| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[334] 4. рааж̇оваад̣̇аж̇аад̇агаван̣н̣анаа
[334] 4. Rājovādajātakavaṇṇanā
г̇авам̣ жз д̇арамаанаананд̇и ид̣̇ам̣ сад̇т̇аа ж̇зд̇аванз вихаранд̇о рааж̇оваад̣̇ам̣ аараб̣бха гат̇зси. вад̇т̇у д̇зсагун̣аж̇аад̇агз (ж̇аа. 2.17.1 аад̣̇аяо) аави бхависсад̇и. ид̇ха бана сад̇т̇аа ‘‘махаарааж̇а, бораан̣агарааж̇ааноби бан̣д̣ид̇аанам̣ гат̇ам̣ суд̇ваа д̇хаммзна самзна раж̇ж̇ам̣ гаарзнд̇аа саг̇г̇абурам̣ буураяамаанаа г̇амим̣суу’’д̇и вад̇ваа ран̃н̃аа яаажид̇о ад̇ийд̇ам̣ аахари.
Gavaṃce taramānānanti idaṃ satthā jetavane viharanto rājovādaṃ ārabbha kathesi. Vatthu tesakuṇajātake (jā. 2.17.1 ādayo) āvi bhavissati. Idha pana satthā ‘‘mahārāja, porāṇakarājānopi paṇḍitānaṃ kathaṃ sutvā dhammena samena rajjaṃ kārentā saggapuraṃ pūrayamānā gamiṃsū’’ti vatvā raññā yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣раахман̣агулз ниб̣б̣ад̇д̇ид̇ваа ваяаббад̇д̇о сигкид̇асаб̣б̣асиббо исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа раман̣ийяз химаванд̇абад̣̇зсз ванамуулапалаахааро вихааси. ат̇а рааж̇аа аг̇ун̣абариязсаго худ̇ваа ‘‘ад̇т̇и ну ко мз гожи аг̇ун̣ам̣ гат̇знд̇о’’д̇и бариязсанд̇о анд̇ож̇анз жа б̣ахиж̇анз жа анд̇онаг̇арз жа б̣ахинаг̇арз жа ган̃жи ад̇д̇ано аван̣н̣аваад̣̇им̣ ад̣̇исваа ‘‘ж̇анабад̣̇з ну ко гат̇а’’нд̇и ан̃н̃аад̇агавзсзна ж̇анабад̣̇ам̣ жари. д̇ад̇рааби аван̣н̣аваад̣̇им̣ абассанд̇о ад̇д̇ано г̇ун̣агат̇амзва суд̇ваа ‘‘химаванд̇абад̣̇зсз ну ко гат̇а’’нд̇и аран̃н̃ам̣ бависид̇ваа вижаранд̇о б̣од̇хисад̇д̇асса ассамам̣ бад̇ваа д̇ам̣ абхиваад̣̇зд̇ваа гад̇абадисант̇ааро згаманд̇ам̣ нисийд̣̇и.
Atīte bārāṇasiyaṃ brahmadatte rajjaṃ kārente bodhisatto brāhmaṇakule nibbattitvā vayappatto sikkhitasabbasippo isipabbajjaṃ pabbajitvā abhiññā ca samāpattiyo ca nibbattetvā ramaṇīye himavantapadese vanamūlaphalāhāro vihāsi. Atha rājā aguṇapariyesako hutvā ‘‘atthi nu kho me koci aguṇaṃ kathento’’ti pariyesanto antojane ca bahijane ca antonagare ca bahinagare ca kañci attano avaṇṇavādiṃ adisvā ‘‘janapade nu kho katha’’nti aññātakavesena janapadaṃ cari. Tatrāpi avaṇṇavādiṃ apassanto attano guṇakathameva sutvā ‘‘himavantapadese nu kho katha’’nti araññaṃ pavisitvā vicaranto bodhisattassa assamaṃ patvā taṃ abhivādetvā katapaṭisanthāro ekamantaṃ nisīdi.
