2. рзвад̇ийвимаанаван̣н̣анаа

удтзхи рзвад̇з субаабад̇хаммзд̇и рзвад̇ийвимаанам̣. д̇асса гаа уббад̇д̇и? бхаг̇аваа б̣аараан̣асияам̣ вихарад̇и исибад̇анз миг̇ад̣̇ааяз. д̇зна самаязна б̣аараан̣асияам̣ сад̣̇д̇хаасамбаннасса гуласса буд̇д̇о нанд̣̇ияо наама убаасаго ахоси сад̣̇д̇хаасамбанно д̣̇ааяаго д̣̇аанабад̇и сан̇гхубадтааго. ат̇асса маад̇аабид̇аро саммукаг̇зхад̇о маад̇улад̇хийд̇арам̣ рзвад̇им̣ наама ган̃н̃ам̣ аанзд̇угаамаа ахзсум̣. саа бана ассад̣̇д̇хаа ад̣̇аанасийлаа, нанд̣̇ияо д̇ам̣ на ижчи. д̇асса маад̇аа рзвад̇им̣ ааха ‘‘амма, д̇вам̣ имам̣ г̇зхам̣ ааг̇анд̇ваа бхигкусан̇гхасса нисийд̣̇анадтаанам̣ харид̇зна г̇омаязна убалимбид̇ваа аасанаани бан̃н̃аабзхи, аад̇хаарагз табзхи, бхигкуунам̣ ааг̇ад̇агаалз ванд̣̇ид̇ваа бад̇д̇ам̣ г̇ахзд̇ваа нисийд̣̇аабзд̇ваа д̇хамагаран̣зна баанийяам̣ бариссаавзд̇ваа бхуд̇д̇агаалз бад̇д̇аани д̇ховаахи, звам̣ мз буд̇д̇асса аараад̇хигаа бхависсасий’’д̇и. саа д̇ат̇аа агааси. ат̇а нам̣ ‘‘оваад̣̇агкамаа ж̇аад̇аа’’д̇и буд̇д̇асса аарожзд̇ваа д̇зна ‘‘саад̇хуу’’д̇и самбадижчид̇з д̣̇ивасам̣ табзд̇ваа ааваахам̣ гарим̣су.

ат̇а нам̣ нанд̣̇ияо ааха ‘‘сажз бхигкусан̇гхам̣ маад̇аабид̇аро жа мз убадтахиссаси, звам̣ имасмим̣ г̇зхз васид̇ум̣ лабхиссаси, аббамад̇д̇аа хохий’’д̇и. саа ‘‘саад̇хуу’’д̇и бадиссун̣ид̇ваа гин̃жи гаалам̣ сад̣̇д̇хаа вияа худ̇ваа бхад̇д̇аарам̣ анавад̇д̇знд̇ий д̣̇вз буд̇д̇з виж̇ааяи. нанд̣̇ияасса маад̇аабид̇аро гааламагам̣су. г̇зхз саб̣б̣иссарияам̣ д̇ассаа зва ахоси. нанд̣̇ияоби махаад̣̇аанабад̇и худ̇ваа бхигкусан̇гхасса д̣̇аанам̣ бадтабзси, габан̣ад̣̇д̇хигаад̣̇ийнамби г̇зхад̣̇ваарз баагавад̇д̇ам̣ бадтабзси. исибад̇анамахаавихаарз жад̇уухи г̇аб̣бхзхи бадиман̣д̣ид̇ам̣ жад̇усаалам̣ гаарзд̇ваа ман̃жабийтаад̣̇ийни ад̇т̇араабзд̇ваа б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа д̇ат̇ааг̇ад̇асса хад̇т̇з д̣̇агкин̣од̣̇агам̣ баад̇зд̇ваа нияяаад̣̇зси, саха д̣̇агкин̣од̣̇агад̣̇аанзна д̇аавад̇им̣сабхаванз ааяаамад̇о жа вид̇т̇аарад̇о жа саманд̇аа д̣̇ваад̣̇асаяож̇аниго яож̇анасад̇уб̣б̣зд̇хо сад̇д̇арад̇анамаяо ажчарааг̇ан̣асахассасан̇гхудто д̣̇иб̣б̣абаасаад̣̇о уг̇г̇ан̃чи.

