| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[277] 7. ромагаж̇аад̇агаван̣н̣анаа
[277] 7. Romakajātakavaṇṇanā
вассаани бан̃н̃ааса самаад̇хигаанийд̇и ид̣̇ам̣ сад̇т̇аа взл̣уванз вихаранд̇о бхаг̇авад̇о вад̇хааяа барисагганам̣ аараб̣бха гат̇зси. бажжуббаннавад̇т̇у уд̇д̇аанамзва.
Vassānipaññāsa samādhikānīti idaṃ satthā veḷuvane viharanto bhagavato vadhāya parisakkanaṃ ārabbha kathesi. Paccuppannavatthu uttānameva.
ад̇ийд̇з бана б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о баараавад̇о худ̇ваа б̣ахубаараавад̇абаривуд̇о аран̃н̃з баб̣б̣ад̇аг̇ухааяам̣ ваасам̣ габбзси. ан̃н̃ад̇ароби ко д̇аабасо сийласамбанно д̇зсам̣ баараавад̇аанам̣ васанадтаанад̇о авид̣̇уурз згам̣ бажжанд̇аг̇аамам̣ убаниссааяа ассамабад̣̇ам̣ маабзд̇ваа баб̣б̣ад̇аг̇ухааяам̣ ваасам̣ габбзси. б̣од̇хисад̇д̇о анд̇аранд̇араа д̇асса санд̇игам̣ ааг̇анд̇ваа сод̇аб̣б̣аяуд̇д̇агам̣ сун̣аад̇и. д̇аабасо д̇ад̇т̇а жирам̣ васид̇ваа баггаами, ат̇ан̃н̃о гуудаж̇адило ааг̇анд̇ваа д̇ад̇т̇а ваасам̣ габбзси. б̣од̇хисад̇д̇о баараавад̇абаривуд̇о д̇ам̣ убасан̇гамид̇ваа ванд̣̇ид̇ваа бадисант̇аарам̣ гад̇ваа ассамабад̣̇з вижарид̇ваа г̇ириганд̣̇арасамийбз г̇ожарам̣ г̇ахзд̇ваа сааяам̣ ад̇д̇ано васанадтаанам̣ г̇ажчад̇и. гуудад̇аабасо д̇ад̇т̇а ад̇ирзгабан̣н̣аасавассаани васи.
Atīte pana bārāṇasiyaṃ brahmadatte rajjaṃ kārente bodhisatto pārāvato hutvā bahupārāvataparivuto araññe pabbataguhāyaṃ vāsaṃ kappesi. Aññataropi kho tāpaso sīlasampanno tesaṃ pārāvatānaṃ vasanaṭṭhānato avidūre ekaṃ paccantagāmaṃ upanissāya assamapadaṃ māpetvā pabbataguhāyaṃ vāsaṃ kappesi. Bodhisatto antarantarā tassa santikaṃ āgantvā sotabbayuttakaṃ suṇāti. Tāpaso tattha ciraṃ vasitvā pakkāmi, athañño kūṭajaṭilo āgantvā tattha vāsaṃ kappesi. Bodhisatto pārāvataparivuto taṃ upasaṅkamitvā vanditvā paṭisanthāraṃ katvā assamapade vicaritvā girikandarasamīpe gocaraṃ gahetvā sāyaṃ attano vasanaṭṭhānaṃ gacchati. Kūṭatāpaso tattha atirekapaṇṇāsavassāni vasi.
