hirīyanti ottappanti nāmā’’ti. ‘‘Itthī hirīyati ottappati, puriso, khattiyo, brāhmaṇo’’ti pana vutte jānāti, na sammohaṃ āpajjati, na paṭisattu hoti, tasmā bhagavā hirottappadīpanatthaṃ puggalakathaṃ katheti. ‘‘Khandhā kammassakā, dhātuyo āyatanānī’’ti vuttepi eseva nayo. Tasmā kammassakatādīpanatthampi puggalakathaṃ katheti. ‘‘Veḷuvanādayo mahāvihārā khandhehi kārāpitā, dhātūhi, āyatanehī’’ti vuttepi eseva nayo. Tathā ‘‘khandhā mātaraṃ jīvitā voropenti, pitaraṃ, arahantaṃ, ruhiruppādakammaṃ, saṅghabhedakammaṃ karonti, dhātuyo, āyatanānī’’ti vuttepi, ‘‘khandhā mettāyanti , dhātuyo, āyatanānī’’ti vuttepi, ‘‘khandhā pubbenivāsaṃ anussaranti, dhātuyo, āyatanānī’’ti vuttepi eseva nayo. Tasmā bhagavā paccattapurisakāradīpanatthaṃ ānantariyadīpanatthaṃ brahmavihāradīpanatthaṃ pubbenivāsadīpanatthañca puggalakathaṃ katheti. ‘‘Khandhā dānaṃ paṭiggaṇhanti, dhātuyo, āyatanānī’’ti vuttepi mahājano na jānāti, sammohaṃ āpajjati, paṭisattu vā hoti ‘‘kimidaṃ khandhā dhātū āyatanāni paṭiggaṇhanti nāmā’’ti. ‘‘Puggalo paṭiggaṇhātī’’ti pana vutte jānāti, na sammohaṃ āpajjati, na paṭisattu hoti, tasmā bhagavā dakkhiṇāvisuddhidīpanatthaṃ puggalakathaṃ katheti. Lokasammutiñca buddhā bhagavanto nappajahanti lokasamaññāya lokābhilāpe ṭhitāyeva dhammaṃ desenti, tasmā bhagavā lokasammutiyā appahānatthampi puggalakathaṃ kathetīti imehi aṭṭhahi kāraṇehi bhagavā puggalakathaṃ katheti, na paramatthato puggalassa atthibhāvatoti veditabbaṃ.

    д̇хаммаббабхзд̣̇аагаарзнзваад̇и яат̇аавуд̇д̇аруубаад̣̇ид̇хаммаббабхзд̣̇ад̇о ан̃н̃асса сажжигадтасса асид̣̇д̇хад̇д̇аа руубаад̣̇ид̇хаммаббабхзд̣̇аагаарзнзва буг̇г̇аласса убалад̣̇д̇хияаа бхавид̇аб̣б̣анд̇и ад̇т̇о. д̇зна ‘‘гим̣ д̇ава буг̇г̇ало убалаб̣бхамаано руббанаагаарзна убалаб̣бхад̇и, уд̣̇ааху анубхаванасан̃ж̇аананаабхисан̇каран̣авиж̇аананзсу ан̃н̃ад̇араагаарзнаа’’д̇и д̣̇ассзд̇и д̇аб̣б̣инимуд̇д̇асса сабхаавад̇хаммасса логз абхаавад̇о. ависзсависзсзхи буг̇г̇алуубалаб̣бхасса бадин̃н̃аабадигкзбабагкаа ануж̇аананааваж̇аананабагкаа. яад̣̇ибимз д̣̇взби багкаа ануломабадиломанаязсу лаб̣бханд̇и, аад̣̇ид̇о бана батамам̣ табзд̇ваа бавад̇д̇о батаманаяо, ид̇аро д̣̇уд̇ияанд̇и имам̣ нзсам̣ висзсам̣ д̣̇ассзнд̇о ‘‘ануж̇аананаа…бз… взд̣̇ид̇аб̣б̣о’’д̇и ааха. яат̇аад̇хигад̇ааяа лад̣̇д̇хияаа ануломанад̇о жзд̇т̇а батамо наяо ануломабагко, д̇аб̣б̣иломанад̇о ид̇аро бадиломабагкод̇и вуд̇д̇од̇и взд̣̇ид̇аб̣б̣анд̇и.

    Dhammappabhedākārenevāti yathāvuttarūpādidhammappabhedato aññassa saccikaṭṭhassa asiddhattā rūpādidhammappabhedākāreneva puggalassa upaladdhiyā bhavitabbanti attho. Tena ‘‘kiṃ tava puggalo upalabbhamāno ruppanākārena upalabbhati, udāhu anubhavanasañjānanābhisaṅkharaṇavijānanesu aññatarākārenā’’ti dasseti tabbinimuttassa sabhāvadhammassa loke abhāvato. Avisesavisesehi puggalūpalabbhassa paṭiññāpaṭikkhepapakkhā anujānanāvajānanapakkhā. Yadipime dvepi pakkhā anulomapaṭilomanayesu labbhanti, ādito pana paṭhamaṃ ṭhapetvā pavatto paṭhamanayo, itaro dutiyanti imaṃ nesaṃ visesaṃ dassento ‘‘anujānanā…pe… veditabbo’’ti āha. Yathādhikatāya laddhiyā anulomanato cettha paṭhamo nayo anulomapakkho, tabbilomanato itaro paṭilomapakkhoti vuttoti veditabbanti.

    д̇зна вад̇а рзд̇и зд̇т̇а д̇знаад̇и гааран̣аважанам̣. язна буг̇г̇алуубалаб̣бхо бад̇идтабийяад̇и, д̇зна хзд̇унаа. свааяам̣ хзд̇у саасанигасса б̣аахирагасса жа васзна хздтаа д̣̇ассид̇о зва. хзд̇убад̇ируубагз жааяам̣ хзд̇усаман̃н̃аа барамад̇т̇асса ад̇хиббзд̇ад̇д̇аа. хздтаа ‘‘ааж̇аанаахи ниг̇г̇аха’’нд̇и ниг̇г̇ахасса сан̃н̃аабанамад̇д̇ам̣ гад̇ам̣, д̇ам̣ ид̣̇аани ‘‘яам̣ д̇ад̇т̇а вад̣̇зсий’’д̇иаад̣̇инаа ниг̇аманаруубзна мижчаабхаавад̣̇ассанзна жа вибхаавияамаанам̣ баагадабхаавагаран̣ад̇о ааробид̇ам̣ бад̇идтаабид̇ам̣ ход̇ийд̇и адтагат̇ааяам̣ ‘‘ааробид̇ад̇д̇аа’’д̇и вуд̇д̇ам̣.

    Tena vata reti ettha tenāti kāraṇavacanaṃ. Yena puggalūpalabbho patiṭṭhapīyati, tena hetunā. Svāyaṃ hetu sāsanikassa bāhirakassa ca vasena heṭṭhā dassito eva. Hetupatirūpake cāyaṃ hetusamaññā paramatthassa adhippetattā. Heṭṭhā ‘‘ājānāhi niggaha’’nti niggahassa saññāpanamattaṃ kataṃ, taṃ idāni ‘‘yaṃ tattha vadesī’’tiādinā nigamanarūpena micchābhāvadassanena ca vibhāviyamānaṃ pākaṭabhāvakaraṇato āropitaṃ patiṭṭhāpitaṃ hotīti aṭṭhakathāyaṃ ‘‘āropitattā’’ti vuttaṃ.

    зд̇т̇а жа ‘‘буг̇г̇ало убалаб̣бхад̇ий’’д̇и бадин̃н̃ааваяаво саруубзнзва д̣̇ассид̇о. ‘‘д̇знаа’’д̇и иминаа сааман̃н̃ад̇о хзд̇ааваяаво д̣̇ассид̇о. явааяам̣ яасмаа бадин̃н̃аад̇хаммо худ̇ваа сад̣̇исабагкз виж̇ж̇амаано, висад̣̇исабагкз авиж̇ж̇амааноязва хзд̇у лагкан̣уубабанно наама ход̇и, на ид̇аро, д̇асмаа яад̇т̇а со виж̇ж̇ад̇и на виж̇ж̇ад̇и жа, со сад̣̇исаасад̣̇исабхаавабхинно д̣̇увид̇хо д̣̇идтанд̇ааваяаво. яат̇аа руубаад̣̇и убалаб̣бхад̇и, д̇ат̇аа буг̇г̇ало. яат̇аа жа сасависаан̣ам̣ на убалаб̣бхад̇и, на д̇ат̇аа буг̇г̇алод̇и убанаяо. свааяам̣ ‘‘вад̇д̇аб̣б̣з ко буг̇г̇ало убалаб̣бхад̇и сажжигадтабарамад̇т̇знаа’’д̇и имааяа баал̣ияаа д̣̇ийбид̇о, яо адтагат̇ааяам̣ сад̣̇д̇хим̣ хзд̇уд̣̇аахаран̣зхи ‘‘баабанаа’’д̇и вуд̇д̇о. ниг̇аманам̣ баал̣ияам̣ саруубзнзва ааг̇ад̇ам̣, яаа адтагат̇ааяам̣ ‘‘робанаа’’д̇и вуд̇д̇аад̇и. звам̣ бораан̣зна н̃ааяаггамзна саад̇ханааваяаваа нид̣̇д̇хаарзд̇ваа яож̇зд̇аб̣б̣аа.

    Ettha ca ‘‘puggalo upalabbhatī’’ti paṭiññāvayavo sarūpeneva dassito. ‘‘Tenā’’ti iminā sāmaññato hetāvayavo dassito. Yvāyaṃ yasmā paṭiññādhammo hutvā sadisapakkhe vijjamāno, visadisapakkhe avijjamānoyeva hetu lakkhaṇūpapanno nāma hoti, na itaro, tasmā yattha so vijjati na vijjati ca, so sadisāsadisabhāvabhinno duvidho diṭṭhantāvayavo. Yathā rūpādi upalabbhati, tathā puggalo. Yathā ca sasavisāṇaṃ na upalabbhati, na tathā puggaloti upanayo. Svāyaṃ ‘‘vattabbe kho puggalo upalabbhati saccikaṭṭhaparamatthenā’’ti imāya pāḷiyā dīpito, yo aṭṭhakathāyaṃ saddhiṃ hetudāharaṇehi ‘‘pāpanā’’ti vutto. Nigamanaṃ pāḷiyaṃ sarūpeneva āgataṃ, yā aṭṭhakathāyaṃ ‘‘ropanā’’ti vuttāti. Evaṃ porāṇena ñāyakkamena sādhanāvayavā niddhāretvā yojetabbā.

    ид̣̇аани вад̇д̇анзна барабагкубалагкид̇з хзд̇уд̣̇аахаран̣з анваяаб̣яад̇ирзгад̣̇ассанавасзна нид̣̇д̇хаарзд̇ваа саад̇ханабаяог̇о яож̇зд̇аб̣б̣о. гааран̣ам̣ вад̇д̇аб̣б̣анд̇и гимзд̇т̇а вад̇д̇аб̣б̣ам̣. хзд̇уд̣̇аахаран̣зхиязва хи сабарабагкаанам̣ саад̇ханам̣ д̣̇уусанам̣ ваа, на бадин̃н̃ааяа, д̇ассаа саад̇хзд̇аб̣б̣аад̣̇ибхаавад̇о. д̇ам̣ бана д̣̇ваяам̣ ‘‘д̇зна вад̇а рз’’д̇иаад̣̇ибаал̣ияаа вибхаавид̇ам̣. адтагат̇ааяам̣ баабанааробанаасийсзна д̣̇ассид̇ам̣. бадин̃н̃аатабанаа бана д̇зсам̣ висаяад̣̇ассанам̣ гат̇ааяам̣ д̇ам̣муулад̇ааяаад̇и взд̣̇ид̇аб̣б̣ам̣. д̇знааха ‘‘яам̣ бана вагкад̇ий’’д̇иаад̣̇и. д̇знзва жа адтагат̇ааяам̣ ‘‘ид̣̇ам̣ анулома…бз… згам̣ жад̇уггам̣ взд̣̇ид̇аб̣б̣а’’нд̇и вагкад̇и. д̇ат̇аа жааха ‘‘яат̇аа бана д̇ад̇т̇аа’’д̇иаад̣̇и. ниг̇г̇ахова висум̣ вуд̇д̇о, на бадигамманд̇и ад̇хиббааяо. висум̣ вуд̇д̇од̇и жа баабанааробанаахи асаммиссам̣ гад̇ваа висум̣ ан̇г̇абхаавзна вуд̇д̇о, на д̇ад̣̇ан̃н̃ад̇аро вияа д̇ад̣̇анд̇ог̇ад̇хабхаавзна вуд̇д̇о, нааби табанаа вияа аг̇ан̣анубаг̇абхаавзнаад̇и ад̇т̇о. яз банаад̇и бад̣̇агаарз санд̇хааяааха. д̣̇уд̇ияз…бз… аабаж̇ж̇ад̇и д̇ад̇т̇а ниг̇г̇ахасса аяат̇аабхууд̇ад̇д̇аа бадигаммасса жа яат̇аабхууд̇абхаавад̇од̇и ад̇хиббааяо.

