| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౫. రుణ్ణసుత్తవణ్ణనా
5. Ruṇṇasuttavaṇṇanā
౧౦౮. పఞ్చమం అత్థుప్పత్తియా నిక్ఖిత్తం. కతరాయ అత్థుప్పత్తియా? ఛబ్బగ్గియానం అనాచారే. తే కిర గాయన్తా నచ్చన్తా హసన్తా విచరింసు. భిక్ఖూ దసబలస్స ఆరోచయింసు. సత్థా తే పక్కోసాపేత్వా తేసం ఓవాదత్థాయ ఇదం సుత్తం ఆరభి. తత్థ రుణ్ణన్తి రోదితం. ఉమ్మత్తకన్తి ఉమ్మత్తకకిరియా. కోమారకన్తి కుమారకేహి కత్తబ్బకిచ్చం. దన్తవిదంసకహసితన్తి దన్తే దస్సేత్వా పాణిం పహరన్తానం మహాసద్దేన హసితం. సేతుఘాతో గీతేతి గీతే వో పచ్చయఘాతో హోతు, సహేతుకం గీతం పజహథాతి దీపేతి. నచ్చేపి ఏసేవ నయో. అలన్తి యుత్తం. ధమ్మప్పమోదితానం సతన్తి ఏత్థ ధమ్మో వుచ్చతి కారణం, కేనచిదేవ కారణేన పముదితానం సన్తానం. సితం సితమత్తాయాతి తస్మిం సితకారణే సతి యం సితం కరోథ, తం వో సితమత్తాయ అగ్గదన్తే దస్సేత్వా పహట్ఠాకారమత్తదస్సనాయయేవ యుత్తన్తి వుత్తం హోతి.
108. Pañcamaṃ atthuppattiyā nikkhittaṃ. Katarāya atthuppattiyā? Chabbaggiyānaṃ anācāre. Te kira gāyantā naccantā hasantā vicariṃsu. Bhikkhū dasabalassa ārocayiṃsu. Satthā te pakkosāpetvā tesaṃ ovādatthāya idaṃ suttaṃ ārabhi. Tattha ruṇṇanti roditaṃ. Ummattakanti ummattakakiriyā. Komārakanti kumārakehi kattabbakiccaṃ. Dantavidaṃsakahasitanti dante dassetvā pāṇiṃ paharantānaṃ mahāsaddena hasitaṃ. Setughāto gīteti gīte vo paccayaghāto hotu, sahetukaṃ gītaṃ pajahathāti dīpeti. Naccepi eseva nayo. Alanti yuttaṃ. Dhammappamoditānaṃ satanti ettha dhammo vuccati kāraṇaṃ, kenacideva kāraṇena pamuditānaṃ santānaṃ. Sitaṃ sitamattāyāti tasmiṃ sitakāraṇe sati yaṃ sitaṃ karotha, taṃ vo sitamattāya aggadante dassetvā pahaṭṭhākāramattadassanāyayeva yuttanti vuttaṃ hoti.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౫. రుణ్ణసుత్తం • 5. Ruṇṇasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౪-౯. సమణబ్రాహ్మణసుత్తాదివణ్ణనా • 4-9. Samaṇabrāhmaṇasuttādivaṇṇanā
