| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[214] 4. бун̣н̣анад̣̇ийж̇аад̇агаван̣н̣анаа
[214] 4. Puṇṇanadījātakavaṇṇanā
бун̣н̣ам̣ над̣̇инд̇и ид̣̇ам̣ сад̇т̇аа ж̇зд̇аванз вихаранд̇о бан̃н̃аабаарамим̣ аараб̣бха гат̇зси. згасмин̃хи д̣̇ивасз д̇хаммасабхааяам̣ бхигкуу д̇ат̇ааг̇ад̇асса бан̃н̃ам̣ аараб̣бха гат̇ам̣ самудтаабзсум̣ – ‘‘аавусо, саммаасамб̣уд̣̇д̇хо махаабан̃н̃о бут̇убан̃н̃о хаасабан̃н̃о ж̇аванабан̃н̃о д̇игкабан̃н̃о г̇амбхийрабан̃н̃о ниб̣б̣зд̇хигабан̃н̃о убааяабан̃н̃ааяа саманнааг̇ад̇о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби д̇ат̇ааг̇ад̇о бан̃н̃аваа убааяагусалоязваа’’д̇и вад̇ваа ад̇ийд̇ам̣ аахари.
Puṇṇaṃ nadinti idaṃ satthā jetavane viharanto paññāpāramiṃ ārabbha kathesi. Ekasmiñhi divase dhammasabhāyaṃ bhikkhū tathāgatassa paññaṃ ārabbha kathaṃ samuṭṭhāpesuṃ – ‘‘āvuso, sammāsambuddho mahāpañño puthupañño hāsapañño javanapañño tikkhapañño gambhīrapañño nibbedhikapañño upāyapaññāya samannāgato’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi tathāgato paññavā upāyakusaloyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о бурохид̇агулз ниб̣б̣ад̇д̇ид̇ваа ваяаббад̇д̇о д̇аггасилааяам̣ саб̣б̣асиббаани уг̇г̇ан̣хид̇ваа бид̇у ажжаязна бурохид̇адтаанам̣ лабхид̇ваа б̣аараан̣асиран̃н̃о ад̇т̇ад̇хаммаанусаасаго ахоси. абарабхааг̇з рааж̇аа барибхзд̣̇агаанам̣ гат̇ам̣ г̇ахзд̇ваа б̣од̇хисад̇д̇асса гуд̣̇д̇хо ‘‘маа мама санд̇игз васий’’д̇и б̣од̇хисад̇д̇ам̣ б̣аараан̣асид̇о баб̣б̣ааж̇зси. б̣од̇хисад̇д̇о буд̇д̇ад̣̇аарам̣ г̇ахзд̇ваа згасмим̣ гаасигаг̇аамагз ваасам̣ габбзси. абарабхааг̇з рааж̇аа д̇асса г̇ун̣ам̣ сарид̇ваа ‘‘маяхам̣ ган̃жи бзсзд̇ваа аажарияам̣ баггосид̇ум̣ на яуд̇д̇ам̣, згам̣ бана г̇аат̇ам̣ б̣анд̇хид̇ваа бан̣н̣ам̣ ликид̇ваа гаагамам̣сам̣ бажаабзд̇ваа бан̣н̣ан̃жа мам̣сан̃жа сзд̇авад̇т̇зна баливзтзд̇ваа рааж̇амуд̣̇д̣̇игааяа лан̃чзд̇ваа бзсзссаами. яад̣̇и бан̣д̣ид̇о бхависсад̇и, бан̣н̣ам̣ ваажзд̇ваа гаагамам̣сабхаавам̣ н̃ад̇ваа ааг̇амиссад̇и, но жз, нааг̇амиссад̇ий’’д̇и ‘‘бун̣н̣ам̣ над̣̇и’’нд̇и имам̣ г̇аат̇ам̣ бан̣н̣з лики –
Atīte bārāṇasiyaṃ brahmadatte rajjaṃ kārente bodhisatto purohitakule nibbattitvā vayappatto takkasilāyaṃ sabbasippāni uggaṇhitvā pitu accayena purohitaṭṭhānaṃ labhitvā bārāṇasirañño atthadhammānusāsako ahosi. Aparabhāge rājā paribhedakānaṃ kathaṃ gahetvā bodhisattassa kuddho ‘‘mā mama santike vasī’’ti bodhisattaṃ bārāṇasito pabbājesi. Bodhisatto puttadāraṃ gahetvā ekasmiṃ kāsikagāmake vāsaṃ kappesi. Aparabhāge rājā tassa guṇaṃ saritvā ‘‘mayhaṃ kañci pesetvā ācariyaṃ pakkosituṃ na yuttaṃ, ekaṃ pana gāthaṃ bandhitvā paṇṇaṃ likhitvā kākamaṃsaṃ pacāpetvā paṇṇañca maṃsañca setavatthena paliveṭhetvā rājamuddikāya lañchetvā pesessāmi. Yadi paṇḍito bhavissati, paṇṇaṃ vācetvā kākamaṃsabhāvaṃ ñatvā āgamissati, no ce, nāgamissatī’’ti ‘‘puṇṇaṃ nadi’’nti imaṃ gāthaṃ paṇṇe likhi –
127.
