| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[332] 2. рат̇аладтиж̇аад̇агаван̣н̣анаа
[332] 2. Rathalaṭṭhijātakavaṇṇanā
аби ханд̇ваа хад̇о б̣рууд̇ийд̇и ид̣̇ам̣ сад̇т̇аа ж̇зд̇аванз вихаранд̇о госаларан̃н̃о бурохид̇ам̣ аараб̣бха гат̇зси. со гира рат̇зна ад̇д̇ано бхог̇аг̇аамам̣ г̇ажчанд̇о самб̣аад̇хз маг̇г̇з рат̇ам̣ бааж̇знд̇о згам̣ сагадасад̇т̇ам̣ д̣̇исваа ‘‘д̇умхаагам̣ сагадам̣ абанзт̇аа’’д̇и г̇ажчанд̇о сагадз анабанийяамаанз гуж̇жхид̇ваа бад̇од̣̇аладтияаа буримасагадз саагадигасса рат̇ад̇хурз бахари. саа рат̇ад̇хурз бадихад̇аа нивад̇д̇ид̇ваа д̇ассзва налаадам̣ бахари. д̇аавад̣̇звасса налаадз г̇ан̣д̣о удтахи. со нивад̇д̇ид̇ваа ‘‘саагадигзхи бахадомхий’’д̇и ран̃н̃о аарожзси. саагадигз баггосаабзд̇ваа винижчинанд̇аа д̇ассзва д̣̇осам̣ ад̣̇д̣̇асам̣су. ат̇згад̣̇ивасам̣ бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, ран̃н̃о гира бурохид̇о ‘саагадигзхи бахадомхий’д̇и ад̣д̣ам̣ гаронд̇о саяамзва бараж̇ж̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збзса зваруубам̣ агаасиязваа’’д̇и вад̇ваа ад̇ийд̇ам̣ аахари.
Apihantvā hato brūtīti idaṃ satthā jetavane viharanto kosalarañño purohitaṃ ārabbha kathesi. So kira rathena attano bhogagāmaṃ gacchanto sambādhe magge rathaṃ pājento ekaṃ sakaṭasatthaṃ disvā ‘‘tumhākaṃ sakaṭaṃ apanethā’’ti gacchanto sakaṭe anapanīyamāne kujjhitvā patodalaṭṭhiyā purimasakaṭe sākaṭikassa rathadhure pahari. Sā rathadhure paṭihatā nivattitvā tasseva nalāṭaṃ pahari. Tāvadevassa nalāṭe gaṇḍo uṭṭhahi. So nivattitvā ‘‘sākaṭikehi pahaṭomhī’’ti rañño ārocesi. Sākaṭike pakkosāpetvā vinicchinantā tasseva dosaṃ addasaṃsu. Athekadivasaṃ bhikkhū dhammasabhāyaṃ kathaṃ samuṭṭhāpesuṃ ‘‘āvuso, rañño kira purohito ‘sākaṭikehi pahaṭomhī’ti aḍḍaṃ karonto sayameva parajjī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepesa evarūpaṃ akāsiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇ассзва винижчаяаамажжо ахоси. ат̇а ран̃н̃о бурохид̇о рат̇зна ад̇д̇ано бхог̇аг̇аамам̣ г̇ажчанд̇од̇и саб̣б̣ам̣ буримасад̣̇исамзва. ид̇ха бана д̇зна ран̃н̃о аарожид̇з рааж̇аа саяам̣ винижчаяз нисийд̣̇ид̇ваа саагадигз баггосаабзд̇ваа гаммам̣ асод̇хзд̇ваава ‘‘д̇умхзхи мама бурохид̇ам̣ годдзд̇ваа налаадз г̇ан̣д̣о удтаабид̇о’’д̇и вад̇ваа ‘‘саб̣б̣ассахаран̣ам̣ д̇зсам̣ гарот̇аа’’д̇и ааха. ат̇а нам̣ б̣од̇хисад̇д̇о ‘‘д̇умхз, махаарааж̇а, гаммам̣ асод̇хзд̇ваава зд̇зсам̣ саб̣б̣ассам̣ хараабзт̇а, згажжз бана ад̇д̇анаава ад̇д̇аанам̣ бахарид̇вааби ‘барзна бахадамхаа’д̇и вад̣̇анд̇и, д̇асмаа авижинид̇ваа гаад̇ум̣ на яуд̇д̇ам̣, раж̇ж̇ам̣ гаарзнд̇зна наама нисаамзд̇ваа гаммам̣ гаад̇ум̣ ваддад̇ий’’д̇и вад̇ваа имаа г̇аат̇аа абхааси.
