| Library / Tipiṭaka / തിപിടക • Tipiṭaka / വിമതിവിനോദനീ-ടീകാ • Vimativinodanī-ṭīkā |
രാധബ്രാഹ്മണവത്ഥുകഥാവണ്ണനാ
Rādhabrāhmaṇavatthukathāvaṇṇanā
൬൯. രാധബ്രാഹ്മണവത്ഥുസ്മിം പാളിയം ഉപ്പണ്ഡുപ്പണ്ഡുകജാതോതി സകലസരീരേ സഞ്ജാതപണ്ഡുവണ്ണോ. പണ്ഡുവണ്ണസ്സ സകലസരീരേ ബ്യാപിതഭാവദസ്സനത്ഥഞ്ഹി വിച്ഛാവചനം കതം. അധികാരന്തി ഉപകാരം. കതവേദിനോതി അത്തനോ കതം ഉപകാരം പടികിരിയായ ഞാപകാ. ഉപസമ്പദാകമ്മവാചായ യം വത്തബ്ബം, തം പരിയോസാനേ വക്ഖാമ. പരിമണ്ഡലേഹീതി പരിപുണ്ണേഹി.
69. Rādhabrāhmaṇavatthusmiṃ pāḷiyaṃ uppaṇḍuppaṇḍukajātoti sakalasarīre sañjātapaṇḍuvaṇṇo. Paṇḍuvaṇṇassa sakalasarīre byāpitabhāvadassanatthañhi vicchāvacanaṃ kataṃ. Adhikāranti upakāraṃ. Katavedinoti attano kataṃ upakāraṃ paṭikiriyāya ñāpakā. Upasampadākammavācāya yaṃ vattabbaṃ, taṃ pariyosāne vakkhāma. Parimaṇḍalehīti paripuṇṇehi.
൭൧-൭൩. പണ്ണത്തിവീതിക്കമന്തി സിക്ഖാപദവീതിക്കമം. പാളിയം പിണ്ഡിയാലോപഭോജനന്തി ജങ്ഘപിണ്ഡിമംസബലേന ചരിത്വാ ആലോപാലോപവസേന പരിയിട്ഠഭോജനം. അതിരേകലാഭോതി ഭിക്ഖാഹാരതോ അധികലാഭോ. സങ്ഘഭത്താദീനം വിഭാഗോ സേനാസനക്ഖന്ധകേ ആവി ഭവിസ്സതി. വിഹാരോതി തിണകുടികാദിസഹിതോ പാകാരപരിച്ഛിന്നോ സകലോ സങ്ഘാരാമോ. അഡ്ഢയോഗോതി ഏകസാലോ ദീഘപാസാദോ. ഹത്ഥിപിട്ഠിഗരുളസണ്ഠാനോ ദീഘപാസാദോതിപി വദന്തി. പാസാദോതി ചതുരസ്സോ ഉച്ചോ അനേകഭൂമകപാസാദോ. ഹമ്മിയന്തി മുണ്ഡച്ഛദനോ ചന്ദികങ്ഗണയുത്തോ നാതിഉച്ചോ പാസാദോ. ഗുഹാതി പബ്ബതഗുഹാ. പൂതിമുത്തന്തി ഗോമുത്തം.
71-73.Paṇṇattivītikkamanti sikkhāpadavītikkamaṃ. Pāḷiyaṃ piṇḍiyālopabhojananti jaṅghapiṇḍimaṃsabalena caritvā ālopālopavasena pariyiṭṭhabhojanaṃ. Atirekalābhoti bhikkhāhārato adhikalābho. Saṅghabhattādīnaṃ vibhāgo senāsanakkhandhake āvi bhavissati. Vihāroti tiṇakuṭikādisahito pākāraparicchinno sakalo saṅghārāmo. Aḍḍhayogoti ekasālo dīghapāsādo. Hatthipiṭṭhigaruḷasaṇṭhāno dīghapāsādotipi vadanti. Pāsādoti caturasso ucco anekabhūmakapāsādo. Hammiyanti muṇḍacchadano candikaṅgaṇayutto nātiucco pāsādo. Guhāti pabbataguhā. Pūtimuttanti gomuttaṃ.
രാധബ്രാഹ്മണവത്ഥുകഥാവണ്ണനാ നിട്ഠിതാ.
Rādhabrāhmaṇavatthukathāvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi / ൧൭. പണാമിതകഥാ • 17. Paṇāmitakathā
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവഗ്ഗ-അട്ഠകഥാ • Mahāvagga-aṭṭhakathā / രാധബ്രാഹ്മണവത്ഥുകഥാ • Rādhabrāhmaṇavatthukathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / രാധബ്രാഹ്മണവത്ഥുകഥാവണ്ണനാ • Rādhabrāhmaṇavatthukathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / രാധബ്രാഹ്മണവത്ഥുകഥാവണ്ണനാ • Rādhabrāhmaṇavatthukathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / രാധബ്രാഹ്മണവത്ഥുകഥാ • Rādhabrāhmaṇavatthukathā
