| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
10. бурзж̇аад̇абажжаяанид̣̇д̣̇зсаван̣н̣анаа
10. Purejātapaccayaniddesavaṇṇanā
10. бурзж̇аад̇абажжаяанид̣̇д̣̇зсз бурзж̇аад̇абажжаязна бажжаяод̇и зд̇т̇а бурзж̇аад̇ам̣ наама яасса бажжаяо ход̇и, д̇ад̇о буримад̇арам̣ ж̇аад̇ам̣ ж̇аад̇игкан̣ам̣ ад̇иггамид̇ваа тид̇игкан̣аббад̇д̇ам̣. жагкааяад̇ананд̇иаад̣̇и вад̇т̇убурзж̇аад̇авасзна вуд̇д̇ам̣. руубааяад̇ананд̇иаад̣̇и аарамман̣абурзж̇аад̇авасзна. гин̃жигаалз бурзж̇аад̇абажжаязнаад̇и бавад̇д̇им̣ санд̇хааяа вуд̇д̇ам̣. гин̃жигаалз на бурзж̇аад̇абажжаязнаад̇и бадисанд̇хим̣ санд̇хааяа вуд̇д̇ам̣. звам̣ саб̣б̣ат̇ааби бан̃жад̣̇ваарз вад̇т̇аарамман̣авасзна, манод̣̇ваарз вад̇т̇увасзнзвааяам̣ баал̣и ааг̇ад̇аа, бан̃хааваарз бана ‘‘аарамман̣абурзж̇аад̇ам̣ – сзгкаа ваа бут̇уж̇ж̇анаа ваа жагкум̣ анижжад̇о д̣̇угкад̇о анад̇д̇ад̇о вибассанд̇ий’’д̇и ааг̇ад̇ад̇д̇аа манод̣̇ваарзби аарамман̣абурзж̇аад̇ам̣ лаб̣бхад̇зва. ид̇ха бана саавасзсавасзна д̣̇зсанаа гад̇аад̇и аяам̣ д̇аавзд̇т̇а баал̣иван̣н̣анаа.
10. Purejātapaccayaniddese purejātapaccayena paccayoti ettha purejātaṃ nāma yassa paccayo hoti, tato purimataraṃ jātaṃ jātikkhaṇaṃ atikkamitvā ṭhitikkhaṇappattaṃ. Cakkhāyatanantiādi vatthupurejātavasena vuttaṃ. Rūpāyatanantiādi ārammaṇapurejātavasena. Kiñcikāle purejātapaccayenāti pavattiṃ sandhāya vuttaṃ. Kiñcikāle na purejātapaccayenāti paṭisandhiṃ sandhāya vuttaṃ. Evaṃ sabbathāpi pañcadvāre vatthārammaṇavasena, manodvāre vatthuvasenevāyaṃ pāḷi āgatā, pañhāvāre pana ‘‘ārammaṇapurejātaṃ – sekkhā vā puthujjanā vā cakkhuṃ aniccato dukkhato anattato vipassantī’’ti āgatattā manodvārepi ārammaṇapurejātaṃ labbhateva. Idha pana sāvasesavasena desanā katāti ayaṃ tāvettha pāḷivaṇṇanā.
аяам̣ бана бурзж̇аад̇абажжаяо суд̣̇д̇харуубамзва ход̇и. д̇ан̃жа ко уббаад̣̇агкан̣ам̣ ад̇иггамид̇ваа тид̇иббад̇д̇ам̣ адтаарасавид̇хам̣ руубаруубамзва. д̇ам̣ саб̣б̣амби вад̇т̇убурзж̇аад̇ам̣ аарамман̣абурзж̇аад̇анд̇и д̣̇вид̇хаа тид̇ам̣. д̇ад̇т̇а жагкааяад̇анам̣…бз… гааяааяад̇анам̣ вад̇т̇уруубанд̇и ид̣̇ам̣ вад̇т̇убурзж̇аад̇ам̣ наама. сзсам̣ имааяа баал̣ияаа ааг̇ад̇ан̃жа анааг̇ад̇ан̃жа ван̣н̣о сад̣̇д̣̇о г̇анд̇хо расо жад̇ассо д̇хаад̇уяо д̇ийн̣и инд̣̇рияаани габ̣ал̣ийгааро аахаарод̇и д̣̇ваад̣̇асавид̇хам̣ руубам̣ аарамман̣абурзж̇аад̇абажжаяо наамаад̇и звамзд̇т̇а наанаббагаарабхзд̣̇ад̇о вин̃н̃аад̇аб̣б̣о винижчаяо.