    Idāni vattanena parapakkhupalakkhite hetudāharaṇe anvayabyatirekadassanavasena niddhāretvā sādhanapayogo yojetabbo. Kāraṇaṃ vattabbanti kimettha vattabbaṃ. Hetudāharaṇehiyeva hi saparapakkhānaṃ sādhanaṃ dūsanaṃ vā, na paṭiññāya, tassā sādhetabbādibhāvato. Taṃ pana dvayaṃ ‘‘tena vata re’’tiādipāḷiyā vibhāvitaṃ. Aṭṭhakathāyaṃ pāpanāropanāsīsena dassitaṃ. Paṭiññāṭhapanā pana tesaṃ visayadassanaṃ kathāyaṃ taṃmūlatāyāti veditabbaṃ. Tenāha ‘‘yaṃ pana vakkhatī’’tiādi. Teneva ca aṭṭhakathāyaṃ ‘‘idaṃ anuloma…pe… ekaṃ catukkaṃ veditabba’’nti vakkhati. Tathā cāha ‘‘yathā pana tatthā’’tiādi. Niggahova visuṃ vutto, na paṭikammanti adhippāyo. Visuṃ vuttoti ca pāpanāropanāhi asammissaṃ katvā visuṃ aṅgabhāvena vutto, na tadaññataro viya tadantogadhabhāvena vutto, nāpi ṭhapanā viya agaṇanupagabhāvenāti attho. Ye panāti padakāre sandhāyāha. Dutiye…pe… āpajjati tattha niggahassa ayathābhūtattā paṭikammassa ca yathābhūtabhāvatoti adhippāyo.

    2. барамад̇т̇ад̇о буг̇г̇алам̣ наануж̇аанаад̇и, вохаарад̇о бана ануж̇аанаад̇ийд̇и сагаваад̣̇имад̇ам̣ ж̇аананд̇знаби бараваад̣̇инаа чалавасзна вибхааг̇ам̣ агад̇ваа ‘‘буг̇г̇ало нубалаб̣бхад̇и сажжигадтабарамад̇т̇знаа’’д̇и бужчааяа гад̇ааяа сагаваад̣̇ий д̇ад̇т̇а аяам̣ буг̇г̇алаваад̣̇ий, имасса лад̣̇д̇хи бадигкибид̇аб̣б̣аад̇и барамад̇т̇асажжам̣ санд̇хааяааха ‘‘ааманд̇аа’’д̇и. ‘‘на убалаб̣бхад̇ий’’д̇и хи вуд̇д̇ам̣ ход̇и. буна ид̇аро саммуд̇исажжам̣ санд̇хааяа ‘‘яо сажжигадто’’д̇иаад̣̇имааха. д̇ассад̇т̇о – яо логавохаарасид̣̇д̇хо сажжигадто, д̇ад̇о зва гзнажи абадигкибид̇аб̣б̣ад̇о барамад̇т̇ад̇о д̇ад̇о со буг̇г̇ало нубалаб̣бхад̇ийд̇и. буна сагаваад̣̇ий буб̣б̣з барамад̇т̇асажжавасзна буг̇г̇алз бадигкид̇д̇з ид̣̇аани саммуд̇исажжавасзнааяам̣ бужчаад̇и манд̇ваа д̇ам̣ аббадигкибанд̇о ‘‘на хзвам̣ вад̇д̇аб̣б̣з’’д̇и ааха. д̇знааха ‘‘ад̇д̇анаа ад̇хиббзд̇ам̣ сажжигадтамзваад̇и саммуд̇исажжам̣ санд̇хааяаад̇и ад̇хиббааяо’’д̇и . звамавадтид̇з ‘‘яад̣̇и бараваад̣̇инаа…бз… наарабхид̇аб̣б̣аа’’д̇и ид̣̇ам̣ на вад̇д̇аб̣б̣ам̣ батамабужчааяа барамад̇т̇асажжасса сажжигадтод̇и ад̇хиббзд̇ад̇д̇аа. ‘‘ат̇а сагаваад̣̇инаа…бз… аабаж̇ж̇ад̇ий’’д̇и ид̣̇амби на вад̇д̇аб̣б̣ам̣ д̣̇уд̇ияабужчааяа саммуд̇исажжасса сажжигадтод̇и ад̇хиббзд̇ад̇д̇аа.

    2. Paramatthato puggalaṃ nānujānāti, vohārato pana anujānātīti sakavādimataṃ jānantenapi paravādinā chalavasena vibhāgaṃ akatvā ‘‘puggalo nupalabbhati saccikaṭṭhaparamatthenā’’ti pucchāya katāya sakavādī tattha ayaṃ puggalavādī, imassa laddhi paṭikkhipitabbāti paramatthasaccaṃ sandhāyāha ‘‘āmantā’’ti. ‘‘Na upalabbhatī’’ti hi vuttaṃ hoti. Puna itaro sammutisaccaṃ sandhāya ‘‘yo saccikaṭṭho’’tiādimāha. Tassattho – yo lokavohārasiddho saccikaṭṭho, tato eva kenaci apaṭikkhipitabbato paramatthato tato so puggalo nupalabbhatīti. Puna sakavādī pubbe paramatthasaccavasena puggale paṭikkhitte idāni sammutisaccavasenāyaṃ pucchāti mantvā taṃ appaṭikkhipanto ‘‘na hevaṃ vattabbe’’ti āha. Tenāha ‘‘attanā adhippetaṃ saccikaṭṭhamevāti sammutisaccaṃ sandhāyāti adhippāyo’’ti . Evamavaṭṭhite ‘‘yadi paravādinā…pe… nārabhitabbā’’ti idaṃ na vattabbaṃ paṭhamapucchāya paramatthasaccassa saccikaṭṭhoti adhippetattā. ‘‘Atha sakavādinā…pe… āpajjatī’’ti idampi na vattabbaṃ dutiyapucchāya sammutisaccassa saccikaṭṭhoti adhippetattā.

    яад̣̇и убхаяам̣ ад̇хиббзд̇анд̇и ид̣̇ам̣ яад̣̇и батамабужчам̣ санд̇хааяа, д̇ад̣̇аяуд̇д̇ам̣ д̇ассаа барамад̇т̇асажжассзва васзна бавад̇д̇ад̇д̇аа. ат̇а д̣̇уд̇ияабужчам̣ санд̇хааяа, д̇ассаа саммуд̇исажжавасзна батамад̇т̇ам̣ вад̇ваа буна миссагавасзна вад̇д̇ум̣ ‘‘саммуд̇исажжабарамад̇т̇асажжаани ваа згад̇о гад̇вааби звамаахаа’’д̇и вуд̇д̇ад̇д̇аа д̇амби на вад̇д̇аб̣б̣амзва. д̣̇взби сажжаанийд̇и саммуд̇ибарамад̇т̇асажжаани. д̇зсу барамад̇т̇асажжассзва ниббарияааязна сажжигадтабарамад̇т̇абхааво, ид̇арасса убажаарзна. д̇ат̇аа жа вуд̇д̇ам̣ ‘‘мааяаа марийжи…бз… уд̇д̇амадто’’д̇и. д̇асмаа саммуд̇исажжавасзна убалад̣̇д̇хим̣ ижчанд̇знаби барамад̇т̇асажжавасзна анижчанад̇о ‘‘буг̇г̇ало убалаб̣бхад̇и сажжигадтабарамад̇т̇знаа’’д̇иаад̣̇инаа ануяог̇о яуд̇д̇о. ‘‘бад̇хаанаббад̇хаанзсу бад̇хаанз гижжасид̣̇д̇хий’’д̇и зд̇знзва ‘‘на жа сажжигадтзгад̣̇зсзна ануяог̇о’’д̇иаад̣̇и нивад̇д̇ид̇ан̃жа ход̇и сажжигадтзгад̣̇зсабхаавассзва асид̣̇д̇хад̇д̇аа. наасса барамад̇т̇асажжад̇аа ануяун̃ж̇ид̇аб̣б̣аад̇и асса сажжигадтасса барамад̇т̇асажжад̇аа бараваад̣̇инаа на ануяун̃ж̇ид̇аб̣б̣аа ‘‘буг̇г̇ало нубалаб̣бхад̇и сажжигадтабарамад̇т̇знаа’’д̇и сагаваад̣̇иноби сажжигадтабарамад̇т̇ад̇о д̇асса ижчид̇аб̣б̣ад̇д̇аад̇и ад̇хиббааяо. вохарид̇асажжигадтасса ад̇д̇анаа ад̇хиббзд̇асажжигадтад̇ааби яуд̇д̇аа д̇асса д̇зна ад̇хиббзд̇ад̇д̇аа. свааяамад̇т̇о хздтаа д̣̇ассид̇оязва. вуд̇д̇анаяова д̣̇осод̇и ‘‘д̣̇взби сажжааний’’д̇иаад̣̇инаа ананд̇арамзва вуд̇д̇ам̣ санд̇хааяааха. д̇асса бана ад̣̇осабхааво д̣̇ассид̇оязва. ат̇а на ид̇и ат̇а на бхууд̇асабхаавад̇т̇зна убалаб̣бхзяяаад̇и яож̇анаа. вад̇д̇аб̣б̣од̇и яад̣̇зд̇т̇а вад̇д̇аб̣б̣ам̣, д̇ам̣ ‘‘яо логавохаарасид̣̇д̇хо’’д̇иаад̣̇инаа вуд̇д̇амзва, д̇асмаа зд̇т̇а ‘‘барамад̇т̇ад̇о буг̇г̇алам̣ наануж̇аанаад̇ий’’д̇иаад̣̇инаа ад̇хиббааяамаг̇г̇анам̣ д̣̇адтаб̣б̣ам̣.

    Yadi ubhayaṃ adhippetanti idaṃ yadi paṭhamapucchaṃ sandhāya, tadayuttaṃ tassā paramatthasaccasseva vasena pavattattā. Atha dutiyapucchaṃ sandhāya, tassā sammutisaccavasena paṭhamatthaṃ vatvā puna missakavasena vattuṃ ‘‘sammutisaccaparamatthasaccāni vā ekato katvāpi evamāhā’’ti vuttattā tampi na vattabbameva. Dvepi saccānīti sammutiparamatthasaccāni. Tesu paramatthasaccasseva nippariyāyena saccikaṭṭhaparamatthabhāvo, itarassa upacārena. Tathā ca vuttaṃ ‘‘māyā marīci…pe… uttamaṭṭho’’ti. Tasmā sammutisaccavasena upaladdhiṃ icchantenapi paramatthasaccavasena anicchanato ‘‘puggalo upalabbhati saccikaṭṭhaparamatthenā’’tiādinā anuyogo yutto. ‘‘Padhānappadhānesu padhāne kiccasiddhī’’ti eteneva ‘‘na ca saccikaṭṭhekadesena anuyogo’’tiādi nivattitañca hoti saccikaṭṭhekadesabhāvasseva asiddhattā. Nāssa paramatthasaccatā anuyuñjitabbāti assa saccikaṭṭhassa paramatthasaccatā paravādinā na anuyuñjitabbā ‘‘puggalo nupalabbhati saccikaṭṭhaparamatthenā’’ti sakavādinopi saccikaṭṭhaparamatthato tassa icchitabbattāti adhippāyo. Voharitasaccikaṭṭhassa attanā adhippetasaccikaṭṭhatāpi yuttā tassa tena adhippetattā. Svāyamattho heṭṭhā dassitoyeva. Vuttanayova dosoti ‘‘dvepi saccānī’’tiādinā anantarameva vuttaṃ sandhāyāha. Tassa pana adosabhāvo dassitoyeva. Atha na iti atha na bhūtasabhāvatthena upalabbheyyāti yojanā. Vattabboti yadettha vattabbaṃ, taṃ ‘‘yo lokavohārasiddho’’tiādinā vuttameva, tasmā ettha ‘‘paramatthato puggalaṃ nānujānātī’’tiādinā adhippāyamagganaṃ daṭṭhabbaṃ.

