| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
11. раахуласуд̇д̇аван̣н̣анаа
11. Rāhulasuttavaṇṇanā
338. гажжи абхин̣хасам̣ваасаад̇и раахуласуд̇д̇ам̣. гаа уббад̇д̇и? бхаг̇аваа саммаасамб̣од̇хим̣ абхисамб̣уж̇жхид̇ваа б̣од̇химан̣д̣ад̇о анубуб̣б̣зна габилавад̇т̇ум̣ г̇анд̇ваа д̇ад̇т̇а раахулагумаарзна ‘‘д̣̇ааяаж̇ж̇ам̣ мз саман̣а д̣̇зхий’’д̇и д̣̇ааяаж̇ж̇ам̣ яаажид̇о саарибуд̇д̇ад̇т̇зрам̣ аан̣аабзси – ‘‘раахулагумаарам̣ баб̣б̣ааж̇зхий’’д̇и. д̇ам̣ саб̣б̣ам̣ канд̇хагадтагат̇ааяам̣ (махаава. адта. 105) вуд̇д̇анаязнзва г̇ахзд̇аб̣б̣ам̣. звам̣ баб̣б̣аж̇ид̇ам̣ бана раахулагумаарам̣ вуд̣дхиббад̇д̇ам̣ саарибуд̇д̇ад̇т̇зрова убасамбаад̣̇зси, махаамог̇г̇аллаанад̇т̇зро асса гаммаваажаажарияо ахоси. д̇ам̣ бхаг̇аваа ‘‘аяам̣ гумааро ж̇аад̇иаад̣̇исамбанно, со ж̇аад̇иг̇од̇д̇агулаван̣н̣абогкарад̇аад̣̇ийни ниссааяа маанам̣ ваа мад̣̇ам̣ ваа маа агаасий’’д̇и д̣̇ахарагаалад̇о бабхуд̇и яаава на арияабхуумим̣ баабун̣и, д̇аава овад̣̇анд̇о абхин̣хам̣ имам̣ суд̇д̇амабхааси. д̇асмаа жзд̇ам̣ суд̇д̇абарияосаанзби вуд̇д̇ам̣ ‘‘ид̇т̇ам̣ суд̣̇ам̣ бхаг̇аваа ааяасманд̇ам̣ раахулам̣ имаахи г̇аат̇аахи абхин̣хам̣ овад̣̇ад̇ий’’д̇и. д̇ад̇т̇а батамаг̇аат̇ааяам̣ аяам̣ сан̇кзбад̇т̇о ‘‘гажжи д̇вам̣, раахула, абхин̣хам̣ сам̣ваасахзд̇у ж̇аад̇иаад̣̇ийнам̣ ан̃н̃ад̇арзна вад̇т̇унаа на барибхаваси бан̣д̣ид̇ам̣, н̃аан̣абад̣̇ийбасса д̇хаммад̣̇зсанаабад̣̇ийбасса жа д̇хааран̣ад̇о уггаад̇хааро мануссаанам̣ гажжи абажид̇о д̇аяаа, гажжи нижжам̣ бууж̇ид̇о д̇аяаа’’д̇и ааяасманд̇ам̣ саарибуд̇д̇ам̣ санд̇хааяа бхан̣ад̇и.
338.Kacciabhiṇhasaṃvāsāti rāhulasuttaṃ. Kā uppatti? Bhagavā sammāsambodhiṃ abhisambujjhitvā bodhimaṇḍato anupubbena kapilavatthuṃ gantvā tattha rāhulakumārena ‘‘dāyajjaṃ me samaṇa dehī’’ti dāyajjaṃ yācito sāriputtattheraṃ āṇāpesi – ‘‘rāhulakumāraṃ pabbājehī’’ti. Taṃ sabbaṃ khandhakaṭṭhakathāyaṃ (mahāva. aṭṭha. 105) vuttanayeneva gahetabbaṃ. Evaṃ pabbajitaṃ pana rāhulakumāraṃ vuḍḍhippattaṃ sāriputtattherova upasampādesi, mahāmoggallānatthero assa kammavācācariyo ahosi. Taṃ bhagavā ‘‘ayaṃ kumāro jātiādisampanno, so jātigottakulavaṇṇapokkharatādīni nissāya mānaṃ vā madaṃ vā mā akāsī’’ti daharakālato pabhuti yāva na ariyabhūmiṃ pāpuṇi, tāva ovadanto abhiṇhaṃ imaṃ suttamabhāsi. Tasmā cetaṃ suttapariyosānepi vuttaṃ ‘‘itthaṃ sudaṃ bhagavā āyasmantaṃ rāhulaṃ imāhi gāthāhi abhiṇhaṃ ovadatī’’ti. Tattha paṭhamagāthāyaṃ ayaṃ saṅkhepattho ‘‘kacci tvaṃ, rāhula, abhiṇhaṃ saṃvāsahetu jātiādīnaṃ aññatarena vatthunā na paribhavasi paṇḍitaṃ, ñāṇapadīpassa dhammadesanāpadīpassa ca dhāraṇato ukkādhāro manussānaṃkacci apacito tayā, kacci niccaṃ pūjito tayā’’ti āyasmantaṃ sāriputtaṃ sandhāya bhaṇati.
