| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
12. раасияасуд̇д̇ам̣
12. Rāsiyasuttaṃ
364. ат̇а ко раасияо г̇ааман̣и язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко раасияо г̇ааман̣и бхаг̇аванд̇ам̣ зд̇ад̣̇авожа – ‘‘суд̇ам̣ мзд̇ам̣, бханд̇з, ‘саман̣о г̇од̇амо саб̣б̣ам̣ д̇абам̣ г̇арахад̇и, саб̣б̣ам̣ д̇абассим̣ луукаж̇ийвим̣ згам̣сзна убавад̣̇ад̇и убаггосад̇ий’д̇и 1. яз д̇з, бханд̇з, звамаахам̣су – ‘саман̣о г̇од̇амо саб̣б̣ам̣ д̇абам̣ г̇арахад̇и, саб̣б̣ам̣ д̇абассим̣ луукаж̇ийвим̣ згам̣сзна убавад̣̇ад̇и убаггосад̇ий’д̇и, гажжи д̇з, бханд̇з, бхаг̇авад̇о вуд̇д̇аваад̣̇ино, на жа бхаг̇аванд̇ам̣ абхууд̇зна аб̣бхаажигканд̇и, д̇хаммасса жаануд̇хаммам̣ б̣яаагаронд̇и, на жа гожи сахад̇хаммиго ваад̣̇аануваад̣̇о г̇аараяхам̣ таанам̣ ааг̇ажчад̇ий’’д̇и? ‘‘яз д̇з, г̇ааман̣и, звамаахам̣су – ‘саман̣о г̇од̇амо саб̣б̣ам̣ д̇абам̣ г̇арахад̇и, саб̣б̣ам̣ д̇абассим̣ луукаж̇ийвим̣ згам̣сзна убавад̣̇ад̇и убаггосад̇ий’д̇и, на мз д̇з вуд̇д̇аваад̣̇ино, аб̣бхаажигканд̇и жа бана мам̣ д̇з асад̇аа д̇ужчаа абхууд̇зна’’.
364. Atha kho rāsiyo gāmaṇi yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho rāsiyo gāmaṇi bhagavantaṃ etadavoca – ‘‘sutaṃ metaṃ, bhante, ‘samaṇo gotamo sabbaṃ tapaṃ garahati, sabbaṃ tapassiṃ lūkhajīviṃ ekaṃsena upavadati upakkosatī’ti 2. Ye te, bhante, evamāhaṃsu – ‘samaṇo gotamo sabbaṃ tapaṃ garahati, sabbaṃ tapassiṃ lūkhajīviṃ ekaṃsena upavadati upakkosatī’ti, kacci te, bhante, bhagavato vuttavādino, na ca bhagavantaṃ abhūtena abbhācikkhanti, dhammassa cānudhammaṃ byākaronti, na ca koci sahadhammiko vādānuvādo gārayhaṃ ṭhānaṃ āgacchatī’’ti? ‘‘Ye te, gāmaṇi, evamāhaṃsu – ‘samaṇo gotamo sabbaṃ tapaṃ garahati, sabbaṃ tapassiṃ lūkhajīviṃ ekaṃsena upavadati upakkosatī’ti, na me te vuttavādino, abbhācikkhanti ca pana maṃ te asatā tucchā abhūtena’’.
‘‘д̣̇взмз, г̇ааман̣и, анд̇аа баб̣б̣аж̇ид̇зна на сзвид̇аб̣б̣аа – яо жааяам̣ гаамзсу гаамасукаллигаануяог̇о хийно г̇аммо бот̇уж̇ж̇аниго анарияо анад̇т̇асам̣хид̇о, яо жааяам̣ ад̇д̇агиламат̇аануяог̇о д̣̇угко анарияо анад̇т̇асам̣хид̇о. зд̇з д̇з, г̇ааман̣и, убхо анд̇з анубаг̇амма маж̇жхимаа бадибад̣̇аа д̇ат̇ааг̇ад̇зна абхисамб̣уд̣̇д̇хаа – жагкугаран̣ий н̃аан̣агаран̣ий убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и. гад̇амаа жа саа, г̇ааман̣и, маж̇жхимаа бадибад̣̇аа д̇ат̇ааг̇ад̇зна абхисамб̣уд̣̇д̇хаа – жагкугаран̣ий н̃аан̣агаран̣ий убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и? аяамзва арияо адтан̇г̇иго маг̇г̇о, сзяяат̇ид̣̇ам̣ – саммаад̣̇идти…бз… саммаасамаад̇хи. аяам̣ ко саа, г̇ааман̣и, маж̇жхимаа бадибад̣̇аа д̇ат̇ааг̇ад̇зна абхисамб̣уд̣̇д̇хаа – жагкугаран̣ий н̃аан̣агаран̣ий убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и.
‘‘Dveme, gāmaṇi, antā pabbajitena na sevitabbā – yo cāyaṃ kāmesu kāmasukhallikānuyogo hīno gammo pothujjaniko anariyo anatthasaṃhito, yo cāyaṃ attakilamathānuyogo dukkho anariyo anatthasaṃhito. Ete te, gāmaṇi, ubho ante anupagamma majjhimā paṭipadā tathāgatena abhisambuddhā – cakkhukaraṇī ñāṇakaraṇī upasamāya abhiññāya sambodhāya nibbānāya saṃvattati. Katamā ca sā, gāmaṇi, majjhimā paṭipadā tathāgatena abhisambuddhā – cakkhukaraṇī ñāṇakaraṇī upasamāya abhiññāya sambodhāya nibbānāya saṃvattati? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi. Ayaṃ kho sā, gāmaṇi, majjhimā paṭipadā tathāgatena abhisambuddhā – cakkhukaraṇī ñāṇakaraṇī upasamāya abhiññāya sambodhāya nibbānāya saṃvattati.
‘‘д̇аяо ко мз, г̇ааман̣и, гаамабхог̇ино санд̇о сам̣виж̇ж̇амаанаа логасмим̣. гад̇амз д̇аяо? ид̇ха, г̇ааман̣и, згажжо гаамабхог̇ий ад̇хаммзна бхог̇з бариязсад̇и, саахасзна ад̇хаммзна бхог̇з бариязсид̇ваа саахасзна на ад̇д̇аанам̣ сукзд̇и на бийн̣зд̇и на сам̣вибхаж̇ад̇и на бун̃н̃аани гарод̇и. ид̇ха бана, г̇ааман̣и, згажжо гаамабхог̇ий ад̇хаммзна бхог̇з бариязсад̇и саахасзна. ад̇хаммзна бхог̇з бариязсид̇ваа саахасзна ад̇д̇аанам̣ сукзд̇и бийн̣зд̇и, на сам̣вибхаж̇ад̇и на бун̃н̃аани гарод̇и. ид̇ха бана, г̇ааман̣и, згажжо гаамабхог̇ий ад̇хаммзна бхог̇з бариязсад̇и саахасзна. ад̇хаммзна бхог̇з бариязсид̇ваа саахасзна ад̇д̇аанам̣ сукзд̇и бийн̣зд̇и сам̣вибхаж̇ад̇и бун̃н̃аани гарод̇и.