127.
‘‘бун̣н̣ам̣ над̣̇им̣ язна жа бзяяамааху, ж̇аад̇ам̣ яавам̣ язна жа г̇уяхамааху;
‘‘Puṇṇaṃ nadiṃ yena ca peyyamāhu, jātaṃ yavaṃ yena ca guyhamāhu;
д̣̇уурам̣ г̇ад̇ам̣ язна жа авхаяанд̇и, со д̇яааг̇ад̇о ханд̣̇а жа бхун̃ж̇а б̣раахман̣аа’’д̇и.
Dūraṃ gataṃ yena ca avhayanti, so tyāgato handa ca bhuñja brāhmaṇā’’ti.
д̇ад̇т̇а бун̣н̣ам̣ над̣̇им̣ язна жа бзяяамаахууд̇и гаагабзяяаа над̣̇ийхи вад̣̇анд̇аа язна бун̣н̣ам̣ над̣̇им̣ гаагабзяяамааху, на хи абун̣н̣аа над̣̇ий ‘‘гаагабзяяаа’’д̇и вужжад̇и. яад̣̇ааби над̣̇ийд̇ийрз тад̇ваа г̇ийвам̣ басаарзд̇ваа гаагзна баад̇ум̣ саггаа ход̇и, д̇ад̣̇аа нам̣ ‘‘гаагабзяяаа’’д̇и вад̣̇анд̇и. ж̇аад̇ам̣ яавам̣ язна жа г̇уяхамаахууд̇и яаванд̇и д̣̇зсанаасийсамад̇д̇ам̣, ид̇ха бана саб̣б̣амби ж̇аад̇ам̣ уг̇г̇ад̇ам̣ самбаннад̇арун̣асассам̣ ад̇хиббзд̇ам̣. д̇ан̃хи яад̣̇аа анд̇о бавидтагаагам̣ бадижчаад̣̇зд̇ум̣ саггод̇и, д̇ад̣̇аа г̇уяхад̇ийд̇и г̇уяхам̣. гим̣ г̇уяхад̇и? гаагам̣. ид̇и гаагасса г̇уяхам̣ гаагаг̇уяханд̇и д̇ам̣ вад̣̇амаанаа гаагзна г̇уяхаважанасса гааран̣абхууд̇зна ‘‘г̇уяха’’нд̇и вад̣̇анд̇и. д̇зна вуд̇д̇ам̣ ‘‘язна жа г̇уяхамаахуу’’д̇и. д̣̇уурам̣ г̇ад̇ам̣ язна жа авхаяанд̇ийд̇и д̣̇уурам̣ г̇ад̇ам̣ виббавуд̇т̇ам̣ бияабуг̇г̇алам̣ яам̣ ааг̇анд̇ваа нисиннам̣ д̣̇исваа сажз ид̇т̇аннаамо ааг̇ажчад̇и, васса гаагаад̇и ваа вассанд̇ан̃н̃зва ваа суд̇ваа ‘‘яат̇аа гааго вассад̇и, ид̇т̇аннаамо ааг̇амиссад̇ий’’д̇и звам̣ вад̣̇анд̇аа язна жа авхаяанд̇и гат̇знд̇и манд̇знд̇и, уд̣̇аахаранд̇ийд̇и ад̇т̇о. со д̇яааг̇ад̇од̇и со д̇з аанийд̇о. ханд̣̇а жа бхун̃ж̇а, б̣раахман̣аад̇и г̇ан̣ха, б̣раахман̣а, бхун̃ж̇ассу нам̣, каад̣̇а ид̣̇ам̣ гаагамам̣санд̇и ад̇т̇о.
Tattha puṇṇaṃ nadiṃ yena ca peyyamāhūti kākapeyyā nadīhi vadantā yena puṇṇaṃ nadiṃ kākapeyyamāhu, na hi apuṇṇā nadī ‘‘kākapeyyā’’ti vuccati. Yadāpi nadītīre ṭhatvā gīvaṃ pasāretvā kākena pātuṃ sakkā hoti, tadā naṃ ‘‘kākapeyyā’’ti vadanti. Jātaṃ yavaṃ yena ca guyhamāhūti yavanti desanāsīsamattaṃ, idha pana sabbampi jātaṃ uggataṃ sampannataruṇasassaṃ adhippetaṃ. Tañhi yadā anto paviṭṭhakākaṃ paṭicchādetuṃ sakkoti, tadā guyhatīti guyhaṃ. Kiṃ guyhati? Kākaṃ. Iti kākassa guyhaṃ kākaguyhanti taṃ vadamānā kākena guyhavacanassa kāraṇabhūtena ‘‘guyha’’nti vadanti. Tena vuttaṃ ‘‘yena ca guyhamāhū’’ti. Dūraṃ gataṃ yena ca avhayantīti dūraṃ gataṃ vippavutthaṃ piyapuggalaṃ yaṃ āgantvā nisinnaṃ disvā sace itthannāmo āgacchati, vassa kākāti vā vassantaññeva vā sutvā ‘‘yathā kāko vassati, itthannāmo āgamissatī’’ti evaṃ vadantā yena ca avhayanti kathenti mantenti, udāharantīti attho. So tyāgatoti so te ānīto. Handa ca bhuñja, brāhmaṇāti gaṇha, brāhmaṇa, bhuñjassu naṃ, khāda idaṃ kākamaṃsanti attho.