д̇ад̣̇аа б̣од̇хисад̇д̇о аран̃н̃ад̇о барибаггаани ниг̇род̇хапалаани аахарид̇ваа барибхун̃ж̇и, д̇аани хонд̇и мад̇хураани ож̇аванд̇аани сагкаражун̣н̣асамарасаани. со рааж̇аанамби ааманд̇зд̇ваа ‘‘имам̣ махаабун̃н̃а, ниг̇род̇хабаггапалам̣ каад̣̇ид̇ваа баанийяам̣ биваа’’д̇и ааха. рааж̇аа д̇ат̇аа гад̇ваа б̣од̇хисад̇д̇ам̣ бужчи ‘‘гим̣ ну ко, бханд̇з, имам̣ ниг̇род̇хабаггам̣ ад̇и вияа мад̇хура’’нд̇и? ‘‘махаабун̃н̃а, нууна рааж̇аа д̇хаммзна самзна раж̇ж̇ам̣ гаарзд̇и, д̇знзд̇ам̣ мад̇хуранд̇и. ран̃н̃о ад̇хаммигагаалз амад̇хурам̣ ну ко, бханд̇з, ход̇ий’’д̇и. ‘‘аама, махаабун̃н̃а, рааж̇уусу ад̇хаммигзсу д̇зламад̇хупаан̣ид̇аад̣̇ийниби ванамуулапалааниби амад̇хураани хонд̇и нирож̇аани, на гзвалам̣ зд̇аани, сагаламби радтам̣ нирож̇ам̣ гасадам̣ ход̇и. д̇зсу бана д̇хаммигзсу саб̣б̣аани д̇аани мад̇хураани хонд̇и ож̇аванд̇аани, сагаламби радтам̣ ож̇аванд̇амзва ход̇ий’’д̇и. рааж̇аа ‘‘звам̣ бхависсад̇и, бханд̇з’’д̇и ад̇д̇ано рааж̇абхаавам̣ аж̇аанаабзд̇ваава б̣од̇хисад̇д̇ам̣ ванд̣̇ид̇ваа б̣аараан̣асим̣ г̇анд̇ваа ‘‘д̇аабасасса важанам̣ виймам̣сиссаамий’’д̇и ад̇хаммзна раж̇ж̇ам̣ гаарзд̇ваа ‘‘ид̣̇аани ж̇ааниссаамий’’д̇и гин̃жи гаалам̣ вийд̇инаамзд̇ваа буна д̇ад̇т̇а г̇анд̇ваа д̇ам̣ ванд̣̇ид̇ваа згаманд̇ам̣ нисийд̣̇и.
Tadā bodhisatto araññato paripakkāni nigrodhaphalāni āharitvā paribhuñji, tāni honti madhurāni ojavantāni sakkharacuṇṇasamarasāni. So rājānampi āmantetvā ‘‘imaṃ mahāpuñña, nigrodhapakkaphalaṃ khāditvā pānīyaṃ pivā’’ti āha. Rājā tathā katvā bodhisattaṃ pucchi ‘‘kiṃ nu kho, bhante, imaṃ nigrodhapakkaṃ ati viya madhura’’nti? ‘‘Mahāpuñña, nūna rājā dhammena samena rajjaṃ kāreti, tenetaṃ madhuranti. Rañño adhammikakāle amadhuraṃ nu kho, bhante, hotī’’ti. ‘‘Āma, mahāpuñña, rājūsu adhammikesu telamadhuphāṇitādīnipi vanamūlaphalānipi amadhurāni honti nirojāni, na kevalaṃ etāni, sakalampi raṭṭhaṃ nirojaṃ kasaṭaṃ hoti. Tesu pana dhammikesu sabbāni tāni madhurāni honti ojavantāni, sakalampi raṭṭhaṃ ojavantameva hotī’’ti. Rājā ‘‘evaṃ bhavissati, bhante’’ti attano rājabhāvaṃ ajānāpetvāva bodhisattaṃ vanditvā bārāṇasiṃ gantvā ‘‘tāpasassa vacanaṃ vīmaṃsissāmī’’ti adhammena rajjaṃ kāretvā ‘‘idāni jānissāmī’’ti kiñci kālaṃ vītināmetvā puna tattha gantvā taṃ vanditvā ekamantaṃ nisīdi.
