| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[147] 7. бубпарад̇д̇аж̇аад̇агаван̣н̣анаа
[147] 7. Puppharattajātakavaṇṇanā
наяид̣̇ам̣ д̣̇угкам̣ ад̣̇ум̣ д̣̇угканд̇и ид̣̇ам̣ сад̇т̇аа ж̇зд̇аванз вихаранд̇о згам̣ угган̣тид̇абхигкум̣ аараб̣бха гат̇зси. со хи бхаг̇авад̇аа ‘‘сажжам̣ гира д̇вам̣ бхигку угган̣тид̇о’’д̇и вуд̇д̇з ‘‘сажжа’’нд̇и вад̇ваа ‘‘гзна угган̣таабид̇осий’’д̇и жа будто ‘‘бураан̣ад̣̇уд̇ияигааяаа’’д̇и вад̇ваа ‘‘мад̇хурахад̇т̇арасаа, бханд̇з, саа ид̇т̇ий, на саггоми д̇ам̣ винаа васид̇у’’нд̇и ааха. ат̇а нам̣ сад̇т̇аа ‘‘зсаа д̇з бхигку анад̇т̇агааригаа, буб̣б̣зби д̇вам̣ зд̇ам̣ ниссааяа суулз уд̇д̇аасид̇о зд̇ан̃н̃зва бад̇т̇аяамаано гаалам̣ гад̇ваа нираяз ниб̣б̣ад̇д̇о, ид̣̇аани нам̣ гасмаа буна бад̇т̇зсий’’д̇и вад̇ваа ад̇ийд̇ам̣ аахари.
Nayidaṃdukkhaṃ aduṃ dukkhanti idaṃ satthā jetavane viharanto ekaṃ ukkaṇṭhitabhikkhuṃ ārabbha kathesi. So hi bhagavatā ‘‘saccaṃ kira tvaṃ bhikkhu ukkaṇṭhito’’ti vutte ‘‘sacca’’nti vatvā ‘‘kena ukkaṇṭhāpitosī’’ti ca puṭṭho ‘‘purāṇadutiyikāyā’’ti vatvā ‘‘madhurahattharasā, bhante, sā itthī, na sakkomi taṃ vinā vasitu’’nti āha. Atha naṃ satthā ‘‘esā te bhikkhu anatthakārikā, pubbepi tvaṃ etaṃ nissāya sūle uttāsito etaññeva patthayamāno kālaṃ katvā niraye nibbatto, idāni naṃ kasmā puna patthesī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о аагаасадтад̣̇звад̇аа ахоси. ат̇а б̣аараан̣асияам̣ гад̇д̇игарад̇д̇иваарачан̣о самбад̇д̇о ход̇и, наг̇арам̣ д̣̇званаг̇арам̣ вияа алан̇гарим̣су. саб̣б̣о ж̇ано кан̣агийл̣ааниссид̇о ахоси. згасса бана д̣̇уг̇г̇ад̇амануссасса згамзва гханасаадагаяуг̇ам̣ ахоси. со д̇ам̣ суд̇ход̇ам̣ д̇ховаабзд̇ваа обхан̃ж̇аабзд̇ваа сад̇авалигам̣ сахассавалигам̣ гаарзд̇ваа табзси. ат̇а нам̣ бхарияаа звамааха ‘‘ижчаамахам̣, саами, згам̣ гусумбхарад̇д̇ам̣ ниваасзд̇ваа згам̣ баарубид̇ваа д̇ава ган̣тз лаг̇г̇аа гад̇д̇игарад̇д̇иваарам̣ жарид̇у’’нд̇и. ‘‘бхад̣̇д̣̇з, гуд̇о амхаагам̣ д̣̇алид̣̇д̣̇аанам̣ гусумбхам̣, суд̣̇д̇хавад̇т̇ам̣ ниваасзд̇ваа гийл̣аахий’’д̇и? ‘‘гусумбхарад̇д̇ам̣ алабхамаанаа чан̣агийл̣ам̣ на гийл̣иссаами, д̇вам̣ ан̃н̃ам̣ ид̇т̇им̣ г̇ахзд̇ваа гийл̣ассуу’’д̇и. ‘‘бхад̣̇д̣̇з, гим̣ мам̣ бийл̣зси, гуд̇о амхаагам̣ гусумбха’’нд̇и? ‘‘саами, бурисасса ижчааяа сад̇и гим̣ наама над̇т̇и, нану ран̃н̃о гусумбхавад̇т̇усмим̣ б̣аху гусумбха’’нд̇и. ‘‘бхад̣̇д̣̇з , д̇ам̣ таанам̣ рагкасабариг̇г̇ахид̇абогкаран̣исад̣̇исам̣, б̣алаваарагкаа, на саггаа убасан̇гамид̇ум̣, маа д̇з зд̇ам̣ ружжи, яат̇аалад̣̇д̇хзнзва д̇уссассуу’’д̇и. ‘‘саами, рад̇д̇ибхааг̇з анд̇хагаарз