| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
2. рад̇анасигкаабад̣̇аван̣н̣анаа
2. Ratanasikkhāpadavaṇṇanā
502-3. д̣̇уд̇ияз – виссарид̇ваад̇и бамуссид̇ваа. бун̣н̣абад̇д̇ам̣ наама сад̇ад̇о бан̃жа гахаабан̣аа. гяаахам̣ гариссаамийд̇и гим̣ ахам̣ гариссаами. аабхаран̣ам̣ омун̃жид̇ваад̇и махаалад̇ам̣ наама навагодиаг̇гханагам̣ алан̇гаарам̣ абанзд̇ваа.
502-3. Dutiye – vissaritvāti pamussitvā. Puṇṇapattaṃ nāma satato pañca kahāpaṇā. Kyāhaṃ karissāmīti kiṃ ahaṃ karissāmi. Ābharaṇaṃ omuñcitvāti mahālataṃ nāma navakoṭiagghanakaṃ alaṅkāraṃ apanetvā.
504. анд̇зваасийд̇и барижаараго.
504.Antevāsīti paricārako.
506. абаригкид̇д̇асса убажаарод̇и зд̇т̇а убажааро наама аараамасса д̣̇вз лзд̣д̣убаад̇аа – ‘‘аавасат̇асса бана суббабаад̇о ваа мусалабаад̇о ваа’’д̇и махаабажжарияам̣ вуд̇д̇ам̣. уг̇г̇ан̣хаад̇и аабад̇д̇и баажид̇д̇ияассаад̇и зд̇т̇а ж̇аад̇аруубараж̇ад̇ам̣ ад̇д̇ано ад̇т̇ааяа уг̇г̇ан̣ханд̇асса ваа уг̇г̇ан̣хаабзнд̇асса ваа ниссаг̇г̇ияам̣ баажид̇д̇ияам̣, сан̇гхаг̇ан̣абуг̇г̇алажзд̇ияанавагаммаанам̣ ад̇т̇ааяа д̣̇уггадам̣, авасзсам̣ муд̇д̇аад̣̇ирад̇анам̣ ад̇д̇ано ваа сан̇гхаад̣̇ийнам̣ ваа ад̇т̇ааяа уг̇г̇ан̣ханд̇асса ваа уг̇г̇ан̣хаабзнд̇асса ваа д̣̇уггадам̣. габбияавад̇т̇у ваа агаббияавад̇т̇у ваа ход̇у, анд̇амасо маад̇у ган̣н̣абил̣анд̇ханад̇аал̣абан̣н̣амби г̇ихисанд̇агам̣ бхан̣д̣ааг̇ааригасийсзна бадисаамзнд̇асса баажид̇д̇ияамзва.
506.Aparikkhittassa upacāroti ettha upacāro nāma ārāmassa dve leḍḍupātā – ‘‘āvasathassa pana suppapāto vā musalapāto vā’’ti mahāpaccariyaṃ vuttaṃ. Uggaṇhāti āpatti pācittiyassāti ettha jātarūparajataṃ attano atthāya uggaṇhantassa vā uggaṇhāpentassa vā nissaggiyaṃ pācittiyaṃ, saṅghagaṇapuggalacetiyanavakammānaṃ atthāya dukkaṭaṃ, avasesaṃ muttādiratanaṃ attano vā saṅghādīnaṃ vā atthāya uggaṇhantassa vā uggaṇhāpentassa vā dukkaṭaṃ. Kappiyavatthu vā akappiyavatthu vā hotu, antamaso mātu kaṇṇapiḷandhanatāḷapaṇṇampi gihisantakaṃ bhaṇḍāgārikasīsena paṭisāmentassa pācittiyameva.
сажз бана маад̇аабид̇уунам̣ санд̇агам̣ авассам̣ бадисаамзд̇аб̣б̣ам̣ габбияабхан̣д̣ам̣ ход̇и, ад̇д̇ано ад̇т̇ааяа г̇ахзд̇ваа бадисаамзд̇аб̣б̣ам̣. ‘‘ид̣̇ам̣ бадисаамзд̇ваа д̣̇зхий’’д̇и вуд̇д̇з бана ‘‘на ваддад̇ий’’д̇и бадигкибид̇аб̣б̣ам̣. сажз ‘‘бадисаамзхий’’д̇и баад̇зд̇ваа г̇ажчанд̇и, балиб̣од̇хо наама ход̇и, бадисаамзд̇ум̣ ваддад̇и. вихаарз гаммам̣ гаронд̇аа вад̣дхагийаад̣̇аяо ваа рааж̇аваллабхаа ваа ад̇д̇ано убагаран̣абхан̣д̣ам̣ ваа саяанабхан̣д̣ам̣ ваа ‘‘бадисаамзд̇ваа д̣̇зт̇аа’’д̇и вад̣̇анд̇и, чанд̣̇знаби бхаязнаби на гаад̇аб̣б̣амзва, г̇уд̇д̇адтаанам̣ бана д̣̇ассзд̇ум̣ ваддад̇и. б̣алаггаарзна баад̇зд̇ваа г̇ад̇зсу жа бадисаамзд̇ум̣ ваддад̇и.
