| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౨. పుప్ఫసుత్తవణ్ణనా
2. Pupphasuttavaṇṇanā
౯౪. దుతియే వివదతీతి ‘‘అనిచ్చం దుక్ఖం అనత్తా అసుభ’’న్తి యథాసభావేన వదన్తేన సద్ధిం ‘‘నిచ్చం సుఖం అత్తా సుభ’’న్తి వదన్తో వివదతి. లోకధమ్మోతి ఖన్ధపఞ్చకం. తఞ్హి లుజ్జనసభావత్తా లోకధమ్మోతి వుచ్చతి. కిన్తి కరోమీతి కథం కరోమి? మయ్హఞ్హి పటిపత్తికథనమేవ భారో, పటిపత్తిపూరణం పన కులపుత్తానం భారోతి దస్సేతి. ఇమస్మిం సుత్తే తయో లోకా కథితా. ‘‘నాహం, భిక్ఖవే, లోకేనా’’తి ఏత్థ హి సత్తలోకో కథితో, ‘‘అత్థి, భిక్ఖవే, లోకే లోకధమ్మో’’తి ఏత్థ సఙ్ఖారలోకో, ‘‘తథాగతో లోకే జాతో లోకే సంవడ్ఢో’’తి ఏత్థ ఓకాసలోకో కథితో. దుతియం.
94. Dutiye vivadatīti ‘‘aniccaṃ dukkhaṃ anattā asubha’’nti yathāsabhāvena vadantena saddhiṃ ‘‘niccaṃ sukhaṃ attā subha’’nti vadanto vivadati. Lokadhammoti khandhapañcakaṃ. Tañhi lujjanasabhāvattā lokadhammoti vuccati. Kinti karomīti kathaṃ karomi? Mayhañhi paṭipattikathanameva bhāro, paṭipattipūraṇaṃ pana kulaputtānaṃ bhāroti dasseti. Imasmiṃ sutte tayo lokā kathitā. ‘‘Nāhaṃ, bhikkhave, lokenā’’ti ettha hi sattaloko kathito, ‘‘atthi, bhikkhave, loke lokadhammo’’ti ettha saṅkhāraloko, ‘‘tathāgato loke jāto loke saṃvaḍḍho’’ti ettha okāsaloko kathito. Dutiyaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౨. పుప్ఫసుత్తం • 2. Pupphasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౨. పుప్ఫసుత్తవణ్ణనా • 2. Pupphasuttavaṇṇanā
