| Library / Tipiṭaka / ཏིཔིཊཀ • Tipiṭaka / ཨཔདཱན-ཨཊྛཀཐཱ • Apadāna-aṭṭhakathā |
༩. པུནྣཱགཔུཔྥིཡཏྠེརཨཔདཱནཝཎྞནཱ
9. Punnāgapupphiyattheraapadānavaṇṇanā
ཀཱནནཾ ཝནམོགཡ྄ཧཱཏིཨཱདིཀཾ ཨཱཡསྨཏོ པུནྣཱགཔུཔྥིཡཏྠེརསྶ ཨཔདཱནཾ། ཨཡམྤི པུརིམཛིནཝརེསུ ཀཏཱདྷིཀཱརོ ཏཏྠ ཏཏྠ བྷཝེ ཝིཝཊྚཱུཔནིསྶཡཱནི པུཉྙཱནི ཨུཔཙིནནྟོ ཕུསྶསྶ བྷགཝཏོ ཀཱལེ ནེསཱདཀུལེ ནིབྦཏྟོ མཧཱཝནཾ པཝིཊྛོ ཏཏྠ སུཔུཔྥིཏཔུནྣཱགཔུཔྥཾ དིསྭཱ ཧེཏུསམྤནྣཏྟཱ བུདྡྷཱརམྨཎཔཱིཏིཝསེན བྷགཝནྟཾ སརིཏྭཱ ཏཾ པུཔྥཾ སཧ ཀཎྞིཀཱཧི ཨོཙིནིཏྭཱ ཝཱལུཀཱཧི ཙེཏིཡཾ ཀཏྭཱ པཱུཛེསི།
Kānanaṃvanamogayhātiādikaṃ āyasmato punnāgapupphiyattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto phussassa bhagavato kāle nesādakule nibbatto mahāvanaṃ paviṭṭho tattha supupphitapunnāgapupphaṃ disvā hetusampannattā buddhārammaṇapītivasena bhagavantaṃ saritvā taṃ pupphaṃ saha kaṇṇikāhi ocinitvā vālukāhi cetiyaṃ katvā pūjesi.
༤༦. སོ ཏེན པུཉྙེན དྭེནཝུཏིཀཔྤེ ནིརནྟརཾ དེཝམནུསྶསམྤཏྟིཡོཡེཝ ཨནུབྷཝིཏྭཱ ཨིམསྨིཾ བུདྡྷུཔྤཱདེ སཱཝཏྠིཡཾ ཝིབྷཝསམྤནྣེ ཀུལེ ནིབྦཏྟོ ཝུདྡྷིམནྭཱཡ པུབྦཝཱསནཱབལེན སཱསནེ པསནྣོ པབྦཛིཏྭཱ ཝཱཡམནྟོ ནཙིརསྶེཝ ཨརཧཱ ཧུཏྭཱ པུབྦེ ཀཏཀུསལཾ སརིཏྭཱ སོམནསྶཛཱཏོ པུབྦཙརིཏཱཔདཱནཾ པཀཱསེནྟོ ཀཱནནཾ ཝནམོགཡ྄ཧཱཏིཨཱདིམཱཧ། ཏཾ སབྦཾ ཧེཊྛཱ ཝུཏྟཏྟཱ ཨུཏྟཱནཏྠམེཝཱཏི།
46. So tena puññena dvenavutikappe nirantaraṃ devamanussasampattiyoyeva anubhavitvā imasmiṃ buddhuppāde sāvatthiyaṃ vibhavasampanne kule nibbatto vuddhimanvāya pubbavāsanābalena sāsane pasanno pabbajitvā vāyamanto nacirasseva arahā hutvā pubbe katakusalaṃ saritvā somanassajāto pubbacaritāpadānaṃ pakāsento kānanaṃ vanamogayhātiādimāha. Taṃ sabbaṃ heṭṭhā vuttattā uttānatthamevāti.
པུནྣཱགཔུཔྥིཡཏྠེརཨཔདཱནཝཎྞནཱ སམཏྟཱ།
Punnāgapupphiyattheraapadānavaṇṇanā samattā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / ཨཔདཱནཔཱལི༹ • Apadānapāḷi / ༩. པུནྣཱགཔུཔྥིཡཏྠེརཨཔདཱནཾ • 9. Punnāgapupphiyattheraapadānaṃ