Atīte bārāṇasiyaṃ brahmadatte rajjaṃ kārente bodhisatto tasseva vinicchayāmacco ahosi. Atha rañño purohito rathena attano bhogagāmaṃ gacchantoti sabbaṃ purimasadisameva. Idha pana tena rañño ārocite rājā sayaṃ vinicchaye nisīditvā sākaṭike pakkosāpetvā kammaṃ asodhetvāva ‘‘tumhehi mama purohitaṃ koṭṭetvā nalāṭe gaṇḍo uṭṭhāpito’’ti vatvā ‘‘sabbassaharaṇaṃ tesaṃ karothā’’ti āha. Atha naṃ bodhisatto ‘‘tumhe, mahārāja, kammaṃ asodhetvāva etesaṃ sabbassaṃ harāpetha, ekacce pana attanāva attānaṃ paharitvāpi ‘parena pahaṭamhā’ti vadanti, tasmā avicinitvā kātuṃ na yuttaṃ, rajjaṃ kārentena nāma nisāmetvā kammaṃ kātuṃ vaṭṭatī’’ti vatvā imā gāthā abhāsi.
125.
125.
‘‘аби ханд̇ваа хад̇о б̣рууд̇и, ж̇зд̇ваа ж̇ид̇од̇и бхаасад̇и;
‘‘Api hantvā hato brūti, jetvā jitoti bhāsati;
буб̣б̣амагкааяино рааж̇а, ан̃н̃ад̣̇ад̇т̇у на сад̣̇д̣̇ахз.
Pubbamakkhāyino rāja, aññadatthu na saddahe.
126.
126.
‘‘д̇асмаа бан̣д̣ид̇аж̇аад̇ияо, сун̣зяяа ид̇арассаби;
‘‘Tasmā paṇḍitajātiyo, suṇeyya itarassapi;
убхиннам̣ важанам̣ суд̇ваа, яат̇аа д̇хаммо д̇ат̇аа гарз.
Ubhinnaṃ vacanaṃ sutvā, yathā dhammo tathā kare.
127.
127.
‘‘аласо г̇ихий гаамабхог̇ий на саад̇ху, асан̃н̃ад̇о баб̣б̣аж̇ид̇о на саад̇ху;
‘‘Alaso gihī kāmabhogī na sādhu, asaññato pabbajito na sādhu;
рааж̇аа на саад̇ху анисаммагаарий, яо бан̣д̣ид̇о год̇хано д̇ам̣ на саад̇ху.
Rājā na sādhu anisammakārī, yo paṇḍito kodhano taṃ na sādhu.
128.
128.
‘‘нисамма кад̇д̇ияо гаяираа, наанисамма д̣̇исамбад̇и;
‘‘Nisamma khattiyo kayirā, nānisamma disampati;
нисаммагаарино рааж̇а, яасо гид̇д̇и жа вад̣дхад̇ий’’д̇и.
Nisammakārino rāja, yaso kitti ca vaḍḍhatī’’ti.
