| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੯-੧੦. ਪੁਤ੍ਤਸੁਤ੍ਤਾਦਿવਣ੍ਣਨਾ
9-10. Puttasuttādivaṇṇanā
੩੯-੪੦. ਨવਮੇ ਭਤੋਤਿ ਪੋਸਿਤੋ। ਤਂ ਪਨ ਭਰਣਂ ਜਾਤਕਾਲਤੋ ਪਟ੍ਠਾਯ ਸੁਖਪਚ੍ਚਯੂਪਹਰਣੇਨ ਦੁਕ੍ਖਪਚ੍ਚਯਾਪਹਰਣੇਨ ਚ ਪવਤ੍ਤਿਤਨ੍ਤਿ ਦਸ੍ਸੇਤੁਂ ‘‘ਅਮ੍ਹੇਹੀ’’ਤਿਆਦਿ વੁਤ੍ਤਂ। ਹਤ੍ਥਪਾਦવਡ੍ਢਨਾਦੀਹੀਤਿ ਆਦਿ-ਸਦ੍ਦੇਨ ਮੁਖੇਨ ਸਿਙ੍ਘਾਨਿਕਾਪਨਯਨਨਹਾਪਨਮਣ੍ਡਨਾਦਿਞ੍ਚ ਸਙ੍ਗਣ੍ਹਾਤਿ। ਮਾਤਾਪਿਤੂਨਂ ਸਨ੍ਤਕਂ ਖੇਤ੍ਤਾਦਿਂ ਅવਿਨਾਸੇਤ੍વਾ ਰਕ੍ਖਿਤਂ ਤੇਸਂ ਪਰਮ੍ਪਰਾਯ ਠਿਤਿਯਾ ਕਾਰਣਂ ਹੋਤੀਤਿ ਆਹ ‘‘ਅਮ੍ਹਾਕਂ ਸਨ੍ਤਕਂ…ਪੇ॰… ਕੁਲવਂਸੋ ਚਿਰਂ ਠਸ੍ਸਤੀ’’ਤਿ। ਸਲਾਕਭਤ੍ਤਾਦੀਨਿ ਅਨੁਪਚ੍ਛਿਨ੍ਦਿਤ੍વਾਤਿ ਸਲਾਕਭਤ੍ਤਾਦੀਨਿ ਅવਿਚ੍ਛਿਨ੍ਦਿਤ੍વਾ। ਯਸ੍ਮਾ ਦਾਯਜ੍ਜਪ੍ਪਟਿਲਾਭਸ੍ਸ ਯੋਗ੍ਯਭਾવੇਨ વਤ੍ਤਮਾਨੋਯੇવ ਦਾਯਸ੍ਸ ਪਟਿਪਜ੍ਜਿਸ੍ਸਤਿ, ਨ ਇਤਰੋਤਿ ਆਹ ‘‘ਕੁਲવਂਸਾਨੁਰੂਪਾਯ ਪਟਿਪਤ੍ਤਿਯਾ’’ਤਿਆਦਿ । ਅਤ੍ਤਨਾ ਦਾਯਜ੍ਜਾਰਹਂ ਕਰੋਨ੍ਤੋਤਿ ਅਤ੍ਤਾਨਂ ਦਾਯਜ੍ਜਾਰਹਂ ਕਰੋਨ੍ਤੋ। ਮਾਤਾਪਿਤਰੋ ਹਿ ਅਤ੍ਤਨੋ ਓવਾਦੇ ਅવਤ੍ਤਮਾਨੇ ਮਿਚ੍ਛਾਪਟਿਪਨ੍ਨੇ ਦਾਰਕੇ વਿਨਿਚ੍ਛਯਂ ਗਨ੍ਤ੍વਾ ਅਪੁਤ੍ਤੇ ਕਰੋਨ੍ਤਿ, ਤੇ ਦਾਯਜ੍ਜਾਰਹਾ ਨ ਹੋਨ੍ਤਿ। ਓવਾਦੇ વਤ੍ਤਮਾਨੇ ਪਨ ਕੁਲਸਨ੍ਤਕਸ੍ਸ ਸਾਮਿਕੇ ਕਰੋਨ੍ਤਿ। ਤਤਿਯਦਿવਸਤੋ ਪਟ੍ਠਾਯਾਤਿ ਮਤਦਿવਸਤੋ ਤਤਿਯਦਿવਸਤੋ ਪਟ੍ਠਾਯ। ਸੇਸਂ ਸੁવਿਞ੍ਞੇਯ੍ਯਮੇવ। ਦਸਮਂ ਉਤ੍ਤਾਨਮੇવ।
39-40. Navame bhatoti posito. Taṃ pana bharaṇaṃ jātakālato paṭṭhāya sukhapaccayūpaharaṇena dukkhapaccayāpaharaṇena ca pavattitanti dassetuṃ ‘‘amhehī’’tiādi vuttaṃ. Hatthapādavaḍḍhanādīhīti ādi-saddena mukhena siṅghānikāpanayananahāpanamaṇḍanādiñca saṅgaṇhāti. Mātāpitūnaṃ santakaṃ khettādiṃ avināsetvā rakkhitaṃ tesaṃ paramparāya ṭhitiyā kāraṇaṃ hotīti āha ‘‘amhākaṃ santakaṃ…pe… kulavaṃso ciraṃ ṭhassatī’’ti. Salākabhattādīni anupacchinditvāti salākabhattādīni avicchinditvā. Yasmā dāyajjappaṭilābhassa yogyabhāvena vattamānoyeva dāyassa paṭipajjissati, na itaroti āha ‘‘kulavaṃsānurūpāya paṭipattiyā’’tiādi . Attanā dāyajjārahaṃ karontoti attānaṃ dāyajjārahaṃ karonto. Mātāpitaro hi attano ovāde avattamāne micchāpaṭipanne dārake vinicchayaṃ gantvā aputte karonti, te dāyajjārahā na honti. Ovāde vattamāne pana kulasantakassa sāmike karonti. Tatiyadivasato paṭṭhāyāti matadivasato tatiyadivasato paṭṭhāya. Sesaṃ suviññeyyameva. Dasamaṃ uttānameva.
ਪੁਤ੍ਤਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Puttasuttādivaṇṇanā niṭṭhitā.
ਸੁਮਨવਗ੍ਗવਣ੍ਣਨਾ ਨਿਟ੍ਠਿਤਾ।
Sumanavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੯. ਪੁਤ੍ਤਸੁਤ੍ਤਂ • 9. Puttasuttaṃ
੧੦. ਮਹਾਸਾਲਪੁਤ੍ਤਸੁਤ੍ਤਂ • 10. Mahāsālaputtasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੯. ਪੁਤ੍ਤਸੁਤ੍ਤવਣ੍ਣਨਾ • 9. Puttasuttavaṇṇanā
੧੦. ਮਹਾਸਾਲਪੁਤ੍ਤਸੁਤ੍ਤવਣ੍ਣਨਾ • 10. Mahāsālaputtasuttavaṇṇanā