ат̇асса згад̣̇ивасам̣ бажжанд̇аг̇аамаваасино мануссаа баараавад̇амам̣сам̣ абхисан̇карид̇ваа ад̣̇ам̣су. со д̇ад̇т̇а расад̇ан̣хааяа б̣аж̇жхид̇ваа ‘‘гим̣ мам̣сам̣ наамзд̇а’’нд̇и бужчид̇ваа ‘‘баараавад̇амам̣са’’нд̇и суд̇ваа жинд̇зси – ‘‘маяхам̣ ассамабад̣̇ам̣ б̣ахуу баараавад̇аа ааг̇ажчанд̇и, д̇з маарзд̇ваа мам̣сам̣ каад̣̇ид̇ум̣ ваддад̇ий’’д̇и. со д̇ан̣д̣уласаббид̣̇ад̇хикийрамарижаад̣̇ийни аахарид̇ваа згаманд̇з табзд̇ваа муг̇г̇арам̣ жийвараган̣н̣зна бадижчаад̣̇зд̇ваа баараавад̇аанам̣ ааг̇аманам̣ ологзнд̇о бан̣н̣асаалад̣̇ваарз нисийд̣̇и. б̣од̇хисад̇д̇о баараавад̇абаривуд̇о ааг̇анд̇ваа д̇асса гуудаж̇адиласса д̣̇удтагирияам̣ ологзд̇ваа ‘‘аяам̣ д̣̇удтад̇аабасо ан̃н̃знаагаарзна нисинно, гажжи ну ко амхаагам̣ самаанаж̇аад̇ийнам̣ мам̣сам̣ каад̣̇и, бариг̇ан̣хиссаами на’’нд̇и ануваад̇з тад̇ваа д̇асса сарийраг̇анд̇хам̣ гхааяид̇ваа ‘‘аяам̣ амхз маарзд̇ваа мам̣сам̣ каад̣̇ид̇угаамо, на д̇асса санд̇игам̣ г̇анд̇ум̣ ваддад̇ий’’д̇и баараавад̇з аад̣̇ааяа бадиггамид̇ваа жари. д̇аабасо д̇ам̣ анааг̇ажчанд̇ам̣ д̣̇исваа ‘‘мад̇хурагат̇ам̣ д̇зхи сад̣̇д̇хим̣ гат̇зд̇ваа виссаасзна убаг̇ад̇з маарзд̇ваа мам̣сам̣ каад̣̇ид̇ум̣ ваддад̇ий’’д̇и жинд̇зд̇ваа буримаа д̣̇вз г̇аат̇аа авожа –
Athassa ekadivasaṃ paccantagāmavāsino manussā pārāvatamaṃsaṃ abhisaṅkharitvā adaṃsu. So tattha rasataṇhāya bajjhitvā ‘‘kiṃ maṃsaṃ nāmeta’’nti pucchitvā ‘‘pārāvatamaṃsa’’nti sutvā cintesi – ‘‘mayhaṃ assamapadaṃ bahū pārāvatā āgacchanti, te māretvā maṃsaṃ khādituṃ vaṭṭatī’’ti. So taṇḍulasappidadhikhīramaricādīni āharitvā ekamante ṭhapetvā muggaraṃ cīvarakaṇṇena paṭicchādetvā pārāvatānaṃ āgamanaṃ olokento paṇṇasāladvāre nisīdi. Bodhisatto pārāvataparivuto āgantvā tassa kūṭajaṭilassa duṭṭhakiriyaṃ oloketvā ‘‘ayaṃ duṭṭhatāpaso aññenākārena nisinno, kacci nu kho amhākaṃ samānajātīnaṃ maṃsaṃ khādi, parigaṇhissāmi na’’nti anuvāte ṭhatvā tassa sarīragandhaṃ ghāyitvā ‘‘ayaṃ amhe māretvā maṃsaṃ khāditukāmo, na tassa santikaṃ gantuṃ vaṭṭatī’’ti pārāvate ādāya paṭikkamitvā cari. Tāpaso taṃ anāgacchantaṃ disvā ‘‘madhurakathaṃ tehi saddhiṃ kathetvā vissāsena upagate māretvā maṃsaṃ khādituṃ vaṭṭatī’’ti cintetvā purimā dve gāthā avoca –
79.
79.
‘‘вассаани бан̃н̃ааса самаад̇хигаани, васимха сзласса г̇ухааяа ромага;
‘‘Vassāni paññāsa samādhikāni, vasimha selassa guhāya romaka;
асан̇гамаанаа абхиниб̣б̣уд̇ад̇д̇аа, хад̇т̇ад̇д̇амааяанд̇и маман̣д̣аж̇аа бурз.
Asaṅkamānā abhinibbutattā, hatthattamāyanti mamaṇḍajā pure.
80.
80.
‘‘д̇зд̣̇аани вагган̇г̇а гимад̇т̇амуссугаа, бхаж̇анд̇и ан̃н̃ам̣ г̇ириганд̣̇арам̣ д̣̇иж̇аа;
‘‘Tedāni vakkaṅga kimatthamussukā, bhajanti aññaṃ girikandaraṃ dijā;
на нууна ман̃н̃анд̇и мамам̣ яат̇аа бурз, жираббавуд̇т̇аа ат̇а ваа на д̇з имз’’д̇и.
Na nūna maññanti mamaṃ yathā pure, cirappavutthā atha vā na te ime’’ti.
