| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੬. ਪੁਞ੍ਞਕਿਰਿਯવਤ੍ਥੁਸੁਤ੍ਤવਣ੍ਣਨਾ
6. Puññakiriyavatthusuttavaṇṇanā
੩੬. ਛਟ੍ਠੇ ਪੁਜ੍ਜਭવਫਲਂ ਨਿਬ੍ਬਤ੍ਤੇਨ੍ਤਿ, ਅਤ੍ਤਨੋ ਸਨ੍ਤਾਨਂ ਪੁਨਨ੍ਤੀਤਿ વਾ ਪੁਞ੍ਞਾਨਿ ਚ ਤਾਨਿ ਹੇਤੁਪਚ੍ਚਯੇਹਿ ਕਤ੍ਤਬ੍ਬਤੋ ਕਿਰਿਯਾ ਚਾਤਿ ਪੁਞ੍ਞਕਿਰਿਯਾ, ਤਾਯੇવ ਚ ਤੇਸਂ ਤੇਸਂ ਪਿਯਮਨਾਪਤਾਦਿਆਨਿਸਂਸਾਨਂ વਤ੍ਥੁਭਾવਤੋ ਪੁਞ੍ਞਕਿਰਿਯવਤ੍ਥੂਨਿ।
36. Chaṭṭhe pujjabhavaphalaṃ nibbattenti, attano santānaṃ punantīti vā puññāni ca tāni hetupaccayehi kattabbato kiriyā cāti puññakiriyā, tāyeva ca tesaṃ tesaṃ piyamanāpatādiānisaṃsānaṃ vatthubhāvato puññakiriyavatthūni.
ਅਨੁਚ੍ਛਿਨ੍ਨਭવਮੂਲਸ੍ਸ ਅਨੁਗ੍ਗਹવਸੇਨ, ਪੂਜਾવਸੇਨ વਾ ਅਤ੍ਤਨੋ ਦੇਯ੍ਯਧਮ੍ਮਸ੍ਸ ਪਰਸ੍ਸ ਪਰਿਚ੍ਚਾਗਚੇਤਨਾ ਦੀਯਤਿ ਏਤੇਨਾਤਿ ਦਾਨਂ, ਦਾਨਮੇવ ਦਾਨਮਯਂ। ਪਦਪੂਰਣਮਤ੍ਤਂ ਮਯ-ਸਦ੍ਦੋ। ਚੀવਰਾਦੀਸੁ ਚਤੂਸੁ ਪਚ੍ਚਯੇਸੁ (ਦੀ॰ ਨਿ॰ ਅਟ੍ਠ॰ ੩.੩੦੫), ਅਨ੍ਨਾਦੀਸੁ વਾ ਦਸਸੁ ਦਾਨવਤ੍ਥੂਸੁ, ਰੂਪਾਦੀਸੁ વਾ ਛਸੁ ਆਰਮ੍ਮਣੇਸੁ ਤਂ ਤਂ ਦੇਨ੍ਤਸ੍ਸ ਤੇਸਂ ਉਪ੍ਪਾਦਨਤੋ ਪਟ੍ਠਾਯ ਪੁਬ੍ਬਭਾਗੇ ਪਰਿਚ੍ਚਾਗਕਾਲੇ ਪਚ੍ਛਾ ਸੋਮਨਸ੍ਸਚਿਤ੍ਤੇਨ ਅਨੁਸ੍ਸਰਣੇ ਚਾਤਿ ਤੀਸੁ ਕਾਲੇਸੁ ਪવਤ੍ਤਚੇਤਨਾ ਦਾਨਮਯਂ ਪੁਞ੍ਞਕਿਰਿਯવਤ੍ਥੁ ਨਾਮ।
Anucchinnabhavamūlassa anuggahavasena, pūjāvasena vā attano deyyadhammassa parassa pariccāgacetanā dīyati etenāti dānaṃ, dānameva dānamayaṃ. Padapūraṇamattaṃ maya-saddo. Cīvarādīsu catūsu paccayesu (dī. ni. aṭṭha. 3.305), annādīsu vā dasasu dānavatthūsu, rūpādīsu vā chasu ārammaṇesu taṃ taṃ dentassa tesaṃ uppādanato paṭṭhāya pubbabhāge pariccāgakāle pacchā somanassacittena anussaraṇe cāti tīsu kālesu pavattacetanā dānamayaṃ puññakiriyavatthu nāma.