сад̇и бурисасса аг̇аманийяадтаанам̣ наама над̇т̇ий’’д̇и. ид̇и со д̇ааяа бунаббунам̣ гат̇знд̇ияаа гилзсавасзна д̇ассаа важанам̣ г̇ахзд̇ваа ‘‘ход̇у бхад̣̇д̣̇з, маа жинд̇аяид̇т̇аа’’д̇и д̇ам̣ самассаасзд̇ваа рад̇д̇ибхааг̇з ж̇ийвид̇ам̣ барижжаж̇ид̇ваа наг̇араа нигкамид̇ваа ран̃н̃о гусумбхавад̇т̇ум̣ г̇анд̇ваа вад̇им̣ мад̣̇д̣̇ид̇ваа анд̇овад̇т̇ум̣ баависи. аарагкамануссаа вад̇исад̣̇д̣̇ам̣ суд̇ваа ‘‘жоро жоро’’д̇и бариваарзд̇ваа г̇ахзд̇ваа барибхаасид̇ваа годдзд̇ваа б̣анд̇хид̇ваа бабхаад̇ааяа рад̇д̇ияаа ран̃н̃о д̣̇ассзсум̣. рааж̇аа ‘‘г̇ажчат̇а, нам̣ суулз уд̇д̇аасзт̇аа’’д̇и ааха. ат̇а нам̣ бажчааб̣аахам̣ б̣анд̇хид̇ваа важ̇жхабхзрияаа важ̇ж̇амаанааяа наг̇араа нигкамаабзд̇ваа суулз уд̇д̇аасзсум̣. б̣алававзд̣̇анаа бавад̇д̇анд̇и, гаагаа сийсз нилийяид̇ваа ган̣аяаг̇г̇асад̣̇исзхи д̇ун̣хзхи агкийни виж̇жханд̇и.
Atīte bārāṇasiyaṃ brahmadatte rajjaṃ kārente bodhisatto ākāsaṭṭhadevatā ahosi. Atha bārāṇasiyaṃ kattikarattivārachaṇo sampatto hoti, nagaraṃ devanagaraṃ viya alaṅkariṃsu. Sabbo jano khaṇakīḷānissito ahosi. Ekassa pana duggatamanussassa ekameva ghanasāṭakayugaṃ ahosi. So taṃ sudhotaṃ dhovāpetvā obhañjāpetvā satavalikaṃ sahassavalikaṃ kāretvā ṭhapesi. Atha naṃ bhariyā evamāha ‘‘icchāmahaṃ, sāmi, ekaṃ kusumbharattaṃ nivāsetvā ekaṃ pārupitvā tava kaṇṭhe laggā kattikarattivāraṃ caritu’’nti. ‘‘Bhadde, kuto amhākaṃ daliddānaṃ kusumbhaṃ, suddhavatthaṃ nivāsetvā kīḷāhī’’ti? ‘‘Kusumbharattaṃ alabhamānā chaṇakīḷaṃ na kīḷissāmi, tvaṃ aññaṃ itthiṃ gahetvā kīḷassū’’ti. ‘‘Bhadde, kiṃ maṃ pīḷesi, kuto amhākaṃ kusumbha’’nti? ‘‘Sāmi, purisassa icchāya sati kiṃ nāma natthi, nanu rañño kusumbhavatthusmiṃ bahu kusumbha’’nti. ‘‘Bhadde , taṃ ṭhānaṃ rakkhasapariggahitapokkharaṇisadisaṃ, balavārakkhā, na sakkā upasaṅkamituṃ, mā te etaṃ rucci, yathāladdheneva tussassū’’ti. ‘‘Sāmi, rattibhāge andhakāre sati purisassa agamanīyaṭṭhānaṃ nāma natthī’’ti. Iti so tāya punappunaṃ kathentiyā kilesavasena tassā vacanaṃ gahetvā ‘‘hotu bhadde, mā cintayitthā’’ti taṃ samassāsetvā rattibhāge jīvitaṃ pariccajitvā nagarā nikkhamitvā rañño kusumbhavatthuṃ gantvā vatiṃ madditvā antovatthuṃ pāvisi. Ārakkhamanussā vatisaddaṃ sutvā ‘‘coro coro’’ti parivāretvā gahetvā paribhāsitvā koṭṭetvā bandhitvā pabhātāya rattiyā rañño dassesuṃ. Rājā ‘‘gacchatha, naṃ sūle uttāsethā’’ti āha. Atha naṃ pacchābāhaṃ bandhitvā vajjhabheriyā vajjamānāya nagarā nikkhamāpetvā sūle uttāsesuṃ. Balavavedanā pavattanti, kākā sīse nilīyitvā kaṇayaggasadisehi tuṇhehi akkhīni vijjhanti.