‘‘Tayo kho me, gāmaṇi, kāmabhogino santo saṃvijjamānā lokasmiṃ. Katame tayo? Idha, gāmaṇi, ekacco kāmabhogī adhammena bhoge pariyesati, sāhasena adhammena bhoge pariyesitvā sāhasena na attānaṃ sukheti na pīṇeti na saṃvibhajati na puññāni karoti. Idha pana, gāmaṇi, ekacco kāmabhogī adhammena bhoge pariyesati sāhasena. Adhammena bhoge pariyesitvā sāhasena attānaṃ sukheti pīṇeti, na saṃvibhajati na puññāni karoti. Idha pana, gāmaṇi, ekacco kāmabhogī adhammena bhoge pariyesati sāhasena. Adhammena bhoge pariyesitvā sāhasena attānaṃ sukheti pīṇeti saṃvibhajati puññāni karoti.
‘‘ид̇ха бана, г̇ааман̣и, згажжо гаамабхог̇ий д̇хаммаад̇хаммзна бхог̇з бариязсад̇и саахасзнаби асаахасзнаби. д̇хаммаад̇хаммзна бхог̇з бариязсид̇ваа саахасзнаби асаахасзнаби на ад̇д̇аанам̣ сукзд̇и, на бийн̣зд̇и, на сам̣вибхаж̇ад̇и, на бун̃н̃аани гарод̇и. ид̇ха бана, г̇ааман̣и, згажжо гаамабхог̇ий д̇хаммаад̇хаммзна бхог̇з бариязсад̇и саахасзнаби асаахасзнаби. д̇хаммаад̇хаммзна бхог̇з бариязсид̇ваа саахасзнаби асаахасзнаби ад̇д̇аанам̣ сукзд̇и бийн̣зд̇и, на сам̣вибхаж̇ад̇и, на бун̃н̃аани гарод̇и. ид̇ха бана, г̇ааман̣и, згажжо гаамабхог̇ий д̇хаммаад̇хаммзна бхог̇з бариязсад̇и, саахасзнаби асаахасзнаби . д̇хаммаад̇хаммзна бхог̇з бариязсид̇ваа саахасзнаби асаахасзнаби ад̇д̇аанам̣ сукзд̇и бийн̣зд̇и сам̣вибхаж̇ад̇и бун̃н̃аани гарод̇и.
‘‘Idha pana, gāmaṇi, ekacco kāmabhogī dhammādhammena bhoge pariyesati sāhasenapi asāhasenapi. Dhammādhammena bhoge pariyesitvā sāhasenapi asāhasenapi na attānaṃ sukheti, na pīṇeti, na saṃvibhajati, na puññāni karoti. Idha pana, gāmaṇi, ekacco kāmabhogī dhammādhammena bhoge pariyesati sāhasenapi asāhasenapi. Dhammādhammena bhoge pariyesitvā sāhasenapi asāhasenapi attānaṃ sukheti pīṇeti, na saṃvibhajati, na puññāni karoti. Idha pana, gāmaṇi, ekacco kāmabhogī dhammādhammena bhoge pariyesati, sāhasenapi asāhasenapi . Dhammādhammena bhoge pariyesitvā sāhasenapi asāhasenapi attānaṃ sukheti pīṇeti saṃvibhajati puññāni karoti.
‘‘ид̇ха бана, г̇ааман̣и, згажжо гаамабхог̇ий д̇хаммзна бхог̇з бариязсад̇и асаахасзна. д̇хаммзна бхог̇з бариязсид̇ваа асаахасзна на ад̇д̇аанам̣ сукзд̇и, на бийн̣зд̇и, на сам̣вибхаж̇ад̇и, на бун̃н̃аани гарод̇и. ид̇ха бана, г̇ааман̣и, згажжо гаамабхог̇ий д̇хаммзна бхог̇з бариязсад̇и асаахасзна. д̇хаммзна бхог̇з бариязсид̇ваа асаахасзна ад̇д̇аанам̣ сукзд̇и бийн̣зд̇и, на сам̣вибхаж̇ад̇и, на бун̃н̃аани гарод̇и. ид̇ха бана, г̇ааман̣и, згажжо гаамабхог̇ий д̇хаммзна бхог̇з бариязсад̇и асаахасзна. д̇хаммзна бхог̇з бариязсид̇ваа асаахасзна ад̇д̇аанам̣ сукзд̇и бийн̣зд̇и сам̣вибхаж̇ад̇и бун̃н̃аани гарод̇и. д̇з жа бхог̇з г̇ад̇хид̇о 3 мужчид̇о аж̇жхобанно анаад̣̇ийнавад̣̇ассаавий аниссаран̣абан̃н̃о барибхун̃ж̇ад̇и. ид̇ха бана, г̇ааман̣и, згажжо гаамабхог̇ий д̇хаммзна бхог̇з бариязсад̇и асаахасзна. д̇хаммзна бхог̇з бариязсид̇ваа асаахасзна ад̇д̇аанам̣ сукзд̇и бийн̣зд̇и сам̣вибхаж̇ад̇и бун̃н̃аани гарод̇и. д̇з жа бхог̇з аг̇ад̇хид̇о амужчид̇о анаж̇жхобанно аад̣̇ийнавад̣̇ассаавий ниссаран̣абан̃н̃о барибхун̃ж̇ад̇и.
‘‘Idha pana, gāmaṇi, ekacco kāmabhogī dhammena bhoge pariyesati asāhasena. Dhammena bhoge pariyesitvā asāhasena na attānaṃ sukheti, na pīṇeti, na saṃvibhajati, na puññāni karoti. Idha pana, gāmaṇi, ekacco kāmabhogī dhammena bhoge pariyesati asāhasena. Dhammena bhoge pariyesitvā asāhasena attānaṃ sukheti pīṇeti, na saṃvibhajati, na puññāni karoti. Idha pana, gāmaṇi, ekacco kāmabhogī dhammena bhoge pariyesati asāhasena. Dhammena bhoge pariyesitvā asāhasena attānaṃ sukheti pīṇeti saṃvibhajati puññāni karoti. Te ca bhoge gadhito 4 mucchito ajjhopanno anādīnavadassāvī anissaraṇapañño paribhuñjati. Idha pana, gāmaṇi, ekacco kāmabhogī dhammena bhoge pariyesati asāhasena. Dhammena bhoge pariyesitvā asāhasena attānaṃ sukheti pīṇeti saṃvibhajati puññāni karoti. Te ca bhoge agadhito amucchito anajjhopanno ādīnavadassāvī nissaraṇapañño paribhuñjati.
