| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[345] 5. рааж̇агумбхаж̇аад̇агаван̣н̣анаа
[345] 5. Rājakumbhajātakavaṇṇanā
ванам̣ яад̣̇аг̇г̇и д̣̇ахад̇ийд̇и ид̣̇ам̣ сад̇т̇аа ж̇зд̇аванз вихаранд̇о згам̣ аласабхигкум̣ аараб̣бха гат̇зси. со гира саавад̇т̇иваасий гулабуд̇д̇о саасанз урам̣ д̣̇ад̇ваа баб̣б̣аж̇ид̇вааби аласо ахоси уд̣̇д̣̇зсабарибужчааяонисоманасигааравад̇д̇абадивад̇д̇аад̣̇ийхи бариб̣аахиро нийваран̣аабхибхууд̇о. нисиннадтаанаад̣̇ийсу ирияаабат̇зсу д̇ат̇аа зва ход̇и. д̇асса д̇ам̣ ааласияабхаавам̣ аараб̣бха бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, асуго наама бхигку зваруубз нияяаанигасаасанз баб̣б̣аж̇ид̇ваа ааласияо гусийд̇о нийваран̣аабхибхууд̇о вихарад̇ий’’д̇и . сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збзса ааласияоязваа’’д̇и вад̇ваа ад̇ийд̇ам̣ аахари.
Vanaṃ yadaggi dahatīti idaṃ satthā jetavane viharanto ekaṃ alasabhikkhuṃ ārabbha kathesi. So kira sāvatthivāsī kulaputto sāsane uraṃ datvā pabbajitvāpi alaso ahosi uddesaparipucchāyonisomanasikāravattapaṭivattādīhi paribāhiro nīvaraṇābhibhūto. Nisinnaṭṭhānādīsu iriyāpathesu tathā eva hoti. Tassa taṃ ālasiyabhāvaṃ ārabbha bhikkhū dhammasabhāyaṃ kathaṃ samuṭṭhāpesuṃ ‘‘āvuso, asuko nāma bhikkhu evarūpe niyyānikasāsane pabbajitvā ālasiyo kusīto nīvaraṇābhibhūto viharatī’’ti . Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepesa ālasiyoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса амажжарад̇анам̣ ахоси, б̣аараан̣асирааж̇аа ааласияаж̇аад̇иго ахоси. б̣од̇хисад̇д̇о ‘‘рааж̇аанам̣ баб̣од̇хзссаамий’’д̇и згам̣ убамам̣ убад̇хаарзнд̇о вижарад̇и. ат̇згад̣̇ивасам̣ рааж̇аа уяяаанам̣ г̇анд̇ваа амажжаг̇ан̣абаривуд̇о д̇ад̇т̇а вижаранд̇о згам̣ рааж̇агумбхам̣ наама ааласияам̣ басси. д̇ат̇ааруубаа гира ааласияаа сагалад̣̇ивасам̣ г̇ажчанд̇ааби згад̣̇ван̇г̇уламад̇д̇амзва г̇ажчанд̇и. рааж̇аа д̇ам̣ д̣̇исваа ‘‘ваяасса го наама со’’д̇и б̣од̇хисад̇д̇ам̣ бужчи. махаасад̇д̇о ‘‘рааж̇агумбхо наамзса, махаарааж̇а, ааласияо. зваруубо хи сагалад̣̇ивасам̣ г̇ажчанд̇оби зган̇г̇улад̣̇ван̇г̇уламад̇д̇амзва г̇ажчад̇ий’’д̇и вад̇ваа д̇зна сад̣̇д̇хим̣ саллабанд̇о ‘‘амбхо, рааж̇агумбха, д̇умхаагам̣ д̣̇анд̇хаг̇аманам̣ имасмим̣ аран̃н̃з д̣̇ааваг̇г̇имхи удтид̇з гим̣ гарот̇аа’’д̇и вад̇ваа батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto tassa amaccaratanaṃ ahosi, bārāṇasirājā ālasiyajātiko ahosi. Bodhisatto ‘‘rājānaṃ pabodhessāmī’’ti ekaṃ upamaṃ upadhārento vicarati. Athekadivasaṃ rājā uyyānaṃ gantvā amaccagaṇaparivuto tattha vicaranto ekaṃ rājakumbhaṃ nāma ālasiyaṃ passi. Tathārūpā kira ālasiyā sakaladivasaṃ gacchantāpi ekadvaṅgulamattameva gacchanti. Rājā taṃ disvā ‘‘vayassa ko nāma so’’ti bodhisattaṃ pucchi. Mahāsatto ‘‘rājakumbho nāmesa, mahārāja, ālasiyo. Evarūpo hi sakaladivasaṃ gacchantopi ekaṅguladvaṅgulamattameva gacchatī’’ti vatvā tena saddhiṃ sallapanto ‘‘ambho, rājakumbha, tumhākaṃ dandhagamanaṃ imasmiṃ araññe dāvaggimhi uṭṭhite kiṃ karothā’’ti vatvā paṭhamaṃ gāthamāha –
173.
