41. раахулавад̇т̇угат̇аа

105. габилавад̇т̇ууд̇и зд̇т̇а габилод̇и гал̣аараван̣н̣о иси вужжад̇и, со васад̇и зд̇т̇аад̇и габилавад̇т̇у, ассамо. д̇асмим̣ таанз маабид̇ад̇д̇аа наг̇арамби габилавад̇т̇ууд̇и (д̣̇ий. ни. адта. 1.267; су. ни. адта. 2.362) вужжад̇и. аяанд̇и вагкамаанагат̇аа. суд̣̇д̇ход̣̇анамахаарааж̇аад̇и зд̇т̇а суд̣̇д̇ход̣̇анод̇и д̇асса ран̃н̃о наамам̣. ат̇а ваа суд̣̇д̇хам̣ од̣̇анам̣ имассаад̇и суд̣̇д̇ход̣̇ано, соязва махаарааж̇аа суд̣̇д̇ход̣̇анамахаарааж̇аа. вихарад̇и гираад̇и самб̣анд̇хо. сод̇и суд̣̇д̇ход̣̇анамахаарааж̇аа. рааж̇аг̇аханд̇и рааж̇аг̇аханаг̇арам̣. саад̇хууд̇и ааяаажанад̇т̇з нибаад̇о. ааяаажаамийд̇и хи ад̇т̇о. мзд̇и мама, буд̇д̇анд̇и самб̣анд̇хо, анаад̣̇арз ваа саамиважанам̣. сод̇и амажжо. саад̇хууд̇и самбадижчанад̇т̇з нибаад̇о. званд̇и хи ад̇т̇о. ат̇аад̇и д̇асмим̣ нисийд̣̇анагаалз. ассаад̇и бурисасахассабариваарасса амажжасса. д̇ад̇од̇и яаажанагааран̣аа . нанд̇и бурисасахассабариваарам̣ амажжам̣. д̇ад̇т̇зваад̇и рааж̇аг̇ахзязва. д̇збийд̇и адта д̣̇ууд̇ааби. д̇зд̇и нава д̣̇ууд̇аа.

ат̇аад̇и д̇ад̇о бажчаа. згад̣̇ивасаж̇аад̇аганд̇и згасмим̣ д̣̇ивасз ж̇аад̇агам̣. сод̇и гаал̣уд̣̇ааяийамажжо. баб̣б̣аж̇ид̇ваабийд̇и бисад̣̇д̣̇зна ‘‘абаб̣б̣аж̇ид̇ваабий’’д̇и ад̇т̇ам̣ самбин̣д̣зд̇и. д̇ат̇зваад̇и яат̇аа нава д̣̇ууд̇аа сабариваараа арахад̇д̇ам̣ баабун̣им̣су, д̇ат̇зваад̇и ад̇т̇о. сод̇и гаал̣уд̣̇ааяий. самбхад̇зсууд̇и самбхарид̇зсу г̇ахзд̇ваа нидтаабид̇зсууд̇и ад̇т̇о. виссадтагаммзсууд̇и виссадтаа гамманд̇аа зд̇зсанд̇и виссадтагамманд̇аа, д̇зсу. субубпид̇зсууд̇и сунд̣̇арабубпасан̃ж̇аад̇зсу. бадибаж̇ж̇анагкамзд̇и бадибаж̇ж̇анад̇т̇ааяа камз яог̇яз. г̇аманаван̣н̣ам̣ сам̣ван̣н̣зсийд̇и самб̣анд̇хо. садтимад̇д̇аахийд̇и (б̣у. вам̣. адта. нид̣̇аанагат̇аа 2) садтибамаан̣аахи. зд̇анд̇и зд̇ам̣ сам̣ван̣н̣асса гааран̣ам̣ гинд̇и бужчи. жааригам̣ баггамид̇ум̣ гаалод̇и яож̇анаа. д̇зна хийд̇и уяяож̇анад̇т̇з нибаад̇о. бхаг̇аваа баггаамийд̇и самб̣анд̇хо. баривуд̇од̇и барисаманд̇ад̇о вуд̇о аавуд̇о нивуд̇о худ̇ваад̇и самб̣анд̇хо. ад̇урид̇ажаариганд̇и аж̇аванажааригам̣.

