Library / Tipiṭaka / તિપિટક • Tipiṭaka / ધમ્મસઙ્ગણીપાળિ • Dhammasaṅgaṇīpāḷi

રૂપવિભત્તિ

Rūpavibhatti

એકકનિદ્દેસો

Ekakaniddeso

૫૯૪. સબ્બં રૂપં ન હેતુમેવ, અહેતુકમેવ, હેતુવિપ્પયુત્તમેવ, સપ્પચ્ચયમેવ, સઙ્ખતમેવ, રૂપમેવ, લોકિયમેવ, સાસવમેવ, સંયોજનિયમેવ, ગન્થનિયમેવ, ઓઘનિયમેવ, યોગનિયમેવ, નીવરણિયમેવ, પરામટ્ઠમેવ, ઉપાદાનિયમેવ, સંકિલેસિકમેવ, અબ્યાકતમેવ, અનારમ્મણમેવ, અચેતસિકમેવ, ચિત્તવિપ્પયુત્તમેવ, નેવવિપાકનવિપાકધમ્મધમ્મમેવ, અસંકિલિટ્ઠસંકિલેસિકમેવ, ન સવિતક્કસવિચારમેવ, ન અવિતક્કવિચારમત્તમેવ, અવિતક્કઅવિચારમેવ , ન પીતિસહગતમેવ, ન સુખસહગતમેવ, ન ઉપેક્ખાસહગતમેવ, નેવ દસ્સનેન ન ભાવનાય પહાતબ્બમેવ, નેવ દસ્સનેન ન ભાવનાય પહાતબ્બહેતુકમેવ, નેવ આચયગામિ ન અપચયગામિમેવ, નેવસેક્ખનાસેક્ખમેવ, પરિત્તમેવ, કામાવચરમેવ, ન રૂપાવચરમેવ, ન અરૂપાવચરમેવ, પરિયાપન્નમેવ, નો અપરિયાપન્નમેવ, અનિયતમેવ, અનિય્યાનિકમેવ, ઉપ્પન્નં છહિ વિઞ્ઞાણેહિ વિઞ્ઞેય્યમેવ, અનિચ્ચમેવ, જરાભિભૂતમેવ.

594. Sabbaṃ rūpaṃ na hetumeva, ahetukameva, hetuvippayuttameva, sappaccayameva, saṅkhatameva, rūpameva, lokiyameva, sāsavameva, saṃyojaniyameva, ganthaniyameva, oghaniyameva, yoganiyameva, nīvaraṇiyameva, parāmaṭṭhameva, upādāniyameva, saṃkilesikameva, abyākatameva, anārammaṇameva, acetasikameva, cittavippayuttameva, nevavipākanavipākadhammadhammameva, asaṃkiliṭṭhasaṃkilesikameva, na savitakkasavicārameva, na avitakkavicāramattameva, avitakkaavicārameva , na pītisahagatameva, na sukhasahagatameva, na upekkhāsahagatameva, neva dassanena na bhāvanāya pahātabbameva, neva dassanena na bhāvanāya pahātabbahetukameva, neva ācayagāmi na apacayagāmimeva, nevasekkhanāsekkhameva, parittameva, kāmāvacarameva, na rūpāvacarameva, na arūpāvacarameva, pariyāpannameva, no apariyāpannameva, aniyatameva, aniyyānikameva, uppannaṃ chahi viññāṇehi viññeyyameva, aniccameva, jarābhibhūtameva.

એવં એકવિધેન રૂપસઙ્ગહો.

Evaṃ ekavidhena rūpasaṅgaho.

એકકનિદ્દેસો.

Ekakaniddeso.

દુકનિદ્દેસો

Dukaniddeso

ઉપાદાભાજનીયં

Upādābhājanīyaṃ

૫૯૫. કતમં તં રૂપં ઉપાદા? ચક્ખાયતનં, સોતાયતનં, ઘાનાયતનં, જિવ્હાયતનં, કાયાયતનં, રૂપાયતનં, સદ્દાયતનં, ગન્ધાયતનં, રસાયતનં, ઇત્થિન્દ્રિયં, પુરિસિન્દ્રિયં, જીવિતિન્દ્રિયં, કાયવિઞ્ઞત્તિ, વચીવિઞ્ઞત્તિ, આકાસધાતુ, રૂપસ્સ લહુતા, રૂપસ્સ મુદુતા, રૂપસ્સ કમ્મઞ્ઞતા, રૂપસ્સ ઉપચયો, રૂપસ્સ સન્તતિ, રૂપસ્સ જરતા, રૂપસ્સ અનિચ્ચતા, કબળીકારો આહારો.

595. Katamaṃ taṃ rūpaṃ upādā? Cakkhāyatanaṃ, sotāyatanaṃ, ghānāyatanaṃ, jivhāyatanaṃ, kāyāyatanaṃ, rūpāyatanaṃ, saddāyatanaṃ, gandhāyatanaṃ, rasāyatanaṃ, itthindriyaṃ, purisindriyaṃ, jīvitindriyaṃ, kāyaviññatti, vacīviññatti, ākāsadhātu, rūpassa lahutā, rūpassa mudutā, rūpassa kammaññatā, rūpassa upacayo, rūpassa santati, rūpassa jaratā, rūpassa aniccatā, kabaḷīkāro āhāro.

૫૯૬. કતમં તં રૂપં ચક્ખાયતનં? યં ચક્ખુ ¹ ચતુન્નં મહાભૂતાનં ઉપાદાય પસાદો અત્તભાવપરિયાપન્નો અનિદસ્સનો સપ્પટિઘો, યેન ચક્ખુના અનિદસ્સનેન સપ્પટિઘેન રૂપં સનિદસ્સનં સપ્પટિઘં પસ્સિ વા પસ્સતિ વા પસ્સિસ્સતિ વા પસ્સે વા, ચક્ખું પેતં ચક્ખાયતનં પેતં ચક્ખુધાતુ પેસા ચક્ખુન્દ્રિયં પેતં લોકો પેસો દ્વારા પેસા સમુદ્દો પેસો પણ્ડરં પેતં ખેત્તં પેતં વત્થું પેતં નેત્તં પેતં નયનં પેતં ઓરિમં તીરં પેતં સુઞ્ઞો ગામોપેસો – ઇદં તં રૂપં ચક્ખાયતનં.

596. Katamaṃ taṃ rūpaṃ cakkhāyatanaṃ? Yaṃ cakkhu ² catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yena cakkhunā anidassanena sappaṭighena rūpaṃ sanidassanaṃ sappaṭighaṃ passi vā passati vā passissati vā passe vā, cakkhuṃ petaṃ cakkhāyatanaṃ petaṃ cakkhudhātu pesā cakkhundriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ nettaṃ petaṃ nayanaṃ petaṃ orimaṃ tīraṃ petaṃ suñño gāmopeso – idaṃ taṃ rūpaṃ cakkhāyatanaṃ.

૫૯૭. કતમં તં રૂપં ચક્ખાયતનં? યં ચક્ખુ ચતુન્નં મહાભૂતાનં ઉપાદાય પસાદો અત્તભાવપરિયાપન્નો અનિદસ્સનો સપ્પટિઘો, યમ્હિ ચક્ખુમ્હિ અનિદસ્સનમ્હિ સપ્પટિઘમ્હિ રૂપં સનિદસ્સનં સપ્પટિઘં પટિહઞ્ઞિ વા પટિહઞ્ઞતિ વા પટિહઞ્ઞિસ્સતિ વા પટિહઞ્ઞે વા, ચક્ખું પેતં ચક્ખાયતનં પેતં ચક્ખુધાતુ પેસા ચક્ખુન્દ્રિયં પેતં લોકો પેસો દ્વારા પેસા સમુદ્દો પેસો પણ્ડરં પેતં ખેત્તં પેતં વત્થું પેતં નેત્તં પેતં નયનં પેતં ઓરિમં તીરં પેતં સુઞ્ઞો ગામો પેસો – ઇદં તં રૂપં ચક્ખાયતનં.

597. Katamaṃ taṃ rūpaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yamhi cakkhumhi anidassanamhi sappaṭighamhi rūpaṃ sanidassanaṃ sappaṭighaṃ paṭihaññi vā paṭihaññati vā paṭihaññissati vā paṭihaññe vā, cakkhuṃ petaṃ cakkhāyatanaṃ petaṃ cakkhudhātu pesā cakkhundriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ nettaṃ petaṃ nayanaṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ cakkhāyatanaṃ.

૫૯૮. કતમં તં રૂપં ચક્ખાયતનં? યં ચક્ખુ ચતુન્નં મહાભૂતાનં ઉપાદાય પસાદો અત્તભાવપરિયાપન્નો અનિદસ્સનો સપ્પટિઘો, યં ચક્ખુ અનિદસ્સનં સપ્પટિઘં રૂપમ્હિ સનિદસ્સનમ્હિ સપ્પટિઘમ્હિ પટિહઞ્ઞિ વા પટિહઞ્ઞતિ વા પટિહઞ્ઞિસ્સતિ વા પટિહઞ્ઞે વા, ચક્ખું પેતં ચક્ખાયતનં પેતં ચક્ખુધાતુ પેસા ચક્ખુન્દ્રિયં પેતં લોકો પેસો દ્વારા પેસા સમુદ્દો પેસો પણ્ડરં પેતં ખેત્તં પેતં વત્થું પેતં નેત્તં પેતં નયનં પેતં ઓરિમં તીરં પેતં સુઞ્ઞો ગામો પેસો – ઇદં તં રૂપં ચક્ખાયતનં.

598. Katamaṃ taṃ rūpaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ cakkhu anidassanaṃ sappaṭighaṃ rūpamhi sanidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, cakkhuṃ petaṃ cakkhāyatanaṃ petaṃ cakkhudhātu pesā cakkhundriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ nettaṃ petaṃ nayanaṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ cakkhāyatanaṃ.

૫૯૯. કતમં તં રૂપં ચક્ખાયતનં? યં ચક્ખુ ચતુન્નં મહાભૂતાનં ઉપાદાય પસાદો અત્તભાવપરિયાપન્નો અનિદસ્સનો સપ્પટિઘો, યં ચક્ખું નિસ્સાય રૂપં આરબ્ભ ચક્ખુસમ્ફસ્સો ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં ચક્ખું નિસ્સાય રૂપં આરબ્ભ ચક્ખુસમ્ફસ્સજા વેદના…પે॰… સઞ્ઞા…પે॰… ચેતના…પે॰… ચક્ખુવિઞ્ઞાણં ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં ચક્ખું નિસ્સાય રૂપારમ્મણો ચક્ખુસમ્ફસ્સો ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં ચક્ખું નિસ્સાય રૂપારમ્મણા ચક્ખુસમ્ફસ્સજા વેદના…પે॰… સઞ્ઞા…પે॰… ચેતના…પે॰… ચક્ખુવિઞ્ઞાણં ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા, ચક્ખું પેતં ચક્ખાયતનં પેતં ચક્ખુધાતુ પેસા ચક્ખુન્દ્રિયં પેતં લોકો પેસો દ્વારા પેસા સમુદ્દો પેસો પણ્ડરં પેતં ખેત્તં પેતં વત્થું પેતં નેત્તં પેતં નયનં પેતં ઓરિમં તીરં પેતં સુઞ્ઞો ગામો પેસો – ઇદં તં રૂપં ચક્ખાયતનં.

599. Katamaṃ taṃ rūpaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ cakkhuṃ nissāya rūpaṃ ārabbha cakkhusamphasso uppajji vā uppajjati vā uppajjissati vā uppajje vā…pe… yaṃ cakkhuṃ nissāya rūpaṃ ārabbha cakkhusamphassajā vedanā…pe… saññā…pe… cetanā…pe… cakkhuviññāṇaṃ uppajji vā uppajjati vā uppajjissati vā uppajje vā…pe… yaṃ cakkhuṃ nissāya rūpārammaṇo cakkhusamphasso uppajji vā uppajjati vā uppajjissati vā uppajje vā…pe… yaṃ cakkhuṃ nissāya rūpārammaṇā cakkhusamphassajā vedanā…pe… saññā…pe… cetanā…pe… cakkhuviññāṇaṃ uppajji vā uppajjati vā uppajjissati vā uppajje vā, cakkhuṃ petaṃ cakkhāyatanaṃ petaṃ cakkhudhātu pesā cakkhundriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ nettaṃ petaṃ nayanaṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ cakkhāyatanaṃ.

૬૦૦. કતમં તં રૂપં સોતાયતનં? યં સોતં ચતુન્નં મહાભૂતાનં ઉપાદાય પસાદો અત્તભાવપરિયાપન્નો અનિદસ્સનો સપ્પટિઘો, યેન સોતેન અનિદસ્સનેન સપ્પટિઘેન સદ્દં અનિદસ્સનં સપ્પટિઘં સુણિ વા સુણાતિ વા સુણિસ્સતિ વા સુણે વા, સોતં પેતં સોતાયતનં પેતં સોતધાતુ પેસા સોતિન્દ્રિયં પેતં લોકો પેસો દ્વારા પેસા સમુદ્દો પેસો પણ્ડરં પેતં ખેત્તં પેતં વત્થું પેતં ઓરિમં તીરં પેતં સુઞ્ઞો ગામો પેસો – ઇદં તં રૂપં સોતાયતનં.

600. Katamaṃ taṃ rūpaṃ sotāyatanaṃ? Yaṃ sotaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yena sotena anidassanena sappaṭighena saddaṃ anidassanaṃ sappaṭighaṃ suṇi vā suṇāti vā suṇissati vā suṇe vā, sotaṃ petaṃ sotāyatanaṃ petaṃ sotadhātu pesā sotindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ sotāyatanaṃ.

૬૦૧. કતમં તં રૂપં સોતાયતનં? યં સોતં ચતુન્નં મહાભૂતાનં ઉપાદાય પસાદો અત્તભાવપરિયાપન્નો અનિદસ્સનો સપ્પટિઘો, યમ્હિ સોતમ્હિ અનિદસ્સનમ્હિ સપ્પટિઘમ્હિ સદ્દો અનિદસ્સનો સપ્પટિઘો પટિહઞ્ઞિ વા પટિહઞ્ઞતિ વા પટિહઞ્ઞિસ્સતિ વા પટિહઞ્ઞે વા, સોતં પેતં સોતાયતનં પેતં સોતધાતુ પેસા સોતિન્દ્રિયં પેતં લોકો પેસો દ્વારા પેસા સમુદ્દો પેસો પણ્ડરં પેતં ખેત્તં પેતં વત્થું પેતં ઓરિમં તીરં પેતં સુઞ્ઞો ગામો પેસો – ઇદં તં રૂપં સોતાયતનં.

601. Katamaṃ taṃ rūpaṃ sotāyatanaṃ? Yaṃ sotaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yamhi sotamhi anidassanamhi sappaṭighamhi saddo anidassano sappaṭigho paṭihaññi vā paṭihaññati vā paṭihaññissati vā paṭihaññe vā, sotaṃ petaṃ sotāyatanaṃ petaṃ sotadhātu pesā sotindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ sotāyatanaṃ.

૬૦૨. કતમં તં રૂપં સોતાયતનં? યં સોતં ચતુન્નં મહાભૂતાનં ઉપાદાય પસાદો અત્તભાવપરિયાપન્નો અનિદસ્સનો સપ્પટિઘો, યં સોતં અનિદસ્સનં સપ્પટિઘં સદ્દમ્હિ અનિદસ્સનમ્હિ સપ્પટિઘમ્હિ પટિહઞ્ઞિ વા પટિહઞ્ઞતિ વા પટિહઞ્ઞિસ્સતિ વા પટિહઞ્ઞે વા, સોતં પેતં સોતાયતનં પેતં સોતધાતુ પેસા સોતિન્દ્રિયં પેતં લોકો પેસો દ્વારા પેસા સમુદ્દો પેસો પણ્ડરં પેતં ખેત્તં પેતં વત્થું પેતં ઓરિમં તીરં પેતં સુઞ્ઞો ગામો પેસો – ઇદં તં રૂપં સોતાયતનં.

602. Katamaṃ taṃ rūpaṃ sotāyatanaṃ? Yaṃ sotaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ sotaṃ anidassanaṃ sappaṭighaṃ saddamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, sotaṃ petaṃ sotāyatanaṃ petaṃ sotadhātu pesā sotindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ sotāyatanaṃ.

૬૦૩. કતમં તં રૂપં સોતાયતનં? યં સોતં ચતુન્નં મહાભૂતાનં ઉપાદાય પસાદો અત્તભાવપરિયાપન્નો અનિદસ્સનો સપ્પટિઘો, યં સોતં નિસ્સાય સદ્દં આરબ્ભ સોતસમ્ફસ્સો ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં સોતં નિસ્સાય સદ્દં આરબ્ભ સોતસમ્ફસ્સજા વેદના…પે॰… સઞ્ઞા…પે॰… ચેતના…પે॰… સોતવિઞ્ઞાણં ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં સોતં નિસ્સાય સદ્દારમ્મણો સોતસમ્ફસ્સો ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં સોતં નિસ્સાય સદ્દારમ્મણા સોતસમ્ફસ્સજા વેદના…પે॰… સઞ્ઞા…પે॰… ચેતના…પે॰… સોતવિઞ્ઞાણં ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા, સોતં પેતં સોતાયતનં પેતં સોતધાતુ પેસા સોતિન્દ્રિયં પેતં લોકો પેસો દ્વારા પેસા સમુદ્દો પેસો પણ્ડરં પેતં ખેત્તં પેતં વત્થું પેતં ઓરિમં તીરં પેતં સુઞ્ઞો ગામો પેસો – ઇદં તં રૂપં સોતાયતનં.

603. Katamaṃ taṃ rūpaṃ sotāyatanaṃ? Yaṃ sotaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ sotaṃ nissāya saddaṃ ārabbha sotasamphasso uppajji vā uppajjati vā uppajjissati vā uppajje vā…pe… yaṃ sotaṃ nissāya saddaṃ ārabbha sotasamphassajā vedanā…pe… saññā…pe… cetanā…pe… sotaviññāṇaṃ uppajji vā uppajjati vā uppajjissati vā uppajje vā…pe… yaṃ sotaṃ nissāya saddārammaṇo sotasamphasso uppajji vā uppajjati vā uppajjissati vā uppajje vā…pe… yaṃ sotaṃ nissāya saddārammaṇā sotasamphassajā vedanā…pe… saññā…pe… cetanā…pe… sotaviññāṇaṃ uppajji vā uppajjati vā uppajjissati vā uppajje vā, sotaṃ petaṃ sotāyatanaṃ petaṃ sotadhātu pesā sotindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ sotāyatanaṃ.

૬૦૪. કતમં તં રૂપં ઘાનાયતનં? યં ઘાનં ચતુન્નં મહાભૂતાનં ઉપાદાય પસાદો અત્તભાવપરિયાપન્નો અનિદસ્સનો સપ્પટિઘો, યેન ઘાનેન અનિદસ્સનેન સપ્પટિઘેન ગન્ધં અનિદસ્સનં સપ્પટિઘં ઘાયિ વા ઘાયતિ વા ઘાયિસ્સતિ વા ઘાયે વા, ઘાનં પેતં ઘાનાયતનં પેતં ઘાનધાતુ પેસા ઘાનિન્દ્રિયં પેતં લોકો પેસો દ્વારા પેસા સમુદ્દો પેસો પણ્ડરં પેતં ખેત્તં પેતં વત્થું પેતં ઓરિમં તીરં પેતં સુઞ્ઞો ગામો પેસો – ઇદં તં રૂપં ઘાનાયતનં.

604. Katamaṃ taṃ rūpaṃ ghānāyatanaṃ? Yaṃ ghānaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yena ghānena anidassanena sappaṭighena gandhaṃ anidassanaṃ sappaṭighaṃ ghāyi vā ghāyati vā ghāyissati vā ghāye vā, ghānaṃ petaṃ ghānāyatanaṃ petaṃ ghānadhātu pesā ghānindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ ghānāyatanaṃ.

૬૦૫. કતમં તં રૂપં ઘાનાયતનં? યં ઘાનં ચતુન્નં મહાભૂતાનં ઉપાદાય પસાદો અત્તભાવપરિયાપન્નો અનિદસ્સનો સપ્પટિઘો, યમ્હિ ઘાનમ્હિ અનિદસ્સનમ્હિ સપ્પટિઘમ્હિ ગન્ધો અનિદસ્સનો સપ્પટિઘો પટિહઞ્ઞિ વા પટિહઞ્ઞતિ વા પટિહઞ્ઞિસ્સતિ વા પટિહઞ્ઞે વા, ઘાનં પેતં ઘાનાયતનં પેતં ઘાનધાતુ પેસા ઘાનિન્દ્રિયં પેતં લોકો પેસો દ્વારા પેસા સમુદ્દો પેસો પણ્ડરં પેતં ખેત્તં પેતં વત્થું પેતં ઓરિમં તીરં પેતં સુઞ્ઞો ગામો પેસો – ઇદં તં રૂપં ઘાનાયતનં.

605. Katamaṃ taṃ rūpaṃ ghānāyatanaṃ? Yaṃ ghānaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yamhi ghānamhi anidassanamhi sappaṭighamhi gandho anidassano sappaṭigho paṭihaññi vā paṭihaññati vā paṭihaññissati vā paṭihaññe vā, ghānaṃ petaṃ ghānāyatanaṃ petaṃ ghānadhātu pesā ghānindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ ghānāyatanaṃ.

૬૦૬. કતમં તં રૂપં ઘાનાયતનં? યં ઘાનં ચતુન્નં મહાભૂતાનં ઉપાદાય પસાદો અત્તભાવપરિયાપન્નો અનિદસ્સનો સપ્પટિઘો, યં ઘાનં અનિદસ્સનં સપ્પટિઘં ગન્ધમ્હિ અનિદસ્સનમ્હિ સપ્પટિઘમ્હિ પટિહઞ્ઞિ વા પટિહઞ્ઞતિ વા પટિહઞ્ઞિસ્સતિ વા પટિહઞ્ઞે વા, ઘાનં પેતં ઘાનાયતનં પેતં ઘાનધાતુ પેસા ઘાનિન્દ્રિયં પેતં લોકો પેસો દ્વારા પેસા સમુદ્દો પેસો પણ્ડરં પેતં ખેત્તં પેતં વત્થું પેતં ઓરિમં તીરં પેતં સુઞ્ઞો ગામોપેસો – ઇદં તં રૂપં ઘાનાયતનં.

606. Katamaṃ taṃ rūpaṃ ghānāyatanaṃ? Yaṃ ghānaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ ghānaṃ anidassanaṃ sappaṭighaṃ gandhamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, ghānaṃ petaṃ ghānāyatanaṃ petaṃ ghānadhātu pesā ghānindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmopeso – idaṃ taṃ rūpaṃ ghānāyatanaṃ.

૬૦૭. કતમં તં રૂપં ઘાનાયતનં? યં ઘાનં ચતુન્નં મહાભૂતાનં ઉપાદાય પસાદો અત્તભાવપરિયાપન્નો અનિદસ્સનો સપ્પટિઘો, યં ઘાનં નિસ્સાય ગન્ધં આરબ્ભ ઘાનસમ્ફસ્સો ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં ઘાનં નિસ્સાય ગન્ધં આરબ્ભ ઘાનસમ્ફસ્સજા વેદના…પે॰… સઞ્ઞા…પે॰… ચેતના…પે॰… ઘાનવિઞ્ઞાણં ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં ઘાનં નિસ્સાય ગન્ધારમ્મણો ઘાનસમ્ફસ્સો ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં ઘાનં નિસ્સાય ગન્ધારમ્મણા ઘાનસમ્ફસ્સજા વેદના…પે॰… સઞ્ઞા…પે॰… ચેતના…પે॰… ઘાનવિઞ્ઞાણં ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા, ઘાનં પેતં ઘાનાયતનં પેતં ઘાનધાતુ પેસા ઘાનિન્દ્રિયં પેતં લોકો પેસો દ્વારા પેસા સમુદ્દો પેસો પણ્ડરં પેતં ખેત્તં પેતં વત્થું પેતં ઓરિમં તીરં પેતં સુઞ્ઞો ગામો પેસો – ઇદં તં રૂપં ઘાનાયતનં.