173.
‘‘ванам̣ яад̣̇аг̇г̇и д̣̇ахад̇и, бааваго ган̣хавад̇д̇аний;
‘‘Vanaṃ yadaggi dahati, pāvako kaṇhavattanī;
гат̇ам̣ гароси бажалага, звам̣ д̣̇анд̇хабараггамо’’д̇и.
Kathaṃ karosi pacalaka, evaṃ dandhaparakkamo’’ti.
д̇ад̇т̇а яад̣̇аг̇г̇ийд̇и яад̣̇аа аг̇г̇и. бааваго ган̣хавад̇д̇анийд̇и аг̇г̇ино взважанам̣. бажалагаад̇и д̇ам̣ аалабад̇и. со хи жаланд̇о жаланд̇о г̇ажчад̇и, нижжам̣ ваа бажалааяад̇и, д̇асмаа ‘‘бажалаго’’д̇и вужжад̇и. д̣̇анд̇хабараггамод̇и г̇арувийрияо.
Tattha yadaggīti yadā aggi. Pāvako kaṇhavattanīti aggino vevacanaṃ. Pacalakāti taṃ ālapati. So hi calanto calanto gacchati, niccaṃ vā pacalāyati, tasmā ‘‘pacalako’’ti vuccati. Dandhaparakkamoti garuvīriyo.
д̇ам̣ суд̇ваа рааж̇агумбхо д̣̇уд̇ияам̣ г̇аат̇амааха –
Taṃ sutvā rājakumbho dutiyaṃ gāthamāha –
174.
174.
‘‘б̣ахууни ругкачид̣̇д̣̇аани, бат̇аб̣яаа вивараани жа;
‘‘Bahūni rukkhachiddāni, pathabyā vivarāni ca;
д̇аани жз наабхисамбхома, ход̇и но гаалабарияааяо’’д̇и.
Tāni ce nābhisambhoma, hoti no kālapariyāyo’’ti.
д̇ассад̇т̇о – бан̣д̣ид̇а, амхаагам̣ ид̇о уд̇д̇ариг̇аманам̣ наама над̇т̇и. имасмим̣ бана аран̃н̃з ругкачид̣̇д̣̇аани бат̇авияам̣ вивараани жа б̣ахууни. яад̣̇и д̇аани на баабун̣аама, ход̇и но гаалабарияааяод̇и маран̣амзва но ход̇ийд̇и.
Tassattho – paṇḍita, amhākaṃ ito uttarigamanaṃ nāma natthi. Imasmiṃ pana araññe rukkhachiddāni pathaviyaṃ vivarāni ca bahūni. Yadi tāni na pāpuṇāma, hoti no kālapariyāyoti maraṇameva no hotīti.
д̇ам̣ суд̇ваа б̣од̇хисад̇д̇о ид̇араа д̣̇вз г̇аат̇аа абхааси –
Taṃ sutvā bodhisatto itarā dve gāthā abhāsi –
175.
175.