ат̇ааяасмаа махаамог̇г̇аллаано д̣̇зважааригам̣ жаранд̇о д̇ам̣ баасаад̣̇ам̣ д̣̇исваа ад̇д̇аанам̣ ванд̣̇ид̇ум̣ ааг̇ад̇з д̣̇звабуд̇д̇з бужчи ‘‘гассааяам̣ баасаад̣̇о’’д̇и? ‘‘имасса , бханд̇з, баасаад̣̇асса саамиго мануссалогз б̣аараан̣асияам̣ нанд̣̇ияо наама гудумб̣ияабуд̇д̇о сан̇гхасса исибад̇анамахаавихаарз жад̇усаалам̣ гаарзси, д̇ассааяам̣ ниб̣б̣ад̇д̇о баасаад̣̇о’’д̇и аахам̣су. баасаад̣̇з ниб̣б̣ад̇д̇ад̣̇зважчарааяоби т̇зрам̣ ванд̣̇ид̇ваа ‘‘бханд̇з, маяам̣ б̣аараан̣асияам̣ нанд̣̇ияасса наама убаасагасса барижааригаа бхавид̇ум̣ ид̇ха ниб̣б̣ад̇д̇аа, д̇асса звам̣ вад̣̇зт̇а ‘‘д̇уяхам̣ барижааригаа бхавид̇ум̣ ниб̣б̣ад̇д̇аа, д̣̇звад̇ааяо д̇аяи жирааяанд̇з угган̣тид̇аа, д̣̇звалогасамбад̇д̇и наама мад̇д̇игаабхааж̇анам̣ бхинд̣̇ид̇ваа суван̣н̣абхааж̇анасса г̇ахан̣ам̣ вияа ад̇иманааба’нд̇и вад̇ваа ид̇хааг̇аманад̇т̇ааяа д̇асса вад̣̇зт̇аа’’д̇и аахам̣су. т̇зро ‘‘саад̇хуу’’д̇и бадиссун̣ид̇ваа сахасаа д̣̇звалогад̇о ааг̇анд̇ваа жад̇убарисамаж̇жхз бхаг̇аванд̇ам̣ бужчи ‘‘ниб̣б̣ад̇д̇ад̇и ну ко, бханд̇з, гад̇абун̃н̃аанам̣ мануссалогз тид̇аанам̣язва д̣̇иб̣б̣асамбад̇д̇ий’’д̇и? ‘‘нану д̇з, мог̇г̇аллаана, нанд̣̇ияасса д̣̇звалогз ниб̣б̣ад̇д̇аа д̣̇иб̣б̣асамбад̇д̇и саамам̣ д̣̇идтаа, гасмаа мам̣ бужчасий’’д̇и? ‘‘звам̣, бханд̇з, ниб̣б̣ад̇д̇ад̇ий’’д̇и . ат̇асса сад̇т̇аа ‘‘яат̇аа жирам̣ виббавасид̇ваа ааг̇ад̇ам̣ бурисам̣ мид̇д̇аб̣анд̇хаваа абхинанд̣̇анд̇и самбадижчанд̇и, звам̣ гад̇абун̃н̃ам̣ буг̇г̇алам̣ ид̇о баралогам̣ г̇ад̇ам̣ сагаани бун̃н̃аани самбад̇д̇ихад̇т̇зхи самбадижчанд̇и бадиг̇г̇ан̣ханд̇ий’’д̇и д̣̇ассзнд̇о –

861.

‘‘жираббаваасим̣ бурисам̣, д̣̇уурад̇о сод̇т̇имааг̇ад̇ам̣;

н̃аад̇имид̇д̇аа сухаж̇ж̇аа жа, абхинанд̣̇анд̇и ааг̇ад̇ам̣.

862.