607. Katamaṃ taṃ rūpaṃ ghānāyatanaṃ? Yaṃ ghānaṃ catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ ghānaṃ nissāya gandhaṃ ārabbha ghānasamphasso uppajji vā uppajjati vā uppajjissati vā uppajje vā…pe… yaṃ ghānaṃ nissāya gandhaṃ ārabbha ghānasamphassajā vedanā…pe… saññā…pe… cetanā…pe… ghānaviññāṇaṃ uppajji vā uppajjati vā uppajjissati vā uppajje vā…pe… yaṃ ghānaṃ nissāya gandhārammaṇo ghānasamphasso uppajji vā uppajjati vā uppajjissati vā uppajje vā…pe… yaṃ ghānaṃ nissāya gandhārammaṇā ghānasamphassajā vedanā…pe… saññā…pe… cetanā…pe… ghānaviññāṇaṃ uppajji vā uppajjati vā uppajjissati vā uppajje vā, ghānaṃ petaṃ ghānāyatanaṃ petaṃ ghānadhātu pesā ghānindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ ghānāyatanaṃ.

૬૦૮. કતમં તં રૂપં જિવ્હાયતનં? યા જિવ્હા ચતુન્નં મહાભૂતાનં ઉપાદાય પસાદો અત્તભાવપરિયાપન્નો અનિદસ્સનો સપ્પટિઘો, યાય જિવ્હાય અનિદસ્સનાય સપ્પટિઘાય રસં અનિદસ્સનં સપ્પટિઘં સાયિ વા સાયતિ વા સાયિસ્સતિ વા સાયે વા, જિવ્હા પેસા જિવ્હાયતનં પેતં જિવ્હાધાતુ પેસા જિવ્હિન્દ્રિયં પેતં લોકો પેસો દ્વારા પેસા સમુદ્દો પેસો પણ્ડરં પેતં ખેત્તં પેતં વત્થું પેતં ઓરિમં તીરં પેતં સુઞ્ઞો ગામો પેસો – ઇદં તં રૂપં જિવ્હાયતનં.

608. Katamaṃ taṃ rūpaṃ jivhāyatanaṃ? Yā jivhā catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yāya jivhāya anidassanāya sappaṭighāya rasaṃ anidassanaṃ sappaṭighaṃ sāyi vā sāyati vā sāyissati vā sāye vā, jivhā pesā jivhāyatanaṃ petaṃ jivhādhātu pesā jivhindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ jivhāyatanaṃ.

૬૦૯. કતમં તં રૂપં જિવ્હાયતનં? યા જિવ્હા ચતુન્નં મહાભૂતાનં ઉપાદાય પસાદો અત્તભાવપરિયાપન્નો અનિદસ્સનો સપ્પટિઘો, યાય જિવ્હાય અનિદસ્સનાય સપ્પટિઘાય રસો અનિદસ્સનો સપ્પટિઘો પટિહઞ્ઞિ વા પટિહઞ્ઞતિ વા પટિહઞ્ઞિસ્સતિ વા પટિહઞ્ઞે વા, જિવ્હા પેસા જિવ્હાયતનં પેતં જિવ્હાધાતુ પેસા જિવ્હિન્દ્રિયં પેતં લોકો પેસો દ્વારા પેસા સમુદ્દો પેસો પણ્ડરં પેતં ખેત્તં પેતં વત્થું પેતં ઓરિમં તીરં પેતં સુઞ્ઞો ગામો પેસો – ઇદં તં રૂપં જિવ્હાયતનં.

609. Katamaṃ taṃ rūpaṃ jivhāyatanaṃ? Yā jivhā catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yāya jivhāya anidassanāya sappaṭighāya raso anidassano sappaṭigho paṭihaññi vā paṭihaññati vā paṭihaññissati vā paṭihaññe vā, jivhā pesā jivhāyatanaṃ petaṃ jivhādhātu pesā jivhindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ jivhāyatanaṃ.

૬૧૦. કતમં તં રૂપં જિવ્હાયતનં? યા જિવ્હા ચતુન્નં મહાભૂતાનં ઉપાદાય પસાદો અત્તભાવપરિયાપન્નો અનિદસ્સનો સપ્પટિઘો, યા જિવ્હા અનિદસ્સના સપ્પટિઘા રસમ્હિ અનિદસ્સનમ્હિ સપ્પટિઘમ્હિ પટિહઞ્ઞિ વા પટિહઞ્ઞતિ વા પટિહઞ્ઞિસ્સતિ વા પટિહઞ્ઞે વા, જિવ્હા પેસા જિવ્હાયતનં પેતં જિવ્હાધાતુ પેસા જિવ્હિન્દ્રિયં પેતં લોકો પેસો દ્વારા પેસા સમુદ્દો પેસો પણ્ડરં પેતં ખેત્તં પેતં વત્થું પેતં ઓરિમં તીરં પેતં સુઞ્ઞો ગામો પેસો – ઇદં તં રૂપં જિવ્હાયતનં.

610. Katamaṃ taṃ rūpaṃ jivhāyatanaṃ? Yā jivhā catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yā jivhā anidassanā sappaṭighā rasamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, jivhā pesā jivhāyatanaṃ petaṃ jivhādhātu pesā jivhindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ jivhāyatanaṃ.

૬૧૧. કતમં તં રૂપં જિવ્હાયતનં? યા જિવ્હા ચતુન્નં મહાભૂતાનં ઉપાદાય પસાદો અત્તભાવપરિયાપન્નો અનિદસ્સનો સપ્પટિઘો, યં જિવ્હં નિસ્સાય રસં આરબ્ભ જિવ્હાસમ્ફસ્સો ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં જિવ્હં નિસ્સાય રસં આરબ્ભ જિવ્હાસમ્ફસ્સજા વેદના…પે॰… સઞ્ઞા…પે॰… ચેતના…પે॰… જિવ્હાવિઞ્ઞાણં ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં જિવ્હં નિસ્સાય રસારમ્મણો જિવ્હાસમ્ફસ્સો ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં જિવ્હં નિસ્સાય રસારમ્મણા જિવ્હાસમ્ફસ્સજા વેદના…પે॰… સઞ્ઞા…પે॰… ચેતના…પે॰… જિવ્હાવિઞ્ઞાણં ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા, જિવ્હા પેસા જિવ્હાયતનં પેતં જિવ્હાધાતુ પેસા જિવ્હિન્દ્રિયં પેતં લોકો પેસો દ્વારા પેસા સમુદ્દો પેસો પણ્ડરં પેતં ખેત્તં પેતં વત્થું પેતં ઓરિમં તીરં પેતં સુઞ્ઞો ગામો પેસો – ઇદં તં રૂપં જિવ્હાયતનં.

611. Katamaṃ taṃ rūpaṃ jivhāyatanaṃ? Yā jivhā catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ jivhaṃ nissāya rasaṃ ārabbha jivhāsamphasso uppajji vā uppajjati vā uppajjissati vā uppajje vā…pe… yaṃ jivhaṃ nissāya rasaṃ ārabbha jivhāsamphassajā vedanā…pe… saññā…pe… cetanā…pe… jivhāviññāṇaṃ uppajji vā uppajjati vā uppajjissati vā uppajje vā…pe… yaṃ jivhaṃ nissāya rasārammaṇo jivhāsamphasso uppajji vā uppajjati vā uppajjissati vā uppajje vā…pe… yaṃ jivhaṃ nissāya rasārammaṇā jivhāsamphassajā vedanā…pe… saññā…pe… cetanā…pe… jivhāviññāṇaṃ uppajji vā uppajjati vā uppajjissati vā uppajje vā, jivhā pesā jivhāyatanaṃ petaṃ jivhādhātu pesā jivhindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ jivhāyatanaṃ.

૬૧૨. કતમં તં રૂપં કાયાયતનં? યો કાયો ચતુન્નં મહાભૂતાનં ઉપાદાય પસાદો અત્તભાવપરિયાપન્નો અનિદસ્સનો સપ્પટિઘો, યેન કાયેન અનિદસ્સનેન સપ્પટિઘેન ફોટ્ઠબ્બં અનિદસ્સનસપ્પટિઘં ફુસિ વા ફુસતિ વા ફુસિસ્સતિ વા ફુસે વા, કાયો પેસો કાયાયતનં પેતં કાયધાતુ પેસા કાયિન્દ્રિયં પેતં લોકો પેસો દ્વારા પેસા સમુદ્દો પેસો પણ્ડરં પેતં ખેત્તં પેતં વત્થું પેતં ઓરિમં તીરં પેતં સુઞ્ઞો ગામો પેસો – ઇદં તં રૂપં કાયાયતનં.

612. Katamaṃ taṃ rūpaṃ kāyāyatanaṃ? Yo kāyo catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yena kāyena anidassanena sappaṭighena phoṭṭhabbaṃ anidassanasappaṭighaṃ phusi vā phusati vā phusissati vā phuse vā, kāyo peso kāyāyatanaṃ petaṃ kāyadhātu pesā kāyindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ kāyāyatanaṃ.

૬૧૩. કતમં તં રૂપં કાયાયતનં? યો કાયો ચતુન્નં મહાભૂતાનં ઉપાદાય પસાદો અત્તભાવપરિયાપન્નો અનિદસ્સનો સપ્પટિઘો, યમ્હિ કાયમ્હિ અનિદસ્સનમ્હિ સપ્પટિઘમ્હિ ફોટ્ઠબ્બો અનિદસ્સનો સપ્પટિઘો પટિહઞ્ઞિ વા પટિહઞ્ઞતિ વા પટિહઞ્ઞિસ્સતિ વા પટિહઞ્ઞે વા, કાયો પેસો કાયાયતનં પેતં કાયધાતુ પેસા કાયિન્દ્રિયં પેતં લોકો પેસો દ્વારા પેસા સમુદ્દો પેસો પણ્ડરં પેતં ખેત્તં પેતં વત્થું પેતં ઓરિમં તીરં પેતં સુઞ્ઞો ગામો પેસો – ઇદં તં રૂપં કાયાયતનં.

613. Katamaṃ taṃ rūpaṃ kāyāyatanaṃ? Yo kāyo catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yamhi kāyamhi anidassanamhi sappaṭighamhi phoṭṭhabbo anidassano sappaṭigho paṭihaññi vā paṭihaññati vā paṭihaññissati vā paṭihaññe vā, kāyo peso kāyāyatanaṃ petaṃ kāyadhātu pesā kāyindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ kāyāyatanaṃ.

૬૧૪. કતમં તં રૂપં કાયાયતનં? યો કાયો ચતુન્નં મહાભૂતાનં ઉપાદાય પસાદો અત્તભાવપરિયાપન્નો અનિદસ્સનો સપ્પટિઘો, યો કાયો અનિદસ્સનો સપ્પટિઘો ફોટ્ઠબ્બમ્હિ અનિદસ્સનમ્હિ સપ્પટિઘમ્હિ પટિહઞ્ઞિ વા પટિહઞ્ઞતિ વા પટિહઞ્ઞિસ્સતિ વા પટિહઞ્ઞે વા, કાયો પેસો કાયાયતનં પેતં કાયધાતુ પેસા કાયિન્દ્રિયં પેતં લોકો પેસો દ્વારા પેસા સમુદ્દો પેસો પણ્ડરં પેતં ખેત્તં પેતં વત્થું પેતં ઓરિમં તીરં પેતં સુઞ્ઞો ગામો પેસો – ઇદં તં રૂપં કાયાયતનં.

614. Katamaṃ taṃ rūpaṃ kāyāyatanaṃ? Yo kāyo catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yo kāyo anidassano sappaṭigho phoṭṭhabbamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, kāyo peso kāyāyatanaṃ petaṃ kāyadhātu pesā kāyindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ kāyāyatanaṃ.

૬૧૫. કતમં તં રૂપં કાયાયતનં? યો કાયો ચતુન્નં મહાભૂતાનં ઉપાદાય પસાદો અત્તભાવપરિયાપન્નો અનિદસ્સનો સપ્પટિઘો, યં કાયં નિસ્સાય ફોટ્ઠબ્બં આરબ્ભ કાયસમ્ફસ્સો ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં કાયં નિસ્સાય ફોટ્ઠબ્બં આરબ્ભ કાયસમ્ફસ્સજા વેદના…પે॰… સઞ્ઞા…પે॰… ચેતના…પે॰… કાયવિઞ્ઞાણં ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં કાયં નિસ્સાય ફોટ્ઠબ્બારમ્મણો કાયસમ્ફસ્સો ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં કાયં નિસ્સાય ફોટ્ઠબ્બારમ્મણા કાયસમ્ફસ્સજા વેદના…પે॰… સઞ્ઞા…પે॰… ચેતના…પે॰… કાયવિઞ્ઞાણં ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા, કાયો પેસો કાયાયતનં પેતં કાયધાતુ પેસા કાયિન્દ્રિયં પેતં લોકો પેસો દ્વારા પેસા સમુદ્દો પેસો પણ્ડરં પેતં ખેત્તં પેતં વત્થું પેતં ઓરિમં તીરં પેતં સુઞ્ઞો ગામો પેસો – ઇદં તં રૂપં કાયાયતનં.

615. Katamaṃ taṃ rūpaṃ kāyāyatanaṃ? Yo kāyo catunnaṃ mahābhūtānaṃ upādāya pasādo attabhāvapariyāpanno anidassano sappaṭigho, yaṃ kāyaṃ nissāya phoṭṭhabbaṃ ārabbha kāyasamphasso uppajji vā uppajjati vā uppajjissati vā uppajje vā…pe… yaṃ kāyaṃ nissāya phoṭṭhabbaṃ ārabbha kāyasamphassajā vedanā…pe… saññā…pe… cetanā…pe… kāyaviññāṇaṃ uppajji vā uppajjati vā uppajjissati vā uppajje vā…pe… yaṃ kāyaṃ nissāya phoṭṭhabbārammaṇo kāyasamphasso uppajji vā uppajjati vā uppajjissati vā uppajje vā…pe… yaṃ kāyaṃ nissāya phoṭṭhabbārammaṇā kāyasamphassajā vedanā…pe… saññā…pe… cetanā…pe… kāyaviññāṇaṃ uppajji vā uppajjati vā uppajjissati vā uppajje vā, kāyo peso kāyāyatanaṃ petaṃ kāyadhātu pesā kāyindriyaṃ petaṃ loko peso dvārā pesā samuddo peso paṇḍaraṃ petaṃ khettaṃ petaṃ vatthuṃ petaṃ orimaṃ tīraṃ petaṃ suñño gāmo peso – idaṃ taṃ rūpaṃ kāyāyatanaṃ.

૬૧૬. કતમં તં રૂપં રૂપાયતનં? યં રૂપં ચતુન્નં મહાભૂતાનં ઉપાદાય વણ્ણનિભા સનિદસ્સનં સપ્પટિઘં નીલં પીતકં લોહિતકં ઓદાતં કાળકં મઞ્જિટ્ઠકં ³ હરિ હરિવણ્ણં અમ્બઙ્કુરવણ્ણં દીઘં રસ્સં અણું થૂલં વટ્ટં પરિમણ્ડલં ચતુરંસં ⁴ છળંસં અટ્ઠંસં સોળસંસં નિન્નં થલં છાયા આતપો આલોકો અન્ધકારો અબ્ભા મહિકા ધૂમો રજો ચન્દમણ્ડલસ્સ વણ્ણનિભા સૂરિયમણ્ડલસ્સ ⁵ વણ્ણનિભા તારકરૂપાનં વણ્ણનિભા આદાસમણ્ડલસ્સ વણ્ણનિભા મણિસઙ્ખમુત્તાવેળુરિયસ્સ વણ્ણનિભા જાતરૂપરજતસ્સ વણ્ણનિભા, યં વા પનઞ્ઞમ્પિ અત્થિ રૂપં ચતુન્નં મહાભૂતાનં ઉપાદાય વણ્ણનિભા સનિદસ્સનં સપ્પટિઘં, યં રૂપં સનિદસ્સનં સપ્પટિઘં ચક્ખુના અનિદસ્સનેન સપ્પટિઘેન પસ્સિ વા પસ્સતિ વા પસ્સિસ્સતિ વા પસ્સે વા, રૂપં પેતં રૂપાયતનં પેતં રૂપધાતુ પેસા – ઇદં તં રૂપં રૂપાયતનં.

616. Katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītakaṃ lohitakaṃ odātaṃ kāḷakaṃ mañjiṭṭhakaṃ ⁶ hari harivaṇṇaṃ ambaṅkuravaṇṇaṃ dīghaṃ rassaṃ aṇuṃ thūlaṃ vaṭṭaṃ parimaṇḍalaṃ caturaṃsaṃ ⁷ chaḷaṃsaṃ aṭṭhaṃsaṃ soḷasaṃsaṃ ninnaṃ thalaṃ chāyā ātapo āloko andhakāro abbhā mahikā dhūmo rajo candamaṇḍalassa vaṇṇanibhā sūriyamaṇḍalassa ⁸ vaṇṇanibhā tārakarūpānaṃ vaṇṇanibhā ādāsamaṇḍalassa vaṇṇanibhā maṇisaṅkhamuttāveḷuriyassa vaṇṇanibhā jātarūparajatassa vaṇṇanibhā, yaṃ vā panaññampi atthi rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ, yaṃ rūpaṃ sanidassanaṃ sappaṭighaṃ cakkhunā anidassanena sappaṭighena passi vā passati vā passissati vā passe vā, rūpaṃ petaṃ rūpāyatanaṃ petaṃ rūpadhātu pesā – idaṃ taṃ rūpaṃ rūpāyatanaṃ.

૬૧૭. કતમં તં રૂપં રૂપાયતનં? યં રૂપં ચતુન્નં મહાભૂતાનં ઉપાદાય વણ્ણનિભા સનિદસ્સનં સપ્પટિઘં નીલં પીતકં લોહિતકં ઓદાતં કાળકં મઞ્જિટ્ઠકં હરિ હરિવણ્ણં અમ્બઙ્કુરવણ્ણં દીઘં રસ્સં અણું થૂલં વટ્ટં પરિમણ્ડલં ચતુરંસં છળંસં અટ્ઠંસં સોળસંસં નિન્નં થલં છાયા આતપો આલોકો અન્ધકારો અબ્ભા મહિકા ધૂમો રજો ચન્દમણ્ડલસ્સ વણ્ણનિભા સૂરિયમણ્ડલસ્સ વણ્ણનિભા તારકરૂપાનં વણ્ણનિભા આદાસમણ્ડલસ્સ વણ્ણનિભા મણિસઙ્ખમુત્તાવેળુરિયસ્સ વણ્ણનિભા જાતરૂપરજતસ્સ વણ્ણનિભા, યં વા પનઞ્ઞમ્પિ અત્થિ રૂપં ચતુન્નં મહાભૂતાનં ઉપાદાય વણ્ણનિભા સનિદસ્સનં સપ્પટિઘં, યમ્હિ રૂપમ્હિ સનિદસ્સનમ્હિ સપ્પટિઘમ્હિ ચક્ખું અનિદસ્સનં સપ્પટિઘં પટિહઞ્ઞિ વા પટિહઞ્ઞતિ વા પટિહઞ્ઞિસ્સતિ વા પટિહઞ્ઞે વા, રૂપં પેતં રૂપાયતનં પેતં રૂપધાતુ પેસા – ઇદં તં રૂપં રૂપાયતનં.

617. Katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītakaṃ lohitakaṃ odātaṃ kāḷakaṃ mañjiṭṭhakaṃ hari harivaṇṇaṃ ambaṅkuravaṇṇaṃ dīghaṃ rassaṃ aṇuṃ thūlaṃ vaṭṭaṃ parimaṇḍalaṃ caturaṃsaṃ chaḷaṃsaṃ aṭṭhaṃsaṃ soḷasaṃsaṃ ninnaṃ thalaṃ chāyā ātapo āloko andhakāro abbhā mahikā dhūmo rajo candamaṇḍalassa vaṇṇanibhā sūriyamaṇḍalassa vaṇṇanibhā tārakarūpānaṃ vaṇṇanibhā ādāsamaṇḍalassa vaṇṇanibhā maṇisaṅkhamuttāveḷuriyassa vaṇṇanibhā jātarūparajatassa vaṇṇanibhā, yaṃ vā panaññampi atthi rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ, yamhi rūpamhi sanidassanamhi sappaṭighamhi cakkhuṃ anidassanaṃ sappaṭighaṃ paṭihaññi vā paṭihaññati vā paṭihaññissati vā paṭihaññe vā, rūpaṃ petaṃ rūpāyatanaṃ petaṃ rūpadhātu pesā – idaṃ taṃ rūpaṃ rūpāyatanaṃ.

૬૧૮. કતમં તં રૂપં રૂપાયતનં? યં રૂપં ચતુન્નં મહાભૂતાનં ઉપાદાય વણ્ણનિભા સનિદસ્સનં સપ્પટિઘં નીલં પીતકં લોહિતકં ઓદાતં કાળકં મઞ્જિટ્ઠકં હરિ હરિવણ્ણં અમ્બઙ્કુરવણ્ણં દીઘં રસ્સં અણું થૂલં વટ્ટં પરિમણ્ડલં ચતુરંસં છળંસં અટ્ઠંસં સોળસંસં નિન્નં થલં છાયા આતપો આલોકો અન્ધકારો અબ્ભા મહિકા ધૂમો રજો ચન્દમણ્ડલસ્સ વણ્ણનિભા સૂરિયમણ્ડલસ્સ વણ્ણનિભા તારકરૂપાનં વણ્ણનિભા આદાસમણ્ડલસ્સ વણ્ણનિભા મણિસઙ્ખમુત્તાવેળુરિયસ્સ વણ્ણનિભા જાતરૂપરજતસ્સ વણ્ણનિભા, યં વા પનઞ્ઞમ્પિ અત્થિ રૂપં ચતુન્નં મહાભૂતાનં ઉપાદાય વણ્ણનિભા સનિદસ્સનં સપ્પટિઘં, યં રૂપં સનિદસ્સનં સપ્પટિઘં ચક્ખુમ્હિ અનિદસ્સનમ્હિ સપ્પટિઘમ્હિ પટિહઞ્ઞિ વા પટિહઞ્ઞતિ વા પટિહઞ્ઞિસ્સતિ વા પટિહઞ્ઞે વા, રૂપં પેતં રૂપાયતનં પેતં રૂપધાતુ પેસા – ઇદં તં રૂપં રૂપાયતનં.

618. Katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītakaṃ lohitakaṃ odātaṃ kāḷakaṃ mañjiṭṭhakaṃ hari harivaṇṇaṃ ambaṅkuravaṇṇaṃ dīghaṃ rassaṃ aṇuṃ thūlaṃ vaṭṭaṃ parimaṇḍalaṃ caturaṃsaṃ chaḷaṃsaṃ aṭṭhaṃsaṃ soḷasaṃsaṃ ninnaṃ thalaṃ chāyā ātapo āloko andhakāro abbhā mahikā dhūmo rajo candamaṇḍalassa vaṇṇanibhā sūriyamaṇḍalassa vaṇṇanibhā tārakarūpānaṃ vaṇṇanibhā ādāsamaṇḍalassa vaṇṇanibhā maṇisaṅkhamuttāveḷuriyassa vaṇṇanibhā jātarūparajatassa vaṇṇanibhā, yaṃ vā panaññampi atthi rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ, yaṃ rūpaṃ sanidassanaṃ sappaṭighaṃ cakkhumhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, rūpaṃ petaṃ rūpāyatanaṃ petaṃ rūpadhātu pesā – idaṃ taṃ rūpaṃ rūpāyatanaṃ.

૬૧૯. કતમં તં રૂપં રૂપાયતનં? યં રૂપં ચતુન્નં મહાભૂતાનં ઉપાદાય વણ્ણનિભા સનિદસ્સનં સપ્પટિઘં નીલં પીતકં લોહિતકં ઓદાતં કાળકં મઞ્જિટ્ઠકં હરિ હરિવણ્ણં અમ્બઙ્કુરવણ્ણં દીઘં રસ્સં અણું થૂલં વટ્ટં પરિમણ્ડલં ચતુરંસં છળંસં અટ્ઠંસં સોળસંસં નિન્નં થલં છાયા આતપો આલોકો અન્ધકારો અબ્ભા મહિકા ધૂમો રજો ચન્દમણ્ડલસ્સ વણ્ણનિભા સૂરિયમણ્ડલસ્સ વણ્ણનિભા તારકરૂપાનં વણ્ણનિભા આદાસમણ્ડલસ્સ વણ્ણનિભા મણિસઙ્ખમુત્તાવેળુરિયસ્સ વણ્ણનિભા જાતરૂપરજતસ્સ વણ્ણનિભા, યં વા પનઞ્ઞમ્પિ અત્થિ રૂપં ચતુન્નં મહાભૂતાનં ઉપાદાય વણ્ણનિભા સનિદસ્સનં સપ્પટિઘં, યં રૂપં આરબ્ભ ચક્ખું નિસ્સાય ચક્ખુસમ્ફસ્સો ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં રૂપં આરબ્ભ ચક્ખું નિસ્સાય ચક્ખુસમ્ફસ્સજા વેદના…પે॰… સઞ્ઞા…પે॰… ચેતના…પે॰… ચક્ખુવિઞ્ઞાણં ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં રૂપારમ્મણો ચક્ખું નિસ્સાય ચક્ખુસમ્ફસ્સો ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં રૂપારમ્મણા ચક્ખું નિસ્સાય ચક્ખુસમ્ફસ્સજા વેદના…પે॰… સઞ્ઞા…પે॰… ચેતના…પે॰… ચક્ખુવિઞ્ઞાણં ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા, રૂપં પેતં રૂપાયતનં પેતં રૂપધાતુ પેસા – ઇદં તં રૂપં રૂપાયતનં.

619. Katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītakaṃ lohitakaṃ odātaṃ kāḷakaṃ mañjiṭṭhakaṃ hari harivaṇṇaṃ ambaṅkuravaṇṇaṃ dīghaṃ rassaṃ aṇuṃ thūlaṃ vaṭṭaṃ parimaṇḍalaṃ caturaṃsaṃ chaḷaṃsaṃ aṭṭhaṃsaṃ soḷasaṃsaṃ ninnaṃ thalaṃ chāyā ātapo āloko andhakāro abbhā mahikā dhūmo rajo candamaṇḍalassa vaṇṇanibhā sūriyamaṇḍalassa vaṇṇanibhā tārakarūpānaṃ vaṇṇanibhā ādāsamaṇḍalassa vaṇṇanibhā maṇisaṅkhamuttāveḷuriyassa vaṇṇanibhā jātarūparajatassa vaṇṇanibhā, yaṃ vā panaññampi atthi rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ, yaṃ rūpaṃ ārabbha cakkhuṃ nissāya cakkhusamphasso uppajji vā uppajjati vā uppajjissati vā uppajje vā…pe… yaṃ rūpaṃ ārabbha cakkhuṃ nissāya cakkhusamphassajā vedanā…pe… saññā…pe… cetanā…pe… cakkhuviññāṇaṃ uppajji vā uppajjati vā uppajjissati vā uppajje vā…pe… yaṃ rūpārammaṇo cakkhuṃ nissāya cakkhusamphasso uppajji vā uppajjati vā uppajjissati vā uppajje vā…pe… yaṃ rūpārammaṇā cakkhuṃ nissāya cakkhusamphassajā vedanā…pe… saññā…pe… cetanā…pe… cakkhuviññāṇaṃ uppajji vā uppajjati vā uppajjissati vā uppajje vā, rūpaṃ petaṃ rūpāyatanaṃ petaṃ rūpadhātu pesā – idaṃ taṃ rūpaṃ rūpāyatanaṃ.

૬૨૦. કતમં તં રૂપં સદ્દાયતનં? યો સદ્દો ચતુન્નં મહાભૂતાનં ઉપાદાય અનિદસ્સનો સપ્પટિઘો ભેરિસદ્દો મુદિઙ્ગસદ્દો સઙ્ખસદ્દો પણવસદ્દો ગીતસદ્દો વાદિતસદ્દો સમ્મસદ્દો પાણિસદ્દો સત્તાનં નિગ્ઘોસસદ્દો ધાતૂનં સન્નિઘાતસદ્દો વાતસદ્દો ઉદકસદ્દો મનુસ્સસદ્દો અમનુસ્સસદ્દો, યો વા પનઞ્ઞોપિ અત્થિ સદ્દો ચતુન્નં મહાભૂતાનં ઉપાદાય અનિદસ્સનો સપ્પટિઘો, યં સદ્દં અનિદસ્સનં સપ્પટિઘં સોતેન અનિદસ્સનેન સપ્પટિઘેન સુણિ વા સુણાતિ વા સુણિસ્સતિ વા સુણે વા, સદ્દો પેસો સદ્દાયતનં પેતં સદ્દધાતુ પેસા – ઇદં તં રૂપં સદ્દાયતનં.

620. Katamaṃ taṃ rūpaṃ saddāyatanaṃ? Yo saddo catunnaṃ mahābhūtānaṃ upādāya anidassano sappaṭigho bherisaddo mudiṅgasaddo saṅkhasaddo paṇavasaddo gītasaddo vāditasaddo sammasaddo pāṇisaddo sattānaṃ nigghosasaddo dhātūnaṃ sannighātasaddo vātasaddo udakasaddo manussasaddo amanussasaddo, yo vā panaññopi atthi saddo catunnaṃ mahābhūtānaṃ upādāya anidassano sappaṭigho, yaṃ saddaṃ anidassanaṃ sappaṭighaṃ sotena anidassanena sappaṭighena suṇi vā suṇāti vā suṇissati vā suṇe vā, saddo peso saddāyatanaṃ petaṃ saddadhātu pesā – idaṃ taṃ rūpaṃ saddāyatanaṃ.

૬૨૧. કતમં તં રૂપં સદ્દાયતનં? યો સદ્દો ચતુન્નં મહાભૂતાનં ઉપાદાય અનિદસ્સનો સપ્પટિઘો ભેરિસદ્દો મુદિઙ્ગસદ્દો સઙ્ખસદ્દો પણવસદ્દો ગીતસદ્દો વાદિતસદ્દો સમ્મસદ્દો પાણિસદ્દો સત્તાનં નિગ્ઘોસસદ્દો ધાતૂનં સન્નિઘાતસદ્દો વાતસદ્દો ઉદકસદ્દો મનુસ્સસદ્દો અમનુસ્સસદ્દો, યો વા પનઞ્ઞોપિ અત્થિ સદ્દો ચતુન્નં મહાભૂતાનં ઉપાદાય અનિદસ્સનો સપ્પટિઘો, યમ્હિ સદ્દમ્હિ અનિદસ્સનમ્હિ સપ્પટિઘમ્હિ સોતં અનિદસ્સનં સપ્પટિઘં પટિહઞ્ઞિ વા પટિહઞ્ઞતિ વા પટિહઞ્ઞિસ્સતિ વા પટિહઞ્ઞે વા, સદ્દો પેસો સદ્દાયતનં પેતં સદ્દધાતુ પેસા – ઇદં તં રૂપં સદ્દાયતનં.

621. Katamaṃ taṃ rūpaṃ saddāyatanaṃ? Yo saddo catunnaṃ mahābhūtānaṃ upādāya anidassano sappaṭigho bherisaddo mudiṅgasaddo saṅkhasaddo paṇavasaddo gītasaddo vāditasaddo sammasaddo pāṇisaddo sattānaṃ nigghosasaddo dhātūnaṃ sannighātasaddo vātasaddo udakasaddo manussasaddo amanussasaddo, yo vā panaññopi atthi saddo catunnaṃ mahābhūtānaṃ upādāya anidassano sappaṭigho, yamhi saddamhi anidassanamhi sappaṭighamhi sotaṃ anidassanaṃ sappaṭighaṃ paṭihaññi vā paṭihaññati vā paṭihaññissati vā paṭihaññe vā, saddo peso saddāyatanaṃ petaṃ saddadhātu pesā – idaṃ taṃ rūpaṃ saddāyatanaṃ.

૬૨૨. કતમં તં રૂપં સદ્દાયતનં? યો સદ્દો ચતુન્નં મહાભૂતાનં ઉપાદાય અનિદસ્સનો સપ્પટિઘો ભેરિસદ્દો મુદિઙ્ગસદ્દો સઙ્ખસદ્દો પણવસદ્દો ગીતસદ્દો વાદિતસદ્દો સમ્મસદ્દો પાણિસદ્દો સત્તાનં નિગ્ઘોસસદ્દો ધાતૂનં સન્નિઘાતસદ્દો વાતસદ્દો ઉદકસદ્દો મનુસ્સસદ્દો અમનુસ્સસદ્દો, યો વા પનઞ્ઞોપિ અત્થિ સદ્દો ચતુન્નં મહાભૂતાનં ઉપાદાય અનિદસ્સનો સપ્પટિઘો, યો સદ્દો અનિદસ્સનો સપ્પટિઘો સોતમ્હિ અનિદસ્સનમ્હિ સપ્પટિઘમ્હિ પટિહઞ્ઞિ વા પટિહઞ્ઞતિ વા પટિહઞ્ઞિસ્સતિ વા પટિહઞ્ઞે વા, સદ્દો પેસો સદ્દાયતનં પેતં સદ્દધાતુ પેસા – ઇદં તં રૂપં સદ્દાયતનં.

622. Katamaṃ taṃ rūpaṃ saddāyatanaṃ? Yo saddo catunnaṃ mahābhūtānaṃ upādāya anidassano sappaṭigho bherisaddo mudiṅgasaddo saṅkhasaddo paṇavasaddo gītasaddo vāditasaddo sammasaddo pāṇisaddo sattānaṃ nigghosasaddo dhātūnaṃ sannighātasaddo vātasaddo udakasaddo manussasaddo amanussasaddo, yo vā panaññopi atthi saddo catunnaṃ mahābhūtānaṃ upādāya anidassano sappaṭigho, yo saddo anidassano sappaṭigho sotamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, saddo peso saddāyatanaṃ petaṃ saddadhātu pesā – idaṃ taṃ rūpaṃ saddāyatanaṃ.

૬૨૩. કતમં તં રૂપં સદ્દાયતનં? યો સદ્દો ચતુન્નં મહાભૂતાનં ઉપાદાય અનિદસ્સનો સપ્પટિઘો ભેરિસદ્દો મુદિઙ્ગસદ્દો સઙ્ખસદ્દો પણવસદ્દો ગીતસદ્દો વાદિતસદ્દો સમ્મસદ્દો પાણિસદ્દો સત્તાનં નિગ્ઘોસસદ્દો ધાતૂનં સન્નિઘાતસદ્દો વાતસદ્દો ઉદકસદ્દો મનુસ્સસદ્દો અમનુસ્સસદ્દો, યો વા પનઞ્ઞોપિ અત્થિ સદ્દો ચતુન્નં મહાભૂતાનં ઉપાદાય અનિદસ્સનો સપ્પટિઘો, યં સદ્દં આરબ્ભ સોતં નિસ્સાય સોતસમ્ફસ્સો ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં સદ્દં આરબ્ભ સોતં નિસ્સાય સોતસમ્ફસ્સજા વેદના…પે॰… સઞ્ઞા…પે॰… ચેતના…પે॰… સોતવિઞ્ઞાણં ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં સદ્દારમ્મણો સોતં નિસ્સાય સોતસમ્ફસ્સો ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં સદ્દારમ્મણા સોતં નિસ્સાય સોતસમ્ફસ્સજા વેદના…પે॰… સઞ્ઞા…પે॰… ચેતના…પે॰… સોતવિઞ્ઞાણં ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા, સદ્દો પેસો સદ્દાયતનં પેતં સદ્દધાતુ પેસા – ઇદં તં રૂપં સદ્દાયતનં.

623. Katamaṃ taṃ rūpaṃ saddāyatanaṃ? Yo saddo catunnaṃ mahābhūtānaṃ upādāya anidassano sappaṭigho bherisaddo mudiṅgasaddo saṅkhasaddo paṇavasaddo gītasaddo vāditasaddo sammasaddo pāṇisaddo sattānaṃ nigghosasaddo dhātūnaṃ sannighātasaddo vātasaddo udakasaddo manussasaddo amanussasaddo, yo vā panaññopi atthi saddo catunnaṃ mahābhūtānaṃ upādāya anidassano sappaṭigho, yaṃ saddaṃ ārabbha sotaṃ nissāya sotasamphasso uppajji vā uppajjati vā uppajjissati vā uppajje vā…pe… yaṃ saddaṃ ārabbha sotaṃ nissāya sotasamphassajā vedanā…pe… saññā…pe… cetanā…pe… sotaviññāṇaṃ uppajji vā uppajjati vā uppajjissati vā uppajje vā…pe… yaṃ saddārammaṇo sotaṃ nissāya sotasamphasso uppajji vā uppajjati vā uppajjissati vā uppajje vā…pe… yaṃ saddārammaṇā sotaṃ nissāya sotasamphassajā vedanā…pe… saññā…pe… cetanā…pe… sotaviññāṇaṃ uppajji vā uppajjati vā uppajjissati vā uppajje vā, saddo peso saddāyatanaṃ petaṃ saddadhātu pesā – idaṃ taṃ rūpaṃ saddāyatanaṃ.

૬૨૪. કતમં તં રૂપં ગન્ધાયતનં? યો ગન્ધો ચતુન્નં મહાભૂતાનં ઉપાદાય અનિદસ્સનો સપ્પટિઘો મૂલગન્ધો સારગન્ધો તચગન્ધો પત્તગન્ધો પુપ્ફગન્ધો ફલગન્ધો આમકગન્ધો વિસ્સગન્ધો સુગન્ધો દુગ્ગન્ધો , યો વા પનઞ્ઞોપિ અત્થિ ગન્ધો ચતુન્નં મહાભૂતાનં ઉપાદાય અનિદસ્સનો સપ્પટિઘો, યં ગન્ધં અનિદસ્સનં સપ્પટિઘં ઘાનેન અનિદસ્સનેન સપ્પટિઘેન ઘાયિ વા ઘાયતિ વા ઘાયિસ્સતિ વા ઘાયે વા, ગન્ધો પેસો ગન્ધાયતનં પેતં ગન્ધધાતુ પેસા – ઇદં તં રૂપં ગન્ધાયતનં.

624. Katamaṃ taṃ rūpaṃ gandhāyatanaṃ? Yo gandho catunnaṃ mahābhūtānaṃ upādāya anidassano sappaṭigho mūlagandho sāragandho tacagandho pattagandho pupphagandho phalagandho āmakagandho vissagandho sugandho duggandho , yo vā panaññopi atthi gandho catunnaṃ mahābhūtānaṃ upādāya anidassano sappaṭigho, yaṃ gandhaṃ anidassanaṃ sappaṭighaṃ ghānena anidassanena sappaṭighena ghāyi vā ghāyati vā ghāyissati vā ghāye vā, gandho peso gandhāyatanaṃ petaṃ gandhadhātu pesā – idaṃ taṃ rūpaṃ gandhāyatanaṃ.

૬૨૫. કતમં તં રૂપં ગન્ધાયતનં? યો ગન્ધો ચતુન્નં મહાભૂતાનં ઉપાદાય અનિદસ્સનો સપ્પટિઘો મૂલગન્ધો સારગન્ધો તચગન્ધો પત્તગન્ધો પુપ્ફગન્ધો ફલગન્ધો આમકગન્ધો વિસ્સગન્ધો સુગન્ધો દુગ્ગન્ધો, યો વા પનઞ્ઞોપિ અત્થિ ગન્ધો ચતુન્નં મહાભૂતાનં ઉપાદાય અનિદસ્સનો સપ્પટિઘો, યમ્હિ ગન્ધમ્હિ અનિદસ્સનમ્હિ સપ્પટિઘમ્હિ ઘાનં અનિદસ્સનં સપ્પટિઘં પટિહઞ્ઞિ વા પટિહઞ્ઞતિ વા પટિહઞ્ઞિસ્સતિ વા પટિહઞ્ઞે વા, ગન્ધો પેસો ગન્ધાયતનં પેતં ગન્ધધાતુ પેસા – ઇદં તં રૂપં ગન્ધાયતનં.

625. Katamaṃ taṃ rūpaṃ gandhāyatanaṃ? Yo gandho catunnaṃ mahābhūtānaṃ upādāya anidassano sappaṭigho mūlagandho sāragandho tacagandho pattagandho pupphagandho phalagandho āmakagandho vissagandho sugandho duggandho, yo vā panaññopi atthi gandho catunnaṃ mahābhūtānaṃ upādāya anidassano sappaṭigho, yamhi gandhamhi anidassanamhi sappaṭighamhi ghānaṃ anidassanaṃ sappaṭighaṃ paṭihaññi vā paṭihaññati vā paṭihaññissati vā paṭihaññe vā, gandho peso gandhāyatanaṃ petaṃ gandhadhātu pesā – idaṃ taṃ rūpaṃ gandhāyatanaṃ.

૬૨૬. કતમં તં રૂપં ગન્ધાયતનં? યો ગન્ધો ચતુન્નં મહાભૂતાનં ઉપાદાય અનિદસ્સનો સપ્પટિઘો મૂલગન્ધો સારગન્ધો તચગન્ધો પત્તગન્ધો પુપ્ફગન્ધો ફલગન્ધો આમકગન્ધો વિસ્સગન્ધો સુગન્ધો દુગ્ગન્ધો, યો વા પનઞ્ઞોપિ અત્થિ ગન્ધો ચતુન્નં મહાભૂતાનં ઉપાદાય અનિદસ્સનો સપ્પટિઘો, યો ગન્ધો અનિદસ્સનો સપ્પટિઘો ઘાનમ્હિ અનિદસ્સનમ્હિ સપ્પટિઘમ્હિ પટિહઞ્ઞિ વા પટિહઞ્ઞતિ વા પટિહઞ્ઞિસ્સતિ વા પટિહઞ્ઞે વા, ગન્ધો પેસો ગન્ધાયતનં પેતં ગન્ધધાતુ પેસા – ઇદં તં રૂપં ગન્ધાયતનં.

626. Katamaṃ taṃ rūpaṃ gandhāyatanaṃ? Yo gandho catunnaṃ mahābhūtānaṃ upādāya anidassano sappaṭigho mūlagandho sāragandho tacagandho pattagandho pupphagandho phalagandho āmakagandho vissagandho sugandho duggandho, yo vā panaññopi atthi gandho catunnaṃ mahābhūtānaṃ upādāya anidassano sappaṭigho, yo gandho anidassano sappaṭigho ghānamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, gandho peso gandhāyatanaṃ petaṃ gandhadhātu pesā – idaṃ taṃ rūpaṃ gandhāyatanaṃ.

૬૨૭. કતમં તં રૂપં ગન્ધાયતનં? યો ગન્ધો ચતુન્નં મહાભૂતાનં ઉપાદાય અનિદસ્સનો સપ્પટિઘો મૂલગન્ધો સારગન્ધો તચગન્ધો પત્તગન્ધો પુપ્ફગન્ધો ફલગન્ધો આમકગન્ધો વિસ્સગન્ધો સુગન્ધો દુગ્ગન્ધો, યો વા પનઞ્ઞોપિ અત્થિ ગન્ધો ચતુન્નં મહાભૂતાનં ઉપાદાય અનિદસ્સનો સપ્પટિઘો, યં ગન્ધં આરબ્ભ ઘાનં નિસ્સાય ઘાનસમ્ફસ્સો ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં ગન્ધં આરબ્ભ ઘાનં નિસ્સાય ઘાનસમ્ફસ્સજા વેદના…પે॰… સઞ્ઞા…પે॰… ચેતના…પે॰… ઘાનવિઞ્ઞાણં ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં ગન્ધારમ્મણો ઘાનં નિસ્સાય ઘાનસમ્ફસ્સો ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં ગન્ધારમ્મણા ઘાનં નિસ્સાય ઘાનસમ્ફસ્સજા વેદના…પે॰… સઞ્ઞા…પે॰… ચેતના…પે॰… ઘાનવિઞ્ઞાણં ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા, ગન્ધો પેસો ગન્ધાયતનં પેતં ગન્ધધાતુ પેસા – ઇદં તં રૂપં ગન્ધાયતનં.

627. Katamaṃ taṃ rūpaṃ gandhāyatanaṃ? Yo gandho catunnaṃ mahābhūtānaṃ upādāya anidassano sappaṭigho mūlagandho sāragandho tacagandho pattagandho pupphagandho phalagandho āmakagandho vissagandho sugandho duggandho, yo vā panaññopi atthi gandho catunnaṃ mahābhūtānaṃ upādāya anidassano sappaṭigho, yaṃ gandhaṃ ārabbha ghānaṃ nissāya ghānasamphasso uppajji vā uppajjati vā uppajjissati vā uppajje vā…pe… yaṃ gandhaṃ ārabbha ghānaṃ nissāya ghānasamphassajā vedanā…pe… saññā…pe… cetanā…pe… ghānaviññāṇaṃ uppajji vā uppajjati vā uppajjissati vā uppajje vā…pe… yaṃ gandhārammaṇo ghānaṃ nissāya ghānasamphasso uppajji vā uppajjati vā uppajjissati vā uppajje vā…pe… yaṃ gandhārammaṇā ghānaṃ nissāya ghānasamphassajā vedanā…pe… saññā…pe… cetanā…pe… ghānaviññāṇaṃ uppajji vā uppajjati vā uppajjissati vā uppajje vā, gandho peso gandhāyatanaṃ petaṃ gandhadhātu pesā – idaṃ taṃ rūpaṃ gandhāyatanaṃ.

૬૨૮. કતમં તં રૂપં રસાયતનં? યો રસો ચતુન્નં મહાભૂતાનં ઉપાદાય અનિદસ્સનો સપ્પટિઘો મૂલરસો ખન્ધરસો તચરસો પત્તરસો પુપ્ફરસો ફલરસો અમ્બિલં મધુરં તિત્તકં કટુકં લોણિકં ખારિકં લમ્બિલં ⁹ કસાવો સાદુ અસાદુ, યો વા પનઞ્ઞોપિ અત્થિ રસો ચતુન્નં મહાભૂતાનં ઉપાદાય અનિદસ્સનો સપ્પટિઘો, યં રસં અનિદસ્સનં સપ્પટિઘં જિવ્હાય અનિદસ્સનાય સપ્પટિઘાય સાયિ વા સાયતિ વા સાયિસ્સતિ વા સાયે વા, રસો પેસો રસાયતનં પેતં રસધાતુ પેસા – ઇદં તં રૂપં રસાયતનં.

628. Katamaṃ taṃ rūpaṃ rasāyatanaṃ? Yo raso catunnaṃ mahābhūtānaṃ upādāya anidassano sappaṭigho mūlaraso khandharaso tacaraso pattaraso puppharaso phalaraso ambilaṃ madhuraṃ tittakaṃ kaṭukaṃ loṇikaṃ khārikaṃ lambilaṃ ¹⁰ kasāvo sādu asādu, yo vā panaññopi atthi raso catunnaṃ mahābhūtānaṃ upādāya anidassano sappaṭigho, yaṃ rasaṃ anidassanaṃ sappaṭighaṃ jivhāya anidassanāya sappaṭighāya sāyi vā sāyati vā sāyissati vā sāye vā, raso peso rasāyatanaṃ petaṃ rasadhātu pesā – idaṃ taṃ rūpaṃ rasāyatanaṃ.

૬૨૯. કતમં તં રૂપં રસાયતનં? યો રસો ચતુન્નં મહાભૂતાનં ઉપાદાય અનિદસ્સનો સપ્પટિઘો મૂલરસો ખન્ધરસો તચરસો પત્તરસો પુપ્ફરસો ફલરસો અમ્બિલં મધુરં તિત્તકં કટુકં લોણિકં ખારિકં લમ્બિલં કસાવો સાદુ અસાદુ, યો વા પનઞ્ઞોપિ અત્થિ રસો ચતુન્નં મહાભૂતાનં ઉપાદાય અનિદસ્સનો સપ્પટિઘો, યમ્હિ રસમ્હિ અનિદસ્સનમ્હિ સપ્પટિઘમ્હિ જિવ્હા અનિદસ્સના સપ્પટિઘા પટિહઞ્ઞિ વા પટિહઞ્ઞતિ વા પટિહઞ્ઞિસ્સતિ વા પટિહઞ્ઞે વા, રસો પેસો રસાયતનં પેતં રસધાતુ પેસા – ઇદં તં રૂપં રસાયતનં.

629. Katamaṃ taṃ rūpaṃ rasāyatanaṃ? Yo raso catunnaṃ mahābhūtānaṃ upādāya anidassano sappaṭigho mūlaraso khandharaso tacaraso pattaraso puppharaso phalaraso ambilaṃ madhuraṃ tittakaṃ kaṭukaṃ loṇikaṃ khārikaṃ lambilaṃ kasāvo sādu asādu, yo vā panaññopi atthi raso catunnaṃ mahābhūtānaṃ upādāya anidassano sappaṭigho, yamhi rasamhi anidassanamhi sappaṭighamhi jivhā anidassanā sappaṭighā paṭihaññi vā paṭihaññati vā paṭihaññissati vā paṭihaññe vā, raso peso rasāyatanaṃ petaṃ rasadhātu pesā – idaṃ taṃ rūpaṃ rasāyatanaṃ.

