| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ • Mahāvibhaṅga |
੪. ਪੁਰਾਣਚੀવਰਸਿਕ੍ਖਾਪਦਂ
4. Purāṇacīvarasikkhāpadaṃ
੫੦੩. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਆਯਸ੍ਮਤੋ ਉਦਾਯਿਸ੍ਸ ਪੁਰਾਣਦੁਤਿਯਿਕਾ ਭਿਕ੍ਖੁਨੀਸੁ ਪਬ੍ਬਜਿਤਾ ਹੋਤਿ। ਸਾ ਆਯਸ੍ਮਤੋ ਉਦਾਯਿਸ੍ਸ ਸਨ੍ਤਿਕੇ ਅਭਿਕ੍ਖਣਂ ਆਗਚ੍ਛਤਿ। ਆਯਸ੍ਮਾਪਿ ਉਦਾਯੀ ਤਸ੍ਸਾ ਭਿਕ੍ਖੁਨਿਯਾ ਸਨ੍ਤਿਕੇ ਅਭਿਕ੍ਖਣਂ ਗਚ੍ਛਤਿ। ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਉਦਾਯੀ ਤਸ੍ਸਾ ਭਿਕ੍ਖੁਨਿਯਾ ਸਨ੍ਤਿਕੇ ਭਤ੍ਤવਿਸ੍ਸਗ੍ਗਂ ਕਰੋਤਿ। ਅਥ ਖੋ ਆਯਸ੍ਮਾ ਉਦਾਯੀ ਪੁਬ੍ਬਣ੍ਹਸਮਯਂ ਨਿવਾਸੇਤ੍વਾ ਪਤ੍ਤਚੀવਰਮਾਦਾਯ ਯੇਨ ਸਾ ਭਿਕ੍ਖੁਨੀ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਤਸ੍ਸਾ ਭਿਕ੍ਖੁਨਿਯਾ ਪੁਰਤੋ ਅਙ੍ਗਜਾਤਂ વਿવਰਿਤ੍વਾ ਆਸਨੇ ਨਿਸੀਦਿ। ਸਾਪਿ ਖੋ ਭਿਕ੍ਖੁਨੀ ਆਯਸ੍ਮਤੋ ਉਦਾਯਿਸ੍ਸ ਪੁਰਤੋ ਅਙ੍ਗਜਾਤਂ વਿવਰਿਤ੍વਾ ਆਸਨੇ ਨਿਸੀਦਿ। ਅਥ ਖੋ ਆਯਸ੍ਮਾ ਉਦਾਯੀ ਸਾਰਤ੍ਤੋ ਤਸ੍ਸਾ ਭਿਕ੍ਖੁਨਿਯਾ ਅਙ੍ਗਜਾਤਂ ਉਪਨਿਜ੍ਝਾਯਿ। ਤਸ੍ਸ ਅਸੁਚਿ ਮੁਚ੍ਚਿ। ਅਥ ਖੋ ਆਯਸ੍ਮਾ ਉਦਾਯੀ ਤਂ ਭਿਕ੍ਖੁਨਿਂ ਏਤਦવੋਚ – ‘‘ਗਚ੍ਛ, ਭਗਿਨਿ, ਉਦਕਂ ਆਹਰ, ਅਨ੍ਤਰવਾਸਕਂ ਧੋવਿਸ੍ਸਾਮੀ’’ਤਿ। ‘‘ਆਹਰਯ੍ਯ , ਅਹਮੇવ ਧੋવਿਸ੍ਸਾਮੀ’’ਤਿ ਤਂ ਅਸੁਚਿਂ ਏਕਦੇਸਂ ਮੁਖੇਨ ਅਗ੍ਗਹੇਸਿ ਏਕਦੇਸਂ ਅਙ੍ਗਜਾਤੇ ਪਕ੍ਖਿਪਿ। ਸਾ ਤੇਨ ਗਬ੍ਭਂ ਗਣ੍ਹਿ। ਭਿਕ੍ਖੁਨਿਯੋ ਏવਮਾਹਂਸੁ – ‘‘ਅਬ੍ਰਹ੍ਮਚਾਰਿਨੀ ਅਯਂ ਭਿਕ੍ਖੁਨੀ, ਗਬ੍ਭਿਨੀ’’ਤਿ। ‘‘ਨਾਹਂ, ਅਯ੍ਯੇ, ਅਬ੍ਰਹ੍ਮਚਾਰਿਨੀ’’ਤਿ ਭਿਕ੍ਖੁਨੀਨਂ ਏਤਮਤ੍ਥਂ ਆਰੋਚੇਸਿ। ਭਿਕ੍ਖੁਨਿਯੋ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਅਯ੍ਯੋ ਉਦਾਯੀ ਭਿਕ੍ਖੁਨਿਯਾ ਪੁਰਾਣਚੀવਰਂ ਧੋવਾਪੇਸ੍ਸਤੀ’’ਤਿ! ਅਥ ਖੋ ਤਾ ਭਿਕ੍ਖੁਨਿਯੋ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸੁਂ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਦਾਯੀ ਭਿਕ੍ਖੁਨਿਯਾ ਪੁਰਾਣਚੀવਰਂ ਧੋવਾਪੇਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਦਾਯਿਂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ‘‘ਸਚ੍ਚਂ ਕਿਰ ਤ੍વਂ, ਉਦਾਯਿ, ਭਿਕ੍ਖੁਨਿਯਾ ਪੁਰਾਣਚੀવਰਂ ਧੋવਾਪੇਸੀ’’ਤਿ? ‘‘ਸਚ੍ਚਂ, ਭਗવਾ’’ਤਿ। ‘‘ਞਾਤਿਕਾ ਤੇ, ਉਦਾਯਿ, ਅਞ੍ਞਾਤਿਕਾ’’ਤਿ? ‘‘ਅਞ੍ਞਾਤਿਕਾ, ਭਗવਾ’’ਤਿ। ‘‘ਅਞ੍ਞਾਤਕੋ, ਮੋਘਪੁਰਿਸ, ਅਞ੍ਞਾਤਿਕਾਯ ਨ ਜਾਨਾਤਿ ਪਤਿਰੂਪਂ વਾ ਅਪ੍ਪਤਿਰੂਪਂ વਾ ਪਾਸਾਦਿਕਂ વਾ ਅਪਾਸਾਦਿਕਂ વਾ। ਤਤ੍ਥ ਨਾਮ ਤ੍વਂ, ਮੋਘਪੁਰਿਸ, ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਪੁਰਾਣਚੀવਰਂ ਧੋવਾਪੇਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
503. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmato udāyissa purāṇadutiyikā bhikkhunīsu pabbajitā hoti. Sā āyasmato udāyissa santike abhikkhaṇaṃ āgacchati. Āyasmāpi udāyī tassā bhikkhuniyā santike abhikkhaṇaṃ gacchati. Tena kho pana samayena āyasmā udāyī tassā bhikkhuniyā santike bhattavissaggaṃ karoti. Atha kho āyasmā udāyī pubbaṇhasamayaṃ nivāsetvā pattacīvaramādāya yena sā bhikkhunī tenupasaṅkami; upasaṅkamitvā tassā bhikkhuniyā purato aṅgajātaṃ vivaritvā āsane nisīdi. Sāpi kho bhikkhunī āyasmato udāyissa purato aṅgajātaṃ vivaritvā āsane nisīdi. Atha kho āyasmā udāyī sāratto tassā bhikkhuniyā aṅgajātaṃ upanijjhāyi. Tassa asuci mucci. Atha kho āyasmā udāyī taṃ bhikkhuniṃ etadavoca – ‘‘gaccha, bhagini, udakaṃ āhara, antaravāsakaṃ dhovissāmī’’ti. ‘‘Āharayya , ahameva dhovissāmī’’ti taṃ asuciṃ ekadesaṃ mukhena aggahesi ekadesaṃ aṅgajāte pakkhipi. Sā tena gabbhaṃ gaṇhi. Bhikkhuniyo evamāhaṃsu – ‘‘abrahmacārinī ayaṃ bhikkhunī, gabbhinī’’ti. ‘‘Nāhaṃ, ayye, abrahmacārinī’’ti bhikkhunīnaṃ etamatthaṃ ārocesi. Bhikkhuniyo ujjhāyanti khiyyanti vipācenti – ‘‘kathañhi nāma ayyo udāyī bhikkhuniyā purāṇacīvaraṃ dhovāpessatī’’ti! Atha kho tā bhikkhuniyo bhikkhūnaṃ etamatthaṃ ārocesuṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā udāyī bhikkhuniyā purāṇacīvaraṃ dhovāpessatī’’ti! Atha kho te bhikkhū āyasmantaṃ udāyiṃ anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tvaṃ, udāyi, bhikkhuniyā purāṇacīvaraṃ dhovāpesī’’ti? ‘‘Saccaṃ, bhagavā’’ti. ‘‘Ñātikā te, udāyi, aññātikā’’ti? ‘‘Aññātikā, bhagavā’’ti. ‘‘Aññātako, moghapurisa, aññātikāya na jānāti patirūpaṃ vā appatirūpaṃ vā pāsādikaṃ vā apāsādikaṃ vā. Tattha nāma tvaṃ, moghapurisa, aññātikāya bhikkhuniyā purāṇacīvaraṃ dhovāpessasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੫੦੪. ‘‘ਯੋ ਪਨ ਭਿਕ੍ਖੁ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਪੁਰਾਣਚੀવਰਂ ਧੋવਾਪੇਯ੍ਯ વਾ ਰਜਾਪੇਯ੍ਯ વਾ ਆਕੋਟਾਪੇਯ੍ਯ વਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ।
504.‘‘Yopana bhikkhu aññātikāya bhikkhuniyā purāṇacīvaraṃ dhovāpeyya vā rajāpeyya vā ākoṭāpeyya vā, nissaggiyaṃ pācittiya’’nti.
੫੦੫. ਯੋ ਪਨਾਤਿ ਯੋ ਯਾਦਿਸੋ…ਪੇ॰… ਭਿਕ੍ਖੂਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ।
505.Yopanāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
ਅਞ੍ਞਾਤਿਕਾ ਨਾਮ ਮਾਤਿਤੋ વਾ ਪਿਤਿਤੋ વਾ ਯਾવ ਸਤ੍ਤਮਾ ਪਿਤਾਮਹਯੁਗਾ ਅਸਮ੍ਬਦ੍ਧਾ।
Aññātikā nāma mātito vā pitito vā yāva sattamā pitāmahayugā asambaddhā.
ਭਿਕ੍ਖੁਨੀ ਨਾਮ ਉਭਤੋਸਙ੍ਘੇ ਉਪਸਮ੍ਪਨ੍ਨਾ।
Bhikkhunī nāma ubhatosaṅghe upasampannā.
ਪੁਰਾਣਚੀવਰਂ ਨਾਮ ਸਕਿਂ ਨਿવਤ੍ਥਮ੍ਪਿ ਸਕਿਂ ਪਾਰੁਤਮ੍ਪਿ।
Purāṇacīvaraṃ nāma sakiṃ nivatthampi sakiṃ pārutampi.