ਨਿਚ੍ਚਸੀਲਉਪੋਸਥਸੀਲਾਦਿવਸੇਨ ਪਞ੍ਚ ਅਟ੍ਠ ਦਸ વਾ ਸੀਲਾਨਿ ਸਮਾਦਿਯਨ੍ਤਸ੍ਸ ‘‘ਸੀਲਪੂਰਣਤ੍ਥਂ ਪਬ੍ਬਜਿਸ੍ਸਾਮੀ’’ਤਿ વਿਹਾਰਂ ਗਚ੍ਛਨ੍ਤਸ੍ਸ ਪਬ੍ਬਜਨ੍ਤਸ੍ਸ, ਮਨੋਰਥਂ ਮਤ੍ਥਕਂ ਪਾਪੇਤ੍વਾ ‘‘ਪਬ੍ਬਜਿਤੋ વਤਮ੍ਹਿ ਸਾਧੁ ਸੁਟ੍ਠੂ’’ਤਿ ਆવਜ੍ਜੇਨ੍ਤਸ੍ਸ, ਸਦ੍ਧਾਯ ਪਾਤਿਮੋਕ੍ਖਂ ਪਰਿਪੂਰੇਨ੍ਤਸ੍ਸ, ਪਞ੍ਞਾਯ ਚੀવਰਾਦਿਕੇ ਪਚ੍ਚਯੇ ਪਚ੍ਚવੇਕ੍ਖਨ੍ਤਸ੍ਸ, ਸਤਿਯਾ ਆਪਾਥਗਤੇਸੁ ਰੂਪਾਦੀਸੁ ਚਕ੍ਖੁਦ੍વਾਰਾਦੀਨਿ ਸਂવਰਨ੍ਤਸ੍ਸ, વੀਰਿਯੇਨ ਆਜੀવਂ ਸੋਧੇਨ੍ਤਸ੍ਸ ਚ ਪવਤ੍ਤਚੇਤਨਾ ਸੀਲਤਿ, ਸੀਲੇਤੀਤਿ વਾ ਸੀਲਮਯਂ ਪੁਞ੍ਞਕਿਰਿਯવਤ੍ਥੁ ਨਾਮ।
Niccasīlauposathasīlādivasena pañca aṭṭha dasa vā sīlāni samādiyantassa ‘‘sīlapūraṇatthaṃ pabbajissāmī’’ti vihāraṃ gacchantassa pabbajantassa, manorathaṃ matthakaṃ pāpetvā ‘‘pabbajito vatamhi sādhu suṭṭhū’’ti āvajjentassa, saddhāya pātimokkhaṃ paripūrentassa, paññāya cīvarādike paccaye paccavekkhantassa, satiyā āpāthagatesu rūpādīsu cakkhudvārādīni saṃvarantassa, vīriyena ājīvaṃ sodhentassa ca pavattacetanā sīlati, sīletīti vā sīlamayaṃ puññakiriyavatthu nāma.
ਪਟਿਸਮ੍ਭਿਦਾਯਂ (ਪਟਿ॰ ਮ॰ ੧.੪੮) વੁਤ੍ਤੇਨ વਿਪਸ੍ਸਨਾਮਗ੍ਗੇਨ ਚਕ੍ਖੁਂ ਅਨਿਚ੍ਚਤੋ ਦੁਕ੍ਖਤੋ ਅਨਤ੍ਤਤੋ વਿਪਸ੍ਸਨ੍ਤਸ੍ਸ, ਸੋਤਂ…ਪੇ॰… ਘਾਨਂ…ਪੇ॰… ਜਿવ੍ਹਂ…ਪੇ॰… ਕਾਯਂ…ਪੇ॰… ਰੂਪੇ…ਪੇ॰… ਧਮ੍ਮੇ…ਪੇ॰… ਚਕ੍ਖੁવਿਞ੍ਞਾਣਂ…ਪੇ॰… ਮਨੋવਿਞ੍ਞਾਣਂ…ਪੇ॰… ਚਕ੍ਖੁਸਮ੍ਫਸ੍ਸਂ …ਪੇ॰… ਮਨੋਸਮ੍ਫਸ੍ਸਂ…ਪੇ॰… ਚਕ੍ਖੁਸਮ੍ਫਸ੍ਸਜਂ વੇਦਨਂ…ਪੇ॰… ਮਨੋਸਮ੍ਫਸ੍ਸਜਂ વੇਦਨਂ…ਪੇ॰… ਜਰਾਮਰਣਂ ਅਨਿਚ੍ਚਤੋ ਦੁਕ੍ਖਤੋ ਅਨਤ੍ਤਤੋ વਿਪਸ੍ਸਨ੍ਤਸ੍ਸ ਯਾ ਚੇਤਨਾ, ਯਾ ਚ ਪਥવੀਕਸਿਣਾਦੀਸੁ ਸਬ੍ਬਾਸੁ ਅਟ੍ਠਤ੍ਤਿਂਸਾਯ ਆਰਮ੍ਮਣੇਸੁ ਪવਤ੍ਤਾ ਝਾਨਚੇਤਨਾ, ਯਾ ਚ ਅਨવਜ੍ਜੇਸੁ ਕਮ੍ਮਾਯਤਨਸਿਪ੍ਪਾਯਤਨવਿਜ੍ਜਾਟ੍ਠਾਨੇਸੁ ਪਰਿਚਯਮਨਸਿਕਾਰਾਦਿવਸੇਨ ਪવਤ੍ਤਾ ਚੇਤਨਾ, ਸਬ੍ਬਾ ਸਾ ਭਾવੇਤਿ ਏਤਾਯਾਤਿ ਭਾવਨਾਮਯਂ વੁਤ੍ਤਨਯੇਨ ਪੁਞ੍ਞਕਿਰਿਯવਤ੍ਥੁ ਚਾਤਿ ਭਾવਨਾਮਯਂ ਪੁਞ੍ਞਕਿਰਿਯવਤ੍ਥੁ।