‘‘д̇ат̇зва гад̇абун̃н̃амби, асмаа логаа барам̣ г̇ад̇ам̣;

бун̃н̃аани бадиг̇г̇ан̣ханд̇и, бияам̣ н̃аад̇ийва ааг̇ад̇а’’нд̇и. – г̇аат̇аа абхааси;

нанд̣̇ияо д̇ам̣ суд̇ваа бхияяосомад̇д̇ааяа д̣̇аанаани д̣̇зд̇и, бун̃н̃аани гарод̇и, со ван̣иж̇ж̇ааяа г̇ажчанд̇о рзвад̇им̣ ааха ‘‘бхад̣̇д̣̇з, маяаа бадтабид̇ам̣ сан̇гхасса д̣̇аанам̣ анаат̇аанам̣ баагавад̇д̇ан̃жа д̇вам̣ аббамад̇д̇аа бавад̇д̇зяяаасий’’д̇и. саа ‘‘саад̇хуу’’д̇и бадиссун̣и. со баваасаг̇ад̇оби яад̇т̇а яад̇т̇а ваасам̣ габбзд̇и, д̇ад̇т̇а д̇ад̇т̇а бхигкуунам̣ анаат̇аанан̃жа яат̇аавибхавам̣ д̣̇аанам̣ д̣̇зд̇иязва. д̇асса анугамбааяа кийн̣аасаваа д̣̇уурад̇оби ааг̇анд̇ваа д̣̇аанам̣ самбадижчанд̇и. рзвад̇ий бана д̇асмим̣ г̇ад̇з гад̇ибаахамзва д̣̇аанам̣ бавад̇д̇зд̇ваа анаат̇аанам̣ бхад̇д̇ам̣ убажчинд̣̇и, бхигкуунамби бхад̇д̇ам̣ ган̣ааж̇агам̣ б̣илан̇г̇ад̣̇уд̇ияам̣ ад̣̇ааси . бхигкуунам̣ бхуд̇д̇адтаанз ад̇д̇анаа бхуд̇д̇аавасзсаани сид̇т̇аани мажчамам̣сакан̣д̣амиссагаани жалагадтигаани жа багирид̇ваа мануссаанам̣ д̣̇ассзд̇и ‘‘бассат̇а саман̣аанам̣ гаммам̣, сад̣̇д̇хаад̣̇зяяам̣ наама звам̣ чад̣д̣знд̇ий’’д̇и.

ат̇а нанд̣̇ияо вохаарагасид̣̇д̇хи яат̇аалаабхо ааг̇анд̇ваа д̇ам̣ бавад̇д̇им̣ суд̇ваа рзвад̇им̣ г̇зхад̇о нийхарид̇ваа г̇зхам̣ баависи. д̣̇уд̇ияад̣̇ивасз б̣уд̣̇д̇хаббамукасса бхигкусан̇гхасса махаад̣̇аанам̣ бавад̇д̇зд̇ваа нижжабхад̇д̇ам̣ анаат̇абхад̇д̇ан̃жа саммад̣̇зва бавад̇д̇зси, ад̇д̇ано сахааязхи убанийд̇ам̣ рзвад̇им̣ гхаасажчаад̣̇анабарамад̇ааяа табзси. со абарзна самаязна гаалам̣ гад̇ваа д̇аавад̇им̣сабхаванз ад̇д̇ано вимаанзязва ниб̣б̣ад̇д̇и. рзвад̇ий бана саб̣б̣ам̣ д̣̇аанам̣ бажчинд̣̇ид̇ваа ‘‘имзсам̣ васзна маяхам̣ лаабхасаггааро барихааяий’’д̇и бхигкусан̇гхам̣ аггосанд̇ий барибхаасанд̇ий вижарад̇и. ат̇а взссаван̣о д̣̇вз яагкз аан̣аабзси ‘‘г̇ажчат̇а, бхан̣з, б̣аараан̣асинаг̇арз уг̇гхосат̇а ‘‘ид̇о сад̇д̇амз д̣̇ивасз рзвад̇ий ж̇ийванд̇ийязва нираяз багкибийяад̇ий’д̇и’’. д̇ам̣ суд̇ваа махааж̇ано сам̣взг̇аж̇аад̇о бхийд̇ад̇асид̇о ахоси.

