| Library / Tipiṭaka / तिपिटक • Tipiṭaka / अपदानपाळि • Apadānapāḷi |
७. पुलिनुप्पादकत्थेरअपदानं
7. Pulinuppādakattheraapadānaṃ
१११.
111.
‘‘पब्बते हिमवन्तम्हि, देवलो नाम तापसो।
‘‘Pabbate himavantamhi, devalo nāma tāpaso;
तत्थ मे चङ्कमो आसि, अमनुस्सेहि मापितो॥
Tattha me caṅkamo āsi, amanussehi māpito.
११२.
112.
उत्तमत्थं गवेसन्तो, विपिना निक्खमिं तदा॥
Uttamatthaṃ gavesanto, vipinā nikkhamiṃ tadā.
११३.
113.
‘‘चुल्लासीतिसहस्सानि, सिस्सा मय्हं उपट्ठहुं।
‘‘Cullāsītisahassāni, sissā mayhaṃ upaṭṭhahuṃ;
सककम्माभिपसुता, वसन्ति विपिने तदा॥
Sakakammābhipasutā, vasanti vipine tadā.
११४.
114.
‘‘अस्समा अभिनिक्खम्म, अकं पुलिनचेतियं।
‘‘Assamā abhinikkhamma, akaṃ pulinacetiyaṃ;
नानापुप्फं समानेत्वा, तं चेतियमपूजयिं॥
Nānāpupphaṃ samānetvā, taṃ cetiyamapūjayiṃ.
११५.
115.
‘‘तत्थ चित्तं पसादेत्वा, अस्समं पविसामहं।
‘‘Tattha cittaṃ pasādetvā, assamaṃ pavisāmahaṃ;
सब्बे सिस्सा समागन्त्वा, एतमत्थं पुच्छिंसु मं 3॥
Sabbe sissā samāgantvā, etamatthaṃ pucchiṃsu maṃ 4.
११६.
116.
मयम्पि ञातुमिच्छाम, पुट्ठो आचिक्ख नो तुवं’॥
Mayampi ñātumicchāma, puṭṭho ācikkha no tuvaṃ’.
११७.
117.
ते खो अहं नमस्सामि, बुद्धसेट्ठे महायसे’॥
Te kho ahaṃ namassāmi, buddhaseṭṭhe mahāyase’.
११८.
118.
‘‘‘कीदिसा ते महावीरा, सब्बञ्ञू लोकनायका।
‘‘‘Kīdisā te mahāvīrā, sabbaññū lokanāyakā;
कथंवण्णा कथंसीला, कीदिसा ते महायसा’॥
Kathaṃvaṇṇā kathaṃsīlā, kīdisā te mahāyasā’.
११९.
119.
‘‘‘बात्तिंसलक्खणा बुद्धा, चत्तालीसदिजापि च।
‘‘‘Bāttiṃsalakkhaṇā buddhā, cattālīsadijāpi ca;
नेत्ता गोपखुमा तेसं, जिञ्जुका फलसन्निभा॥
Nettā gopakhumā tesaṃ, jiñjukā phalasannibhā.
१२०.
120.
‘‘‘गच्छमाना च ते बुद्धा, युगमत्तञ्च पेक्खरे।
‘‘‘Gacchamānā ca te buddhā, yugamattañca pekkhare;
न तेसं जाणु नदति, सन्धिसद्दो न सुय्यति॥
Na tesaṃ jāṇu nadati, sandhisaddo na suyyati.
१२१.
121.
‘‘‘गच्छमाना च सुगता, उद्धरन्ताव गच्छरे।
‘‘‘Gacchamānā ca sugatā, uddharantāva gacchare;
पठमं दक्खिणं पादं, बुद्धानं एस धम्मता॥
Paṭhamaṃ dakkhiṇaṃ pādaṃ, buddhānaṃ esa dhammatā.
१२२.
122.
‘‘‘असम्भीता च ते बुद्धा, मिगराजाव केसरी।
‘‘‘Asambhītā ca te buddhā, migarājāva kesarī;
नेवुक्कंसेन्ति अत्तानं, नो च वम्भेन्ति पाणिनं॥
Nevukkaṃsenti attānaṃ, no ca vambhenti pāṇinaṃ.
१२३.
123.
‘‘‘मानावमानतो मुत्ता, समा सब्बेसु पाणिसु।
‘‘‘Mānāvamānato muttā, samā sabbesu pāṇisu;
अनत्तुक्कंसका बुद्धा, बुद्धानं एस धम्मता॥
Anattukkaṃsakā buddhā, buddhānaṃ esa dhammatā.
१२४.
124.
‘‘‘उप्पज्जन्ता च सम्बुद्धा, आलोकं दस्सयन्ति ते।
‘‘‘Uppajjantā ca sambuddhā, ālokaṃ dassayanti te;
छप्पकारं पकम्पेन्ति, केवलं वसुधं इमं॥
Chappakāraṃ pakampenti, kevalaṃ vasudhaṃ imaṃ.
१२५.
125.
‘‘‘पस्सन्ति निरयञ्चेते, निब्बाति निरयो तदा।
‘‘‘Passanti nirayañcete, nibbāti nirayo tadā;
पवस्सति महामेघो, बुद्धानं एस धम्मता॥
Pavassati mahāmegho, buddhānaṃ esa dhammatā.
१२६.
126.
वण्णतो अनतिक्कन्ता, अप्पमेय्या तथागता’॥
Vaṇṇato anatikkantā, appameyyā tathāgatā’.
१२७.
127.
