Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
4. раж̇ананид̣̇д̣̇зсаван̣н̣анаа
4. Rajananiddesavaṇṇanā
58. ид̣̇аани д̇зсам̣ жийвараанам̣ раж̇анавид̇хаанам̣ д̣̇ассзд̇ум̣ ‘‘раж̇анаани жаа’’д̇и вуд̇д̇ам̣. д̇ад̇т̇а ‘‘ануж̇аанаами, бхигкавз, ча раж̇анаани муулараж̇анам̣ канд̇хараж̇анам̣ д̇ажараж̇анам̣ бад̇д̇араж̇анам̣ бубпараж̇анам̣ палараж̇ана’’нд̇и (махаава. 344) звам̣ бхаг̇авад̇аа анун̃н̃аад̇ад̇д̇аа ‘‘чаббагаараани анун̃н̃аад̇аани сад̇т̇унаа’’д̇и вуд̇д̇ам̣.
58. Idāni tesaṃ cīvarānaṃ rajanavidhānaṃ dassetuṃ ‘‘rajanāni cā’’ti vuttaṃ. Tattha ‘‘anujānāmi, bhikkhave, cha rajanāni mūlarajanaṃ khandharajanaṃ tacarajanaṃ pattarajanaṃ puppharajanaṃ phalarajana’’nti (mahāva. 344) evaṃ bhagavatā anuññātattā ‘‘chappakārāni anuññātāni satthunā’’ti vuttaṃ.
59. д̇ад̇т̇а муулзд̇и муулараж̇анзд̇и ад̇т̇о. халид̣̇д̣̇им̣ виваж̇ж̇ияа саб̣б̣ам̣ лаб̣бханд̇и самб̣анд̇хо. звам̣ сзсзсуби. д̇ун̇г̇ахаараго наама зго саган̣дагаругко, д̇асса харид̇аалаван̣н̣ам̣ канд̇хараж̇анам̣ ход̇и. г̇ихибарибхуд̇д̇ам̣ бана аллибад̇д̇зна згаваарам̣ раж̇ид̇ум̣ ваддад̇и. палараж̇анз агаббияам̣ наама над̇т̇и, саб̣б̣ам̣ ваддад̇ийд̇и. раж̇анавинижчаяо.
59. Tattha mūleti mūlarajaneti attho. Haliddiṃ vivajjiya sabbaṃ labbhanti sambandho. Evaṃ sesesupi. Tuṅgahārako nāma eko sakaṇṭakarukkho, tassa haritālavaṇṇaṃ khandharajanaṃ hoti. Gihiparibhuttaṃ pana allipattena ekavāraṃ rajituṃ vaṭṭati. Phalarajane akappiyaṃ nāma natthi, sabbaṃ vaṭṭatīti. Rajanavinicchayo.
раж̇ананид̣̇д̣̇зсаван̣н̣анаа нидтид̇аа.
Rajananiddesavaṇṇanā niṭṭhitā.