| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
4. бураан̣ажийварасигкаабад̣̇ам̣
4. Purāṇacīvarasikkhāpadaṃ
503. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмад̇о уд̣̇ааяисса бураан̣ад̣̇уд̇ияигаа бхигкунийсу баб̣б̣аж̇ид̇аа ход̇и. саа ааяасмад̇о уд̣̇ааяисса санд̇игз абхигкан̣ам̣ ааг̇ажчад̇и. ааяасмааби уд̣̇ааяий д̇ассаа бхигкунияаа санд̇игз абхигкан̣ам̣ г̇ажчад̇и. д̇зна ко бана самаязна ааяасмаа уд̣̇ааяий д̇ассаа бхигкунияаа санд̇игз бхад̇д̇ависсаг̇г̇ам̣ гарод̇и. ат̇а ко ааяасмаа уд̣̇ааяий буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна саа бхигкуний д̇знубасан̇гами; убасан̇гамид̇ваа д̇ассаа бхигкунияаа бурад̇о ан̇г̇аж̇аад̇ам̣ виварид̇ваа аасанз нисийд̣̇и. сааби ко бхигкуний ааяасмад̇о уд̣̇ааяисса бурад̇о ан̇г̇аж̇аад̇ам̣ виварид̇ваа аасанз нисийд̣̇и. ат̇а ко ааяасмаа уд̣̇ааяий саарад̇д̇о д̇ассаа бхигкунияаа ан̇г̇аж̇аад̇ам̣ убаниж̇жхааяи. д̇асса асужи мужжи. ат̇а ко ааяасмаа уд̣̇ааяий д̇ам̣ бхигкуним̣ зд̇ад̣̇авожа – ‘‘г̇ажча, бхаг̇ини, уд̣̇агам̣ аахара, анд̇араваасагам̣ д̇ховиссаамий’’д̇и. ‘‘аахараяяа , ахамзва д̇ховиссаамий’’д̇и д̇ам̣ асужим̣ згад̣̇зсам̣ мукзна аг̇г̇ахзси згад̣̇зсам̣ ан̇г̇аж̇аад̇з багкиби. саа д̇зна г̇аб̣бхам̣ г̇ан̣хи. бхигкунияо звамаахам̣су – ‘‘аб̣рахмажаариний аяам̣ бхигкуний, г̇аб̣бхиний’’д̇и. ‘‘наахам̣, аяяз, аб̣рахмажаариний’’д̇и бхигкунийнам̣ зд̇амад̇т̇ам̣ аарожзси. бхигкунияо уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяо уд̣̇ааяий бхигкунияаа бураан̣ажийварам̣ д̇ховаабзссад̇ий’’д̇и! ат̇а ко д̇аа бхигкунияо бхигкуунам̣ зд̇амад̇т̇ам̣ аарожзсум̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа уд̣̇ааяий бхигкунияаа бураан̣ажийварам̣ д̇ховаабзссад̇ий’’д̇и! ат̇а ко д̇з бхигкуу ааяасманд̇ам̣ уд̣̇ааяим̣ анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇вам̣, уд̣̇ааяи, бхигкунияаа бураан̣ажийварам̣ д̇ховаабзсий’’д̇и? ‘‘сажжам̣, бхаг̇аваа’’д̇и. ‘‘н̃аад̇игаа д̇з, уд̣̇ааяи, ан̃н̃аад̇игаа’’д̇и? ‘‘ан̃н̃аад̇игаа, бхаг̇аваа’’д̇и. ‘‘ан̃н̃аад̇аго, могхабуриса, ан̃н̃аад̇игааяа на ж̇аанаад̇и бад̇ируубам̣ ваа аббад̇ируубам̣ ваа баасаад̣̇игам̣ ваа абаасаад̣̇игам̣ ваа. д̇ад̇т̇а наама д̇вам̣, могхабуриса, ан̃н̃аад̇игааяа бхигкунияаа бураан̣ажийварам̣ д̇ховаабзссаси! нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
503. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmato udāyissa purāṇadutiyikā bhikkhunīsu pabbajitā hoti. Sā āyasmato udāyissa santike abhikkhaṇaṃ āgacchati. Āyasmāpi udāyī tassā bhikkhuniyā santike abhikkhaṇaṃ gacchati. Tena kho pana samayena āyasmā udāyī tassā bhikkhuniyā santike bhattavissaggaṃ karoti. Atha kho āyasmā udāyī pubbaṇhasamayaṃ nivāsetvā pattacīvaramādāya yena sā bhikkhunī tenupasaṅkami; upasaṅkamitvā tassā bhikkhuniyā purato aṅgajātaṃ vivaritvā