| Library / Tipiṭaka / તિપિટક • Tipiṭaka / ધમ્મસઙ્ગણી-અનુટીકા • Dhammasaṅgaṇī-anuṭīkā |
રૂપાવચરારૂપાવચરવિપાકકથાવણ્ણના
Rūpāvacarārūpāvacaravipākakathāvaṇṇanā
૪૯૯. તસ્મિં ખણે વિજ્જમાનાનં છન્દાદીનન્તિ એતેન વિપાકજ્ઝાને દુક્ખાપટિપદાદિભાવસ્સ અવિજ્જમાનતં દસ્સેતિ. ન હિ કુસલજ્ઝાનં વિય વિપાકજ્ઝાનં પરિકમ્મવસેન નિબ્બત્તતીતિ. ન ચેત્થ પટિપદાભેદો વિય કુસલાનુરૂપો વિપાકસ્સ આરમ્મણભેદોપિ ન પરમત્થિકો સિયાતિ સક્કા વત્તું એકન્તેન સારમ્મણત્તા અરૂપધમ્માનં વિપાકસ્સ ચ કમ્મનિમિત્તારમ્મણતાય અઞ્ઞત્રાપિ વિજ્જમાનત્તા. નાનાક્ખણેસુ નાનાધિપતેય્યન્તિ ‘‘યસ્મિં ખણે યં ઝાનં યદધિપતિકં, તતો અઞ્ઞસ્મિં ખણે તં ઝાનં એકન્તેન તદધિપતિકં ન હોતી’’તિ કત્વા વુત્તં. ચતુત્થજ્ઝાનસ્સેવાતિ ચ પટિપદા વિય અધિપતયો ન એકન્તિકાતિ ઇમમેવત્થં દસ્સેતિ.
499. Tasmiṃ khaṇe vijjamānānaṃ chandādīnanti etena vipākajjhāne dukkhāpaṭipadādibhāvassa avijjamānataṃ dasseti. Na hi kusalajjhānaṃ viya vipākajjhānaṃ parikammavasena nibbattatīti. Na cettha paṭipadābhedo viya kusalānurūpo vipākassa ārammaṇabhedopi na paramatthiko siyāti sakkā vattuṃ ekantena sārammaṇattā arūpadhammānaṃ vipākassa ca kammanimittārammaṇatāya aññatrāpi vijjamānattā. Nānākkhaṇesu nānādhipateyyanti ‘‘yasmiṃ khaṇe yaṃ jhānaṃ yadadhipatikaṃ, tato aññasmiṃ khaṇe taṃ jhānaṃ ekantena tadadhipatikaṃ na hotī’’ti katvā vuttaṃ. Catutthajjhānassevāti ca paṭipadā viya adhipatayo na ekantikāti imamevatthaṃ dasseti.
રૂપાવચરારૂપાવચરવિપાકકથાવણ્ણના નિટ્ઠિતા.
Rūpāvacarārūpāvacaravipākakathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / ધમ્મસઙ્ગણીપાળિ • Dhammasaṅgaṇīpāḷi / અબ્યાકતવિપાકો • Abyākatavipāko
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / ધમ્મસઙ્ગણિ-અટ્ઠકથા • Dhammasaṅgaṇi-aṭṭhakathā / રૂપાવચરારૂપાવચરવિપાકકથા • Rūpāvacarārūpāvacaravipākakathā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / ધમ્મસઙ્ગણી-મૂલટીકા • Dhammasaṅgaṇī-mūlaṭīkā / રૂપાવચરારૂપાવચરવિપાકકથાવણ્ણના • Rūpāvacarārūpāvacaravipākakathāvaṇṇanā