званд̇и иминаа наязна. бхаг̇авад̇и багганд̇з жа сад̇ийд̇и яож̇анаа. нигканд̇ад̣̇ивасад̇од̇и паг̇г̇ун̣абун̣н̣амияаа баадибад̣̇ад̣̇ивасад̇о. уд̇д̇амабхож̇анарасассаад̇и уд̇д̇амабхож̇анарасзна. д̣̇ассат̇аад̇и д̣̇ад̣̇зяяаат̇а. д̇знзваад̇и сад̣̇д̇хааяа уббаад̣̇анагааран̣знзва. нанд̇и гаал̣уд̣̇ааяим̣. бхаг̇аваа табзсийд̇и самб̣анд̇хо. зд̇ад̣̇аг̇г̇анд̇и зсо аг̇г̇о. яад̣̇ид̣̇анд̇и яо аяам̣. зд̇ад̣̇аг̇г̇зд̇и зд̇ад̣̇аг̇г̇адтаанз.

саагияааби ко бахин̣им̣сууд̇и самб̣анд̇хо. н̃аад̇исздтанд̇и н̃аад̇ийнам̣ сздтам̣, н̃аад̇иязва ваа сздтам̣, бхаг̇аванд̇анд̇и яож̇анаа. ниг̇род̇хасаггассаад̇и ниг̇род̇ханаамагасса саггасса. д̇ад̇т̇аад̇и ниг̇род̇хасаггасса аараамз. бажжуг̇г̇амананд̇и бадимукам̣ удтахид̇ваа г̇аманам̣. д̇ад̇од̇и бахин̣ад̇о, баранд̇и самб̣анд̇хо . рааж̇агумаарз жа рааж̇агумааригааяо жа бахин̣им̣сууд̇и яож̇анаа. д̇зсанд̇и рааж̇агумаарарааж̇агумааригаанам̣. д̇ад̇раад̇и ниг̇род̇хаараамз. маано ж̇аад̇и сабхааво зд̇зсанд̇и маанаж̇аад̇игаа, маанзна, маано ваа т̇ад̣̇д̇хо зд̇зсанд̇и маанат̇ад̣̇д̇хаа. д̇зд̇и саагияаа, аахам̣сууд̇и самб̣анд̇хо.

д̇зсууд̇и саагиязсу. нзд̇и н̃аад̇аяо. вудтааяаад̇и жад̇уд̇т̇аж̇жхаанад̇о вудтахид̇ваа. д̇зсанд̇и н̃аад̇ийнам̣. ган̣д̣амб̣аругкамуулзд̇и ган̣д̣анаамагзна уяяаанабаалзна робимасса амб̣аругкасса аасаннз. рааж̇аад̇и суд̣̇д̇ход̣̇анамахаарааж̇аа. вод̇и д̇умхаагам̣, баад̣̇зд̇и самб̣анд̇хо. аяанд̇и ванд̣̇анаа. ж̇амб̣ужчааяааяаад̇и ж̇амб̣уругкасса чааяааяа. ид̇и аахаад̇и яож̇анаа.

сикааббад̇д̇од̇и аг̇г̇аббад̇д̇о, годиббад̇д̇од̇и ад̇т̇о. д̇ад̇од̇и нисийд̣̇анад̇о, баранд̇и самб̣анд̇хо. богкаравассанд̇и бад̣̇умаванз вудтавассасад̣̇исам̣. д̇амб̣аван̣н̣анд̇и лохид̇аван̣н̣ам̣. д̇анд̇и абад̇анам̣ бхаг̇аваа гат̇зсийд̇и самб̣анд̇хо.