ਧੋવਾਤਿ ਆਣਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਧੋਤਂ ਨਿਸ੍ਸਗ੍ਗਿਯਂ ਹੋਤਿ। ਰਜਾਤਿ ਆਣਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਰਤ੍ਤਂ ਨਿਸ੍ਸਗ੍ਗਿਯਂ ਹੋਤਿ। ਆਕੋਟੇਹੀਤਿ ਆਣਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸਕਿਂ ਪਾਣਿਪ੍ਪਹਾਰਂ વਾ ਮੁਗ੍ਗਰਪ੍ਪਹਾਰਂ વਾ ਦਿਨ੍ਨੇ ਨਿਸ੍ਸਗ੍ਗਿਯਂ ਹੋਤਿ। ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ વਾ ਗਣਸ੍ਸ વਾ ਪੁਗ੍ਗਲਸ੍ਸ વਾ। ਏવਞ੍ਚ ਪਨ, ਭਿਕ੍ਖવੇ, ਨਿਸ੍ਸਜ੍ਜਿਤਬ੍ਬਂ…ਪੇ॰… ਇਦਂ ਮੇ, ਭਨ੍ਤੇ, ਪੁਰਾਣਚੀવਰਂ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਧੋવਾਪਿਤਂ ਨਿਸ੍ਸਗ੍ਗਿਯਂ। ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ॰… ਦਦੇਯ੍ਯਾਤਿ…ਪੇ॰… ਦਦੇਯ੍ਯੁਨ੍ਤਿ…ਪੇ॰… ਆਯਸ੍ਮਤੋ ਦਮ੍ਮੀਤਿ।
Dhovāti āṇāpeti, āpatti dukkaṭassa. Dhotaṃ nissaggiyaṃ hoti. Rajāti āṇāpeti, āpatti dukkaṭassa. Rattaṃ nissaggiyaṃ hoti. Ākoṭehīti āṇāpeti, āpatti dukkaṭassa. Sakiṃ pāṇippahāraṃ vā muggarappahāraṃ vā dinne nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ…pe… idaṃ me, bhante, purāṇacīvaraṃ aññātikāya bhikkhuniyā dhovāpitaṃ nissaggiyaṃ. Imāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
੫੦੬. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀવਰਂ ਧੋવਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀવਰਂ ਧੋવਾਪੇਤਿ ਰਜਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦੁਕ੍ਕਟਸ੍ਸ। ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀવਰਂ ਧੋવਾਪੇਤਿ ਆਕੋਟਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦੁਕ੍ਕਟਸ੍ਸ। ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀવਰਂ ਧੋવਾਪੇਤਿ ਰਜਾਪੇਤਿ ਆਕੋਟਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ।
506. Aññātikāya aññātikasaññī purāṇacīvaraṃ dhovāpeti, nissaggiyaṃ pācittiyaṃ. Aññātikāya aññātikasaññī purāṇacīvaraṃ dhovāpeti rajāpeti, nissaggiyena āpatti dukkaṭassa. Aññātikāya aññātikasaññī purāṇacīvaraṃ dhovāpeti ākoṭāpeti, nissaggiyena āpatti dukkaṭassa. Aññātikāya aññātikasaññī purāṇacīvaraṃ dhovāpeti rajāpeti ākoṭāpeti, nissaggiyena āpatti dvinnaṃ dukkaṭānaṃ.
ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀવਰਂ ਰਜਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀવਰਂ ਰਜਾਪੇਤਿ ਆਕੋਟਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦੁਕ੍ਕਟਸ੍ਸ। ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀવਰਂ ਰਜਾਪੇਤਿ ਧੋવਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦੁਕ੍ਕਟਸ੍ਸ। ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀવਰਂ ਰਜਾਪੇਤਿ ਆਕੋਟਾਪੇਤਿ ਧੋવਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ।
Aññātikāya aññātikasaññī purāṇacīvaraṃ rajāpeti, nissaggiyaṃ pācittiyaṃ. Aññātikāya aññātikasaññī purāṇacīvaraṃ rajāpeti ākoṭāpeti, nissaggiyena āpatti dukkaṭassa. Aññātikāya aññātikasaññī purāṇacīvaraṃ rajāpeti dhovāpeti, nissaggiyena āpatti dukkaṭassa. Aññātikāya aññātikasaññī purāṇacīvaraṃ rajāpeti ākoṭāpeti dhovāpeti, nissaggiyena āpatti dvinnaṃ dukkaṭānaṃ.
ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀવਰਂ ਆਕੋਟਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀવਰਂ ਆਕੋਟਾਪੇਤਿ ਧੋવਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦੁਕ੍ਕਟਸ੍ਸ। ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀવਰਂ ਆਕੋਟਾਪੇਤਿ ਰਜਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦੁਕ੍ਕਟਸ੍ਸ। ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀવਰਂ ਆਕੋਟਾਪੇਤਿ ਧੋવਾਪੇਤਿ ਰਜਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦ੍વਿਨ੍ਨਂ ਦੁਕ੍ਕਟਾਨਂ।
Aññātikāya aññātikasaññī purāṇacīvaraṃ ākoṭāpeti, nissaggiyaṃ pācittiyaṃ. Aññātikāya aññātikasaññī purāṇacīvaraṃ ākoṭāpeti dhovāpeti, nissaggiyena āpatti dukkaṭassa. Aññātikāya aññātikasaññī purāṇacīvaraṃ ākoṭāpeti rajāpeti, nissaggiyena āpatti dukkaṭassa. Aññātikāya aññātikasaññī purāṇacīvaraṃ ākoṭāpeti dhovāpeti rajāpeti, nissaggiyena āpatti dvinnaṃ dukkaṭānaṃ.