339. звам̣ вуд̇д̇з ааяасмаа раахуло ‘‘наахам̣ бхаг̇аваа нийжабурисо вияа сам̣ваасахзд̇у маанам̣ ваа мад̣̇ам̣ ваа гаромий’’д̇и д̣̇ийбзнд̇о имам̣ бадиг̇аат̇амааха ‘‘наахам̣ абхин̣хасам̣ваасаа’’д̇и. саа уд̇д̇аанад̇т̇аа зва.
339. Evaṃ vutte āyasmā rāhulo ‘‘nāhaṃ bhagavā nīcapuriso viya saṃvāsahetu mānaṃ vā madaṃ vā karomī’’ti dīpento imaṃ paṭigāthamāha ‘‘nāhaṃ abhiṇhasaṃvāsā’’ti. Sā uttānatthā eva.
340. д̇ад̇о нам̣ бхаг̇аваа уд̇д̇арим̣ овад̣̇анд̇о бан̃жа гаамаг̇ун̣зд̇иаад̣̇игаа авасзсаг̇аат̇ааяо ааха. д̇ад̇т̇а яасмаа бан̃жа гаамаг̇ун̣аа сад̇д̇аанам̣ бияаруубаа бияаж̇аад̇игаа ад̇ивияа сад̇д̇зхи ижчид̇аа бад̇т̇ид̇аа , мано жа нзсам̣ рамаяанд̇и, д̇з жааяасмаа раахуло хид̇ваа сад̣̇д̇хааяа гхараа нигканд̇о, на рааж̇аабхинийд̇о, на жораабхинийд̇о, на ин̣аддо, на бхаяаддо, на ж̇ийвигаабагад̇о, д̇асмаа нам̣ бхаг̇аваа ‘‘бан̃жа гаамаг̇ун̣з хид̇ваа, бияаруубз манорамз, сад̣̇д̇хааяа гхараа нигкаммаа’’д̇и самуд̇д̇зж̇зд̇ваа имасса нзгкаммасса бад̇ируубааяа бадибад̇д̇ияаа нияож̇знд̇о ааха – ‘‘д̣̇угкассанд̇агаро бхаваа’’д̇и.
340. Tato naṃ bhagavā uttariṃ ovadanto pañca kāmaguṇetiādikā avasesagāthāyo āha. Tattha yasmā pañca kāmaguṇā sattānaṃ piyarūpā piyajātikā ativiya sattehi icchitā patthitā , mano ca nesaṃ ramayanti, te cāyasmā rāhulo hitvā saddhāya gharā nikkhanto, na rājābhinīto, na corābhinīto, na iṇaṭṭo, na bhayaṭṭo, na jīvikāpakato, tasmā naṃ bhagavā ‘‘pañca kāmaguṇe hitvā, piyarūpe manorame, saddhāya gharā nikkhammā’’ti samuttejetvā imassa nekkhammassa patirūpāya paṭipattiyā niyojento āha – ‘‘dukkhassantakaro bhavā’’ti.