    анун̃н̃зяяамзд̇ам̣ сияаад̇и зд̇ам̣ анубалаб̣бханам̣ батамабужчааяам̣ вияа д̣̇уд̇ияабужчааяамби ануж̇аанид̇аб̣б̣ам̣ сияаа. на ваа гин̃жи вад̇д̇аб̣б̣анд̇и ат̇а ваа гин̃жи на вад̇д̇аб̣б̣ам̣ табанийяад̇д̇аа бан̃хасса. д̇ат̇аа хисса табанийяаагаарам̣ д̣̇ассзнд̇о ‘‘яат̇аа хий’’д̇иаад̣̇имааха. зд̇т̇а жа гаамам̣ сажжад̣̇ваяаагаарзна буг̇г̇ало нубалаб̣бхад̇и, саммуд̇ияаагаарзна бана нубалаб̣бхад̇ийд̇и убалаб̣бханабхаавасса васзна бадигкзбо гад̇од̇и аяамзд̇т̇а ад̇хиббааяо д̣̇адтаб̣б̣о. анун̃н̃аад̇ам̣ бадигкид̇д̇ан̃жаад̇и батамабужчааяам̣ анун̃н̃аад̇ам̣, д̣̇уд̇ияабужчааяам̣ бадигкид̇д̇ам̣. зд̇ам̣ чалаваад̣̇ам̣ ниссааяаад̇и зд̇ам̣ згам̣язва вад̇т̇ум̣ уд̣̇д̣̇исса ануж̇аананабадигкибанаагаарам̣ чалаважанам̣ ниссааяа. д̇вам̣ ниг̇г̇ахзд̇аб̣б̣од̇и яож̇анаа. самбхаванд̇асса сааман̃н̃знаад̇и ниг̇г̇ахадтаанабхаавзна самбхаванд̇асса ануломанаязна ануж̇аананабадигкзбасса самаанабхаавзна. асамбхаванд̇асса габбананд̇и бажжанийганаязна д̇асса ниг̇г̇ахадтаанабхаавзна асамбхаванд̇асса д̇ат̇аа габбанам̣ сам̣вид̇хаанам̣ чалаваад̣̇о бхавид̇ум̣ арахад̇и. ‘‘ад̇т̇авигаббубабад̇д̇ияаа важанавигхаад̇о чала’’нд̇и вуд̇д̇овааяамад̇т̇о. д̇знаад̇и яат̇аавуд̇д̇агаббанам̣ чалаваад̣̇од̇и вуд̇д̇ад̇д̇аа. важанасааман̃н̃амад̇д̇ам̣ габбид̇ам̣ чалам̣ вад̣̇ад̇и зд̇знаад̇и чалаваад̣̇о. д̇зна вуд̇д̇ам̣ ‘‘чалаваад̣̇асса гааран̣ад̇д̇аа чалаваад̣̇о’’д̇и. важанасааман̃н̃амад̇д̇ам̣ ад̇т̇абхууд̇ам̣ д̇ад̣̇ад̇т̇ам̣ чалаваад̣̇ам̣ ниссааяа. ‘‘вижаарзд̇аб̣б̣а’’нд̇и вуд̇д̇ам̣, гимзд̇т̇а вижаарзд̇аб̣б̣ам̣. яад̣̇иби багкасса табанаамуулагам̣ ануж̇аананааваж̇аананаанам̣ мижчаабхаавад̣̇ассанам̣ д̇аб̣б̣исаяад̇д̇аа, баабанааробанаахи зва бана со вибхаавийяад̇и, на табанааяаад̇и баагадояамад̇т̇о.

    Anuññeyyametaṃ siyāti etaṃ anupalabbhanaṃ paṭhamapucchāyaṃ viya dutiyapucchāyampi anujānitabbaṃ siyā. Na vā kiñci vattabbanti atha vā kiñci na vattabbaṃ ṭhapanīyattā pañhassa. Tathā hissa ṭhapanīyākāraṃ dassento ‘‘yathā hī’’tiādimāha. Ettha ca kāmaṃ saccadvayākārena puggalo nupalabbhati, sammutiyākārena pana nupalabbhatīti upalabbhanabhāvassa vasena paṭikkhepo katoti ayamettha adhippāyo daṭṭhabbo. Anuññātaṃ paṭikkhittañcāti paṭhamapucchāyaṃ anuññātaṃ, dutiyapucchāyaṃ paṭikkhittaṃ. Etaṃ chalavādaṃ nissāyāti etaṃ ekaṃyeva vatthuṃ uddissa anujānanapaṭikkhipanākāraṃ chalavacanaṃ nissāya. Tvaṃ niggahetabboti yojanā. Sambhavantassa sāmaññenāti niggahaṭṭhānabhāvena sambhavantassa anulomanayena anujānanapaṭikkhepassa samānabhāvena. Asambhavantassa kappananti paccanīkanayena tassa niggahaṭṭhānabhāvena asambhavantassa tathā kappanaṃ saṃvidhānaṃ chalavādo bhavituṃ arahati. ‘‘Atthavikappupapattiyā vacanavighāto chala’’nti vuttovāyamattho. Tenāti yathāvuttakappanaṃ chalavādoti vuttattā. Vacanasāmaññamattaṃ kappitaṃ chalaṃ vadati etenāti chalavādo. Tena vuttaṃ ‘‘chalavādassa kāraṇattā chalavādo’’ti. Vacanasāmaññamattaṃ atthabhūtaṃ tadatthaṃ chalavādaṃ nissāya. ‘‘Vicāretabba’’nti vuttaṃ, kimettha vicāretabbaṃ. Yadipi pakkhassa ṭhapanāmūlakaṃ anujānanāvajānanānaṃ micchābhāvadassanaṃ tabbisayattā, pāpanāropanāhi eva pana so vibhāvīyati, na ṭhapanāyāti pākaṭoyamattho.

    4-5. д̇знаад̇и сагаваад̣̇инаа. д̇зна нияаамзнаад̇и язна нияаамзна сагаваад̣̇инаа жад̇уухи баабанааробанаахисса ниг̇г̇ахо гад̇о, д̇зна нияаамзна наязна. со ниг̇г̇ахо д̣̇уггадо аниг̇г̇ахоязваад̇и д̣̇ассзнд̇о ааха ‘‘аниг̇г̇ахабхаавасса ваа убаг̇амид̇ад̇д̇аа’’д̇и, баабид̇ад̇д̇аад̇и ад̇т̇о. звамзваад̇и яат̇аа ‘‘д̇аяаа мама гад̇о ниг̇г̇ахо’’д̇иаад̣̇инаа аниг̇г̇ахабхаавуубанаяо вуд̇д̇о, звамзва. зд̇ассаад̇и ‘‘д̇зна хий’’д̇иаад̣̇инаа имааяа баал̣ияаа вуд̇д̇асса.

    4-5. Tenāti sakavādinā. Tena niyāmenāti yena niyāmena sakavādinā catūhi pāpanāropanāhissa niggaho kato, tena niyāmena nayena. So niggaho dukkaṭo aniggahoyevāti dassento āha ‘‘aniggahabhāvassa vā upagamitattā’’ti, pāpitattāti attho. Evamevāti yathā ‘‘tayā mama kato niggaho’’tiādinā aniggahabhāvūpanayo vutto, evameva. Etassāti ‘‘tena hī’’tiādinā imāya pāḷiyā vuttassa.

    ануломабажжанийгаван̣н̣анаа нидтид̇аа.

    Anulomapaccanīkavaṇṇanā niṭṭhitā.

    2. бажжанийгаануломаван̣н̣анаа

    2. Paccanīkānulomavaṇṇanā

    7-10. ан̃н̃знаад̇и саммуд̇исажжабхууд̇зна. барассаад̇и сагаваад̣̇ино. со хи бараваад̣̇инаа баро наама ход̇и. бадин̃н̃аабадигкзбаанам̣ бхиннависаяад̇д̇аа ‘‘авирод̇хид̇ад̇д̇аа’’д̇и вуд̇д̇ам̣. абхиннаад̇хигаран̣ам̣ вияа хи абхиннависаяамзва вируд̣̇д̇хам̣ наама сияаа, на ид̇аранд̇и ад̇хиббааяо. д̇амзвад̇т̇ам̣ вибхаавзд̇ум̣ ‘‘на хи…бз… аабаж̇ж̇ад̇ий’’д̇и ааха. яад̣̇и звам̣ гат̇амид̣̇ам̣ ниг̇г̇ахадтаанам̣ ж̇аад̇анд̇и ааха ‘‘ад̇д̇ано банаа’’д̇иаад̣̇и. д̇зна бадин̃н̃аанд̇арам̣ наама ан̃н̃амзвзд̇ам̣ ниг̇г̇ахадтаананд̇и д̣̇ассзд̇и.

    7-10. Aññenāti sammutisaccabhūtena. Parassāti sakavādino. So hi paravādinā paro nāma hoti. Paṭiññāpaṭikkhepānaṃ bhinnavisayattā ‘‘avirodhitattā’’ti vuttaṃ. Abhinnādhikaraṇaṃ viya hi abhinnavisayameva viruddhaṃ nāma siyā, na itaranti adhippāyo. Tamevatthaṃ vibhāvetuṃ ‘‘na hi…pe… āpajjatī’’ti āha. Yadi evaṃ kathamidaṃ niggahaṭṭhānaṃ jātanti āha ‘‘attanopanā’’tiādi. Tena paṭiññāntaraṃ nāma aññamevetaṃ niggahaṭṭhānanti dasseti.

    бажжанийгаануломаван̣н̣анаа нидтид̇аа.

    Paccanīkānulomavaṇṇanā niṭṭhitā.

    суд̣̇д̇хасажжигадтаван̣н̣анаа нидтид̇аа.

    Suddhasaccikaṭṭhavaṇṇanā niṭṭhitā.

    2. огаасасажжигадто

    2. Okāsasaccikaṭṭho

    1. ануломабажжанийгаван̣н̣анаа

    1. Anulomapaccanīkavaṇṇanā

    11. сааман̃н̃зна вуд̇д̇ам̣ висзсанивидтам̣ ход̇ийд̇и ааха ‘‘саб̣б̣ад̇т̇аад̇и саб̣б̣асмим̣ сарийрзд̇и аяамад̇т̇о’’д̇и. сааман̃н̃аж̇од̇анаа хи висзсз авад̇идтад̇ийд̇и висзсад̇т̇инаа висзсо анубаяуж̇ж̇ид̇аб̣б̣од̇и. зд̇знаад̇и д̣̇зсавасзна саб̣б̣ад̇т̇а бадигкзбаважанзна.

    11. Sāmaññena vuttaṃ visesaniviṭṭhaṃ hotīti āha ‘‘sabbatthāti sabbasmiṃ sarīreti ayamattho’’ti. Sāmaññajotanā hi visese avatiṭṭhatīti visesatthinā viseso anupayujjitabboti. Etenāti desavasena sabbattha paṭikkhepavacanena.

    3. гааласажжигадто

    3. Kālasaccikaṭṭho

    1. ануломабажжанийгаван̣н̣анаа

    1. Anulomapaccanīkavaṇṇanā

    12. маж̇жхимаж̇аад̇игаалзд̇и бажжуббаннад̇д̇абхаавагаалз. ад̇д̇абхааво хи ид̇ха ‘‘ж̇аад̇ий’’д̇и ад̇хиббзд̇о. д̇ад̇о ад̇ийд̇о буримаж̇аад̇игаало, анааг̇ад̇о бажчимаж̇аад̇игаало. имзсу д̇ийсууд̇и саб̣б̣ад̇т̇а, саб̣б̣ад̣̇аа, саб̣б̣зсууд̇и имзсу д̇ийсу наязсу. баатасса сам̣кид̇д̇ад̇аа сувин̃н̃зяяаад̇и д̇ам̣ табзд̇ваа ад̇т̇асса сад̣̇исад̇ам̣ вибхаавзнд̇о ‘‘ид̇хааби хи…бз… яож̇зд̇аб̣б̣а’’нд̇и ааха. зд̇т̇ааби ‘‘на гзнажи сабхаавзна буг̇г̇ало убалаб̣бхад̇ий’’д̇и аяамад̇т̇о вуд̇д̇о ход̇и. на хи гзнажи сабхаавзна убалаб̣бхамаанасса сагалзгад̣̇зсавинимуд̇д̇о бавад̇д̇игаало наама ад̇т̇ийд̇и.

    12. Majjhimajātikāleti paccuppannattabhāvakāle. Attabhāvo hi idha ‘‘jātī’’ti adhippeto. Tato atīto purimajātikālo, anāgato pacchimajātikālo. Imesu tīsūti sabbattha, sabbadā, sabbesūti imesu tīsu nayesu. Pāṭhassa saṃkhittatā suviññeyyāti taṃ ṭhapetvā atthassa sadisataṃ vibhāvento ‘‘idhāpi hi…pe… yojetabba’’nti āha. Etthāpi ‘‘na kenaci sabhāvena puggalo upalabbhatī’’ti ayamattho vutto hoti. Na hi kenaci sabhāvena upalabbhamānassa sakalekadesavinimutto pavattikālo nāma atthīti.

    4. аваяавасажжигадто

    4. Avayavasaccikaṭṭho

    1. ануломабажжанийгаван̣н̣анаа

    1. Anulomapaccanīkavaṇṇanā

    13. д̇ад̇ияанаяз на саб̣б̣згад̇хаммавинимуд̇д̇ам̣ бавад̇д̇идтаанам̣ наама ад̇т̇ийд̇и яож̇зд̇аб̣б̣ам̣.