ਅਞ੍ਞਾਤਿਕਾਯ વੇਮਤਿਕੋ…ਪੇ॰… ਅਞ੍ਞਾਤਿਕਾਯ ਞਾਤਿਕਸਞ੍ਞੀ…ਪੇ॰… ਅਞ੍ਞਸ੍ਸ ਪੁਰਾਣਚੀવਰਂ ਧੋવਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਨਿਸੀਦਨਪਚ੍ਚਤ੍ਥਰਣਂ ਧੋવਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਏਕਤੋਉਪਸਮ੍ਪਨ੍ਨਾਯ ਧੋવਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਞਾਤਿਕਾਯ ਅਞ੍ਞਾਤਿਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ । ਞਾਤਿਕਾਯ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਞਾਤਿਕਾਯ ਞਾਤਿਕਸਞ੍ਞੀ, ਅਨਾਪਤ੍ਤਿ।
Aññātikāya vematiko…pe… aññātikāya ñātikasaññī…pe… aññassa purāṇacīvaraṃ dhovāpeti, āpatti dukkaṭassa. Nisīdanapaccattharaṇaṃ dhovāpeti, āpatti dukkaṭassa. Ekatoupasampannāya dhovāpeti, āpatti dukkaṭassa. Ñātikāya aññātikasaññī, āpatti dukkaṭassa . Ñātikāya vematiko, āpatti dukkaṭassa. Ñātikāya ñātikasaññī, anāpatti.
੫੦੭. ਅਨਾਪਤ੍ਤਿ ਞਾਤਿਕਾਯ ਧੋવਨ੍ਤਿਯਾ ਅਞ੍ਞਾਤਿਕਾ ਦੁਤਿਯਾ ਹੋਤਿ, ਅવੁਤ੍ਤਾ ਧੋવਤਿ, ਅਪਰਿਭੁਤ੍ਤਂ ਧੋવਾਪੇਤਿ, ਚੀવਰਂ ਠਪੇਤ੍વਾ ਅਞ੍ਞਂ ਪਰਿਕ੍ਖਾਰਂ ਧੋવਾਪੇਤਿ, ਸਿਕ੍ਖਮਾਨਾਯ, ਸਾਮਣੇਰਿਯਾ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
507. Anāpatti ñātikāya dhovantiyā aññātikā dutiyā hoti, avuttā dhovati, aparibhuttaṃ dhovāpeti, cīvaraṃ ṭhapetvā aññaṃ parikkhāraṃ dhovāpeti, sikkhamānāya, sāmaṇeriyā, ummattakassa, ādikammikassāti.
ਪੁਰਾਣਚੀવਰਸਿਕ੍ਖਾਪਦਂ ਨਿਟ੍ਠਿਤਂ ਚਤੁਤ੍ਥਂ।
Purāṇacīvarasikkhāpadaṃ niṭṭhitaṃ catutthaṃ.
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੪. ਪੁਰਾਣਚੀવਰਸਿਕ੍ਖਾਪਦવਣ੍ਣਨਾ • 4. Purāṇacīvarasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੪. ਪੁਰਾਣਚੀવਰਸਿਕ੍ਖਾਪਦવਣ੍ਣਨਾ • 4. Purāṇacīvarasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੪. ਪੁਰਾਣਚੀવਰਸਿਕ੍ਖਾਪਦવਣ੍ਣਨਾ • 4. Purāṇacīvarasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੪. ਪੁਰਾਣਚੀવਰਸਿਕ੍ਖਾਪਦવਣ੍ਣਨਾ • 4. Purāṇacīvarasikkhāpadavaṇṇanā