д̇ад̇т̇а сияаа ‘‘нану жааяасмаа д̣̇ааяаж̇ж̇ам̣ бад̇т̇знд̇о б̣алаггаарзна баб̣б̣ааж̇ид̇о, ат̇а гасмаа бхаг̇аваа ааха – ‘сад̣̇д̇хааяа гхараа нигкаммаа’’’д̇и вужжад̇з – нзгкаммаад̇химуд̇д̇ад̇д̇аа. аяан̃хи ааяасмаа д̣̇ийгхарад̇д̇ам̣ нзгкаммаад̇химуд̇д̇о бад̣̇умуд̇д̇арасаммаасамб̣уд̣̇д̇хасса буд̇д̇ам̣ убарзвад̇ам̣ наама сааман̣зрам̣ д̣̇исваа сан̇ко наама нааг̇арааж̇аа худ̇ваа сад̇д̇а д̣̇ивасз д̣̇аанам̣ д̣̇ад̇ваа д̇ат̇аабхаавам̣ бад̇т̇зд̇ваа д̇ад̇о бабхуд̇и бад̇т̇анаасамбанно абхинийхаарасамбанно сад̇асахассагаббз баарамияо буурзд̇ваа анд̇имабхавам̣ убабанно. звам̣ нзгкаммаад̇химуд̇д̇ад̇ан̃жасса бхаг̇аваа ж̇аанаад̇и. д̇ат̇ааг̇ад̇аб̣алан̃н̃ад̇аран̃хи зд̇ам̣ н̃аан̣ам̣. д̇асмаа ааха – ‘‘сад̣̇д̇хааяа гхараа нигкаммаа’’д̇и. ат̇а ваа д̣̇ийгхарад̇д̇ам̣ сад̣̇д̇хааязва гхараа нигкамма ид̣̇аани д̣̇угкассанд̇агаро бхаваад̇и аяамзд̇т̇а ад̇хиббааяо.
Tattha siyā ‘‘nanu cāyasmā dāyajjaṃ patthento balakkārena pabbājito, atha kasmā bhagavā āha – ‘saddhāya gharā nikkhammā’’’ti vuccate – nekkhammādhimuttattā. Ayañhi āyasmā dīgharattaṃ nekkhammādhimutto padumuttarasammāsambuddhassa puttaṃ uparevataṃ nāma sāmaṇeraṃ disvā saṅkho nāma nāgarājā hutvā satta divase dānaṃ datvā tathābhāvaṃ patthetvā tato pabhuti patthanāsampanno abhinīhārasampanno satasahassakappe pāramiyo pūretvā antimabhavaṃ upapanno. Evaṃ nekkhammādhimuttatañcassa bhagavā jānāti. Tathāgatabalaññatarañhi etaṃ ñāṇaṃ. Tasmā āha – ‘‘saddhāya gharā nikkhammā’’ti. Atha vā dīgharattaṃ saddhāyeva gharā nikkhamma idāni dukkhassantakaro bhavāti ayamettha adhippāyo.
341. ид̣̇аанисса аад̣̇ид̇о бабхуд̇и ваддад̣̇угкасса анд̇агирияааяа бадибад̇д̇им̣ д̣̇ассзд̇ум̣ ‘‘мид̇д̇з бхаж̇ассу галяаан̣з’’д̇иаад̣̇имааха. д̇ад̇т̇а сийлаад̣̇ийхи ад̇хигаа галяаан̣амид̇д̇аа наама, д̇з бхаж̇анд̇о химаванд̇ам̣ ниссааяа махаасаалаа муулаад̣̇ийхи вияа сийлаад̣̇ийхи вад̣дхад̇и. д̇знааха – ‘‘мид̇д̇з бхаж̇ассу галяаан̣з’’д̇и. банд̇ан̃жа саяанаасанам̣, вивид̇д̇ам̣ аббаниг̇гхосанд̇и яан̃жа саяанаасанам̣ банд̇ам̣ д̣̇уурам̣ вивид̇д̇ам̣ аббаагин̣н̣ам̣ аббаниг̇гхосам̣, яад̇т̇а миг̇асуугараад̣̇исад̣̇д̣̇зна аран̃н̃асан̃н̃аа уббаж̇ж̇ад̇и, д̇ат̇ааруубам̣ саяанаасанан̃жа бхаж̇ассу. мад̇д̇ан̃н̃уу хохи бхож̇анзд̇и бамаан̣ан̃н̃уу хохи, бадиг̇г̇ахан̣амад̇д̇ам̣ барибхог̇амад̇д̇ан̃жа ж̇аанаахийд̇и ад̇т̇о. д̇ад̇т̇а бадиг̇г̇ахан̣амад̇д̇ан̃н̃унаа д̣̇зяяад̇хаммзби аббз д̣̇ааяагзби аббам̣ д̣̇аад̇угаамз аббамзва г̇ахзд̇аб̣б̣ам̣, д̣̇зяяад̇хаммз аббз д̣̇ааяагз бана б̣ахум̣ д̣̇аад̇угаамзби аббамзва г̇ахзд̇аб̣б̣ам̣, д̣̇зяяад̇хаммз бана б̣ахуд̇арз д̣̇ааяагзби аббам̣ д̣̇аад̇угаамз аббамзва г̇ахзд̇аб̣б̣ам̣, д̣̇зяяад̇хаммзби б̣ахуд̇арз д̣̇ааяагзби б̣ахум̣ д̣̇аад̇угаамз ад̇д̇ано б̣алам̣ ж̇аанид̇ваа г̇ахзд̇аб̣б̣ам̣. абижа мад̇д̇ааязва ван̣н̣ид̇аа бхаг̇авад̇аад̇и барибхог̇амад̇д̇ан̃н̃унаа буд̇д̇амам̣сам̣ вияа агкаб̣бхан̃ж̇анамива жа яонисо манаси гарид̇ваа бхож̇анам̣ барибхун̃ж̇ид̇аб̣б̣анд̇и.