‘‘д̇ад̇ра , г̇ааман̣и, явааяам̣ гаамабхог̇ий ад̇хаммзна бхог̇з бариязсад̇и саахасзна, ад̇хаммзна бхог̇з бариязсид̇ваа саахасзна на ад̇д̇аанам̣ сукзд̇и, на бийн̣зд̇и, на сам̣вибхаж̇ад̇и, на бун̃н̃аани гарод̇и. аяам̣, г̇ааман̣и, гаамабхог̇ий д̇ийхи таанзхи г̇аараяхо. гад̇амзхи д̇ийхи таанзхи г̇аараяхо? ад̇хаммзна бхог̇з бариязсад̇и саахасзнаад̇и, иминаа батамзна таанзна г̇аараяхо. на ад̇д̇аанам̣ сукзд̇и на бийн̣зд̇ийд̇и, иминаа д̣̇уд̇иязна таанзна г̇аараяхо. на сам̣вибхаж̇ад̇и, на бун̃н̃аани гарод̇ийд̇и, иминаа д̇ад̇иязна таанзна г̇аараяхо. аяам̣, г̇ааман̣и, гаамабхог̇ий имзхи д̇ийхи таанзхи г̇аараяхо.
‘‘Tatra , gāmaṇi, yvāyaṃ kāmabhogī adhammena bhoge pariyesati sāhasena, adhammena bhoge pariyesitvā sāhasena na attānaṃ sukheti, na pīṇeti, na saṃvibhajati, na puññāni karoti. Ayaṃ, gāmaṇi, kāmabhogī tīhi ṭhānehi gārayho. Katamehi tīhi ṭhānehi gārayho? Adhammena bhoge pariyesati sāhasenāti, iminā paṭhamena ṭhānena gārayho. Na attānaṃ sukheti na pīṇetīti, iminā dutiyena ṭhānena gārayho. Na saṃvibhajati, na puññāni karotīti, iminā tatiyena ṭhānena gārayho. Ayaṃ, gāmaṇi, kāmabhogī imehi tīhi ṭhānehi gārayho.
‘‘д̇ад̇ра, г̇ааман̣и, явааяам̣ гаамабхог̇ий ад̇хаммзна бхог̇з бариязсад̇и саахасзна, ад̇хаммзна бхог̇з бариязсид̇ваа саахасзна ад̇д̇аанам̣ сукзд̇и бийн̣зд̇и, на сам̣вибхаж̇ад̇и, на бун̃н̃аани гарод̇и. аяам̣, г̇ааман̣и, гаамабхог̇ий д̣̇вийхи таанзхи г̇аараяхо, згзна таанзна баасам̣со. гад̇амзхи д̣̇вийхи таанзхи г̇аараяхо? ад̇хаммзна бхог̇з бариязсад̇и саахасзнаад̇и, иминаа батамзна таанзна г̇аараяхо. на сам̣вибхаж̇ад̇и, на бун̃н̃аани гарод̇ийд̇и, иминаа д̣̇уд̇иязна таанзна г̇аараяхо. гад̇амзна згзна таанзна баасам̣со? ад̇д̇аанам̣ сукзд̇и бийн̣зд̇ийд̇и, иминаа згзна таанзна баасам̣со. аяам̣, г̇ааман̣и, гаамабхог̇ий имзхи д̣̇вийхи таанзхи г̇аараяхо, иминаа згзна таанзна баасам̣со.
‘‘Tatra, gāmaṇi, yvāyaṃ kāmabhogī adhammena bhoge pariyesati sāhasena, adhammena bhoge pariyesitvā sāhasena attānaṃ sukheti pīṇeti, na saṃvibhajati, na puññāni karoti. Ayaṃ, gāmaṇi, kāmabhogī dvīhi ṭhānehi gārayho, ekena ṭhānena pāsaṃso. Katamehi dvīhi ṭhānehi gārayho? Adhammena bhoge pariyesati sāhasenāti, iminā paṭhamena ṭhānena gārayho. Na saṃvibhajati, na puññāni karotīti, iminā dutiyena ṭhānena gārayho. Katamena ekena ṭhānena pāsaṃso? Attānaṃ sukheti pīṇetīti, iminā ekena ṭhānena pāsaṃso. Ayaṃ, gāmaṇi, kāmabhogī imehi dvīhi ṭhānehi gārayho, iminā ekena ṭhānena pāsaṃso.
‘‘д̇ад̇ра, г̇ааман̣и, явааяам̣ гаамабхог̇ий ад̇хаммзна бхог̇з бариязсад̇и саахасзна, ад̇хаммзна бхог̇з бариязсид̇ваа саахасзна ад̇д̇аанам̣ сукзд̇и бийн̣зд̇и сам̣вибхаж̇ад̇и бун̃н̃аани гарод̇и. аяам̣, г̇ааман̣и, гаамабхог̇ий згзна таанзна г̇аараяхо, д̣̇вийхи таанзхи баасам̣со. гад̇амзна згзна таанзна г̇аараяхо? ад̇хаммзна бхог̇з бариязсад̇и саахасзнаад̇и, иминаа згзна таанзна г̇аараяхо. гад̇амзхи д̣̇вийхи таанзхи баасам̣со? ад̇д̇аанам̣ сукзд̇и бийн̣зд̇ийд̇и, иминаа батамзна таанзна баасам̣со. сам̣вибхаж̇ад̇и бун̃н̃аани гарод̇ийд̇и, иминаа д̣̇уд̇иязна таанзна баасам̣со. аяам̣, г̇ааман̣и, гаамабхог̇ий, иминаа згзна таанзна г̇аараяхо, имзхи д̣̇вийхи таанзхи баасам̣со.
‘‘Tatra, gāmaṇi, yvāyaṃ kāmabhogī adhammena bhoge pariyesati sāhasena, adhammena bhoge pariyesitvā sāhasena attānaṃ sukheti pīṇeti saṃvibhajati puññāni karoti. Ayaṃ, gāmaṇi, kāmabhogī ekena ṭhānena gārayho, dvīhi ṭhānehi pāsaṃso. Katamena ekena ṭhānena gārayho? Adhammena bhoge pariyesati sāhasenāti, iminā ekena ṭhānena gārayho. Katamehi dvīhi ṭhānehi pāsaṃso? Attānaṃ sukheti pīṇetīti, iminā paṭhamena ṭhānena pāsaṃso. Saṃvibhajati puññāni karotīti, iminā dutiyena ṭhānena pāsaṃso. Ayaṃ, gāmaṇi, kāmabhogī, iminā ekena ṭhānena gārayho, imehi dvīhi ṭhānehi pāsaṃso.