д̣̇уд̇ияад̣̇ивасзд̇и габилавад̇т̇ум̣ бад̇д̇ад̣̇ивасад̇о д̣̇уд̇ияз д̣̇ивасз. инд̣̇акийлзд̇и наг̇арасса уммаарз. гат̇анд̇и гзнаагаарзна жарим̣су ну код̇и яож̇анаа. аг̇амам̣су гим̣ жарим̣су гинд̇и яож̇анаа. сабад̣̇аанажааранд̇и гхарабадибаадикан̣д̣анавирахид̇зна саха бавад̇д̇ам̣ жаарам̣. д̇ад̇од̇и ааваж̇ж̇анад̇о, баранд̇и самб̣анд̇хо. аяамзва вам̣сод̇и буб̣б̣аб̣уд̣̇д̇хаанам̣ аяамзва вам̣со. аяам̣ бавзн̣ийд̇и д̇ассзва взважанам̣. анусигканд̇аад̇и ану бадибхааг̇ам̣ сигканд̇аа. нивидтаг̇зхад̇од̇и ниваасанад̇т̇ааяа висид̇аг̇зхад̇о. аяяод̇и ад̇хибо саамийд̇и ад̇т̇о. сид̣̇д̇хад̇т̇агумаарод̇и саб̣б̣алогасса сид̣̇д̇хо ад̇т̇о асмим̣ ад̇т̇ийд̇и сид̣̇д̇хад̇т̇о, соязва гумааро сид̣̇д̇хад̇т̇агумааро. сийхабан̃ж̇аранд̇и ваад̇абаанам̣. д̇ан̃хи сийхаруубам̣ д̣̇ассзд̇ваа гад̇абан̃ж̇арад̇д̇аа сийхабан̃ж̇аранд̇и вужжад̇и. д̣̇ассанаб̣яаавадод̇и д̣̇ассанз, д̣̇ассанад̇т̇ааяа ваа б̣яаавадо. раахуламаад̇ааби д̣̇звий аарожзсийд̇и самб̣анд̇хо. габаалахад̇т̇од̇и габаало хад̇т̇зсу асса бхаг̇авад̇од̇и габаалахад̇т̇о, худ̇ваад̇и самб̣анд̇хо. наанаавирааг̇асамуж̇ж̇алааяаад̇и наанаатаанзсу вирааг̇ааяа самуж̇ж̇алааяа. вирожамаанам̣ бхаг̇аванд̇анд̇и самб̣анд̇хо.

ун̣хийсад̇од̇и сировзтанад̇о. д̇ан̃хи убарисийсз нахад̇и б̣анд̇хад̇и, нахийяад̇и б̣анд̇хийяад̇ийд̇и ваа ун̣хийсод̇и вужжад̇и. нарасийхаг̇аат̇аахи наамаад̇и нарасийхаг̇аат̇аанаамагаахи. д̇аа хи яасмаа нароязва саб̣б̣асад̇д̇аанам̣ сийхо сздто, нараанам̣, нарзсу ваа сийхо сздтод̇и нарасийхо, д̇асса багаасагаа г̇аат̇аа хонд̇и, д̇асмаа нарасийхаг̇аат̇аад̇и вужжанд̇и. ран̃н̃од̇и сассураран̃н̃о, маад̇уларан̃н̃о ваа. сам̣виг̇г̇ахад̣̇аяод̇и жаланажид̇д̇о. сан̣таабаяамаанод̇и судту таабаяамаано. д̇урид̇ад̇урид̇анд̇и д̇урид̇ад̇о д̇урид̇ам̣, ад̇исийгханд̇и ад̇т̇о. гим̣ бханд̇зд̇и гим̣ гааран̣аа бханд̇з. ахувад̇т̇аад̇и хияяад̇д̇аниймаж̇жхимабурисасан̇каад̇ааяа д̇т̇авибхад̇д̇ияаа хууд̇хаад̇усса уугаарасса уваад̣̇зсо ход̇и, д̇асмаа д̇умхз звам̣сан̃н̃ино ахувад̇т̇аад̇и яож̇анаа. вам̣сажаарид̇д̇амзд̇анд̇и зд̇ам̣ бин̣д̣ааяа жаран̣ам̣ вам̣сад̇о бавзн̣ид̇о жаарид̇д̇ам̣. д̇ад̇т̇а жаад̇и махаасаммад̇акад̇д̇ияавам̣сз жа. аяанд̇и махаасаммад̇акад̇д̇ияавам̣со. анд̇аравийт̇ияанд̇и вийт̇ияаа маж̇жхз. тид̇ова аахаад̇и самб̣анд̇хо.

уд̇д̇идтзд̇и уд̣̇д̣̇исса, удтахид̇ваа ваа бин̣д̣ааяа д̇идтанз. д̇хаммам̣ сужарид̇анд̇и судту жарид̇аб̣б̣ам̣ бхигкаажарияасан̇каад̇ам̣ д̇хаммам̣. жарзд̇и жарзяяа. д̇хаммажаарийд̇и бхигкаажарияасан̇каад̇ам̣ д̇хаммам̣ жаран̣асийло саман̣о. сукам̣ сзд̇ийд̇и убалагкан̣авасзна вуд̇д̇ам̣. сзсаирияаабат̇ааби лагкан̣ахааравасзна г̇ахзд̇аб̣б̣аа самаанагижжад̇д̇аа. асмин̃жа логз барамхи жа логзд̇и яож̇анаа.