Sace pana mātāpitūnaṃ santakaṃ avassaṃ paṭisāmetabbaṃ kappiyabhaṇḍaṃ hoti, attano atthāya gahetvā paṭisāmetabbaṃ. ‘‘Idaṃ paṭisāmetvā dehī’’ti vutte pana ‘‘na vaṭṭatī’’ti paṭikkhipitabbaṃ. Sace ‘‘paṭisāmehī’’ti pātetvā gacchanti, palibodho nāma hoti, paṭisāmetuṃ vaṭṭati. Vihāre kammaṃ karontā vaḍḍhakīādayo vā rājavallabhā vā attano upakaraṇabhaṇḍaṃ vā sayanabhaṇḍaṃ vā ‘‘paṭisāmetvā dethā’’ti vadanti, chandenapi bhayenapi na kātabbameva, guttaṭṭhānaṃ pana dassetuṃ vaṭṭati. Balakkārena pātetvā gatesu ca paṭisāmetuṃ vaṭṭati.
аж̇жхаараамз ваа аж̇жхаавасат̇з ваад̇и зд̇т̇а сажз махаавихаарасад̣̇исо махаараамо ход̇и, д̇ад̇т̇а баагаарабаригкид̇д̇з баривзн̣з яад̇т̇а бхигкуухи ваа сааман̣зрзхи ваа г̇ахид̇ам̣ бхависсад̇ийд̇и сан̇гаа уббаж̇ж̇ад̇и, д̇аад̣̇исз зва таанз уг̇г̇ан̣хид̇ваа ваа уг̇г̇ан̣хаабзд̇ваа ваа табзд̇аб̣б̣ам̣. махааб̣од̇хид̣̇ваарагодтагаамб̣ан̇г̇ан̣асад̣̇исзсу бана махааж̇анасан̃жаран̣адтаанзсу на г̇ахзд̇аб̣б̣ам̣, балиб̣од̇хо на ход̇и. гурунд̣̇ияам̣ бана вуд̇д̇ам̣ ‘‘зго маг̇г̇ам̣ г̇ажчанд̇о нимануссадтаанз гин̃жи бхан̣д̣ам̣ бассад̇и, аагин̣н̣амануссзби ж̇аад̇з мануссаа д̇амзва бхигкум̣ аасан̇ганд̇и, д̇асмаа маг̇г̇аа оггамма нисийд̣̇ид̇аб̣б̣ам̣. саамигзсу ааг̇ад̇зсу д̇ам̣ аажигкид̇аб̣б̣ам̣. сажз саамигз на бассад̇и бад̇ируубам̣ гариссад̇ий’’д̇и.
Ajjhārāme vā ajjhāvasathe vāti ettha sace mahāvihārasadiso mahārāmo hoti, tattha pākāraparikkhitte pariveṇe yattha bhikkhūhi vā sāmaṇerehi vā gahitaṃ bhavissatīti saṅkā uppajjati, tādise eva ṭhāne uggaṇhitvā vā uggaṇhāpetvā vā ṭhapetabbaṃ. Mahābodhidvārakoṭṭhakaambaṅgaṇasadisesu pana mahājanasañcaraṇaṭṭhānesu na gahetabbaṃ, palibodho na hoti. Kurundiyaṃ pana vuttaṃ ‘‘eko maggaṃ gacchanto nimanussaṭṭhāne kiñci bhaṇḍaṃ passati, ākiṇṇamanussepi jāte manussā tameva bhikkhuṃ āsaṅkanti, tasmā maggā okkamma nisīditabbaṃ. Sāmikesu āgatesu taṃ ācikkhitabbaṃ. Sace sāmike na passati patirūpaṃ karissatī’’ti.
