| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
4. рааж̇ааяад̇анагат̇аа
4. Rājāyatanakathā
6. баажийнагон̣зд̇и бурад̇т̇имаассз, буб̣б̣ад̣̇агкин̣ад̣̇исаабхааг̇зд̇и ад̇т̇о. рааж̇ааяад̇анаругканд̇и кийригааругкам̣. д̇зна ко бана самаязнаад̇и зд̇т̇а д̇асад̣̇д̣̇асса висаяам̣ бужчид̇ваа д̣̇ассзнд̇о ааха ‘‘гад̇арзна самаязнаа’’д̇и. нисиннасса бхаг̇авад̇од̇и яож̇анаа. д̣̇зварааж̇асад̣̇д̣̇асса ан̃н̃з баж̇аабад̇иаад̣̇аяо д̣̇зварааж̇аано нивад̇д̇зд̇ум̣ ‘‘сагго’’д̇и вуд̇д̇ам̣. д̇анд̇и харийд̇агам̣. барибхуд̇д̇амад̇д̇ассзва бхаг̇авад̇од̇и самб̣анд̇хо. нисиннз бхаг̇авад̇и.
6.Pācīnakoṇeti puratthimaasse, pubbadakkhiṇadisābhāgeti attho. Rājāyatanarukkhanti khīrikārukkhaṃ. Tena kho pana samayenāti ettha tasaddassa visayaṃ pucchitvā dassento āha ‘‘katarena samayenā’’ti. Nisinnassa bhagavatoti yojanā. Devarājasaddassa aññe pajāpatiādayo devarājāno nivattetuṃ ‘‘sakko’’ti vuttaṃ. Tanti harītakaṃ. Paribhuttamattasseva bhagavatoti sambandho. Nisinne bhagavati.
‘‘д̇зна ко бана самаязнаа’’д̇и иминаа язна самаязна бхаг̇аваа рааж̇ааяад̇анамуулз нисийд̣̇и, д̇зна ко бана самаязнаад̇и ад̇т̇ам̣ д̣̇ассзд̇и. уггалаж̇анабад̣̇ад̇од̇и уггаланаамагаа ж̇анабад̣̇амхаа. яасмим̣ д̣̇зсз бхаг̇аваа вихарад̇и, д̇ам̣ д̣̇зсанд̇и яож̇анаа. зд̇т̇аад̇и ‘‘д̇ам̣ д̣̇зсам̣ ад̣̇д̇хаанамаг̇г̇аббадибаннаа’’д̇ибад̣̇з. д̇зсанд̇и ваан̣иж̇аанам̣. н̃аад̇исаалохид̇асад̣̇д̣̇аанам̣ ан̃н̃аман̃н̃авзважанад̇д̇аа ‘‘н̃аад̇ий’’д̇и вуд̇д̇з саалохид̇асад̣̇д̣̇асса ад̇т̇о сид̣̇д̇ход̇и д̣̇ассзд̇ум̣ вуд̇д̇ам̣ ‘‘н̃аад̇ибхууд̇абуб̣б̣аа д̣̇звад̇аа’’д̇и. саад̇и д̣̇звад̇аа. нзсанд̇и ваан̣иж̇аанам̣. д̇ад̇од̇и абавад̇д̇анагааран̣аа. д̇зд̇и ваан̣иж̇аа . ид̣̇анд̇и абавад̇д̇анам̣. б̣алинд̇и убахаарам̣. д̇зсанд̇и ваан̣иж̇аанам̣. ‘‘саб̣б̣имад̇хупаан̣ид̇аад̣̇ийхи яож̇зд̇ваа’’д̇и бад̣̇ам̣ буб̣б̣аабараабзгкам̣, д̇асмаа маж̇жхз вуд̇д̇ам̣. бад̇имаанзт̇аад̇и зд̇т̇а маана бууж̇ааяам̣ бзманзд̇и д̇хаад̇убаатзсу (сад̣̇д̣̇анийд̇ид̇хаад̇умаалааяам̣ 18 нагааранд̇ад̇хаад̇у) вуд̇д̇ад̇д̇аа бууж̇анабзманам̣ наама ад̇т̇ад̇о убадтахананд̇и ааха ‘‘убадтахат̇аа’’д̇и. д̇ам̣ вод̇и зд̇т̇а д̇ам̣сад̣̇д̣̇о бад̇имаананависаяо, восад̣̇д̣̇о д̇ийсу восад̣̇д̣̇зсу д̇умхасад̣̇д̣̇асса гаарияо восад̣̇д̣̇о, со жа жад̇уд̇т̇яад̇т̇од̇и ааха ‘‘д̇ам̣ бад̇имаанам̣ д̇умхаага’’нд̇и. вогааро хи