‘‘д̇ад̇ра, г̇ааман̣и, явааяам̣ гаамабхог̇ий д̇хаммаад̇хаммзна бхог̇з бариязсад̇и саахасзнаби асаахасзнаби, д̇хаммаад̇хаммзна бхог̇з бариязсид̇ваа саахасзнаби асаахасзнаби на ад̇д̇аанам̣ сукзд̇и, на бийн̣зд̇и, на сам̣вибхаж̇ад̇и, на бун̃н̃аани гарод̇и. аяам̣, г̇ааман̣и, гаамабхог̇ий згзна таанзна баасам̣со, д̇ийхи таанзхи г̇аараяхо. гад̇амзна згзна таанзна баасам̣со? д̇хаммзна бхог̇з бариязсад̇и асаахасзнаад̇и, иминаа згзна таанзна баасам̣со. гад̇амзхи д̇ийхи таанзхи г̇аараяхо? ад̇хаммзна бхог̇з бариязсад̇и саахасзнаад̇и, иминаа батамзна таанзна г̇аараяхо. на ад̇д̇аанам̣ сукзд̇и, на бийн̣зд̇ийд̇и, иминаа д̣̇уд̇иязна таанзна г̇аараяхо. на сам̣вибхаж̇ад̇и, на бун̃н̃аани гарод̇ийд̇и, иминаа д̇ад̇иязна таанзна г̇аараяхо. аяам̣, г̇ааман̣и, гаамабхог̇ий иминаа згзна таанзна баасам̣со, имзхи д̇ийхи таанзхи г̇аараяхо.
‘‘Tatra, gāmaṇi, yvāyaṃ kāmabhogī dhammādhammena bhoge pariyesati sāhasenapi asāhasenapi, dhammādhammena bhoge pariyesitvā sāhasenapi asāhasenapi na attānaṃ sukheti, na pīṇeti, na saṃvibhajati, na puññāni karoti. Ayaṃ, gāmaṇi, kāmabhogī ekena ṭhānena pāsaṃso, tīhi ṭhānehi gārayho. Katamena ekena ṭhānena pāsaṃso? Dhammena bhoge pariyesati asāhasenāti, iminā ekena ṭhānena pāsaṃso. Katamehi tīhi ṭhānehi gārayho? Adhammena bhoge pariyesati sāhasenāti, iminā paṭhamena ṭhānena gārayho. Na attānaṃ sukheti, na pīṇetīti, iminā dutiyena ṭhānena gārayho. Na saṃvibhajati, na puññāni karotīti, iminā tatiyena ṭhānena gārayho. Ayaṃ, gāmaṇi, kāmabhogī iminā ekena ṭhānena pāsaṃso, imehi tīhi ṭhānehi gārayho.
‘‘д̇ад̇ра, г̇ааман̣и, явааяам̣ гаамабхог̇ий д̇хаммаад̇хаммзна бхог̇з бариязсад̇и саахасзнаби асаахасзнаби, д̇хаммаад̇хаммзна бхог̇з бариязсид̇ваа саахасзнаби асаахасзнаби ад̇д̇аанам̣ сукзд̇и бийн̣зд̇и, на сам̣вибхаж̇ад̇и, на бун̃н̃аани гарод̇и. аяам̣, г̇ааман̣и, гаамабхог̇ий д̣̇вийхи таанзхи баасам̣со, д̣̇вийхи таанзхи г̇аараяхо. гад̇амзхи д̣̇вийхи таанзхи баасам̣со? д̇хаммзна бхог̇з бариязсад̇и асаахасзнаад̇и, иминаа батамзна таанзна баасам̣со. ад̇д̇аанам̣ сукзд̇и бийн̣зд̇ийд̇и, иминаа д̣̇уд̇иязна таанзна баасам̣со . гад̇амзхи д̣̇вийхи таанзхи г̇аараяхо? ад̇хаммзна бхог̇з бариязсад̇и саахасзнаад̇и, иминаа батамзна таанзна г̇аараяхо. на сам̣вибхаж̇ад̇и, на бун̃н̃аани гарод̇ийд̇и, иминаа д̣̇уд̇иязна таанзна г̇аараяхо. аяам̣, г̇ааман̣и, гаамабхог̇ий имзхи д̣̇вийхи таанзхи баасам̣со, имзхи д̣̇вийхи таанзхи г̇аараяхо.
‘‘Tatra, gāmaṇi, yvāyaṃ kāmabhogī dhammādhammena bhoge pariyesati sāhasenapi asāhasenapi, dhammādhammena bhoge pariyesitvā sāhasenapi asāhasenapi attānaṃ sukheti pīṇeti, na saṃvibhajati, na puññāni karoti. Ayaṃ, gāmaṇi, kāmabhogī dvīhi ṭhānehi pāsaṃso, dvīhi ṭhānehi gārayho. Katamehi dvīhi ṭhānehi pāsaṃso? Dhammena bhoge pariyesati asāhasenāti, iminā paṭhamena ṭhānena pāsaṃso. Attānaṃ sukheti pīṇetīti, iminā dutiyena ṭhānena pāsaṃso . Katamehi dvīhi ṭhānehi gārayho? Adhammena bhoge pariyesati sāhasenāti, iminā paṭhamena ṭhānena gārayho. Na saṃvibhajati, na puññāni karotīti, iminā dutiyena ṭhānena gārayho. Ayaṃ, gāmaṇi, kāmabhogī imehi dvīhi ṭhānehi pāsaṃso, imehi dvīhi ṭhānehi gārayho.
‘‘д̇ад̇ра, г̇ааман̣и, явааяам̣ гаамабхог̇ий д̇хаммаад̇хаммзна бхог̇з бариязсад̇и саахасзнаби асаахасзнаби, д̇хаммаад̇хаммзна бхог̇з бариязсид̇ваа саахасзнаби асаахасзнаби ад̇д̇аанам̣ сукзд̇и бийн̣зд̇и сам̣вибхаж̇ад̇и бун̃н̃аани гарод̇и. аяам̣, г̇ааман̣и, гаамабхог̇ий д̇ийхи таанзхи баасам̣со, згзна таанзна г̇аараяхо. гад̇амзхи д̇ийхи таанзхи баасам̣со? д̇хаммзна бхог̇з бариязсад̇и асаахасзнаад̇и, иминаа батамзна таанзна баасам̣со. ад̇д̇аанам̣ сукзд̇и бийн̣зд̇ийд̇и, иминаа д̣̇уд̇иязна таанзна баасам̣со. сам̣вибхаж̇ад̇и бун̃н̃аани гарод̇ийд̇и, иминаа д̇ад̇иязна таанзна баасам̣со. гад̇амзна згзна таанзна г̇аараяхо? ад̇хаммзна бхог̇з бариязсад̇и саахасзнаад̇и , иминаа згзна таанзна г̇аараяхо. аяам̣, г̇ааман̣и, гаамабхог̇ий имзхи д̇ийхи таанзхи баасам̣со, иминаа згзна таанзна г̇аараяхо.
‘‘Tatra, gāmaṇi, yvāyaṃ kāmabhogī dhammādhammena bhoge pariyesati sāhasenapi asāhasenapi, dhammādhammena bhoge pariyesitvā sāhasenapi asāhasenapi attānaṃ sukheti pīṇeti saṃvibhajati puññāni karoti. Ayaṃ, gāmaṇi, kāmabhogī tīhi ṭhānehi pāsaṃso, ekena ṭhānena gārayho. Katamehi tīhi ṭhānehi pāsaṃso? Dhammena bhoge pariyesati asāhasenāti, iminā paṭhamena ṭhānena pāsaṃso. Attānaṃ sukheti pīṇetīti, iminā dutiyena ṭhānena pāsaṃso. Saṃvibhajati puññāni karotīti, iminā tatiyena ṭhānena pāsaṃso. Katamena ekena ṭhānena gārayho? Adhammena bhoge pariyesati sāhasenāti , iminā ekena ṭhānena gārayho. Ayaṃ, gāmaṇi, kāmabhogī imehi tīhi ṭhānehi pāsaṃso, iminā ekena ṭhānena gārayho.
