| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
7. руубад̇хаад̇уяаа ааяад̇анагат̇ааван̣н̣анаа
7. Rūpadhātuyā āyatanakathāvaṇṇanā
519. ид̣̇аани руубад̇хаад̇уяаа ааяад̇анагат̇аа наама ход̇и. д̇ад̇т̇а язсам̣ ‘‘руубий маномаяо саб̣б̣ан̇г̇абажжан̇г̇ий ахийнинд̣̇рияо’’д̇и (д̣̇ий. ни. 1.87) суд̇д̇ам̣ ниссааяа б̣рахмагааяигаанам̣ гхаанаад̣̇инимид̇д̇ааниби ааяад̇анаанзваад̇и габбзд̇ваа сал̣ааяад̇аниго д̇зсам̣ ад̇д̇абхаавод̇и лад̣̇д̇хи, сзяяат̇ааби анд̇хагаанан̃жзва саммид̇ияаанан̃жа; д̇з санд̇хааяа сал̣ааяад̇анигод̇и бужчаа сагаваад̣̇исса, лад̣̇д̇хивасзна бадин̃н̃аа ид̇арасса. ат̇а нам̣ яам̣ д̇ад̇т̇а ааяад̇анам̣ над̇т̇и, д̇асса васзна жод̣̇зд̇ум̣ ад̇т̇и д̇ад̇т̇а гхаанааяад̇ананд̇иаад̣̇и аарад̣̇д̇хам̣. д̇ад̇о бараваад̣̇ий яам̣ д̇ад̇т̇а аж̇жхад̇д̇игаанам̣ д̇ин̣н̣ам̣ ааяад̇анаанам̣ гхаанаад̣̇игам̣ сан̣таананимид̇д̇ам̣ д̇ад̣̇зва ааяад̇ананд̇и лад̣̇д̇хияаа бадиж̇аанаад̇и. б̣аахираанам̣ г̇анд̇хааяад̇анаад̣̇ийнам̣ васзна будто гхаанаббасаад̣̇аад̣̇аяо д̇ад̇т̇а на ижчад̇и, д̇асмаа д̇зсам̣ г̇ожарам̣ бадисзд̇хзнд̇о бадигкибад̇и. бадиломабан̃хасам̣санд̣̇анабан̃хзсуби иминаавубааязна ад̇т̇о взд̣̇ид̇аб̣б̣о.
519. Idāni rūpadhātuyā āyatanakathā nāma hoti. Tattha yesaṃ ‘‘rūpī manomayo sabbaṅgapaccaṅgī ahīnindriyo’’ti (dī. ni. 1.87) suttaṃ nissāya brahmakāyikānaṃ ghānādinimittānipi āyatanānevāti kappetvā saḷāyataniko tesaṃ attabhāvoti laddhi, seyyathāpi andhakānañceva sammitiyānañca; te sandhāya saḷāyatanikoti pucchā sakavādissa, laddhivasena paṭiññā itarassa. Atha naṃ yaṃ tattha āyatanaṃ natthi, tassa vasena codetuṃ atthi tattha ghānāyatanantiādi āraddhaṃ. Tato paravādī yaṃ tattha ajjhattikānaṃ tiṇṇaṃ āyatanānaṃ ghānādikaṃ saṇṭhānanimittaṃ tadeva āyatananti laddhiyā paṭijānāti. Bāhirānaṃ gandhāyatanādīnaṃ vasena puṭṭho ghānappasādādayo tattha na icchati, tasmā tesaṃ gocaraṃ paṭisedhento paṭikkhipati. Paṭilomapañhasaṃsandanapañhesupi imināvupāyena attho veditabbo.
521. ад̇т̇и д̇ад̇т̇а гхаанааяад̇анам̣ ад̇т̇и г̇анд̇хааяад̇анам̣ д̇зна гхаанзна д̇ам̣ г̇анд̇хам̣ гхааяад̇ийд̇и д̇асмим̣язва барасамаяз згажжз аажарияз санд̇хааяа вуд̇д̇ам̣. д̇з гира д̇ад̇т̇а ча аж̇жхад̇д̇игаани ааяад̇анаани барибун̣н̣аани ижчанд̇и, ааяад̇анзна жа наама сагижжагзна бхавид̇аб̣б̣анд̇и д̇зхи гхаанаад̣̇ийхи д̇з г̇анд̇хаад̣̇аяо гхааяанд̇и сааяанд̇и пусанд̇ийд̇иби ижчанд̇и. д̇ам̣ лад̣̇д̇хим̣ санд̇хааяа бараваад̣̇ий ааманд̇аад̇и бадиж̇аанаад̇и.
521. Atthi tattha ghānāyatanaṃ atthi gandhāyatanaṃ tena ghānena taṃ gandhaṃ ghāyatīti tasmiṃyeva parasamaye ekacce ācariye sandhāya vuttaṃ. Te kira tattha cha ajjhattikāni āyatanāni paripuṇṇāni icchanti, āyatanena ca nāma sakiccakena bhavitabbanti tehi ghānādīhi te gandhādayo ghāyanti sāyanti phusantītipi icchanti. Taṃ laddhiṃ sandhāya paravādī āmantāti paṭijānāti.
522. ад̇т̇и д̇ад̇т̇а муулаг̇анд̇ход̇иаад̣̇ийни бана будто ад̇т̇ибхаавам̣ саад̇хзд̇ум̣ асаггонд̇о бадигкибад̇и. нану ад̇т̇и д̇ад̇т̇а гхаананимид̇д̇анд̇иаад̣̇и сан̣таанамад̇д̇ассзва саад̇хагам̣, на ааяад̇анасса, д̇асмаа уд̣̇аахадамби ануд̣̇аахадасад̣̇исамзваад̇и.
522. Atthitattha mūlagandhotiādīni pana puṭṭho atthibhāvaṃ sādhetuṃ asakkonto paṭikkhipati. Nanu atthi tatthaghānanimittantiādi saṇṭhānamattasseva sādhakaṃ, na āyatanassa, tasmā udāhaṭampi anudāhaṭasadisamevāti.
руубад̇хаад̇уяаа ааяад̇анагат̇ааван̣н̣анаа.
Rūpadhātuyā āyatanakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (79) 7. руубад̇хаад̇уяааааяад̇анагат̇аа • (79) 7. Rūpadhātuyāāyatanakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 7. руубад̇хаад̇уяааааяад̇анагат̇ааван̣н̣анаа • 7. Rūpadhātuyāāyatanakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 7. руубад̇хаад̇уяааааяад̇анагат̇ааван̣н̣анаа • 7. Rūpadhātuyāāyatanakathāvaṇṇanā