āsane nisīdi. Sāpi kho bhikkhunī āyasmato udāyissa purato aṅgajātaṃ vivaritvā āsane nisīdi. Atha kho āyasmā udāyī sāratto tassā bhikkhuniyā aṅgajātaṃ upanijjhāyi. Tassa asuci mucci. Atha kho āyasmā udāyī taṃ bhikkhuniṃ etadavoca – ‘‘gaccha, bhagini, udakaṃ āhara, antaravāsakaṃ dhovissāmī’’ti. ‘‘Āharayya , ahameva dhovissāmī’’ti taṃ asuciṃ ekadesaṃ mukhena aggahesi ekadesaṃ aṅgajāte pakkhipi. Sā tena gabbhaṃ gaṇhi. Bhikkhuniyo evamāhaṃsu – ‘‘abrahmacārinī ayaṃ bhikkhunī, gabbhinī’’ti. ‘‘Nāhaṃ, ayye, abrahmacārinī’’ti bhikkhunīnaṃ etamatthaṃ ārocesi. Bhikkhuniyo ujjhāyanti khiyyanti vipācenti – ‘‘kathañhi nāma ayyo udāyī bhikkhuniyā purāṇacīvaraṃ dhovāpessatī’’ti! Atha kho tā bhikkhuniyo bhikkhūnaṃ etamatthaṃ ārocesuṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā udāyī bhikkhuniyā purāṇacīvaraṃ dhovāpessatī’’ti! Atha kho te bhikkhū āyasmantaṃ udāyiṃ anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tvaṃ, udāyi, bhikkhuniyā purāṇacīvaraṃ dhovāpesī’’ti? ‘‘Saccaṃ, bhagavā’’ti. ‘‘Ñātikā te, udāyi, aññātikā’’ti? ‘‘Aññātikā, bhagavā’’ti. ‘‘Aññātako, moghapurisa, aññātikāya na jānāti patirūpaṃ vā appatirūpaṃ vā pāsādikaṃ vā apāsādikaṃ vā. Tattha nāma tvaṃ, moghapurisa, aññātikāya bhikkhuniyā purāṇacīvaraṃ dhovāpessasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
504. ‘‘яо бана бхигку ан̃н̃аад̇игааяа бхигкунияаа бураан̣ажийварам̣ д̇ховаабзяяа ваа раж̇аабзяяа ваа аагодаабзяяа ваа, ниссаг̇г̇ияам̣ баажид̇д̇ияа’’нд̇и.
504.‘‘Yopana bhikkhu aññātikāya bhikkhuniyā purāṇacīvaraṃ dhovāpeyya vā rajāpeyya vā ākoṭāpeyya vā, nissaggiyaṃ pācittiya’’nti.
505. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.
505.Yopanāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ан̃н̃аад̇игаа наама маад̇ид̇о ваа бид̇ид̇о ваа яаава сад̇д̇амаа бид̇аамахаяуг̇аа асамб̣ад̣̇д̇хаа.
Aññātikā nāma mātito vā pitito vā yāva sattamā pitāmahayugā asambaddhā.
бхигкуний наама убхад̇осан̇гхз убасамбаннаа.
Bhikkhunī nāma ubhatosaṅghe upasampannā.
бураан̣ажийварам̣ наама сагим̣ нивад̇т̇амби сагим̣ бааруд̇амби.
Purāṇacīvaraṃ nāma sakiṃ nivatthampi sakiṃ pārutampi.
д̇ховаад̇и аан̣аабзд̇и, аабад̇д̇и д̣̇уггадасса. д̇ход̇ам̣ ниссаг̇г̇ияам̣ ход̇и. раж̇аад̇и аан̣аабзд̇и, аабад̇д̇и д̣̇уггадасса. рад̇д̇ам̣ ниссаг̇г̇ияам̣ ход̇и. аагодзхийд̇и аан̣аабзд̇и, аабад̇д̇и д̣̇уггадасса. сагим̣ баан̣иббахаарам̣ ваа муг̇г̇араббахаарам̣ ваа д̣̇иннз ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа буг̇г̇аласса ваа. зван̃жа бана, бхигкавз, ниссаж̇ж̇ид̇аб̣б̣ам̣…бз… ид̣̇ам̣ мз, бханд̇з, бураан̣ажийварам̣ ан̃н̃аад̇игааяа бхигкунияаа д̇ховаабид̇ам̣ ниссаг̇г̇ияам̣. имаахам̣ сан̇гхасса ниссаж̇ж̇аамийд̇и…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… ааяасмад̇о д̣̇аммийд̇и.
