| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
9. бубпажчад̇д̇ияад̇т̇зраабад̣̇аанам̣
9. Pupphacchattiyattheraapadānaṃ
73.
73.
‘‘сид̣̇д̇хад̇т̇асса бхаг̇авад̇о, логаж̇здтасса д̇аад̣̇ино;
‘‘Siddhatthassa bhagavato, lokajeṭṭhassa tādino;
сажжам̣ багаасаяанд̇асса, ниб̣б̣аабзнд̇асса баан̣ино.
Saccaṃ pakāsayantassa, nibbāpentassa pāṇino.
74.
74.
‘‘ж̇алаж̇ам̣ аахарид̇ваана, сад̇абад̇д̇ам̣ манорамам̣;
‘‘Jalajaṃ āharitvāna, satapattaṃ manoramaṃ;
бубпасса чад̇д̇ам̣ гад̇ваана, б̣уд̣̇д̇хасса абхиробаяим̣.
Pupphassa chattaṃ katvāna, buddhassa abhiropayiṃ.
75.
75.
‘‘сид̣̇д̇хад̇т̇о жа логавид̣̇уу, аахуд̇ийнам̣ бадиг̇г̇ахо;
‘‘Siddhattho ca lokavidū, āhutīnaṃ paṭiggaho;
бхигкусан̇гхз тид̇о сад̇т̇аа, имам̣ г̇аат̇ам̣ абхаасат̇а.
Bhikkhusaṅghe ṭhito satthā, imaṃ gāthaṃ abhāsatha.
76.
76.
‘‘‘яо мз жид̇д̇ам̣ басаад̣̇зд̇ваа, бубпажчад̇д̇ам̣ ад̇хаараяим̣;
‘‘‘Yo me cittaṃ pasādetvā, pupphacchattaṃ adhārayiṃ;
д̇зна жид̇д̇аббасаад̣̇зна, д̣̇уг̇г̇ад̇им̣ со на г̇ажчад̇и’.
Tena cittappasādena, duggatiṃ so na gacchati’.
77.
77.
‘‘ид̣̇ам̣ вад̇ваана самб̣уд̣̇д̇хо, сид̣̇д̇хад̇т̇о логанааяаго;
‘‘Idaṃ vatvāna sambuddho, siddhattho lokanāyako;
уяяож̇зд̇ваана барисам̣, взхаасам̣ набхамуг̇г̇ами.
Uyyojetvāna parisaṃ, vehāsaṃ nabhamuggami.
78.
78.
‘‘вудтид̇з нарад̣̇звамхи, сзд̇ажчад̇д̇амби вудтахи;
‘‘Vuṭṭhite naradevamhi, setacchattampi vuṭṭhahi;
бурад̇о б̣уд̣̇д̇хасздтасса, г̇ажчад̇и чад̇д̇амуд̇д̇амам̣.
Purato buddhaseṭṭhassa, gacchati chattamuttamaṃ.
79.
79.
‘‘жад̇уннавуд̇ид̇о габбз, яам̣ чад̇д̇ам̣ абхиробаяим̣;
‘‘Catunnavutito kappe, yaṃ chattaṃ abhiropayiṃ;
д̣̇уг̇г̇ад̇им̣ наабхиж̇аанаами, бубпажчад̇д̇ассид̣̇ам̣ палам̣.
Duggatiṃ nābhijānāmi, pupphacchattassidaṃ phalaṃ.
80.
80.
‘‘жад̇усад̇д̇ад̇игаббамхи, адта ж̇аласикаа ахуу;
‘‘Catusattatikappamhi, aṭṭha jalasikhā ahū;
сад̇д̇арад̇анасамбаннаа, жаггавад̇д̇ий махаб̣б̣алаа.
Sattaratanasampannā, cakkavattī mahabbalā.
81.
81.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа бубпажчад̇д̇ияо т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā pupphacchattiyo thero imā gāthāyo abhāsitthāti.
бубпажчад̇д̇ияад̇т̇зрассаабад̣̇аанам̣ навамам̣.
Pupphacchattiyattherassāpadānaṃ navamaṃ.