341. Idānissa ādito pabhuti vaṭṭadukkhassa antakiriyāya paṭipattiṃ dassetuṃ ‘‘mitte bhajassu kalyāṇe’’tiādimāha. Tattha sīlādīhi adhikā kalyāṇamittā nāma, te bhajanto himavantaṃ nissāya mahāsālā mūlādīhi viya sīlādīhi vaḍḍhati. Tenāha – ‘‘mitte bhajassu kalyāṇe’’ti. Pantañca sayanāsanaṃ, vivittaṃ appanigghosanti yañca sayanāsanaṃ pantaṃ dūraṃ vivittaṃ appākiṇṇaṃ appanigghosaṃ, yattha migasūkarādisaddena araññasaññā uppajjati, tathārūpaṃ sayanāsanañca bhajassu. Mattaññū hohi bhojaneti pamāṇaññū hohi, paṭiggahaṇamattaṃ paribhogamattañca jānāhīti attho. Tattha paṭiggahaṇamattaññunā deyyadhammepi appe dāyakepi appaṃ dātukāme appameva gahetabbaṃ, deyyadhamme appe dāyake pana bahuṃ dātukāmepi appameva gahetabbaṃ, deyyadhamme pana bahutare dāyakepi appaṃ dātukāme appameva gahetabbaṃ, deyyadhammepi bahutare dāyakepi bahuṃ dātukāme attano balaṃ jānitvā gahetabbaṃ. Apica mattāyeva vaṇṇitā bhagavatāti paribhogamattaññunā puttamaṃsaṃ viya akkhabbhañjanamiva ca yoniso manasi karitvā bhojanaṃ paribhuñjitabbanti.
342. звамимааяа г̇аат̇ааяа б̣рахмажарияасса убагаарабхууд̇ааяа галяаан̣амид̇д̇асзванааяа нияож̇зд̇ваа сзнаасанабхож̇анамукзна жа бажжаяабарибхог̇абаарисуд̣̇д̇хисийлз самаад̣̇абзд̇ваа ид̣̇аани яасмаа жийвараад̣̇ийсу д̇ан̣хааяа мижчааааж̇ийво ход̇и, д̇асмаа д̇ам̣ бадисзд̇хзд̇ваа ааж̇ийвабаарисуд̣̇д̇хисийлз самаад̣̇абзнд̇о ‘‘жийварз бин̣д̣абаад̇з жаа’’д̇и имам̣ г̇аат̇амааха. д̇ад̇т̇а бажжаязд̇и г̇илаанаббажжаяз. зд̇зсууд̇и зд̇зсу жад̇уусу жийвараад̣̇ийсу бхигкуунам̣ д̇ан̣хуббаад̣̇авад̇т̇уусу. д̇ан̣хам̣ маагаасийд̇и ‘‘хиригобийнабадижчаад̣̇анаад̣̇иад̇т̇амзва д̇з жад̇д̇ааро бажжаяаа нижжаад̇ураанам̣ бурисаанам̣ бадигаарабхууд̇аа ж̇аж̇ж̇арагхарассзвимасса ад̇ид̣̇уб̣б̣аласса гааяасса убад̇т̇амбхабхууд̇аа’’д̇иаад̣̇инаа наязна аад̣̇ийнавам̣ бассанд̇о д̇ан̣хам̣ маа ж̇анзси, аж̇анзнд̇о ануббаад̣̇знд̇о вихараахийд̇и вуд̇д̇ам̣ ход̇и. гим̣ гааран̣ам̣? маа логам̣ бунарааг̇ами. зд̇зсу хи д̇ан̣хам̣ гаронд̇о д̇ан̣хааяа аагад̣дхияамаано бунаби имам̣ логам̣ ааг̇ажчад̇и. со д̇вам̣ зд̇зсу д̇ан̣хам̣ маагааси, звам̣ санд̇з на буна имам̣ логам̣ ааг̇амиссасийд̇и.