‘‘д̇ад̇ра, г̇ааман̣и, явааяам̣ гаамабхог̇ий д̇хаммзна бхог̇з бариязсад̇и асаахасзна , д̇хаммзна бхог̇з бариязсид̇ваа асаахасзна, на ад̇д̇аанам̣ сукзд̇и, на бийн̣зд̇и, на сам̣вибхаж̇ад̇и, на бун̃н̃аани гарод̇и. аяам̣, г̇ааман̣и, гаамабхог̇ий згзна таанзна баасам̣со, д̣̇вийхи таанзхи г̇аараяхо. гад̇амзна згзна таанзна баасам̣со? д̇хаммзна бхог̇з бариязсад̇и асаахасзнаад̇и, иминаа згзна таанзна баасам̣со. гад̇амзхи д̣̇вийхи таанзхи г̇аараяхо? на ад̇д̇аанам̣ сукзд̇и, на бийн̣зд̇ийд̇и, иминаа батамзна таанзна г̇аараяхо. на сам̣вибхаж̇ад̇и, на бун̃н̃аани гарод̇ийд̇и, иминаа д̣̇уд̇иязна таанзна г̇аараяхо. аяам̣, г̇ааман̣и, гаамабхог̇ий иминаа згзна таанзна баасам̣со, имзхи д̣̇вийхи таанзхи г̇аараяхо.
‘‘Tatra, gāmaṇi, yvāyaṃ kāmabhogī dhammena bhoge pariyesati asāhasena , dhammena bhoge pariyesitvā asāhasena, na attānaṃ sukheti, na pīṇeti, na saṃvibhajati, na puññāni karoti. Ayaṃ, gāmaṇi, kāmabhogī ekena ṭhānena pāsaṃso, dvīhi ṭhānehi gārayho. Katamena ekena ṭhānena pāsaṃso? Dhammena bhoge pariyesati asāhasenāti, iminā ekena ṭhānena pāsaṃso. Katamehi dvīhi ṭhānehi gārayho? Na attānaṃ sukheti, na pīṇetīti, iminā paṭhamena ṭhānena gārayho. Na saṃvibhajati, na puññāni karotīti, iminā dutiyena ṭhānena gārayho. Ayaṃ, gāmaṇi, kāmabhogī iminā ekena ṭhānena pāsaṃso, imehi dvīhi ṭhānehi gārayho.
‘‘д̇ад̇ра , г̇ааман̣и, явааяам̣ гаамабхог̇ий д̇хаммзна бхог̇з бариязсад̇и асаахасзна, д̇хаммзна бхог̇з бариязсид̇ваа асаахасзна ад̇д̇аанам̣ сукзд̇и бийн̣зд̇и, на сам̣вибхаж̇ад̇и, на бун̃н̃аани гарод̇и. аяам̣, г̇ааман̣и, гаамабхог̇ий д̣̇вийхи таанзхи баасам̣со, згзна таанзна г̇аараяхо. гад̇амзхи д̣̇вийхи таанзхи баасам̣со? д̇хаммзна бхог̇з бариязсад̇и асаахасзнаад̇и, иминаа батамзна таанзна баасам̣со. ад̇д̇аанам̣ сукзд̇и бийн̣зд̇ийд̇и, иминаа д̣̇уд̇иязна таанзна баасам̣со. гад̇амзна згзна таанзна г̇аараяхо ? на сам̣вибхаж̇ад̇и, на бун̃н̃аани гарод̇ийд̇и, иминаа згзна таанзна г̇аараяхо. аяам̣, г̇ааман̣и, гаамабхог̇ий имзхи д̣̇вийхи таанзхи баасам̣со, иминаа згзна таанзна г̇аараяхо.
‘‘Tatra , gāmaṇi, yvāyaṃ kāmabhogī dhammena bhoge pariyesati asāhasena, dhammena bhoge pariyesitvā asāhasena attānaṃ sukheti pīṇeti, na saṃvibhajati, na puññāni karoti. Ayaṃ, gāmaṇi, kāmabhogī dvīhi ṭhānehi pāsaṃso, ekena ṭhānena gārayho. Katamehi dvīhi ṭhānehi pāsaṃso? Dhammena bhoge pariyesati asāhasenāti, iminā paṭhamena ṭhānena pāsaṃso. Attānaṃ sukheti pīṇetīti, iminā dutiyena ṭhānena pāsaṃso. Katamena ekena ṭhānena gārayho ? Na saṃvibhajati, na puññāni karotīti, iminā ekena ṭhānena gārayho. Ayaṃ, gāmaṇi, kāmabhogī imehi dvīhi ṭhānehi pāsaṃso, iminā ekena ṭhānena gārayho.
‘‘д̇ад̇ра, г̇ааман̣и, явааяам̣ гаамабхог̇ий д̇хаммзна бхог̇з бариязсад̇и асаахасзна , д̇хаммзна бхог̇з бариязсид̇ваа асаахасзна ад̇д̇аанам̣ сукзд̇и бийн̣зд̇и сам̣вибхаж̇ад̇и бун̃н̃аани гарод̇и, д̇з жа бхог̇з г̇ад̇хид̇о мужчид̇о аж̇жхобанно анаад̣̇ийнавад̣̇ассаавий аниссаран̣абан̃н̃о барибхун̃ж̇ад̇и. аяам̣, г̇ааман̣и, гаамабхог̇ий д̇ийхи таанзхи баасам̣со, згзна таанзна г̇аараяхо. гад̇амзхи д̇ийхи таанзхи баасам̣со? д̇хаммзна бхог̇з бариязсад̇и асаахасзнаад̇и, иминаа батамзна таанзна баасам̣со. ад̇д̇аанам̣ сукзд̇и бийн̣зд̇ийд̇и, иминаа д̣̇уд̇иязна таанзна баасам̣со. сам̣вибхаж̇ад̇и бун̃н̃аани гарод̇ийд̇и, иминаа д̇ад̇иязна таанзна баасам̣со . гад̇амзна згзна таанзна г̇аараяхо? д̇з жа бхог̇з г̇ад̇хид̇о мужчид̇о аж̇жхобанно анаад̣̇ийнавад̣̇ассаавий аниссаран̣абан̃н̃о барибхун̃ж̇ад̇ийд̇и, иминаа згзна таанзна г̇аараяхо. аяам̣, г̇ааман̣и, гаамабхог̇ий имзхи д̇ийхи таанзхи баасам̣со, иминаа згзна таанзна г̇аараяхо.