૬૩૦. કતમં તં રૂપં રસાયતનં? યો રસો ચતુન્નં મહાભૂતાનં ઉપાદાય અનિદસ્સનો સપ્પટિઘો મૂલરસો ખન્ધરસો તચરસો પત્તરસો પુપ્ફરસો ફલરસો અમ્બિલં મધુરં તિત્તકં કટુકં લોણિકં ખારિકં લમ્બિલં કસાવો સાદુ અસાદુ, યો વા પનઞ્ઞોપિ અત્થિ રસો ચતુન્નં મહાભૂતાનં ઉપાદાય અનિદસ્સનો સપ્પટિઘો, યો રસો અનિદસ્સનો સપ્પટિઘો જિવ્હાય અનિદસ્સનાય સપ્પટિઘાય પટિહઞ્ઞિ વા પટિહઞ્ઞતિ વા પટિહઞ્ઞિસ્સતિ વા પટિહઞ્ઞે વા, રસો પેસો રસાયતનં પેતં રસધાતુ પેસા – ઇદં તં રૂપં રસાયતનં.

630. Katamaṃ taṃ rūpaṃ rasāyatanaṃ? Yo raso catunnaṃ mahābhūtānaṃ upādāya anidassano sappaṭigho mūlaraso khandharaso tacaraso pattaraso puppharaso phalaraso ambilaṃ madhuraṃ tittakaṃ kaṭukaṃ loṇikaṃ khārikaṃ lambilaṃ kasāvo sādu asādu, yo vā panaññopi atthi raso catunnaṃ mahābhūtānaṃ upādāya anidassano sappaṭigho, yo raso anidassano sappaṭigho jivhāya anidassanāya sappaṭighāya paṭihaññi vā paṭihaññati vā paṭihaññissati vā paṭihaññe vā, raso peso rasāyatanaṃ petaṃ rasadhātu pesā – idaṃ taṃ rūpaṃ rasāyatanaṃ.

૬૩૧. કતમં તં રૂપં રસાયતનં? યો રસો ચતુન્નં મહાભૂતાનં ઉપાદાય અનિદસ્સનો સપ્પટિઘો મૂલરસો ખન્ધરસો તચરસો પત્તરસો પુપ્ફરસો ફલરસો અમ્બિલં મધુરં તિત્તકં કટુકં લોણિકં ખારિકં લમ્બિલં કસાવો સાદુ અસાદુ, યો વા પનઞ્ઞોપિ અત્થિ રસો ચતુન્નં મહાભૂતાનં ઉપાદાય અનિદસ્સનો સપ્પટિઘો, યં રસં આરબ્ભ જિવ્હં નિસ્સાય જિવ્હાસમ્ફસ્સો ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં રસં આરબ્ભ જિવ્હં નિસ્સાય જિવ્હાસમ્ફસ્સજા વેદના…પે॰… સઞ્ઞા…પે॰… ચેતના…પે॰… જિવ્હાવિઞ્ઞાણં ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં રસારમ્મણો જિવ્હં નિસ્સાય જિવ્હાસમ્ફસ્સો ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં રસારમ્મણા જિવ્હં નિસ્સાય જિવ્હાસમ્ફસ્સજા વેદના…પે॰… સઞ્ઞા…પે॰… ચેતના…પે॰… જિવ્હાવિઞ્ઞાણં ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા, રસો પેસો રસાયતનં પેતં રસધાતુ પેસા – ઇદં તં રૂપં રસાયતનં.

631. Katamaṃ taṃ rūpaṃ rasāyatanaṃ? Yo raso catunnaṃ mahābhūtānaṃ upādāya anidassano sappaṭigho mūlaraso khandharaso tacaraso pattaraso puppharaso phalaraso ambilaṃ madhuraṃ tittakaṃ kaṭukaṃ loṇikaṃ khārikaṃ lambilaṃ kasāvo sādu asādu, yo vā panaññopi atthi raso catunnaṃ mahābhūtānaṃ upādāya anidassano sappaṭigho, yaṃ rasaṃ ārabbha jivhaṃ nissāya jivhāsamphasso uppajji vā uppajjati vā uppajjissati vā uppajje vā…pe… yaṃ rasaṃ ārabbha jivhaṃ nissāya jivhāsamphassajā vedanā…pe… saññā…pe… cetanā…pe… jivhāviññāṇaṃ uppajji vā uppajjati vā uppajjissati vā uppajje vā…pe… yaṃ rasārammaṇo jivhaṃ nissāya jivhāsamphasso uppajji vā uppajjati vā uppajjissati vā uppajje vā…pe… yaṃ rasārammaṇā jivhaṃ nissāya jivhāsamphassajā vedanā…pe… saññā…pe… cetanā…pe… jivhāviññāṇaṃ uppajji vā uppajjati vā uppajjissati vā uppajje vā, raso peso rasāyatanaṃ petaṃ rasadhātu pesā – idaṃ taṃ rūpaṃ rasāyatanaṃ.

૬૩૨. કતમં તં રૂપં ઇત્થિન્દ્રિયં? યં ઇત્થિયા ઇત્થિલિઙ્ગં ઇત્થિનિમિત્તં ઇત્થિકુત્તં ઇત્થાકપ્પો ઇત્થત્તં ઇત્થિભાવો ¹¹ – ઇદં તં રૂપં ઇત્થિન્દ્રિયં.

632. Katamaṃ taṃ rūpaṃ itthindriyaṃ? Yaṃ itthiyā itthiliṅgaṃ itthinimittaṃ itthikuttaṃ itthākappo itthattaṃ itthibhāvo ¹² – idaṃ taṃ rūpaṃ itthindriyaṃ.

૬૩૩. કતમં તં રૂપં પુરિસિન્દ્રિયં? યં પુરિસસ્સ પુરિસલિઙ્ગં પુરિસનિમિત્તં પુરિસકુત્તં પુરિસાકપ્પો પુરિસત્તં પુરિસભાવો – ઇદં તં રૂપં પુરિસિન્દ્રિયં.

633. Katamaṃ taṃ rūpaṃ purisindriyaṃ? Yaṃ purisassa purisaliṅgaṃ purisanimittaṃ purisakuttaṃ purisākappo purisattaṃ purisabhāvo – idaṃ taṃ rūpaṃ purisindriyaṃ.

૬૩૪. કતમં તં રૂપં જીવિતિન્દ્રિયં? યો તેસં રૂપીનં ધમ્માનં આયુ ઠિતિ યપના યાપના ઇરિયના વત્તના પાલના જીવિતં જીવિતિન્દ્રિયં – ઇદં તં રૂપં જીવિતિન્દ્રિયં.

634. Katamaṃ taṃ rūpaṃ jīvitindriyaṃ? Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ jīvitindriyaṃ.

૬૩૫. કતમં તં રૂપં કાયવિઞ્ઞત્તિ? યા કુસલચિત્તસ્સ વા અકુસલચિત્તસ્સ વા અબ્યાકતચિત્તસ્સ વા અભિક્કમન્તસ્સ વા પટિક્કમન્તસ્સ વા આલોકેન્તસ્સ વા વિલોકેન્તસ્સ વા સમિઞ્જેન્તસ્સ વા પસારેન્તસ્સ વા કાયસ્સ થમ્ભના સન્થમ્ભના સન્થમ્ભિતત્તં વિઞ્ઞત્તિ વિઞ્ઞાપના વિઞ્ઞાપિતત્તં – ઇદં તં રૂપં કાયવિઞ્ઞત્તિ.

635. Katamaṃ taṃ rūpaṃ kāyaviññatti? Yā kusalacittassa vā akusalacittassa vā abyākatacittassa vā abhikkamantassa vā paṭikkamantassa vā ālokentassa vā vilokentassa vā samiñjentassa vā pasārentassa vā kāyassa thambhanā santhambhanā santhambhitattaṃ viññatti viññāpanā viññāpitattaṃ – idaṃ taṃ rūpaṃ kāyaviññatti.

૬૩૬. કતમં તં રૂપં વચીવિઞ્ઞત્તિ? યા કુસલચિત્તસ્સ વા અકુસલચિત્તસ્સ વા અબ્યાકતચિત્તસ્સ વા વાચા ગિરા બ્યપ્પથો ઉદીરણં ઘોસો ઘોસકમ્મં વાચા વચીભેદો – અયં વુચ્ચતિ વાચા. યા તાય વાચાય વિઞ્ઞત્તિ વિઞ્ઞાપના વિઞ્ઞાપિતત્તં – ઇદં તં રૂપં વચીવિઞ્ઞત્તિ.

636. Katamaṃ taṃ rūpaṃ vacīviññatti? Yā kusalacittassa vā akusalacittassa vā abyākatacittassa vā vācā girā byappatho udīraṇaṃ ghoso ghosakammaṃ vācā vacībhedo – ayaṃ vuccati vācā. Yā tāya vācāya viññatti viññāpanā viññāpitattaṃ – idaṃ taṃ rūpaṃ vacīviññatti.

૬૩૭. કતમં તં રૂપં આકાસધાતુ? યો આકાસો આકાસગતં અઘં અઘગતં વિવરો વિવરગતં અસમ્ફુટ્ઠં ચતૂહિ મહાભૂતેહિ – ઇદં તં રૂપં આકાસધાતુ.

637. Katamaṃ taṃ rūpaṃ ākāsadhātu? Yo ākāso ākāsagataṃ aghaṃ aghagataṃ vivaro vivaragataṃ asamphuṭṭhaṃ catūhi mahābhūtehi – idaṃ taṃ rūpaṃ ākāsadhātu.

૬૩૮. કતમં તં રૂપં રૂપસ્સ લહુતા? યા રૂપસ્સ લહુતા લહુપરિણામતા અદન્ધનતા અવિત્થનતા – ઇદં તં રૂપં રૂપસ્સ લહુતા.

638. Katamaṃ taṃ rūpaṃ rūpassa lahutā? Yā rūpassa lahutā lahupariṇāmatā adandhanatā avitthanatā – idaṃ taṃ rūpaṃ rūpassa lahutā.

૬૩૯. કતમં તં રૂપં રૂપસ્સ મુદુતા? યા રૂપસ્સ મુદુતા મદ્દવતા અકક્ખળતા અકથિનતા – ઇદં તં રૂપં રૂપસ્સ મુદુતા.

639. Katamaṃ taṃ rūpaṃ rūpassa mudutā? Yā rūpassa mudutā maddavatā akakkhaḷatā akathinatā – idaṃ taṃ rūpaṃ rūpassa mudutā.

૬૪૦. કતમં તં રૂપં રૂપસ્સ કમ્મઞ્ઞતા? યા રૂપસ્સ કમ્મઞ્ઞતા કમ્મઞ્ઞત્તં કમ્મઞ્ઞભાવો – ઇદં તં રૂપં રૂપસ્સ કમ્મઞ્ઞતા.

640. Katamaṃ taṃ rūpaṃ rūpassa kammaññatā? Yā rūpassa kammaññatā kammaññattaṃ kammaññabhāvo – idaṃ taṃ rūpaṃ rūpassa kammaññatā.

૬૪૧. કતમં તં રૂપં રૂપસ્સ ઉપચયો? યો આયતનાનં આચયો, સો રૂપસ્સ ઉપચયો – ઇદં તં રૂપં રૂપસ્સ ઉપચયો.

641. Katamaṃ taṃ rūpaṃ rūpassa upacayo? Yo āyatanānaṃ ācayo, so rūpassa upacayo – idaṃ taṃ rūpaṃ rūpassa upacayo.

૬૪૨. કતમં તં રૂપં રૂપસ્સ સન્તતિ? યો રૂપસ્સ ઉપચયો, સા રૂપસ્સ સન્તતિ – ઇદં તં રૂપં રૂપસ્સ સન્તતિ.

642. Katamaṃ taṃ rūpaṃ rūpassa santati? Yo rūpassa upacayo, sā rūpassa santati – idaṃ taṃ rūpaṃ rūpassa santati.

૬૪૩. કતમં તં રૂપં રૂપસ્સ જરતા? યા રૂપસ્સ જરા જીરણતા ખણ્ડિચ્ચં પાલિચ્ચં વલિત્તચતા આયુનો સંહાનિ ઇન્દ્રિયાનં પરિપાકો – ઇદં તં રૂપં રૂપસ્સ જરતા.

643. Katamaṃ taṃ rūpaṃ rūpassa jaratā? Yā rūpassa jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko – idaṃ taṃ rūpaṃ rūpassa jaratā.

૬૪૪. કતમં તં રૂપં રૂપસ્સ અનિચ્ચતા? યો રૂપસ્સ ખયો વયો ભેદો પરિભેદો અનિચ્ચતા અન્તરધાનં – ઇદં તં રૂપં રૂપસ્સ અનિચ્ચતા.

644. Katamaṃ taṃ rūpaṃ rūpassa aniccatā? Yo rūpassa khayo vayo bhedo paribhedo aniccatā antaradhānaṃ – idaṃ taṃ rūpaṃ rūpassa aniccatā.

૬૪૫. કતમં તં રૂપં કબળીકારો આહારો? ઓદનો કુમ્માસો સત્તુ મચ્છો મંસં ખીરં દધિ સપ્પિ નવનીતં તેલં મધુ ફાણિતં, યં વા પનઞ્ઞમ્પિ અત્થિ રૂપં યમ્હિ યમ્હિ જનપદે તેસં તેસં સત્તાનં મુખાસિયં દન્તવિખાદનં ગલજ્ઝોહરણીયં કુચ્છિવિત્થમ્ભનં, યાય ઓજાય સત્તા યાપેન્તિ – ઇદં તં રૂપં કબળીકારો આહારો.

645. Katamaṃ taṃ rūpaṃ kabaḷīkāro āhāro? Odano kummāso sattu maccho maṃsaṃ khīraṃ dadhi sappi navanītaṃ telaṃ madhu phāṇitaṃ, yaṃ vā panaññampi atthi rūpaṃ yamhi yamhi janapade tesaṃ tesaṃ sattānaṃ mukhāsiyaṃ dantavikhādanaṃ galajjhoharaṇīyaṃ kucchivitthambhanaṃ, yāya ojāya sattā yāpenti – idaṃ taṃ rūpaṃ kabaḷīkāro āhāro.

ઇદં તં રૂપં ઉપાદા.

Idaṃ taṃ rūpaṃ upādā.

ઉપાદાભાજનીયં.

Upādābhājanīyaṃ.

રૂપકણ્ડે પઠમભાણવારો.

Rūpakaṇḍe paṭhamabhāṇavāro.

૬૪૬. કતમં તં રૂપં નો ઉપાદા? ફોટ્ઠબ્બાયતનં, આપોધાતુ.

646. Katamaṃ taṃ rūpaṃ no upādā? Phoṭṭhabbāyatanaṃ, āpodhātu.

૬૪૭. કતમં તં રૂપં ફોટ્ઠબ્બાયતનં? પથવીધાતુ તેજોધાતુ વાયોધાતુ કક્ખળં મુદુકં સણ્હં ફરુસં સુખસમ્ફસ્સં દુક્ખસમ્ફસ્સં ગરુકં લહુકં, યં ફોટ્ઠબ્બં અનિદસ્સનં સપ્પટિઘં કાયેન અનિદસ્સનેન સપ્પટિઘેન ફુસિ વા ફુસતિ વા ફુસિસ્સતિ વા ફુસે વા ફોટ્ઠબ્બો પેસો ફોટ્ઠબ્બાયતનં પેતં ફોટ્ઠબ્બધાતુ પેસા – ઇદં તં રૂપં ફોટ્ઠબ્બાયતનં.

647. Katamaṃ taṃ rūpaṃ phoṭṭhabbāyatanaṃ? Pathavīdhātu tejodhātu vāyodhātu kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukaṃ, yaṃ phoṭṭhabbaṃ anidassanaṃ sappaṭighaṃ kāyena anidassanena sappaṭighena phusi vā phusati vā phusissati vā phuse vā phoṭṭhabbo peso phoṭṭhabbāyatanaṃ petaṃ phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

૬૪૮. કતમં તં રૂપં ફોટ્ઠબ્બાયતનં? પથવીધાતુ તેજોધાતુ વાયોધાતુ કક્ખળં મુદુકં સણ્હં ફરુસં સુખસમ્ફસ્સં દુક્ખસમ્ફસ્સં ગરુકં લહુકં, યમ્હિ ફોટ્ઠબ્બમ્હિ અનિદસ્સનમ્હિ સપ્પટિઘમ્હિ કાયો અનિદસ્સનો સપ્પટિઘો પટિહઞ્ઞિ વા પટિહઞ્ઞતિ વા પટિહઞ્ઞિસ્સતિ વા પટિહઞ્ઞે વા, ફોટ્ઠબ્બો પેસો ફોટ્ઠબ્બાયતનં પેતં ફોટ્ઠબ્બધાતુ પેસા – ઇદં તં રૂપં ફોટ્ઠબ્બાયતનં.

648. Katamaṃ taṃ rūpaṃ phoṭṭhabbāyatanaṃ? Pathavīdhātu tejodhātu vāyodhātu kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukaṃ, yamhi phoṭṭhabbamhi anidassanamhi sappaṭighamhi kāyo anidassano sappaṭigho paṭihaññi vā paṭihaññati vā paṭihaññissati vā paṭihaññe vā, phoṭṭhabbo peso phoṭṭhabbāyatanaṃ petaṃ phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

૬૪૯. કતમં તં રૂપં ફોટ્ઠબ્બાયતનં? પથવીધાતુ તેજોધાતુ વાયોધાતુ કક્ખળં મુદુકં સણ્હં ફરુસં સુખસમ્ફસ્સં દુક્ખસમ્ફસ્સં ગરુકં લહુકં, યો ફોટ્ઠબ્બો અનિદસ્સનો સપ્પટિઘો કાયમ્હિ અનિદસ્સનમ્હિ સપ્પટિઘમ્હિ પટિહઞ્ઞિ વા પટિહઞ્ઞતિ વા પટિહઞ્ઞિસ્સતિ વા પટિહઞ્ઞે વા, ફોટ્ઠબ્બો પેસો ફોટ્ઠબ્બાયતનં પેતં ફોટ્ઠબ્બધાતુ પેસા – ઇદં તં રૂપં ફોટ્ઠબ્બાયતનં.

649. Katamaṃ taṃ rūpaṃ phoṭṭhabbāyatanaṃ? Pathavīdhātu tejodhātu vāyodhātu kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukaṃ, yo phoṭṭhabbo anidassano sappaṭigho kāyamhi anidassanamhi sappaṭighamhi paṭihaññi vā paṭihaññati vā paṭihaññissati vā paṭihaññe vā, phoṭṭhabbo peso phoṭṭhabbāyatanaṃ petaṃ phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

૬૫૦. કતમં તં રૂપં ફોટ્ઠબ્બાયતનં? પથવીધાતુ તેજોધાતુ વાયોધાતુ કક્ખળં મુદુકં સણ્હં ફરુસં સુખસમ્ફસ્સં દુક્ખસમ્ફસ્સં ગરુકં લહુકં, યં ફોટ્ઠબ્બં આરબ્ભ કાયં નિસ્સાય કાયસમ્ફસ્સો ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં ફોટ્ઠબ્બં આરબ્ભ કાયં નિસ્સાય કાયસમ્ફસ્સજા વેદના…પે॰… સઞ્ઞા…પે॰… ચેતના…પે॰… કાયવિઞ્ઞાણં ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં ફોટ્ઠબ્બારમ્મણો કાયં નિસ્સાય કાયસમ્ફસ્સો ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા…પે॰… યં ફોટ્ઠબ્બારમ્મણા કાયં નિસ્સાય કાયસમ્ફસ્સજા વેદના…પે॰… સઞ્ઞા…પે॰… ચેતના…પે॰… કાયવિઞ્ઞાણં ઉપ્પજ્જિ વા ઉપ્પજ્જતિ વા ઉપ્પજ્જિસ્સતિ વા ઉપ્પજ્જે વા, ફોટ્ઠબ્બો પેસો ફોટ્ઠબ્બાયતનં પેતં ફોટ્ઠબ્બધાતુ પેસા – ઇદં તં રૂપં ફોટ્ઠબ્બાયતનં.

650. Katamaṃ taṃ rūpaṃ phoṭṭhabbāyatanaṃ? Pathavīdhātu tejodhātu vāyodhātu kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukaṃ, yaṃ phoṭṭhabbaṃ ārabbha kāyaṃ nissāya kāyasamphasso uppajji vā uppajjati vā uppajjissati vā uppajje vā…pe… yaṃ phoṭṭhabbaṃ ārabbha kāyaṃ nissāya kāyasamphassajā vedanā…pe… saññā…pe… cetanā…pe… kāyaviññāṇaṃ uppajji vā uppajjati vā uppajjissati vā uppajje vā…pe… yaṃ phoṭṭhabbārammaṇo kāyaṃ nissāya kāyasamphasso uppajji vā uppajjati vā uppajjissati vā uppajje vā…pe… yaṃ phoṭṭhabbārammaṇā kāyaṃ nissāya kāyasamphassajā vedanā…pe… saññā…pe… cetanā…pe… kāyaviññāṇaṃ uppajji vā uppajjati vā uppajjissati vā uppajje vā, phoṭṭhabbo peso phoṭṭhabbāyatanaṃ petaṃ phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

૬૫૧. કતમં તં રૂપં આપોધાતુ? યં આપો આપોગતં સિનેહો સિનેહગતં બન્ધનત્તં રૂપસ્સ – ઇદં તં રૂપં આપોધાતુ.

651. Katamaṃ taṃ rūpaṃ āpodhātu? Yaṃ āpo āpogataṃ sineho sinehagataṃ bandhanattaṃ rūpassa – idaṃ taṃ rūpaṃ āpodhātu.

ઇદં તં રૂપં નો ઉપાદા.

Idaṃ taṃ rūpaṃ no upādā.

૬૫૨. કતમં તં રૂપં ઉપાદિણ્ણં? ચક્ખાયતનં સોતાયતનં ઘાનાયતનં જિવ્હાયતનં કાયાયતનં ઇત્થિન્દ્રિયં પુરિસિન્દ્રિયં જીવિતિન્દ્રિયં, યં વા પનઞ્ઞમ્પિ અત્થિ રૂપં કમ્મસ્સ કતત્તા રૂપાયતનં ગન્ધાયતનં રસાયતનં ફોટ્ઠબ્બાયતનં આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં ઉપાદિણ્ણં.

652. Katamaṃ taṃ rūpaṃ upādiṇṇaṃ? Cakkhāyatanaṃ sotāyatanaṃ ghānāyatanaṃ jivhāyatanaṃ kāyāyatanaṃ itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ.

૬૫૩. કતમં તં રૂપં અનુપાદિણ્ણં? સદ્દાયતનં કાયવિઞ્ઞત્તિ વચીવિઞ્ઞત્તિ રૂપસ્સ લહુતા રૂપસ્સ મુદુતા રૂપસ્સ કમ્મઞ્ઞતા રૂપસ્સ જરતા રૂપસ્સ અનિચ્ચતા, યં વા પનઞ્ઞમ્પિ અત્થિ રૂપં ન કમ્મસ્સ કતત્તા રૂપાયતનં ગન્ધાયતનં રસાયતનં ફોટ્ઠબ્બાયતનં આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં અનુપાદિણ્ણં.

653. Katamaṃ taṃ rūpaṃ anupādiṇṇaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ.

૬૫૪. કતમં તં રૂપં ઉપાદિણ્ણુપાદાનિયં? ચક્ખાયતનં…પે॰… કાયાયતનં ઇત્થિન્દ્રિયં પુરિસિન્દ્રિયં જીવિતિન્દ્રિયં, યં વા પનઞ્ઞમ્પિ અત્થિ રૂપં કમ્મસ્સ કતત્તા રૂપાયતનં ગન્ધાયતનં રસાયતનં ફોટ્ઠબ્બાયતનં આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં ઉપાદિણ્ણુપાદાનિયં.

654. Katamaṃ taṃ rūpaṃ upādiṇṇupādāniyaṃ? Cakkhāyatanaṃ…pe… kāyāyatanaṃ itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ.

૬૫૫. કતમં તં રૂપં અનુપાદિણ્ણુપાદાનિયં? સદ્દાયતનં કાયવિઞ્ઞત્તિ વચીવિઞ્ઞત્તિ રૂપસ્સ લહુતા રૂપસ્સ મુદુતા રૂપસ્સ કમ્મઞ્ઞતા રૂપસ્સ જરતા રૂપસ્સ અનિચ્ચતા, યં વા પનઞ્ઞમ્પિ અત્થિ રૂપં ન કમ્મસ્સ કતત્તા, રૂપાયતનં ગન્ધાયતનં રસાયતનં ફોટ્ઠબ્બાયતનં આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં અનુપાદિણ્ણુપાદાનિયં.

655. Katamaṃ taṃ rūpaṃ anupādiṇṇupādāniyaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā, rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ.

૬૫૬. કતમં તં રૂપં સનિદસ્સનં? રૂપાયતનં – ઇદં તં રૂપં સનિદસ્સનં.

