| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૧૩. રાગપેય્યાલં
13. Rāgapeyyālaṃ
૧૪૦. ‘‘રાગસ્સ , ભિક્ખવે, અભિઞ્ઞાય છ ધમ્મા ભાવેતબ્બા. કતમે છ? દસ્સનાનુત્તરિયં , સવનાનુત્તરિયં, લાભાનુત્તરિયં, સિક્ખાનુત્તરિયં, પારિચરિયાનુત્તરિયં, અનુસ્સતાનુત્તરિયં. રાગસ્સ, ભિક્ખવે, અભિઞ્ઞાય ઇમે છ ધમ્મા ભાવેતબ્બા’’તિ.
140. ‘‘Rāgassa , bhikkhave, abhiññāya cha dhammā bhāvetabbā. Katame cha? Dassanānuttariyaṃ , savanānuttariyaṃ, lābhānuttariyaṃ, sikkhānuttariyaṃ, pāricariyānuttariyaṃ, anussatānuttariyaṃ. Rāgassa, bhikkhave, abhiññāya ime cha dhammā bhāvetabbā’’ti.
૧૪૧. ‘‘રાગસ્સ, ભિક્ખવે, અભિઞ્ઞાય છ ધમ્મા ભાવેતબ્બા. કતમે છ? બુદ્ધાનુસ્સતિ, ધમ્માનુસ્સતિ, સઙ્ઘાનુસ્સતિ, સીલાનુસ્સતિ, ચાગાનુસ્સતિ, દેવતાનુસ્સતિ. રાગસ્સ, ભિક્ખવે, અભિઞ્ઞાય ઇમે છ ધમ્મા ભાવેતબ્બા’’તિ.
141. ‘‘Rāgassa, bhikkhave, abhiññāya cha dhammā bhāvetabbā. Katame cha? Buddhānussati, dhammānussati, saṅghānussati, sīlānussati, cāgānussati, devatānussati. Rāgassa, bhikkhave, abhiññāya ime cha dhammā bhāvetabbā’’ti.
૧૪૨. ‘‘રાગસ્સ, ભિક્ખવે, અભિઞ્ઞાય છ ધમ્મા ભાવેતબ્બા. કતમે છ? અનિચ્ચસઞ્ઞા, અનિચ્ચે દુક્ખસઞ્ઞા, દુક્ખે અનત્તસઞ્ઞા, પહાનસઞ્ઞા, વિરાગસઞ્ઞા, નિરોધસઞ્ઞા. રાગસ્સ, ભિક્ખવે, અભિઞ્ઞાય ઇમે છ ધમ્મા ભાવેતબ્બા’’તિ.
142. ‘‘Rāgassa, bhikkhave, abhiññāya cha dhammā bhāvetabbā. Katame cha? Aniccasaññā, anicce dukkhasaññā, dukkhe anattasaññā, pahānasaññā, virāgasaññā, nirodhasaññā. Rāgassa, bhikkhave, abhiññāya ime cha dhammā bhāvetabbā’’ti.
૧૪૩-૧૬૯. ‘‘રાગસ્સ, ભિક્ખવે, પરિઞ્ઞાય…પે॰… પરિક્ખયાય… પહાનાય… ખયાય… વયાય… વિરાગાય… નિરોધાય… ચાગાય… પટિનિસ્સગ્ગાય છ ધમ્મા ભાવેતબ્બા’’.
143-169. ‘‘Rāgassa, bhikkhave, pariññāya…pe… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya cha dhammā bhāvetabbā’’.
૧૭૦-૬૪૯. ‘‘દોસસ્સ…પે॰… મોહસ્સ… કોધસ્સ… ઉપનાહસ્સ… મક્ખસ્સ… પળાસસ્સ… ઇસ્સાય… મચ્છરિયસ્સ… માયાય… સાઠેય્યસ્સ… થમ્ભસ્સ… સારમ્ભસ્સ… માનસ્સ… અતિમાનસ્સ… મદસ્સ… પમાદસ્સ અભિઞ્ઞાય…પે॰… પરિઞ્ઞાય… પરિક્ખયાય… પહનાય… ખયાય… વયાય… વિરાગાય… નિરોધાય… ચાગાય… પટિનિસ્સગ્ગાય ઇમે છ ધમ્મા ભાવેતબ્બા’’તિ. ઇદમવોચ ભગવા. અત્તમના તે ભિક્ખૂ ભગવતો ભાસિતં અભિનન્દુન્તિ.
170-649. ‘‘Dosassa…pe… mohassa… kodhassa… upanāhassa… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa abhiññāya…pe… pariññāya… parikkhayāya… pahanāya… khayāya… vayāya… virāgāya… nirodhāya… cāgāya… paṭinissaggāya ime cha dhammā bhāvetabbā’’ti. Idamavoca bhagavā. Attamanā te bhikkhū bhagavato bhāsitaṃ abhinandunti.
રાગપેય્યાલં નિટ્ઠિતં.
Rāgapeyyālaṃ niṭṭhitaṃ.
છક્કનિપાતપાળિ નિટ્ઠિતા.
Chakkanipātapāḷi niṭṭhitā.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧૩. રાગપેય્યાલવણ્ણના • 13. Rāgapeyyālavaṇṇanā