д̇ивид̇хо д̇умхасад̣̇д̣̇асса гаарияо, яоважанасса гаарияо, бад̣̇абууран̣од̇и. д̇ад̇т̇а д̇умхасад̣̇д̣̇асса гаарияо бан̃жавид̇хо бажжад̇д̇аубаяог̇агаран̣асамбад̣̇аанасаамиважанавасзнаад̇и. д̇ад̇т̇а д̇умхасад̣̇д̣̇агаарияо самбад̣̇аанаважано ид̇хаад̇хиббзд̇о. д̇знааха ‘‘д̇умхаага’’нд̇и. ‘‘яа’’нд̇исад̣̇д̣̇асса висаяо бадиг̇г̇ахан̣ад̇т̇од̇и ааха ‘‘яам̣ бадиг̇г̇ахан̣а’’нд̇и. ассаад̇и бхавзяяа. яо бад̇д̇о ахосийд̇и яож̇анаа. ассаад̇и бхаг̇авад̇о. сод̇и бад̇д̇о. суж̇аад̇ааяа ааг̇ажчанд̇ияаа зваад̇и самб̣анд̇хо. анаад̣̇арз жзд̇ам̣ саамиважанам̣. д̇знаад̇и анд̇арад̇хааяахзд̇унаа. ассаад̇и бхаг̇авад̇о. хад̇т̇зсууд̇и гаран̣ад̇т̇з жзд̇ам̣ бхуммаважанам̣. хад̇т̇зхийд̇и хи ад̇т̇о. гимхийд̇и гзна.
‘‘Tena kho pana samayenā’’ti iminā yena samayena bhagavā rājāyatanamūle nisīdi, tena kho pana samayenāti atthaṃ dasseti. Ukkalajanapadatoti ukkalanāmakā janapadamhā. Yasmiṃ dese bhagavā viharati, taṃ desanti yojanā. Etthāti ‘‘taṃ desaṃ addhānamaggappaṭipannā’’tipade. Tesanti vāṇijānaṃ. Ñātisālohitasaddānaṃ aññamaññavevacanattā ‘‘ñātī’’ti vutte sālohitasaddassa attho siddhoti dassetuṃ vuttaṃ ‘‘ñātibhūtapubbā devatā’’ti. Sāti devatā. Nesanti vāṇijānaṃ. Tatoti apavattanakāraṇā. Teti vāṇijā . Idanti apavattanaṃ. Balinti upahāraṃ. Tesanti vāṇijānaṃ. ‘‘Sabbimadhuphāṇitādīhi yojetvā’’ti padaṃ pubbāparāpekkhaṃ, tasmā majjhe vuttaṃ. Patimānethāti ettha māna pūjāyaṃ pemaneti dhātupāṭhesu (saddanītidhātumālāyaṃ 18 nakārantadhātu) vuttattā pūjanapemanaṃ nāma atthato upaṭṭhahananti āha ‘‘upaṭṭhahathā’’ti. Taṃ voti ettha taṃsaddo patimānanavisayo, vosaddo tīsu vosaddesu tumhasaddassa kāriyo vosaddo, so ca catutthyatthoti āha ‘‘taṃ patimānaṃ tumhāka’’nti. Vokāro hi tividho tumhasaddassa kāriyo, yovacanassa kāriyo, padapūraṇoti. Tattha tumhasaddassa kāriyo pañcavidho paccattaupayogakaraṇasampadānasāmivacanavasenāti. Tattha tumhasaddakāriyo sampadānavacano idhādhippeto. Tenāha ‘‘tumhāka’’nti. ‘‘Ya’’ntisaddassa visayo paṭiggahaṇatthoti āha ‘‘yaṃ paṭiggahaṇa’’nti. Assāti bhaveyya. Yo patto ahosīti yojanā. Assāti bhagavato. Soti patto. Sujātāya āgacchantiyā evāti sambandho. Anādare cetaṃ sāmivacanaṃ. Tenāti antaradhāyahetunā. Assāti bhagavato. Hatthesūti karaṇatthe cetaṃ bhummavacanaṃ. Hatthehīti hi attho. Kimhīti kena.