со д̇ат̇ааруубамби д̣̇угкам̣ аманасигарид̇ваа д̇амзва ид̇т̇им̣ ануссарид̇ваа ‘‘д̇ааяа наамамхи гханабубпарад̇д̇авад̇т̇анивад̇т̇ааяа ган̣тз аасад̇д̇аб̣аахуяуг̇ал̣ааяа сад̣̇д̇хим̣ гад̇д̇игарад̇д̇иваарад̇о барихийно’’д̇и жинд̇зд̇ваа имам̣ г̇аат̇амааха –
So tathārūpampi dukkhaṃ amanasikaritvā tameva itthiṃ anussaritvā ‘‘tāya nāmamhi ghanapuppharattavatthanivatthāya kaṇṭhe āsattabāhuyugaḷāya saddhiṃ kattikarattivārato parihīno’’ti cintetvā imaṃ gāthamāha –
147.
147.
‘‘наяид̣̇ам̣ д̣̇угкам̣ ад̣̇ум̣ д̣̇угкам̣, яам̣ мам̣ д̇уд̣̇ад̇и вааяасо;
‘‘Nayidaṃ dukkhaṃ aduṃ dukkhaṃ, yaṃ maṃ tudati vāyaso;
яам̣ саамаа бубпарад̇д̇зна, гад̇д̇игам̣ наанубхоссад̇ий’’д̇и.
Yaṃ sāmā puppharattena, kattikaṃ nānubhossatī’’ti.
д̇ад̇т̇а наяид̣̇ам̣ д̣̇угкам̣ ад̣̇ум̣ д̣̇угкам̣, яам̣ мам̣ д̇уд̣̇ад̇и вааяасод̇и яан̃жа ид̣̇ам̣ суулз лаг̇г̇анабажжаяам̣ гааяигажзд̇асигад̣̇угкам̣, яан̃жа лохамаязхи вияа д̇ун̣д̣зхи вааяасо д̇уд̣̇ад̇и, ид̣̇ам̣ саб̣б̣амби маяхам̣ на д̣̇угкам̣, ад̣̇ум̣ д̣̇угкам̣ зд̇ам̣язва бана мз д̣̇угканд̇и ад̇т̇о. гад̇арам̣? яам̣ саамаа бубпарад̇д̇зна, гад̇д̇игам̣ наанубхоссад̇ийд̇и, яам̣ саа бияан̇г̇усаамаа мама бхарияаа згам̣ гусумбхарад̇д̇ам̣ ниваасзд̇ваа згам̣ баарубид̇ваа звам̣ гханабубпарад̇д̇зна вад̇т̇аяуг̇зна ажчаннаа мама ган̣тз г̇ахзд̇ваа гад̇д̇игарад̇д̇иваарам̣ наанубхависсад̇и, ид̣̇ам̣ маяхам̣ д̣̇угкам̣, зд̇ад̣̇зва хи мам̣ б̣аад̇хад̇ийд̇и? со звам̣ маад̇уг̇аамам̣ аараб̣бха виббалабанд̇оязва гаалам̣ гад̇ваа нираяз ниб̣б̣ад̇д̇и.
Tattha nayidaṃ dukkhaṃ aduṃ dukkhaṃ, yaṃ maṃ tudati vāyasoti yañca idaṃ sūle lagganapaccayaṃ kāyikacetasikadukkhaṃ, yañca lohamayehi viya tuṇḍehi vāyaso tudati, idaṃ sabbampi mayhaṃ na dukkhaṃ, aduṃ dukkhaṃ etaṃyeva pana me dukkhanti attho. Kataraṃ? Yaṃ sāmā puppharattena, kattikaṃ nānubhossatīti, yaṃ sā piyaṅgusāmā mama bhariyā ekaṃ kusumbharattaṃ nivāsetvā ekaṃ pārupitvā evaṃ ghanapuppharattena vatthayugena acchannā mama kaṇṭhe gahetvā kattikarattivāraṃ nānubhavissati, idaṃ mayhaṃ dukkhaṃ, etadeva hi maṃ bādhatīti? So evaṃ mātugāmaṃ ārabbha vippalapantoyeva kālaṃ katvā niraye nibbatti.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа ж̇аяамбад̇игаава ид̣̇аани ж̇аяамбад̇игаа, д̇ам̣ гааран̣ам̣ бажжагкам̣ гад̇ваа тид̇аа аагаасадтад̣̇звад̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā jayampatikāva idāni jayampatikā, taṃ kāraṇaṃ paccakkhaṃ katvā ṭhitā ākāsaṭṭhadevatā pana ahameva ahosi’’nti.
бубпарад̇д̇аж̇аад̇агаван̣н̣анаа сад̇д̇амаа.
Puppharattajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 147. бубпарад̇д̇аж̇аад̇агам̣ • 147. Puppharattajātakaṃ
