| Library / Tipiṭaka / तिपिटक • Tipiṭaka / अपदानपाळि • Apadānapāḷi |
२. पुप्फथूपियत्थेरअपदानं
2. Pupphathūpiyattheraapadānaṃ
१०.
10.
वेमज्झे तस्स वसति, ब्राह्मणो मन्तपारगू॥
Vemajjhe tassa vasati, brāhmaṇo mantapāragū.
११.
11.
‘‘पञ्च सिस्ससहस्सानि, परिवारेन्ति मं सदा।
‘‘Pañca sissasahassāni, parivārenti maṃ sadā;
पुब्बुट्ठायी च ते आसुं, मन्तेसु च विसारदा॥
Pubbuṭṭhāyī ca te āsuṃ, mantesu ca visāradā.
१२.
12.
‘‘बुद्धो लोके समुप्पन्नो, तं विजानाथ नो भवं।
‘‘Buddho loke samuppanno, taṃ vijānātha no bhavaṃ;
असीतिब्यञ्जनानस्स, बात्तिंसवरलक्खणा॥
Asītibyañjanānassa, bāttiṃsavaralakkhaṇā.
१३.
13.
‘‘ब्यामप्पभो जिनवरो, आदिच्चोव विरोचति।
‘‘Byāmappabho jinavaro, ādiccova virocati;
सिस्सानं वचनं सुत्वा, ब्राह्मणो मन्तपारगू॥
Sissānaṃ vacanaṃ sutvā, brāhmaṇo mantapāragū.
१४.
14.
यम्हि देसे महावीरो, वसति लोकनायको॥
Yamhi dese mahāvīro, vasati lokanāyako.
१५.
15.
‘‘ताहं दिसं नमस्सिस्सं, जिनं अप्पटिपुग्गलं।
‘‘Tāhaṃ disaṃ namassissaṃ, jinaṃ appaṭipuggalaṃ;
उदग्गचित्तो सुमनो, पूजेसिं तं तथागतं॥
Udaggacitto sumano, pūjesiṃ taṃ tathāgataṃ.
१६.
16.
‘‘एथ सिस्सा गमिस्साम, दक्खिस्साम तथागतं।
‘‘Etha sissā gamissāma, dakkhissāma tathāgataṃ;
वन्दित्वा सत्थुनो पादे, सोस्साम जिनसासनं॥
Vanditvā satthuno pāde, sossāma jinasāsanaṃ.
१७.
17.
‘‘एकाहं अभिनिक्खम्म, ब्याधिं पटिलभिं अहं।
‘‘Ekāhaṃ abhinikkhamma, byādhiṃ paṭilabhiṃ ahaṃ;
ब्याधिना पीळितो सन्तो, सालं वासयितुं गमिं॥
Byādhinā pīḷito santo, sālaṃ vāsayituṃ gamiṃ.
१८.
18.
‘‘सब्बे सिस्से समानेत्वा, अपुच्छिं ते तथागतं।
‘‘Sabbe sisse samānetvā, apucchiṃ te tathāgataṃ;
कीदिसं लोकनाथस्स, गुणं परमबुद्धिनो॥
Kīdisaṃ lokanāthassa, guṇaṃ paramabuddhino.
१९.
19.
‘‘ते मे पुट्ठा वियाकंसु, यथा दस्साविनो तथा।
‘‘Te me puṭṭhā viyākaṃsu, yathā dassāvino tathā;
सक्कच्चं बुद्धसेट्ठं तं, देसेसुं 5 मम सम्मुखा॥
Sakkaccaṃ buddhaseṭṭhaṃ taṃ, desesuṃ 6 mama sammukhā.
२०.
20.
‘‘तेसाहं वचनं सुत्वा, सकं चित्तं पसादयिं।
‘‘Tesāhaṃ vacanaṃ sutvā, sakaṃ cittaṃ pasādayiṃ;
पुप्फेहि थूपं कत्वान, तत्थ कालङ्कतो अहं॥
Pupphehi thūpaṃ katvāna, tattha kālaṅkato ahaṃ.
२१.
21.
‘‘ते मे सरीरं झापेत्वा, अगमुं बुद्धसन्तिकं।
‘‘Te me sarīraṃ jhāpetvā, agamuṃ buddhasantikaṃ;
अञ्जलिं पग्गहेत्वान, सत्थारमभिवादयुं॥
Añjaliṃ paggahetvāna, satthāramabhivādayuṃ.
२२.
22.
‘‘पुप्फेहि थूपं कत्वान, सुगतस्स महेसिनो।
‘‘Pupphehi thūpaṃ katvāna, sugatassa mahesino;
कप्पानं सतसहस्सं, दुग्गतिं नुपपज्जहं॥
Kappānaṃ satasahassaṃ, duggatiṃ nupapajjahaṃ.
२३.
23.
‘‘चत्तालीससहस्सम्हि , कप्पे सोळस खत्तिया।
‘‘Cattālīsasahassamhi , kappe soḷasa khattiyā;
नामेनग्गिसमा नाम, चक्कवत्ती महब्बला॥
Nāmenaggisamā nāma, cakkavattī mahabbalā.
२४.
24.
‘‘वीसकप्पसहस्सम्हि, राजानो चक्कवत्तिनो।
‘‘Vīsakappasahassamhi, rājāno cakkavattino;
घतासनसनामाव, अट्ठत्तिंस महीपती॥
Ghatāsanasanāmāva, aṭṭhattiṃsa mahīpatī.
२५.
25.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पुप्फथूपियो थेरो इमा गाथायो अभासित्थाति।
Itthaṃ sudaṃ āyasmā pupphathūpiyo thero imā gāthāyo abhāsitthāti.
पुप्फथूपियत्थेरस्सापदानं दुतियं।
Pupphathūpiyattherassāpadānaṃ dutiyaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / २. पुप्फथूपियत्थेरअपदानवण्णना • 2. Pupphathūpiyattheraapadānavaṇṇanā