ид̇од̇и аасал̣хиймаасаж̇ун̣хабагкабан̃жамид̇о. зд̇д̇агам̣ гааланд̇и зд̇ам̣ бамаан̣ам̣ згуунабан̃н̃аасад̣̇ивасагаалам̣. ж̇игхажчаад̇и гхасид̇умижчаа. бибаасаад̇и баад̇умижчаа. ассаад̇и бхаг̇авад̇о. жзд̇асаа-жзд̇осад̣̇д̣̇аанам̣ самб̣анд̇хаабзгкад̇д̇аа д̇зсам̣ самб̣анд̇хам̣ д̣̇ассзд̇ум̣ вуд̇д̇ам̣ ‘‘ад̇д̇ано’’д̇и жа ‘‘бхаг̇авад̇о’’д̇и жа. имзхи самб̣анд̇хисад̣̇д̣̇аанамасад̣̇исад̇д̇аа самб̣анд̇хоби асад̣̇исод̇и д̣̇ассзд̇и. ад̇д̇анод̇и жад̇уннам̣ махаарааж̇аанам̣. самаасоязва аваяавийбад̇хаано ход̇и, ваагяам̣ бана аваяавабад̇хааноязваад̇и д̣̇ассзнд̇о ааха ‘‘жад̇уухи д̣̇исаахий’’д̇и. баал̣ияам̣ ‘‘ааг̇анд̇ваа’’д̇и баатасзсо яож̇зд̇аб̣б̣о. ‘‘силаамаяз’’д̇и иминаа силаамаяамзва сзлаамаяанд̇и ад̇т̇ам̣ д̣̇ассзд̇и. ид̣̇анд̇и ‘‘сзлаамаяз бад̇д̇з’’д̇и важанам̣. язд̇и муг̇г̇аван̣н̣асилаамаяз бад̇д̇з. д̇ад̇од̇и инд̣̇анийламан̣имаяабад̇д̇аубанааманад̇о, баранд̇и самб̣анд̇хо. д̇зсанд̇и жад̇уннам̣ махаарааж̇аанам̣. жад̇д̇аароби ад̇хидтахийд̇и самб̣анд̇хо . яат̇аад̇и язнаагаарзна, ад̇хидтияамаанзд̇и яож̇анаа. згасад̣̇исод̇и згам̣сзна сад̣̇исо. ад̇хидтид̇з бад̇д̇зд̇и самб̣анд̇хо. бад̇д̇зд̇и жа гаран̣ад̇т̇з бхуммаважанам̣. бад̇д̇зна бадиг̇г̇ахзсийд̇и хи ад̇т̇о. бажжаг̇гхзд̇и зд̇т̇а згааро смим̣важанасса гаарияод̇и ааха ‘‘бажжаг̇гхасми’’нд̇и. бади аг̇гханд̇и бад̣̇авибхааг̇ам̣ гад̇ваа бадисад̣̇д̣̇о баадзггад̇т̇о, ‘‘аг̇гха’’нд̇и сааман̃н̃ад̇о вуд̇д̇зби махаг̇гхад̇т̇од̇и д̣̇ассзнд̇о ааха ‘‘баадзггам̣ махаг̇гхасми’’нд̇и. иминаа жад̇д̇ааро згад̇о худ̇ваа на махаг̇гхаа хонд̇и, баадзггам̣ бана махаг̇гхаа хонд̇ийд̇и д̣̇ассзд̇и. ат̇а ваа саубасаг̇г̇о бажжаг̇гхасад̣̇д̣̇о абхинавабарияааяод̇и ааха ‘‘абхинавз’’д̇и. абхинавод̇и жа ажирад̇анавад̇т̇усса наамам̣. ажирад̇анавад̇т̇у ажирад̇анад̇д̇аа аб̣бхун̣хам̣ вияа ход̇и, д̇асмаа вуд̇д̇ам̣ ‘‘аб̣бхун̣хз’’д̇и. ‘‘д̇ан̇кан̣з ниб̣б̣ад̇д̇асми’’нд̇и иминаа д̇амзвад̇т̇ам̣ вибхаавзд̇и. д̣̇взваажигаад̇ибад̣̇асса самаасавасзна жа д̇ад̣̇д̇хид̇авасзна жа нибпаннабхаавам̣ д̣̇ассзнд̇о ааха ‘‘д̣̇вз ваажаа’’д̇иаад̣̇и. бад̇д̇аад̇и зд̇т̇а зго ид̇исад̣̇д̣̇о луд̇д̇анид̣̇д̣̇идто. ид̇и д̇асмаа д̣̇взваажигааид̇и ад̇т̇од̇и яож̇анаа. д̇зд̇и ваан̣иж̇аа. ат̇аад̇и д̇асмим̣ гаалз. д̇зд̇и гзсз. д̇зсанд̇и ваан̣иж̇аанам̣. барихарат̇аад̇и ад̇д̇ано абхиваад̣̇анабажжудтаанадтаананд̇и бадиг̇г̇ахзд̇ваа, барижчинд̣̇ид̇ваа ваа харат̇аад̇и ад̇т̇о. д̇зд̇и ваан̣иж̇аа. амад̇знзваад̇и амад̇зна ива, абхисид̇д̇аа иваад̇и яож̇анаа.