ат̇а рзвад̇ий бана баасаад̣̇ам̣ абхирухид̇ваа д̣̇ваарам̣ т̇агзд̇ваа нисийд̣̇и. сад̇д̇амз д̣̇ивасз д̇ассаа баабагаммасан̃жод̣̇ид̇зна взссаван̣зна ран̃н̃аа аан̣ад̇д̇аа ж̇алид̇агабилагзсамассугаа жибидавируубанаасигаа барин̣ад̇ад̣̇аатаа лохид̇агкаа саж̇алад̇харасамаанаван̣н̣аа ад̇ивияа бхаяаанагаруубаа д̣̇вз яагкаа убаг̇анд̇ваа ‘‘удтзхи, рзвад̇з, субаабад̇хаммз’’д̇иаад̣̇ийни вад̣̇анд̇аа наанааб̣аахаасу г̇ахзд̇ваа ‘‘махааж̇ано бассад̇уу’’д̇и сагаланаг̇арз вийт̇ид̇о вийт̇им̣ бариб̣бхамаабзд̇ваа аагаасам̣ аб̣бхуг̇г̇анд̇ваа д̇аавад̇им̣сабхаванам̣ нзд̇ваа нанд̣̇ияасса вимаанам̣ самбад̇д̇ин̃жассаа д̣̇ассзд̇ваа д̇ам̣ вилабанд̇им̣язва уссад̣̇анираяасамийбам̣ баабзсум̣. д̇ам̣ яамабурисаа уссад̣̇анираяз кибим̣су. д̇знааха –

863.

‘‘удтзхи рзвад̇з субаабад̇хаммз, абааруд̇ад̣̇ваарз ад̣̇аанасийлз;

нзссаама д̇ам̣ яад̇т̇а т̇унанд̇и д̣̇уг̇г̇ад̇аа, самаббид̇аа нзраяигаа д̣̇укзнаа’’д̇и.

д̇ад̇т̇а удтзхийд̇и удтаха, на д̣̇аанзса баасаад̣̇о д̇ам̣ нираяабхаяад̇о рагкид̇ум̣ саггод̇и, д̇асмаа сийгхам̣ удтахид̇ваа ааг̇ажчаахийд̇и ад̇т̇о. рзвад̇зд̇и д̇ам̣ наамзна аалабад̇и. субаабад̇хаммзд̇иаад̣̇инаа удтаанасса гааран̣ам̣ вад̣̇ад̇и. яасмаа д̇вам̣ арияаанам̣ аггосанабарибхаасанаад̣̇инаа судду лаамагабаабад̇хаммаа, яасмаа жа абааруд̇ам̣ д̣̇ваарам̣ нираяасса д̇ава бавзсанад̇т̇ам̣, д̇асмаа удтзхийд̇и. ад̣̇аанасийлзд̇и гассажи гин̃жи на д̣̇аанасийлз гад̣̇арияз мажчариний, ид̣̇амби удтаанассзва гааран̣аважанам̣. яасмаа д̣̇аанасийлаанам̣ амажчарийнам̣ д̇ава саамигасад̣̇исаанам̣ суг̇ад̇ияам̣ ниваасо, д̇аад̣̇исаанам̣ бана ад̣̇аанасийлаанам̣ мажчарийнам̣ нираяз ниваасо, д̇асмаа удтзхи, мухуд̇д̇амад̇д̇амби д̇ава ид̇ха таад̇ум̣ на д̣̇ассаамийд̇и ад̇хиббааяо. яад̇т̇а т̇унанд̇и д̣̇уг̇г̇ад̇аад̇и д̣̇угкаг̇ад̇ад̇д̇аа д̣̇уг̇г̇ад̇аа. нзраяигаад̇и нираяад̣̇угкзна самаббид̇аа саман̇г̇ийбхууд̇аа яасмим̣ нираяз т̇унанд̇и, яаава баабагаммам̣ на б̣яанд̇и ход̇и, д̇аава нигкамид̇ум̣ алабханд̇аа нид̇т̇унанд̇и, д̇ад̇т̇а д̇ам̣ нзссаама наяиссаама кибиссаамаад̇и яож̇анаа.

864.

‘‘ижжзва вад̇ваана яамасса д̣̇ууд̇аа, д̇з д̣̇вз яагкаа лохид̇агкаа б̣раханд̇аа;

бажжзгаб̣аахаасу г̇ахзд̇ваа рзвад̇ам̣, баггаамаяум̣ д̣̇зваг̇ан̣асса санд̇игз’’д̇и. –

ид̣̇ам̣ сан̇г̇ийд̇игаараважанам̣.

д̇ад̇т̇а ижжзва вад̇ваанаад̇и ид̇и зва ‘‘удтзхий’’д̇иаад̣̇инаа вад̇ваа, важанасамананд̇арамзваад̇и ад̇т̇о. яамасса д̣̇ууд̇аад̇и аббадисзд̇ханияад̇асса яамасса ран̃н̃о д̣̇ууд̇асад̣̇исаа. взссаван̣зна хи д̇з бзсид̇аа . д̇ат̇аа хи д̇з д̇аавад̇им̣сабхаванам̣ наяим̣су. гзжи ‘‘на яамасса д̣̇ууд̇аа’’д̇и на-гаарам̣ ‘‘яамассаа’’д̇и бад̣̇зна самб̣анд̇хид̇ваа ‘‘взссаван̣асса д̣̇ууд̇аа’’д̇и ад̇т̇ам̣ вад̣̇анд̇и, д̇ам̣ на яуж̇ж̇ад̇и. на хи на яамад̣̇ууд̇ад̇ааяа взссаван̣асса д̣̇ууд̇аад̇и сиж̇жхад̇и. яаж̇анд̇и д̇ад̇т̇а б̣алим̣ убахаранд̇ийд̇и яагкаа. лохид̇агкаад̇и рад̇д̇анаяанаа. яагкаанан̃хи нзд̇д̇аани ад̇илохид̇аани хонд̇и. б̣раханд̇аад̇и маханд̇аа. бажжзгаб̣аахаасууд̇и зго згаб̣аахааяам̣, ид̇аро ид̇араб̣аахааяанд̇и бажжзгам̣ б̣аахаасу. рзвад̇анд̇и рзвад̇им̣. рзвад̇аад̇иби д̇ассаа наамамзва. д̇ат̇аа хи ‘‘рзвад̇з’’д̇и вуд̇д̇ам̣. баггаамаяунд̇и баггаамзсум̣, убанзсунд̇и ад̇т̇о. д̣̇зваг̇ан̣ассаад̇и д̇аавад̇им̣сабхаванз д̣̇звасан̇гхасса.

звам̣ д̇зхи яагкзхи д̇аавад̇им̣сабхаванам̣ нзд̇ваа нанд̣̇ияавимаанасса авид̣̇уурз табид̇аа рзвад̇ий д̇ам̣ суурияаман̣д̣аласад̣̇исам̣ ад̇ивияа бабхассарам̣ д̣̇исваа –

865.

‘‘аад̣̇ижжаван̣н̣ам̣ ружирам̣ бабхассарам̣, б̣яамхам̣ субхам̣ ган̃жанаж̇аалачаннам̣;

гассзд̇амаагин̣н̣аж̇анам̣ вимаанам̣, сурияасса рам̣сийрива ж̇од̇амаанам̣.

866.

‘‘наарийг̇ан̣аа жанд̣̇анасааралид̇д̇аа, убхад̇о вимаанам̣ убасобхаяанд̇и;

д̇ам̣ д̣̇иссад̇и сурияасамаанаван̣н̣ам̣, го мод̣̇ад̇и саг̇г̇абад̇д̇о вимаанз’’д̇и. –

д̇з яагкз бужчи. д̇зби д̇ассаа –

867.

‘‘б̣аараан̣асияам̣ нанд̣̇ияо наамааси, убаасаго амажчарий д̣̇аанабад̇и вад̣̇ан̃н̃уу;

д̇ассзд̇амаагин̣н̣аж̇анам̣ вимаанам̣, суурияасса рам̣сийрива ж̇од̇амаанам̣.

868.

‘‘наарийг̇ан̣аа жанд̣̇анасааралид̇д̇аа, убхад̇о вимаанам̣ убасобхаяанд̇и;

д̇ам̣ д̣̇иссад̇и суурияасамаанаван̣н̣ам̣, со мод̣̇ад̇и саг̇г̇абад̇д̇о вимаанз’’д̇и. –

аажигким̣су.

868. д̇ад̇т̇а жанд̣̇анасааралид̇д̇аад̇и саарабхууд̇зна жанд̣̇анаг̇анд̇хзна анулид̇д̇асарийраа. убхад̇о вимаананд̇и вимаанам̣ убхад̇о анд̇о жзва б̣ахи жа сан̇г̇ийд̇аад̣̇ийхи убзжжа собхаяанд̇и.

ат̇а рзвад̇ий –

869.

‘‘нанд̣̇ияассаахам̣ бхарияаа, аг̇аариний саб̣б̣агуласса иссараа;

бхад̇д̇у вимаанз рамиссаами д̣̇аанахам̣, на бад̇т̇аяз нираяам̣ д̣̇ассанааяаа’’д̇и. –

ааха. д̇ад̇т̇а аг̇ааринийд̇и г̇зхасааминий. ‘‘бхарияаа саг̇ааминий’’д̇иби батанд̇и, бхарияаа сахаг̇ааминийд̇и ад̇т̇о. саб̣б̣агуласса иссараа бхад̇д̇ууд̇и мама бхад̇д̇у нанд̣̇ияасса саб̣б̣агудумб̣игасса иссараа сааминий ахосим̣, д̇асмаа ид̣̇ааниби вимаанз иссараа бхависсаамийд̇и ааха. вимаанз рамиссаами д̣̇аанаханд̇и звам̣ балобхзд̇умзва хи д̇ам̣ д̇з д̇ад̇т̇а нзсум̣. на бад̇т̇аяз нираяам̣ д̣̇ассанааяаад̇и яам̣ бана нираяам̣ мам̣ д̇умхз нзд̇угаамаа, д̇ам̣ нираяам̣ д̣̇ассанааяаби на бад̇т̇аяз, гуд̇о бависид̇унд̇и вад̣̇ад̇и.

звам̣ вад̣̇анд̇имзва ‘‘д̇вам̣ д̇ам̣ бад̇т̇зхи ваа маа ваа, гим̣ д̇ава бад̇т̇анааяаа’’д̇и нираяасамийбам̣ нзд̇ваа –

870.

‘‘зсо д̇з нираяо субаабад̇хаммз, бун̃н̃ам̣ д̇аяаа агад̇ам̣ ж̇ийвалогз;

на хи мажчарий росаго баабад̇хаммо, саг̇г̇уубаг̇аанам̣ лабхад̇и сахаб̣яад̇а’’нд̇и. –

г̇аат̇амаахам̣су. д̇ассад̇т̇о – зсо д̇ава нираяо, д̇аяаа д̣̇ийгхарад̇д̇ам̣ махаад̣̇угкам̣ анубхавид̇аб̣б̣адтаанабхууд̇о. гасмаа? бун̃н̃ам̣ д̇аяаа агад̇ам̣ ж̇ийвалогз, яасмаа мануссалогз аббамад̇д̇агамби д̇аяаа бун̃н̃ам̣ наама на гад̇ам̣, звам̣ агад̇абун̃н̃о бана д̇аад̣̇исо сад̇д̇о мажчарий ад̇д̇ано самбад̇д̇иниг̇ууханалагкан̣зна мажчарзна саманнааг̇ад̇о, барзсам̣ росуббаад̣̇анзна росаго, лобхаад̣̇ийхи баабад̇хаммзхи саман̇г̇ийбхаавад̇о баабад̇хаммо саг̇г̇уубаг̇аанам̣ д̣̇зваанам̣ сахаб̣яад̇ам̣ сахабхаавам̣ на лабхад̇ийд̇и яож̇анаа.

звам̣ бана вад̇ваа д̇з д̣̇вз яагкаа д̇ад̇т̇званд̇арад̇хааяим̣су. д̇ам̣сад̣̇исз бана д̣̇вз нираяабаалз сам̣савагз наама г̇уут̇анираяз багкибид̇ум̣ аагад̣дханд̇з бассид̇ваа –

871.

‘‘гим̣ ну г̇уут̇ан̃жа муд̇д̇ан̃жа, асужи бадид̣̇иссад̇и;

д̣̇уг̇г̇анд̇хам̣ гимид̣̇ам̣ мийл̣хам̣, гимзд̇ам̣ убавааяад̇ий’’д̇и. –

д̇ам̣ нираяам̣ бужчи.

872.

‘‘зса сам̣саваго наама, г̇амбхийро сад̇аборисо;

яад̇т̇а вассасахассаани, д̇увам̣ бажжаси рзвад̇з’’д̇и. –

д̇асмим̣ гат̇ид̇з д̇ад̇т̇а ад̇д̇ано ниб̣б̣ад̇д̇ихзд̇убхууд̇ам̣ гаммам̣ бужчанд̇ий –

873.

‘‘гим̣ ну гааязна ваажааяа, манасаа д̣̇уггадам̣ гад̇ам̣;

гзна сам̣саваго лад̣̇д̇хо, г̇амбхийро сад̇аборисо’’д̇и. – ааха;

874.

‘‘саман̣з б̣раахман̣з жааби, ан̃н̃з вааби ваниб̣б̣агз;

мусааваад̣̇зна ван̃жзси, д̇ам̣ баабам̣ багад̇ам̣ д̇аяаа’’д̇и. –

д̇ассаа д̇ам̣ гаммам̣ гат̇зд̇ваа буна д̇з –

875.

‘‘д̇зна сам̣саваго лад̣̇д̇хо, г̇амбхийро сад̇аборисо;

д̇ад̇т̇з вассасахассаани, д̇увам̣ бажжаси рзвад̇з’’д̇и. –

аахам̣су. д̇ад̇т̇а сам̣саваго наамаад̇и нижжагаалам̣ г̇уут̇амуд̇д̇аад̣̇иасужисса сам̣саванад̇о баг̇гхаран̣ад̇о сам̣саваго наама.

на гзвалам̣ д̇уяхам̣ ид̇ха сам̣савагалаабхо зва, ат̇а ко зд̇т̇а анзгаани вассасахассаани бажжид̇ваа уд̇д̇ин̣н̣ааяа хад̇т̇ажчзд̣̇аад̣̇илаабхобийд̇и д̣̇ассзд̇ум̣ –

876.

‘‘хад̇т̇зби чинд̣̇анд̇и ат̇оби баад̣̇з, ган̣н̣зби чинд̣̇анд̇и ат̇оби наасам̣;

ат̇оби гаагол̣аг̇ан̣аа самзжжа, сан̇г̇амма каад̣̇анд̇и випанд̣̇амаана’’нд̇и. –

д̇ад̇т̇а лад̣̇д̇хаб̣б̣агааран̣ам̣ аахам̣су. д̇ад̇т̇а гаагол̣аг̇ан̣аад̇и гаагасан̇гхаа. д̇з гирассаа д̇иг̇аавуд̇аббамаан̣з сарийрз анзгасад̇аани анзгасахассаани бад̇ид̇ваа д̇аалагканд̇хабаримаан̣зхи сунисид̇аг̇г̇зхи аяомаязхи мукад̇ун̣д̣зхи виж̇жхид̇ваа виж̇жхид̇ваа каад̣̇анд̇и, мам̣сам̣ г̇ахид̇аг̇ахид̇адтаанз гаммаб̣алзна буурад̇зва. д̇знааха ‘‘гаагол̣аг̇ан̣аа самзжжа, сан̇г̇амма каад̣̇анд̇и випанд̣̇амаана’’нд̇и.

буна саа мануссалогам̣ бажжаанаяанааяа яаажанаад̣̇ивасзна д̇ам̣ д̇ам̣ виббалаби. д̇зна вуд̇д̇ам̣ –

877.

‘‘саад̇ху ко мам̣ бадинзт̇а, гаахаами гусалам̣ б̣ахум̣;

д̣̇аанзна самажарияааяа, сам̣яамзна д̣̇амзна жа;

яам̣ гад̇ваа сукид̇аа хонд̇и, на жа бажчаануд̇аббарз’’д̇и.

буна нираяабаалаа –

878.

‘‘бурз д̇увам̣ бамаж̇ж̇ид̇ваа, ид̣̇аани барид̣̇зваси;

саяам̣ гад̇аанам̣ гаммаанам̣, вибаагам̣ анубхоссасий’’д̇и. –

аахам̣су. буна саа ааха –

879.

‘‘го д̣̇звалогад̇о мануссалогам̣, г̇анд̇ваана будто мз звам̣ вад̣̇зяяа;

нигкид̇д̇ад̣̇ан̣д̣зсу д̣̇ад̣̇аат̇а д̣̇аанам̣, ажчаад̣̇анам̣ сзяяамат̇аннабаанам̣;

на хи мажчарий росаго баабад̇хаммо, саг̇г̇уубаг̇аанам̣ лабхад̇и сахаб̣яад̇ам̣.

880.

‘‘саахам̣ нууна ид̇о г̇анд̇ваа, яоним̣ лад̣̇д̇хаана маанусим̣;

вад̣̇ан̃н̃уу сийласамбаннаа, гаахаами гусалам̣ б̣ахум̣;

д̣̇аанзна самажарияааяа, сам̣яамзна д̣̇амзна жа.

881.

‘‘аараамаани жа робиссам̣, д̣̇уг̇г̇з сан̇гамаани жа;

бабан̃жа уд̣̇абаанан̃жа, виббасаннзна жзд̇асаа.

882.

‘‘жаад̇уд̣̇д̣̇асим̣ бан̃жад̣̇асим̣, яаа жа багкасса адтамий;

баадихаарияабагкан̃жа, адтан̇г̇асусамааг̇ад̇ам̣.

883.

‘‘убосат̇ам̣ убавасиссам̣, сад̣̇аа сийлзсу сам̣вуд̇аа;

на жа д̣̇аанз бамаж̇ж̇иссам̣, саамам̣ д̣̇идтамид̣̇ам̣ маяаа’’д̇и.

884.

‘‘ижжзвам̣ виббалабанд̇им̣, панд̣̇амаанам̣ д̇ад̇о д̇ад̇о;

кибим̣су нираяз гхорз, уд̣̇д̇хам̣баад̣̇ам̣ авам̣сира’’нд̇и. –

ид̣̇ам̣ сан̇г̇ийд̇игаараважанам̣. буна саа –

885.

‘‘ахам̣ бурз мажчариний ахосим̣, барибхаасигаа саман̣аб̣раахман̣аанам̣;

вид̇ат̇зна жа саамигам̣ ван̃жаяид̇ваа, бажжаамахам̣ нираяз гхораруубз’’д̇и. –

осаанаг̇аат̇амааха. д̇ад̇т̇а ‘‘ахам̣ бурз мажчариний’’д̇и г̇аат̇аа нираяз ниб̣б̣ад̇д̇ааяа вуд̇д̇аа, ид̇араа аниб̣б̣ад̇д̇ааяа зваад̇и взд̣̇ид̇аб̣б̣аа. сзсам̣ сувин̃н̃зяяамзваад̇и.

бхигкуу рзвад̇ияаа яагкзхи г̇ахзд̇ваа нийд̇абхаавам̣ бхаг̇авад̇о аарожзсум̣. д̇ам̣ суд̇ваа бхаг̇аваа аад̣̇ид̇о бадтааяа имам̣ вад̇т̇ум̣ гат̇зд̇ваа убари вид̇т̇аарзна д̇хаммам̣ д̣̇зсзси, д̣̇зсанаабарияосаанз б̣ахуу сод̇аабад̇д̇ипалаад̣̇ийни баабун̣им̣су. гааман̃жзд̇ам̣ рзвад̇ийбадиб̣ад̣̇д̇хааяа гат̇ааяа язбхуяяабхаавад̇о ‘‘рзвад̇ийвимаана’’нд̇и вохарийяад̇и, яасмаа бана рзвад̇ий вимаанад̣̇звад̇аа на ход̇и, нанд̣̇ияасса бана д̣̇звабуд̇д̇асса вимаанаад̣̇исамбад̇д̇ибадисам̣яуд̇д̇ан̃жзд̇ам̣, д̇асмаа бурисавимаанзсвзва сан̇г̇ахам̣ ааробид̇анд̇и д̣̇адтаб̣б̣ам̣.

рзвад̇ийвимаанаван̣н̣анаа нидтид̇аа.