| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
4. бураан̣ажийварасигкаабад̣̇аван̣н̣анаа
4. Purāṇacīvarasikkhāpadavaṇṇanā
503-5. д̇зна самаязнаад̇и бураан̣ажийварасигкаабад̣̇ам̣. д̇ад̇т̇а яаава сад̇д̇амаа бид̇аамахаяуг̇аад̇и бид̇убид̇аа бид̇аамахо, бид̇аамахасса яуг̇ам̣ бид̇аамахаяуг̇ам̣. яуг̇анд̇и ааяуббамаан̣ам̣ вужжад̇и. абхилааба мад̇д̇амзва жзд̇ам̣. ад̇т̇ад̇о бана бид̇аамахоязва бид̇аамахаяуг̇ам̣. д̇ад̇о уд̣̇д̇хам̣ саб̣б̣зби буб̣б̣абурисаа бид̇аамахаг̇г̇ахан̣знзва г̇ахид̇аа. звам̣ яаава сад̇д̇амо бурисо д̇аава яаа асамб̣ад̣̇д̇хаа саа яаава сад̇д̇амаа бид̇аамахаяуг̇аа асамб̣ад̣̇д̇хаад̇и вужжад̇и. д̣̇зсанаамукамзва жзд̇ам̣. ‘‘маад̇ид̇о ваа бид̇ид̇о ваа’’д̇иважанад̇о бана бид̇аамахаяуг̇амби бид̇аамахияуг̇амби маад̇аамахаяуг̇амби маад̇аамахияуг̇амби д̇зсам̣ бхаад̇убхаг̇инийбхааг̇инзяяабуд̇д̇абабуд̇д̇аад̣̇аяоби саб̣б̣з ид̇ха сан̇г̇ахид̇аа зваад̇и взд̣̇ид̇аб̣б̣аа.
503-5.Tena samayenāti purāṇacīvarasikkhāpadaṃ. Tattha yāva sattamā pitāmahayugāti pitupitā pitāmaho, pitāmahassa yugaṃ pitāmahayugaṃ. Yuganti āyuppamāṇaṃ vuccati. Abhilāpa mattameva cetaṃ. Atthato pana pitāmahoyeva pitāmahayugaṃ. Tato uddhaṃ sabbepi pubbapurisā pitāmahaggahaṇeneva gahitā. Evaṃ yāva sattamo puriso tāva yā asambaddhā sā yāva sattamā pitāmahayugā asambaddhāti vuccati. Desanāmukhameva cetaṃ. ‘‘Mātito vā pitito vā’’tivacanato pana pitāmahayugampi pitāmahiyugampi mātāmahayugampi mātāmahiyugampi tesaṃ bhātubhaginībhāgineyyaputtapaputtādayopi sabbe idha saṅgahitā evāti veditabbā.
д̇ад̇рааяам̣ вид̇т̇ааранаяо – бид̇аа бид̇убид̇аа д̇асса бид̇аа д̇ассааби бид̇аад̇и звам̣ яаава сад̇д̇амаа яуг̇аа, бид̇аа бид̇умаад̇аа д̇ассаа бид̇аа жа маад̇аа жа бхаад̇аа жа бхаг̇иний жа буд̇д̇аа жа д̇хийд̇аро жаад̇и звамби уд̣̇д̇хан̃жа ад̇хо жа яаава сад̇д̇амаа яуг̇аа, бид̇аа бид̇убхаад̇аа бид̇убхаг̇иний бид̇убуд̇д̇аа бид̇уд̇хийд̇аро д̇зсамби буд̇д̇ад̇хийд̇убарамбараад̇и звамби яаава сад̇д̇амаа яуг̇аа, маад̇аа маад̇умаад̇аа д̇ассаа маад̇аа д̇ассааби маад̇аад̇и звамби яаава сад̇д̇амаа яуг̇аа, маад̇аа маад̇убид̇аа д̇асса маад̇аа жа бид̇аа жа бхаад̇аа жа бхаг̇иний жа буд̇д̇аа жа д̇хийд̇аро жаад̇и, звамби уд̣̇д̇хан̃жа ад̇хо жа яаава сад̇д̇амаа яуг̇аа, маад̇аа маад̇убхаад̇аа маад̇убхаг̇иний маад̇убуд̇д̇аа маад̇уд̇хийд̇аро д̇зсамби буд̇д̇ад̇хийд̇убарамбараад̇и звамби яаава сад̇д̇амаа яуг̇аа, нзва маад̇усамб̣анд̇хзна на бид̇усамб̣анд̇хзна самб̣ад̣̇д̇хаа, аяам̣ ан̃н̃аад̇игаа наама.