    13. Tatiyanaye na sabbekadhammavinimuttaṃ pavattiṭṭhānaṃ nāma atthīti yojetabbaṃ.

    огаасаад̣̇исажжигадто

    Okāsādisaccikaṭṭho

    2. бажжанийгаануломаван̣н̣анаа

    2. Paccanīkānulomavaṇṇanā

    14. ануломабан̃жагассаад̇иаад̣̇имхи адтагат̇ааважанз. буна д̇ад̇т̇аад̇и яат̇аавуд̇д̇з адтагат̇ааважанз, д̇зсу ваа ануломабан̃жагабажжанийгзсу. саб̣б̣ад̇т̇а буг̇г̇ало нубалаб̣бхад̇ийд̇иаад̣̇игасса баатаббад̣̇зсасса ад̇т̇о ‘‘сарийрам̣ санд̇хааяаа’’д̇иаад̣̇инаа адтагат̇ааяам̣ вуд̇д̇анаязна взд̣̇ид̇аб̣б̣о ад̇т̇о. бадигаммаад̣̇ибаал̣инд̇и бадигамманиг̇г̇ахаубанаяананиг̇аманабаал̣им̣. д̇ийсу мукзсууд̇и ‘‘саб̣б̣ад̇т̇аа’’д̇иаад̣̇инаа вуд̇д̇зсу д̇ийсу ваад̣̇амукзсу. бажжанийгасса баал̣и вуд̇д̇аад̇и самб̣анд̇хо. д̇анд̇и баал̣им̣. сан̇кибид̇ваа ааг̇ад̇ад̇д̇аа саруубзна авуд̇д̇з. суд̣̇д̇хига…бз… вуд̇д̇ам̣ ход̇и д̇ад̇т̇а ‘‘саб̣б̣ад̇т̇аа’’д̇иаад̣̇инаа сарийраад̣̇ино бараамасанам̣ над̇т̇и, ид̇ха ад̇т̇ийд̇и аяамзва висзсо, ан̃н̃ам̣ самаананд̇и.

    14. Anulomapañcakassātiādimhi aṭṭhakathāvacane. Puna tatthāti yathāvutte aṭṭhakathāvacane, tesu vā anulomapañcakapaccanīkesu. Sabbattha puggalo nupalabbhatītiādikassa pāṭhappadesassa attho ‘‘sarīraṃ sandhāyā’’tiādinā aṭṭhakathāyaṃ vuttanayena veditabbo attho. Paṭikammādipāḷinti paṭikammaniggahaupanayananigamanapāḷiṃ. Tīsu mukhesūti ‘‘sabbatthā’’tiādinā vuttesu tīsu vādamukhesu. Paccanīkassa pāḷi vuttāti sambandho. Tanti pāḷiṃ. Saṅkhipitvā āgatattā sarūpena avutte. Suddhika…pe… vuttaṃ hoti tattha ‘‘sabbatthā’’tiādinā sarīrādino parāmasanaṃ natthi, idha atthīti ayameva viseso, aññaṃ samānanti.

    сажжигадтаван̣н̣анаа нидтид̇аа.

    Saccikaṭṭhavaṇṇanā niṭṭhitā.

    5. суд̣̇д̇хигасам̣санд̣̇анаван̣н̣анаа

    5. Suddhikasaṃsandanavaṇṇanā

    17-27. сажжигадтасса, сажжигадтз ваа сам̣санд̣̇анам̣ сажжигадтасам̣санд̣̇ананд̇и самаасад̣̇ваяам̣ бхавад̇ийд̇и д̣̇ассзнд̇о ‘‘сажжигадтассаа’’д̇иаад̣̇имааха. д̇ад̇т̇а сажжигадтасса буг̇г̇алассаад̇и сажжигадтасабхаавасса барамад̇т̇ад̇о виж̇ж̇амаанасабхаавасса буг̇г̇аласса. руубаад̣̇ийхи сад̣̇д̇хим̣ сам̣санд̣̇ананд̇и сажжигадтад̇аасааман̃н̃зна руубаад̣̇ийхи самийгаран̣ам̣. сажжигадтзд̇и сажжигадтахзд̇у, д̇ад̇т̇а ваа д̇ам̣ ад̇хидтаанам̣ гад̇ваа. ‘‘д̇уляаяог̇з самужжаяо’’д̇и самужжаяад̇т̇ад̇д̇аа зва жа-гаарасса сажжигадтзна убалад̣̇д̇хисааман̃н̃зна ид̇ха руубамаахаданд̇и д̇асса уд̣̇аахадабхааво яуд̇д̇од̇и ‘‘яат̇аарууба’’нд̇и нид̣̇ассанавасзна ад̇т̇о вуд̇д̇о, ан̃н̃ат̇аа ид̇ха руубасса аахаран̣амзва гимад̇т̇ияам̣. звам̣ сзсад̇хаммзсуби. яаа банзд̇т̇а ан̃н̃ад̇д̇абужчаа, сааби нид̣̇ассанад̇т̇ам̣ убаб̣руухзд̇и ан̃н̃ад̇д̇аниб̣анд̇ханад̇д̇аа д̇асса. обаммасам̣санд̣̇анз бана нид̣̇ассанад̇т̇о г̇аахийяад̇ийд̇и имасмим̣ суд̣̇д̇хигасам̣санд̣̇анз гзвалам̣ самужжаяавасзнзва ад̇т̇ад̣̇ассанам̣ яуд̇д̇анд̇и ад̇хиббааяо. руубаад̣̇ийни убаад̣̇аабан̃н̃ад̇д̇имад̇д̇ад̇д̇аа буг̇г̇аласса со д̇зхи ан̃н̃о, анан̃н̃о жаад̇и на вад̇д̇аб̣б̣од̇и аяам̣ саасанаггамод̇и ааха ‘‘руубаад̣̇ийхи…бз… самаяо’’д̇и. анун̃н̃ааяамаанзд̇и д̇асмим̣ самаяз суд̇д̇з жа аббадигкибияамаанз. аяан̃жа ад̇т̇о саасанигасса бараваад̣̇ино васзна вуд̇д̇од̇и взд̣̇ид̇аб̣б̣ам̣.

    17-27. Saccikaṭṭhassa, saccikaṭṭhe vā saṃsandanaṃ saccikaṭṭhasaṃsandananti samāsadvayaṃ bhavatīti dassento ‘‘saccikaṭṭhassā’’tiādimāha. Tattha saccikaṭṭhassa puggalassāti saccikaṭṭhasabhāvassa paramatthato vijjamānasabhāvassa puggalassa. Rūpādīhi saddhiṃ saṃsandananti saccikaṭṭhatāsāmaññena rūpādīhi samīkaraṇaṃ. Saccikaṭṭheti saccikaṭṭhahetu, tattha vā taṃ adhiṭṭhānaṃ katvā. ‘‘Tulyayoge samuccayo’’ti samuccayatthattā eva ca-kārassa saccikaṭṭhena upaladdhisāmaññena idha rūpamāhaṭanti tassa udāhaṭabhāvo yuttoti ‘‘yathārūpa’’nti nidassanavasena attho vutto, aññathā idha rūpassa āharaṇameva kimatthiyaṃ. Evaṃ sesadhammesupi. Yā panettha aññattapucchā, sāpi nidassanatthaṃ upabrūheti aññattanibandhanattā tassa. Opammasaṃsandane pana nidassanattho gāhīyatīti imasmiṃ suddhikasaṃsandane kevalaṃ samuccayavaseneva atthadassanaṃ yuttanti adhippāyo. Rūpādīni upādāpaññattimattattā puggalassa so tehi añño, anañño cāti na vattabboti ayaṃ sāsanakkamoti āha ‘‘rūpādīhi…pe… samayo’’ti. Anuññāyamāneti tasmiṃ samaye sutte ca appaṭikkhipiyamāne. Ayañca attho sāsanikassa paravādino vasena vuttoti veditabbaṃ.

    ‘‘ааж̇аанаахи ниг̇г̇аха’’нд̇и баато д̣̇идто бхависсад̇и, ан̃н̃ат̇аа ‘‘бадиломабан̃жагаани д̣̇ассид̇аани, бадигаммажад̇уггаад̣̇ийни сам̣кид̇д̇ааний’’д̇и на саггаа вад̇д̇унд̇и ад̇хиббааяо. жод̣̇анааяа винаа бараваад̣̇ино бадиж̇аанаабанам̣ над̇т̇ийд̇и вуд̇д̇ам̣ ‘‘бадиж̇аанаабанад̇т̇анд̇и…бз… жод̣̇анад̇т̇а’’нд̇и. жод̣̇анаабуб̣б̣аган̃хи д̇асса бадиж̇аанаабанам̣. д̇зна палавохаарзна гааран̣ам̣ вуд̇д̇анд̇и д̣̇ассзд̇и. аб̣яаагад̇ад̇д̇аад̇и аб̣яаагаран̣ийяад̇д̇аа, бхаг̇авад̇аа ваа на б̣яаагад̇ад̇д̇аа. яад̣̇и табанийяад̇д̇аа бадигкибид̇аб̣б̣анд̇и имасмим̣ бажжанийганаяз табанийяад̇д̇аа бан̃хасса сагаваад̣̇инаа бадигкибид̇аб̣б̣ам̣. барзнабийд̇и бараваад̣̇инааби табанийяад̇д̇аа лад̣̇д̇химзва ниссааяа ануломанаяз бадигкзбо гад̇од̇и аяамзд̇т̇а суд̣̇д̇хигасам̣санд̣̇анааяа ад̇хиббааяо яуд̇д̇о ануломзби руубаад̣̇ийхи ан̃н̃ад̇д̇ажод̣̇анааяамзва бараваад̣̇инаа бадигкзбасса гад̇ад̇д̇аад̇и ад̇хиббааяо.

    ‘‘Ājānāhiniggaha’’nti pāṭho diṭṭho bhavissati, aññathā ‘‘paṭilomapañcakāni dassitāni, paṭikammacatukkādīni saṃkhittānī’’ti na sakkā vattunti adhippāyo. Codanāya vinā paravādino paṭijānāpanaṃ natthīti vuttaṃ ‘‘paṭijānāpanatthanti…pe… codanattha’’nti. Codanāpubbakañhi tassa paṭijānāpanaṃ. Tena phalavohārena kāraṇaṃ vuttanti dasseti. Abyākatattāti abyākaraṇīyattā, bhagavatā vā na byākatattā. Yadi ṭhapanīyattā paṭikkhipitabbanti imasmiṃ paccanīkanaye ṭhapanīyattā pañhassa sakavādinā paṭikkhipitabbaṃ. Parenapīti paravādināpi ṭhapanīyattā laddhimeva nissāya anulomanaye paṭikkhepo katoti ayamettha suddhikasaṃsandanāya adhippāyo yutto anulomepi rūpādīhi aññattacodanāyameva paravādinā paṭikkhepassa katattāti adhippāyo.

    суд̣̇д̇хигасам̣санд̣̇анаван̣н̣анаа нидтид̇аа.

    Suddhikasaṃsandanavaṇṇanā niṭṭhitā.

    6. обаммасам̣санд̣̇анаван̣н̣анаа

    6. Opammasaṃsandanavaṇṇanā

    28-36. убалад̣̇д̇хисааман̃н̃зна ан̃н̃ад̇д̇абужчаа жаад̇и иминаа д̣̇ваяамби уд̣̇д̇харад̇и убалад̣̇д̇хисааман̃н̃зна ан̃н̃ад̇д̇абужчаа, убалад̣̇д̇хисааман̃н̃зна бужчаа жаад̇и. д̇ад̇т̇а бажчимам̣ санд̇хааяааха ‘‘д̣̇виннам̣ самаанад̇аа’’д̇иаад̣̇и. д̇ассад̇т̇о – д̣̇виннам̣ руубавзд̣̇анаанам̣ вияа руубабуг̇г̇алаанам̣ сажжигадтзна самаанад̇аа д̇зсам̣ ан̃н̃ад̇д̇асса гааран̣ам̣ яуд̇д̇ам̣ на ход̇и. ат̇а ко…бз… убалаб̣бханийяад̇аад̇и ид̣̇ан̃жа сам̣санд̣̇анам̣ вижаарзд̇аб̣б̣ам̣. аяам̣ хзд̇т̇а ад̇хиббааяо – яад̣̇и сажжигадтасааман̃н̃зна руубабуг̇г̇алаанам̣ убалад̣̇д̇хисааман̃н̃ам̣ ижчид̇ам̣, д̇знзва нзсам̣ ан̃н̃ад̇д̇амби ижчид̇аб̣б̣ам̣. ат̇а барамад̇т̇авохаарабхзд̣̇ад̇о д̇зсам̣ ан̃н̃ад̇д̇ам̣ на ижчид̇ам̣, д̇ад̇о зва убалад̣̇д̇хисааман̃н̃амби на ижчид̇аб̣б̣анд̇и.

    28-36. Upaladdhisāmaññena aññattapucchā cāti iminā dvayampi uddharati upaladdhisāmaññena aññattapucchā, upaladdhisāmaññena pucchā cāti. Tattha pacchimaṃ sandhāyāha ‘‘dvinnaṃ samānatā’’tiādi. Tassattho – dvinnaṃ rūpavedanānaṃ viya rūpapuggalānaṃ saccikaṭṭhena samānatā tesaṃ aññattassa kāraṇaṃ yuttaṃ na hoti. Atha kho…pe… upalabbhanīyatāti idañca saṃsandanaṃ vicāretabbaṃ. Ayaṃ hettha adhippāyo – yadi saccikaṭṭhasāmaññena rūpapuggalānaṃ upaladdhisāmaññaṃ icchitaṃ, teneva nesaṃ aññattampi icchitabbaṃ. Atha paramatthavohārabhedato tesaṃ aññattaṃ na icchitaṃ, tato eva upaladdhisāmaññampi na icchitabbanti.

