| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
10. бубпажан̇годияад̇т̇зраабад̣̇аанам̣
10. Pupphacaṅkoṭiyattheraapadānaṃ
68.
68.
‘‘абхийд̇аруубам̣ сийхам̣ва, г̇арул̣аг̇г̇ам̣ва багкинам̣;
‘‘Abhītarūpaṃ sīhaṃva, garuḷaggaṃva pakkhinaṃ;
б̣яаг̇гхуусабхам̣ва баварам̣, абхиж̇аад̇ам̣ва гзсарим̣.
Byagghūsabhaṃva pavaraṃ, abhijātaṃva kesariṃ.
69.
69.
‘‘сиким̣ д̇илогасаран̣ам̣, анзж̇ам̣ абарааж̇ид̇ам̣;
‘‘Sikhiṃ tilokasaraṇaṃ, anejaṃ aparājitaṃ;
нисиннам̣ саман̣аанаг̇г̇ам̣, бхигкусан̇гхабурагкад̇ам̣.
Nisinnaṃ samaṇānaggaṃ, bhikkhusaṅghapurakkhataṃ.
70.
70.
‘‘жан̇годагз 1 табзд̇ваана, анож̇ам̣ бубпамуд̇д̇амам̣;
‘‘Caṅkoṭake 2 ṭhapetvāna, anojaṃ pupphamuttamaṃ;
саха жан̇годагзнзва, б̣уд̣̇д̇хасздтам̣ самогирим̣.
Saha caṅkoṭakeneva, buddhaseṭṭhaṃ samokiriṃ.
71.
71.
‘‘д̇зна жид̇д̇аббасаад̣̇зна, д̣̇вибад̣̇инд̣̇а нараасабха;
‘‘Tena cittappasādena, dvipadinda narāsabha;
бад̇д̇омхи ажалам̣ таанам̣, хид̇ваа ж̇аяабарааж̇аяам̣.
Pattomhi acalaṃ ṭhānaṃ, hitvā jayaparājayaṃ.
72.
72.
‘‘згад̇д̇им̣сз ид̇о габбз, яам̣ гаммамагарим̣ д̇ад̣̇аа;
‘‘Ekattiṃse ito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
73.
73.
‘‘самбун̣н̣з д̇им̣сагаббамхи, д̣̇звабхууд̇исанаамагаа;
‘‘Sampuṇṇe tiṃsakappamhi, devabhūtisanāmakā;
сад̇д̇арад̇анасамбаннаа, бан̃жаасум̣ жаггавад̇д̇ино.
Sattaratanasampannā, pañcāsuṃ cakkavattino.
74.
74.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа бубпажан̇годияо т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā pupphacaṅkoṭiyo thero imā gāthāyo abhāsitthāti.
бубпажан̇годияад̇т̇зрассаабад̣̇аанам̣ д̣̇асамам̣.
Pupphacaṅkoṭiyattherassāpadānaṃ dasamaṃ.
сагажинд̇анияаваг̇г̇о сад̇д̇амо.
Sakacintaniyavaggo sattamo.
д̇ассуд̣̇д̣̇аанам̣ –
Tassuddānaṃ –
сагажинд̇ий авобубпий, сабажжааг̇аманзна жа;
Sakacintī avopupphī, sapaccāgamanena ca;
бараббасаад̣̇ий бхисад̣̇о, сужинд̇и вад̇т̇ад̣̇ааяаго.
Parappasādī bhisado, sucinti vatthadāyako.
амб̣ад̣̇ааяий жа сумано, бубпажан̇годагийби жа;
Ambadāyī ca sumano, pupphacaṅkoṭakīpi ca;
г̇аат̇згасад̇д̇ад̇и вуд̇д̇аа, г̇ан̣ид̇аа ад̇т̇ад̣̇ассибхи.
Gāthekasattati vuttā, gaṇitā atthadassibhi.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 10. бубпажан̇годияад̇т̇зраабад̣̇аанаван̣н̣анаа • 10. Pupphacaṅkoṭiyattheraapadānavaṇṇanā