Tatrāyaṃ vitthāranayo – pitā pitupitā tassa pitā tassāpi pitāti evaṃ yāva sattamā yugā, pitā pitumātā tassā pitā ca mātā ca bhātā ca bhaginī ca puttā ca dhītaro cāti evampi uddhañca adho ca yāva sattamā yugā, pitā pitubhātā pitubhaginī pituputtā pitudhītaro tesampi puttadhītuparamparāti evampi yāva sattamā yugā, mātā mātumātā tassā mātā tassāpi mātāti evampi yāva sattamā yugā, mātā mātupitā tassa mātā ca pitā ca bhātā ca bhaginī ca puttā ca dhītaro cāti, evampi uddhañca adho ca yāva sattamā yugā, mātā mātubhātā mātubhaginī mātuputtā mātudhītaro tesampi puttadhītuparamparāti evampi yāva sattamā yugā, neva mātusambandhena na pitusambandhena sambaddhā, ayaṃ aññātikā nāma.
убхад̇о сан̇гхзд̇и бхигкунисан̇гхз н̃ад̇д̇ижад̇уд̇т̇зна бхигкусан̇гхз н̃ад̇д̇ижад̇уд̇т̇знаад̇и адтаваажигавинаяагаммзна убасамбаннаа.
Ubhato saṅgheti bhikkhunisaṅghe ñatticatutthena bhikkhusaṅghe ñatticatutthenāti aṭṭhavācikavinayakammena upasampannā.
сагим̣ нивад̇т̇амби сагим̣ бааруд̇амбийд̇и раж̇ид̇ваа габбам̣ гад̇ваа згаваарамби нивад̇т̇ам̣ ваа бааруд̇ам̣ ваа. анд̇амасо барибхог̇асийсзна ам̣сз ваа мад̇т̇агз ваа гад̇ваа маг̇г̇ам̣ г̇ад̇о ход̇и, уссийсагам̣ ваа гад̇ваа нибанно ход̇и, зд̇амби бураан̣ажийварамзва. сажз бана бажжад̇т̇аран̣асса хздтаа гад̇ваа нибаж̇ж̇ад̇и, хад̇т̇зхи ваа угкибид̇ваа аагаасз вид̇аанам̣ гад̇ваа сийсзна апусанд̇о г̇ажчад̇и, аяам̣ барибхог̇о наама на ход̇ийд̇и гурунд̣̇ияам̣ вуд̇д̇ам̣.
Sakiṃ nivatthampi sakiṃ pārutampīti rajitvā kappaṃ katvā ekavārampi nivatthaṃ vā pārutaṃ vā. Antamaso paribhogasīsena aṃse vā matthake vā katvā maggaṃ gato hoti, ussīsakaṃ vā katvā nipanno hoti, etampi purāṇacīvarameva. Sace pana paccattharaṇassa heṭṭhā katvā nipajjati, hatthehi vā ukkhipitvā ākāse vitānaṃ katvā sīsena aphusanto gacchati, ayaṃ paribhogo nāma na hotīti kurundiyaṃ vuttaṃ.
д̇ход̇ам̣ ниссаг̇г̇ияанд̇и зд̇т̇а звам̣ аан̣ад̇д̇аа бхигкуний д̇хованад̇т̇ааяа уд̣̇д̇ханам̣ саж̇ж̇зд̇и, д̣̇аарууни сам̣харад̇и, аг̇г̇им̣ гарод̇и, уд̣̇агам̣ аахарад̇и яаава нам̣ д̇ховид̇ваа угкибад̇и, д̇аава бхигкунияаа баяог̇з баяог̇з бхигкусса д̣̇уггадам̣. д̇ховид̇ваа угкид̇д̇амад̇д̇з ниссаг̇г̇ияам̣ ход̇и. сажз д̣̇уд̣̇д̇ход̇анд̇и ман̃н̃амаанаа буна син̃жад̇и ваа д̇ховад̇и ваа яаава нидтаанам̣ на г̇ажчад̇и д̇аава баяог̇з баяог̇з д̣̇уггадам̣. зса наяо раж̇анаагоданзсу. раж̇анад̣̇он̣ияан̃хи раж̇анам̣ аагирид̇ваа яаава сагим̣ жийварам̣ раж̇ад̇и, д̇ад̇о буб̣б̣з яам̣гин̃жи раж̇анад̇т̇ааяа гарод̇и, бажчаа ваа бадираж̇ад̇и, саб̣б̣ад̇т̇а баяог̇з баяог̇з бхигкусса д̣̇уггадам̣. звам̣ аагоданзби баяог̇о взд̣̇ид̇аб̣б̣о.