    37-45. убалад̣̇д̇хийд̇и буг̇г̇аласса убалад̣̇д̇хи виж̇ж̇амаанад̇аа. ‘‘бадигаммабан̃жага’’нд̇и вин̃н̃ааяад̇ийд̇и яож̇анаа.

    37-45. Upaladdhīti puggalassa upaladdhi vijjamānatā. ‘‘Paṭikammapañcaka’’nti viññāyatīti yojanā.

    обаммасам̣санд̣̇анаван̣н̣анаа нидтид̇аа.

    Opammasaṃsandanavaṇṇanā niṭṭhitā.

    7. жад̇угганаяасам̣санд̣̇анаван̣н̣анаа

    7. Catukkanayasaṃsandanavaṇṇanā

    46-52. згад̇хаммад̇обийд̇и сад̇д̇абан̃н̃аасааяа сажжигадтзсу згад̇хаммад̇оби. зд̇зна д̇ад̇о саб̣б̣ад̇оби буг̇г̇аласса ан̃н̃ад̇д̇аанануж̇аананам̣ д̣̇ассзд̇и. д̇знааха адтагат̇ааяам̣ ‘‘сагалам̣ барамад̇т̇асажжам̣ санд̇хааяаа’’д̇и. руубаад̣̇изгзгад̇хаммавасзна наануяун̃ж̇ид̇аб̣б̣о аваяаваб̣яад̇ирзгзна самуд̣̇ааяасса абхаавад̇о. яасмаа бана самуд̣̇ааяааваяаваа бхиннасабхааваа, д̇асмаа ‘‘самуд̣̇ааяад̇о…бз… ниг̇г̇ахаарахо сияаа’’д̇и бараваад̣̇ино аасан̇гамааха. зд̇ам̣ важаногаасанд̇и яад̣̇иби сад̇д̇абан̃н̃аасад̇хаммасамуд̣̇ааяад̇о буг̇г̇аласса ан̃н̃ад̇д̇ам̣ на ижчад̇и д̇аб̣б̣инимуд̇д̇асса сажжигадтасса абхаавад̇о, д̇ад̣̇згад̣̇зсад̇о банасса анан̃н̃ад̇д̇амби на ижчад̇зва. на хи самуд̣̇ааяо аваяаво ход̇ийд̇и. д̇асмаа ‘‘д̇ам̣ бадигкибад̇о гим̣ ниг̇г̇ахадтаананд̇и вад̇д̇ум̣ маа лаб̣бхзт̇аа’’д̇и д̣̇ассзд̇ум̣ ‘‘аяан̃жаа’’д̇иаад̣̇и вуд̇д̇ам̣. руубаад̣̇ид̇хаммаббабхзд̣̇авибхааг̇амукзнзва анавасзсад̇о буг̇г̇алод̇и г̇ахан̣аагаарад̣̇ассанавасзна бавад̇д̇о батамавигаббо, д̣̇уд̇ияо бана авибхааг̇ад̇о барамад̇т̇асажжабхаавасааман̃н̃знаад̇и аяам̣ имзсам̣ д̣̇виннам̣ вигаббаанам̣ висзсо. ид̇ийд̇и вуд̇д̇аббагаарабараамасананд̇и ааха ‘‘зва’’нд̇и.

    46-52. Ekadhammatopīti sattapaññāsāya saccikaṭṭhesu ekadhammatopi. Etena tato sabbatopi puggalassa aññattānanujānanaṃ dasseti. Tenāha aṭṭhakathāyaṃ ‘‘sakalaṃ paramatthasaccaṃ sandhāyā’’ti. Rūpādiekekadhammavasena nānuyuñjitabbo avayavabyatirekena samudāyassa abhāvato. Yasmā pana samudāyāvayavā bhinnasabhāvā, tasmā ‘‘samudāyato…pe… niggahāraho siyā’’ti paravādino āsaṅkamāha. Etaṃ vacanokāsanti yadipi sattapaññāsadhammasamudāyato puggalassa aññattaṃ na icchati tabbinimuttassa saccikaṭṭhassa abhāvato, tadekadesato panassa anaññattampi na icchateva. Na hi samudāyo avayavo hotīti. Tasmā ‘‘taṃ paṭikkhipato kiṃ niggahaṭṭhānanti vattuṃ mā labbhethā’’ti dassetuṃ ‘‘ayañcā’’tiādi vuttaṃ. Rūpādidhammappabhedavibhāgamukheneva anavasesato puggaloti gahaṇākāradassanavasena pavatto paṭhamavikappo, dutiyo pana avibhāgato paramatthasaccabhāvasāmaññenāti ayaṃ imesaṃ dvinnaṃ vikappānaṃ viseso. Itīti vuttappakāraparāmasananti āha ‘‘eva’’nti.

    сабхаававиниб̣бхог̇ад̇од̇и сабхаавзна виниб̣бхуж̇ж̇ид̇аб̣б̣ад̇о. сабхаавабхинно хи д̇хаммо д̇ад̣̇ан̃н̃ад̇хаммад̇о виниб̣бхог̇ам̣ лабхад̇и. д̇знааха ‘‘руубад̇о ан̃н̃асабхааг̇ад̇д̇аа’’д̇и. руубаваж̇ж̇зд̇и руубад̇хаммаваж̇ж̇з . д̇ийсубийд̇и ‘‘руубасмим̣ буг̇г̇ало, ан̃н̃ад̇ра руубаа, буг̇г̇аласмим̣ рууба’’нд̇и имзсу звам̣ бавад̇д̇зсу д̇ийсуби ануяог̇зсу. саасаниго звааяам̣ буг̇г̇алаваад̣̇ийд̇и гад̇ваа ааха ‘‘на хи со саггааяад̣̇идтим̣ ижчад̇ий’’д̇и. ‘‘руубаваа’’д̇и иминаа руубзна сагин̃жанад̇аава н̃аабийяад̇и, на руубааяад̇д̇авуд̇д̇ид̇аад̇и ааха ‘‘ан̃н̃ад̇ра руубаад̇и зд̇т̇а жа руубаваа буг̇г̇алод̇и аяамад̇т̇о сан̇г̇ахид̇о’’д̇и.

    Sabhāvavinibbhogatoti sabhāvena vinibbhujjitabbato. Sabhāvabhinno hi dhammo tadaññadhammato vinibbhogaṃ labhati. Tenāha ‘‘rūpato aññasabhāgattā’’ti. Rūpavajjeti rūpadhammavajje . Tīsupīti ‘‘rūpasmiṃ puggalo, aññatra rūpā, puggalasmiṃ rūpa’’nti imesu evaṃ pavattesu tīsupi anuyogesu. Sāsaniko evāyaṃ puggalavādīti katvā āha ‘‘na hi so sakkāyadiṭṭhiṃ icchatī’’ti. ‘‘Rūpavā’’ti iminā rūpena sakiñcanatāva ñāpīyati, na rūpāyattavuttitāti āha ‘‘aññatra rūpāti ettha ca rūpavā puggaloti ayamattho saṅgahito’’ti.

    жад̇угганаяасам̣санд̣̇анаван̣н̣анаа нидтид̇аа.

    Catukkanayasaṃsandanavaṇṇanā niṭṭhitā.

    нидтид̇аа жа сам̣санд̣̇анагат̇ааван̣н̣анаа.

    Niṭṭhitā ca saṃsandanakathāvaṇṇanā.

    8. лагкан̣аяуд̇д̇иван̣н̣анаа

    8. Lakkhaṇayuttivaṇṇanā

    54. лагкан̣аяуд̇д̇игат̇ааяам̣ ‘‘чалавасзна бана вад̇д̇аб̣б̣ам̣ ааж̇аанаахи ниг̇г̇аха’’нд̇и баато г̇ахзд̇аб̣б̣о.

    54. Lakkhaṇayuttikathāyaṃ ‘‘chalavasena pana vattabbaṃ ājānāhi niggaha’’nti pāṭho gahetabbo.

    лагкан̣аяуд̇д̇иван̣н̣анаа нидтид̇аа.

    Lakkhaṇayuttivaṇṇanā niṭṭhitā.

    9. важанасод̇ханаван̣н̣анаа

    9. Vacanasodhanavaṇṇanā

    55-59. бад̣̇ад̣̇ваяасса ад̇т̇ад̇о згад̇д̇зд̇и бад̣̇ад̣̇ваяасса згад̇д̇ад̇т̇з сад̇ийд̇и ад̇т̇о. баригаббаважанан̃хзд̇ам̣ д̣̇осад̣̇ассанад̇т̇ам̣ ‘‘звам̣ санд̇з аяам̣ д̣̇осо’’д̇и. д̇аяид̣̇ам̣ згад̇д̇ам̣ убалаб̣бхад̇и зваад̇и бажчимабад̣̇аавад̇хааран̣ам̣ взд̣̇ид̇аб̣б̣ам̣. ‘‘гзхижи буг̇г̇ало гзхижи на буг̇г̇ало’’д̇и б̣яабхижаарад̣̇ассанад̇о барзна на самбадижчид̇анд̇и гад̇ваа д̇амзва асамбадижчид̇ад̇д̇ам̣ вибхаавзнд̇о ‘‘буг̇г̇аласса хий’’д̇иаад̣̇имааха. д̇ад̇т̇а авибхаж̇ид̇аб̣б̣ад̇анд̇и ‘‘убалаб̣бхад̇и жаа’’д̇и звам̣ авибхаж̇ид̇аб̣б̣ад̇ам̣. вибхаж̇ид̇аб̣б̣ад̇анд̇и ‘‘буг̇г̇ало жа д̇ад̣̇ан̃н̃ан̃жа убалаб̣бхад̇ий’’д̇и звам̣ вибхаж̇ид̇аб̣б̣ад̇ам̣. зд̇зна ‘‘буг̇г̇ало убалаб̣бхад̇и зваа’’д̇и бажчимабад̣̇аавад̇хааран̣ам̣ взд̣̇ид̇аб̣б̣ам̣, на ‘‘буг̇г̇ало зва убалаб̣бхад̇ий’’д̇и имамад̇т̇ам̣ д̣̇ассзд̇и. д̇ам̣ вибхааг̇анд̇и яат̇аавуд̇д̇ам̣ вибхаж̇ид̇аб̣б̣аавибхаж̇ид̇аб̣б̣ам̣ вибхааг̇ам̣ вад̣̇ад̇о сагаваад̣̇ино, ан̃н̃асса ваа гассажи. зд̇ассаад̇и бараваад̣̇ино . яат̇аавуд̇д̇авибхааг̇анд̇и ‘‘буг̇г̇ало убалаб̣бхад̇и…бз… гзхижи на буг̇г̇ало’’д̇и звам̣ баал̣ияам̣ вуд̇д̇аббагаарам̣ вибхааг̇ам̣. яат̇аааабаад̣̇ид̇знаад̇и ‘‘буг̇г̇ало убалаб̣бхад̇ийд̇и бад̣̇ад̣̇ваяасса ад̇т̇ад̇о згад̇д̇з’’д̇иаад̣̇инаа аабаад̣̇ид̇аббагаарзна. на бхавид̇аб̣б̣анд̇и яад̣̇иби д̇зна буг̇г̇ало убалаб̣бхад̇и зва вужжад̇и, убалаб̣бхад̇ийд̇и бана буг̇г̇ало зва на вужжад̇и, ат̇а ко ан̃н̃оби, д̇асмаа яат̇аавуд̇д̇зна басан̇г̇зна на бхавид̇аб̣б̣ам̣. д̇знааха ‘‘маг̇г̇ид̇аб̣б̣о зд̇т̇а ад̇хиббааяо’’д̇и.

    55-59. Padadvayassa atthato ekatteti padadvayassa ekattatthe satīti attho. Parikappavacanañhetaṃ dosadassanatthaṃ ‘‘evaṃ sante ayaṃ doso’’ti. Tayidaṃ ekattaṃ upalabbhati evāti pacchimapadāvadhāraṇaṃ veditabbaṃ. ‘‘Kehici puggalo kehici na puggalo’’ti byabhicāradassanato parena na sampaṭicchitanti katvā tameva asampaṭicchitattaṃ vibhāvento ‘‘puggalassa hī’’tiādimāha. Tattha avibhajitabbatanti ‘‘upalabbhati cā’’ti evaṃ avibhajitabbataṃ. Vibhajitabbatanti ‘‘puggalo ca tadaññañca upalabbhatī’’ti evaṃ vibhajitabbataṃ. Etena ‘‘puggalo upalabbhati evā’’ti pacchimapadāvadhāraṇaṃ veditabbaṃ, na ‘‘puggalo eva upalabbhatī’’ti imamatthaṃ dasseti. Taṃ vibhāganti yathāvuttaṃ vibhajitabbāvibhajitabbaṃ vibhāgaṃ vadato sakavādino, aññassa vā kassaci. Etassāti paravādino . Yathāvuttavibhāganti ‘‘puggalo upalabbhati…pe… kehici na puggalo’’ti evaṃ pāḷiyaṃ vuttappakāraṃ vibhāgaṃ. Yathāāpāditenāti ‘‘puggalo upalabbhatīti padadvayassa atthato ekatte’’tiādinā āpāditappakārena. Na bhavitabbanti yadipi tena puggalo upalabbhati eva vuccati, upalabbhatīti pana puggalo eva na vuccati, atha kho aññopi, tasmā yathāvuttena pasaṅgena na bhavitabbaṃ. Tenāha ‘‘maggitabbo ettha adhippāyo’’ti.

