| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१०. पुप्फचङ्कोटियत्थेरअपदानं
10. Pupphacaṅkoṭiyattheraapadānaṃ
६८.
68.
‘‘अभीतरूपं सीहंव, गरुळग्गंव पक्खिनं।
‘‘Abhītarūpaṃ sīhaṃva, garuḷaggaṃva pakkhinaṃ;
ब्यग्घूसभंव पवरं, अभिजातंव केसरिं॥
Byagghūsabhaṃva pavaraṃ, abhijātaṃva kesariṃ.
६९.
69.
‘‘सिखिं तिलोकसरणं, अनेजं अपराजितं।
‘‘Sikhiṃ tilokasaraṇaṃ, anejaṃ aparājitaṃ;
निसिन्नं समणानग्गं, भिक्खुसङ्घपुरक्खतं॥
Nisinnaṃ samaṇānaggaṃ, bhikkhusaṅghapurakkhataṃ.
७०.
70.
सह चङ्कोटकेनेव, बुद्धसेट्ठं समोकिरिं॥
Saha caṅkoṭakeneva, buddhaseṭṭhaṃ samokiriṃ.
७१.
71.
‘‘तेन चित्तप्पसादेन, द्विपदिन्द नरासभ।
‘‘Tena cittappasādena, dvipadinda narāsabha;
पत्तोम्हि अचलं ठानं, हित्वा जयपराजयं॥
Pattomhi acalaṃ ṭhānaṃ, hitvā jayaparājayaṃ.
७२.
72.
‘‘एकत्तिंसे इतो कप्पे, यं कम्ममकरिं तदा।
‘‘Ekattiṃse ito kappe, yaṃ kammamakariṃ tadā;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
७३.
73.
‘‘सम्पुण्णे तिंसकप्पम्हि, देवभूतिसनामका।
‘‘Sampuṇṇe tiṃsakappamhi, devabhūtisanāmakā;
सत्तरतनसम्पन्ना, पञ्चासुं चक्कवत्तिनो॥
Sattaratanasampannā, pañcāsuṃ cakkavattino.
७४.
74.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पुप्फचङ्कोटियो थेरो इमा गाथायो अभासित्थाति।
Itthaṃ sudaṃ āyasmā pupphacaṅkoṭiyo thero imā gāthāyo abhāsitthāti.
पुप्फचङ्कोटियत्थेरस्सापदानं दसमं।
Pupphacaṅkoṭiyattherassāpadānaṃ dasamaṃ.
सकचिन्तनियवग्गो सत्तमो।
Sakacintaniyavaggo sattamo.
तस्सुद्दानं –
Tassuddānaṃ –
सकचिन्ती अवोपुप्फी, सपच्चागमनेन च।
Sakacintī avopupphī, sapaccāgamanena ca;
परप्पसादी भिसदो, सुचिन्ति वत्थदायको॥
Parappasādī bhisado, sucinti vatthadāyako.
अम्बदायी च सुमनो, पुप्फचङ्कोटकीपि च।
Ambadāyī ca sumano, pupphacaṅkoṭakīpi ca;
गाथेकसत्तति वुत्ता, गणिता अत्थदस्सिभि॥
Gāthekasattati vuttā, gaṇitā atthadassibhi.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १०. पुप्फचङ्कोटियत्थेरअपदानवण्णना • 10. Pupphacaṅkoṭiyattheraapadānavaṇṇanā