Ayaṃ pana purejātapaccayo suddharūpameva hoti. Tañca kho uppādakkhaṇaṃ atikkamitvā ṭhitippattaṃ aṭṭhārasavidhaṃ rūparūpameva. Taṃ sabbampi vatthupurejātaṃ ārammaṇapurejātanti dvidhā ṭhitaṃ. Tattha cakkhāyatanaṃ…pe… kāyāyatanaṃ vatthurūpanti idaṃ vatthupurejātaṃ nāma. Sesaṃ imāya pāḷiyā āgatañca anāgatañca vaṇṇo saddo gandho raso catasso dhātuyo tīṇi indriyāni kabaḷīkāro āhāroti dvādasavidhaṃ rūpaṃ ārammaṇapurejātapaccayo nāmāti evamettha nānappakārabhedato viññātabbo vinicchayo.
звам̣ бхиннз банзд̇т̇а жагкааяад̇анам̣ д̣̇виннам̣ жагкувин̃н̃аан̣аанам̣ бурзж̇аад̇абажжаязна бажжаяо, д̇ат̇аа ид̇араани жад̇д̇аари сод̇авин̃н̃аан̣аад̣̇ийнам̣. вад̇т̇уруубам̣ бана табзд̇ваа д̣̇вибан̃жавин̃н̃аан̣аани жад̇д̇ааро жа ааруббавибаагз сзсаанам̣ саб̣б̣зсамби жад̇убхуумагаанам̣ гусалаагусалааб̣яаагад̇аанам̣ жид̇д̇ажзд̇асигаанам̣ бурзж̇аад̇абажжаяо ход̇и. руубаад̣̇ийни бана бан̃жаарамман̣аани д̣̇вибан̃жавин̃н̃аан̣аанан̃жзва манод̇хаад̇уунан̃жа зганд̇знзва бурзж̇аад̇абажжаяаа хонд̇и. адтаарасавид̇хамби банзд̇ам̣ руубаруубам̣ гаамааважарагусаласса руубааважарад̇о абхин̃н̃аагусаласса агусаласса д̇ад̣̇аарамман̣абхаавино гаамааважаравибаагасса гаамааважарагирияасса руубааважарад̇о абхин̃н̃аагирияассаад̇и имзсам̣ чаннам̣ раасийнам̣ бурзж̇аад̇абажжаяо ход̇ийд̇и звамзд̇т̇а бажжаяуббаннад̇оби вин̃н̃аад̇аб̣б̣о винижчаяод̇и.
Evaṃ bhinne panettha cakkhāyatanaṃ dvinnaṃ cakkhuviññāṇānaṃ purejātapaccayena paccayo, tathā itarāni cattāri sotaviññāṇādīnaṃ. Vatthurūpaṃ pana ṭhapetvā dvipañcaviññāṇāni cattāro ca āruppavipāke sesānaṃ sabbesampi catubhūmakānaṃ kusalākusalābyākatānaṃ cittacetasikānaṃ purejātapaccayo hoti. Rūpādīni pana pañcārammaṇāni dvipañcaviññāṇānañceva manodhātūnañca ekanteneva purejātapaccayā honti. Aṭṭhārasavidhampi panetaṃ rūparūpaṃ kāmāvacarakusalassa rūpāvacarato abhiññākusalassa akusalassa tadārammaṇabhāvino kāmāvacaravipākassa kāmāvacarakiriyassa rūpāvacarato abhiññākiriyassāti imesaṃ channaṃ rāsīnaṃ purejātapaccayo hotīti evamettha paccayuppannatopi viññātabbo vinicchayoti.
бурзж̇аад̇абажжаяанид̣̇д̣̇зсаван̣н̣анаа.
Purejātapaccayaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