656. Katamaṃ taṃ rūpaṃ sanidassanaṃ? Rūpāyatanaṃ – idaṃ taṃ rūpaṃ sanidassanaṃ.

૬૫૭. કતમં તં રૂપં અનિદસ્સનં? ચક્ખાયતનં…પે॰… કબળીકારો આહારો – ઇદં તં રૂપં અનિદસ્સનં.

657. Katamaṃ taṃ rūpaṃ anidassanaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ anidassanaṃ.

૬૫૮. કતમં તં રૂપં સપ્પટિઘં? ચક્ખાયતનં સોતાયતનં ઘાનાયતનં જિવ્હાયતનં કાયાયતનં રૂપાયતનં સદ્દાયતનં ગન્ધાયતનં રસાયતનં ફોટ્ઠબ્બાયતનં – ઇદં તં રૂપં સપ્પટિઘં.

658. Katamaṃ taṃ rūpaṃ sappaṭighaṃ? Cakkhāyatanaṃ sotāyatanaṃ ghānāyatanaṃ jivhāyatanaṃ kāyāyatanaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ sappaṭighaṃ.

૬૫૯. કતમં તં રૂપં અપ્પટિઘં? ઇત્થિન્દ્રિયં…પે॰… કબળીકારો આહારો – ઇદં તં રૂપં અપ્પટિઘં.

659. Katamaṃ taṃ rūpaṃ appaṭighaṃ? Itthindriyaṃ…pe… kabaḷīkāro āhāro – idaṃ taṃ rūpaṃ appaṭighaṃ.

૬૬૦. કતમં તં રૂપં ઇન્દ્રિયં? ચક્ખુન્દ્રિયં સોતિન્દ્રિયં ઘાનિન્દ્રિયં જિવ્હિન્દ્રિયં કાયિન્દ્રિયં ઇત્થિન્દ્રિયં પુરિસિન્દ્રિયં જીવિતિન્દ્રિયં – ઇદં તં રૂપં ઇન્દ્રિયં.

660. Katamaṃ taṃ rūpaṃ indriyaṃ? Cakkhundriyaṃ sotindriyaṃ ghānindriyaṃ jivhindriyaṃ kāyindriyaṃ itthindriyaṃ purisindriyaṃ jīvitindriyaṃ – idaṃ taṃ rūpaṃ indriyaṃ.

૬૬૧. કતમં તં રૂપં ન ઇન્દ્રિયં? રૂપાયતનં…પે॰… કબળીકારો આહારો – ઇદં તં રૂપં ન ઇન્દ્રિયં.

661. Katamaṃ taṃ rūpaṃ na indriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ na indriyaṃ.

૬૬૨. કતમં તં રૂપં મહાભૂતં? ફોટ્ઠબ્બાયતનં આપોધાતુ – ઇદં તં રૂપં મહાભૂતં.

662. Katamaṃ taṃ rūpaṃ mahābhūtaṃ? Phoṭṭhabbāyatanaṃ āpodhātu – idaṃ taṃ rūpaṃ mahābhūtaṃ.

૬૬૩. કતમં તં રૂપં ન મહાભૂતં? ચક્ખાયતનં…પે॰… કબળીકારો આહારો – ઇદં તં રૂપં ન મહાભૂતં.

663. Katamaṃ taṃ rūpaṃ na mahābhūtaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na mahābhūtaṃ.

૬૬૪. કતમં તં રૂપં વિઞ્ઞત્તિ? કાયવિઞ્ઞત્તિ વચીવિઞ્ઞત્તિ – ઇદં તં રૂપં વિઞ્ઞત્તિ.

664. Katamaṃ taṃ rūpaṃ viññatti? Kāyaviññatti vacīviññatti – idaṃ taṃ rūpaṃ viññatti.

૬૬૫. કતમં તં રૂપં ન વિઞ્ઞત્તિ? ચક્ખાયતનં…પે॰… કબળીકારો આહારો – ઇદં તં રૂપં ન વિઞ્ઞત્તિ.

665. Katamaṃ taṃ rūpaṃ na viññatti? Cakkhāyatanaṃ…pe… kabaḷīkāro āhāro – idaṃ taṃ rūpaṃ na viññatti.

૬૬૬. કતમં તં રૂપં ચિત્તસમુટ્ઠાનં? કાયવિઞ્ઞત્તિ વચીવિઞ્ઞત્તિ યં વા પનઞ્ઞમ્પિ અત્થિ રૂપં ચિત્તજં ચિત્તહેતુકં ચિત્તસમુટ્ઠાનં રૂપાયતનં સદ્દાયતનં ગન્ધાયતનં રસાયતનં ફોટ્ઠબ્બાયતનં આકાસધાતુ આપોધાતુ રૂપસ્સ લહુતા રૂપસ્સ મુદુતા રૂપસ્સ કમ્મઞ્ઞતા રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં ચિત્તસમુટ્ઠાનં.

666. Katamaṃ taṃ rūpaṃ cittasamuṭṭhānaṃ? Kāyaviññatti vacīviññatti yaṃ vā panaññampi atthi rūpaṃ cittajaṃ cittahetukaṃ cittasamuṭṭhānaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – idaṃ taṃ rūpaṃ cittasamuṭṭhānaṃ.

૬૬૭. કતમં તં રૂપં ન ચિત્તસમુટ્ઠાનં? ચક્ખાયતનં…પે॰… કાયાયતનં ઇત્થિન્દ્રિયં પુરિસિન્દ્રિયં જીવિતિન્દ્રિયં રૂપસ્સ જરતા રૂપસ્સ અનિચ્ચતા, યં વા પનઞ્ઞમ્પિ અત્થિ રૂપં ન ચિત્તજં ન ચિત્તહેતુકં ન ચિત્તસમુટ્ઠાનં રૂપાયતનં સદ્દાયતનં ગન્ધાયતનં રસાયતનં ફોટ્ઠબ્બાયતનં આકાસધાતુ આપોધાતુ રૂપસ્સ લહુતા રૂપસ્સ મુદુતા રૂપસ્સ કમ્મઞ્ઞતા રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં ન ચિત્તસમુટ્ઠાનં.

667. Katamaṃ taṃ rūpaṃ na cittasamuṭṭhānaṃ? Cakkhāyatanaṃ…pe… kāyāyatanaṃ itthindriyaṃ purisindriyaṃ jīvitindriyaṃ rūpassa jaratā rūpassa aniccatā, yaṃ vā panaññampi atthi rūpaṃ na cittajaṃ na cittahetukaṃ na cittasamuṭṭhānaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – idaṃ taṃ rūpaṃ na cittasamuṭṭhānaṃ.

૬૬૮. કતમં તં રૂપં ચિત્તસહભુ? કાયવિઞ્ઞત્તિ વચીવિઞ્ઞત્તિ – ઇદં તં રૂપં ચિત્તસહભુ.

668. Katamaṃ taṃ rūpaṃ cittasahabhu? Kāyaviññatti vacīviññatti – idaṃ taṃ rūpaṃ cittasahabhu.

૬૬૯. કતમં તં રૂપં ન ચિત્તસહભુ? ચક્ખાયતનં…પે॰… કબળીકારો આહારો – ઇદં તં રૂપં ન ચિત્તસહભુ.

669. Katamaṃ taṃ rūpaṃ na cittasahabhu? Cakkhāyatanaṃ…pe… kabaḷīkāro āhāro – idaṃ taṃ rūpaṃ na cittasahabhu.

૬૭૦. કતમં તં રૂપં ચિત્તાનુપરિવત્તિ? કાયવિઞ્ઞત્તિ વચીવિઞ્ઞત્તિ – ઇદં તં રૂપં ચિત્તાનુપરિવત્તિ.

670. Katamaṃ taṃ rūpaṃ cittānuparivatti? Kāyaviññatti vacīviññatti – idaṃ taṃ rūpaṃ cittānuparivatti.

૬૭૧. કતમં તં રૂપં ન ચિત્તાનુપરિવત્તિ? ચક્ખાયતનં…પે॰… કબળીકારો આહારો – ઇદં તં રૂપં ન ચિત્તાનુપરિવત્તિ.

671. Katamaṃ taṃ rūpaṃ na cittānuparivatti? Cakkhāyatanaṃ…pe… kabaḷīkāro āhāro – idaṃ taṃ rūpaṃ na cittānuparivatti.

૬૭૨. કતમં તં રૂપં અજ્ઝત્તિકં? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં.

672. Katamaṃ taṃ rūpaṃ ajjhattikaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ.

૬૭૩. કતમં તં રૂપં બાહિરં? રૂપાયતનં…પે॰… કબળીકારો આહારો – ઇદં તં રૂપં બાહિરં.

673. Katamaṃ taṃ rūpaṃ bāhiraṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ.

૬૭૪. કતમં તં રૂપં ઓળારિકં? ચક્ખાયતનં…પે॰… ફોટ્ઠબ્બાયતનં – ઇદં તં રૂપં ઓળારિકં.

674. Katamaṃ taṃ rūpaṃ oḷārikaṃ? Cakkhāyatanaṃ…pe… phoṭṭhabbāyatanaṃ – idaṃ taṃ rūpaṃ oḷārikaṃ.

૬૭૫. કતમં તં રૂપં સુખુમં? ઇત્થિન્દ્રિયં…પે॰… કબળીકારો આહારો – ઇદં તં રૂપં સુખુમં.

675. Katamaṃ taṃ rūpaṃ sukhumaṃ? Itthindriyaṃ…pe… kabaḷīkāro āhāro – idaṃ taṃ rūpaṃ sukhumaṃ.

૬૭૬. કતમં તં રૂપં દૂરે? ઇત્થિન્દ્રિયં…પે॰… કબળીકારો આહારો – ઇદં તં રૂપં દૂરે.

676. Katamaṃ taṃ rūpaṃ dūre? Itthindriyaṃ…pe… kabaḷīkāro āhāro – idaṃ taṃ rūpaṃ dūre.

૬૭૭. કતમં તં રૂપં સન્તિકે? ચક્ખાયતનં…પે॰… ફોટ્ઠબ્બાયતનં – ઇદં તં રૂપં સન્તિકે.

677. Katamaṃ taṃ rūpaṃ santike? Cakkhāyatanaṃ…pe… phoṭṭhabbāyatanaṃ – idaṃ taṃ rūpaṃ santike.

૬૭૮. કતમં તં રૂપં ચક્ખુસમ્ફસ્સસ્સ વત્થુ? ચક્ખાયતનં – ઇદં તં રૂપં ચક્ખુસમ્ફસ્સસ્સ વત્થુ.

678. Katamaṃ taṃ rūpaṃ cakkhusamphassassa vatthu? Cakkhāyatanaṃ – idaṃ taṃ rūpaṃ cakkhusamphassassa vatthu.

૬૭૯. કતમં તં રૂપં ચક્ખુસમ્ફસ્સસ્સ ન વત્થુ? સોતાયતનં…પે॰… કબળીકારો આહારો – ઇદં તં રૂપં ચક્ખુસમ્ફસ્સસ્સ ન વત્થુ.

679. Katamaṃ taṃ rūpaṃ cakkhusamphassassa na vatthu? Sotāyatanaṃ…pe… kabaḷīkāro āhāro – idaṃ taṃ rūpaṃ cakkhusamphassassa na vatthu.

૬૮૦. કતમં તં રૂપં ચક્ખુસમ્ફસ્સજાય વેદનાય…પે॰… સઞ્ઞાય…પે॰… ચેતનાય …પે॰… ચક્ખુવિઞ્ઞાણસ્સ વત્થુ? ચક્ખાયતનં – ઇદં તં રૂપં ચક્ખુવિઞ્ઞાણસ્સ વત્થુ.

680. Katamaṃ taṃ rūpaṃ cakkhusamphassajāya vedanāya…pe… saññāya…pe… cetanāya …pe… cakkhuviññāṇassa vatthu? Cakkhāyatanaṃ – idaṃ taṃ rūpaṃ cakkhuviññāṇassa vatthu.

૬૮૧. કતમં તં રૂપં ચક્ખુવિઞ્ઞાણસ્સ ન વત્થુ? સોતાયતનં…પે॰… કબળીકારો આહારો – ઇદં તં રૂપં ચક્ખુવિઞ્ઞાણસ્સ ન વત્થુ.

681. Katamaṃ taṃ rūpaṃ cakkhuviññāṇassa na vatthu? Sotāyatanaṃ…pe… kabaḷīkāro āhāro – idaṃ taṃ rūpaṃ cakkhuviññāṇassa na vatthu.

૬૮૨. કતમં તં રૂપં સોતસમ્ફસ્સસ્સ…પે॰… ઘાનસમ્ફસ્સસ્સ…પે॰… જિવ્હાસમ્ફસ્સસ્સ…પે॰… કાયસમ્ફસ્સસ્સ વત્થુ? કાયાયતનં – ઇદં તં રૂપં કાયસમ્ફસ્સસ્સ વત્થુ.

682. Katamaṃ taṃ rūpaṃ sotasamphassassa…pe… ghānasamphassassa…pe… jivhāsamphassassa…pe… kāyasamphassassa vatthu? Kāyāyatanaṃ – idaṃ taṃ rūpaṃ kāyasamphassassa vatthu.

૬૮૩. કતમં તં રૂપં કાયસમ્ફસ્સસ્સ ન વત્થુ? ચક્ખાયતનં…પે॰… કબળીકારો આહારો – ઇદં તં રૂપં કાયસમ્ફસ્સસ્સ ન વત્થુ.

683. Katamaṃ taṃ rūpaṃ kāyasamphassassa na vatthu? Cakkhāyatanaṃ…pe… kabaḷīkāro āhāro – idaṃ taṃ rūpaṃ kāyasamphassassa na vatthu.

૬૮૪. કતમં તં રૂપં કાયસમ્ફસ્સજાય વેદનાય…પે॰… સઞ્ઞાય…પે॰… ચેતનાય…પે॰… કાયવિઞ્ઞાણસ્સ વત્થુ? કાયાયતનં – ઇદં તં રૂપં કાયવિઞ્ઞાણસ્સ વત્થુ.

684. Katamaṃ taṃ rūpaṃ kāyasamphassajāya vedanāya…pe… saññāya…pe… cetanāya…pe… kāyaviññāṇassa vatthu? Kāyāyatanaṃ – idaṃ taṃ rūpaṃ kāyaviññāṇassa vatthu.

૬૮૫. કતમં તં રૂપં કાયવિઞ્ઞાણસ્સ ન વત્થુ? ચક્ખાયતનં…પે॰… કબળીકારો આહારો – ઇદં તં રૂપં કાયવિઞ્ઞાણસ્સ ન વત્થુ.

685. Katamaṃ taṃ rūpaṃ kāyaviññāṇassa na vatthu? Cakkhāyatanaṃ…pe… kabaḷīkāro āhāro – idaṃ taṃ rūpaṃ kāyaviññāṇassa na vatthu.

૬૮૬. કતમં તં રૂપં ચક્ખુસમ્ફસ્સસ્સ આરમ્મણં? રૂપાયતનં – ઇદં તં રૂપં ચક્ખુસમ્ફસ્સસ્સ આરમ્મણં.

686. Katamaṃ taṃ rūpaṃ cakkhusamphassassa ārammaṇaṃ? Rūpāyatanaṃ – idaṃ taṃ rūpaṃ cakkhusamphassassa ārammaṇaṃ.

૬૮૭. કતમં તં રૂપં ચક્ખુસમ્ફસ્સસ્સ ન આરમ્મણં? ચક્ખાયતનં…પે॰… કબળીકારો આહારો – ઇદં તં રૂપં ચક્ખુસમ્ફસ્સસ્સ ન આરમ્મણં.

687. Katamaṃ taṃ rūpaṃ cakkhusamphassassa na ārammaṇaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ cakkhusamphassassa na ārammaṇaṃ.

૬૮૮. કતમં તં રૂપં ચક્ખુસમ્ફસ્સજાય વેદનાય…પે॰… સઞ્ઞાય…પે॰… ચેતનાય…પે॰… ચક્ખુવિઞ્ઞાણસ્સ આરમ્મણં? રૂપાયતનં – ઇદં તં રૂપં ચક્ખુવિઞ્ઞાણસ્સ આરમ્મણં.

688. Katamaṃ taṃ rūpaṃ cakkhusamphassajāya vedanāya…pe… saññāya…pe… cetanāya…pe… cakkhuviññāṇassa ārammaṇaṃ? Rūpāyatanaṃ – idaṃ taṃ rūpaṃ cakkhuviññāṇassa ārammaṇaṃ.

૬૮૯. કતમં તં રૂપં ચક્ખુવિઞ્ઞાણસ્સ ન આરમ્મણં? ચક્ખાયતનં…પે॰… કબળીકારો આહારો – ઇદં તં રૂપં ચક્ખુવિઞ્ઞાણસ્સ ન આરમ્મણં.

689. Katamaṃ taṃ rūpaṃ cakkhuviññāṇassa na ārammaṇaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ cakkhuviññāṇassa na ārammaṇaṃ.

૬૯૦. કતમં તં રૂપં સોતસમ્ફસ્સસ્સ…પે॰… ઘાનસમ્ફસ્સસ્સ …પે॰… જિવ્હાસમ્ફસ્સસ્સ…પે॰… કાયસમ્ફસ્સસ્સ આરમ્મણં? ફોટ્ઠબ્બાયતનં – ઇદં તં રૂપં કાયસમ્ફસ્સસ્સ આરમ્મણં.

690. Katamaṃ taṃ rūpaṃ sotasamphassassa…pe… ghānasamphassassa …pe… jivhāsamphassassa…pe… kāyasamphassassa ārammaṇaṃ? Phoṭṭhabbāyatanaṃ – idaṃ taṃ rūpaṃ kāyasamphassassa ārammaṇaṃ.

૬૯૧. કતમં તં રૂપં કાયસમ્ફસ્સસ્સ ન આરમ્મણં? ચક્ખાયતનં…પે॰… કબળીકારો આહારો – ઇદં તં રૂપં કાયસમ્ફસ્સસ્સ ન આરમ્મણં.

691. Katamaṃ taṃ rūpaṃ kāyasamphassassa na ārammaṇaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ kāyasamphassassa na ārammaṇaṃ.

૬૯૨. કતમં તં રૂપં કાયસમ્ફસ્સજાય વેદનાય…પે॰… સઞ્ઞાય…પે॰… ચેતનાય…પે॰… કાયવિઞ્ઞાણસ્સ આરમ્મણં? ફોટ્ઠબ્બાયતનં – ઇદં તં રૂપં કાયવિઞ્ઞાણસ્સ આરમ્મણં.

692. Katamaṃ taṃ rūpaṃ kāyasamphassajāya vedanāya…pe… saññāya…pe… cetanāya…pe… kāyaviññāṇassa ārammaṇaṃ? Phoṭṭhabbāyatanaṃ – idaṃ taṃ rūpaṃ kāyaviññāṇassa ārammaṇaṃ.

૬૯૩. કતમં તં રૂપં કાયવિઞ્ઞાણસ્સ ન આરમ્મણં? ચક્ખાયતનં…પે॰… કબળીકારો આહારો – ઇદં તં રૂપં કાયવિઞ્ઞાણસ્સ ન આરમ્મણં.

693. Katamaṃ taṃ rūpaṃ kāyaviññāṇassa na ārammaṇaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ kāyaviññāṇassa na ārammaṇaṃ.

૬૯૪. કતમં તં રૂપં ચક્ખાયતનં? યં ચક્ખુ ચતુન્નં મહાભૂતાનં ઉપાદાય પસાદો…પે॰… સુઞ્ઞો ગામો પેસો – ઇદં તં રૂપં ચક્ખાયતનં.

694. Katamaṃ taṃ rūpaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ cakkhāyatanaṃ.

૬૯૫. કતમં તં રૂપં ન ચક્ખાયતનં? સોતાયતનં…પે॰… કબળીકારો આહારો – ઇદં તં રૂપં ન ચક્ખાયતનં.

695. Katamaṃ taṃ rūpaṃ na cakkhāyatanaṃ? Sotāyatanaṃ…pe… kabaḷīkāro āhāro – idaṃ taṃ rūpaṃ na cakkhāyatanaṃ.

૬૯૬. કતમં તં રૂપં સોતાયતનં…પે॰… ઘાનાયતનં…પે॰… જિવ્હાયતનં…પે॰… કાયાયતનં? યો કાયો ચતુન્નં મહાભૂતાનં ઉપાદાય પસાદો…પે॰… સુઞ્ઞો ગામો પેસો – ઇદં તં રૂપં કાયાયતનં.

696. Katamaṃ taṃ rūpaṃ sotāyatanaṃ…pe… ghānāyatanaṃ…pe… jivhāyatanaṃ…pe… kāyāyatanaṃ? Yo kāyo catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ kāyāyatanaṃ.

૬૯૭. કતમં તં રૂપં ન કાયાયતનં? ચક્ખાયતનં…પે॰… કબળીકારો આહારો – ઇદં તં રૂપં ન કાયાયતનં.

697. Katamaṃ taṃ rūpaṃ na kāyāyatanaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na kāyāyatanaṃ.

૬૯૮. કતમં તં રૂપં રૂપાયતનં? યં રૂપં ચતુન્નં મહાભૂતાનં ઉપાદાય વણ્ણનિભા…પે॰… રૂપધાતુ પેસા – ઇદં તં રૂપં રૂપાયતનં.

698. Katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā…pe… rūpadhātu pesā – idaṃ taṃ rūpaṃ rūpāyatanaṃ.

૬૯૯. કતમં તં રૂપં ન રૂપાયતનં? ચક્ખાયતનં…પે॰… કબળીકારો આહારો – ઇદં તં રૂપં ન રૂપાયતનં.

699. Katamaṃ taṃ rūpaṃ na rūpāyatanaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na rūpāyatanaṃ.

૭૦૦. કતમં તં રૂપં સદ્દાયતનં…પે॰… ગન્ધાયતનં …પે॰… રસાયતનં…પે॰… ફોટ્ઠબ્બાયતનં? પથવીધાતુ…પે॰… ફોટ્ઠબ્બધાતુ પેસા – ઇદં તં રૂપં ફોટ્ઠબ્બાયતનં.

700. Katamaṃ taṃ rūpaṃ saddāyatanaṃ…pe… gandhāyatanaṃ …pe… rasāyatanaṃ…pe… phoṭṭhabbāyatanaṃ? Pathavīdhātu…pe… phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

૭૦૧. કતમં તં રૂપં ન ફોટ્ઠબ્બાયતનં ? ચક્ખાયતનં…પે॰… કબળીકારો આહારો – ઇદં તં રૂપં ન ફોટ્ઠબ્બાયતનં.

701. Katamaṃ taṃ rūpaṃ na phoṭṭhabbāyatanaṃ ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na phoṭṭhabbāyatanaṃ.

૭૦૨. કતમં તં રૂપં ચક્ખુધાતુ? ચક્ખાયતનં – ઇદં તં રૂપં ચક્ખુધાતુ.

702. Katamaṃ taṃ rūpaṃ cakkhudhātu? Cakkhāyatanaṃ – idaṃ taṃ rūpaṃ cakkhudhātu.

૭૦૩. કતમં તં રૂપં ન ચક્ખુધાતુ? સોતાયતનં…પે॰… કબળીકારો આહારો – ઇદં તં રૂપં ન ચક્ખુધાતુ.

703. Katamaṃ taṃ rūpaṃ na cakkhudhātu? Sotāyatanaṃ…pe… kabaḷīkāro āhāro – idaṃ taṃ rūpaṃ na cakkhudhātu.

૭૦૪. કતમં તં રૂપં સોતધાતુ…પે॰… ઘાનધાતુ…પે॰… જિવ્હાધાતુ…પે॰… કાયધાતુ? કાયાયતનં – ઇદં તં રૂપં કાયધાતુ.

704. Katamaṃ taṃ rūpaṃ sotadhātu…pe… ghānadhātu…pe… jivhādhātu…pe… kāyadhātu? Kāyāyatanaṃ – idaṃ taṃ rūpaṃ kāyadhātu.

૭૦૫. કતમં તં રૂપં ન કાયધાતુ? ચક્ખાયતનં…પે॰… કબળીકારો આહારો – ઇદં તં રૂપં ન કાયધાતુ.

705. Katamaṃ taṃ rūpaṃ na kāyadhātu? Cakkhāyatanaṃ…pe… kabaḷīkāro āhāro – idaṃ taṃ rūpaṃ na kāyadhātu.

૭૦૬. કતમં તં રૂપં રૂપધાતુ? રૂપાયતનં – ઇદં તં રૂપં રૂપધાતુ.

706. Katamaṃ taṃ rūpaṃ rūpadhātu? Rūpāyatanaṃ – idaṃ taṃ rūpaṃ rūpadhātu.

૭૦૭. કતમં તં રૂપં ન રૂપધાતુ? ચક્ખાયતનં…પે॰… કબળીકારો આહારો – ઇદં તં રૂપં ન રૂપધાતુ.