б̣од̇хисад̇д̇обисса д̇ат̇зва вад̇ваа ниг̇род̇хабаггам̣ ад̣̇ааси, д̇ам̣ д̇асса д̇ид̇д̇агарасам̣ ахоси. рааж̇аа ‘‘амад̇хурам̣ нираса’’нд̇и саха кзл̣зна чад̣д̣зд̇ваа ‘‘д̇ид̇д̇агам̣, бханд̇з’’д̇и ааха. б̣од̇хисад̇д̇о ‘‘махаабун̃н̃а, нууна рааж̇аа ад̇хаммиго бхависсад̇и. рааж̇уунан̃хи ад̇хаммигагаалз аран̃н̃з палаапалам̣ аад̣̇им̣ гад̇ваа саб̣б̣ам̣ амад̇хурам̣ нирож̇ам̣ ж̇аад̇а’’нд̇и вад̇ваа имаа г̇аат̇аа абхааси –
Bodhisattopissa tatheva vatvā nigrodhapakkaṃ adāsi, taṃ tassa tittakarasaṃ ahosi. Rājā ‘‘amadhuraṃ nirasa’’nti saha kheḷena chaḍḍetvā ‘‘tittakaṃ, bhante’’ti āha. Bodhisatto ‘‘mahāpuñña, nūna rājā adhammiko bhavissati. Rājūnañhi adhammikakāle araññe phalāphalaṃ ādiṃ katvā sabbaṃ amadhuraṃ nirojaṃ jāta’’nti vatvā imā gāthā abhāsi –
133.
133.
‘‘г̇авз жз д̇арамаанаанам̣, ж̇имхам̣ г̇ажчад̇и бун̇г̇аво;
‘‘Gave ce taramānānaṃ, jimhaṃ gacchati puṅgavo;
саб̣б̣аа д̇аа ж̇имхам̣ г̇ажчанд̇и, нзд̇д̇з ж̇имхам̣ г̇ад̇з сад̇и.
Sabbā tā jimhaṃ gacchanti, nette jimhaṃ gate sati.
134.
134.
‘‘звамзва мануссзсу, яо ход̇и сздтасаммад̇о;
‘‘Evameva manussesu, yo hoti seṭṭhasammato;
со жз ад̇хаммам̣ жарад̇и, баг̇зва ид̇араа баж̇аа;
So ce adhammaṃ carati, pageva itarā pajā;
саб̣б̣ам̣ радтам̣ д̣̇укам̣ сзд̇и, рааж̇аа жз ход̇и ад̇хаммиго.
Sabbaṃ raṭṭhaṃ dukhaṃ seti, rājā ce hoti adhammiko.
135.
135.
‘‘г̇авам̣ жз д̇арамаанаанам̣, уж̇ум̣ г̇ажчад̇и бун̇г̇аво;
‘‘Gavaṃ ce taramānānaṃ, ujuṃ gacchati puṅgavo;
саб̣б̣аа г̇аавий уж̇ум̣ яанд̇и, нзд̇д̇з уж̇ум̣ г̇ад̇з сад̇и.
Sabbā gāvī ujuṃ yanti, nette ujuṃ gate sati.
136.
136.
‘‘звамзва мануссзсу, яо ход̇и сздтасаммад̇о;
‘‘Evameva manussesu, yo hoti seṭṭhasammato;
со сажз д̇хаммам̣ жарад̇и, баг̇зва ид̇араа баж̇аа;
So sace dhammaṃ carati, pageva itarā pajā;
саб̣б̣ам̣ радтам̣ сукам̣ сзд̇и, рааж̇аа жз ход̇и д̇хаммиго’’д̇и.