    60. ад̇т̇ад̇о буг̇г̇ало над̇т̇ийд̇и вуд̇д̇ам̣ ход̇и ад̇д̇асун̃н̃ад̇аад̣̇ассанзна анад̇д̇алагкан̣асса вихид̇ад̇д̇аа.

    60. Atthato puggalo natthīti vuttaṃ hoti attasuññatādassanena anattalakkhaṇassa vihitattā.

    важанасод̇ханаван̣н̣анаа нидтид̇аа.

    Vacanasodhanavaṇṇanā niṭṭhitā.

    10. бан̃н̃ад̇д̇аануяог̇аван̣н̣анаа

    10. Paññattānuyogavaṇṇanā

    61-66. руубагааяаавирахам̣ санд̇хааяа ааха, на руубад̇ан̣хаасаб̣бхаавам̣. д̇ат̇аа сад̇и анзганд̇игад̇д̇аа бадигкибид̇аб̣б̣амзва сияаа, на ануж̇аанид̇аб̣б̣анд̇и. ‘‘ад̇т̇ид̇ааяаа’’д̇и аахаад̇и самб̣анд̇хо. гаамийбхаавасса анзганд̇игад̇д̇аа гассажи гаамад̇хаад̇уубабаннасса гаамад̇хаад̇уяаа ааяад̇д̇ад̇д̇аабхаавад̇о жа гад̣̇аажи бхаавассзваад̇и яож̇анаа.

    61-66. Rūpakāyāvirahaṃsandhāya āha, na rūpataṇhāsabbhāvaṃ. Tathā sati anekantikattā paṭikkhipitabbameva siyā, na anujānitabbanti. ‘‘Atthitāyā’’ti āhāti sambandho. Kāmībhāvassa anekantikattā kassaci kāmadhātūpapannassa kāmadhātuyā āyattattābhāvato ca kadāci bhāvassevāti yojanā.

    67. гааяаанубассанааяаад̇и гааяаанубассанаад̣̇зсанааяа. саа хи гааяагааяаанубассийнам̣ вибхааг̇аг̇г̇ахан̣асса гааран̣абхууд̇аа, гааяаанубассанаа зва ваа. звам̣лад̣̇д̇хигад̇д̇аад̇и ан̃н̃о гааяо ан̃н̃о буг̇г̇алод̇и звам̣лад̣̇д̇хигад̇д̇аа. аахажжа бхаасид̇анд̇и таанагаран̣аани ааханд̇ваа гат̇ид̇ам̣, бхаг̇авад̇аа саамам̣ д̣̇зсид̇анд̇и ад̇т̇о.

    67. Kāyānupassanāyāti kāyānupassanādesanāya. Sā hi kāyakāyānupassīnaṃ vibhāgaggahaṇassa kāraṇabhūtā, kāyānupassanā eva vā. Evaṃladdhikattāti añño kāyo añño puggaloti evaṃladdhikattā. Āhacca bhāsitanti ṭhānakaraṇāni āhantvā kathitaṃ, bhagavatā sāmaṃ desitanti attho.

    бан̃н̃ад̇д̇аануяог̇аван̣н̣анаа нидтид̇аа.

    Paññattānuyogavaṇṇanā niṭṭhitā.

    11. г̇ад̇иануяог̇аван̣н̣анаа

    11. Gatianuyogavaṇṇanā

    69-72. яаанисса суд̇д̇аани ниссааяа лад̣̇д̇хи уббаннаа, д̇зсам̣ д̣̇ассанад̇о барад̇о ‘‘д̇зна хи буг̇г̇ало санд̇хаавад̇ий’’д̇иаад̣̇инаа баал̣и ааг̇ад̇аа, бурад̇о бана ‘‘на вад̇д̇аб̣б̣ам̣ буг̇г̇ало санд̇хаавад̇ий’’д̇иаад̣̇инаа, д̇асмаа вуд̇д̇ам̣ ‘‘д̣̇ассзнд̇о…бз… бхавид̇аб̣б̣а’’нд̇и. д̣̇ассзд̇ваад̇и ваа вад̇д̇аб̣б̣анд̇и ‘‘яаанисса…бз… д̇аани д̣̇ассзд̇ваа ‘д̇зна хи буг̇г̇ало санд̇хаавад̇ий’д̇иаад̣̇имаахаа’’д̇и вад̇д̇аб̣б̣анд̇и ад̇т̇о. д̣̇ассзнд̇од̇и ваа ид̣̇ам̣ д̣̇ассанагирияааяа на вад̇д̇амаанад̇аамад̇д̇аважанам̣, ат̇а ко д̇ассаа лагкан̣ад̇т̇аважанам̣, хзд̇убхаававажанам̣ ваад̇и на гожи д̣̇осо.

    69-72. Yānissa suttāni nissāya laddhi uppannā, tesaṃ dassanato parato ‘‘tena hi puggalo sandhāvatī’’tiādinā pāḷi āgatā, purato pana ‘‘na vattabbaṃ puggalo sandhāvatī’’tiādinā, tasmā vuttaṃ ‘‘dassento…pe… bhavitabba’’nti. Dassetvāti vā vattabbanti ‘‘yānissa…pe… tāni dassetvā ‘tena hi puggalo sandhāvatī’tiādimāhā’’ti vattabbanti attho. Dassentoti vā idaṃ dassanakiriyāya na vattamānatāmattavacanaṃ, atha kho tassā lakkhaṇatthavacanaṃ, hetubhāvavacanaṃ vāti na koci doso.

    91. со вад̇д̇аб̣б̣од̇и со ж̇ийвасарийраанам̣ анан̃н̃ад̇аабаж̇ж̇анаагааро вад̇д̇аб̣б̣о, над̇т̇ийд̇и ад̇хиббааяо. ‘‘руубий ад̇д̇аа’’д̇и имиссаа лад̣̇д̇хияаа васзна ‘‘язна руубасан̇каад̇зна ад̇д̇ано сабхаавабхууд̇зна сарийрзна сад̣̇д̇хим̣ г̇ажчад̇ий’’д̇и звам̣ бана ад̇т̇з сад̇и со аагааро вуд̇д̇о зва ход̇и, д̇ат̇аа жа сад̇и ‘‘руубам̣ буг̇г̇алод̇и ананун̃н̃аад̇ад̇д̇аа’’д̇и звамби вад̇д̇ум̣ на саггаа. яасмаа бана ‘‘ид̇ха сарийранигкзбаа’’д̇и ананд̇арам̣ вагкад̇и, д̇асмаа ‘‘со вад̇д̇аб̣б̣о’’д̇и вуд̇д̇ам̣. нираяуубаг̇асса буг̇г̇аласса анд̇араабхавам̣ на ижчад̇ийд̇и ид̣̇ам̣ бураад̇анаанам̣ анд̇араабхававаад̣̇ийнам̣ васзна вуд̇д̇ам̣. ад̇хунаад̇анаа бана ‘‘уд̣̇д̇хам̣баад̣̇о д̇у наараго’’д̇и вад̣̇анд̇аа д̇ассаби анд̇араабхавам̣ ижчанд̇зва, гзжи бана асан̃н̃уубаг̇аанам̣. аруубуубаг̇аанам̣ бана саб̣б̣зби на ижчанд̇и. д̇ад̇т̇а яз ‘‘сан̃н̃уббаад̣̇аа жа бана д̇з д̣̇зваа д̇амхаа гааяаа жаванд̇ий’’д̇и суд̇д̇асса ад̇т̇ам̣ мижчаа г̇ахзд̇ваа жуд̇уубабаад̇агаалзсу асан̃н̃ийнам̣ сан̃н̃аа ад̇т̇ийд̇и анд̇араабхавад̇ова асан̃н̃уубабад̇д̇им̣ ижчанд̇и, д̇ад̣̇ан̃н̃зсам̣ васзна ‘‘савзд̣̇ано…бз… бадигкибад̇ий’’д̇и д̣̇ассзнд̇о ‘‘яз банаа’’д̇иаад̣̇имааха. гз банзвам̣ ижчанд̇и? саб̣б̣ад̇т̇иваад̣̇ийсу згажжз.

    91. So vattabboti so jīvasarīrānaṃ anaññatāpajjanākāro vattabbo, natthīti adhippāyo. ‘‘Rūpī attā’’ti imissā laddhiyā vasena ‘‘yena rūpasaṅkhātena attano sabhāvabhūtena sarīrena saddhiṃ gacchatī’’ti evaṃ pana atthe sati so ākāro vutto eva hoti, tathā ca sati ‘‘rūpaṃ puggaloti ananuññātattā’’ti evampi vattuṃ na sakkā. Yasmā pana ‘‘idha sarīranikkhepā’’ti anantaraṃ vakkhati, tasmā ‘‘so vattabbo’’ti vuttaṃ. Nirayūpagassa puggalassa antarābhavaṃ na icchatīti idaṃ purātanānaṃ antarābhavavādīnaṃ vasena vuttaṃ. Adhunātanā pana ‘‘uddhaṃpādo tu nārako’’ti vadantā tassapi antarābhavaṃ icchanteva, keci pana asaññūpagānaṃ. Arūpūpagānaṃ pana sabbepi na icchanti. Tattha ye ‘‘saññuppādā ca pana te devā tamhā kāyā cavantī’’ti suttassa atthaṃ micchā gahetvā cutūpapātakālesu asaññīnaṃ saññā atthīti antarābhavatova asaññūpapattiṃ icchanti, tadaññesaṃ vasena ‘‘savedano…pe… paṭikkhipatī’’ti dassento ‘‘ye panā’’tiādimāha. Ke panevaṃ icchanti? Sabbatthivādīsu ekacce.

    92. нзвасан̃н̃аанаасан̃н̃ааяад̇анзд̇и нзвасан̃н̃аанаасан̃н̃ааяад̇анз бхавз, ажид̇д̇уббаад̣̇з ваа сан̃н̃аа ад̇т̇ийд̇и ижчанд̇ийд̇и на вад̇д̇аб̣б̣анд̇и самб̣анд̇хо. яад̇о со сан̃н̃аабхавзна асан̇г̇ахид̇о, бхаванд̇арабхаавзна жа сан̇г̇ахид̇о.

    92. Nevasaññānāsaññāyataneti nevasaññānāsaññāyatane bhave, acittuppāde vā saññā atthīti icchantīti na vattabbanti sambandho. Yato so saññābhavena asaṅgahito, bhavantarabhāvena ca saṅgahito.

    93. инд̇ханубаад̣̇аано аг̇г̇и вияа инд̇ханзна руубаад̣̇иубаад̣̇аано буг̇г̇ало руубаад̣̇инаа винаа над̇т̇ийд̇и зд̇т̇а аяамад̇хиббааяавибхааванаа – яат̇аа на винаа инд̇ханзна аг̇г̇и бан̃н̃аабийяад̇и, на жа д̇ам̣ ан̃н̃ам̣ инд̇ханад̇о саггаа бадиж̇аанид̇ум̣, нааби анан̃н̃ам̣. яад̣̇и хи ан̃н̃ам̣ сияаа, на ун̣хам̣ инд̇ханам̣ сияаа, ат̇а анан̃н̃ам̣, нид̣̇ахид̇аб̣б̣ам̣язва д̣̇аахагам̣ сияаа, звам̣ на винаа руубаад̣̇ийхи буг̇г̇ало бан̃н̃аабийяад̇и, на жа д̇зхи ан̃н̃о, нааби анан̃н̃о сассад̇ужчзд̣̇абхааваббасан̇г̇ад̇од̇и бараваад̣̇ино ад̇хиббааяо. д̇ад̇т̇а яад̣̇и аг̇г̇инд̇ханобамаа логавохаарзна вуд̇д̇аа, абал̣ид̇д̇ам̣ гадтаад̣̇иинд̇ханам̣ нид̣̇ахид̇аб̣б̣ан̃жа, бал̣ид̇д̇ам̣ бхаасурун̣хам̣ аг̇г̇ид̣̇аахаган̃жа, д̇ан̃жа ож̇адтамагаруубам̣ баб̣анд̇хавасзна бавад̇д̇ам̣ анижжам̣ сан̇кад̇ам̣ бадижжасамуббаннам̣. яад̣̇и звам̣ буг̇г̇ало руубаад̣̇ийхи ан̃н̃о анижжо жа аабанно, ат̇а барамад̇т̇ад̇о жа, д̇асмим̣язва гадтаад̣̇исан̃н̃ид̇з руубасан̇каад̇абал̣ид̇д̇з яам̣ усумам̣ со аг̇г̇и д̇ам̣сахаж̇аад̇аани д̇ийн̣ибхууд̇аани инд̇ханам̣. звамби сид̣̇д̇хам̣ лагкан̣абхзд̣̇ад̇о аг̇г̇инд̇ханаанам̣ ан̃н̃ад̇д̇анд̇и аг̇г̇и вияа инд̇ханад̇о руубаад̣̇ийхи ан̃н̃о буг̇г̇ало анижжо жа аабаж̇ж̇ад̇ийд̇и.