707. Katamaṃ taṃ rūpaṃ na rūpadhātu? Cakkhāyatanaṃ…pe… kabaḷīkāro āhāro – idaṃ taṃ rūpaṃ na rūpadhātu.

૭૦૮. કતમં તં રૂપં સદ્દધાતુ…પે॰… ગન્ધધાતુ…પે॰… રસધાતુ…પે॰… ફોટ્ઠબ્બધાતુ? ફોટ્ઠબ્બાયતનં – ઇદં તં રૂપં ફોટ્ઠબ્બધાતુ.

708. Katamaṃ taṃ rūpaṃ saddadhātu…pe… gandhadhātu…pe… rasadhātu…pe… phoṭṭhabbadhātu? Phoṭṭhabbāyatanaṃ – idaṃ taṃ rūpaṃ phoṭṭhabbadhātu.

૭૦૯. કતમં તં રૂપં ન ફોટ્ઠબ્બધાતુ? ચક્ખાયતનં…પે॰… કબળીકારો આહારો – ઇદં તં રૂપં ન ફોટ્ઠબ્બધાતુ.

709. Katamaṃ taṃ rūpaṃ na phoṭṭhabbadhātu? Cakkhāyatanaṃ…pe… kabaḷīkāro āhāro – idaṃ taṃ rūpaṃ na phoṭṭhabbadhātu.

૭૧૦. કતમં તં રૂપં ચક્ખુન્દ્રિયં? યં ચક્ખુ ચતુન્નં મહાભૂતાનં ઉપાદાય પસાદો…પે॰… સુઞ્ઞો ગામો પેસો – ઇદં તં રૂપં ચક્ખુન્દ્રિયં.

710. Katamaṃ taṃ rūpaṃ cakkhundriyaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ cakkhundriyaṃ.

૭૧૧. કતમં તં રૂપં ન ચક્ખુન્દ્રિયં? સોતાયતનં…પે॰… કબળીકારો આહારો – ઇદં તં રૂપં ન ચક્ખુન્દ્રિયં.

711. Katamaṃ taṃ rūpaṃ na cakkhundriyaṃ? Sotāyatanaṃ…pe… kabaḷīkāro āhāro – idaṃ taṃ rūpaṃ na cakkhundriyaṃ.

૭૧૨. કતમં તં રૂપં સોતિન્દ્રિયં…પે॰… ઘાનિન્દ્રિયં…પે॰… જિવ્હિન્દ્રિયં…પે॰… કાયિન્દ્રિયં? યો કાયો ચતુન્નં મહાભૂતાનં ઉપાદાય પસાદો…પે॰… સુઞ્ઞો ગામો પેસો – ઇદં તં રૂપં કાયિન્દ્રિયં.

712. Katamaṃ taṃ rūpaṃ sotindriyaṃ…pe… ghānindriyaṃ…pe… jivhindriyaṃ…pe… kāyindriyaṃ? Yo kāyo catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ kāyindriyaṃ.

૭૧૩. કતમં તં રૂપં ન કાયિન્દ્રિયં? ચક્ખાયતનં…પે॰… કબળીકારો આહારો – ઇદં તં રૂપં ન કાયિન્દ્રિયં.

713. Katamaṃ taṃ rūpaṃ na kāyindriyaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na kāyindriyaṃ.

૭૧૪. કતમં તં રૂપં ઇત્થિન્દ્રિયં? યં ઇત્થિયા ઇત્થિલિઙ્ગં ઇત્થિનિમિત્તં ઇત્થિકુત્તં ઇત્થાકપ્પો ઇત્થત્તં ઇત્થિભાવો – ઇદં તં રૂપં ઇત્થિન્દ્રિયં.

714. Katamaṃ taṃ rūpaṃ itthindriyaṃ? Yaṃ itthiyā itthiliṅgaṃ itthinimittaṃ itthikuttaṃ itthākappo itthattaṃ itthibhāvo – idaṃ taṃ rūpaṃ itthindriyaṃ.

૭૧૫. કતમં તં રૂપં ન ઇત્થિન્દ્રિયં? ચક્ખાયતનં…પે॰… કબળીકારો આહારો – ઇદં તં રૂપં ન ઇત્થિન્દ્રિયં.

715. Katamaṃ taṃ rūpaṃ na itthindriyaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na itthindriyaṃ.

૭૧૬. કતમં તં રૂપં પુરિસિન્દ્રિયં? યં પુરિસસ્સ પુરિસલિઙ્ગં પુરિસનિમિત્તં પુરિસકુત્તં પુરિસાકપ્પો પુરિસત્તં પુરિસભાવો – ઇદં તં રૂપં પુરિસિન્દ્રિયં.

716. Katamaṃ taṃ rūpaṃ purisindriyaṃ? Yaṃ purisassa purisaliṅgaṃ purisanimittaṃ purisakuttaṃ purisākappo purisattaṃ purisabhāvo – idaṃ taṃ rūpaṃ purisindriyaṃ.

૭૧૭. કતમં તં રૂપં ન પુરિસિન્દ્રિયં? ચક્ખાયતનં…પે॰… કબળીકારો આહારો – ઇદં તં રૂપં ન પુરિસિન્દ્રિયં.

717. Katamaṃ taṃ rūpaṃ na purisindriyaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na purisindriyaṃ.

૭૧૮. કતમં તં રૂપં જીવિતિન્દ્રિયં? યો તેસં રૂપીનં ધમ્માનં આયુ ઠિતિ યપના યાપના ઇરિયના વત્તના પાલના જીવિતં જીવિતિન્દ્રિયં – ઇદં તં રૂપં જીવિતિન્દ્રિયં.

718. Katamaṃ taṃ rūpaṃ jīvitindriyaṃ? Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ jīvitindriyaṃ.

૭૧૯. કતમં તં રૂપં ન જીવિતિન્દ્રિયં? ચક્ખાયતનં…પે॰… કબળીકારો આહારો – ઇદં તં રૂપં ન જીવિતિન્દ્રિયં.

719. Katamaṃ taṃ rūpaṃ na jīvitindriyaṃ? Cakkhāyatanaṃ…pe… kabaḷīkāro āhāro – idaṃ taṃ rūpaṃ na jīvitindriyaṃ.

૭૨૦. કતમં તં રૂપં કાયવિઞ્ઞત્તિ? યા કુસલચિત્તસ્સ વા અકુસલચિત્તસ્સ વા અબ્યાકતચિત્તસ્સ વા અભિક્કમન્તસ્સ વા પટિક્કમન્તસ્સ વા આલોકેન્તસ્સ વા વિલોકેન્તસ્સ વા સમિઞ્જેન્તસ્સ વા પસારેન્તસ્સ વા કાયસ્સ થમ્ભના સન્થમ્ભના સન્થમ્ભિતત્તં વિઞ્ઞત્તિ વિઞ્ઞાપના વિઞ્ઞાપિતત્તં – ઇદં તં રૂપં કાયવિઞ્ઞત્તિ.

720. Katamaṃ taṃ rūpaṃ kāyaviññatti? Yā kusalacittassa vā akusalacittassa vā abyākatacittassa vā abhikkamantassa vā paṭikkamantassa vā ālokentassa vā vilokentassa vā samiñjentassa vā pasārentassa vā kāyassa thambhanā santhambhanā santhambhitattaṃ viññatti viññāpanā viññāpitattaṃ – idaṃ taṃ rūpaṃ kāyaviññatti.

૭૨૧. કતમં તં રૂપં ન કાયવિઞ્ઞત્તિ? ચક્ખાયતનં…પે॰… કબળીકારો આહારો – ઇદં તં રૂપં ન કાયવિઞ્ઞત્તિ.

721. Katamaṃ taṃ rūpaṃ na kāyaviññatti? Cakkhāyatanaṃ…pe… kabaḷīkāro āhāro – idaṃ taṃ rūpaṃ na kāyaviññatti.

૭૨૨. કતમં તં રૂપં વચીવિઞ્ઞત્તિ? યા કુસલચિત્તસ્સ વા અકુસલચિત્તસ્સ વા અબ્યાકતચિત્તસ્સ વા વાચા ગિરા બ્યપ્પથો ઉદીરણં ઘોસો ઘોસકમ્મં વાચા વચીભેદો, અયં વુચ્ચતિ વાચા. યા તાય વાચાય વિઞ્ઞત્તિ વિઞ્ઞાપના વિઞ્ઞાપિતત્તં – ઇદં તં રૂપં વચીવિઞ્ઞત્તિ.

722. Katamaṃ taṃ rūpaṃ vacīviññatti? Yā kusalacittassa vā akusalacittassa vā abyākatacittassa vā vācā girā byappatho udīraṇaṃ ghoso ghosakammaṃ vācā vacībhedo, ayaṃ vuccati vācā. Yā tāya vācāya viññatti viññāpanā viññāpitattaṃ – idaṃ taṃ rūpaṃ vacīviññatti.

૭૨૩. કતમં તં રૂપં ન વચીવિઞ્ઞત્તિ? ચક્ખાયતનં…પે॰… કબળીકારો આહારો – ઇદં તં રૂપં ન વચીવિઞ્ઞત્તિ.

723. Katamaṃ taṃ rūpaṃ na vacīviññatti? Cakkhāyatanaṃ…pe… kabaḷīkāro āhāro – idaṃ taṃ rūpaṃ na vacīviññatti.

૭૨૪. કતમં તં રૂપં આકાસધાતુ? યો આકાસો આકાસગતં અઘં અઘગતં વિવરો વિવરગતં અસમ્ફુટ્ઠં ચતૂહિ મહાભૂતેહિ – ઇદં તં રૂપં આકાસધાતુ.

724. Katamaṃ taṃ rūpaṃ ākāsadhātu? Yo ākāso ākāsagataṃ aghaṃ aghagataṃ vivaro vivaragataṃ asamphuṭṭhaṃ catūhi mahābhūtehi – idaṃ taṃ rūpaṃ ākāsadhātu.

૭૨૫. કતમં તં રૂપં ન આકાસધાતુ? ચક્ખાયતનં …પે॰… કબળીકારો આહારો – ઇદં તં રૂપં ન આકાસધાતુ.

725. Katamaṃ taṃ rūpaṃ na ākāsadhātu? Cakkhāyatanaṃ …pe… kabaḷīkāro āhāro – idaṃ taṃ rūpaṃ na ākāsadhātu.

૭૨૬. કતમં તં રૂપં આપોધાતુ? યં આપો આપોગતં સિનેહો સિનેહગતં બન્ધનત્તં રૂપસ્સ – ઇદં તં રૂપં આપોધાતુ.

726. Katamaṃ taṃ rūpaṃ āpodhātu? Yaṃ āpo āpogataṃ sineho sinehagataṃ bandhanattaṃ rūpassa – idaṃ taṃ rūpaṃ āpodhātu.

૭૨૭. કતમં તં રૂપં ન આપોધાતુ? ચક્ખાયતનં…પે॰… કબળીકારો આહારો – ઇદં તં રૂપં ન આપોધાતુ.

727. Katamaṃ taṃ rūpaṃ na āpodhātu? Cakkhāyatanaṃ…pe… kabaḷīkāro āhāro – idaṃ taṃ rūpaṃ na āpodhātu.

૭૨૮. કતમં તં રૂપં રૂપસ્સ લહુતા? યા રૂપસ્સ લહુતા લહુપરિણામતા અદન્ધનતા અવિત્થનતા – ઇદં તં રૂપં રૂપસ્સ લહુતા .

728. Katamaṃ taṃ rūpaṃ rūpassa lahutā? Yā rūpassa lahutā lahupariṇāmatā adandhanatā avitthanatā – idaṃ taṃ rūpaṃ rūpassa lahutā .

૭૨૯. કતમં તં રૂપં રૂપસ્સ ન લહુતા? ચક્ખાયતનં…પે॰… કબળીકારો આહારો – ઇદં તં રૂપં રૂપસ્સ ન લહુતા.

729. Katamaṃ taṃ rūpaṃ rūpassa na lahutā? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na lahutā.

૭૩૦. કતમં તં રૂપં રૂપસ્સ મુદુતા? યા રૂપસ્સ મુદુતા મદ્દવતા અકક્ખળતા અકથિનતા – ઇદં તં રૂપં રૂપસ્સ મુદુતા.

730. Katamaṃ taṃ rūpaṃ rūpassa mudutā? Yā rūpassa mudutā maddavatā akakkhaḷatā akathinatā – idaṃ taṃ rūpaṃ rūpassa mudutā.

૭૩૧. કતમં તં રૂપં રૂપસ્સ ન મુદુતા? ચક્ખાયતનં…પે॰… કબળીકારો આહારો – ઇદં તં રૂપં રૂપસ્સ ન મુદુતા.

731. Katamaṃ taṃ rūpaṃ rūpassa na mudutā? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na mudutā.

૭૩૨. કતમં તં રૂપં રૂપસ્સ કમ્મઞ્ઞતા? યા રૂપસ્સ કમ્મઞ્ઞતા કમ્મઞ્ઞત્તં કમ્મઞ્ઞભાવો – ઇદં તં રૂપં રૂપસ્સ કમ્મઞ્ઞતા.

732. Katamaṃ taṃ rūpaṃ rūpassa kammaññatā? Yā rūpassa kammaññatā kammaññattaṃ kammaññabhāvo – idaṃ taṃ rūpaṃ rūpassa kammaññatā.

૭૩૩. કતમં તં રૂપં રૂપસ્સ ન કમ્મઞ્ઞતા? ચક્ખાયતનં…પે॰… કબળીકારો આહારો – ઇદં તં રૂપં રૂપસ્સ ન કમ્મઞ્ઞતા.

733. Katamaṃ taṃ rūpaṃ rūpassa na kammaññatā? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na kammaññatā.

૭૩૪. કતમં તં રૂપં રૂપસ્સ ઉપચયો? યો આયતનાનં આચયો, સો રૂપસ્સ ઉપચયો – ઇદં તં રૂપં રૂપસ્સ ઉપચયો.

734. Katamaṃ taṃ rūpaṃ rūpassa upacayo? Yo āyatanānaṃ ācayo, so rūpassa upacayo – idaṃ taṃ rūpaṃ rūpassa upacayo.

૭૩૫. કતમં તં રૂપં રૂપસ્સ ન ઉપચયો? ચક્ખાયતનં…પે॰… કબળીકારો આહારો – ઇદં તં રૂપં રૂપસ્સ ન ઉપચયો.

735. Katamaṃ taṃ rūpaṃ rūpassa na upacayo? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na upacayo.

૭૩૬. કતમં તં રૂપં રૂપસ્સ સન્તતિ? યો રૂપસ્સ ઉપચયો, સા રૂપસ્સ સન્તતિ – ઇદં તં રૂપં રૂપસ્સ સન્તતિ.

736. Katamaṃ taṃ rūpaṃ rūpassa santati? Yo rūpassa upacayo, sā rūpassa santati – idaṃ taṃ rūpaṃ rūpassa santati.

૭૩૭. કતમં તં રૂપં રૂપસ્સ ન સન્તતિ? ચક્ખાયતનં…પે॰… કબળીકારો આહારો – ઇદં તં રૂપં રૂપસ્સ ન સન્તતિ.

737. Katamaṃ taṃ rūpaṃ rūpassa na santati? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na santati.

૭૩૮. કતમં તં રૂપં રૂપસ્સ જરતા? યા રૂપસ્સ જરા જીરણતા ખણ્ડિચ્ચં પાલિચ્ચં વલિત્તચતા આયુનો સંહાનિ ઇન્દ્રિયાનં પરિપાકો – ઇદં તં રૂપં રૂપસ્સ જરતા.

738. Katamaṃ taṃ rūpaṃ rūpassa jaratā? Yā rūpassa jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko – idaṃ taṃ rūpaṃ rūpassa jaratā.

૭૩૯. કતમં તં રૂપં રૂપસ્સ ન જરતા? ચક્ખાયતનં…પે॰… કબળીકારો આહારો – ઇદં તં રૂપં રૂપસ્સ ન જરતા.

739. Katamaṃ taṃ rūpaṃ rūpassa na jaratā? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na jaratā.

૭૪૦. કતમં તં રૂપં રૂપસ્સ અનિચ્ચતા? યો રૂપસ્સ ખયો વયો ભેદો પરિભેદો અનિચ્ચતા અન્તરધાનં – ઇદં તં રૂપં રૂપસ્સ અનિચ્ચતા.

740. Katamaṃ taṃ rūpaṃ rūpassa aniccatā? Yo rūpassa khayo vayo bhedo paribhedo aniccatā antaradhānaṃ – idaṃ taṃ rūpaṃ rūpassa aniccatā.

૭૪૧. કતમં તં રૂપં રૂપસ્સ ન અનિચ્ચતા? ચક્ખાયતનં…પે॰… કબળીકારો આહારો – ઇદં તં રૂપં રૂપસ્સ ન અનિચ્ચતા.

741. Katamaṃ taṃ rūpaṃ rūpassa na aniccatā? Cakkhāyatanaṃ…pe… kabaḷīkāro āhāro – idaṃ taṃ rūpaṃ rūpassa na aniccatā.

૭૪૨. કતમં તં રૂપં કબળીકારો આહારો? ઓદનો કુમ્માસો સત્તુ મચ્છો મંસં ખીરં દધિ સપ્પિ નવનીતં તેલં મધુ ફાણિતં, યં વા પનઞ્ઞમ્પિ અત્થિ રૂપં યમ્હિ યમ્હિ જનપદે તેસં તેસં સત્તાનં મુખાસિયં દન્તવિખાદનં ગલજ્ઝોહરણીયં કુચ્છિવિત્થમ્ભનં, યાય ઓજાય સત્તા યાપેન્તિ – ઇદં તં રૂપં કબળીકારો આહારો.

742. Katamaṃ taṃ rūpaṃ kabaḷīkāro āhāro? Odano kummāso sattu maccho maṃsaṃ khīraṃ dadhi sappi navanītaṃ telaṃ madhu phāṇitaṃ, yaṃ vā panaññampi atthi rūpaṃ yamhi yamhi janapade tesaṃ tesaṃ sattānaṃ mukhāsiyaṃ dantavikhādanaṃ galajjhoharaṇīyaṃ kucchivitthambhanaṃ, yāya ojāya sattā yāpenti – idaṃ taṃ rūpaṃ kabaḷīkāro āhāro.

૭૪૩. કતમં તં રૂપં ન કબળીકારો આહારો? ચક્ખાયતનં…પે॰… રૂપસ્સ અનિચ્ચતા – ઇદં તં રૂપં ન કબળીકારો આહારો.

743. Katamaṃ taṃ rūpaṃ na kabaḷīkāro āhāro? Cakkhāyatanaṃ…pe… rūpassa aniccatā – idaṃ taṃ rūpaṃ na kabaḷīkāro āhāro.

એવં દુવિધેન રૂપસઙ્ગહો.

Evaṃ duvidhena rūpasaṅgaho.

દુકનિદ્દેસો.

Dukaniddeso.

તિકનિદ્દેસો

Tikaniddeso

૭૪૪. કતમં તં રૂપં અજ્ઝત્તિકં ઉપાદા? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ઉપાદા.

744. Katamaṃ taṃ rūpaṃ ajjhattikaṃ upādā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ upādā.

૭૪૫. કતમં તં રૂપં બાહિરં ઉપાદા? રૂપાયતનં…પે॰… કબળીકારો આહારો – ઇદં તં રૂપં બાહિરં ઉપાદા.

745. Katamaṃ taṃ rūpaṃ bāhiraṃ upādā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ upādā.

૭૪૬. કતમં તં રૂપં બાહિરં નો ઉપાદા? ફોટ્ઠબ્બાયતનં આપોધાતુ – ઇદં તં રૂપં બાહિરં નો ઉપાદા.

746. Katamaṃ taṃ rūpaṃ bāhiraṃ no upādā? Phoṭṭhabbāyatanaṃ āpodhātu – idaṃ taṃ rūpaṃ bāhiraṃ no upādā.

૭૪૭. કતમં તં રૂપં અજ્ઝત્તિકં ઉપાદિણ્ણં? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ઉપાદિણ્ણં.

747. Katamaṃ taṃ rūpaṃ ajjhattikaṃ upādiṇṇaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ upādiṇṇaṃ.

૭૪૮. કતમં તં રૂપં બાહિરં ઉપાદિણ્ણં? ઇત્થિન્દ્રિયં પુરિસિન્દ્રિયં જીવિતિન્દ્રિયં, યં વા પનઞ્ઞમ્પિ અત્થિ રૂપં કમ્મસ્સ કતત્તા રૂપાયતનં ગન્ધાયતનં રસાયતનં ફોટ્ઠબ્બાયતનં આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં બાહિરં ઉપાદિણ્ણં.

748. Katamaṃ taṃ rūpaṃ bāhiraṃ upādiṇṇaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ upādiṇṇaṃ.

૭૪૯. કતમં તં રૂપં બાહિરં અનુપાદિણ્ણં? સદ્દાયતનં કાયવિઞ્ઞત્તિ વચીવિઞ્ઞત્તિ રૂપસ્સ લહુતા રૂપસ્સ મુદુતા રૂપસ્સ કમ્મઞ્ઞતા રૂપસ્સ જરતા રૂપસ્સ અનિચ્ચતા, યં વા પનઞ્ઞમ્પિ અત્થિ રૂપં ન કમ્મસ્સ કતત્તા રૂપાયતનં ગન્ધાયતનં રસાયતનં ફોટ્ઠબ્બાયતનં આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં બાહિરં અનુપાદિણ્ણં.

749. Katamaṃ taṃ rūpaṃ bāhiraṃ anupādiṇṇaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ anupādiṇṇaṃ.

૭૫૦. કતમં તં રૂપં અજ્ઝત્તિકં ઉપાદિણ્ણુપાદાનિયં. ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ઉપાદિણ્ણુપાદાનિયં.

750. Katamaṃ taṃ rūpaṃ ajjhattikaṃ upādiṇṇupādāniyaṃ. Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ upādiṇṇupādāniyaṃ.

૭૫૧. કતમં તં રૂપં બાહિરં ઉપાદિણ્ણુપાદાનિયં? ઇત્થિન્દ્રિયં પુરિસિન્દ્રિયં જીવિતિન્દ્રિયં, યં વા પનઞ્ઞમ્પિ અત્થિ રૂપં કમ્મસ્સ કતત્તા રૂપાયતનં ગન્ધાયતનં રસાયતનં ફોટ્ઠબ્બાયતનં આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં બાહિરં ઉપાદિણ્ણુપાદાનિયં.

751. Katamaṃ taṃ rūpaṃ bāhiraṃ upādiṇṇupādāniyaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ upādiṇṇupādāniyaṃ.

૭૫૨. કતમં તં રૂપં બાહિરં અનુપાદિણ્ણુપાદાનિયં ? સદ્દાયતનં કાયવિઞ્ઞત્તિ વચીવિઞ્ઞત્તિ રૂપસ્સ લહુતા રૂપસ્સ મુદુતા રૂપસ્સ કમ્મઞ્ઞતા રૂપસ્સ જરતા રૂપસ્સ અનિચ્ચતા, યં વા પનઞ્ઞમ્પિ અત્થિ રૂપં ન કમ્મસ્સ કતત્તા રૂપાયતનં ગન્ધાયતનં રસાયતનં ફોટ્ઠબ્બાયતનં આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં બાહિરં અનુપાદિણ્ણુપાદાનિયં.

752. Katamaṃ taṃ rūpaṃ bāhiraṃ anupādiṇṇupādāniyaṃ ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ anupādiṇṇupādāniyaṃ.

૭૫૩. કતમં તં રૂપં અજ્ઝત્તિકં અનિદસ્સનં? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં અનિદસ્સનં.

753. Katamaṃ taṃ rūpaṃ ajjhattikaṃ anidassanaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ anidassanaṃ.

૭૫૪. કતમં તં રૂપં બાહિરં સનિદસ્સનં? રૂપાયતનં – ઇદં તં રૂપં બાહિરં સનિદસ્સનં.

754. Katamaṃ taṃ rūpaṃ bāhiraṃ sanidassanaṃ? Rūpāyatanaṃ – idaṃ taṃ rūpaṃ bāhiraṃ sanidassanaṃ.

૭૫૫. કતમં તં રૂપં બાહિરં અનિદસ્સનં? સદ્દાયતનં …પે॰… કબળીકારો આહારો – ઇદં તં રૂપં બાહિરં અનિદસ્સનં.