342. Evamimāya gāthāya brahmacariyassa upakārabhūtāya kalyāṇamittasevanāya niyojetvā senāsanabhojanamukhena ca paccayaparibhogapārisuddhisīle samādapetvā idāni yasmā cīvarādīsu taṇhāya micchāājīvo hoti, tasmā taṃ paṭisedhetvā ājīvapārisuddhisīle samādapento ‘‘cīvare piṇḍapāte cā’’ti imaṃ gāthamāha. Tattha paccayeti gilānappaccaye. Etesūti etesu catūsu cīvarādīsu bhikkhūnaṃ taṇhuppādavatthūsu. Taṇhaṃ mākāsīti ‘‘hirikopīnapaṭicchādanādiatthameva te cattāro paccayā niccāturānaṃ purisānaṃ paṭikārabhūtā jajjaragharassevimassa atidubbalassa kāyassa upatthambhabhūtā’’tiādinā nayena ādīnavaṃ passanto taṇhaṃ mā janesi, ajanento anuppādento viharāhīti vuttaṃ hoti. Kiṃ kāraṇaṃ? Mālokaṃ punarāgami. Etesu hi taṇhaṃ karonto taṇhāya ākaḍḍhiyamāno punapi imaṃ lokaṃ āgacchati. So tvaṃ etesu taṇhaṃ mākāsi, evaṃ sante na puna imaṃ lokaṃ āgamissasīti.
звам̣ вуд̇д̇з ааяасмаа раахуло ‘‘жийварз д̇ан̣хам̣ маагаасийд̇и мам̣ бхаг̇аваа аахаа’’д̇и жийварабадисам̣яуд̇д̇аани д̣̇вз д̇худ̇ан̇г̇аани самаад̣̇ияи бам̣сугуулиган̇г̇ан̃жа, д̇зжийвариган̇г̇ан̃жа. ‘‘бин̣д̣абаад̇з д̇ан̣хам̣ маагаасийд̇и мам̣ бхаг̇аваа аахаа’’д̇и бин̣д̣абаад̇абадисам̣яуд̇д̇аани бан̃жа д̇худ̇ан̇г̇аани самаад̣̇ияи – бин̣д̣абаад̇иган̇г̇ам̣, сабад̣̇аанажаариган̇г̇ам̣, згаасаниган̇г̇ам̣, бад̇д̇абин̣д̣иган̇г̇ам̣, калубажчаабхад̇д̇иган̇г̇анд̇и. ‘‘сзнаасанз д̇ан̣хам̣ маагаасийд̇и мам̣ бхаг̇аваа аахаа’’д̇и сзнаасанабадисам̣яуд̇д̇аани ча д̇худ̇ан̇г̇аани самаад̣̇ияи – ааран̃н̃иган̇г̇ам̣, аб̣бхогаасиган̇г̇ам̣, ругкамуулиган̇г̇ам̣, яат̇аасант̇ад̇иган̇г̇ам̣, сосааниган̇г̇ам̣, нзсаж̇ж̇иган̇г̇анд̇и. ‘‘г̇илаанаббажжаяз д̇ан̣хам̣ маагаасийд̇и мам̣ бхаг̇аваа аахаа’’д̇и саб̣б̣аббажжаязсу яат̇аалаабхам̣ яат̇ааб̣алам̣ яат̇аасааруббанд̇и д̇ийхи санд̇осзхи санд̇удто ахоси, яат̇аа д̇ам̣ суб̣б̣ажо гулабуд̇д̇о бад̣̇агкин̣аг̇г̇аахий анусаасанинд̇и.
