| Library / Tipiṭaka / तिपिटक • Tipiṭaka / अपदानपाळि • Apadānapāḷi |
२. पुप्फधारकत्थेरअपदानं
2. Pupphadhārakattheraapadānaṃ
६.
6.
‘‘वाकचीरधरो आसिं, अजिनुत्तरवासनो।
‘‘Vākacīradharo āsiṃ, ajinuttaravāsano;
अभिञ्ञा पञ्च निब्बत्ता, चन्दस्स परिमज्जको॥
Abhiññā pañca nibbattā, candassa parimajjako.
७.
7.
‘‘विपस्सिं लोकपज्जोतं, दिस्वा अभिगतं ममं।
‘‘Vipassiṃ lokapajjotaṃ, disvā abhigataṃ mamaṃ;
पारिच्छत्तकपुप्फानि, धारेसिं सत्थुनो अहं॥
Pāricchattakapupphāni, dhāresiṃ satthuno ahaṃ.
८.
8.
‘‘एकनवुतितो कप्पे, यं पुप्फमभिपूजयिं।
‘‘Ekanavutito kappe, yaṃ pupphamabhipūjayiṃ;
दुग्गतिं नाभिजानामि, धारणाय इदं फलं॥
Duggatiṃ nābhijānāmi, dhāraṇāya idaṃ phalaṃ.
९.
9.
‘‘सत्तासीतिम्हितो कप्पे, एको आसिं महीपति।
‘‘Sattāsītimhito kappe, eko āsiṃ mahīpati;
समन्तधारणो नाम, चक्कवत्ती महब्बलो॥
Samantadhāraṇo nāma, cakkavattī mahabbalo.
१०.
10.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पुप्फधारको थेरो इमा गाथायो अभासित्थाति।
Itthaṃ sudaṃ āyasmā pupphadhārako thero imā gāthāyo abhāsitthāti.
पुप्फधारकत्थेरस्सापदानं दुतियं।
Pupphadhārakattherassāpadānaṃ dutiyaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. चितकपूजकत्थेरअपदानादिवण्णना • 1-10. Citakapūjakattheraapadānādivaṇṇanā