755. Katamaṃ taṃ rūpaṃ bāhiraṃ anidassanaṃ? Saddāyatanaṃ …pe… kabaḷīkāro āhāro – idaṃ taṃ rūpaṃ bāhiraṃ anidassanaṃ.

૭૫૬. કતમં તં રૂપં અજ્ઝત્તિકં સપ્પટિઘં? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં સપ્પટિઘં.

756. Katamaṃ taṃ rūpaṃ ajjhattikaṃ sappaṭighaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ sappaṭighaṃ.

૭૫૭. કતમં તં રૂપં બાહિરં સપ્પટિઘં? રૂપાયતનં…પે॰… ફોટ્ઠબ્બાયતનં – ઇદં તં રૂપં બાહિરં સપ્પટિઘં.

757. Katamaṃ taṃ rūpaṃ bāhiraṃ sappaṭighaṃ? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ bāhiraṃ sappaṭighaṃ.

૭૫૮. કતમં તં રૂપં બાહિરં અપ્પટિઘં? ઇત્થિન્દ્રિયં…પે॰… કબળીકારો આહારો – ઇદં તં રૂપં બાહિરં અપ્પટિઘં.

758. Katamaṃ taṃ rūpaṃ bāhiraṃ appaṭighaṃ? Itthindriyaṃ…pe… kabaḷīkāro āhāro – idaṃ taṃ rūpaṃ bāhiraṃ appaṭighaṃ.

૭૫૯. કતમં તં રૂપં અજ્ઝત્તિકં ઇન્દ્રિયં? ચક્ખુન્દ્રિયં…પે॰… કાયિન્દ્રિયં – ઇદં તં રૂપં અજ્ઝત્તિકં ઇન્દ્રિયં.

759. Katamaṃ taṃ rūpaṃ ajjhattikaṃ indriyaṃ? Cakkhundriyaṃ…pe… kāyindriyaṃ – idaṃ taṃ rūpaṃ ajjhattikaṃ indriyaṃ.

૭૬૦. કતમં તં રૂપં બાહિરં ઇન્દ્રિયં? ઇત્થિન્દ્રિયં પુરિસિન્દ્રિયં જીવિતિન્દ્રિયં – ઇદં તં રૂપં બાહિરં ઇન્દ્રિયં.

760. Katamaṃ taṃ rūpaṃ bāhiraṃ indriyaṃ? Itthindriyaṃ purisindriyaṃ jīvitindriyaṃ – idaṃ taṃ rūpaṃ bāhiraṃ indriyaṃ.

૭૬૧. કતમં તં રૂપં બાહિરં ન ઇન્દ્રિયં? રૂપાયતનં…પે॰… કબળીકારો આહારો – ઇદં તં રૂપં બાહિરં ન ઇન્દ્રિયં.

761. Katamaṃ taṃ rūpaṃ bāhiraṃ na indriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na indriyaṃ.

૭૬૨. કતમં તં રૂપં અજ્ઝત્તિકં ન મહાભૂતં? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ન મહાભૂતં.

762. Katamaṃ taṃ rūpaṃ ajjhattikaṃ na mahābhūtaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na mahābhūtaṃ.

૭૬૩. કતમં તં રૂપં બાહિરં મહાભૂતં? ફોટ્ઠબ્બાયતનં આપોધાતુ – ઇદં તં રૂપં બાહિરં મહાભૂતં.

763. Katamaṃ taṃ rūpaṃ bāhiraṃ mahābhūtaṃ? Phoṭṭhabbāyatanaṃ āpodhātu – idaṃ taṃ rūpaṃ bāhiraṃ mahābhūtaṃ.

૭૬૪. કતમં તં રૂપં બાહિરં ન મહાભૂતં? રૂપાયતનં…પે॰… કબળીકારો આહારો – ઇદં તં રૂપં બાહિરં ન મહાભૂતં.

764. Katamaṃ taṃ rūpaṃ bāhiraṃ na mahābhūtaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na mahābhūtaṃ.

૭૬૫. કતમં તં રૂપં અજ્ઝત્તિકં ન વિઞ્ઞત્તિ? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ન વિઞ્ઞત્તિ?

765. Katamaṃ taṃ rūpaṃ ajjhattikaṃ na viññatti? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na viññatti?

૭૬૬. કતમં તં રૂપં બાહિરં વિઞ્ઞત્તિ? કાયવિઞ્ઞત્તિ વચીવિઞ્ઞત્તિ – ઇદં તં રૂપં બાહિરં વિઞ્ઞત્તિ.

766. Katamaṃ taṃ rūpaṃ bāhiraṃ viññatti? Kāyaviññatti vacīviññatti – idaṃ taṃ rūpaṃ bāhiraṃ viññatti.

૭૬૭. કતમં તં રૂપં બાહિરં ન વિઞ્ઞત્તિ? રૂપાયતનં…પે॰… કબળીકારો આહારો – ઇદં તં રૂપં બાહિરં ન વિઞ્ઞત્તિ.

767. Katamaṃ taṃ rūpaṃ bāhiraṃ na viññatti? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na viññatti.

૭૬૮. કતમં તં રૂપં અજ્ઝત્તિકં ન ચિત્તસમુટ્ઠાનં? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ન ચિત્તસમુટ્ઠાનં.

768. Katamaṃ taṃ rūpaṃ ajjhattikaṃ na cittasamuṭṭhānaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cittasamuṭṭhānaṃ.

૭૬૯. કતમં તં રૂપં બાહિરં ચિત્તસમુટ્ઠાનં? કાયવિઞ્ઞત્તિ વચીવિઞ્ઞત્તિ, યં વા પનઞ્ઞમ્પિ અત્થિ રૂપં ચિત્તજં ચિત્તહેતુકં ચિત્તસમુટ્ઠાનં રૂપાયતનં સદ્દાયતનં ગન્ધાયતનં રસાયતનં ફોટ્ઠબ્બાયતનં આકાસધાતુ આપોધાતુ રૂપસ્સ લહુતા રૂપસ્સ મુદુતા રૂપસ્સ કમ્મઞ્ઞતા રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં બાહિરં ચિત્તસમુટ્ઠાનં.

769. Katamaṃ taṃ rūpaṃ bāhiraṃ cittasamuṭṭhānaṃ? Kāyaviññatti vacīviññatti, yaṃ vā panaññampi atthi rūpaṃ cittajaṃ cittahetukaṃ cittasamuṭṭhānaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ cittasamuṭṭhānaṃ.

૭૭૦. કતમં તં રૂપં બાહિરં ન ચિત્તસમુટ્ઠાનં? ઇત્થિન્દ્રિયં પુરિસિન્દ્રિયં જીવિતિન્દ્રિયં રૂપસ્સ જરતા રૂપસ્સ અનિચ્ચતા, યં વા પનઞ્ઞમ્પિ અત્થિ રૂપં ન ચિત્તજં ન ચિત્તહેતુકં ન ચિત્તસમુટ્ઠાનં રૂપાયતનં સદ્દાયતનં ગન્ધાયતનં રસાયતનં ફોટ્ઠબ્બાયતનં આકાસધાતુ આપોધાતુ રૂપસ્સ લહુતા રૂપસ્સ મુદુતા રૂપસ્સ કમ્મઞ્ઞતા રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં બાહિરં ન ચિત્તસમુટ્ઠાનં.

770. Katamaṃ taṃ rūpaṃ bāhiraṃ na cittasamuṭṭhānaṃ? Itthindriyaṃ purisindriyaṃ jīvitindriyaṃ rūpassa jaratā rūpassa aniccatā, yaṃ vā panaññampi atthi rūpaṃ na cittajaṃ na cittahetukaṃ na cittasamuṭṭhānaṃ rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa lahutā rūpassa mudutā rūpassa kammaññatā rūpassa upacayo rūpassa santati kabaḷīkāro āhāro – idaṃ taṃ rūpaṃ bāhiraṃ na cittasamuṭṭhānaṃ.

૭૭૧. કતમં તં રૂપં અજ્ઝત્તિકં ન ચિત્તસહભુ? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ન ચિત્તસહભુ.

771. Katamaṃ taṃ rūpaṃ ajjhattikaṃ na cittasahabhu? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cittasahabhu.

૭૭૨. કતમં તં રૂપં બાહિરં ચિત્તસહભુ? કાયવિઞ્ઞત્તિ વચીવિઞ્ઞત્તિ – ઇદં તં રૂપં બાહિરં ચિત્તસહભુ.

772. Katamaṃ taṃ rūpaṃ bāhiraṃ cittasahabhu? Kāyaviññatti vacīviññatti – idaṃ taṃ rūpaṃ bāhiraṃ cittasahabhu.

૭૭૩. કતમં તં રૂપં બાહિરં ન ચિત્તસહભુ? રૂપાયતનં…પે॰… કબળીકારો આહારો – ઇદં તં રૂપં બાહિરં ન ચિત્તસહભુ?

773. Katamaṃ taṃ rūpaṃ bāhiraṃ na cittasahabhu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na cittasahabhu?

૭૭૪. કતમં તં રૂપં અજ્ઝત્તિકં ન ચિત્તાનુપરિવત્તિ? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ન ચિત્તાનુપરિવત્તિ.

774. Katamaṃ taṃ rūpaṃ ajjhattikaṃ na cittānuparivatti? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cittānuparivatti.

૭૭૫. કતમં તં રૂપં બાહિરં ચિત્તાનુપરિવત્તિ? કાયવિઞ્ઞત્તિ વચીવિઞ્ઞત્તિ – ઇદં તં રૂપં બાહિરં ચિત્તાનુપરિવત્તિ.

775. Katamaṃ taṃ rūpaṃ bāhiraṃ cittānuparivatti? Kāyaviññatti vacīviññatti – idaṃ taṃ rūpaṃ bāhiraṃ cittānuparivatti.

૭૭૬. કતમં તં રૂપં બાહિરં ન ચિત્તાનુપરિવત્તિ? રૂપાયતનં…પે॰… કબળીકારો આહારો – ઇદં તં રૂપં બાહિરં ન ચિત્તાનુપરિવત્તિ.

776. Katamaṃ taṃ rūpaṃ bāhiraṃ na cittānuparivatti? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na cittānuparivatti.

૭૭૭. કતમં તં રૂપં અજ્ઝત્તિકં ઓળારિકં? ચક્ખાયતનં …પે॰… કાયાયતનં – ઇદં તં રૂપં અજ્ઝત્તિકં ઓળારિકં.

777. Katamaṃ taṃ rūpaṃ ajjhattikaṃ oḷārikaṃ? Cakkhāyatanaṃ …pe… kāyāyatanaṃ – idaṃ taṃ rūpaṃ ajjhattikaṃ oḷārikaṃ.

૭૭૮. કતમં તં રૂપં બાહિરં ઓળારિકં? રૂપાયતનં…પે॰… ફોટ્ઠબ્બાયતનં – ઇદં તં રૂપં બાહિરં ઓળારિકં.

778. Katamaṃ taṃ rūpaṃ bāhiraṃ oḷārikaṃ? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ bāhiraṃ oḷārikaṃ.

૭૭૯. કતમં તં રૂપં બાહિરં સુખુમં? ઇત્થિન્દ્રિયં…પે॰… કબળીકારો આહારો – ઇદં તં રૂપં બાહિરં સુખુમં.

779. Katamaṃ taṃ rūpaṃ bāhiraṃ sukhumaṃ? Itthindriyaṃ…pe… kabaḷīkāro āhāro – idaṃ taṃ rūpaṃ bāhiraṃ sukhumaṃ.

૭૮૦. કતમં તં રૂપં અજ્ઝત્તિકં સન્તિકે? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં સન્તિકે.

780. Katamaṃ taṃ rūpaṃ ajjhattikaṃ santike? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ santike.

૭૮૧. કતમં તં રૂપં બાહિરં દૂરે? ઇત્થિન્દ્રિયં…પે॰… કબળીકારો આહારો – ઇદં તં રૂપં બાહિરં દૂરે.

781. Katamaṃ taṃ rūpaṃ bāhiraṃ dūre? Itthindriyaṃ…pe… kabaḷīkāro āhāro – idaṃ taṃ rūpaṃ bāhiraṃ dūre.

૭૮૨. કતમં તં રૂપં બાહિરં સન્તિકે? રૂપાયતનં…પે॰… ફોટ્ઠબ્બાયતનં – ઇદં તં રૂપં બાહિરં સન્તિકે.

782. Katamaṃ taṃ rūpaṃ bāhiraṃ santike? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ bāhiraṃ santike.

૭૮૩. કતમં તં રૂપં બાહિરં ચક્ખુસમ્ફસ્સસ્સ ન વત્થુ? રૂપાયતનં…પે॰… કબળીકારો આહારો – ઇદં તં રૂપં બાહિરં ચક્ખુસમ્ફસ્સસ્સ ન વત્થુ.

783. Katamaṃ taṃ rūpaṃ bāhiraṃ cakkhusamphassassa na vatthu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ cakkhusamphassassa na vatthu.

૭૮૪. કતમં તં રૂપં અજ્ઝત્તિકં ચક્ખુસમ્ફસ્સસ્સ વત્થુ? ચક્ખાયતનં – ઇદં તં રૂપં અજ્ઝત્તિકં ચક્ખુસમ્ફસ્સસ્સ વત્થુ.

784. Katamaṃ taṃ rūpaṃ ajjhattikaṃ cakkhusamphassassa vatthu? Cakkhāyatanaṃ – idaṃ taṃ rūpaṃ ajjhattikaṃ cakkhusamphassassa vatthu.

૭૮૫. કતમં તં રૂપં અજ્ઝત્તિકં ચક્ખુસમ્ફસ્સસ્સ ન વત્થુ? સોતાયતનં…પે॰… કાયાયતનં – ઇદં તં રૂપં અજ્ઝત્તિકં ચક્ખુસમ્ફસ્સસ્સ ન વત્થુ.

785. Katamaṃ taṃ rūpaṃ ajjhattikaṃ cakkhusamphassassa na vatthu? Sotāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ cakkhusamphassassa na vatthu.

૭૮૬. કતમં તં રૂપં બાહિરં ચક્ખુસમ્ફસ્સજાય વેદનાય…પે॰… સઞ્ઞાય…પે॰… ચેતનાય…પે॰… ચક્ખુવિઞ્ઞાણસ્સ ન વત્થુ? રૂપાયતનં…પે॰… કબળીકારો આહારો – ઇદં તં રૂપં બાહિરં ચક્ખુવિઞ્ઞાણસ્સ ન વત્થુ.

786. Katamaṃ taṃ rūpaṃ bāhiraṃ cakkhusamphassajāya vedanāya…pe… saññāya…pe… cetanāya…pe… cakkhuviññāṇassa na vatthu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ cakkhuviññāṇassa na vatthu.

૭૮૭. કતમં તં રૂપં અજ્ઝત્તિકં ચક્ખુવિઞ્ઞાણસ્સ વત્થુ? ચક્ખાયતનં – ઇદં તં રૂપં અજ્ઝત્તિકં ચક્ખુવિઞ્ઞાણસ્સ વત્થુ.

787. Katamaṃ taṃ rūpaṃ ajjhattikaṃ cakkhuviññāṇassa vatthu? Cakkhāyatanaṃ – idaṃ taṃ rūpaṃ ajjhattikaṃ cakkhuviññāṇassa vatthu.

૭૮૮. કતમં તં રૂપં અજ્ઝત્તિકં ચક્ખુવિઞ્ઞાણસ્સ ન વત્થુ? સોતાયતનં…પે॰… કાયાયતનં – ઇદં તં રૂપં અજ્ઝત્તિકં ચક્ખુવિઞ્ઞાણસ્સ ન વત્થુ?

788. Katamaṃ taṃ rūpaṃ ajjhattikaṃ cakkhuviññāṇassa na vatthu? Sotāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ cakkhuviññāṇassa na vatthu?

૭૮૯. કતમં તં રૂપં બાહિરં સોતસમ્ફસ્સસ્સ…પે॰… ઘાનસમ્ફસ્સસ્સ…પે॰… જિવ્હાસમ્ફસ્સસ્સ…પે॰… કાયસમ્ફસ્સસ્સ ન વત્થુ? રૂપાયતનં…પે॰… કબળીકારો આહારો – ઇદં તં રૂપં બાહિરં કાયસમ્ફસ્સસ્સ ન વત્થુ.

789. Katamaṃ taṃ rūpaṃ bāhiraṃ sotasamphassassa…pe… ghānasamphassassa…pe… jivhāsamphassassa…pe… kāyasamphassassa na vatthu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ kāyasamphassassa na vatthu.

૭૯૦. કતમં તં રૂપં અજ્ઝત્તિકં કાયસમ્ફસ્સસ્સ વત્થુ? કાયાયતનં – ઇદં તં રૂપં અજ્ઝત્તિકં કાયસમ્ફસ્સસ્સ વત્થુ.

790. Katamaṃ taṃ rūpaṃ ajjhattikaṃ kāyasamphassassa vatthu? Kāyāyatanaṃ – idaṃ taṃ rūpaṃ ajjhattikaṃ kāyasamphassassa vatthu.

૭૯૧. કતમં તં રૂપં અજ્ઝત્તિકં કાયસમ્ફસ્સસ્સ ન વત્થુ? ચક્ખાયતનં…પે॰… જિવ્હાયતનં – ઇદં તં રૂપં અજ્ઝત્તિકં કાયસમ્ફસ્સસ્સ ન વત્થુ.

791. Katamaṃ taṃ rūpaṃ ajjhattikaṃ kāyasamphassassa na vatthu? Cakkhāyatanaṃ…pe… jivhāyatanaṃ – idaṃ taṃ rūpaṃ ajjhattikaṃ kāyasamphassassa na vatthu.

૭૯૨. કતમં તં રૂપં બાહિરં કાયસમ્ફસ્સજાય વેદનાય…પે॰… સઞ્ઞાય…પે॰… ચેતનાય…પે॰… કાયવિઞ્ઞાણસ્સ ન વત્થુ? રૂપાયતનં…પે॰… કબળીકારો આહારો – ઇદં તં રૂપં બાહિરં કાયવિઞ્ઞાણસ્સ ન વત્થુ.

792. Katamaṃ taṃ rūpaṃ bāhiraṃ kāyasamphassajāya vedanāya…pe… saññāya…pe… cetanāya…pe… kāyaviññāṇassa na vatthu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ kāyaviññāṇassa na vatthu.

૭૯૩. કતમં તં રૂપં અજ્ઝત્તિકં કાયવિઞ્ઞાણસ્સ વત્થુ? કાયાયતનં – ઇદં તં રૂપં અજ્ઝત્તિકં કાયવિઞ્ઞાણસ્સ વત્થુ.

793. Katamaṃ taṃ rūpaṃ ajjhattikaṃ kāyaviññāṇassa vatthu? Kāyāyatanaṃ – idaṃ taṃ rūpaṃ ajjhattikaṃ kāyaviññāṇassa vatthu.

૭૯૪. કતમં તં રૂપં અજ્ઝત્તિકં કાયવિઞ્ઞાણસ્સ ન વત્થુ? ચક્ખાયતનં…પે॰… જિવ્હાયતનં – ઇદં તં રૂપં અજ્ઝત્તિકં કાયવિઞ્ઞાણસ્સ ન વત્થુ.

794. Katamaṃ taṃ rūpaṃ ajjhattikaṃ kāyaviññāṇassa na vatthu? Cakkhāyatanaṃ…pe… jivhāyatanaṃ – idaṃ taṃ rūpaṃ ajjhattikaṃ kāyaviññāṇassa na vatthu.

૭૯૫. કતમં તં રૂપં અજ્ઝત્તિકં ચક્ખુસમ્ફસ્સસ્સ ન આરમ્મણં? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ચક્ખુસમ્ફસ્સસ્સ ન આરમ્મણં.

795. Katamaṃ taṃ rūpaṃ ajjhattikaṃ cakkhusamphassassa na ārammaṇaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ cakkhusamphassassa na ārammaṇaṃ.

૭૯૬. કતમં તં રૂપં બાહિરં ચક્ખુસમ્ફસ્સસ્સ આરમ્મણં? રૂપાયતનં – ઇદં તં રૂપં બાહિરં ચક્ખુસમ્ફસ્સસ્સ આરમ્મણં.

796. Katamaṃ taṃ rūpaṃ bāhiraṃ cakkhusamphassassa ārammaṇaṃ? Rūpāyatanaṃ – idaṃ taṃ rūpaṃ bāhiraṃ cakkhusamphassassa ārammaṇaṃ.

૭૯૭. કતમં તં રૂપં બાહિરં ચક્ખુસમ્ફસ્સસ્સ ન આરમ્મણં? સદ્દાયતનં…પે॰… કબળીકારો આહારો – ઇદં તં રૂપં બાહિરં ચક્ખુસમ્ફસ્સસ્સ ન આરમ્મણં.

797. Katamaṃ taṃ rūpaṃ bāhiraṃ cakkhusamphassassa na ārammaṇaṃ? Saddāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ cakkhusamphassassa na ārammaṇaṃ.

૭૯૮. કતમં તં રૂપં અજ્ઝત્તિકં ચક્ખુસમ્ફસ્સજાય વેદનાય…પે॰… સઞ્ઞાય…પે॰… ચેતનાય…પે॰… ચક્ખુવિઞ્ઞાણસ્સ ન આરમ્મણં? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ચક્ખુવિઞ્ઞાણસ્સ ન આરમ્મણં.

798. Katamaṃ taṃ rūpaṃ ajjhattikaṃ cakkhusamphassajāya vedanāya…pe… saññāya…pe… cetanāya…pe… cakkhuviññāṇassa na ārammaṇaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ cakkhuviññāṇassa na ārammaṇaṃ.

૭૯૯. કતમં તં રૂપં બાહિરં ચક્ખુવિઞ્ઞાણસ્સ આરમ્મણં? રૂપાયતનં – ઇદં તં રૂપં બાહિરં ચક્ખુવિઞ્ઞાણસ્સ આરમ્મણં.

799. Katamaṃ taṃ rūpaṃ bāhiraṃ cakkhuviññāṇassa ārammaṇaṃ? Rūpāyatanaṃ – idaṃ taṃ rūpaṃ bāhiraṃ cakkhuviññāṇassa ārammaṇaṃ.

૮૦૦. કતમં તં રૂપં બાહિરં ચક્ખુવિઞ્ઞાણસ્સ ન આરમ્મણં? સદ્દાયતનં…પે॰… કબળીકારો આહારો – ઇદં તં રૂપં બાહિરં ચક્ખુવિઞ્ઞાણસ્સ ન આરમ્મણં.

800. Katamaṃ taṃ rūpaṃ bāhiraṃ cakkhuviññāṇassa na ārammaṇaṃ? Saddāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ cakkhuviññāṇassa na ārammaṇaṃ.

૮૦૧. કતમં તં રૂપં અજ્ઝત્તિકં સોતસમ્ફસ્સસ્સ…પે॰… ઘાનસમ્ફસ્સસ્સ…પે॰… જિવ્હાસમ્ફસ્સસ્સ…પે॰… કાયસમ્ફસ્સસ્સ ન આરમ્મણં? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં કાયસમ્ફસ્સસ્સ ન આરમ્મણં.

801. Katamaṃ taṃ rūpaṃ ajjhattikaṃ sotasamphassassa…pe… ghānasamphassassa…pe… jivhāsamphassassa…pe… kāyasamphassassa na ārammaṇaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ kāyasamphassassa na ārammaṇaṃ.

૮૦૨. કતમં તં રૂપં બાહિરં કાયસમ્ફસ્સસ્સ આરમ્મણં? ફોટ્ઠબ્બાયતનં – ઇદં તં રૂપં બાહિરં કાયસમ્ફસ્સસ્સ આરમ્મણં.

802. Katamaṃ taṃ rūpaṃ bāhiraṃ kāyasamphassassa ārammaṇaṃ? Phoṭṭhabbāyatanaṃ – idaṃ taṃ rūpaṃ bāhiraṃ kāyasamphassassa ārammaṇaṃ.

૮૦૩. કતમં તં રૂપં બાહિરં કાયસમ્ફસ્સસ્સ ન આરમ્મણં? રૂપાયતનં…પે॰… કબળીકારો આહારો – ઇદં તં રૂપં બાહિરં કાયસમ્ફસ્સસ્સ ન આરમ્મણં.

803. Katamaṃ taṃ rūpaṃ bāhiraṃ kāyasamphassassa na ārammaṇaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ kāyasamphassassa na ārammaṇaṃ.

૮૦૪. કતમં તં રૂપં અજ્ઝત્તિકં કાયસમ્ફસ્સજાય વેદનાય…પે॰… સઞ્ઞાય…પે॰… ચેતનાય…પે॰… કાયવિઞ્ઞાણસ્સ ન આરમ્મણં? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં કાયવિઞ્ઞાણસ્સ ન આરમ્મણં.