‘‘яо д̣̇анд̇хагаалз д̇арад̇и, д̇аран̣ийяз жа д̣̇анд̇хад̇и;
‘‘Yo dandhakāle tarati, taraṇīye ca dandhati;
сугкабан̣н̣ам̣ва аггамма, ад̇т̇ам̣ бхан̃ж̇ад̇и ад̇д̇ано.
Sukkhapaṇṇaṃva akkamma, atthaṃ bhañjati attano.
176.
176.
‘‘яо д̣̇анд̇хагаалз д̣̇анд̇хзд̇и, д̇аран̣ийяз жа д̇аараяи;
‘‘Yo dandhakāle dandheti, taraṇīye ca tārayi;
сасийва рад̇д̇им̣ вибхаж̇ам̣, д̇ассад̇т̇о барибуурад̇ий’’д̇и.
Sasīva rattiṃ vibhajaṃ, tassattho paripūratī’’ti.
д̇ад̇т̇а д̣̇анд̇хагаалзд̇и д̇зсам̣ д̇зсам̣ гаммаанам̣ сан̣игам̣ гад̇д̇аб̣б̣агаалз. д̇арад̇ийд̇и д̇урид̇ад̇урид̇о взг̇зна д̇аани гаммаани гарод̇и. сугкабан̣н̣ам̣ваад̇и яат̇аа ваад̇аад̇абасугкам̣ д̇аалабан̣н̣ам̣ б̣алаваа бурисо аггамид̇ваа бхан̃ж̇зяяа, д̇ад̇т̇зва жун̣н̣авижун̣н̣ам̣ гарзяяа, звам̣ со ад̇д̇ано ад̇т̇ам̣ вуд̣̇д̇хим̣ бхан̃ж̇ад̇и. д̣̇анд̇хзд̇ийд̇и д̣̇анд̇хаяад̇и д̣̇анд̇хагаад̇аб̣б̣аани гаммаани д̣̇анд̇хамзва гарод̇и. д̇аараяийд̇и д̇урид̇агаад̇аб̣б̣аани гаммаани д̇урид̇ова гарод̇и. сасийва рад̇д̇им̣ вибхаж̇анд̇и яат̇аа жанд̣̇о ж̇ун̣хабагкам̣ рад̇д̇им̣ ж̇од̇аяамаано гаал̣абагкарад̇д̇ид̇о рад̇д̇им̣ вибхаж̇анд̇о д̣̇ивасз д̣̇ивасз барибуурад̇и, звам̣ д̇асса бурисасса ад̇т̇о барибуурад̇ийд̇и вуд̇д̇ам̣ ход̇и.
Tattha dandhakāleti tesaṃ tesaṃ kammānaṃ saṇikaṃ kattabbakāle. Taratīti turitaturito vegena tāni kammāni karoti. Sukkhapaṇṇaṃvāti yathā vātātapasukkhaṃ tālapaṇṇaṃ balavā puriso akkamitvā bhañjeyya, tattheva cuṇṇavicuṇṇaṃ kareyya, evaṃ so attano atthaṃ vuddhiṃ bhañjati. Dandhetīti dandhayati dandhakātabbāni kammāni dandhameva karoti. Tārayīti turitakātabbāni kammāni turitova karoti. Sasīva rattiṃ vibhajanti yathā cando juṇhapakkhaṃ rattiṃ jotayamāno kāḷapakkharattito rattiṃ vibhajanto divase divase paripūrati, evaṃ tassa purisassa attho paripūratīti vuttaṃ hoti.
рааж̇аа б̣од̇хисад̇д̇асса важанам̣ суд̇ваа д̇ад̇о бадтааяа аналасо ж̇аад̇о.
Rājā bodhisattassa vacanaṃ sutvā tato paṭṭhāya analaso jāto.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа рааж̇агумбхо ааласияабхигку ахоси, бан̣д̣ид̇аамажжо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā rājakumbho ālasiyabhikkhu ahosi, paṇḍitāmacco pana ahameva ahosi’’nti.
рааж̇агумбхаж̇аад̇агаван̣н̣анаа бан̃жамаа.
Rājakumbhajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 345. г̇аж̇агумбхаж̇аад̇агам̣ • 345. Gajakumbhajātakaṃ