д̇ад̇т̇а аби ханд̇ваад̇и аби зго ад̇д̇анаава ад̇д̇аанам̣ ханд̇ваа ‘‘барзна бахадомхий’’д̇и б̣рууд̇и гат̇зд̇и. ж̇зд̇ваа ж̇ид̇од̇и саяам̣ ваа бана барам̣ ж̇ид̇ваа ‘‘ахам̣ ж̇ид̇омхий’’д̇и бхаасад̇и. ан̃н̃ад̣̇ад̇т̇ууд̇и махаарааж̇а, буб̣б̣амзва рааж̇агулам̣ г̇анд̇ваа агкааяанд̇асса буб̣б̣амагкааяино ан̃н̃ад̣̇ад̇т̇у на сад̣̇д̣̇ахз, згам̣сзна важанам̣ на сад̣̇д̣̇ахзяяа. д̇асмаад̇и яасмаа батамад̇арам̣ ааг̇анд̇ваа гат̇знд̇асса згам̣сзна важанам̣ на сад̣̇д̣̇ахаад̇аб̣б̣ам̣, д̇асмаа. яат̇аа д̇хаммод̇и яат̇аа винижчаяасабхааво тид̇о, д̇ат̇аа гарзяяа.
Tattha api hantvāti api eko attanāva attānaṃ hantvā ‘‘parena pahaṭomhī’’ti brūti katheti. Jetvā jitoti sayaṃ vā pana paraṃ jitvā ‘‘ahaṃ jitomhī’’ti bhāsati. Aññadatthūti mahārāja, pubbameva rājakulaṃ gantvā akkhāyantassa pubbamakkhāyino aññadatthu na saddahe, ekaṃsena vacanaṃ na saddaheyya. Tasmāti yasmā paṭhamataraṃ āgantvā kathentassa ekaṃsena vacanaṃ na saddahātabbaṃ, tasmā. Yathā dhammoti yathā vinicchayasabhāvo ṭhito, tathā kareyya.
асан̃н̃ад̇од̇и гааяаад̣̇ийхи асан̃н̃ад̇о д̣̇уссийло. д̇ам̣ на саад̇хууд̇и яам̣ д̇асса бан̣д̣ид̇асса н̃аан̣авад̇о буг̇г̇аласса аад̇хаанаг̇г̇аахивасзна д̣̇ал̣хагобасан̇каад̇ам̣ год̇ханам̣, д̇ам̣ на саад̇ху. наанисаммаад̇и на анисаамзд̇ваа. д̣̇исамбад̇ийд̇и д̣̇исаанам̣ бад̇и, махаарааж̇а. яасо гид̇д̇и жаад̇и иссарияабаривааро жзва гид̇д̇исад̣̇д̣̇о жа вад̣дхад̇ийд̇и.
Asaññatoti kāyādīhi asaññato dussīlo. Taṃ na sādhūti yaṃ tassa paṇḍitassa ñāṇavato puggalassa ādhānaggāhivasena daḷhakopasaṅkhātaṃ kodhanaṃ, taṃ na sādhu. Nānisammāti na anisāmetvā. Disampatīti disānaṃ pati, mahārāja. Yaso kitti cāti issariyaparivāro ceva kittisaddo ca vaḍḍhatīti.
рааж̇аа б̣од̇хисад̇д̇асса важанам̣ суд̇ваа д̇хаммзна винижчини, д̇хаммзна винижчияамаанз б̣раахман̣ассзва д̣̇осо ж̇аад̇од̇и.
Rājā bodhisattassa vacanaṃ sutvā dhammena vinicchini, dhammena vinicchiyamāne brāhmaṇasseva doso jātoti.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа б̣раахман̣о зд̇арахи б̣раахман̣ова ахоси, бан̣д̣ид̇аамажжо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā brāhmaṇo etarahi brāhmaṇova ahosi, paṇḍitāmacco pana ahameva ahosi’’nti.
рат̇аладтиж̇аад̇агаван̣н̣анаа д̣̇уд̇ияаа.
Rathalaṭṭhijātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 332. рат̇аладтиж̇аад̇агам̣ • 332. Rathalaṭṭhijātakaṃ