    93. Indhanupādāno aggi viya indhanena rūpādiupādāno puggalo rūpādinā vinā natthīti ettha ayamadhippāyavibhāvanā – yathā na vinā indhanena aggi paññāpīyati, na ca taṃ aññaṃ indhanato sakkā paṭijānituṃ, nāpi anaññaṃ. Yadi hi aññaṃ siyā, na uṇhaṃ indhanaṃ siyā, atha anaññaṃ, nidahitabbaṃyeva dāhakaṃ siyā, evaṃ na vinā rūpādīhi puggalo paññāpīyati, na ca tehi añño, nāpi anañño sassatucchedabhāvappasaṅgatoti paravādino adhippāyo. Tattha yadi aggindhanopamā lokavohārena vuttā, apaḷittaṃ kaṭṭhādiindhanaṃ nidahitabbañca, paḷittaṃ bhāsuruṇhaṃ aggidāhakañca, tañca ojaṭṭhamakarūpaṃ pabandhavasena pavattaṃ aniccaṃ saṅkhataṃ paṭiccasamuppannaṃ. Yadi evaṃ puggalo rūpādīhi añño anicco ca āpanno, atha paramatthato ca, tasmiṃyeva kaṭṭhādisaññite rūpasaṅkhātapaḷitte yaṃ usumaṃ so aggi taṃsahajātāni tīṇibhūtāni indhanaṃ. Evampi siddhaṃ lakkhaṇabhedato aggindhanānaṃ aññattanti aggi viya indhanato rūpādīhi añño puggalo anicco ca āpajjatīti.

    г̇ад̇иануяог̇аван̣н̣анаа нидтид̇аа.

    Gatianuyogavaṇṇanā niṭṭhitā.

    12. убаад̣̇аабан̃н̃ад̇д̇аануяог̇аван̣н̣анаа

    12. Upādāpaññattānuyogavaṇṇanā

    97. нийлаг̇ун̣аяог̇ад̇о нийло, нийло зва нийлаго, д̇асса, аяам̣ банасса нийлабан̃н̃ад̇д̇и нийларуубубаад̣̇аанаад̇и ааха ‘‘нийлам̣…бз… бан̃н̃ад̇д̇ий’’д̇и. звам̣ бана баатз тид̇з нийлам̣ убаад̣̇ааяа нийлод̇и гат̇амаяам̣ бад̣̇уд̣̇д̇хаарод̇и ааха ‘‘нийлам̣ руубам̣…бз… зд̇т̇а яо будто нийлам̣ убаад̣̇ааяа нийло’’д̇и. зд̇т̇аад̇и зд̇асмим̣ важанз. д̇ад̣̇аад̣̇ийсууд̇и ‘‘бийд̇ам̣ руубам̣ убаад̣̇ааяаа’’д̇иаад̣̇игам̣ адтагат̇ааяам̣ аад̣̇и-сад̣̇д̣̇зна г̇ахид̇амзва д̇ад̣̇ад̇т̇ад̣̇ассанавасзна г̇ан̣хаад̇и.

    97. Nīlaguṇayogato nīlo, nīlo eva nīlako, tassa, ayaṃ panassa nīlapaññatti nīlarūpupādānāti āha ‘‘nīlaṃ…pe… paññattī’’ti. Evaṃ pana pāṭhe ṭhite nīlaṃ upādāya nīloti kathamayaṃ paduddhāroti āha ‘‘nīlaṃ rūpaṃ…pe… ettha yo puṭṭho nīlaṃ upādāya nīlo’’ti. Etthāti etasmiṃ vacane. Tadādīsūti ‘‘pītaṃ rūpaṃ upādāyā’’tiādikaṃ aṭṭhakathāyaṃ ādi-saddena gahitameva tadatthadassanavasena gaṇhāti.

    98. вуд̇д̇анд̇и ‘‘маг̇г̇агусало’’д̇иаад̣̇ийсу чзгадтам̣ санд̇хааяа вуд̇д̇ам̣. гусалабан̃н̃ад̇д̇им̣ гусалавохаарам̣.

    98. Vuttanti ‘‘maggakusalo’’tiādīsu chekaṭṭhaṃ sandhāya vuttaṃ. Kusalapaññattiṃ kusalavohāraṃ.

    112. буб̣б̣абагкам̣ д̣̇ассзд̇ваа уд̇д̇арамаахаад̇и бараваад̣̇ий буб̣б̣абагкам̣ д̣̇ассзд̇ваа сагаваад̣̇исса уд̇д̇арамааха.

    112. Pubbapakkhaṃ dassetvā uttaramāhāti paravādī pubbapakkhaṃ dassetvā sakavādissa uttaramāha.

    115. ‘‘руубам̣ руубаваа’’д̇иаад̣̇инаяаббавад̇д̇ам̣ бараваад̣̇иваад̣̇ам̣ бхинд̣̇ид̇ум̣ ‘‘яат̇аа на ниг̇ал̣о нзг̇ал̣иго’’д̇иаад̣̇инаа сагаваад̣̇иваад̣̇о аарад̣̇д̇ход̇и ааха ‘‘яасса руубам̣ со руубаваад̇и уд̇д̇арабагкз вуд̇д̇ам̣ важанам̣ уд̣̇д̇харид̇ваа’’д̇и.

    115. ‘‘Rūpaṃ rūpavā’’tiādinayappavattaṃ paravādivādaṃ bhindituṃ ‘‘yathā na nigaḷo negaḷiko’’tiādinā sakavādivādo āraddhoti āha ‘‘yassa rūpaṃ so rūpavāti uttarapakkhe vuttaṃ vacanaṃ uddharitvā’’ti.

    118. вин̃н̃аан̣аниссаяабхаавуубаг̇амананд̇и жагкувин̃н̃аан̣асса ниссаяабхаавуубаг̇аманам̣. д̇аяид̣̇ам̣ висзсанам̣ жагкуссаад̇и иминаава сид̣̇д̇ханд̇и на гад̇ам̣ д̣̇адтаб̣б̣ам̣.

    118. Viññāṇanissayabhāvūpagamananti cakkhuviññāṇassa nissayabhāvūpagamanaṃ. Tayidaṃ visesanaṃ cakkhussāti imināva siddhanti na kataṃ daṭṭhabbaṃ.

    убаад̣̇аабан̃н̃ад̇д̇аануяог̇аван̣н̣анаа нидтид̇аа.

    Upādāpaññattānuyogavaṇṇanā niṭṭhitā.

    13. бурисагаараануяог̇аван̣н̣анаа

    13. Purisakārānuyogavaṇṇanā

    123. гаммаананд̇и гусалаагусалагаммаанам̣. д̇аг̇г̇ахан̣знзва хи д̇ам̣д̇ам̣гижжагаран̣ийяз гирияаанамби сан̇г̇ахо д̣̇адтаб̣б̣о. нибпаад̣̇агаббаяож̇агабхаавзнаад̇и гаарагагаараабагабхаавзна.

    123. Kammānanti kusalākusalakammānaṃ. Taggahaṇeneva hi taṃtaṃkiccakaraṇīye kiriyānampi saṅgaho daṭṭhabbo. Nipphādakappayojakabhāvenāti kārakakārāpakabhāvena.

    125. гаммагаарагасса буг̇г̇аласса яо ан̃н̃о буг̇г̇ало гаараго. д̇знабийд̇и гаарагагаарагзнаби. д̇ассаад̇и гаарагагаарагасса. ан̃н̃анд̇и ан̃н̃ам̣ гаммам̣. званд̇и иминаа вуд̇д̇аббагаарзна. д̇зхи д̇зхи гаарагзхи буг̇г̇алаа вияа ан̃н̃аани гаммаани гарийяанд̇ийд̇и д̣̇ассзд̇и. д̇знааха ‘‘гаммаваддасса анубажчзд̣̇ам̣ вад̣̇анд̇ий’’д̇и. звам̣ санд̇з буг̇г̇аласса гаараго, гаммасса гаарагод̇и аяам̣ вибхааг̇о ид̇ха анаамадто ход̇и, д̇ат̇аа жа сад̇и гаарагабарамбарааяа важанам̣ вируж̇жхзяяаад̇и ааха ‘‘буг̇г̇аласса…бз… вижаарзд̇аб̣б̣амзд̇а’’нд̇и. д̇асса гаараганд̇и буг̇г̇аласса гаарагам̣. ид̣̇ан̃жаад̇и на гзвалам̣ буг̇г̇алагаарагасса гаммагаарагад̇аабад̇д̇иязва д̣̇осо, ат̇а ко ид̣̇ам̣ гаммагаарагад̇ааяа гаарагабарамбараабаж̇ж̇анамби вижаарзд̇аб̣б̣ам̣, на яуж̇ж̇ад̇ийд̇и ад̇т̇о. буг̇г̇алаанан̃хи бадибаадияаа гаарагабхааво гаарагабарамбараа.

    125. Kammakārakassa puggalassa yo añño puggalo kārako. Tenapīti kārakakārakenapi. Tassāti kārakakārakassa. Aññanti aññaṃ kammaṃ. Evanti iminā vuttappakārena. Tehi tehi kārakehi puggalā viya aññāni kammāni karīyantīti dasseti. Tenāha ‘‘kammavaṭṭassa anupacchedaṃ vadantī’’ti. Evaṃ sante puggalassa kārako, kammassa kārakoti ayaṃ vibhāgo idha anāmaṭṭho hoti, tathā ca sati kārakaparamparāya vacanaṃ virujjheyyāti āha ‘‘puggalassa…pe… vicāretabbameta’’nti. Tassa kārakanti puggalassa kārakaṃ. Idañcāti na kevalaṃ puggalakārakassa kammakārakatāpattiyeva doso, atha kho idaṃ kammakārakatāya kārakaparamparāpajjanampi vicāretabbaṃ, na yujjatīti attho. Puggalānañhi paṭipāṭiyā kārakabhāvo kārakaparamparā.

    170. зго анд̇од̇и ‘‘г̇аахо’’д̇и сассад̇аг̇аахасан̇каад̇о анд̇од̇и ад̇т̇о.

    170. Eko antoti ‘‘gāho’’ti sassatagāhasaṅkhāto antoti attho.

    176. сияаа ан̃н̃о, сияаа анан̃н̃о, сияаа на вад̇д̇аб̣б̣о ‘‘ан̃н̃од̇и ваа анан̃н̃од̇и ваа’’д̇и , звам̣ бавад̇д̇аниг̇ан̣таваад̣̇асад̣̇исад̇д̇аа со зва зго нзва со ход̇и, на ан̃н̃од̇и лад̣̇д̇химад̇д̇ам̣. д̇знааха ‘‘ид̣̇ам̣ бана над̇т̇зваа’’д̇и. барасса ижчаавасзнзваад̇и бараваад̣̇ино лад̣̇д̇хивасзнзва. згам̣ анижчанд̇ассаад̇и згам̣ ‘‘со гарод̇и, со бадисам̣взд̣̇зд̇ий’’д̇и г̇ахан̣ам̣ сассад̇ад̣̇идтибхаязна бадигкибанд̇асса ид̇арам̣ ужчзд̣̇аг̇г̇ахан̣ам̣ аабаннам̣. д̇ан̃жа бадигкибанд̇асса ан̃н̃ам̣ миссагам̣ нижжаанижжаг̇г̇ахан̣ам̣, вигкзбаг̇г̇ахан̣ан̃жа аабаннам̣. гаарагавзд̣̇агижчааяа тад̇ваад̇и свзва гаараго взд̣̇аго жаад̇и имасмим̣ аад̣̇ааяз тад̇ваа. д̇ам̣д̇ам̣анижчааяаад̇и д̇асса д̇асса ваад̣̇асса асамбадижчанзна. аабаннавасзнабийд̇и аабаннаг̇аахавасзнаби аяам̣ ануяог̇о вуд̇д̇од̇и яож̇анаа. саб̣б̣зсам̣ аабаннад̇д̇аад̇и хздтаа вуд̇д̇анаязна саб̣б̣зсам̣ вигаббаанам̣ ануггамзна аабаннад̇д̇аа нааяамануяог̇о гад̇од̇и яож̇анаа. згзгассзваад̇и д̇зсу висум̣ висум̣ згзгассзва аабаннад̇д̇аа. д̇анд̇ивасзна бана д̇з вигаббаа згаж̇жхам̣ д̣̇ассзд̇ваад̇и ад̇хиббааяо. згад̇о яож̇зд̇аб̣б̣ам̣ жад̇уннамби бан̃хаанам̣ згад̇о будтад̇д̇аа.