Dhovāti āṇāpeti, āpatti dukkaṭassa. Dhotaṃ nissaggiyaṃ hoti. Rajāti āṇāpeti, āpatti dukkaṭassa. Rattaṃ nissaggiyaṃ hoti. Ākoṭehīti āṇāpeti, āpatti dukkaṭassa. Sakiṃ pāṇippahāraṃ vā muggarappahāraṃ vā dinne nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ…pe… idaṃ me, bhante, purāṇacīvaraṃ aññātikāya bhikkhuniyā dhovāpitaṃ nissaggiyaṃ. Imāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
506. ан̃н̃аад̇игааяа ан̃н̃аад̇игасан̃н̃ий бураан̣ажийварам̣ д̇ховаабзд̇и, ниссаг̇г̇ияам̣ баажид̇д̇ияам̣. ан̃н̃аад̇игааяа ан̃н̃аад̇игасан̃н̃ий бураан̣ажийварам̣ д̇ховаабзд̇и раж̇аабзд̇и, ниссаг̇г̇иязна аабад̇д̇и д̣̇уггадасса. ан̃н̃аад̇игааяа ан̃н̃аад̇игасан̃н̃ий бураан̣ажийварам̣ д̇ховаабзд̇и аагодаабзд̇и, ниссаг̇г̇иязна аабад̇д̇и д̣̇уггадасса. ан̃н̃аад̇игааяа ан̃н̃аад̇игасан̃н̃ий бураан̣ажийварам̣ д̇ховаабзд̇и раж̇аабзд̇и аагодаабзд̇и, ниссаг̇г̇иязна аабад̇д̇и д̣̇виннам̣ д̣̇уггадаанам̣.
506. Aññātikāya aññātikasaññī purāṇacīvaraṃ dhovāpeti, nissaggiyaṃ pācittiyaṃ. Aññātikāya aññātikasaññī purāṇacīvaraṃ dhovāpeti rajāpeti, nissaggiyena āpatti dukkaṭassa. Aññātikāya aññātikasaññī purāṇacīvaraṃ dhovāpeti ākoṭāpeti, nissaggiyena āpatti dukkaṭassa. Aññātikāya aññātikasaññī purāṇacīvaraṃ dhovāpeti rajāpeti ākoṭāpeti, nissaggiyena āpatti dvinnaṃ dukkaṭānaṃ.
ан̃н̃аад̇игааяа ан̃н̃аад̇игасан̃н̃ий бураан̣ажийварам̣ раж̇аабзд̇и, ниссаг̇г̇ияам̣ баажид̇д̇ияам̣. ан̃н̃аад̇игааяа ан̃н̃аад̇игасан̃н̃ий бураан̣ажийварам̣ раж̇аабзд̇и аагодаабзд̇и, ниссаг̇г̇иязна аабад̇д̇и д̣̇уггадасса. ан̃н̃аад̇игааяа ан̃н̃аад̇игасан̃н̃ий бураан̣ажийварам̣ раж̇аабзд̇и д̇ховаабзд̇и, ниссаг̇г̇иязна аабад̇д̇и д̣̇уггадасса. ан̃н̃аад̇игааяа ан̃н̃аад̇игасан̃н̃ий бураан̣ажийварам̣ раж̇аабзд̇и аагодаабзд̇и д̇ховаабзд̇и, ниссаг̇г̇иязна аабад̇д̇и д̣̇виннам̣ д̣̇уггадаанам̣.
Aññātikāya aññātikasaññī purāṇacīvaraṃ rajāpeti, nissaggiyaṃ pācittiyaṃ. Aññātikāya aññātikasaññī purāṇacīvaraṃ rajāpeti ākoṭāpeti, nissaggiyena āpatti dukkaṭassa. Aññātikāya aññātikasaññī purāṇacīvaraṃ rajāpeti dhovāpeti, nissaggiyena āpatti dukkaṭassa. Aññātikāya aññātikasaññī purāṇacīvaraṃ rajāpeti ākoṭāpeti dhovāpeti, nissaggiyena āpatti dvinnaṃ dukkaṭānaṃ.