‘‘Tatra, gāmaṇi, yvāyaṃ kāmabhogī dhammena bhoge pariyesati asāhasena , dhammena bhoge pariyesitvā asāhasena attānaṃ sukheti pīṇeti saṃvibhajati puññāni karoti, te ca bhoge gadhito mucchito ajjhopanno anādīnavadassāvī anissaraṇapañño paribhuñjati. Ayaṃ, gāmaṇi, kāmabhogī tīhi ṭhānehi pāsaṃso, ekena ṭhānena gārayho. Katamehi tīhi ṭhānehi pāsaṃso? Dhammena bhoge pariyesati asāhasenāti, iminā paṭhamena ṭhānena pāsaṃso. Attānaṃ sukheti pīṇetīti, iminā dutiyena ṭhānena pāsaṃso. Saṃvibhajati puññāni karotīti, iminā tatiyena ṭhānena pāsaṃso . Katamena ekena ṭhānena gārayho? Te ca bhoge gadhito mucchito ajjhopanno anādīnavadassāvī anissaraṇapañño paribhuñjatīti, iminā ekena ṭhānena gārayho. Ayaṃ, gāmaṇi, kāmabhogī imehi tīhi ṭhānehi pāsaṃso, iminā ekena ṭhānena gārayho.
‘‘д̇ад̇ра, г̇ааман̣и, явааяам̣ гаамабхог̇ий д̇хаммзна бхог̇з бариязсад̇и асаахасзна, д̇хаммзна бхог̇з бариязсид̇ваа асаахасзна ад̇д̇аанам̣ сукзд̇и бийн̣зд̇и сам̣вибхаж̇ад̇и бун̃н̃аани гарод̇и. д̇з жа бхог̇з аг̇ад̇хид̇о амужчид̇о анаж̇жхобанно аад̣̇ийнавад̣̇ассаавий ниссаран̣абан̃н̃о барибхун̃ж̇ад̇и. аяам̣, г̇ааман̣и, гаамабхог̇ий жад̇уухи таанзхи баасам̣со. гад̇амзхи жад̇уухи таанзхи баасам̣со? д̇хаммзна бхог̇з бариязсад̇и асаахасзнаад̇и, иминаа батамзна таанзна баасам̣со. ад̇д̇аанам̣ сукзд̇и бийн̣зд̇ийд̇и, иминаа д̣̇уд̇иязна таанзна баасам̣со. сам̣вибхаж̇ад̇и бун̃н̃аани гарод̇ийд̇и, иминаа д̇ад̇иязна таанзна баасам̣со. д̇з жа бхог̇з аг̇ад̇хид̇о амужчид̇о анаж̇жхобанно аад̣̇ийнавад̣̇ассаавий ниссаран̣абан̃н̃о барибхун̃ж̇ад̇ийд̇и, иминаа жад̇уд̇т̇зна таанзна баасам̣со. аяам̣, г̇ааман̣и, гаамабхог̇ий имзхи жад̇уухи таанзхи баасам̣со.
‘‘Tatra, gāmaṇi, yvāyaṃ kāmabhogī dhammena bhoge pariyesati asāhasena, dhammena bhoge pariyesitvā asāhasena attānaṃ sukheti pīṇeti saṃvibhajati puññāni karoti. Te ca bhoge agadhito amucchito anajjhopanno ādīnavadassāvī nissaraṇapañño paribhuñjati. Ayaṃ, gāmaṇi, kāmabhogī catūhi ṭhānehi pāsaṃso. Katamehi catūhi ṭhānehi pāsaṃso? Dhammena bhoge pariyesati asāhasenāti, iminā paṭhamena ṭhānena pāsaṃso. Attānaṃ sukheti pīṇetīti, iminā dutiyena ṭhānena pāsaṃso. Saṃvibhajati puññāni karotīti, iminā tatiyena ṭhānena pāsaṃso. Te ca bhoge agadhito amucchito anajjhopanno ādīnavadassāvī nissaraṇapañño paribhuñjatīti, iminā catutthena ṭhānena pāsaṃso. Ayaṃ, gāmaṇi, kāmabhogī imehi catūhi ṭhānehi pāsaṃso.
‘‘д̇аяомз, г̇ааман̣и, д̇абассино луукаж̇ийвино санд̇о сам̣виж̇ж̇амаанаа логасмим̣. гад̇амз д̇аяо? ид̇ха, г̇ааман̣и, згажжо д̇абассий луукаж̇ийвий сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘аббзва наама гусалам̣ д̇хаммам̣ ад̇хиг̇ажчзяяам̣, аббзва наама уд̇д̇аримануссад̇хаммаа аламарияан̃аан̣ад̣̇ассанависзсам̣ сажчигарзяяа’нд̇и. со ад̇д̇аанам̣ аад̇аабзд̇и барид̇аабзд̇и, гусалан̃жа д̇хаммам̣ наад̇хиг̇ажчад̇и, уд̇д̇ари жа мануссад̇хаммаа аламарияан̃аан̣ад̣̇ассанависзсам̣ на сажчигарод̇и.
‘‘Tayome, gāmaṇi, tapassino lūkhajīvino santo saṃvijjamānā lokasmiṃ. Katame tayo? Idha, gāmaṇi, ekacco tapassī lūkhajīvī saddhā agārasmā anagāriyaṃ pabbajito hoti – ‘appeva nāma kusalaṃ dhammaṃ adhigaccheyyaṃ, appeva nāma uttarimanussadhammā alamariyañāṇadassanavisesaṃ sacchikareyya’nti. So attānaṃ ātāpeti paritāpeti, kusalañca dhammaṃ nādhigacchati, uttari ca manussadhammā alamariyañāṇadassanavisesaṃ na sacchikaroti.
‘‘ид̇ха бана, г̇ааман̣и, згажжо д̇абассий луукаж̇ийвий сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘аббзва наама гусалам̣ д̇хаммам̣ ад̇хиг̇ажчзяяам̣, аббзва наама уд̇д̇аримануссад̇хаммаа аламарияан̃аан̣ад̣̇ассанависзсам̣ сажчигарзяяа’нд̇и. со ад̇д̇аанам̣ аад̇аабзд̇и барид̇аабзд̇и, гусалан̃хи ко д̇хаммам̣ ад̇хиг̇ажчад̇и, уд̇д̇аримануссад̇хаммаа аламарияан̃аан̣ад̣̇ассанависзсам̣ на сажчигарод̇и.
‘‘Idha pana, gāmaṇi, ekacco tapassī lūkhajīvī saddhā agārasmā anagāriyaṃ pabbajito hoti – ‘appeva nāma kusalaṃ dhammaṃ adhigaccheyyaṃ, appeva nāma uttarimanussadhammā alamariyañāṇadassanavisesaṃ sacchikareyya’nti. So attānaṃ ātāpeti paritāpeti, kusalañhi kho dhammaṃ adhigacchati, uttarimanussadhammā alamariyañāṇadassanavisesaṃ na sacchikaroti.