Evaṃ vutte āyasmā rāhulo ‘‘cīvare taṇhaṃ mākāsīti maṃ bhagavā āhā’’ti cīvarapaṭisaṃyuttāni dve dhutaṅgāni samādiyi paṃsukūlikaṅgañca, tecīvarikaṅgañca. ‘‘Piṇḍapāte taṇhaṃ mākāsīti maṃ bhagavā āhā’’ti piṇḍapātapaṭisaṃyuttāni pañca dhutaṅgāni samādiyi – piṇḍapātikaṅgaṃ, sapadānacārikaṅgaṃ, ekāsanikaṅgaṃ, pattapiṇḍikaṅgaṃ, khalupacchābhattikaṅganti. ‘‘Senāsane taṇhaṃ mākāsīti maṃ bhagavā āhā’’ti senāsanapaṭisaṃyuttāni cha dhutaṅgāni samādiyi – āraññikaṅgaṃ, abbhokāsikaṅgaṃ, rukkhamūlikaṅgaṃ, yathāsanthatikaṅgaṃ, sosānikaṅgaṃ, nesajjikaṅganti. ‘‘Gilānappaccaye taṇhaṃ mākāsīti maṃ bhagavā āhā’’ti sabbappaccayesu yathālābhaṃ yathābalaṃ yathāsāruppanti tīhi santosehi santuṭṭho ahosi, yathā taṃ subbaco kulaputto padakkhiṇaggāhī anusāsaninti.
343. звам̣ бхаг̇аваа ааяасманд̇ам̣ раахулам̣ ааж̇ийвабаарисуд̣̇д̇хисийлз самаад̣̇абзд̇ваа ид̣̇аани авасзсасийлз самат̇авибассанаасу жа самаад̣̇абзд̇ум̣ ‘‘сам̣вуд̇о баад̇имогкасми’’нд̇иаад̣̇имааха. д̇ад̇т̇а сам̣вуд̇о баад̇имогкасминд̇и зд̇т̇а бхавассууд̇и баатасзсо. бхаваад̇и анд̇имабад̣̇зна ваа самб̣анд̇хо взд̣̇ид̇аб̣б̣о, д̇ат̇аа д̣̇уд̇ияабад̣̇з. звамзд̇зхи д̣̇вийхи важанзхи баад̇имогкасам̣варасийлз, инд̣̇рияасам̣варасийлз жа самаад̣̇абзси. баагадавасзна жзд̇т̇а бан̃жинд̣̇рияаани вуд̇д̇аани. лагкан̣ад̇о бана чадтамби вуд̇д̇ам̣язва ход̇ийд̇и взд̣̇ид̇аб̣б̣ам̣. сад̇и гааяаг̇ад̇аа д̇яад̇т̇ууд̇и звам̣ жад̇убаарисуд̣̇д̇хисийлз бад̇идтид̇асса д̇уяхам̣ жад̇уд̇хаад̇увавад̇т̇аанажад̇уб̣б̣ид̇хасамбаж̇ан̃н̃аанаабаанассад̇иаахаарзбадигууласан̃н̃аабхааванаад̣̇ибхзд̣̇аа гааяаг̇ад̇аа сад̇и ад̇т̇у бхавад̇у, бхаавзхи нанд̇и ад̇т̇о. ниб̣б̣ид̣̇ааб̣ахуло бхаваад̇и сам̣саараваддз угган̣танаб̣ахуло саб̣б̣алогз анабхирад̇асан̃н̃ий хохийд̇и ад̇т̇о.
343. Evaṃ bhagavā āyasmantaṃ rāhulaṃ ājīvapārisuddhisīle samādapetvā idāni avasesasīle samathavipassanāsu ca samādapetuṃ ‘‘saṃvuto pātimokkhasmi’’ntiādimāha. Tattha saṃvuto pātimokkhasminti ettha bhavassūti pāṭhaseso. Bhavāti antimapadena vā sambandho veditabbo, tathā dutiyapade. Evametehi dvīhi vacanehi pātimokkhasaṃvarasīle, indriyasaṃvarasīle ca samādapesi. Pākaṭavasena cettha pañcindriyāni vuttāni. Lakkhaṇato pana chaṭṭhampi vuttaṃyeva hotīti veditabbaṃ. Sati kāyagatā tyatthūti evaṃ catupārisuddhisīle patiṭṭhitassa tuyhaṃ catudhātuvavatthānacatubbidhasampajaññānāpānassatiāhārepaṭikūlasaññābhāvanādibhedā kāyagatā sati atthu bhavatu, bhāvehi nanti attho. Nibbidābahulo bhavāti saṃsāravaṭṭe ukkaṇṭhanabahulo sabbaloke anabhiratasaññī hohīti attho.
