| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၂. ပုရိသသုတ္တံ
2. Purisasuttaṃ
၂၈၁. ‘‘ပဉ္စဟိ, ဘိက္ခဝေ, အင္ဂေဟိ သမန္နာဂတော ပုရိသော ဧကန္တအမနာပော ဟောတိ မာတုဂာမသ္သ။ ကတမေဟိ ပဉ္စဟိ? န စ ရူပဝာ ဟောတိ, န စ ဘောဂဝာ ဟောတိ, န စ သီလဝာ ဟောတိ, အလသော စ ဟောတိ, ပဇဉ္စသ္သ န လဘတိ – ဣမေဟိ ခော, ဘိက္ခဝေ, ပဉ္စဟိ အင္ဂေဟိ သမန္နာဂတော ပုရိသော ဧကန္တအမနာပော ဟောတိ မာတုဂာမသ္သ။ ပဉ္စဟိ, ဘိက္ခဝေ, အင္ဂေဟိ သမန္နာဂတော ပုရိသော ဧကန္တမနာပော ဟောတိ မာတုဂာမသ္သ။ ကတမေဟိ ပဉ္စဟိ? ရူပဝာ စ ဟောတိ, ဘောဂဝာ စ ဟောတိ, သီလဝာ စ ဟောတိ, ဒက္ခော စ ဟောတိ အနလသော, ပဇဉ္စသ္သ လဘတိ – ဣမေဟိ ခော, ဘိက္ခဝေ, ပဉ္စဟိ အင္ဂေဟိ သမန္နာဂတော ပုရိသော ဧကန္တမနာပော ဟောတိ မာတုဂာမသ္သာ’’တိ။ ဒုတိယံ။
281. ‘‘Pañcahi, bhikkhave, aṅgehi samannāgato puriso ekantaamanāpo hoti mātugāmassa. Katamehi pañcahi? Na ca rūpavā hoti, na ca bhogavā hoti, na ca sīlavā hoti, alaso ca hoti, pajañcassa na labhati – imehi kho, bhikkhave, pañcahi aṅgehi samannāgato puriso ekantaamanāpo hoti mātugāmassa. Pañcahi, bhikkhave, aṅgehi samannāgato puriso ekantamanāpo hoti mātugāmassa. Katamehi pañcahi? Rūpavā ca hoti, bhogavā ca hoti, sīlavā ca hoti, dakkho ca hoti analaso, pajañcassa labhati – imehi kho, bhikkhave, pañcahi aṅgehi samannāgato puriso ekantamanāpo hoti mātugāmassā’’ti. Dutiyaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁-၂. မာတုဂာမသုတ္တာဒိဝဏ္ဏနာ • 1-2. Mātugāmasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁-၂. မာတုဂာမသုတ္တာဒိဝဏ္ဏနာ • 1-2. Mātugāmasuttādivaṇṇanā
