| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. раж̇ж̇асуд̇д̇ам̣
10. Rajjasuttaṃ
156. згам̣ самаяам̣ бхаг̇аваа госалзсу вихарад̇и химаванд̇абад̣̇зсз 1 аран̃н̃агудигааяам̣. ат̇а ко бхаг̇авад̇о рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘саггаа ну ко раж̇ж̇ам̣ гаарзд̇ум̣ аханам̣ агхаад̇аяам̣ аж̇инам̣ аж̇аабаяам̣ асожам̣ асожаабаяам̣ д̇хаммзнаа’’д̇и?
156. Ekaṃ samayaṃ bhagavā kosalesu viharati himavantapadese 2 araññakuṭikāyaṃ. Atha kho bhagavato rahogatassa paṭisallīnassa evaṃ cetaso parivitakko udapādi – ‘‘sakkā nu kho rajjaṃ kāretuṃ ahanaṃ aghātayaṃ ajinaṃ ajāpayaṃ asocaṃ asocāpayaṃ dhammenā’’ti?
ат̇а ко мааро баабимаа бхаг̇авад̇о жзд̇асаа жзд̇обаривид̇аггаман̃н̃ааяа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ зд̇ад̣̇авожа – ‘‘гаарзд̇у, бханд̇з, бхаг̇аваа раж̇ж̇ам̣, гаарзд̇у, суг̇ад̇о, раж̇ж̇ам̣ аханам̣ агхаад̇аяам̣ аж̇инам̣ аж̇аабаяам̣ асожам̣ асожаабаяам̣ д̇хаммзнаа’’д̇и. ‘‘гим̣ бана мз д̇вам̣, баабима, бассаси яам̣ мам̣ д̇вам̣ звам̣ вад̣̇зси – ‘гаарзд̇у, бханд̇з, бхаг̇аваа раж̇ж̇ам̣, гаарзд̇у суг̇ад̇о , раж̇ж̇ам̣ аханам̣ агхаад̇аяам̣ аж̇инам̣ аж̇аабаяам̣ асожам̣ асожаабаяам̣ д̇хаммзнаа’’’д̇и? ‘‘бхаг̇авад̇аа ко, бханд̇з, жад̇д̇ааро ид̣̇д̇хибаад̣̇аа бхаавид̇аа б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа. ааган̇камаано жа, бханд̇з, бхаг̇аваа химаванд̇ам̣ баб̣б̣ад̇арааж̇ам̣ суван̣н̣ам̣ д̇взва ад̇химужжзяяа суван̣н̣ан̃жа банассаа’’д̇и 3.
Atha kho māro pāpimā bhagavato cetasā cetoparivitakkamaññāya yena bhagavā tenupasaṅkami; upasaṅkamitvā bhagavantaṃ etadavoca – ‘‘kāretu, bhante, bhagavā rajjaṃ, kāretu, sugato, rajjaṃ ahanaṃ aghātayaṃ ajinaṃ ajāpayaṃ asocaṃ asocāpayaṃ dhammenā’’ti. ‘‘Kiṃ pana me tvaṃ, pāpima, passasi yaṃ maṃ tvaṃ evaṃ vadesi – ‘kāretu, bhante, bhagavā rajjaṃ, kāretu sugato , rajjaṃ ahanaṃ aghātayaṃ ajinaṃ ajāpayaṃ asocaṃ asocāpayaṃ dhammenā’’’ti? ‘‘Bhagavatā kho, bhante, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā. Ākaṅkhamāno ca, bhante, bhagavā himavantaṃ pabbatarājaṃ suvaṇṇaṃ tveva adhimucceyya suvaṇṇañca panassā’’ti 4.
‘‘баб̣б̣ад̇асса суван̣н̣асса, ж̇аад̇аруубасса гзвало;
‘‘Pabbatassa suvaṇṇassa, jātarūpassa kevalo;
д̣̇вид̇д̇аава нааламзгасса, ид̇и вид̣̇ваа саман̃жарз.
Dvittāva nālamekassa, iti vidvā samañcare.
‘‘яо д̣̇угкамад̣̇д̣̇агки яад̇онид̣̇аанам̣,
‘‘Yo dukkhamaddakkhi yatonidānaṃ,
гаамзсу со ж̇анд̇у гат̇ам̣ намзяяа;
Kāmesu so jantu kathaṃ nameyya;
убад̇хим̣ вид̣̇ид̇ваа сан̇г̇од̇и логз,
Upadhiṃ viditvā saṅgoti loke,
д̇ассзва ж̇анд̇у винаяааяа сигкз’’д̇и.
Tasseva jantu vinayāya sikkhe’’ti.
ат̇а ко мааро баабимаа ‘‘ж̇аанаад̇и мам̣ бхаг̇аваа, ж̇аанаад̇и мам̣ суг̇ад̇о’’д̇и д̣̇угкий д̣̇уммано д̇ад̇т̇званд̇арад̇хааяийд̇и.
Atha kho māro pāpimā ‘‘jānāti maṃ bhagavā, jānāti maṃ sugato’’ti dukkhī dummano tatthevantaradhāyīti.
д̣̇уд̇ияо ваг̇г̇о.
Dutiyo vaggo.
д̇ассуд̣̇д̣̇аанам̣ –
Tassuddānaṃ –
баасаан̣о сийхо сагалигам̣ 5, бад̇ируубан̃жа маанасам̣;
Pāsāṇo sīho sakalikaṃ 6, patirūpañca mānasaṃ;
бад̇д̇ам̣ ааяад̇анам̣ бин̣д̣ам̣, гассагам̣ раж̇ж̇зна д̇з д̣̇асаад̇и.
Pattaṃ āyatanaṃ piṇḍaṃ, kassakaṃ rajjena te dasāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. раж̇ж̇асуд̇д̇аван̣н̣анаа • 10. Rajjasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. раж̇ж̇асуд̇д̇аван̣н̣анаа • 10. Rajjasuttavaṇṇanā