‘‘‘अनुमोदिंसु मे वाक्यं, सब्बे सिस्सा सगारवा।
‘‘‘Anumodiṃsu me vākyaṃ, sabbe sissā sagāravā;
तथा च पटिपज्जिंसु, यथासत्ति यथाबलं’॥
Tathā ca paṭipajjiṃsu, yathāsatti yathābalaṃ’.
१२८.
128.
‘‘पटिपूजेन्ति पुलिनं, सककम्माभिलासिनो।
‘‘Paṭipūjenti pulinaṃ, sakakammābhilāsino;
१२९.
129.
‘‘तदा चवित्वा तुसिता, देवपुत्तो महायसो।
‘‘Tadā cavitvā tusitā, devaputto mahāyaso;
उप्पज्जि मातुकुच्छिम्हि, दससहस्सि कम्पथ॥
Uppajji mātukucchimhi, dasasahassi kampatha.
१३०.
130.
‘‘अस्समस्साविदूरम्हि, चङ्कमम्हि ठितो अहं।
‘‘Assamassāvidūramhi, caṅkamamhi ṭhito ahaṃ;
सब्बे सिस्सा समागन्त्वा, आगच्छुं मम सन्तिके॥
Sabbe sissā samāgantvā, āgacchuṃ mama santike.
१३१.
131.
‘‘उसभोव मही नदति, मिगराजाव कूजति।
‘‘Usabhova mahī nadati, migarājāva kūjati;
१३२.
132.
‘‘यं पकित्तेमि सम्बुद्धं, सिकताथूपसन्तिके।
‘‘Yaṃ pakittemi sambuddhaṃ, sikatāthūpasantike;
सो दानि भगवा सत्था, मातुकुच्छिमुपागमि॥
So dāni bhagavā satthā, mātukucchimupāgami.
१३३.
133.
‘‘तेसं धम्मकथं वत्वा, कित्तयित्वा महामुनिं।
‘‘Tesaṃ dhammakathaṃ vatvā, kittayitvā mahāmuniṃ;
उय्योजेत्वा सके सिस्से, पल्लङ्कमाभुजिं अहं॥
Uyyojetvā sake sisse, pallaṅkamābhujiṃ ahaṃ.
१३४.
134.
१३५.
135.
‘‘सब्बे सिस्सा समागन्त्वा, अकंसु चितकं तदा।
‘‘Sabbe sissā samāgantvā, akaṃsu citakaṃ tadā;
कळेवरञ्च मे गय्ह, चितकं अभिरोपयुं॥
Kaḷevarañca me gayha, citakaṃ abhiropayuṃ.
१३६.
136.
‘‘चितकं परिवारेत्वा, सीसे कत्वान अञ्जलिं।
‘‘Citakaṃ parivāretvā, sīse katvāna añjaliṃ;
सोकसल्लपरेता ते, विक्कन्दिंसु समागता॥
Sokasallaparetā te, vikkandiṃsu samāgatā.
१३७.
137.
‘‘तेसं लालप्पमानानं, अगमं चितकं तदा।
‘‘Tesaṃ lālappamānānaṃ, agamaṃ citakaṃ tadā;
‘अहं आचरियो तुम्हं, मा सोचित्थ सुमेधसा॥
‘Ahaṃ ācariyo tumhaṃ, mā socittha sumedhasā.
१३८.
138.
‘‘‘सदत्थे वायमेय्याथ, रत्तिन्दिवमतन्दिता।
‘‘‘Sadatthe vāyameyyātha, rattindivamatanditā;
१३९.
139.
‘‘सके सिस्सेनुसासित्वा, देवलोकं पुनागमिं।
‘‘Sake sissenusāsitvā, devalokaṃ punāgamiṃ;
अट्ठारस च कप्पानि, देवलोके रमामहं॥
Aṭṭhārasa ca kappāni, devaloke ramāmahaṃ.
१४०.
140.
‘‘सतानं पञ्चक्खत्तुञ्च, चक्कवत्ती अहोसहं।
‘‘Satānaṃ pañcakkhattuñca, cakkavattī ahosahaṃ;
अनेकसतक्खत्तुञ्च, देवरज्जमकारयिं॥
Anekasatakkhattuñca, devarajjamakārayiṃ.
१४१.
141.
१४२.
142.
‘‘यथा कोमुदिके मासे, बहू पुप्फन्ति पादपा।
‘‘Yathā komudike māse, bahū pupphanti pādapā;
तथेवाहम्पि समये, पुप्फितोम्हि महेसिना॥
Tathevāhampi samaye, pupphitomhi mahesinā.
१४३.
143.
‘‘वीरियं मे धुरधोरय्हं, योगक्खेमाधिवाहनं।
‘‘Vīriyaṃ me dhuradhorayhaṃ, yogakkhemādhivāhanaṃ;
नागोव बन्धनं छेत्वा, विहरामि अनासवो॥
Nāgova bandhanaṃ chetvā, viharāmi anāsavo.
१४४.
144.
‘‘सतसहस्सितो कप्पे, यं बुद्धमभिकित्तयिं।
‘‘Satasahassito kappe, yaṃ buddhamabhikittayiṃ;
दुग्गतिं नाभिजानामि, कित्तनाय इदं फलं॥
Duggatiṃ nābhijānāmi, kittanāya idaṃ phalaṃ.
१४५.
145.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
१४६.
146.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
१४७.
147.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पुलिनुप्पादको थेरो इमा गाथायो
Itthaṃ sudaṃ āyasmā pulinuppādako thero imā gāthāyo
अभासित्थाति।
Abhāsitthāti.
पुलिनुप्पादकत्थेरस्सापदानं सत्तमं।
Pulinuppādakattherassāpadānaṃ sattamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. पंसुकूलसञ्ञकत्थेरअपदानादिवण्णना • 1-10. Paṃsukūlasaññakattheraapadānādivaṇṇanā