Sabbaṃ raṭṭhaṃ sukhaṃ seti, rājā ce hoti dhammiko’’ti.
д̇ад̇т̇а г̇аванд̇и г̇уннам̣. д̇арамаанаананд̇и над̣̇им̣ од̇аранд̇аанам̣. ж̇имханд̇и гудилам̣ ван̇гам̣. нзд̇д̇зд̇и нааяагз г̇ахзд̇ваа г̇ажчанд̇з г̇аваж̇здтагз усабхз бун̇г̇авз. баг̇зва ид̇араа баж̇аад̇и ид̇арз сад̇д̇аа бурзд̇арамзва ад̇хаммам̣ жаранд̇ийд̇и ад̇т̇о. д̣̇укам̣ сзд̇ийд̇и на гзвалам̣ сзд̇и, жад̇уусуби ирияаабат̇зсу д̣̇угкамзва винд̣̇ад̇и. ад̇хаммигод̇и яад̣̇и рааж̇аа чанд̣̇аад̣̇иаг̇ад̇иг̇аманавасзна ад̇хаммиго ход̇и. сукам̣ сзд̇ийд̇и сажз рааж̇аа аг̇ад̇иг̇аманам̣ бахааяа д̇хаммиго ход̇и, саб̣б̣ам̣ радтам̣ жад̇уусу ирияаабат̇зсу сукаббад̇д̇амзва ход̇ийд̇и.
Tattha gavanti gunnaṃ. Taramānānanti nadiṃ otarantānaṃ. Jimhanti kuṭilaṃ vaṅkaṃ. Netteti nāyake gahetvā gacchante gavajeṭṭhake usabhe puṅgave. Pageva itarā pajāti itare sattā puretarameva adhammaṃ carantīti attho. Dukhaṃ setīti na kevalaṃ seti, catūsupi iriyāpathesu dukkhameva vindati. Adhammikoti yadi rājā chandādiagatigamanavasena adhammiko hoti. Sukhaṃ setīti sace rājā agatigamanaṃ pahāya dhammiko hoti, sabbaṃ raṭṭhaṃ catūsu iriyāpathesu sukhappattameva hotīti.
рааж̇аа б̣од̇хисад̇д̇асса д̇хаммам̣ суд̇ваа ад̇д̇ано рааж̇абхаавам̣ ж̇аанаабзд̇ваа ‘‘бханд̇з, буб̣б̣з ниг̇род̇хабаггам̣ ахамзва мад̇хурам̣ гад̇ваа д̇ид̇д̇агам̣ агаасим̣, ид̣̇аани буна мад̇хурам̣ гариссаамий’’д̇и б̣од̇хисад̇д̇ам̣ ванд̣̇ид̇ваа наг̇арам̣ г̇анд̇ваа д̇хаммзна раж̇ж̇ам̣ гаарзнд̇о саб̣б̣ам̣ бадибаагад̇игам̣ агааси.
Rājā bodhisattassa dhammaṃ sutvā attano rājabhāvaṃ jānāpetvā ‘‘bhante, pubbe nigrodhapakkaṃ ahameva madhuraṃ katvā tittakaṃ akāsiṃ, idāni puna madhuraṃ karissāmī’’ti bodhisattaṃ vanditvā nagaraṃ gantvā dhammena rajjaṃ kārento sabbaṃ paṭipākatikaṃ akāsi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа рааж̇аа аананд̣̇о ахоси, д̇аабасо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā rājā ānando ahosi, tāpaso pana ahameva ahosi’’nti.
рааж̇оваад̣̇аж̇аад̇агаван̣н̣анаа жад̇уд̇т̇аа.
Rājovādajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 334. рааж̇оваад̣̇аж̇аад̇агам̣ • 334. Rājovādajātakaṃ