‘‘ид̇ха бана, г̇ааман̣и, згажжо д̇абассий луукаж̇ийвий сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘аббзва наама гусалам̣ д̇хаммам̣ ад̇хиг̇ажчзяяам̣, аббзва наама уд̇д̇аримануссад̇хаммаа аламарияан̃аан̣ад̣̇ассанависзсам̣ сажчигарзяяа’нд̇и. со ад̇д̇аанам̣ аад̇аабзд̇и барид̇аабзд̇и , гусалан̃жа д̇хаммам̣ ад̇хиг̇ажчад̇и, уд̇д̇ари жа мануссад̇хаммаа аламарияан̃аан̣ад̣̇ассанависзсам̣ сажчигарод̇и.
‘‘Idha pana, gāmaṇi, ekacco tapassī lūkhajīvī saddhā agārasmā anagāriyaṃ pabbajito hoti – ‘appeva nāma kusalaṃ dhammaṃ adhigaccheyyaṃ, appeva nāma uttarimanussadhammā alamariyañāṇadassanavisesaṃ sacchikareyya’nti. So attānaṃ ātāpeti paritāpeti , kusalañca dhammaṃ adhigacchati, uttari ca manussadhammā alamariyañāṇadassanavisesaṃ sacchikaroti.
‘‘д̇ад̇ра, г̇ааман̣и, явааяам̣ д̇абассий луукаж̇ийвий ад̇д̇аанам̣ аад̇аабзд̇и барид̇аабзд̇и, гусалан̃жа д̇хаммам̣ наад̇хиг̇ажчад̇и, уд̇д̇ари жа мануссад̇хаммаа аламарияан̃аан̣ад̣̇ассанависзсам̣ на сажчигарод̇и. аяам̣, г̇ааман̣и, д̇абассий луукаж̇ийвий д̇ийхи таанзхи г̇аараяхо. гад̇амзхи д̇ийхи таанзхи г̇аараяхо? ад̇д̇аанам̣ аад̇аабзд̇и барид̇аабзд̇ийд̇и, иминаа батамзна таанзна г̇аараяхо. гусалан̃жа д̇хаммам̣ наад̇хиг̇ажчад̇ийд̇и, иминаа д̣̇уд̇иязна таанзна г̇аараяхо. уд̇д̇ари жа мануссад̇хаммаа аламарияан̃аан̣ад̣̇ассанависзсам̣ на сажчигарод̇ийд̇и, иминаа д̇ад̇иязна таанзна г̇аараяхо. аяам̣, г̇ааман̣и, д̇абассий луукаж̇ийвий, имзхи д̇ийхи таанзхи г̇аараяхо.
‘‘Tatra, gāmaṇi, yvāyaṃ tapassī lūkhajīvī attānaṃ ātāpeti paritāpeti, kusalañca dhammaṃ nādhigacchati, uttari ca manussadhammā alamariyañāṇadassanavisesaṃ na sacchikaroti. Ayaṃ, gāmaṇi, tapassī lūkhajīvī tīhi ṭhānehi gārayho. Katamehi tīhi ṭhānehi gārayho? Attānaṃ ātāpeti paritāpetīti, iminā paṭhamena ṭhānena gārayho. Kusalañca dhammaṃ nādhigacchatīti, iminā dutiyena ṭhānena gārayho. Uttari ca manussadhammā alamariyañāṇadassanavisesaṃ na sacchikarotīti, iminā tatiyena ṭhānena gārayho. Ayaṃ, gāmaṇi, tapassī lūkhajīvī, imehi tīhi ṭhānehi gārayho.
‘‘д̇ад̇ра, г̇ааман̣и, явааяам̣ д̇абассий луукаж̇ийвий ад̇д̇аанам̣ аад̇аабзд̇и барид̇аабзд̇и, гусалан̃хи ко д̇хаммам̣ ад̇хиг̇ажчад̇и, уд̇д̇ари жа мануссад̇хаммаа аламарияан̃аан̣ад̣̇ассанависзсам̣ на сажчигарод̇и. аяам̣, г̇ааман̣и, д̇абассий луукаж̇ийвий д̣̇вийхи таанзхи г̇аараяхо, згзна таанзна баасам̣со. гад̇амзхи д̣̇вийхи таанзхи г̇аараяхо? ад̇д̇аанам̣ аад̇аабзд̇и барид̇аабзд̇ийд̇и, иминаа батамзна таанзна г̇аараяхо. уд̇д̇ари жа мануссад̇хаммаа аламарияан̃аан̣ад̣̇ассанависзсам̣ на сажчигарод̇ийд̇и, иминаа д̣̇уд̇иязна таанзна г̇аараяхо. гад̇амзна згзна таанзна баасам̣со? гусалан̃хи ко д̇хаммам̣ ад̇хиг̇ажчад̇ийд̇и, иминаа згзна таанзна баасам̣со. аяам̣, г̇ааман̣и, д̇абассий луукаж̇ийвий имзхи д̣̇вийхи таанзхи г̇аараяхо, иминаа згзна таанзна баасам̣со.
‘‘Tatra, gāmaṇi, yvāyaṃ tapassī lūkhajīvī attānaṃ ātāpeti paritāpeti, kusalañhi kho dhammaṃ adhigacchati, uttari ca manussadhammā alamariyañāṇadassanavisesaṃ na sacchikaroti. Ayaṃ, gāmaṇi, tapassī lūkhajīvī dvīhi ṭhānehi gārayho, ekena ṭhānena pāsaṃso. Katamehi dvīhi ṭhānehi gārayho? Attānaṃ ātāpeti paritāpetīti, iminā paṭhamena ṭhānena gārayho. Uttari ca manussadhammā alamariyañāṇadassanavisesaṃ na sacchikarotīti, iminā dutiyena ṭhānena gārayho. Katamena ekena ṭhānena pāsaṃso? Kusalañhi kho dhammaṃ adhigacchatīti, iminā ekena ṭhānena pāsaṃso. Ayaṃ, gāmaṇi, tapassī lūkhajīvī imehi dvīhi ṭhānehi gārayho, iminā ekena ṭhānena pāsaṃso.
‘‘д̇ад̇ра , г̇ааман̣и, явааяам̣ д̇абассий луукаж̇ийвий ад̇д̇аанам̣ аад̇аабзд̇и барид̇аабзд̇и, гусалан̃жа д̇хаммам̣ ад̇хиг̇ажчад̇и, уд̇д̇ари жа мануссад̇хаммаа аламарияан̃аан̣ад̣̇ассанависзсам̣ сажчигарод̇и. аяам̣, г̇ааман̣и, д̇абассий луукаж̇ийвий згзна таанзна г̇аараяхо, д̣̇вийхи таанзхи баасам̣со. гад̇амзна згзна таанзна г̇аараяхо? ад̇д̇аанам̣ аад̇аабзд̇и барид̇аабзд̇ийд̇и, иминаа згзна таанзна г̇аараяхо. гад̇амзхи д̣̇вийхи таанзхи баасам̣со? гусалан̃жа д̇хаммам̣ ад̇хиг̇ажчад̇ийд̇и, иминаа батамзна таанзна баасам̣со. уд̇д̇ари жа мануссад̇хаммаа аламарияан̃аан̣ад̣̇ассанависзсам̣ сажчигарод̇ийд̇и, иминаа д̣̇уд̇иязна таанзна баасам̣со . аяам̣, г̇ааман̣и, д̇абассий луукаж̇ийвий иминаа згзна таанзна г̇аараяхо, имзхи д̣̇вийхи таанзхи баасам̣со.