на д̇ам̣ д̣̇ужжарид̇ам̣ жарзд̇и взсияаад̣̇иг̇ожарасан̇каад̇ам̣ д̣̇удту жарид̇аб̣б̣ам̣ д̇ам̣ д̇хаммам̣ на жарзяяа.

зд̇т̇а жа батамаг̇аат̇ам̣ анд̇аравийт̇ияам̣ гат̇зд̇ваа рааж̇аанам̣ сод̇аабад̇д̇ипалз бад̇идтаабзси, д̣̇уд̇ияаг̇аат̇ам̣ бид̇унивзсанз гат̇зд̇ваа махаабаж̇аабад̇им̣ сод̇аабад̇д̇ипалз, рааж̇аанам̣ сагад̣̇ааг̇аамипалз бад̇идтаабзсийд̇и д̣̇адтаб̣б̣ам̣. д̇хаммабаалаж̇аад̇агам̣ суд̇ваад̇и буна абарасмим̣ д̣̇ивасз (ж̇аа. адта. 4.98 аад̣̇аяо; д̇ха. ба. адта. 1.нанд̣̇ад̇т̇зравад̇т̇у) д̇хаммабаалаж̇аад̇агам̣ (ж̇аа. адта. 4.махаад̇хаммабаалаж̇аад̇агаван̣н̣анаа) суд̇ваа. маран̣асамаязд̇и маран̣аасаннагаалз, маран̣асамаяасамийбз ваа, самийбад̇т̇з жзд̇ам̣ бхуммаважанам̣.

сод̇аабад̇д̇ипалам̣ сажчигад̇ваа баривисийд̇и самб̣анд̇хо. саб̣б̣ам̣ ид̇т̇ааг̇ааранд̇и саб̣б̣о ород̇хо. со хи ид̇т̇ийнам̣ аг̇ааранд̇и ид̇т̇ааг̇ааранд̇и вужжад̇и. иминаа важанад̇т̇зна аг̇аарамзва мукяад̇о лаб̣бхад̇и, рааж̇ид̇т̇ияо бана убажаарзнаад̇и д̣̇адтаб̣б̣ам̣. саа банаад̇и раахуламаад̇аа бана. бариж̇анзнаад̇и бариваарзна. нанд̇и аяяабуд̇д̇ам̣. ‘‘рааж̇аана’’нд̇ибад̣̇ам̣ ‘‘г̇аахаабзд̇ваа’’д̇ибад̣̇з гаарид̇агаммам̣, ‘‘бад̇д̇а’’нд̇ибад̣̇ам̣ д̇ад̇т̇зва д̇хаад̇угаммам̣. рааж̇ад̇хийд̇ааяаад̇и суббаб̣уд̣̇д̇харан̃н̃о д̇хийд̇ааяа. саад̇и рааж̇ад̇хийд̇аа. г̇обпагзсууд̇и жаран̣аг̇ан̣тийсу бхаг̇аванд̇ам̣ г̇ахзд̇ваад̇и яож̇анаа. ат̇а ваа бхаг̇авад̇о г̇обпагз г̇ахзд̇ваад̇и яож̇анаа. зван̃хи сад̇и убаяог̇ад̇т̇з бхуммаважананд̇и д̣̇адтаб̣б̣ам̣.

рааж̇аа гат̇зсийд̇и самб̣анд̇хо. анажчарияанд̇и на ажчарияам̣, ажчарам̣ бахарид̇ум̣ на яог̇яанд̇и ад̇т̇о. рааж̇ад̇хийд̇аа яам̣ ад̇д̇аанам̣ рагки, ид̣̇ам̣ анажчарияанд̇и яож̇анаа.