д̇ад̇т̇а самаад̇хигаанийд̇и самаад̇хигаани. ромагаад̇и румааяа уббанна, суд̇ход̇абаваал̣зна самаанаван̣н̣анзд̇д̇абаад̣̇ад̇ааяа б̣од̇хисад̇д̇ам̣ баараавад̇ам̣ аалабад̇и. асан̇гамаанаад̇и звам̣ ад̇ирзгабан̃н̃аасавассаани имиссаа баб̣б̣ад̇аг̇ухааяа васанд̇зсу амхзсу зд̇з ан̣д̣аж̇аа згад̣̇ивасамби маяи аасан̇гам̣ агад̇ваа абхиниб̣б̣уд̇ажид̇д̇аава худ̇ваа буб̣б̣з мама хад̇т̇ад̇д̇ам̣ хад̇т̇аббасааран̣огаасам̣ ааг̇ажчанд̇ийд̇и ад̇т̇о.
Tattha samādhikānīti samaadhikāni. Romakāti rumāya uppanna, sudhotapavāḷena samānavaṇṇanettapādatāya bodhisattaṃ pārāvataṃ ālapati. Asaṅkamānāti evaṃ atirekapaññāsavassāni imissā pabbataguhāya vasantesu amhesu ete aṇḍajā ekadivasampi mayi āsaṅkaṃ akatvā abhinibbutacittāva hutvā pubbe mama hatthattaṃ hatthappasāraṇokāsaṃ āgacchantīti attho.
д̇зд̣̇аанийд̇и д̇з ид̣̇аани. вагган̇г̇аад̇и б̣од̇хисад̇д̇ам̣ аалабад̇и, саб̣б̣зби бана багкино уббад̇анагаалз г̇ийвам̣ ваггам̣ гад̇ваа уббад̇анад̇о ‘‘вагган̇г̇аа’’д̇и вужжанд̇и. гимад̇т̇анд̇и гим̣гааран̣ам̣ самбассамаанаа? уссугаад̇и угган̣тид̇аруубаа худ̇ваа. г̇ириганд̣̇аранд̇и г̇ирид̇о ан̃н̃ам̣ баб̣б̣ад̇аганд̣̇арам̣. яат̇аа бурзд̇и яат̇аа буб̣б̣з зд̇з багкино мам̣ г̇арум̣ гад̇ваа бияам̣ гад̇ваа ман̃н̃анд̇и, д̇ат̇аа ид̣̇аани на нууна ман̃н̃анд̇и, буб̣б̣з ид̇ха нивуд̇т̇ад̇аабасо ан̃н̃о, аяам̣ ан̃н̃о, звам̣ ман̃н̃з зд̇з мам̣ ман̃н̃анд̇ийд̇и д̣̇ийбзд̇и. жираббавуд̇т̇аа ат̇а ваа на д̇з имзд̇и гим̣ ну ко имз жирам̣ виббавасид̇ваа д̣̇ийгхасса ад̣̇д̇хуно ажжаязна ааг̇ад̇ад̇д̇аа мам̣ ‘‘соязва аяа’’нд̇и на сан̃ж̇аананд̇и, уд̣̇ааху яз амхзсу абхиниб̣б̣уд̇ажид̇д̇аа, на д̇з имз, ан̃н̃зва ааг̇анд̇угабагкино, имз гзна мам̣ на убасан̇гаманд̇ийд̇и бужчад̇и.
Tedānīti te idāni. Vakkaṅgāti bodhisattaṃ ālapati, sabbepi pana pakkhino uppatanakāle gīvaṃ vakkaṃ katvā uppatanato ‘‘vakkaṅgā’’ti vuccanti. Kimatthanti kiṃkāraṇaṃ sampassamānā? Ussukāti ukkaṇṭhitarūpā hutvā. Girikandaranti girito aññaṃ pabbatakandaraṃ. Yathā pureti yathā pubbe ete pakkhino maṃ garuṃ katvā piyaṃ katvā maññanti, tathā idāni na nūna maññanti, pubbe idha nivutthatāpaso añño, ayaṃ añño, evaṃ maññe ete maṃ maññantīti dīpeti. Cirappavutthā atha vā na te imeti kiṃ nu kho ime ciraṃ vippavasitvā dīghassa addhuno accayena āgatattā maṃ ‘‘soyeva aya’’nti na sañjānanti, udāhu ye amhesu abhinibbutacittā, na te ime, aññeva āgantukapakkhino, ime kena maṃ na upasaṅkamantīti pucchati.