‘‘Tatra , gāmaṇi, yvāyaṃ tapassī lūkhajīvī attānaṃ ātāpeti paritāpeti, kusalañca dhammaṃ adhigacchati, uttari ca manussadhammā alamariyañāṇadassanavisesaṃ sacchikaroti. Ayaṃ, gāmaṇi, tapassī lūkhajīvī ekena ṭhānena gārayho, dvīhi ṭhānehi pāsaṃso. Katamena ekena ṭhānena gārayho? Attānaṃ ātāpeti paritāpetīti, iminā ekena ṭhānena gārayho. Katamehi dvīhi ṭhānehi pāsaṃso? Kusalañca dhammaṃ adhigacchatīti, iminā paṭhamena ṭhānena pāsaṃso. Uttari ca manussadhammā alamariyañāṇadassanavisesaṃ sacchikarotīti, iminā dutiyena ṭhānena pāsaṃso . Ayaṃ, gāmaṇi, tapassī lūkhajīvī iminā ekena ṭhānena gārayho, imehi dvīhi ṭhānehi pāsaṃso.
‘‘д̇иссо имаа, г̇ааман̣и, санд̣̇идтигаа ниж̇ж̇араа агаалигаа зхибассигаа обанзяяигаа бажжад̇д̇ам̣ взд̣̇ид̇аб̣б̣аа вин̃н̃уухи. гад̇амаа д̇иссо? яам̣ рад̇д̇о рааг̇аад̇хигаран̣ам̣ ад̇д̇аб̣яааб̣аад̇хааяаби жзд̇зд̇и, бараб̣яааб̣аад̇хааяаби жзд̇зд̇и, убхаяаб̣яааб̣аад̇хааяаби жзд̇зд̇и. рааг̇з бахийнз нзвад̇д̇аб̣яааб̣аад̇хааяа жзд̇зд̇и, на бараб̣яааб̣аад̇хааяа жзд̇зд̇и, на убхаяаб̣яааб̣аад̇хааяа жзд̇зд̇и. санд̣̇идтигаа ниж̇ж̇араа агаалигаа зхибассигаа обанзяяигаа бажжад̇д̇ам̣ взд̣̇ид̇аб̣б̣аа вин̃н̃уухи. яам̣ д̣̇удто д̣̇осаад̇хигаран̣ам̣ ад̇д̇аб̣яааб̣аад̇хааяаби жзд̇зд̇и, бараб̣яааб̣аад̇хааяаби жзд̇зд̇и, убхаяаб̣яааб̣аад̇хааяаби жзд̇зд̇и. д̣̇осз бахийнз нзвад̇д̇аб̣яааб̣аад̇хааяа жзд̇зд̇и, на бараб̣яааб̣аад̇хааяа жзд̇зд̇и, на убхаяаб̣яааб̣аад̇хааяа жзд̇зд̇и. санд̣̇идтигаа ниж̇ж̇араа агаалигаа зхибассигаа обанзяяигаа бажжад̇д̇ам̣ взд̣̇ид̇аб̣б̣аа вин̃н̃уухи. яам̣ муул̣хо мохаад̇хигаран̣ам̣ ад̇д̇аб̣яааб̣аад̇хааяаби жзд̇зд̇и, бараб̣яааб̣аад̇хааяаби жзд̇зд̇и, убхаяаб̣яааб̣аад̇хааяаби жзд̇зд̇и. мохз бахийнз нзвад̇д̇аб̣яааб̣аад̇хааяа жзд̇зд̇и, на бараб̣яааб̣аад̇хааяа жзд̇зд̇и, на убхаяаб̣яааб̣аад̇хааяа жзд̇зд̇и. санд̣̇идтигаа ниж̇ж̇араа агаалигаа зхибассигаа обанзяяигаа бажжад̇д̇ам̣ взд̣̇ид̇аб̣б̣аа вин̃н̃уухи. имаа ко, г̇ааман̣и, д̇иссо санд̣̇идтигаа ниж̇ж̇араа агаалигаа зхибассигаа обанзяяигаа бажжад̇д̇ам̣ взд̣̇ид̇аб̣б̣аа вин̃н̃уухий’’д̇и.
‘‘Tisso imā, gāmaṇi, sandiṭṭhikā nijjarā akālikā ehipassikā opaneyyikā paccattaṃ veditabbā viññūhi. Katamā tisso? Yaṃ ratto rāgādhikaraṇaṃ attabyābādhāyapi ceteti, parabyābādhāyapi ceteti, ubhayabyābādhāyapi ceteti. Rāge pahīne nevattabyābādhāya ceteti, na parabyābādhāya ceteti, na ubhayabyābādhāya ceteti. Sandiṭṭhikā nijjarā akālikā ehipassikā opaneyyikā paccattaṃ veditabbā viññūhi. Yaṃ duṭṭho dosādhikaraṇaṃ attabyābādhāyapi ceteti, parabyābādhāyapi ceteti, ubhayabyābādhāyapi ceteti. Dose pahīne nevattabyābādhāya ceteti, na parabyābādhāya ceteti, na ubhayabyābādhāya ceteti. Sandiṭṭhikā nijjarā akālikā ehipassikā opaneyyikā paccattaṃ veditabbā viññūhi. Yaṃ mūḷho mohādhikaraṇaṃ attabyābādhāyapi ceteti, parabyābādhāyapi ceteti, ubhayabyābādhāyapi ceteti. Mohe pahīne nevattabyābādhāya ceteti, na parabyābādhāya ceteti, na ubhayabyābādhāya ceteti. Sandiṭṭhikā nijjarā akālikā ehipassikā opaneyyikā paccattaṃ veditabbā viññūhi. Imā kho, gāmaṇi, tisso sandiṭṭhikā nijjarā akālikā ehipassikā opaneyyikā paccattaṃ veditabbā viññūhī’’ti.
звам̣ вуд̇д̇з, раасияо г̇ааман̣и бхаг̇аванд̇ам̣ зд̇ад̣̇авожа – ‘‘абхигганд̇ам̣, бханд̇з…бз… убаасагам̣ мам̣ бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. д̣̇ваад̣̇асамам̣.
Evaṃ vutte, rāsiyo gāmaṇi bhagavantaṃ etadavoca – ‘‘abhikkantaṃ, bhante…pe… upāsakaṃ maṃ bhagavā dhāretu ajjatagge pāṇupetaṃ saraṇaṃ gata’’nti. Dvādasamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 12. раасияасуд̇д̇аван̣н̣анаа • 12. Rāsiyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 12. раасияасуд̇д̇аван̣н̣анаа • 12. Rāsiyasuttavaṇṇanā