Itoti āsaḷhīmāsajuṇhapakkhapañcamito. Ettakaṃ kālanti etaṃ pamāṇaṃ ekūnapaññāsadivasakālaṃ. Jighacchāti ghasitumicchā. Pipāsāti pātumicchā. Assāti bhagavato. Cetasā-cetosaddānaṃ sambandhāpekkhattā tesaṃ sambandhaṃ dassetuṃ vuttaṃ ‘‘attano’’ti ca ‘‘bhagavato’’ti ca. Imehi sambandhisaddānamasadisattā sambandhopi asadisoti dasseti. Attanoti catunnaṃ mahārājānaṃ. Samāsoyeva avayavīpadhāno hoti, vākyaṃ pana avayavapadhānoyevāti dassento āha ‘‘catūhi disāhī’’ti. Pāḷiyaṃ ‘‘āgantvā’’ti pāṭhaseso yojetabbo. ‘‘Silāmaye’’ti iminā silāmayameva selāmayanti atthaṃ dasseti. Idanti ‘‘selāmaye patte’’ti vacanaṃ. Yeti muggavaṇṇasilāmaye patte. Tatoti indanīlamaṇimayapattaupanāmanato, paranti sambandho. Tesanti catunnaṃ mahārājānaṃ. Cattāropi adhiṭṭhahīti sambandho . Yathāti yenākārena, adhiṭṭhiyamāneti yojanā. Ekasadisoti ekaṃsena sadiso. Adhiṭṭhite patteti sambandho. Patteti ca karaṇatthe bhummavacanaṃ. Pattena paṭiggahesīti hi attho. Paccaggheti ettha ekāro smiṃvacanassa kāriyoti āha ‘‘paccagghasmi’’nti. Paṭi agghanti padavibhāgaṃ katvā paṭisaddo pāṭekkattho, ‘‘aggha’’nti sāmaññato vuttepi mahagghatthoti dassento āha ‘‘pāṭekkaṃ mahagghasmi’’nti. Iminā cattāro ekato hutvā na mahagghā honti, pāṭekkaṃ pana mahagghā hontīti dasseti. Atha vā saupasaggo paccagghasaddo abhinavapariyāyoti āha ‘‘abhinave’’ti. Abhinavoti ca aciratanavatthussa nāmaṃ. Aciratanavatthu aciratanattā abbhuṇhaṃ viya hoti, tasmā vuttaṃ ‘‘abbhuṇhe’’ti. ‘‘Taṅkhaṇe nibbattasmi’’nti iminā tamevatthaṃ vibhāveti. Dvevācikātipadassa samāsavasena ca taddhitavasena ca nipphannabhāvaṃ dassento āha ‘‘dve vācā’’tiādi. Pattāti ettha eko itisaddo luttaniddiṭṭho. Iti tasmā dvevācikāiti atthoti yojanā. Teti vāṇijā. Athāti tasmiṃ kāle. Teti kese. Tesanti vāṇijānaṃ. Pariharathāti attano abhivādanapaccuṭṭhānaṭṭhānanti paṭiggahetvā, paricchinditvā vā harathāti attho. Teti vāṇijā. Amatenevāti amatena iva, abhisittā ivāti yojanā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 4. рааж̇ааяад̇анагат̇аа • 4. Rājāyatanakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / рааж̇ааяад̇анагат̇аа • Rājāyatanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / рааж̇ааяад̇анагат̇ааван̣н̣анаа • Rājāyatanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / рааж̇ааяад̇анагат̇ааван̣н̣анаа • Rājāyatanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / рааж̇ааяад̇анагат̇ааван̣н̣анаа • Rājāyatanakathāvaṇṇanā