Dhotaṃ nissaggiyanti ettha evaṃ āṇattā bhikkhunī dhovanatthāya uddhanaṃ sajjeti, dārūni saṃharati, aggiṃ karoti, udakaṃ āharati yāva naṃ dhovitvā ukkhipati, tāva bhikkhuniyā payoge payoge bhikkhussa dukkaṭaṃ. Dhovitvā ukkhittamatte nissaggiyaṃ hoti. Sace duddhotanti maññamānā puna siñcati vā dhovati vā yāva niṭṭhānaṃ na gacchati tāva payoge payoge dukkaṭaṃ. Esa nayo rajanākoṭanesu. Rajanadoṇiyañhi rajanaṃ ākiritvā yāva sakiṃ cīvaraṃ rajati, tato pubbe yaṃkiñci rajanatthāya karoti, pacchā vā paṭirajati, sabbattha payoge payoge bhikkhussa dukkaṭaṃ. Evaṃ ākoṭanepi payogo veditabbo.
506. ан̃н̃аад̇игааяа ан̃н̃аад̇игасан̃н̃ий бураан̣ажийварам̣ д̇ховаабзд̇ийд̇и но жзби ‘‘имам̣ д̇ховаа’’д̇и вад̣̇ад̇и, ат̇а ко д̇хованад̇т̇ааяа гааяавигаарам̣ гад̇ваа хад̇т̇зна ваа хад̇т̇з д̣̇зд̇и, баад̣̇амуулз ваа табзд̇и, убари ваа кибад̇и, сигкамаанаасааман̣зрийсааман̣зраубаасагад̇ид̇т̇ияаад̣̇ийнам̣ ваа хад̇т̇з бзсзд̇и, над̣̇ийд̇ид̇т̇з д̇хованд̇ияаа убажаарз ваа кибад̇и, анд̇од̣̇ваад̣̇асахад̇т̇з огаасз тад̇ваа, д̇ховаабид̇ам̣язва ход̇и. сажз бана убажаарам̣ мун̃жид̇ваа орад̇о табзд̇и саа жз д̇ховид̇ваа аанзд̇и, анаабад̇д̇и. сигкамаанааяа ваа сааман̣зрияаа ваа убаасигааяа ваа хад̇т̇з д̇хованад̇т̇ааяа д̣̇зд̇и, саа жз убасамбаж̇ж̇ид̇ваа д̇ховад̇и, аабад̇д̇иязва. убаасагасса хад̇т̇з д̣̇зд̇и, со жз лин̇г̇з баривад̇д̇з бхигкунийсу баб̣б̣аж̇ид̇ваа убасамбаж̇ж̇ид̇ваа д̇ховад̇и , аабад̇д̇иязва. сааман̣зрасса ваа бхигкусса ваа хад̇т̇з д̣̇иннзби лин̇г̇абаривад̇д̇анз зсзва наяо.
506.Aññātikāya aññātikasaññī purāṇacīvaraṃ dhovāpetīti no cepi ‘‘imaṃ dhovā’’ti vadati, atha kho dhovanatthāya kāyavikāraṃ katvā hatthena vā hatthe deti, pādamūle vā ṭhapeti, upari vā khipati, sikkhamānāsāmaṇerīsāmaṇeraupāsakatitthiyādīnaṃ vā hatthe peseti, nadītitthe dhovantiyā upacāre vā khipati, antodvādasahatthe okāse ṭhatvā, dhovāpitaṃyeva hoti. Sace pana upacāraṃ muñcitvā orato ṭhapeti sā ce dhovitvā āneti, anāpatti. Sikkhamānāya vā sāmaṇeriyā vā upāsikāya vā hatthe dhovanatthāya deti, sā ce upasampajjitvā dhovati, āpattiyeva. Upāsakassa hatthe deti, so ce liṅge parivatte bhikkhunīsu pabbajitvā upasampajjitvā dhovati , āpattiyeva. Sāmaṇerassa vā bhikkhussa vā hatthe dinnepi liṅgaparivattane eseva nayo.