д̇ам̣д̣̇ивасамзваад̇и д̇асмим̣ д̣̇уд̇ияад̣̇ивасзязва. гзсависаж̇ж̇ананд̇и рааж̇ажуул̣ааман̣иб̣анд̇ханад̇т̇ам̣ гумаарагаалз б̣анд̇хид̇асикаавзн̣исан̇каад̇асса гзсасса висаж̇ж̇анам̣, можананд̇и ад̇т̇о. баддаб̣анд̇ход̇и асуго наама рааж̇аад̇и налаадз суван̣н̣амаяасса баддасса б̣анд̇ханам̣. гхараман̇г̇аланд̇и абхинавагхарам̣ бавзсанаман̇г̇алам̣. ааваахаман̇г̇аланд̇и ааваахз бавад̇д̇ам̣ ман̇г̇алам̣. чад̇д̇аман̇г̇аланд̇и рааж̇ачад̇д̇уссаабанагаалз бавад̇д̇ам̣ ман̇г̇алам̣. ман̇г̇алам̣ вад̇ваад̇и ман̇г̇аласам̣яуд̇д̇ам̣ д̇хаммагат̇ам̣ гат̇зд̇ваа. ж̇анабад̣̇агаляаан̣ийд̇и ж̇анабад̣̇амхи галяаан̣асаманнааг̇ад̇аа. д̇уваддам̣ код̇и киббамзва. собийд̇и нанд̣̇арааж̇агумаароби. ид̇ийд̇иаад̣̇и ниг̇аманам̣. д̣̇уд̇ияад̣̇ивасзд̇и габилавад̇т̇убад̇д̇ад̣̇ивасад̇о д̣̇уд̇ияз д̣̇ивасз. д̇хаммабад̣̇аадтагат̇ааяам̣ (д̇ха. ба. адта. 1.нанд̣̇ад̇т̇зравад̇т̇у; т̇зраг̇аа. адта. 1.нанд̣̇ад̇т̇зраг̇аат̇ааван̣н̣анаа) бана ‘‘д̇ад̇ияад̣̇ивасз нанд̣̇ам̣ баб̣б̣ааж̇зсий’’д̇и вуд̇д̇ам̣.

сад̇д̇амз д̣̇ивасзд̇и габилавад̇т̇убад̇д̇ад̣̇ивасад̇оязва сад̇д̇амз д̣̇ивасз. зд̇ам̣ саман̣ам̣ бассаад̇и яож̇анаа. б̣рахмаруубаван̣н̣анд̇и б̣рахмуно руубасан̇каад̇о ван̣н̣о вияа ван̣н̣о имассаад̇и б̣рахмаруубаван̣н̣о, д̇ам̣. аяанд̇и аяам̣ саман̣о. д̇яассаад̇и д̇з асса. д̇зд̇и нид̇хаяо. ассаад̇и саман̣асса. нанд̇и саман̣ам̣. яаажаад̇и яаажаахи. аяам̣ д̣̇вигаммигад̇хаад̇у. хийд̇и сажжам̣, яасмаа ваа. буд̇д̇о бид̇усанд̇агасса саамиго, ид̇и д̇асмаа мз д̣̇зхийд̇и яож̇анаа. ануруубам̣ важананд̇и самб̣анд̇хо. бхаг̇аванд̇ам̣ ануб̣анд̇хийд̇и бхаг̇авад̇о бидтид̇о бидтид̇о ануб̣анд̇хи.

на висахад̇ийд̇и на самад̇т̇зд̇и. аяам̣ гумааро бид̇усанд̇агам̣ яам̣ д̇ханам̣ ижчад̇и, д̇анд̇и яож̇анаа. ваддаануг̇ад̇анд̇и ваддад̣̇угкам̣ ануг̇ад̇ам̣. савигхаад̇аганд̇и вигхаад̇агзхи бан̃жахи взрзхи сахид̇ам̣. ассаад̇и гумаарасса. нанд̇и гумаарам̣. аяанд̇и гумааро. д̣̇ааяаж̇ж̇анд̇и д̣̇ааяасан̇каад̇ам̣ маад̇аабид̇уунам̣ д̇ханам̣ аад̣̇ад̣̇аад̇ийд̇и д̣̇ааяаад̣̇о, буд̇д̇о, д̇асса ид̣̇анд̇и д̣̇ааяаж̇ж̇ам̣, маад̇аабид̇уунам̣ д̇ханам̣.