д̇ам̣ суд̇ваа б̣од̇хисад̇д̇о баггамид̇ваа тид̇ова д̇ад̇ияам̣ г̇аат̇амааха –
Taṃ sutvā bodhisatto pakkamitvā ṭhitova tatiyaṃ gāthamāha –
81.
81.
‘‘ж̇аанаама д̇ам̣ на маяам̣ самбамуул̣хаа, соязва д̇вам̣ д̇з маяамасма наан̃н̃з;
‘‘Jānāma taṃ na mayaṃ sampamūḷhā, soyeva tvaṃ te mayamasma nāññe;
жид̇д̇ан̃жа д̇з асмим̣ ж̇анз бад̣̇удтам̣, ааж̇ийвигаа д̇зна д̇амуд̇д̇асаамаа’’д̇и.
Cittañca te asmiṃ jane paduṭṭhaṃ, ājīvikā tena tamuttasāmā’’ti.
д̇ад̇т̇а на маяам̣ самбамуул̣хаад̇и маяам̣ муул̣хаа бамад̇д̇аа на хома. жид̇д̇ан̃жа д̇з асмим̣ ж̇анз бад̣̇удтанд̇и д̇вам̣, соязва маяамби д̇зязва, на д̇ам̣ сан̃ж̇аанаама, абижа ко бана д̇ава жид̇д̇ам̣ асмим̣ ж̇анз бад̣̇удтам̣ амхз маарзд̇ум̣ уббаннам̣. ааж̇ийвигаад̇и ааж̇ийвахзд̇у баб̣б̣аж̇ид̇а бад̣̇удтад̇аабаса. д̇зна д̇амуд̇д̇асаамаад̇и д̇зна гааран̣зна д̇ам̣ уд̇д̇асаама бхааяаама на убасан̇гамаама.
Tattha na mayaṃ sampamūḷhāti mayaṃ mūḷhā pamattā na homa. Cittañca te asmiṃ jane paduṭṭhanti tvaṃ, soyeva mayampi teyeva, na taṃ sañjānāma, apica kho pana tava cittaṃ asmiṃ jane paduṭṭhaṃ amhe māretuṃ uppannaṃ. Ājīvikāti ājīvahetu pabbajita paduṭṭhatāpasa. Tena tamuttasāmāti tena kāraṇena taṃ uttasāma bhāyāma na upasaṅkamāma.
гуудад̇аабасо ‘‘н̃аад̇о ахам̣ имзхий’’д̇и муг̇г̇арам̣ кибид̇ваа вираж̇жхид̇ваа ‘‘г̇ажча д̇аава д̇вам̣ вирад̣̇д̇хомхий’’д̇и ааха. ат̇а нам̣ б̣од̇хисад̇д̇о ‘‘мам̣ д̇аава вирад̣̇д̇хоси, жад̇д̇ааро бана абааяз на вираж̇жхаси. сажз ид̇ха васиссаси, г̇аамаваасийнам̣ ‘жоро аяа’нд̇и аажигкид̇ваа д̇ам̣ г̇аахаабзссаами сийгхам̣ балааяассуу’’д̇и д̇ам̣ д̇аж̇ж̇зд̇ваа баггаами. гуудаж̇адило д̇ад̇т̇а васид̇ум̣ наасагки, ан̃н̃ад̇т̇а аг̇амааси.
Kūṭatāpaso ‘‘ñāto ahaṃ imehī’’ti muggaraṃ khipitvā virajjhitvā ‘‘gaccha tāva tvaṃ viraddhomhī’’ti āha. Atha naṃ bodhisatto ‘‘maṃ tāva viraddhosi, cattāro pana apāye na virajjhasi. Sace idha vasissasi, gāmavāsīnaṃ ‘coro aya’nti ācikkhitvā taṃ gāhāpessāmi sīghaṃ palāyassū’’ti taṃ tajjetvā pakkāmi. Kūṭajaṭilo tattha vasituṃ nāsakkhi, aññattha agamāsi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси – ‘‘д̇ад̣̇аа гуудад̇аабасо д̣̇звад̣̇ад̇д̇о ахоси, буримо сийлаванд̇ад̇аабасо саарибуд̇д̇о, баараавад̇аж̇здтаго бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi – ‘‘tadā kūṭatāpaso devadatto ahosi, purimo sīlavantatāpaso sāriputto, pārāvatajeṭṭhako pana ahameva ahosi’’nti.
ромагаж̇аад̇агаван̣н̣анаа сад̇д̇амаа.
Romakajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 277. ромагаж̇аад̇агам̣ • 277. Romakajātakaṃ