д̇ховаабзд̇и раж̇аабзд̇ийд̇иаад̣̇ийсу згзна вад̇т̇унаа ниссаг̇г̇ияам̣, д̣̇уд̇иязна д̣̇уггадам̣. д̇ийн̣иби гаараабзнд̇асса згзна ниссаг̇г̇ияам̣, сзсзхи д̣̇вз д̣̇уггадаани. яасмаа банзд̇аани д̇хованаад̣̇ийни бадибаадияаа ваа уббадибаадияаа ваа гаарзнд̇асса могко над̇т̇и, д̇асмаа зд̇т̇а д̇ийн̣и жад̇уггаани вуд̇д̇аани. сажзби хи ‘‘имам̣ жийварам̣ раж̇ид̇ваа д̇ховид̇ваа аанзхий’’д̇и вуд̇д̇з саа бхигкуний батамам̣ д̇ховид̇ваа бажчаа раж̇ад̇и, ниссаг̇г̇иязна д̣̇уггадамзва. звам̣ саб̣б̣зсу вибарийд̇аважанзсу наяо нзд̇аб̣б̣о. сажз бана ‘‘д̇ховид̇ваа аанзхий’’д̇и вуд̇д̇аа д̇ховад̇и жзва раж̇ад̇и жа, д̇ховаабанабажжаяаа зва аабад̇д̇и, раж̇анз анаабад̇д̇и. звам̣ саб̣б̣ад̇т̇а вуд̇д̇аад̇хигагаран̣з ‘‘авуд̇д̇аа д̇ховад̇ий’’д̇и иминаа лагкан̣зна анаабад̇д̇и взд̣̇ид̇аб̣б̣аа. ‘‘имасмим̣ жийварз яам̣ гаад̇аб̣б̣ам̣, саб̣б̣ам̣ д̇ам̣ д̇уяхам̣ бхааро’’д̇и вад̣̇анд̇о бана згаваажааяа самб̣ахулаа аабад̇д̇ияо аабаж̇ж̇ад̇ийд̇и.
Dhovāpeti rajāpetītiādīsu ekena vatthunā nissaggiyaṃ, dutiyena dukkaṭaṃ. Tīṇipi kārāpentassa ekena nissaggiyaṃ, sesehi dve dukkaṭāni. Yasmā panetāni dhovanādīni paṭipāṭiyā vā uppaṭipāṭiyā vā kārentassa mokkho natthi, tasmā ettha tīṇi catukkāni vuttāni. Sacepi hi ‘‘imaṃ cīvaraṃ rajitvā dhovitvā ānehī’’ti vutte sā bhikkhunī paṭhamaṃ dhovitvā pacchā rajati, nissaggiyena dukkaṭameva. Evaṃ sabbesu viparītavacanesu nayo netabbo. Sace pana ‘‘dhovitvā ānehī’’ti vuttā dhovati ceva rajati ca, dhovāpanapaccayā eva āpatti, rajane anāpatti. Evaṃ sabbattha vuttādhikakaraṇe ‘‘avuttā dhovatī’’ti iminā lakkhaṇena anāpatti veditabbā. ‘‘Imasmiṃ cīvare yaṃ kātabbaṃ, sabbaṃ taṃ tuyhaṃ bhāro’’ti vadanto pana ekavācāya sambahulā āpattiyo āpajjatīti.
ан̃н̃аад̇игааяа взмад̇иго ан̃н̃аад̇игааяа н̃аад̇игасан̃н̃ийд̇и имааниби бад̣̇аани вуд̇д̇аанам̣язва д̇ин̣н̣ам̣ жад̇уггаанам̣ васзна вид̇т̇аарад̇о взд̣̇ид̇аб̣б̣аани.