344. зд̇д̇аавад̇аа ниб̣б̣зд̇хабхааг̇ияам̣ убажаарабхуумим̣ д̣̇ассзд̇ваа ид̣̇аани аббанаабхуумим̣ д̣̇ассзнд̇о ‘‘нимид̇д̇ам̣ бариваж̇ж̇зхий’’д̇иаад̣̇имааха. д̇ад̇т̇а нимид̇д̇анд̇и рааг̇адтаанияам̣ субханимид̇д̇ам̣. д̇знзва нам̣ барад̇о висзсзнд̇о ааха – ‘‘субхам̣ рааг̇уубасан̃хид̇а’’нд̇и. бариваж̇ж̇зхийд̇и аманасигаарзна барижжаж̇аахи. асубхааяа жид̇д̇ам̣ бхаавзхийд̇и яат̇аа савин̃н̃аан̣агз авин̃н̃аан̣агз ваа гааяз асубхабхааванаа самбаж̇ж̇ад̇и, звам̣ жид̇д̇ам̣ бхаавзхи. згаг̇г̇ам̣ сусамаахид̇анд̇и убажаарасамаад̇хинаа згаг̇г̇ам̣, аббанаасамаад̇хинаа сусамаахид̇ам̣. яат̇аа д̇з ийд̣̇исам̣ жид̇д̇ам̣ ход̇и, д̇ат̇аа нам̣ бхаавзхийд̇и ад̇т̇о.
344. Ettāvatā nibbedhabhāgiyaṃ upacārabhūmiṃ dassetvā idāni appanābhūmiṃ dassento ‘‘nimittaṃ parivajjehī’’tiādimāha. Tattha nimittanti rāgaṭṭhāniyaṃ subhanimittaṃ. Teneva naṃ parato visesento āha – ‘‘subhaṃ rāgūpasañhita’’nti. Parivajjehīti amanasikārena pariccajāhi. Asubhāya cittaṃ bhāvehīti yathā saviññāṇake aviññāṇake vā kāye asubhabhāvanā sampajjati, evaṃ cittaṃ bhāvehi. Ekaggaṃ susamāhitanti upacārasamādhinā ekaggaṃ, appanāsamādhinā susamāhitaṃ. Yathā te īdisaṃ cittaṃ hoti, tathā naṃ bhāvehīti attho.
345. звамасса аббанаабхуумим̣ д̣̇ассзд̇ваа вибассанам̣ д̣̇ассзнд̇о ‘‘анимид̇д̇а’’нд̇иаад̣̇имааха. д̇ад̇т̇а анимид̇д̇ан̃жа бхаавзхийд̇и звам̣ ниб̣б̣зд̇хабхааг̇иязна самаад̇хинаа самаахид̇ажид̇д̇о вибассанам̣ бхаавзхийд̇и вуд̇д̇ам̣ ход̇и. вибассанаа хи ‘‘анижжаанубассанаан̃аан̣ам̣ нижжанимид̇д̇ад̇о вимужжад̇ийд̇и анимид̇д̇о вимогко’’д̇иаад̣̇инаа наязна рааг̇анимид̇д̇аад̣̇ийнам̣ ваа аг̇г̇ахан̣зна анимид̇д̇авохаарам̣ лабхад̇и. яат̇ааха –
345. Evamassa appanābhūmiṃ dassetvā vipassanaṃ dassento ‘‘animitta’’ntiādimāha. Tattha animittañca bhāvehīti evaṃ nibbedhabhāgiyena samādhinā samāhitacitto vipassanaṃ bhāvehīti vuttaṃ hoti. Vipassanā hi ‘‘aniccānupassanāñāṇaṃ niccanimittato vimuccatīti animitto vimokkho’’tiādinā nayena rāganimittādīnaṃ vā aggahaṇena animittavohāraṃ labhati. Yathāha –
‘‘со кваахам̣, аавусо, саб̣б̣анимид̇д̇аанам̣ аманасигаараа анимид̇д̇ам̣ жзд̇осамаад̇хим̣ убасамбаж̇ж̇а вихараами. д̇асса маяхам̣, аавусо, иминаа вихаарзна вихарад̇о нимид̇д̇аанусаари вин̃н̃аан̣ам̣ ход̇ий’’д̇и (сам̣. ни. 4.340).