ид̇и рааж̇аа имам̣ г̇аат̇ам̣ бан̣н̣з ликид̇ваа б̣од̇хисад̇д̇асса бзсзси. со бан̣н̣ам̣ ваажзд̇ваа ‘‘рааж̇аа мам̣ д̣̇адтугаамо’’д̇и н̃ад̇ваа д̣̇уд̇ияам̣ г̇аат̇амааха –
Iti rājā imaṃ gāthaṃ paṇṇe likhitvā bodhisattassa pesesi. So paṇṇaṃ vācetvā ‘‘rājā maṃ daṭṭhukāmo’’ti ñatvā dutiyaṃ gāthamāha –
128.
128.
‘‘яад̇о мам̣ сарад̇ий рааж̇аа, вааяасамби бахзд̇авз;
‘‘Yato maṃ saratī rājā, vāyasampi pahetave;
хам̣саа гон̃жаа маяуураа жа, асад̇ийязва баабияаа’’д̇и.
Haṃsā koñcā mayūrā ca, asatīyeva pāpiyā’’ti.
д̇ад̇т̇а яад̇о мам̣ сарад̇ий рааж̇аа, вааяасамби бахзд̇авзд̇и яад̣̇аа рааж̇аа вааяасамам̣сам̣ лабхид̇ваа д̇амби бахзд̇ум̣ мам̣ сарад̇и. хам̣саа гон̃жаа маяуураа жаад̇и яад̣̇аа банасса зд̇з хам̣саад̣̇аяо убанийд̇аа бхависсанд̇и, згаани хам̣самам̣саад̣̇ийни лажчад̇и, д̇ад̣̇аа мам̣ гасмаа на сариссад̇ийд̇и ад̇т̇о? адтагат̇ааяам̣ бана ‘‘хам̣сагон̃жамаяуураана’’нд̇и баато. со сунд̣̇арад̇араа, имзсам̣ хам̣саад̣̇ийнам̣ мам̣сам̣ лабхид̇ваа гасмаа мам̣ на сариссад̇и, сариссад̇иязваад̇и ад̇т̇о. асад̇ийязва баабияаад̇и яам̣ ваа д̇ам̣ ваа лабхид̇ваа саран̣ам̣ наама сунд̣̇арам̣, логасмим̣ бана асад̇иязва баабияаа, асад̇игаран̣ам̣язва хийнам̣ лаамагам̣, д̇ан̃жа амхаагам̣ ран̃н̃о над̇т̇и. сарад̇и мам̣ рааж̇аа, ааг̇аманам̣ мз бажжаасийсад̇и, д̇асмаа г̇амиссаамийд̇и яаанам̣ яож̇аабзд̇ваа г̇анд̇ваа рааж̇аанам̣ басси, рааж̇аа д̇уссид̇ваа бурохид̇адтаанзязва бад̇идтаабзси.
Tattha yato maṃ saratī rājā, vāyasampi pahetaveti yadā rājā vāyasamaṃsaṃ labhitvā tampi pahetuṃ maṃ sarati. Haṃsā koñcā mayūrā cāti yadā panassa ete haṃsādayo upanītā bhavissanti, ekāni haṃsamaṃsādīni lacchati, tadā maṃ kasmā na sarissatīti attho? Aṭṭhakathāyaṃ pana ‘‘haṃsakoñcamayūrāna’’nti pāṭho. So sundaratarā, imesaṃ haṃsādīnaṃ maṃsaṃ labhitvā kasmā maṃ na sarissati, sarissatiyevāti attho. Asatīyeva pāpiyāti yaṃ vā taṃ vā labhitvā saraṇaṃ nāma sundaraṃ, lokasmiṃ pana asatiyeva pāpiyā, asatikaraṇaṃyeva hīnaṃ lāmakaṃ, tañca amhākaṃ rañño natthi. Sarati maṃ rājā, āgamanaṃ me paccāsīsati, tasmā gamissāmīti yānaṃ yojāpetvā gantvā rājānaṃ passi, rājā tussitvā purohitaṭṭhāneyeva patiṭṭhāpesi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа рааж̇аа аананд̣̇о ахоси, бурохид̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā rājā ānando ahosi, purohito pana ahameva ahosi’’nti.
бун̣н̣анад̣̇ийж̇аад̇агаван̣н̣анаа жад̇уд̇т̇аа.
Puṇṇanadījātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 214. бун̣н̣анад̣̇ийж̇аад̇агам̣ • 214. Puṇṇanadījātakaṃ