ан̃н̃аад̇игааяа ан̃н̃аад̇игасан̃н̃ий бураан̣ажийварам̣ аагодаабзд̇и, ниссаг̇г̇ияам̣ баажид̇д̇ияам̣. ан̃н̃аад̇игааяа ан̃н̃аад̇игасан̃н̃ий бураан̣ажийварам̣ аагодаабзд̇и д̇ховаабзд̇и, ниссаг̇г̇иязна аабад̇д̇и д̣̇уггадасса. ан̃н̃аад̇игааяа ан̃н̃аад̇игасан̃н̃ий бураан̣ажийварам̣ аагодаабзд̇и раж̇аабзд̇и, ниссаг̇г̇иязна аабад̇д̇и д̣̇уггадасса. ан̃н̃аад̇игааяа ан̃н̃аад̇игасан̃н̃ий бураан̣ажийварам̣ аагодаабзд̇и д̇ховаабзд̇и раж̇аабзд̇и, ниссаг̇г̇иязна аабад̇д̇и д̣̇виннам̣ д̣̇уггадаанам̣.
Aññātikāya aññātikasaññī purāṇacīvaraṃ ākoṭāpeti, nissaggiyaṃ pācittiyaṃ. Aññātikāya aññātikasaññī purāṇacīvaraṃ ākoṭāpeti dhovāpeti, nissaggiyena āpatti dukkaṭassa. Aññātikāya aññātikasaññī purāṇacīvaraṃ ākoṭāpeti rajāpeti, nissaggiyena āpatti dukkaṭassa. Aññātikāya aññātikasaññī purāṇacīvaraṃ ākoṭāpeti dhovāpeti rajāpeti, nissaggiyena āpatti dvinnaṃ dukkaṭānaṃ.
ан̃н̃аад̇игааяа взмад̇иго…бз… ан̃н̃аад̇игааяа н̃аад̇игасан̃н̃ий…бз… ан̃н̃асса бураан̣ажийварам̣ д̇ховаабзд̇и, аабад̇д̇и д̣̇уггадасса. нисийд̣̇анабажжад̇т̇аран̣ам̣ д̇ховаабзд̇и, аабад̇д̇и д̣̇уггадасса. згад̇оубасамбаннааяа д̇ховаабзд̇и, аабад̇д̇и д̣̇уггадасса. н̃аад̇игааяа ан̃н̃аад̇игасан̃н̃ий, аабад̇д̇и д̣̇уггадасса . н̃аад̇игааяа взмад̇иго, аабад̇д̇и д̣̇уггадасса. н̃аад̇игааяа н̃аад̇игасан̃н̃ий, анаабад̇д̇и.
Aññātikāya vematiko…pe… aññātikāya ñātikasaññī…pe… aññassa purāṇacīvaraṃ dhovāpeti, āpatti dukkaṭassa. Nisīdanapaccattharaṇaṃ dhovāpeti, āpatti dukkaṭassa. Ekatoupasampannāya dhovāpeti, āpatti dukkaṭassa. Ñātikāya aññātikasaññī, āpatti dukkaṭassa . Ñātikāya vematiko, āpatti dukkaṭassa. Ñātikāya ñātikasaññī, anāpatti.
507. анаабад̇д̇и н̃аад̇игааяа д̇хованд̇ияаа ан̃н̃аад̇игаа д̣̇уд̇ияаа ход̇и, авуд̇д̇аа д̇ховад̇и, абарибхуд̇д̇ам̣ д̇ховаабзд̇и, жийварам̣ табзд̇ваа ан̃н̃ам̣ баригкаарам̣ д̇ховаабзд̇и, сигкамаанааяа, сааман̣зрияаа, уммад̇д̇агасса, аад̣̇игаммигассаад̇и.
507. Anāpatti ñātikāya dhovantiyā aññātikā dutiyā hoti, avuttā dhovati, aparibhuttaṃ dhovāpeti, cīvaraṃ ṭhapetvā aññaṃ parikkhāraṃ dhovāpeti, sikkhamānāya, sāmaṇeriyā, ummattakassa, ādikammikassāti.
бураан̣ажийварасигкаабад̣̇ам̣ нидтид̇ам̣ жад̇уд̇т̇ам̣.
Purāṇacīvarasikkhāpadaṃ niṭṭhitaṃ catutthaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. бураан̣ажийварасигкаабад̣̇аван̣н̣анаа • 4. Purāṇacīvarasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. бураан̣ажийварасигкаабад̣̇аван̣н̣анаа • 4. Purāṇacīvarasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. бураан̣ажийварасигкаабад̣̇аван̣н̣анаа • 4. Purāṇacīvarasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. бураан̣ажийварасигкаабад̣̇аван̣н̣анаа • 4. Purāṇacīvarasikkhāpadavaṇṇanā