‘‘So khvāhaṃ, āvuso, sabbanimittānaṃ amanasikārā animittaṃ cetosamādhiṃ upasampajja viharāmi. Tassa mayhaṃ, āvuso, iminā vihārena viharato nimittānusāri viññāṇaṃ hotī’’ti (saṃ. ni. 4.340).
маанаанусаяамуж̇ж̇ахаад̇и имааяа анимид̇д̇абхааванааяа анижжасан̃н̃ам̣ бадилабхид̇ваа ‘‘анижжасан̃н̃ино, мзгхияа, анад̇д̇асан̃н̃аа сан̣таад̇и, анад̇д̇асан̃н̃ий асмимаанасамуг̇гхаад̇ам̣ баабун̣аад̇ий’’д̇и звамаад̣̇инаа (а. ни. 9.3; уд̣̇аа. 31) ануггамзна маанаанусаяам̣ уж̇ж̇аха баж̇аха барижжаж̇аахийд̇и ад̇т̇о. д̇ад̇о маанаабхисамаяаа, убасанд̇о жариссасийд̇и ат̇звам̣ арияамаг̇г̇зна маанасса абхисамаяаа каяаа ваяаа бахаанаа бадиниссаг̇г̇аа убасанд̇о ниб̣б̣уд̇о сийд̇ибхууд̇о саб̣б̣ад̣̇арат̇абарил̣аахавирахид̇о яаава анубаад̣̇исзсааяа ниб̣б̣аанад̇хаад̇уяаа бариниб̣б̣ааси, д̇аава сун̃н̃ад̇аанимид̇д̇ааббан̣ихид̇аанам̣ ан̃н̃ад̇аран̃н̃ад̇арзна паласамаабад̇д̇ивихаарзна жариссаси вихариссасийд̇и арахад̇д̇анигуудзна д̣̇зсанам̣ нидтаабзси.
Mānānusayamujjahāti imāya animittabhāvanāya aniccasaññaṃ paṭilabhitvā ‘‘aniccasaññino, meghiya, anattasaññā saṇṭhāti, anattasaññī asmimānasamugghātaṃ pāpuṇātī’’ti evamādinā (a. ni. 9.3; udā. 31) anukkamena mānānusayaṃ ujjaha pajaha pariccajāhīti attho. Tato mānābhisamayā, upasanto carissasīti athevaṃ ariyamaggena mānassa abhisamayā khayā vayā pahānā paṭinissaggā upasanto nibbuto sītibhūto sabbadarathapariḷāhavirahito yāva anupādisesāya nibbānadhātuyā parinibbāsi, tāva suññatānimittāppaṇihitānaṃ aññataraññatarena phalasamāpattivihārena carissasi viharissasīti arahattanikūṭena desanaṃ niṭṭhāpesi.
д̇ад̇о барам̣ ‘‘ид̇т̇ам̣ суд̣̇ам̣ бхаг̇аваа’’д̇иаад̣̇и сан̇г̇ийд̇игаарагаанам̣ важанам̣. д̇ад̇т̇а ид̇т̇ам̣ суд̣̇анд̇и ид̇т̇ам̣ су ид̣̇ам̣, звамзваад̇и вуд̇д̇ам̣ ход̇и. сзсамзд̇т̇а уд̇д̇аанад̇т̇амзва. звам̣ овад̣̇ияамаано жааяасмаа раахуло барибаагаг̇ад̇зсу вимуд̇д̇ибарибаажаниязсу д̇хаммзсу жуул̣араахуловаад̣̇асуд̇д̇абарияосаанз анзгзхи д̣̇звад̇аасахассзхи сад̣̇д̇хим̣ арахад̇д̇з бад̇идтаасийд̇и.
Tato paraṃ ‘‘itthaṃ sudaṃ bhagavā’’tiādi saṅgītikārakānaṃ vacanaṃ. Tattha itthaṃ sudanti itthaṃ su idaṃ, evamevāti vuttaṃ hoti. Sesamettha uttānatthameva. Evaṃ ovadiyamāno cāyasmā rāhulo paripākagatesu vimuttiparipācaniyesu dhammesu cūḷarāhulovādasuttapariyosāne anekehi devatāsahassehi saddhiṃ arahatte patiṭṭhāsīti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа раахуласуд̇д̇аван̣н̣анаа нидтид̇аа.
Suttanipāta-aṭṭhakathāya rāhulasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 11. раахуласуд̇д̇ам̣ • 11. Rāhulasuttaṃ