    176. Siyā añño, siyā anañño, siyā na vattabbo ‘‘aññoti vā anaññoti vā’’ti , evaṃ pavattanigaṇṭhavādasadisattā so eva eko neva so hoti, na aññoti laddhimattaṃ. Tenāha ‘‘idaṃ pana natthevā’’ti. Parassa icchāvasenevāti paravādino laddhivaseneva. Ekaṃ anicchantassāti ekaṃ ‘‘so karoti, so paṭisaṃvedetī’’ti gahaṇaṃ sassatadiṭṭhibhayena paṭikkhipantassa itaraṃ ucchedaggahaṇaṃ āpannaṃ. Tañca paṭikkhipantassa aññaṃ missakaṃ niccāniccaggahaṇaṃ, vikkhepaggahaṇañca āpannaṃ. Kārakavedakicchāya ṭhatvāti sveva kārako vedako cāti imasmiṃ ādāye ṭhatvā. Taṃtaṃanicchāyāti tassa tassa vādassa asampaṭicchanena. Āpannavasenapīti āpannagāhavasenapi ayaṃ anuyogo vuttoti yojanā. Sabbesaṃ āpannattāti heṭṭhā vuttanayena sabbesaṃ vikappānaṃ anukkamena āpannattā nāyamanuyogo katoti yojanā. Ekekassevāti tesu visuṃ visuṃ ekekasseva āpannattā. Tantivasena pana te vikappā ekajjhaṃ dassetvāti adhippāyo. Ekato yojetabbaṃ catunnampi pañhānaṃ ekato puṭṭhattā.

    бурисагаараануяог̇аван̣н̣анаа нидтид̇аа.

    Purisakārānuyogavaṇṇanā niṭṭhitā.

    галяаан̣аваг̇г̇о нидтид̇о.

    Kalyāṇavaggo niṭṭhito.

    14. абхин̃н̃аануяог̇аван̣н̣анаа

    14. Abhiññānuyogavaṇṇanā

    193. вигуб̣б̣ад̇ийд̇и зд̇т̇а ид̇и-сад̣̇д̣̇о аад̣̇иад̇т̇о, багаарад̇т̇о ваа. д̇зна ‘‘д̣̇иб̣б̣ааяа сод̇ад̇хаад̇уяаа сад̣̇д̣̇ам̣ сун̣аад̇ий’’д̇иаад̣̇игам̣ сан̇г̇ан̣хаад̇и. абхин̃н̃аануяог̇о д̣̇адтаб̣б̣од̇и яож̇анаа. д̇ад̣̇абхин̃н̃аавад̇од̇и аасавагкаяаабхин̃н̃аавад̇о. арахад̇о саад̇хананд̇и арахад̇о сажжигадтабарамад̇т̇зна буг̇г̇алад̇д̇аабхаавасаад̇ханам̣. д̇аб̣бхаавассаад̇и арахад̇д̇асса. арахад̇д̇ад̇хаараанан̃хи канд̇хаа наама буг̇г̇алад̇д̇ам̣ д̇ассаби ход̇ийд̇и.

    193. Vikubbatīti ettha iti-saddo ādiattho, pakārattho vā. Tena ‘‘dibbāya sotadhātuyā saddaṃ suṇātī’’tiādikaṃ saṅgaṇhāti. Abhiññānuyogo daṭṭhabboti yojanā. Tadabhiññāvatoti āsavakkhayābhiññāvato. Arahato sādhananti arahato saccikaṭṭhaparamatthena puggalattābhāvasādhanaṃ. Tabbhāvassāti arahattassa. Arahattadhārānañhi khandhā nāma puggalattaṃ tassapi hotīti.

    абхин̃н̃аануяог̇аван̣н̣анаа нидтид̇аа.

    Abhiññānuyogavaṇṇanā niṭṭhitā.

    15-18. н̃аад̇агаануяог̇аад̣̇иван̣н̣анаа

    15-18. Ñātakānuyogādivaṇṇanā

    209. д̇ад̇ияагодибхууд̇ассаад̇и д̇ад̇ияагодисабхаавасса сан̇кад̇аасан̇кад̇авинимуд̇д̇асабхаавасса. сабхаавассаад̇и жа сабхаавад̇хаммасса. лад̣̇д̇хим̣ ниг̇уухид̇ваад̇и буг̇г̇ало нзва сан̇кад̇о, наасан̇кад̇од̇и лад̣̇д̇хим̣ авибхаавзд̇ваа.

    209. Tatiyakoṭibhūtassāti tatiyakoṭisabhāvassa saṅkhatāsaṅkhatavinimuttasabhāvassa. Sabhāvassāti ca sabhāvadhammassa. Laddhiṃ nigūhitvāti puggalo neva saṅkhato, nāsaṅkhatoti laddhiṃ avibhāvetvā.

    н̃аад̇агаануяог̇аад̣̇иван̣н̣анаа нидтид̇аа.

    Ñātakānuyogādivaṇṇanā niṭṭhitā.

    19. бадивзд̇хаануяог̇аад̣̇иван̣н̣анаа

    19. Paṭivedhānuyogādivaṇṇanā

    218. баж̇аананам̣ наама на ход̇и ниб̣б̣ид̣̇аад̣̇ийнам̣ аббажжаяад̇д̇аа. барижчзд̣̇анасамад̇т̇ад̇ан̃жа д̣̇ассзд̇ийд̇и самб̣анд̇хо.

    218. Pajānanaṃ nāma na hoti nibbidādīnaṃ appaccayattā. Paricchedanasamatthatañca dassetīti sambandho.

    228. сахаруубабхааво руубзна саман̇г̇ид̇аа, винааруубабхааво д̇ад̇о виниссадад̇аад̇и д̇ад̣̇убхаяам̣ руубасса аб̣бханд̇араг̇аманам̣ б̣ахинигкаманан̃жа ход̇и. д̇асмаа д̇ам̣ д̣̇ваяам̣ сахаруубабхаававинааруубабхааваанам̣ лагкан̣аважананд̇и вуд̇д̇ам̣.

    228. Saharūpabhāvo rūpena samaṅgitā, vinārūpabhāvo tato vinissaṭatāti tadubhayaṃ rūpassa abbhantaragamanaṃ bahinikkhamanañca hoti. Tasmā taṃ dvayaṃ saharūpabhāvavinārūpabhāvānaṃ lakkhaṇavacananti vuttaṃ.

    237. ол̣ааригод̇и т̇ууло. аахид̇о ахам̣ маано зд̇т̇аад̇и ад̇д̇аа, ад̇д̇абхааво. со зва яат̇аасагам̣ гаммунаа бадилабхид̇аб̣б̣ад̇о бадилаабхо. бад̣̇ад̣̇ваязнаби гаамааважарад̇д̇абхааво гат̇ид̇о. маномаяо ад̇д̇абадилаабхо руубааважарад̇д̇абхааво. со хи жхаанаманзна ниб̣б̣ад̇д̇ад̇д̇аа маномаяо. аруубо ад̇д̇абадилаабход̇и аруубааважарад̇д̇абхааво. со хи руубзна амиссид̇ад̇д̇аа аруубод̇и звамзд̇т̇а ад̇т̇о взд̣̇ид̇аб̣б̣о. ‘‘ад̇д̇аа’’д̇и бана ж̇ийвз логавохааро нирул̣хо, асад̇иби ж̇ийвз д̇ат̇аанирул̣хам̣ логавохаарам̣ г̇ахзд̇ваа саммаасамб̣уд̣̇д̇хааби вохаранд̇ийд̇и д̣̇ассзнд̇о ‘‘ид̇и имаа логасса саман̃н̃аа, яаахи д̇ат̇ааг̇ад̇о вохарад̇ий’’д̇и вад̇ваа ид̣̇аани яат̇аа вохаранд̇и, д̇ам̣ багаарам̣ вибхаавзнд̇о ‘‘абараамаса’’нд̇иаад̣̇имааха.

    237. Oḷārikoti thūlo. Āhito ahaṃ māno etthāti attā, attabhāvo. So eva yathāsakaṃ kammunā paṭilabhitabbato paṭilābho. Padadvayenapi kāmāvacarattabhāvo kathito. Manomayo attapaṭilābho rūpāvacarattabhāvo. So hi jhānamanena nibbattattā manomayo. Arūpo attapaṭilābhoti arūpāvacarattabhāvo. So hi rūpena amissitattā arūpoti evamettha attho veditabbo. ‘‘Attā’’ti pana jīve lokavohāro niruḷho, asatipi jīve tathāniruḷhaṃ lokavohāraṃ gahetvā sammāsambuddhāpi voharantīti dassento ‘‘iti imā lokassa samaññā, yāhi tathāgato voharatī’’ti vatvā idāni yathā voharanti, taṃ pakāraṃ vibhāvento ‘‘aparāmasa’’ntiādimāha.

    бажжад̇д̇асааман̃н̃алагкан̣авасзнаад̇и гагкал̣апусанаад̣̇исалагкан̣авасзна анижжад̇аад̣̇исааман̃н̃алагкан̣авасзна жа. иминаад̇и ‘‘бажжад̇д̇асааман̃н̃алагкан̣авасзнаа’’д̇иаад̣̇инаа вуд̇д̇зна барамад̇т̇ад̇о буг̇г̇алаабхаававажанзна . ид̇о буримаад̇и д̇ад̇т̇а д̇ад̇т̇а сагаваад̣̇ибадигкзбаад̣̇ивибхааванавасзна бавад̇д̇аа ид̇о ад̇т̇асам̣ван̣н̣анад̇о буримаа. иминаад̇и ваа ‘‘яат̇аа руубаад̣̇аяо д̇хаммаа’’д̇иаад̣̇инаа адтагат̇ааяам̣ вуд̇д̇аважанзна. яат̇аа жаад̇и зд̇т̇а жа-сад̣̇д̣̇о самужжаяад̇т̇о. д̇зна саман̃н̃аанад̇ид̇хааванам̣ самбин̣д̣зд̇и. ид̣̇ам̣ вуд̇д̇ам̣ ход̇и – яат̇аа бараамаасо жа на ход̇и ж̇анабад̣̇анируд̇д̇ияаа абхинивисид̇аб̣б̣ад̇о, яат̇аа жа саман̃н̃аад̇ид̇хааванам̣ на ход̇и, звам̣ ид̇о буримаа жа ад̇т̇аван̣н̣анаа яож̇зд̇аб̣б̣аа. саман̃н̃аад̇ид̇хааванз хи сад̇и саб̣б̣алогавохааруубажчзд̣̇о сияаад̇и.

    Paccattasāmaññalakkhaṇavasenāti kakkhaḷaphusanādisalakkhaṇavasena aniccatādisāmaññalakkhaṇavasena ca. Imināti ‘‘paccattasāmaññalakkhaṇavasenā’’tiādinā vuttena paramatthato puggalābhāvavacanena . Ito purimāti tattha tattha sakavādipaṭikkhepādivibhāvanavasena pavattā ito atthasaṃvaṇṇanato purimā. Imināti vā ‘‘yathā rūpādayo dhammā’’tiādinā aṭṭhakathāyaṃ vuttavacanena. Yathā cāti ettha ca-saddo samuccayattho. Tena samaññānatidhāvanaṃ sampiṇḍeti. Idaṃ vuttaṃ hoti – yathā parāmāso ca na hoti janapadaniruttiyā abhinivisitabbato, yathā ca samaññātidhāvanaṃ na hoti, evaṃ ito purimā ca atthavaṇṇanā yojetabbā. Samaññātidhāvane hi sati sabbalokavohārūpacchedo siyāti.

    д̇асмаа сажжанд̇и яасмаа д̇ад̇т̇а барамад̇т̇аагаарам̣ анааробзд̇ваа саман̃н̃ам̣ наад̇ид̇хааванд̇о гзвалам̣ логасаммуд̇ияаава вохарад̇и, д̇асмаа сажжам̣ барзсам̣ ависам̣ваад̣̇анад̇о. д̇ат̇агааран̣анд̇и д̇ат̇о авид̇ат̇о д̇хаммасабхааво гааран̣ам̣ бавад̇д̇ихзд̇у зд̇ассаад̇и д̇ат̇агааран̣ам̣, барамад̇т̇аважанам̣, авибарийд̇ад̇хаммасабхаавависаяанд̇и ад̇т̇о. д̇знааха ‘‘д̇хаммаанам̣ д̇ат̇ад̇ааяа бавад̇д̇а’’нд̇и.

    Tasmā saccanti yasmā tattha paramatthākāraṃ anāropetvā samaññaṃ nātidhāvanto kevalaṃ lokasammutiyāva voharati, tasmā saccaṃ paresaṃ avisaṃvādanato. Tathakāraṇanti tatho avitatho dhammasabhāvo kāraṇaṃ pavattihetu etassāti tathakāraṇaṃ, paramatthavacanaṃ, aviparītadhammasabhāvavisayanti attho. Tenāha ‘‘dhammānaṃ tathatāya pavatta’’nti.

    бадивзд̇хаануяог̇аад̣̇иван̣н̣анаа нидтид̇аа.

    Paṭivedhānuyogādivaṇṇanā niṭṭhitā.

    буг̇г̇алагат̇ааван̣н̣анаа нидтид̇аа.

    Puggalakathāvaṇṇanā niṭṭhitā.




    Next: 2. барихаанигат̇аа • 2. Parihānikathā




    Related texts:



    д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / 1. буг̇г̇алагат̇аа • 1. Puggalakathā

    адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 1. буг̇г̇алагат̇аа • 1. Puggalakathā

    дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. буг̇г̇алагат̇аа • 1. Puggalakathā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact