Library / Tipiṭaka / ཏིཔིཊཀ • Tipiṭaka / ཛཱཏཀ-ཨཊྛཀཐཱ • Jātaka-aṭṭhakathā

[༥༠༡] ༥. རོཧཎམིགཛཱཏཀཝཎྞནཱ

[501] 5. Rohaṇamigajātakavaṇṇanā

ཨེཏེ ཡཱུཐཱ པཏིཡནྟཱིཏི ཨིདཾ སཏྠཱ ཝེལུ༹ཝནེ ཝིཧརནྟོ ཨཱཡསྨཏོ ཨཱནནྡསྶ ཛཱིཝིཏཔརིཙྩཱགཾ ཨཱརབྦྷ ཀཐེསི། སོ པནསྶ ཛཱིཝིཏཔརིཙྩཱགོ ཨསཱིཏིནིཔཱཏེ ཙཱུལ༹ཧཾསཛཱཏཀེ (ཛཱ॰ ༢.༢༡.༡ ཨཱདཡོ) དྷནཔཱལདམནེ ཨཱཝི བྷཝིསྶཏི། ཨེཝཾ ཏེནཱཡསྨཏཱ སཏྠུ ཨཏྠཱཡ ཛཱིཝིཏེ པརིཙྩཏྟེ དྷམྨསབྷཱཡཾ ཀཐཾ སམུཊྛཱཔེསུཾ ‘‘ཨཱཝུསོ, ཨཱཡསྨཱ ཨཱནནྡོ སེཀྑཔཊིསམྦྷིདཔྤཏྟོ ཧུཏྭཱ དསབལསྶཏྠཱཡ ཛཱིཝིཏཾ པརིཙྩཛཱི’’ཏི། སཏྠཱ ཨཱགནྟྭཱ ‘‘ཀཱཡ ནུཏྠ, བྷིཀྑཝེ, ཨེཏརཧི ཀཐཱཡ སནྣིསིནྣཱ’’ཏི པུཙྪིཏྭཱ ‘‘ཨིམཱཡ ནཱམཱ’’ཏི ཝུཏྟེ ‘‘ན, བྷིཀྑཝེ, ཨིདཱནེཝ, པུབྦེཔེས མམཏྠཱཡ ཛཱིཝིཏཾ པརིཙྩཛིཡེཝཱ’’ཏི ཝཏྭཱ ཨཏཱིཏཾ ཨཱཧརི།

Eteyūthā patiyantīti idaṃ satthā veḷuvane viharanto āyasmato ānandassa jīvitapariccāgaṃ ārabbha kathesi. So panassa jīvitapariccāgo asītinipāte cūḷahaṃsajātake (jā. 2.21.1 ādayo) dhanapāladamane āvi bhavissati. Evaṃ tenāyasmatā satthu atthāya jīvite pariccatte dhammasabhāyaṃ kathaṃ samuṭṭhāpesuṃ ‘‘āvuso, āyasmā ānando sekkhapaṭisambhidappatto hutvā dasabalassatthāya jīvitaṃ pariccajī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepesa mamatthāya jīvitaṃ pariccajiyevā’’ti vatvā atītaṃ āhari.

ཨཏཱིཏེ བཱརཱཎསིཡཾ བྲཧྨདཏྟེ རཛྫཾ ཀཱརེནྟེ ཁེམཱ ནཱམསྶ ཨགྒམཧེསཱི ཨཧོསི། ཏདཱ བོདྷིསཏྟོ ཧིམཝནྟཔདེསེ མིགཡོནིཡཾ ནིབྦཏྟིཏྭཱ སུཝཎྞཝཎྞོ ཨཧོསི སོབྷགྒཔྤཏྟོ། ཀནིཊྛོཔིསྶ ཙིཏྟམིགོ ནཱམ སུཝཎྞཝཎྞོཝ ཨཧོསི, ཀནིཊྛབྷགིནཱིཔིསྶ སུཏནཱ ནཱམ སུཝཎྞཝཎྞཱཝ ཨཧོསི། མཧཱསཏྟོ པན རོཧཎོ ནཱམ མིགརཱཛཱ ཨཧོསི། སོ ཧིམཝནྟེ དྭེ པབྦཏརཱཛིཡོ ཨཏིཀྐམིཏྭཱ ཏཏིཡཱཡ ཨནྟརེ རོཧཎཾ ནཱམ སརཾ ནིསྶཱཡ ཨསཱིཏིམིགསཧསྶཔརིཝཱརོ ཝཱསཾ ཀཔྤེསི། སོ ཨནྡྷེ ཛིཎྞེ མཱཏཱཔིཏརོ པོསེསི། ཨཐེཀོ བཱརཱཎསིཏོ ཨཝིདཱུརེ ནེསཱདགཱམཝཱསཱི ནེསཱདཔུཏྟོ ཧིམཝནྟཾ པཝིཊྛོ མཧཱསཏྟཾ དིསྭཱ ཨཏྟནོ གཱམཾ ཨཱགནྟྭཱ ཨཔརབྷཱགེ ཀཱལཾ ཀརོནྟོ པུཏྟསྶཱརོཙེསི ‘‘ཏཱཏ, ཨམྷཱཀཾ ཀམྨབྷཱུམིཡཾ ཨསུཀསྨིཾ ནཱམ ཋཱནེ སུཝཎྞཝཎྞོ མིགོ ཝསཏི, སཙེ རཱཛཱ པུཙྪེཡྻ, ཀཐེཡྻཱསཱི’’ཏི།

Atīte bārāṇasiyaṃ brahmadatte rajjaṃ kārente khemā nāmassa aggamahesī ahosi. Tadā bodhisatto himavantapadese migayoniyaṃ nibbattitvā suvaṇṇavaṇṇo ahosi sobhaggappatto. Kaniṭṭhopissa cittamigo nāma suvaṇṇavaṇṇova ahosi, kaniṭṭhabhaginīpissa sutanā nāma suvaṇṇavaṇṇāva ahosi. Mahāsatto pana rohaṇo nāma migarājā ahosi. So himavante dve pabbatarājiyo atikkamitvā tatiyāya antare rohaṇaṃ nāma saraṃ nissāya asītimigasahassaparivāro vāsaṃ kappesi. So andhe jiṇṇe mātāpitaro posesi. Atheko bārāṇasito avidūre nesādagāmavāsī nesādaputto himavantaṃ paviṭṭho mahāsattaṃ disvā attano gāmaṃ āgantvā aparabhāge kālaṃ karonto puttassārocesi ‘‘tāta, amhākaṃ kammabhūmiyaṃ asukasmiṃ nāma ṭhāne suvaṇṇavaṇṇo migo vasati, sace rājā puccheyya, katheyyāsī’’ti.

ཨཐེཀདིཝསཾ ཁེམཱ དེཝཱི པཙྩཱུསཀཱལེ སུཔིནཾ ཨདྡས། ཨེཝརཱུཔོ སུཔིནོ ཨཧོསི – སུཝཎྞཝཎྞོ མིགོ ཨཱགནྟྭཱ ཀཉྩནཔཱིཋེ ནིསཱིདིཏྭཱ སུཝཎྞཀིངྐིཎིཀཾ ཨཱཀོཊེནྟོ ཝིཡ མདྷུརསྶརེན དེཝིཡཱ དྷམྨཾ དེསེཏི, སཱ སཱདྷུཀཱརཾ དཏྭཱ དྷམྨཾ སུཎཱཏི། མིགོ དྷམྨཀཐཱཡ ཨནིཊྛིཏཱཡ ཨེཝ ཨུཊྛཱཡ གཙྪཏི, སཱ ‘‘མིགཾ གཎྷཐ གཎྷཐཱ’’ཏི ཝདནྟཱིཡེཝ པབུཛ྄ཛྷི། པརིཙཱརིཀཱཡོ ཏསྶཱ སདྡཾ སུཏྭཱ ‘‘པིཧིཏདྭཱརཝཱཏཔཱནཾ གེཧཾ ཝཱཏསྶཔི ཨོཀཱསོ ནཏྠི, ཨཡྻཱ, ཨིམཱཡ ཝེལཱཡ མིགཾ གཎྷཱཔེཏཱི’’ཏི ཨཝཧསིཾསུ། སཱ ཏསྨིཾ ཁཎེ ‘‘སུཔིནོ ཨཡ’’ནྟི ཉཏྭཱ ཙིནྟེསི ‘‘སུཔིནོཏི ཝུཏྟེ རཱཛཱ ཨནཱདརོ བྷཝིསྶཏི, ‘དོཧལོ༹ ཨུཔྤནྣོ’ཏི ཝུཏྟེ པན ཨཱདརེན པརིཡེསིསྶཏི, སུཝཎྞཝཎྞསྶ མིགསྶ དྷམྨཀཐཾ སུཎིསྶཱམཱི’’ཏི། སཱ གིལཱནཱལཡཾ ཀཏྭཱ ནིཔཛྫི། རཱཛཱ ཨཱགནྟྭཱ ‘‘བྷདྡེ, ཀིཾ ཏེ ཨཕཱསུཀ’’ནྟི པུཙྪི། ‘‘དེཝ, ཨཉྙཾ ནཏྠི, དོཧལོ༹ པན མེ ཨུཔྤནྣོ’’ཏི། ‘‘ཀིཾ ཨིཙྪསི དེཝཱི’’ཏི? ‘‘སུཝཎྞཝཎྞསྶ དྷམྨིཀམིགསྶ དྷམྨཾ སོཏུཀཱམཱ དེཝཱ’’ཏི། ‘‘བྷདྡེ, ཡཾ ནཏྠི, ཏཏྠ ཏེ དོཧལོ༹ ཨུཔྤནྣོ, སུཝཎྞཝཎྞོ ནཱམ མིགོཡེཝ ནཏྠཱི’’ཏི། སོ ‘‘སཙེ ན ལབྷཱམི, ཨིདྷེཝ མེ མརཎ’’ནྟི རཉྙོ པིཊྛིཾ དཏྭཱ ནིཔཛྫི།

Athekadivasaṃ khemā devī paccūsakāle supinaṃ addasa. Evarūpo supino ahosi – suvaṇṇavaṇṇo migo āgantvā kañcanapīṭhe nisīditvā suvaṇṇakiṅkiṇikaṃ ākoṭento viya madhurassarena deviyā dhammaṃ deseti, sā sādhukāraṃ datvā dhammaṃ suṇāti. Migo dhammakathāya aniṭṭhitāya eva uṭṭhāya gacchati, sā ‘‘migaṃ gaṇhatha gaṇhathā’’ti vadantīyeva pabujjhi. Paricārikāyo tassā saddaṃ sutvā ‘‘pihitadvāravātapānaṃ gehaṃ vātassapi okāso natthi, ayyā, imāya velāya migaṃ gaṇhāpetī’’ti avahasiṃsu. Sā tasmiṃ khaṇe ‘‘supino aya’’nti ñatvā cintesi ‘‘supinoti vutte rājā anādaro bhavissati, ‘dohaḷo uppanno’ti vutte pana ādarena pariyesissati, suvaṇṇavaṇṇassa migassa dhammakathaṃ suṇissāmī’’ti. Sā gilānālayaṃ katvā nipajji. Rājā āgantvā ‘‘bhadde, kiṃ te aphāsuka’’nti pucchi. ‘‘Deva, aññaṃ natthi, dohaḷo pana me uppanno’’ti. ‘‘Kiṃ icchasi devī’’ti? ‘‘Suvaṇṇavaṇṇassa dhammikamigassa dhammaṃ sotukāmā devā’’ti. ‘‘Bhadde, yaṃ natthi, tattha te dohaḷo uppanno, suvaṇṇavaṇṇo nāma migoyeva natthī’’ti. So ‘‘sace na labhāmi, idheva me maraṇa’’nti rañño piṭṭhiṃ datvā nipajji.

རཱཛཱ ‘‘སཙེ ཨཏྠི, ལབྷིསྶསཱི’’ཏི པརིསམཛ྄ཛྷེ ནིསཱིདིཏྭཱ མོརཛཱཏཀེ (ཛཱ॰ ༡.༢.༡༧ ཨཱདཡོ) ཝུཏྟནཡེནེཝ ཨམཙྩེ ཙ བྲཱཧྨཎེ ཙ པུཙྪིཏྭཱ ‘‘སུཝཎྞཝཎྞཱ མིགཱ ནཱམ ཧོནྟཱི’’ཏི སུཏྭཱ ལུདྡཀེ སནྣིཔཱཏེཏྭཱ ‘‘ཨེཝརཱུཔོ མིགོ ཀེན དིཊྛོ, ཀེན སུཏོ’’ཏི པུཙྪིཏྭཱ ཏེན ནེསཱདཔུཏྟེན པིཏུ སནྟིཀཱ སུཏནིཡཱམེན ཀཐིཏེ ‘‘སམྨ, ཏསྶ ཏེ མིགསྶ ཨཱནཱིཏཀཱལེ མཧནྟཾ སཀྐཱརཾ ཀརིསྶཱམི, གཙྪ ཨཱནེཧི ན’’ནྟི ཝཏྭཱ པརིབྦཡཾ དཏྭཱ ཏཾ པེསེསི། སོཔི ‘‘སཙཱཧཾ, དེཝ, ཏཾ ཨཱནེཏུཾ ན སཀྑིསྶཱམི, ཙམྨམསྶ ཨཱནེསྶཱམི, ཏཾ ཨཱནེཏུཾ ཨསཀྐོནྟོ ལོམཱནིཔིསྶ ཨཱནེསྶཱམི, ཏུམྷེ མཱ ཙིནྟཡིཏྠཱ’’ཏི ཝཏྭཱ ཨཏྟནོ ནིཝེསནཾ གནྟྭཱ པུཏྟདཱརསྶ པརིབྦཡཾ དཏྭཱ ཏཏྠ གནྟྭཱ ཏཾ མིགརཱཛཱནཾ དིསྭཱ ‘‘ཀསྨིཾ ནུ ཁོ ཋཱནེ པཱསཾ ཨོཌྜེཏྭཱ ཨིམཾ མིགརཱཛཱནཾ གཎྷིཏུཾ སཀྑིསྶཱམཱི’’ཏི ཝཱིམཾསནྟོ པཱནཱིཡཏིཏྠེ ཨོཀཱསཾ པསྶི། སོ དལ༹ྷཾ ཙམྨཡོཏྟཾ ཝཊྚེཏྭཱ མཧཱསཏྟསྶ པཱནཱིཡཔིཝནཊྛཱནེ ཡཊྛིཔཱསཾ ཨོཌྜེསི།

Rājā ‘‘sace atthi, labhissasī’’ti parisamajjhe nisīditvā morajātake (jā. 1.2.17 ādayo) vuttanayeneva amacce ca brāhmaṇe ca pucchitvā ‘‘suvaṇṇavaṇṇā migā nāma hontī’’ti sutvā luddake sannipātetvā ‘‘evarūpo migo kena diṭṭho, kena suto’’ti pucchitvā tena nesādaputtena pitu santikā sutaniyāmena kathite ‘‘samma, tassa te migassa ānītakāle mahantaṃ sakkāraṃ karissāmi, gaccha ānehi na’’nti vatvā paribbayaṃ datvā taṃ pesesi. Sopi ‘‘sacāhaṃ, deva, taṃ ānetuṃ na sakkhissāmi, cammamassa ānessāmi, taṃ ānetuṃ asakkonto lomānipissa ānessāmi, tumhe mā cintayitthā’’ti vatvā attano nivesanaṃ gantvā puttadārassa paribbayaṃ datvā tattha gantvā taṃ migarājānaṃ disvā ‘‘kasmiṃ nu kho ṭhāne pāsaṃ oḍḍetvā imaṃ migarājānaṃ gaṇhituṃ sakkhissāmī’’ti vīmaṃsanto pānīyatitthe okāsaṃ passi. So daḷhaṃ cammayottaṃ vaṭṭetvā mahāsattassa pānīyapivanaṭṭhāne yaṭṭhipāsaṃ oḍḍesi.

པུནདིཝསེ མཧཱསཏྟོ ཨསཱིཏིཡཱ མིགསཧསྶེཧི སདྡྷིཾ གོཙརཾ ཙརིཏྭཱ ‘‘པཀཏིཏིཏྠེཡེཝ པཱནཱིཡཾ པིཝིསྶཱམཱི’’ཏི ཏཏྠ གནྟྭཱ ཨོཏརནྟོཡེཝ པཱསེ བཛ྄ཛྷི། སོ ‘‘སཙཱཧཾ ཨིདཱནེཝ བདྡྷརཝཾ རཝིསྶཱམི, ཉཱཏིགཎཱ པཱནཱིཡཾ ཨཔིཝིཏྭཱཝ བྷཱིཏཱ པལཱཡིསྶནྟཱི’’ཏི ཙིནྟེཏྭཱ ཡཊྛིཡཾ ཨལླཱིཡིཏྭཱ ཨཏྟནོ ཝསེ ཝཏྟེཏྭཱ པཱནཱིཡཾ པིཝནྟོ ཝིཡ ཨཧོསི། ཨཐ ཨསཱིཏིཡཱ མིགསཧསྶཱནཾ པཱནཱིཡཾ པིཝིཏྭཱ ཨུཏྟརིཏྭཱ ཋིཏཀཱལེ ‘‘པཱསཾ ཚིནྡིསྶཱམཱི’’ཏི ཏིཀྑཏྟུཾ ཨཱཀཌྜྷི། པཋམཝཱརེ ཙམྨཾ ཚིཛྫི, དུཏིཡཝཱརེ མཾསཾ ཚིཛྫི, ཏཏིཡཝཱརེ ནྷཱརུཾ ཚིནྡིཏྭཱ པཱསོ ཨཊྛིཾ ཨཱཧཙྩ ཨཊྛཱསི། སོ ཚིནྡིཏུཾ ཨསཀྐོནྟོ བདྡྷརཝཾ རཝི, མིགགཎཱ བྷཱཡིཏྭཱ ཏཱིཧི གྷཊཱཧི པལཱཡིཾསུ། ཙིཏྟམིགོ ཏིཎྞམྤི གྷཊཱནཾ ཨནྟརེ མཧཱསཏྟཾ ཨདིསྭཱ ‘‘ཨིདཾ བྷཡཾ ཨུཔྤཛྫམཱནཾ མམ བྷཱཏུ ཨུཔྤནྣཾ བྷཝིསྶཏཱི’’ཏི ཙིནྟེཏྭཱ ཏསྶ སནྟིཀཾ གནྟྭཱ བདྡྷཾ པསྶི། ཨཐ ནཾ མཧཱསཏྟོ དིསྭཱ ‘‘བྷཱཏིཀ, མཱ ཨིདྷ ཏིཊྛ, སཱསངྐཾ ཨིདཾ ཋཱན’’ནྟི ཝཏྭཱ ཨུཡྻོཛེནྟོ པཋམཾ གཱཐམཱཧ –

Punadivase mahāsatto asītiyā migasahassehi saddhiṃ gocaraṃ caritvā ‘‘pakatitittheyeva pānīyaṃ pivissāmī’’ti tattha gantvā otarantoyeva pāse bajjhi. So ‘‘sacāhaṃ idāneva baddharavaṃ ravissāmi, ñātigaṇā pānīyaṃ apivitvāva bhītā palāyissantī’’ti cintetvā yaṭṭhiyaṃ allīyitvā attano vase vattetvā pānīyaṃ pivanto viya ahosi. Atha asītiyā migasahassānaṃ pānīyaṃ pivitvā uttaritvā ṭhitakāle ‘‘pāsaṃ chindissāmī’’ti tikkhattuṃ ākaḍḍhi. Paṭhamavāre cammaṃ chijji, dutiyavāre maṃsaṃ chijji, tatiyavāre nhāruṃ chinditvā pāso aṭṭhiṃ āhacca aṭṭhāsi. So chindituṃ asakkonto baddharavaṃ ravi, migagaṇā bhāyitvā tīhi ghaṭāhi palāyiṃsu. Cittamigo tiṇṇampi ghaṭānaṃ antare mahāsattaṃ adisvā ‘‘idaṃ bhayaṃ uppajjamānaṃ mama bhātu uppannaṃ bhavissatī’’ti cintetvā tassa santikaṃ gantvā baddhaṃ passi. Atha naṃ mahāsatto disvā ‘‘bhātika, mā idha tiṭṭha, sāsaṅkaṃ idaṃ ṭhāna’’nti vatvā uyyojento paṭhamaṃ gāthamāha –

༡༠༤.

104.

‘‘ཨེཏེ ཡཱུཐཱ པཏིཡནྟི, བྷཱིཏཱ མརཎསྶ ཙིཏྟཀ།

‘‘Ete yūthā patiyanti, bhītā maraṇassa cittaka;

གཙྪ ཏུཝམྤི མཱཀངྑི, ཛཱིཝིསྶནྟི ཏཡཱ སཧཱ’’ཏི༎

Gaccha tuvampi mākaṅkhi, jīvissanti tayā sahā’’ti.

ཏཏྠ ཨེཏེཏི ཙཀྑུཔཐཾ ཨཏིཀྐམིཏྭཱ དཱུརགཏེ སནྡྷཱཡཱཧ། པཏིཡནྟཱིཏི པཏིགཙྪནྟི, པལཱཡནྟཱིཏི ཨཏྠོ། ཙིཏྟཀཱཏི ཏཾ ཨཱལཔཏི། ཏཡཱ སཧཱཏི ཏྭཾ ཨེཏེསཾ མམ ཋཱནེ ཋཏྭཱ རཱཛཱ ཧོཧི, ཨེཏེ ཏཡཱ སདྡྷིཾ ཛཱིཝིསྶནྟཱིཏི།

Tattha eteti cakkhupathaṃ atikkamitvā dūragate sandhāyāha. Patiyantīti patigacchanti, palāyantīti attho. Cittakāti taṃ ālapati. Tayā sahāti tvaṃ etesaṃ mama ṭhāne ṭhatvā rājā hohi, ete tayā saddhiṃ jīvissantīti.

ཏཏོ ཨུབྷིནྣམྤི ཏིསྶོ ཨེཀནྟརིཀགཱཐཱཡོ ཧོནྟི –

Tato ubhinnampi tisso ekantarikagāthāyo honti –

༡༠༥.

105.

‘‘ནཱཧཾ རོཧཎ གཙྪཱམི, ཧདཡཾ མེ ཨཝཀསྶཏི།

‘‘Nāhaṃ rohaṇa gacchāmi, hadayaṃ me avakassati;

ན ཏཾ ཨཧཾ ཛཧིསྶཱམི, ཨིདྷ ཧིསྶཱམི ཛཱིཝིཏཾ༎

Na taṃ ahaṃ jahissāmi, idha hissāmi jīvitaṃ.

༡༠༦.

106.

‘‘ཏེ ཧི ནཱུན མརིསྶནྟི, ཨནྡྷཱ ཨཔརིཎཱཡཀཱ།

‘‘Te hi nūna marissanti, andhā apariṇāyakā;

གཙྪ ཏུཝམྤི མཱཀངྑི, ཛཱིཝིསྶནྟི ཏཡཱ སཧ༎

Gaccha tuvampi mākaṅkhi, jīvissanti tayā saha.

༡༠༧.

107.

‘‘ནཱཧཾ རོཧཎ གཙྪཱམི, ཧདཡཾ མེ ཨཝཀསྶཏི།

‘‘Nāhaṃ rohaṇa gacchāmi, hadayaṃ me avakassati;

ན ཏཾ བདྡྷཾ ཛཧིསྶཱམི, ཨིདྷ ཧིསྶཱམི ཛཱིཝིཏ’’ནྟི༎

Na taṃ baddhaṃ jahissāmi, idha hissāmi jīvita’’nti.

ཏཏྠ རོཧཎཱཏི མཧཱསཏྟཾ ནཱམེནཱལཔཏི། ཨཝཀསྶཏཱིཏི ཀཌྜྷཡཏི, སོཀེན ཝཱ ཀཌྜྷཱིཡཏི ། ཏེ ཧི ནཱུནཱཏི ཏེ ཨམྷཱཀཾ མཱཏཱཔིཏརོ ཨེཀཾསེནེཝ དྭཱིསུཔི ཨམྷེསུ ཨིདྷ མཏེསུ ཨཔརིཎཱཡཀཱ ཧུཏྭཱ ཨཔྤཊིཛགྒིཡམཱནཱ སུསྶིཏྭཱ མརིསྶནྟི, ཏསྨཱ བྷཱཏིཀ ཙིཏྟཀ, གཙྪ ཏུཝཾ, ཏཡཱ སཧ ཏེ ཛཱིཝིསྶནྟཱིཏི ཨཏྠོ། ཨིདྷ ཧིསྶཱམཱིཏི ཨིམསྨིཾཡེཝ ཋཱནེ ཛཱིཝིཏཾ ཛཧིསྶཱམཱིཏི།

Tattha rohaṇāti mahāsattaṃ nāmenālapati. Avakassatīti kaḍḍhayati, sokena vā kaḍḍhīyati . Te hi nūnāti te amhākaṃ mātāpitaro ekaṃseneva dvīsupi amhesu idha matesu apariṇāyakā hutvā appaṭijaggiyamānā sussitvā marissanti, tasmā bhātika cittaka, gaccha tuvaṃ, tayā saha te jīvissantīti attho. Idha hissāmīti imasmiṃyeva ṭhāne jīvitaṃ jahissāmīti.

ཨིཏི ཝཏྭཱ བོདྷིསཏྟསྶ དཀྑིཎཔསྶཾ ནིསྶཱཡ ཏཾ སནྡྷཱརེཏྭཱ ཨསྶཱསེནྟོ ཨཊྛཱསི། སུཏནཱཔི མིགཔོཏིཀཱ པལཱཡིཏྭཱ མིགཱནཾ ཨནྟརེ ཨུབྷོ བྷཱཏིཀེ ཨཔསྶནྟཱི ‘‘ཨིདཾ བྷཡཾ མམ བྷཱཏིཀཱནཾ ཨུཔྤནྣཾ བྷཝིསྶཏཱི’’ཏི ནིཝཏྟིཏྭཱ ཏེསཾ སནྟིཀཾ ཨཱགཏཱ། ནཾ ཨཱགཙྪནྟིཾ དིསྭཱ མཧཱསཏྟོ པཉྩམཾ གཱཐམཱཧ –

Iti vatvā bodhisattassa dakkhiṇapassaṃ nissāya taṃ sandhāretvā assāsento aṭṭhāsi. Sutanāpi migapotikā palāyitvā migānaṃ antare ubho bhātike apassantī ‘‘idaṃ bhayaṃ mama bhātikānaṃ uppannaṃ bhavissatī’’ti nivattitvā tesaṃ santikaṃ āgatā. Naṃ āgacchantiṃ disvā mahāsatto pañcamaṃ gāthamāha –

༡༠༨.

108.

‘‘གཙྪ བྷཱིརུ པལཱཡསྶུ, ཀཱུཊེ བདྡྷོསྨི ཨཱཡསེ།

‘‘Gaccha bhīru palāyassu, kūṭe baddhosmi āyase;

གཙྪ ཏུཝམྤི མཱཀངྑི, ཛཱིཝིསྶནྟི ཏཡཱ སཧཱ’’ཏི༎

Gaccha tuvampi mākaṅkhi, jīvissanti tayā sahā’’ti.

ཏཏྠ བྷཱིརཱུཏི མཱཏུགཱམོ ནཱམ ཨཔྤམཏྟཀེནཔི བྷཱཡཏི, ཏེན ནཾ ཨེཝཾ ཨཱལཔཏི། ཀཱུཊེཏི པཊིཙྪནྣཔཱསེ། ཨཱཡསེཏི སོ ཧི ཨནྟོཨུདཀེ ཨཡཀྑནྡྷཾ ཀོཊྚེཏྭཱ ཏཏྠ སཱརདཱརུཾ ཡཊྛིཾ བནྡྷིཏྭཱ ཨོཌྜིཏོ, ཏསྨཱ ཨེཝམཱཧ། ཏཡཱ སཧཱཏི ཏེ ཨསཱིཏིསཧསྶཱ མིགཱ ཏཡཱ སདྡྷིཾ ཛཱིཝིསྶནྟཱིཏི།

Tattha bhīrūti mātugāmo nāma appamattakenapi bhāyati, tena naṃ evaṃ ālapati. Kūṭeti paṭicchannapāse. Āyaseti so hi antoudake ayakkhandhaṃ koṭṭetvā tattha sāradāruṃ yaṭṭhiṃ bandhitvā oḍḍito, tasmā evamāha. Tayā sahāti te asītisahassā migā tayā saddhiṃ jīvissantīti.

ཏཏོ པརཾ པུརིམནཡེནེཝ ཏིསྶོ གཱཐཱ ཧོནྟི –

Tato paraṃ purimanayeneva tisso gāthā honti –

༡༠༩.

109.

‘‘ནཱཧཾ རོཧཎ གཙྪཱམི, ཧདཡཾ མེ ཨཝཀསྶཏི།

‘‘Nāhaṃ rohaṇa gacchāmi, hadayaṃ me avakassati;

ན ཏཾ ཨཧཾ ཛཧིསྶཱམི, ཨིདྷ ཧིསྶཱམི ཛཱིཝིཏཾ༎

Na taṃ ahaṃ jahissāmi, idha hissāmi jīvitaṃ.

༡༡༠.

110.

‘‘ཏེ ཧི ནཱུན མརིསྶནྟི, ཨནྡྷཱ ཨཔརིཎཱཡཀཱ།

‘‘Te hi nūna marissanti, andhā apariṇāyakā;

གཙྪ ཏུཝམྤི མཱཀངྑི, ཛཱིཝིསྶནྟི ཏཡཱ སཧ༎

Gaccha tuvampi mākaṅkhi, jīvissanti tayā saha.

༡༡༡.

111.

‘‘ནཱཧཾ རོཧཎ གཙྪཱམི, ཧདཡཾ མེ ཨཝཀསྶཏི།

‘‘Nāhaṃ rohaṇa gacchāmi, hadayaṃ me avakassati;

ན ཏཾ བདྡྷཾ ཛཧིསྶཱམི, ཨིདྷ ཧིསྶཱམི ཛཱིཝིཏ’’ནྟི༎

Na taṃ baddhaṃ jahissāmi, idha hissāmi jīvita’’nti.

ཏཏྠ ཏེ ཧི ནཱུནཱཏི ཨིདྷཱཔི མཱཏཱཔིཏརོཡེཝ སནྡྷཱཡཱཧ།

Tattha te hi nūnāti idhāpi mātāpitaroyeva sandhāyāha.

སཱཔི ཏཐེཝ པཊིཀྑིཔིཏྭཱ མཧཱསཏྟསྶ ཝཱམཔསྶཾ ནིསྶཱཡ ཨསྶཱསཡམཱནཱ ཨཊྛཱསི། ལུདྡོཔི ཏེ མིགེ པལཱཡནྟེ དིསྭཱ བདྡྷརཝཉྩ སུཏྭཱ ‘‘བདྡྷོ བྷཝིསྶཏི མིགརཱཛཱ’’ཏི དལ༹ྷཾ ཀཙྪཾ བནྡྷིཏྭཱ མིགམཱརཎསཏྟིཾ ཨཱདཱཡ ཝེགེནཱགཙྪི། མཧཱསཏྟོ ཏཾ ཨཱགཙྪནྟཾ དིསྭཱ ནཝམཾ གཱཐམཱཧ –

Sāpi tatheva paṭikkhipitvā mahāsattassa vāmapassaṃ nissāya assāsayamānā aṭṭhāsi. Luddopi te mige palāyante disvā baddharavañca sutvā ‘‘baddho bhavissati migarājā’’ti daḷhaṃ kacchaṃ bandhitvā migamāraṇasattiṃ ādāya vegenāgacchi. Mahāsatto taṃ āgacchantaṃ disvā navamaṃ gāthamāha –

༡༡༢.

112.

‘‘ཨཡཾ སོ ལུདྡཀོ ཨེཏི, ལུདྡརཱུཔོ སཧཱཝུདྷོ།

‘‘Ayaṃ so luddako eti, luddarūpo sahāvudho;

ཡོ ནོ ཝདྷིསྶཏི ཨཛྫ, ཨུསུནཱ སཏྟིཡཱ ཨཔཱི’’ཏི༎

Yo no vadhissati ajja, usunā sattiyā apī’’ti.

ཏཏྠ ལུདྡརཱུཔོཏི དཱརུཎཛཱཏིཀོ། སཏྟིཡཱ ཨཔཱིཏི སཏྟིཡཱཔི ནོ པཧརིཏྭཱ ཝདྷིསྶཏི, ཏསྨཱ ཡཱཝ སོ ནཱགཙྪཏི, ཏཱཝ པལཱཡཐཱཏི།

Tattha luddarūpoti dāruṇajātiko. Sattiyā apīti sattiyāpi no paharitvā vadhissati, tasmā yāva so nāgacchati, tāva palāyathāti.

ཏཾ དིསྭཱཔི ཙིཏྟམིགོ ན པལཱཡི། སུཏནཱ པན སཀབྷཱཝེན སཎྛཱཏུཾ ཨསཀྐོནྟཱི མརཎབྷཡབྷཱིཏཱ ཐོཀཾ པལཱཡིཏྭཱ – ‘‘ཨཧཾ དྭེ བྷཱཏིཀེ པཧཱཡ ཀུཧིཾ པལཱཡིསྶཱམཱི’’ཏི ཨཏྟནོ ཛཱིཝིཏཾ ཛཧིཏྭཱ ནལཱཊེན མཙྩུཾ ཨཱདཱཡ པུནཱགནྟྭཱ བྷཱཏུ ཝཱམཔསྶེ ཨཊྛཱསི། ཏམཏྠཾ པཀཱསེནྟོ སཏྠཱ དསམཾ གཱཐམཱཧ –

Taṃ disvāpi cittamigo na palāyi. Sutanā pana sakabhāvena saṇṭhātuṃ asakkontī maraṇabhayabhītā thokaṃ palāyitvā – ‘‘ahaṃ dve bhātike pahāya kuhiṃ palāyissāmī’’ti attano jīvitaṃ jahitvā nalāṭena maccuṃ ādāya punāgantvā bhātu vāmapasse aṭṭhāsi. Tamatthaṃ pakāsento satthā dasamaṃ gāthamāha –

༡༡༣.

113.

‘‘སཱ མུཧུཏྟཾ པལཱཡིཏྭཱ, བྷཡཊྚཱ བྷཡཏཛྫིཏཱ།

‘‘Sā muhuttaṃ palāyitvā, bhayaṭṭā bhayatajjitā;

སུདུཀྐརཾ ཨཀརཱ བྷཱིརུ, མརཎཱཡཱུཔནིཝཏྟཐཱ’’ཏི༎

Sudukkaraṃ akarā bhīru, maraṇāyūpanivattathā’’ti.

ཏཏྠ མརཎཱཡཱུཔནིཝཏྟཐཱཏི མརཎཏྠཱཡ ཨུཔནིཝཏྟི།

Tattha maraṇāyūpanivattathāti maraṇatthāya upanivatti.

ལུདྡོཔི ཨཱགནྟྭཱ ཏེ ཏཡོ ཛནེ ཨེཀཏོ ཋིཏེ དིསྭཱ མེཏྟཙིཏྟཾ ཨུཔྤཱདེཏྭཱ ཨེཀཀུཙྪིཡཾ ནིབྦཏྟབྷཱཏརོ ཝིཡ ཏེ མཉྙམཱནོ ཙིནྟེསི ‘‘མིགརཱཛཱ, ཏཱཝ པཱསེ བདྡྷོ, ཨིམེ པན དྭེ ཛནཱ ཧིརོཏྟཔྤབནྡྷནེན བདྡྷཱ, ཀིཾ ནུ ཁོ ཨིམེ ཨེཏསྶ ཧོནྟཱི’’ཏི? ཨཐ ནཾ པུཙྪནྟོ གཱཐམཱཧ –

Luddopi āgantvā te tayo jane ekato ṭhite disvā mettacittaṃ uppādetvā ekakucchiyaṃ nibbattabhātaro viya te maññamāno cintesi ‘‘migarājā, tāva pāse baddho, ime pana dve janā hirottappabandhanena baddhā, kiṃ nu kho ime etassa hontī’’ti? Atha naṃ pucchanto gāthamāha –

༡༡༤.

114.

‘‘ཀིཾ ནུ ཏེམེ མིགཱ ཧོནྟི, མུཏྟཱ བདྡྷཾ ཨུཔཱསརེ།

‘‘Kiṃ nu teme migā honti, muttā baddhaṃ upāsare;

ན ཏཾ ཙཛིཏུམིཙྪནྟི, ཛཱིཝིཏསྶཔི ཀཱརཎཱ’’ཏི༎

Na taṃ cajitumicchanti, jīvitassapi kāraṇā’’ti.

ཏཏྠ ཀིཾ ནུ ཏེམེཏི ཀིཾ ནུ ཏེ ཨིམེ། ཨུཔཱསརེཏི ཨུཔཱསནྟི།

Tattha kiṃ nu temeti kiṃ nu te ime. Upāsareti upāsanti.

ཨཐསྶ བོདྷིསཏྟོ ཨཱཙིཀྑི –

Athassa bodhisatto ācikkhi –

༡༡༥.

115.

‘‘བྷཱཏརོ ཧོནྟི མེ ལུདྡ, སོདརིཡཱ ཨེཀམཱཏུཀཱ།

‘‘Bhātaro honti me ludda, sodariyā ekamātukā;

ན མཾ ཙཛིཏུམིཙྪནྟི, ཛཱིཝིཏསྶཔི ཀཱརཎཱ’’ཏི༎

Na maṃ cajitumicchanti, jīvitassapi kāraṇā’’ti.

སོ ཏསྶ ཝཙནཾ སུཏྭཱ བྷིཡྻོསོམཏྟཱཡ མུདུཙིཏྟོ ཨཧོསི། ཙིཏྟམིགརཱཛཱ ཏསྶ མུདུཙིཏྟབྷཱཝཾ ཉཏྭཱ ‘‘སམྨ ལུདྡཀ, མཱ ཏྭཾ ཨེཏཾ མིགརཱཛཱནཾ ‘མིགམཏྟོཡེཝཱ’ཏི མཉྙིཏྠ, ཨཡཉྷི ཨསཱིཏིཡཱ མིགསཧསྶཱནཾ རཱཛཱ སཱིལཱཙཱརསམྤནྣོ སབྦསཏྟེསུ མུདུཙིཏྟོ མཧཱཔཉྙོ ཨནྡྷེ ཛིཎྞེ མཱཏཱཔིཏརོ པོསེཏི། སཙེ ཏྭཾ ཨེཝརཱུཔཾ དྷམྨིཀཾ མིགཾ མཱརེསི, ཨེཏཾ མཱརེནྟོ མཱཏཱཔིཏརོ ཙ ནོ མཉྩ བྷགིནིཉྩ མེཏི ཨམྷེ པཉྩཔི ཛནེ མཱརེསིཡེཝ། མཡ྄ཧཾ པན བྷཱཏུ ཛཱིཝིཏཾ དེནྟོ པཉྩནྣམྤི ཛནཱནཾ ཛཱིཝིཏདཱཡཀོསཱི’’ཏི ཝཏྭཱ གཱཐམཱཧ –

So tassa vacanaṃ sutvā bhiyyosomattāya muducitto ahosi. Cittamigarājā tassa muducittabhāvaṃ ñatvā ‘‘samma luddaka, mā tvaṃ etaṃ migarājānaṃ ‘migamattoyevā’ti maññittha, ayañhi asītiyā migasahassānaṃ rājā sīlācārasampanno sabbasattesu muducitto mahāpañño andhe jiṇṇe mātāpitaro poseti. Sace tvaṃ evarūpaṃ dhammikaṃ migaṃ māresi, etaṃ mārento mātāpitaro ca no mañca bhaginiñca meti amhe pañcapi jane māresiyeva. Mayhaṃ pana bhātu jīvitaṃ dento pañcannampi janānaṃ jīvitadāyakosī’’ti vatvā gāthamāha –

༡༡༦.

116.

‘‘ཏེ ཧི ནཱུན མརིསྶནྟི, ཨནྡྷཱ ཨཔརིཎཱཡཀཱ།

‘‘Te hi nūna marissanti, andhā apariṇāyakā;

པཉྩནྣཾ ཛཱིཝིཏཾ དེཧི, བྷཱཏརཾ མུཉྩ ལུདྡཀཱ’’ཏི༎

Pañcannaṃ jīvitaṃ dehi, bhātaraṃ muñca luddakā’’ti.

སོ ཏསྶ དྷམྨཀཐཾ སུཏྭཱ པསནྣཙིཏྟོ ‘‘མཱ བྷཱཡི སཱམཱི’’ཏི ཝཏྭཱ ཨནནྟརཾ གཱཐམཱཧ –

So tassa dhammakathaṃ sutvā pasannacitto ‘‘mā bhāyi sāmī’’ti vatvā anantaraṃ gāthamāha –

༡༡༧.

117.

‘‘སོ ཝོ ཨཧཾ པམོཀྑཱམི, མཱཏཱཔེཏྟིབྷརཾ མིགཾ།

‘‘So vo ahaṃ pamokkhāmi, mātāpettibharaṃ migaṃ;

ནནྡནྟུ མཱཏཱཔིཏརོ, མུཏྟཾ དིསྭཱ མཧཱམིག’’ནྟི༎

Nandantu mātāpitaro, muttaṃ disvā mahāmiga’’nti.

ཏཏྠ ཝོཏི ནིཔཱཏམཏྟཾ། མུཏྟནྟི བནྡྷནཱ མུཏྟཾ པསྶིཏྭཱ།

Tattha voti nipātamattaṃ. Muttanti bandhanā muttaṃ passitvā.

ཨེཝཉྩ པན ཝཏྭཱ ཙིནྟེསི ‘‘རཉྙཱ དིནྣཡསོ མཡ྄ཧཾ ཀིཾ ཀརིསྶཏི, སཙཱཧཾ ཨིམཾ མིགརཱཛཱནཾ ཝདྷིསྶཱམི, ཨཡཾ ཝཱ མེ པཐཝཱི བྷིཛྫིཏྭཱ ཝིཝརཾ དསྶཏི, ཨསནི ཝཱ མེ མཏྠཀེ པཏིསྶཏི, ཝིསྶཛྫེསྶཱམི ན’’ནྟི། སོ མཧཱསཏྟཾ ཨུཔསངྐམིཏྭཱ ཡཊྛིཾ པཱཏེཏྭཱ ཙམྨཡོཏྟཾ ཚིནྡིཏྭཱ མིགརཱཛཱནཾ ཨཱལིངྒིཏྭཱ ཨུདཀཔརིཡནྟེ ནིཔཛྫཱཔེཏྭཱ མུདུཙིཏྟེན སཎིཀཾ པཱསཱ མོཙེཏྭཱ ནྷཱརཱུཧི ནྷཱརུཾ, མཾསེན མཾསཾ, ཙམྨེན ཙམྨཾ སམོདྷཱནེཏྭཱ ཨུདཀེན ལོཧིཏཾ དྷོཝིཏྭཱ མེཏྟཙིཏྟེན པུནཔྤུནཾ པརིམཛྫི། ཏསྶ མེཏྟཱནུབྷཱཝེནེཝ མཧཱསཏྟསྶ པཱརམིཏཱནུབྷཱཝེན ཙ སབྦཱནི ནྷཱརུམཾསཙམྨཱནི སནྡྷཱིཡིཾསུ, པཱདོ སཉྪནྣཚཝི སཉྪནྣལོམོ ཨཧོསི, ཨསུཀཊྛཱནེ བདྡྷོ ཨཧོསཱིཏིཔི ན པཉྙཱཡི། མཧཱསཏྟོ སུཁཔྤཏྟོ ཧུཏྭཱ ཨཊྛཱསི། ཏཾ དིསྭཱ ཙིཏྟམིགོ སོམནསྶཛཱཏོ ལུདྡསྶ ཨནུམོདནཾ ཀརོནྟོ གཱཐམཱཧ –

Evañca pana vatvā cintesi ‘‘raññā dinnayaso mayhaṃ kiṃ karissati, sacāhaṃ imaṃ migarājānaṃ vadhissāmi, ayaṃ vā me pathavī bhijjitvā vivaraṃ dassati, asani vā me matthake patissati, vissajjessāmi na’’nti. So mahāsattaṃ upasaṅkamitvā yaṭṭhiṃ pātetvā cammayottaṃ chinditvā migarājānaṃ āliṅgitvā udakapariyante nipajjāpetvā muducittena saṇikaṃ pāsā mocetvā nhārūhi nhāruṃ, maṃsena maṃsaṃ, cammena cammaṃ samodhānetvā udakena lohitaṃ dhovitvā mettacittena punappunaṃ parimajji. Tassa mettānubhāveneva mahāsattassa pāramitānubhāvena ca sabbāni nhārumaṃsacammāni sandhīyiṃsu, pādo sañchannachavi sañchannalomo ahosi, asukaṭṭhāne baddho ahosītipi na paññāyi. Mahāsatto sukhappatto hutvā aṭṭhāsi. Taṃ disvā cittamigo somanassajāto luddassa anumodanaṃ karonto gāthamāha –

༡༡༨.

118.

‘‘ཨེཝཾ ལུདྡཀ ནནྡསྶུ, སཧ སབྦེཧི ཉཱཏིབྷི།

‘‘Evaṃ luddaka nandassu, saha sabbehi ñātibhi;

ཡཐཱཧམཛྫ ནནྡཱམི, མུཏྟཾ དིསྭཱ མཧཱམིག’’ནྟི༎

Yathāhamajja nandāmi, muttaṃ disvā mahāmiga’’nti.

ཨཐ མཧཱསཏྟོ ‘‘ཀིཾ ནུ ཁོ ཨེས ལུདྡོ མཾ གཎྷནྟོ ཨཏྟནོ ཀཱམེན གཎྷི, ཨུདཱཧུ ཨཉྙསྶ ཨཱཎཏྟིཡཱ’’ཏི ཙིནྟེཏྭཱ གཧིཏཀཱརཎཾ པུཙྪི། ལུདྡཔུཏྟོ ཨཱཧ – ‘‘སཱམི, ན མཡ྄ཧཾ ཏུམྷེཧི ཀམྨཾ ཨཏྠི, རཉྙོ པན ཨགྒམཧེསཱི ཁེམཱ ནཱམ ཏུམྷཱཀཾ དྷམྨཀཐཾ སོཏུཀཱམཱ, ཏདཏྠཱཡ རཉྙོ ཨཱཎཏྟིཡཱ ཏྭཾ མཡཱ གཧིཏོ’’ཏི། སམྨ, ཨེཝཾ སནྟེ མཾ ཝིསྶཛྫེནྟོ ཨཏིདུཀྐརཾ ཀརོསི, ཨེཧི མཾ ནེཏྭཱ རཉྙོ དསྶེཧི, དེཝིཡཱ དྷམྨཾ ཀཐེསྶཱམཱིཏི། སཱམི, རཱཛཱནོ ནཱམ ཀཀྑལཱ༹, ཀོ ཛཱནཱཏི, ཀིཾ བྷཝིསྶཏི, མཡ྄ཧཾ རཉྙཱ དིནྣཡསེན ཀམྨཾ ནཏྠི, གཙྪ ཏྭཾ ཡཐཱསུཁནྟི། པུན མཧཱསཏྟོ ‘‘ཨིམིནཱ མཾ ཝིསྶཛྫེནྟེན ཨཏིདུཀྐརཾ ཀཏཾ, ཡསཔཊིལཱབྷསྶ ཨུཔཱཡམསྶ ཀརིསྶཱམཱི’’ཏི ཙིནྟེཏྭཱ ‘‘སམྨ, པིཊྛིཾ ཏཱཝ མེ ཧཏྠེན པརིམཛྫཱ’’ཏི ཨཱཧ། ‘‘སོ པརིམཛྫི, ཧཏྠོ སུཝཎྞཝཎྞེཧི ལོམེཧི པཱུརི’’། ‘‘སཱམི, ཨིམེཧི ལོམེཧི ཀིཾ ཀཱརོམཱི’’ཏི། ‘‘སམྨ, ཨིམཱནི ཧརིཏྭཱ རཉྙོ ཙ དེཝིཡཱ ཙ དསྶེཏྭཱ ‘ཨིམཱནི ཏསྶ སུཝཎྞཝཎྞམིགསྶ ལོམཱནཱི’ཏི ཝཏྭཱ མམ ཋཱནེ ཋཏྭཱ ཨིམཱཧི གཱཐཱཧི དེཝིཡཱ དྷམྨཾ དེསེཧི, ཏཾ སུཏྭཱཡེཝ ཙསྶཱ དོཧལོ༹ པཊིཔྤསྶམྦྷིསྶཏཱི’’ཏི ། ‘‘དྷམྨཾ ཙར མཧཱརཱཛཱ’’ཏི དས དྷམྨཙརིཡགཱཐཱ ཨུགྒཎྷཱཔེཏྭཱ པཉྩ སཱིལཱནི དཏྭཱ ཨཔྤམཱདེན ཨོཝདིཏྭཱ ཨུཡྻོཛེསི། ལུདྡཔུཏྟོ མཧཱསཏྟཾ ཨཱཙརིཡཊྛཱནེ ཋཔེཏྭཱ ཏིཀྑཏྟུཾ པདཀྑིཎཾ ཀཏྭཱ ཙཏཱུསུ ཋཱནེསུ ཝནྡིཏྭཱ ལོམཱནི པདུམིནིཔཏྟེན གཧེཏྭཱ པཀྐཱམི། ཏེཔི ཏཡོ ཛནཱ ཐོཀཾ ཨནུགནྟྭཱ མུཁེན གོཙརཉྩ པཱནཱིཡཉྩ གཧེཏྭཱ མཱཏཱཔིཏཱུནཾ སནྟིཀཾ གམིཾསུ། མཱཏཱཔིཏརོ ‘‘ཏཱཏ རོཧཎ, ཏྭཾ ཀིར པཱསེ བདྡྷོ ཀཐཾ མུཏྟོསཱི’’ཏི པུཙྪནྟཱ གཱཐམཱཧཾསུ –

Atha mahāsatto ‘‘kiṃ nu kho esa luddo maṃ gaṇhanto attano kāmena gaṇhi, udāhu aññassa āṇattiyā’’ti cintetvā gahitakāraṇaṃ pucchi. Luddaputto āha – ‘‘sāmi, na mayhaṃ tumhehi kammaṃ atthi, rañño pana aggamahesī khemā nāma tumhākaṃ dhammakathaṃ sotukāmā, tadatthāya rañño āṇattiyā tvaṃ mayā gahito’’ti. Samma, evaṃ sante maṃ vissajjento atidukkaraṃ karosi, ehi maṃ netvā rañño dassehi, deviyā dhammaṃ kathessāmīti. Sāmi, rājāno nāma kakkhaḷā, ko jānāti, kiṃ bhavissati, mayhaṃ raññā dinnayasena kammaṃ natthi, gaccha tvaṃ yathāsukhanti. Puna mahāsatto ‘‘iminā maṃ vissajjentena atidukkaraṃ kataṃ, yasapaṭilābhassa upāyamassa karissāmī’’ti cintetvā ‘‘samma, piṭṭhiṃ tāva me hatthena parimajjā’’ti āha. ‘‘So parimajji, hattho suvaṇṇavaṇṇehi lomehi pūri’’. ‘‘Sāmi, imehi lomehi kiṃ kāromī’’ti. ‘‘Samma, imāni haritvā rañño ca deviyā ca dassetvā ‘imāni tassa suvaṇṇavaṇṇamigassa lomānī’ti vatvā mama ṭhāne ṭhatvā imāhi gāthāhi deviyā dhammaṃ desehi, taṃ sutvāyeva cassā dohaḷo paṭippassambhissatī’’ti . ‘‘Dhammaṃ cara mahārājā’’ti dasa dhammacariyagāthā uggaṇhāpetvā pañca sīlāni datvā appamādena ovaditvā uyyojesi. Luddaputto mahāsattaṃ ācariyaṭṭhāne ṭhapetvā tikkhattuṃ padakkhiṇaṃ katvā catūsu ṭhānesu vanditvā lomāni paduminipattena gahetvā pakkāmi. Tepi tayo janā thokaṃ anugantvā mukhena gocarañca pānīyañca gahetvā mātāpitūnaṃ santikaṃ gamiṃsu. Mātāpitaro ‘‘tāta rohaṇa, tvaṃ kira pāse baddho kathaṃ muttosī’’ti pucchantā gāthamāhaṃsu –

༡༡༩.

119.

‘‘ཀཐཾ ཏྭཾ པམོཀྑོ ཨཱསི, ཨུཔནཱིཏསྨི ཛཱིཝིཏེ།

‘‘Kathaṃ tvaṃ pamokkho āsi, upanītasmi jīvite;

ཀཐཾ པུཏྟ ཨམོཙེསི, ཀཱུཊཔཱསམྷ ལུདྡཀོ’’ཏི༎

Kathaṃ putta amocesi, kūṭapāsamha luddako’’ti.

ཏཏྠ ཨུཔནཱིཏསྨཱིཏི ཏཝ ཛཱིཝིཏེ མརཎསནྟིཀཾ ཨུཔནཱིཏེ ཀཐཾ པམོཀྑོ ཨཱསི།

Tattha upanītasmīti tava jīvite maraṇasantikaṃ upanīte kathaṃ pamokkho āsi.

ཏཾ སུཏྭཱ བོདྷིསཏྟོ ཏིསྶོ གཱཐཱ ཨབྷཱསི –

Taṃ sutvā bodhisatto tisso gāthā abhāsi –

༡༢༠.

120.

‘‘བྷཎཾ ཀཎྞསུཁཾ ཝཱཙཾ, ཧདཡངྒཾ ཧདཡསྶིཏཾ།

‘‘Bhaṇaṃ kaṇṇasukhaṃ vācaṃ, hadayaṅgaṃ hadayassitaṃ;

སུབྷཱསིཏཱཧི ཝཱཙཱཧི, ཙིཏྟཀོ མཾ ཨམོཙཡི༎

Subhāsitāhi vācāhi, cittako maṃ amocayi.

༡༢༡.

121.

‘‘བྷཎཾ ཀཎྞསུཁཾ ཝཱཙཾ, ཧདཡངྒཾ ཧདཡསྶིཏཾ།

‘‘Bhaṇaṃ kaṇṇasukhaṃ vācaṃ, hadayaṅgaṃ hadayassitaṃ;

སུབྷཱསིཏཱཧི ཝཱཙཱཧི, སུཏནཱ མཾ ཨམོཙཡི༎

Subhāsitāhi vācāhi, sutanā maṃ amocayi.

༡༢༢.

122.

‘‘སུཏྭཱ ཀཎྞསུཁཾ ཝཱཙཾ, ཧདཡངྒཾ ཧདཡསྶིཏཾ།

‘‘Sutvā kaṇṇasukhaṃ vācaṃ, hadayaṅgaṃ hadayassitaṃ;

སུབྷཱསིཏཱནི སུཏྭཱན, ལུདྡཀོ མཾ ཨམོཙཡཱི’’ཏི༎

Subhāsitāni sutvāna, luddako maṃ amocayī’’ti.

ཏཏྠ བྷཎནྟི བྷཎནྟོ། ཧདཡངྒནྟི ཧདཡངྒམཾ། དུཏིཡགཱཐཱཡ བྷཎནྟི བྷཎམཱནཱ། སུཏྭཱཏི སོ ཨིམེསཾ ཨུབྷིནྣཾ ཝཱཙཾ སུཏྭཱ།

Tattha bhaṇanti bhaṇanto. Hadayaṅganti hadayaṅgamaṃ. Dutiyagāthāya bhaṇanti bhaṇamānā. Sutvāti so imesaṃ ubhinnaṃ vācaṃ sutvā.

ཨཐསྶ མཱཏཱཔིཏརོ ཨནུམོདནྟཱ ཨཱཧཾསུ –

Athassa mātāpitaro anumodantā āhaṃsu –

༡༢༣.

123.

‘‘ཨེཝཾ ཨཱནནྡིཏོ ཧོཏུ, སཧ དཱརེཧི ལུདྡཀོ།

‘‘Evaṃ ānandito hotu, saha dārehi luddako;

ཡཐཱ མཡཛྫ ནནྡཱམ, དིསྭཱ རོཧཎམཱགཏ’’ནྟི༎

Yathā mayajja nandāma, disvā rohaṇamāgata’’nti.

ལུདྡོཔི ཨརཉྙཱ ནིཀྑམིཏྭཱ རཱཛཀུལཾ གནྟྭཱ རཱཛཱནཾ ཝནྡིཏྭཱ ཨེཀམནྟཾ ཨཊྛཱསི། ཏཾ དིསྭཱ རཱཛཱ གཱཐམཱཧ –

Luddopi araññā nikkhamitvā rājakulaṃ gantvā rājānaṃ vanditvā ekamantaṃ aṭṭhāsi. Taṃ disvā rājā gāthamāha –

༡༢༤.

124.

‘‘ནནུ ཏྭཾ ཨཝཙ ལུདྡ, ‘མིགཙམྨཱནི ཨཱཧརིཾ’།

‘‘Nanu tvaṃ avaca ludda, ‘migacammāni āhariṃ’;

ཨཐ ཀེན ནུ ཝཎྞེན, མིགཙམྨཱནི ནཱཧརཱི’’ཏི༎

Atha kena nu vaṇṇena, migacammāni nāharī’’ti.

ཏཏྠ མིགཙམྨཱནཱིཏི མིགཾ ཝཱ ཙམྨཾ ཝཱ། ཨཱཧརིནྟི ཨཱཧརིསྶཱམི། ཨིདཾ ཝུཏྟཾ ཧོཏི – ཨམྦྷོ ལུདྡ, ནནུ ཏྭཾ ཨེཝཾ ཨཝཙ ‘‘མིགཾ ཨཱནེཏུཾ ཨསཀྐོནྟོ ཙམྨཾ ཨཱཧརིསྶཱམི, ཏཾ ཨསཀྐོནྟོ ལོམཱནཱི’’ཏི, སོ ཏྭཾ ཀེན ཀཱརཎེན ནེཝ མིགཾ, ན མིགཙམྨཾ ཨཱཧརཱིཏི?

Tattha migacammānīti migaṃ vā cammaṃ vā. Āharinti āharissāmi. Idaṃ vuttaṃ hoti – ambho ludda, nanu tvaṃ evaṃ avaca ‘‘migaṃ ānetuṃ asakkonto cammaṃ āharissāmi, taṃ asakkonto lomānī’’ti, so tvaṃ kena kāraṇena neva migaṃ, na migacammaṃ āharīti?

ཏཾ སུཏྭཱ ལུདྡོ གཱཐམཱཧ –

Taṃ sutvā luddo gāthamāha –

༡༢༥.

125.

‘‘ཨཱགམཱ ཙེཝ ཧཏྠཏྠཾ, ཀཱུཊཔཱསཉྩ སོ མིགོ།

‘‘Āgamā ceva hatthatthaṃ, kūṭapāsañca so migo;

ཨབཛ྄ཛྷི ཏཾ མིགརཱཛཾ, ཏཉྩ མུཏྟཱ ཨུཔཱསརེ༎

Abajjhi taṃ migarājaṃ, tañca muttā upāsare.

༡༢༦.

126.

‘‘ཏསྶ མེ ཨཧུ སཾཝེགོ, ཨབྦྷུཏོ ལོམཧཾསནོ།

‘‘Tassa me ahu saṃvego, abbhuto lomahaṃsano;

ཨིམཉྩཱཧཾ མིགཾ ཧཉྙེ, ཨཛྫ ཧིསྶཱམི ཛཱིཝིཏ’’ནྟི༎

Imañcāhaṃ migaṃ haññe, ajja hissāmi jīvita’’nti.

ཏཏྠ ཨཱགམཱཏི མཧཱརཱཛ, སོ མིགོ མམ ཧཏྠཏྠཾ ཧཏྠཔཱསཉྩེཝ མཡཱ ཨོཌྜིཏཾ ཀཱུཊཔཱསཉྩ ཨཱགཏོ, ཏསྨིཉྩ ཀཱུཊཔཱསེ ཨབཛ྄ཛྷི། ཏཉྩ མུཏྟཱ ཨུཔཱསརེཏི ཏཉྩ བདྡྷཾ ཨཔརེ མུཏྟཱ ཨབདྡྷཱཝ དྭེ མིགཱ ཨསྶཱསེནྟཱ ཏཾ ནིསྶཱཡ ཨཊྛཾསུ། ཨབྦྷུཏོཏི པུབྦེ ཨབྷཱུཏཔུབྦོ། ཨིམཉྩཱཧནྟི ཨཐ མེ སཾཝིགྒསྶ ཨེཏདཧོསི ‘‘སཙེ ཨཧཾ ཨིམཾ མིགཾ ཧནིསྶཱམི, ཨཛྫེཝ ཨིམསྨིཾཡེཝ ཋཱནེ ཛཱིཝིཏཾ ཛཧིསྶཱམཱི’’ཏི།

Tattha āgamāti mahārāja, so migo mama hatthatthaṃ hatthapāsañceva mayā oḍḍitaṃ kūṭapāsañca āgato, tasmiñca kūṭapāse abajjhi. Tañca muttā upāsareti tañca baddhaṃ apare muttā abaddhāva dve migā assāsentā taṃ nissāya aṭṭhaṃsu. Abbhutoti pubbe abhūtapubbo. Imañcāhanti atha me saṃviggassa etadahosi ‘‘sace ahaṃ imaṃ migaṃ hanissāmi, ajjeva imasmiṃyeva ṭhāne jīvitaṃ jahissāmī’’ti.

ཏཾ སུཏྭཱ རཱཛཱ ཨཱཧ –

Taṃ sutvā rājā āha –

༡༢༧.

127.

‘‘ཀཱིདིསཱ ཏེ མིགཱ ལུདྡ, ཀཱིདིསཱ དྷམྨིཀཱ མིགཱ།

‘‘Kīdisā te migā ludda, kīdisā dhammikā migā;

ཀཐཾཝཎྞཱ ཀཐཾསཱིལཱ, བཱལ༹ྷཾ ཁོ ནེ པསཾསསཱི’’ཏི༎

Kathaṃvaṇṇā kathaṃsīlā, bāḷhaṃ kho ne pasaṃsasī’’ti.

ཨིདཾ སོ རཱཛཱ ཝིམྷཡཝསེན པུནཔྤུནཾ པུཙྪཏི། ཏཾ སུཏྭཱ ལུདྡོ གཱཐམཱཧ –

Idaṃ so rājā vimhayavasena punappunaṃ pucchati. Taṃ sutvā luddo gāthamāha –

༡༢༨.

128.

‘‘ཨོདཱཏསིངྒཱ སུཙིཝཱལཱ, ཛཱཏརཱུཔཏཙཱུཔམཱ།

‘‘Odātasiṅgā sucivālā, jātarūpatacūpamā;

པཱདཱ ལོཧིཏཀཱ ཏེསཾ, ཨཉྫིཏཀྑཱ མནོརམཱ’’ཏི༎

Pādā lohitakā tesaṃ, añjitakkhā manoramā’’ti.

ཏཏྠ ཨོདཱཏསིངྒཱཏི རཛཏདཱམསདིསསིངྒཱ། སུཙིཝཱལཱཏི ཙཱམརིཝཱལསདིསེན སུཙིནཱ ཝཱལེན སམནྣཱགཏཱ། ལོཧིཏཀཱཏི རཏྟནཁཱ པཝཱལ༹སདིསཱ། པཱདཱཏི ཁུརཔརིཡནྟཱ། ཨཉྫིཏཀྑཱཏི ཨཉྫིཏེཧི ཝིཡ ཝིསུདྡྷཔཉྩཔསཱདེཧི ཨཀྑཱིཧི སམནྣཱགཏཱ།

Tattha odātasiṅgāti rajatadāmasadisasiṅgā. Sucivālāti cāmarivālasadisena sucinā vālena samannāgatā. Lohitakāti rattanakhā pavāḷasadisā. Pādāti khurapariyantā. Añjitakkhāti añjitehi viya visuddhapañcapasādehi akkhīhi samannāgatā.

ཨིཏི སོ ཀཐེནྟོཝ མཧཱསཏྟསྶ སུཝཎྞཝཎྞཱནི ལོམཱནི རཉྙོ ཧཏྠེ ཋཔེཏྭཱ ཏེསཾ མིགཱནཾ སརཱིརཝཎྞཾ པཀཱསེནྟོ གཱཐམཱཧ –

Iti so kathentova mahāsattassa suvaṇṇavaṇṇāni lomāni rañño hatthe ṭhapetvā tesaṃ migānaṃ sarīravaṇṇaṃ pakāsento gāthamāha –

༡༢༩.

129.

‘‘ཨེདིསཱ ཏེ མིགཱ དེཝ, ཨེདིསཱ དྷམྨིཀཱ མིགཱ།

‘‘Edisā te migā deva, edisā dhammikā migā;

མཱཏཱཔེཏྟིབྷརཱ དེཝ, ན ཏེ སོ ཨབྷིཧཱརིཏུ’’ནྟི༎

Mātāpettibharā deva, na te so abhihāritu’’nti.

ཏཏྠ མཱཏཱཔེཏྟིབྷརཱཏི ཛིཎྞེ ཨནྡྷེ མཱཏཱཔིཏརོ པོསེནྟི, ཨེཏཱདིསཱ ནེསཾ དྷམྨིཀཏཱ། ན ཏེ སོ ཨབྷིཧཱརིཏུནྟི སོ མིགརཱཛཱ ན སཀྐཱ ཀེནཙི ཏཝ པཎྞཱཀཱརཏྠཱཡ ཨབྷིཧརིཏུནྟི ཨཏྠོ། ‘‘ཨབྷིཧཱརཡི’’ནྟིཔི པཱཋོ, སོ ཨཧཾ ཏཾ ཏེ པཎྞཱཀཱརཏྠཱཡ ནཱབྷིཧཱརཡིཾ ན ཨཱཧརིནྟི ཨཏྠོ།

Tattha mātāpettibharāti jiṇṇe andhe mātāpitaro posenti, etādisā nesaṃ dhammikatā. Na te so abhihāritunti so migarājā na sakkā kenaci tava paṇṇākāratthāya abhiharitunti attho. ‘‘Abhihārayi’’ntipi pāṭho, so ahaṃ taṃ te paṇṇākāratthāya nābhihārayiṃ na āharinti attho.

ཨིཏི སོ མཧཱསཏྟསྶ ཙ ཙིཏྟམིགསྶ ཙ སུཏནཱཡ མིགཔོཏིཀཱཡ ཙ གུཎཾ ཀཐེཏྭཱ ‘‘མཧཱརཱཛ, ཨཧཾ ཏེན མིགརཉྙཱ ‘ཨཏྟནོ ལོམཱནི དསྶེཏྭཱ མམ ཋཱནེ ཋཏྭཱ དསཧི རཱཛདྷམྨཙརིཡགཱཐཱཧི དེཝིཡཱ དྷམྨཾ ཀཐེཡྻཱསཱི’ཏི ཨུགྒཎྷཱཔིཏོ ཨཱཎཏྟོ’’ཏི ཨཱཧ། ཏཾ སུཏྭཱ རཱཛཱ ནཾ ནྷཱཔེཏྭཱ ཨཧཏཝཏྠཱནི ནིཝཱསེཏྭཱ སཏྟརཏནཁཙིཏེ པལླངྐེ ནིསཱིདཱཔེཏྭཱ སཡཾ དེཝིཡཱ སདྡྷིཾ ནཱིཙཱསནེ ཨེཀམནྟཾ ནིསཱིདིཏྭཱ ཏཾ ཨཉྫལིཾ པགྒཡ྄ཧ ཡཱཙཏི། སོ དྷམྨཾ དེསེནྟོ ཨཱཧ –

Iti so mahāsattassa ca cittamigassa ca sutanāya migapotikāya ca guṇaṃ kathetvā ‘‘mahārāja, ahaṃ tena migaraññā ‘attano lomāni dassetvā mama ṭhāne ṭhatvā dasahi rājadhammacariyagāthāhi deviyā dhammaṃ katheyyāsī’ti uggaṇhāpito āṇatto’’ti āha. Taṃ sutvā rājā naṃ nhāpetvā ahatavatthāni nivāsetvā sattaratanakhacite pallaṅke nisīdāpetvā sayaṃ deviyā saddhiṃ nīcāsane ekamantaṃ nisīditvā taṃ añjaliṃ paggayha yācati. So dhammaṃ desento āha –

‘‘དྷམྨཾ ཙར མཧཱརཱཛ, མཱཏཱཔིཏཱུསུ ཁཏྟིཡ།

‘‘Dhammaṃ cara mahārāja, mātāpitūsu khattiya;