Aññātikāya vematiko aññātikāya ñātikasaññīti imānipi padāni vuttānaṃyeva tiṇṇaṃ catukkānaṃ vasena vitthārato veditabbāni.
згад̇о убасамбаннааяаад̇и бхигкунийнам̣ санд̇игз убасамбаннааяа д̇ховаабзнд̇асса д̣̇уггадам̣. бхигкуунам̣ санд̇игз убасамбаннааяа бана яат̇аавад̇т̇угамзва, бхигкуунам̣ санд̇игз убасамбаннаа наама бан̃жасад̇аа саагияаанияо.
Ekato upasampannāyāti bhikkhunīnaṃ santike upasampannāya dhovāpentassa dukkaṭaṃ. Bhikkhūnaṃ santike upasampannāya pana yathāvatthukameva, bhikkhūnaṃ santike upasampannā nāma pañcasatā sākiyāniyo.
507. авуд̇д̇аа д̇ховад̇ийд̇и уд̣̇д̣̇зсааяа ваа оваад̣̇ааяа ваа ааг̇ад̇аа гилиннам̣ жийварам̣ д̣̇исваа табид̇адтаанад̇о г̇ахзд̇ваа ваа ‘‘д̣̇зт̇а, аяяа, д̇ховиссаамий’’д̇и аахараабзд̇ваа ваа д̇ховад̇и жзва раж̇ад̇и жа аагодзд̇и жа, аяам̣ авуд̇д̇аа д̇ховад̇и наама. яааби ‘‘имам̣ жийварам̣ д̇ховаа’’д̇и д̣̇ахарам̣ ваа сааман̣зрам̣ ваа аан̣аабзнд̇асса бхигкуно суд̇ваа ‘‘аахарат̇аяяа ахам̣ д̇ховиссаамий’’д̇и д̇ховад̇и, д̇аавагаалигам̣ ваа г̇ахзд̇ваа д̇ховид̇ваа раж̇ид̇ваа д̣̇зд̇и, аяамби авуд̇д̇аа д̇ховад̇и наама.
507.Avuttā dhovatīti uddesāya vā ovādāya vā āgatā kilinnaṃ cīvaraṃ disvā ṭhapitaṭṭhānato gahetvā vā ‘‘detha, ayya, dhovissāmī’’ti āharāpetvā vā dhovati ceva rajati ca ākoṭeti ca, ayaṃ avuttā dhovati nāma. Yāpi ‘‘imaṃ cīvaraṃ dhovā’’ti daharaṃ vā sāmaṇeraṃ vā āṇāpentassa bhikkhuno sutvā ‘‘āharathayya ahaṃ dhovissāmī’’ti dhovati, tāvakālikaṃ vā gahetvā dhovitvā rajitvā deti, ayampi avuttā dhovati nāma.
ан̃н̃ам̣ баригкааранд̇и убааханад̇т̇авигабад̇д̇ад̇т̇авигаам̣саб̣ад̣̇д̇хагагааяаб̣анд̇ханаман̃жабийтабхисид̇аддигаад̣̇им̣ яам̣гин̃жи д̇ховаабзд̇и, анаабад̇д̇и. сзсамзд̇т̇а уд̇д̇аанад̇т̇амзва.
Aññaṃ parikkhāranti upāhanatthavikapattatthavikaaṃsabaddhakakāyabandhanamañcapīṭhabhisitaṭṭikādiṃ yaṃkiñci dhovāpeti, anāpatti. Sesamettha uttānatthameva.
самудтаанаад̣̇ийсу бана ид̣̇ам̣ сигкаабад̣̇ам̣ часамудтаанам̣, гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
Samuṭṭhānādīsu pana idaṃ sikkhāpadaṃ chasamuṭṭhānaṃ, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
бураан̣ажийварасигкаабад̣̇аван̣н̣анаа нидтид̇аа.
Purāṇacīvarasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бураан̣ажийварасигкаабад̣̇ам̣ • 4. Purāṇacīvarasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. бураан̣ажийварасигкаабад̣̇аван̣н̣анаа • 4. Purāṇacīvarasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. бураан̣ажийварасигкаабад̣̇аван̣н̣анаа • 4. Purāṇacīvarasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. бураан̣ажийварасигкаабад̣̇аван̣н̣анаа • 4. Purāṇacīvarasikkhāpadavaṇṇanā