‘‘гат̇аахам̣ бханд̇з раахулагумаарам̣ баб̣б̣ааж̇змий’’д̇и гасмаа ааха, нану ааяасмаа саарибуд̇д̇о б̣аараан̣асияам̣ д̇ийхи саран̣аг̇аманзхи анун̃н̃аад̇ам̣ баб̣б̣аж̇ж̇ам̣ на ж̇аанаад̇ийд̇и ааха ‘‘ид̣̇ааний’’д̇иаад̣̇и. яаа саа баб̣б̣аж̇ж̇аа жа убасамбад̣̇аа жа анун̃н̃аад̇аад̇и яож̇анаа. д̇ад̇од̇и баб̣б̣аж̇ж̇ааубасамбад̣̇ад̇о. убасамбад̣̇ам̣ бадигкибид̇ваад̇и самб̣анд̇хо. вимад̇ийд̇и вивид̇хаа ижчаа. иман̃жа банад̇т̇анд̇и имамзва вимад̇исан̇каад̇амад̇т̇ам̣. д̇хаммасзнаабад̇и аахаад̇и самб̣анд̇хо. бхаг̇авад̇о д̇ам̣ аж̇жхаасаяанд̇и яож̇анаа.

‘‘ат̇а ко…бз… баб̣б̣ааж̇зсий’’д̇и зд̇т̇а гим̣ гумаарасса гзсажчзд̣̇анаад̣̇ийни саб̣б̣агижжаани ааяасмаа саарибуд̇д̇оязва гарод̇ийд̇и ааха ‘‘махаамог̇г̇аллаанад̇т̇зро’’д̇иаад̣̇и. оваад̣̇аажарияод̇и ниваасанабаарубанаад̣̇ийсу сзкияавад̇д̇зсу, аабхисамаажааригзсу жа оваад̣̇аго аажарияо. ат̇а гасмаа ‘‘ааяасмаа саарибуд̇д̇о раахулагумаарам̣ баб̣б̣ааж̇зсий’’д̇и вуд̇д̇анд̇и ааха ‘‘яасмаа банаа’’д̇иаад̣̇и. д̇ад̇т̇аад̇и д̇ассам̣ баб̣б̣аж̇ж̇ааубасамбад̣̇ааяам̣. на аажарияод̇и баб̣б̣аж̇ж̇аажарияо жа оваад̣̇аажарияо жа на иссаро.

уббаннасам̣взг̇зна хад̣̇аязнаад̇и зд̇т̇а ид̇т̇амбхууд̇алагкан̣з гаран̣аважанам̣. уббаннасам̣взг̇о хад̣̇аяо худ̇ваад̇и хи яож̇анаа. саб̣б̣анд̇и саб̣б̣ам̣ важанам̣.

д̇ад̇т̇аад̇и буримаважанаабзгкам̣. ависзсзнаад̇и ‘‘д̇хана’’нд̇и ваа ‘‘ан̃н̃а’’нд̇и ваа ‘‘сааваж̇ж̇а’’нд̇и ваа ‘‘анаваж̇ж̇а’’нд̇и ваа висзсамагад̇ваа сааман̃н̃зна. на жа б̣уд̣̇д̇хаананд̇и зд̇т̇а жасад̣̇д̣̇зна на гзвалам̣ абадируубамзва, ат̇а ко б̣уд̣̇д̇хаанан̃жа на аажин̣н̣анд̇и ад̇т̇ам̣ д̣̇ассзд̇и. яанд̇и яам̣ варам̣. д̇ат̇аа нанд̣̇зд̇и зд̇т̇а д̇ат̇аасад̣̇д̣̇асса убамзяяад̇т̇аж̇од̇агабхаавам̣ д̣̇ассзнд̇о ааха ‘‘яат̇зва гираа’’д̇иаад̣̇и. яат̇зва б̣од̇хисад̇д̇ам̣ б̣яаагарим̣су, звам̣ нанд̣̇амби раахуламби б̣яаагарим̣су гираад̇и яож̇анаа. баал̣ияам̣ бана яат̇аа бхаг̇авад̇и мз бханд̇з баб̣б̣аж̇ид̇з анаббагам̣ д̣̇угкам̣ ахоси, д̇ат̇аа нанд̣̇з баб̣б̣аж̇ид̇з анаббагам̣ д̣̇угкам̣ ахоси, д̇ат̇аа раахулз баб̣б̣аж̇ид̇з ад̇химад̇д̇ам̣ д̣̇угкам̣ ахосийд̇и яож̇анаа. нзмид̇д̇агаад̇и субхаасубханимид̇д̇ам̣ гат̇знд̇ийд̇и нзмид̇д̇агаа. буд̇д̇ассаад̇и ж̇здтабуд̇д̇асса сид̣̇д̇хад̇т̇агумаарасса. баб̣б̣аж̇ж̇ааяаад̇и баб̣б̣аж̇ж̇аахзд̇у баб̣б̣аж̇ж̇аагааран̣аа, баб̣б̣аж̇ж̇аанимид̇д̇ам̣ ваа. д̇ад̇од̇и бхаг̇авад̇о баб̣б̣аж̇ж̇ад̇о. д̇амбийд̇и нанд̣̇амби. ид̇ийд̇и ийд̣̇исам̣. бхаг̇авад̇о баб̣б̣аж̇ж̇ааяа маханд̇ам̣ ижчаавигхаад̇асад̣̇исанд̇и ад̇т̇о. д̇амбийд̇и раахуламби. д̇знаад̇и баб̣б̣аж̇ж̇аахзд̇унаа. ассаад̇и ран̃н̃о. уббаж̇ж̇ийд̇и самб̣анд̇хо. ид̇од̇и согуббад̇д̇ид̇о вараяаажанад̇о ваа.