Paṭisambhidāyaṃ (paṭi. ma. 1.48) vuttena vipassanāmaggena cakkhuṃ aniccato dukkhato anattato vipassantassa, sotaṃ…pe… ghānaṃ…pe… jivhaṃ…pe… kāyaṃ…pe… rūpe…pe… dhamme…pe… cakkhuviññāṇaṃ…pe… manoviññāṇaṃ…pe… cakkhusamphassaṃ …pe… manosamphassaṃ…pe… cakkhusamphassajaṃ vedanaṃ…pe… manosamphassajaṃ vedanaṃ…pe… jarāmaraṇaṃ aniccato dukkhato anattato vipassantassa yā cetanā, yā ca pathavīkasiṇādīsu sabbāsu aṭṭhattiṃsāya ārammaṇesu pavattā jhānacetanā, yā ca anavajjesu kammāyatanasippāyatanavijjāṭṭhānesu paricayamanasikārādivasena pavattā cetanā, sabbā sā bhāveti etāyāti bhāvanāmayaṃ vuttanayena puññakiriyavatthu cāti bhāvanāmayaṃ puññakiriyavatthu.
ਏਕਮੇਕਞ੍ਚੇਤ੍ਥ ਯਥਾਰਹਂ ਪੁਬ੍ਬਭਾਗਤੋ ਪਟ੍ਠਾਯ ਕਰੋਨ੍ਤਸ੍ਸ ਕਾਯਕਮ੍ਮਂ ਹੋਤਿ। ਤਦਤ੍ਥਂ વਾਚਂ ਨਿਚ੍ਛਾਰੇਨ੍ਤਸ੍ਸ વਚੀਕਮ੍ਮਂ। ਕਾਯਙ੍ਗਂ વਾਚਙ੍ਗਞ੍ਚ ਅਚੋਪੇਤ੍વਾ ਮਨਸਾ ਚਿਨ੍ਤਯਨ੍ਤਸ੍ਸ ਮਨੋਕਮ੍ਮਂ। ਅਨ੍ਨਾਦੀਨਿ ਦੇਨ੍ਤਸ੍ਸ ਚਾਪਿ ‘‘ਅਨ੍ਨਦਾਨਾਦੀਨਿ ਦੇਮੀ’’ਤਿ વਾ, ਦਾਨਪਾਰਮਿਂ ਆવਜ੍ਜੇਤ੍વਾ વਾ ਦਾਨਕਾਲੇ ਦਾਨਮਯਂ ਪੁਞ੍ਞਕਿਰਿਯવਤ੍ਥੁ ਹੋਤਿ। ਯਥਾ ਹਿ ਕੇવਲਂ ‘‘ਅਨ੍ਨਦਾਨਾਦੀਨਿ ਦੇਮੀ’’ਤਿ ਦਾਨਕਾਲੇ ਦਾਨਮਯਂ ਪੁਞ੍ਞਕਿਰਿਯવਤ੍ਥੁ ਹੋਤਿ, ਏવਂ ‘‘ਇਦਂ ਦਾਨਮਯਂ ਸਮ੍ਮਾਸਮ੍ਬੋਧਿਯਾ ਪਚ੍ਚਯੋ ਹੋਤੂ’’ਤਿ ਦਾਨਪਾਰਮਿਂ ਆવਜ੍ਜੇਤ੍વਾ ਦਾਨਕਾਲੇਪਿ ਦਾਨਸੀਸੇਨੇવ ਪવਤ੍ਤਿਤਤ੍ਤਾ। વਤ੍ਤਸੀਸੇ ਠਤ੍વਾ ਦਦਨ੍ਤੋ ‘‘ਏਤਂ ਦਾਨਂ ਨਾਮ ਮਯ੍ਹਂ ਕੁਲવਂਸਹੇਤੁ ਪવੇਣਿਚਾਰਿਤ੍ਤ’’ਨ੍ਤਿ ਚਾਰਿਤ੍ਤਸੀਸੇਨ વਾ ਦੇਨ੍ਤੋ ਚਾਰਿਤ੍ਤਸੀਲਤ੍ਤਾ ਸੀਲਮਯਂ। ਖਯਤੋ વਯਤੋ ਸਮ੍ਮਸਨਂ ਪਟ੍ਠਪੇਤ੍વਾ ਦਦਤੋ ਭਾવਨਾਮਯਂ ਪੁਞ੍ਞਕਿਰਿਯવਤ੍ਥੁ ਹੋਤਿ। ਯਥਾ ਹਿ ਦੇਯ੍ਯਧਮ੍ਮਪਰਿਚ੍ਚਾਗવਸੇਨ વਤ੍ਤਮਾਨਾਪਿ ਦਾਨਚੇਤਨਾ વਤ੍ਤਸੀਸੇ ਠਤ੍વਾ ਦਦਤੋ ਸੀਲਮਯਂ ਪੁਞ੍ਞਕਿਰਿਯવਤ੍ਥੁ ਹੋਤਿ ਪੁਬ੍ਬਾਭਿਸਙ੍ਖਾਰਸ੍ਸ ਅਪਰਭਾਗੇ ਚੇਤਨਾਯ ਚ ਤਥਾਪવਤ੍ਤਤ੍ਤਾ।