руубзна ваа нимид̇д̇зна ваа сан̃н̃аан̣ам̣ гад̇ваад̇и зд̇т̇а руубам̣ наама анд̇обхан̣д̣игааяа бхан̣д̣ам̣; д̇асмаа бхан̣д̣игам̣ мун̃жид̇ваа г̇ан̣зд̇ваа зд̇д̇агаа гахаабан̣аа ваа ж̇аад̇аруубараж̇ад̇ам̣ ваад̇и саллагкзд̇аб̣б̣ам̣. нимид̇д̇анд̇и лан̃чанаад̣̇и; д̇асмаа лан̃чид̇ааяа бхан̣д̣игааяа мад̇д̇игаалан̃чананд̇и ваа лаакаалан̃чананд̇и ваа нийлабилод̇игааяа бхан̣д̣игаа гад̇аад̇и ваа сзд̇абилод̇игааяа гад̇аад̇и ваа звамаад̣̇и саб̣б̣ам̣ саллагкзд̇аб̣б̣ам̣.
Rūpena vā nimittena vā saññāṇaṃ katvāti ettha rūpaṃ nāma antobhaṇḍikāya bhaṇḍaṃ; tasmā bhaṇḍikaṃ muñcitvā gaṇetvā ettakā kahāpaṇā vā jātarūparajataṃ vāti sallakkhetabbaṃ. Nimittanti lañchanādi; tasmā lañchitāya bhaṇḍikāya mattikālañchananti vā lākhālañchananti vā nīlapilotikāya bhaṇḍikā katāti vā setapilotikāya katāti vā evamādi sabbaṃ sallakkhetabbaṃ.
бхигкуу бад̇ируубаад̇и лаж̇ж̇ино гуггужжагаа. лолаж̇аад̇игаанан̃хи хад̇т̇з табзд̇ум̣ на лабхад̇и. яо бана нзва д̇амхаа ааваасаа баггамад̇и, на саамигз бассад̇и, д̇знааби ад̇д̇ано жийвараад̣̇имуулам̣ на гаад̇аб̣б̣ам̣; т̇ааварам̣ бана сзнаасанам̣ ваа жзд̇ияам̣ ваа богкаран̣ий ваа гаарзд̇аб̣б̣аа. сажз д̣̇ийгхасса ад̣̇д̇хуно ажжаязна саамиго ааг̇ажчад̇и, ‘‘убаасага д̇ава санд̇агзна ид̣̇ам̣ наама гад̇ам̣, анумод̣̇аахий’’д̇и вад̇д̇аб̣б̣о. сажз анумод̣̇ад̇и, ижжзд̇ам̣ гусалам̣; но жз анумод̣̇ад̇и, ‘‘мама д̇ханам̣ д̣̇зт̇аа’’д̇и жод̣̇зд̇иязва, ан̃н̃ам̣ самаад̣̇абзд̇ваа д̣̇аад̇аб̣б̣ам̣.
Bhikkhū patirūpāti lajjino kukkuccakā. Lolajātikānañhi hatthe ṭhapetuṃ na labhati. Yo pana neva tamhā āvāsā pakkamati, na sāmike passati, tenāpi attano cīvarādimūlaṃ na kātabbaṃ; thāvaraṃ pana senāsanaṃ vā cetiyaṃ vā pokkharaṇī vā kāretabbā. Sace dīghassa addhuno accayena sāmiko āgacchati, ‘‘upāsaka tava santakena idaṃ nāma kataṃ, anumodāhī’’ti vattabbo. Sace anumodati, iccetaṃ kusalaṃ; no ce anumodati, ‘‘mama dhanaṃ dethā’’ti codetiyeva, aññaṃ samādapetvā dātabbaṃ.
507. рад̇анасаммад̇ам̣ виссаасам̣ г̇ан̣хаад̇ийд̇иаад̣̇ийсу аамаасамзва санд̇хааяа вуд̇д̇ам̣. анаамаасам̣ на ваддад̇иязва. сзсамзд̇т̇а уд̇д̇аанамзва. часамудтаанам̣ – гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
507.Ratanasammataṃvissāsaṃ gaṇhātītiādīsu āmāsameva sandhāya vuttaṃ. Anāmāsaṃ na vaṭṭatiyeva. Sesamettha uttānameva. Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
рад̇анасигкаабад̣̇ам̣ д̣̇уд̇ияам̣.
Ratanasikkhāpadaṃ dutiyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 9. рад̇анаваг̇г̇о • 9. Ratanavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. рад̇анасигкаабад̣̇аван̣н̣анаа • 2. Ratanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. рад̇анасигкаабад̣̇аван̣н̣анаа • 2. Ratanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. рад̇анасигкаабад̣̇аван̣н̣анаа • 2. Ratanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. рад̇анасигкаабад̣̇ам̣ • 2. Ratanasikkhāpadaṃ