сод̇и рааж̇аа. яад̇ра хи наамаад̇и яо наама. ахамби наама яо яаад̣̇исо б̣уд̣̇д̇хамаамаго д̇хаммамаамаго сан̇гхамаамаго самаано, со д̇аад̣̇исо ахамби на саггомийд̇и яож̇анаа. ан̃н̃зд̇и маяаа абарз. д̣̇угканд̇и н̃аад̇ивияог̇ад̣̇угкам̣. нияяаанигагааран̣анд̇и мануссаанам̣ г̇арахаубаваад̣̇ааггосад̇о нияяаанигам̣ гааран̣ам̣.

д̇ад̇т̇аад̇и ‘‘ананун̃н̃аад̇о’’д̇иаад̣̇иважанз. ж̇анзд̇ийд̇и ж̇ананий, маад̇аа. ж̇анзд̇ийд̇и ж̇анаго, бид̇аа. иминаа босааванигамаад̇аабид̇аро нивад̇д̇зд̇и. маад̇аа ваа мад̇аа ход̇ийд̇и яож̇анаа. со зва ваад̇и буд̇д̇о зва ваа. анун̃н̃аад̇омхийд̇и вад̣̇ад̇ийд̇и сажжзна ваа алигзна ваа ‘‘анун̃н̃аад̇омхий’’д̇и вад̣̇ад̇и. маад̇аа ваа саяам̣ баб̣б̣аж̇ид̇аад̇и яож̇анаа. бид̇ассаад̇и бид̇аа асса. ассаад̇и буд̇д̇асса. виббавуд̇т̇од̇и маад̇уяаа гзнажи гааран̣зна баваасо.

жуул̣амаад̇аад̣̇ийнанд̇иаад̣̇исад̣̇д̣̇зна махаамаад̇аад̣̇ийни сан̇г̇ан̣хаад̇и. босанагаад̇и вад̣дханагаа. д̇зсубийд̇и босанагамаад̇аабид̇арзсуби.

яам̣ бана буд̇д̇ам̣ наануж̇аананд̇ийд̇и самб̣анд̇хо. ж̇ийвассзваад̇и д̇асса ж̇ийвасса зва, баб̣б̣ааж̇знд̇асса ваа бхигкусса, на д̣̇зсанд̇араг̇аманаад̣̇ийнамад̇т̇ааяаад̇и ад̇т̇о. д̇зсанд̇и маад̇аабид̇уунам̣.

махааганд̇аарод̇и гзна уд̣̇агзна д̇арид̇аб̣б̣од̇и ганд̇ааро, нируд̣̇агаганд̇аарова мукяад̇о лаб̣бхад̇и, ваал̣аганд̇ааро жораганд̇ааро амануссаганд̇ааро д̣̇уб̣бхигкаганд̇ааро маруганд̇аарод̇и имз бан̃жа ганд̇аараа руул̣хийвасзна. маханд̇о ганд̇ааро махааганд̇ааро.

яаавад̇агзд̇и зд̇т̇а яаавасад̣̇д̣̇о бамаан̣ад̇т̇од̇и ааха ‘‘яад̇д̇агз’’д̇и.