Ekamekañcettha yathārahaṃ pubbabhāgato paṭṭhāya karontassa kāyakammaṃ hoti. Tadatthaṃ vācaṃ nicchārentassa vacīkammaṃ. Kāyaṅgaṃ vācaṅgañca acopetvā manasā cintayantassa manokammaṃ. Annādīni dentassa cāpi ‘‘annadānādīni demī’’ti vā, dānapāramiṃ āvajjetvā vā dānakāle dānamayaṃ puññakiriyavatthu hoti. Yathā hi kevalaṃ ‘‘annadānādīni demī’’ti dānakāle dānamayaṃ puññakiriyavatthu hoti, evaṃ ‘‘idaṃ dānamayaṃ sammāsambodhiyā paccayo hotū’’ti dānapāramiṃ āvajjetvā dānakālepi dānasīseneva pavattitattā. Vattasīse ṭhatvā dadanto ‘‘etaṃ dānaṃ nāma mayhaṃ kulavaṃsahetu paveṇicāritta’’nti cārittasīsena vā dento cārittasīlattā sīlamayaṃ. Khayato vayato sammasanaṃ paṭṭhapetvā dadato bhāvanāmayaṃ puññakiriyavatthu hoti. Yathā hi deyyadhammapariccāgavasena vattamānāpi dānacetanā vattasīse ṭhatvā dadato sīlamayaṃ puññakiriyavatthu hoti pubbābhisaṅkhārassa aparabhāge cetanāya ca tathāpavattattā.
ਪੁਞ੍ਞਕਿਰਿਯવਤ੍ਥੁਸੁਤ੍ਤવਣ੍ਣਨਾ ਨਿਟ੍ਠਿਤਾ।
Puññakiriyavatthusuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਪੁਞ੍ਞਕਿਰਿਯવਤ੍ਥੁਸੁਤ੍ਤਂ • 6. Puññakiriyavatthusuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੬. ਪੁਞ੍ਞਕਿਰਿਯવਤ੍ਥੁਸੁਤ੍ਤવਣ੍ਣਨਾ • 6. Puññakiriyavatthusuttavaṇṇanā