804. Katamaṃ taṃ rūpaṃ ajjhattikaṃ kāyasamphassajāya vedanāya…pe… saññāya…pe… cetanāya…pe… kāyaviññāṇassa na ārammaṇaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ kāyaviññāṇassa na ārammaṇaṃ.

૮૦૫. કતમં તં રૂપં બાહિરં કાયવિઞ્ઞાણસ્સ આરમ્મણં? ફોટ્ઠબ્બાયતનં – ઇદં તં રૂપં બાહિરં કાયવિઞ્ઞાણસ્સ આરમ્મણં.

805. Katamaṃ taṃ rūpaṃ bāhiraṃ kāyaviññāṇassa ārammaṇaṃ? Phoṭṭhabbāyatanaṃ – idaṃ taṃ rūpaṃ bāhiraṃ kāyaviññāṇassa ārammaṇaṃ.

૮૦૬. કતમં તં રૂપં બાહિરં કાયવિઞ્ઞાણસ્સ ન આરમ્મણં? રૂપાયતનં…પે॰… કબળીકારો આહારો – ઇદં તં રૂપં બાહિરં કાયવિઞ્ઞાણસ્સ ન આરમ્મણં.

806. Katamaṃ taṃ rūpaṃ bāhiraṃ kāyaviññāṇassa na ārammaṇaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ kāyaviññāṇassa na ārammaṇaṃ.

૮૦૭. કતમં તં રૂપં બાહિરં ન ચક્ખાયતનં? રૂપાયતનં…પે॰… કબળીકારો આહારો – ઇદં તં રૂપં બાહિરં ન ચક્ખાયતનં.

807. Katamaṃ taṃ rūpaṃ bāhiraṃ na cakkhāyatanaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na cakkhāyatanaṃ.

૮૦૮. કતમં તં રૂપં અજ્ઝત્તિકં ચક્ખાયતનં? યં ચક્ખુ ચતુન્નં મહાભૂતાનં ઉપાદાય પસાદો…પે॰… સુઞ્ઞો ગામો પેસો – ઇદં તં રૂપં અજ્ઝત્તિકં ચક્ખાયતનં.

808. Katamaṃ taṃ rūpaṃ ajjhattikaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ ajjhattikaṃ cakkhāyatanaṃ.

૮૦૯. કતમં તં રૂપં અજ્ઝત્તિકં ન ચક્ખાયતનં? સોતાયતનં…પે॰… કાયાયતનં – ઇદં તં રૂપં અજ્ઝત્તિકં ન ચક્ખાયતનં.

809. Katamaṃ taṃ rūpaṃ ajjhattikaṃ na cakkhāyatanaṃ? Sotāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cakkhāyatanaṃ.

૮૧૦. કતમં તં રૂપં બાહિરં ન સોતાયતનં…પે॰… ન ઘાનાયતનં…પે॰… ન જિવ્હાયતનં…પે॰… ન કાયાયતનં? રૂપાયતનં…પે॰… કબળીકારો આહારો – ઇદં તં રૂપં બાહિરં ન કાયાયતનં.

810. Katamaṃ taṃ rūpaṃ bāhiraṃ na sotāyatanaṃ…pe… na ghānāyatanaṃ…pe… na jivhāyatanaṃ…pe… na kāyāyatanaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na kāyāyatanaṃ.

૮૧૧. કતમં તં રૂપં અજ્ઝત્તિકં કાયાયતનં? યો કાયો ચતુન્નં મહાભૂતાનં ઉપાદાય પસાદો…પે॰… સુઞ્ઞો ગામો પેસો – ઇદં તં રૂપં અજ્ઝત્તિકં કાયાયતનં.

811. Katamaṃ taṃ rūpaṃ ajjhattikaṃ kāyāyatanaṃ? Yo kāyo catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ ajjhattikaṃ kāyāyatanaṃ.

૮૧૨. કતમં તં રૂપં અજ્ઝત્તિકં ન કાયાયતનં? ચક્ખાયતનં…પે॰… જિવ્હાયતનં – ઇદં તં રૂપં અજ્ઝત્તિકં ન કાયાયતનં.

812. Katamaṃ taṃ rūpaṃ ajjhattikaṃ na kāyāyatanaṃ? Cakkhāyatanaṃ…pe… jivhāyatanaṃ – idaṃ taṃ rūpaṃ ajjhattikaṃ na kāyāyatanaṃ.

૮૧૩. કતમં તં રૂપં અજ્ઝત્તિકં ન રૂપાયતનં? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ન રૂપાયતનં.

813. Katamaṃ taṃ rūpaṃ ajjhattikaṃ na rūpāyatanaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na rūpāyatanaṃ.

૮૧૪. કતમં તં રૂપં બાહિરં રૂપાયતનં? યં રૂપં ચતુન્નં મહાભૂતાનં ઉપાદાય વણ્ણનિભા…પે॰… રૂપધાતુ પેસા – ઇદં તં રૂપં બાહિરં રૂપાયતનં.

814. Katamaṃ taṃ rūpaṃ bāhiraṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā…pe… rūpadhātu pesā – idaṃ taṃ rūpaṃ bāhiraṃ rūpāyatanaṃ.

૮૧૫. કતમં તં રૂપં બાહિરં ન રૂપાયતનં? સદ્દાયતનં…પે॰… કબળીકારો આહારો – ઇદં તં રૂપં બાહિરં ન રૂપાયતનં.

815. Katamaṃ taṃ rūpaṃ bāhiraṃ na rūpāyatanaṃ? Saddāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na rūpāyatanaṃ.

૮૧૬. કતમં તં રૂપં અજ્ઝત્તિકં ન સદ્દાયતનં…પે॰… ન ગન્ધાયતનં…પે॰… ન રસાયતનં…પે॰… ન ફોટ્ઠબ્બાયતનં? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ન ફોટ્ઠબ્બાયતનં.

816. Katamaṃ taṃ rūpaṃ ajjhattikaṃ na saddāyatanaṃ…pe… na gandhāyatanaṃ…pe… na rasāyatanaṃ…pe… na phoṭṭhabbāyatanaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na phoṭṭhabbāyatanaṃ.

૮૧૭. કતમં તં રૂપં બાહિરં ફોટ્ઠબ્બાયતનં? પથવીધાતુ…પે॰… ફોટ્ઠબ્બધાતુ પેસા – ઇદં તં રૂપં બાહિરં ફોટ્ઠબ્બાયતનં.

817. Katamaṃ taṃ rūpaṃ bāhiraṃ phoṭṭhabbāyatanaṃ? Pathavīdhātu…pe… phoṭṭhabbadhātu pesā – idaṃ taṃ rūpaṃ bāhiraṃ phoṭṭhabbāyatanaṃ.

૮૧૮. કતમં તં રૂપં બાહિરં ન ફોટ્ઠબ્બાયતનં? રૂપાયતનં…પે॰… કબળીકારો આહારો – ઇદં તં રૂપં બાહિરં ન ફોટ્ઠબ્બાયતનં.

818. Katamaṃ taṃ rūpaṃ bāhiraṃ na phoṭṭhabbāyatanaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na phoṭṭhabbāyatanaṃ.

૮૧૯. કતમં તં રૂપં બાહિરં ન ચક્ખુધાતુ? રૂપાયતનં…પે॰… કબળીકારો આહારો – ઇદં તં રૂપં બાહિરં ન ચક્ખુધાતુ.

819. Katamaṃ taṃ rūpaṃ bāhiraṃ na cakkhudhātu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na cakkhudhātu.

૮૨૦. કતમં તં રૂપં અજ્ઝત્તિકં ચક્ખુધાતુ? ચક્ખાયતનં – ઇદં તં રૂપં અજ્ઝત્તિકં ચક્ખુધાતુ.

820. Katamaṃ taṃ rūpaṃ ajjhattikaṃ cakkhudhātu? Cakkhāyatanaṃ – idaṃ taṃ rūpaṃ ajjhattikaṃ cakkhudhātu.

૮૨૧. કતમં તં રૂપં અજ્ઝત્તિકં ન ચક્ખુધાતુ? સોતાયતનં…પે॰… કાયાયતનં – ઇદં તં રૂપં અજ્ઝત્તિકં ન ચક્ખુધાતુ.

821. Katamaṃ taṃ rūpaṃ ajjhattikaṃ na cakkhudhātu? Sotāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cakkhudhātu.

૮૨૨. કતમં તં રૂપં બાહિરં ન સોતધાતુ…પે॰… ન ઘાનધાતુ…પે॰… ન જિવ્હાધાતુ…પે॰… ન કાયધાતુ? રૂપાયતનં…પે॰… કબળીકારો આહારો – ઇદં તં રૂપં બાહિરં ન કાયધાતુ.

822. Katamaṃ taṃ rūpaṃ bāhiraṃ na sotadhātu…pe… na ghānadhātu…pe… na jivhādhātu…pe… na kāyadhātu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na kāyadhātu.

૮૨૩. કતમં તં રૂપં અજ્ઝત્તિકં કાયધાતુ? કાયાયતનં – ઇદં તં રૂપં અજ્ઝત્તિકં કાયધાતુ.

823. Katamaṃ taṃ rūpaṃ ajjhattikaṃ kāyadhātu? Kāyāyatanaṃ – idaṃ taṃ rūpaṃ ajjhattikaṃ kāyadhātu.

૮૨૪. કતમં તં રૂપં અજ્ઝત્તિકં ન કાયધાતુ? ચક્ખાયતનં…પે॰… જિવ્હાયતનં – ઇદં તં રૂપં અજ્ઝત્તિકં ન કાયધાતુ.

824. Katamaṃ taṃ rūpaṃ ajjhattikaṃ na kāyadhātu? Cakkhāyatanaṃ…pe… jivhāyatanaṃ – idaṃ taṃ rūpaṃ ajjhattikaṃ na kāyadhātu.

૮૨૫. કતમં તં રૂપં અજ્ઝત્તિકં ન રૂપધાતુ? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ન રૂપધાતુ.

825. Katamaṃ taṃ rūpaṃ ajjhattikaṃ na rūpadhātu? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na rūpadhātu.

૮૨૬. કતમં તં રૂપં બાહિરં રૂપધાતુ? રૂપાયતનં – ઇદં તં રૂપં બાહિરં રૂપધાતુ.

826. Katamaṃ taṃ rūpaṃ bāhiraṃ rūpadhātu? Rūpāyatanaṃ – idaṃ taṃ rūpaṃ bāhiraṃ rūpadhātu.

૮૨૭. કતમં તં રૂપં બાહિરં ન રૂપધાતુ? સદ્દાયતનં…પે॰… કબળીકારો આહારો – ઇદં તં રૂપં બાહિરં ન રૂપધાતુ.

827. Katamaṃ taṃ rūpaṃ bāhiraṃ na rūpadhātu? Saddāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na rūpadhātu.

૮૨૮. કતમં તં રૂપં અજ્ઝત્તિકં ન સદ્દધાતુ…પે॰… ન ગન્ધધાતુ…પે॰… ન રસધાતુ …પે॰… ન ફોટ્ઠબ્બધાતુ? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ન ફોટ્ઠબ્બધાતુ.

828. Katamaṃ taṃ rūpaṃ ajjhattikaṃ na saddadhātu…pe… na gandhadhātu…pe… na rasadhātu …pe… na phoṭṭhabbadhātu? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na phoṭṭhabbadhātu.

૮૨૯. કતમં તં રૂપં બાહિરં ફોટ્ઠબ્બધાતુ? ફોટ્ઠબ્બાયતનં – ઇદં તં રૂપં બાહિરં ફોટ્ઠબ્બધાતુ.

829. Katamaṃ taṃ rūpaṃ bāhiraṃ phoṭṭhabbadhātu? Phoṭṭhabbāyatanaṃ – idaṃ taṃ rūpaṃ bāhiraṃ phoṭṭhabbadhātu.

૮૩૦. કતમં તં રૂપં બાહિરં ન ફોટ્ઠબ્બધાતુ? રૂપાયતનં…પે॰… કબળીકારો આહારો – ઇદં તં રૂપં બાહિરં ન ફોટ્ઠબ્બધાતુ.

830. Katamaṃ taṃ rūpaṃ bāhiraṃ na phoṭṭhabbadhātu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na phoṭṭhabbadhātu.

૮૩૧. કતમં તં રૂપં બાહિરં ન ચક્ખુન્દ્રિયં? રૂપાયતનં…પે॰… કબળીકારો આહારો – ઇદં તં રૂપં બાહિરં ન ચક્ખુન્દ્રિયં.

831. Katamaṃ taṃ rūpaṃ bāhiraṃ na cakkhundriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na cakkhundriyaṃ.

૮૩૨. કતમં તં રૂપં અજ્ઝત્તિકં ચક્ખુન્દ્રિયં? યં ચક્ખુ ચતુન્નં મહાભૂતાનં ઉપાદાય પસાદો…પે॰… સુઞ્ઞો ગામો પેસો – ઇદં તં રૂપં અજ્ઝત્તિકં ચક્ખુન્દ્રિયં.

832. Katamaṃ taṃ rūpaṃ ajjhattikaṃ cakkhundriyaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ ajjhattikaṃ cakkhundriyaṃ.

૮૩૩. કતમં તં રૂપં અજ્ઝત્તિકં ન ચક્ખુન્દ્રિયં? સોતાયતનં…પે॰… કાયાયતનં – ઇદં તં રૂપં અજ્ઝત્તિકં ન ચક્ખુન્દ્રિયં.

833. Katamaṃ taṃ rūpaṃ ajjhattikaṃ na cakkhundriyaṃ? Sotāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na cakkhundriyaṃ.

૮૩૪. કતમં તં રૂપં બાહિરં ન સોતિન્દ્રિયં…પે॰… ન ઘાનિન્દ્રિયં…પે॰… ન જિવ્હિન્દ્રિયં…પે॰… ન કાયિન્દ્રિયં? રૂપાયતનં…પે॰… કબળીકારો આહારો – ઇદં તં રૂપં બાહિરં ન કાયિન્દ્રિયં.

834. Katamaṃ taṃ rūpaṃ bāhiraṃ na sotindriyaṃ…pe… na ghānindriyaṃ…pe… na jivhindriyaṃ…pe… na kāyindriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na kāyindriyaṃ.

૮૩૫. કતમં તં રૂપં અજ્ઝત્તિકં કાયિન્દ્રિયં? યો કાયો ચતુન્નં મહાભૂતાનં ઉપાદાય પસાદો…પે॰… સુઞ્ઞો ગામો પેસો – ઇદં તં રૂપં અજ્ઝત્તિકં કાયિન્દ્રિયં.

835. Katamaṃ taṃ rūpaṃ ajjhattikaṃ kāyindriyaṃ? Yo kāyo catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ ajjhattikaṃ kāyindriyaṃ.

૮૩૬. કતમં તં રૂપં અજ્ઝત્તિકં ન કાયિન્દ્રિયં? ચક્ખાયતનં…પે॰… જિવ્હાયતનં – ઇદં તં રૂપં અજ્ઝત્તિકં ન કાયિન્દ્રિયં.

836. Katamaṃ taṃ rūpaṃ ajjhattikaṃ na kāyindriyaṃ? Cakkhāyatanaṃ…pe… jivhāyatanaṃ – idaṃ taṃ rūpaṃ ajjhattikaṃ na kāyindriyaṃ.

૮૩૭. કતમં તં રૂપં અજ્ઝત્તિકં ન ઇત્થિન્દ્રિયં? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ન ઇત્થિન્દ્રિયં.

837. Katamaṃ taṃ rūpaṃ ajjhattikaṃ na itthindriyaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na itthindriyaṃ.

૮૩૮. કતમં તં રૂપં બાહિરં ઇત્થિન્દ્રિયં? યં ઇત્થિયા ઇત્થિલિઙ્ગં ઇત્થિનિમિત્તં ઇત્થિકુત્તં ઇત્થાકપ્પો ઇત્થત્તં ઇત્થિભાવો – ઇદં તં રૂપં બાહિરં ઇત્થિન્દ્રિયં.

838. Katamaṃ taṃ rūpaṃ bāhiraṃ itthindriyaṃ? Yaṃ itthiyā itthiliṅgaṃ itthinimittaṃ itthikuttaṃ itthākappo itthattaṃ itthibhāvo – idaṃ taṃ rūpaṃ bāhiraṃ itthindriyaṃ.

૮૩૯. કતમં તં રૂપં બાહિરં ન ઇત્થિન્દ્રિયં? રૂપાયતનં…પે॰… કબળીકારો આહારો – ઇદં તં રૂપં બાહિરં ન ઇત્થિન્દ્રિયં.

839. Katamaṃ taṃ rūpaṃ bāhiraṃ na itthindriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na itthindriyaṃ.

૮૪૦. કતમં તં રૂપં અજ્ઝત્તિકં ન પુરિસિન્દ્રિયં? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ન પુરિસિન્દ્રિયં.

840. Katamaṃ taṃ rūpaṃ ajjhattikaṃ na purisindriyaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na purisindriyaṃ.

૮૪૧. કતમં તં રૂપં બાહિરં પુરિસિન્દ્રિયં? યં પુરિસસ્સ પુરિસલિઙ્ગં પુરિસનિમિત્તં પુરિસકુત્તં પુરિસાકપ્પો પુરિસત્તં પુરિસભાવો – ઇદં તં રૂપં બાહિરં પુરિસિન્દ્રિયં.

841. Katamaṃ taṃ rūpaṃ bāhiraṃ purisindriyaṃ? Yaṃ purisassa purisaliṅgaṃ purisanimittaṃ purisakuttaṃ purisākappo purisattaṃ purisabhāvo – idaṃ taṃ rūpaṃ bāhiraṃ purisindriyaṃ.

૮૪૨. કતમં તં રૂપં બાહિરં ન પુરિસિન્દ્રિયં? રૂપાયતનં…પે॰… કબળીકારો આહારો – ઇદં તં રૂપં બાહિરં ન પુરિસિન્દ્રિયં.

842. Katamaṃ taṃ rūpaṃ bāhiraṃ na purisindriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na purisindriyaṃ.

૮૪૩. કતમં તં રૂપં અજ્ઝત્તિકં ન જીવિતિન્દ્રિયં? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ન જીવિતિન્દ્રિયં.

843. Katamaṃ taṃ rūpaṃ ajjhattikaṃ na jīvitindriyaṃ? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na jīvitindriyaṃ.

૮૪૪. કતમં તં રૂપં બાહિરં જીવિતિન્દ્રિયં? યો તેસં રૂપીનં ધમ્માનં આયુ ઠિતિ યપના યાપના ઇરિયના વત્તના પાલના જીવિતં જીવિતિન્દ્રિયં – ઇદં તં રૂપં બાહિરં જીવિતિન્દ્રિયં.

844. Katamaṃ taṃ rūpaṃ bāhiraṃ jīvitindriyaṃ? Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ bāhiraṃ jīvitindriyaṃ.

૮૪૫. કતમં તં રૂપં બાહિરં ન જીવિતિન્દ્રિયં? રૂપાયતનં…પે॰… કબળીકારો આહારો – ઇદં તં રૂપં બાહિરં ન જીવિતિન્દ્રિયં.

845. Katamaṃ taṃ rūpaṃ bāhiraṃ na jīvitindriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na jīvitindriyaṃ.

૮૪૬. કતમં તં રૂપં અજ્ઝત્તિકં ન કાયવિઞ્ઞત્તિ? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ન કાયવિઞ્ઞત્તિ.

846. Katamaṃ taṃ rūpaṃ ajjhattikaṃ na kāyaviññatti? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na kāyaviññatti.

૮૪૭. કતમં તં રૂપં બાહિરં કાયવિઞ્ઞત્તિ? યા કુસલચિત્તસ્સ વા અકુસલચિત્તસ્સ વા અબ્યાકતચિત્તસ્સ વા અભિક્કમન્તસ્સ વા પટિક્કમન્તસ્સ વા આલોકેન્તસ્સ વા વિલોકેન્તસ્સ વા સમિઞ્જેન્તસ્સ વા પસારેન્તસ્સ વા કાયસ્સ થમ્ભના સન્થમ્ભના સન્થમ્ભિતત્તં વિઞ્ઞત્તિ વિઞ્ઞાપના વિઞ્ઞાપિતત્તં – ઇદં તં રૂપં બાહિરં કાયવિઞ્ઞત્તિ.

847. Katamaṃ taṃ rūpaṃ bāhiraṃ kāyaviññatti? Yā kusalacittassa vā akusalacittassa vā abyākatacittassa vā abhikkamantassa vā paṭikkamantassa vā ālokentassa vā vilokentassa vā samiñjentassa vā pasārentassa vā kāyassa thambhanā santhambhanā santhambhitattaṃ viññatti viññāpanā viññāpitattaṃ – idaṃ taṃ rūpaṃ bāhiraṃ kāyaviññatti.

૮૪૮. કતમં તં રૂપં બાહિરં ન કાયવિઞ્ઞત્તિ? રૂપાયતનં…પે॰… કબળીકારો આહારો – ઇદં તં રૂપં બાહિરં ન કાયવિઞ્ઞત્તિ.

848. Katamaṃ taṃ rūpaṃ bāhiraṃ na kāyaviññatti? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na kāyaviññatti.

૮૪૯. કતમં તં રૂપં અજ્ઝત્તિકં ન વચીવિઞ્ઞત્તિ? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ન વચીવિઞ્ઞત્તિ.

849. Katamaṃ taṃ rūpaṃ ajjhattikaṃ na vacīviññatti? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na vacīviññatti.

૮૫૦. કતમં તં રૂપં બાહિરં વચીવિઞ્ઞત્તિ? યા કુસલચિત્તસ્સ વા અકુસલચિત્તસ્સ વા અબ્યાકતચિત્તસ્સ વા વાચા ગિરા બ્યપ્પથો ઉદીરણં ધોસો ઘોસકમ્મં વાચા વચીભેદો, અયં વુચ્ચતિ વાચા. યા તાય વાચાય વિઞ્ઞત્તિ વિઞ્ઞાપના વિઞ્ઞાપિતત્તં – ઇદં તં રૂપં બાહિરં વચીવિઞ્ઞત્તિ .

850. Katamaṃ taṃ rūpaṃ bāhiraṃ vacīviññatti? Yā kusalacittassa vā akusalacittassa vā abyākatacittassa vā vācā girā byappatho udīraṇaṃ dhoso ghosakammaṃ vācā vacībhedo, ayaṃ vuccati vācā. Yā tāya vācāya viññatti viññāpanā viññāpitattaṃ – idaṃ taṃ rūpaṃ bāhiraṃ vacīviññatti .

૮૫૧. કતમં તં રૂપં બાહિરં ન વચીવિઞ્ઞત્તિ? રૂપાયતનં…પે॰… કબળીકારો આહારો – ઇદં તં રૂપં બાહિરં ન વચીવિઞ્ઞત્તિ.

851. Katamaṃ taṃ rūpaṃ bāhiraṃ na vacīviññatti? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na vacīviññatti.

૮૫૨. કતમં તં રૂપં અજ્ઝત્તિકં ન આકાસધાતુ? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ન આકાસધાતુ.

852. Katamaṃ taṃ rūpaṃ ajjhattikaṃ na ākāsadhātu? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na ākāsadhātu.

૮૫૩. કતમં તં રૂપં બાહિરં આકાસધાતુ? યો આકાસો આકાસગતં અઘં અઘગતં વિવરો વિવરગતં અસમ્ફુટ્ઠં ચતૂહિ મહાભૂતેહિ – ઇદં તં રૂપં બાહિરં આકાસધાતુ.

853. Katamaṃ taṃ rūpaṃ bāhiraṃ ākāsadhātu? Yo ākāso ākāsagataṃ aghaṃ aghagataṃ vivaro vivaragataṃ asamphuṭṭhaṃ catūhi mahābhūtehi – idaṃ taṃ rūpaṃ bāhiraṃ ākāsadhātu.

૮૫૪. કતમં તં રૂપં બાહિરં ન આકાસધાતુ? રૂપાયતનં…પે॰… કબળીકારો આહારો – ઇદં તં રૂપં બાહિરં ન આકાસધાતુ.

854. Katamaṃ taṃ rūpaṃ bāhiraṃ na ākāsadhātu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na ākāsadhātu.

૮૫૫. કતમં તં રૂપં અજ્ઝત્તિકં ન આપોધાતુ? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ન આપોધાતુ.

855. Katamaṃ taṃ rūpaṃ ajjhattikaṃ na āpodhātu? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na āpodhātu.

૮૫૬. કતમં તં રૂપં બાહિરં આપોધાતુ? યં આપો આપોગતં સિનેહો સિનેહગતં બન્ધનત્તં રૂપસ્સ – ઇદં તં રૂપં બાહિરં આપોધાતુ.

856. Katamaṃ taṃ rūpaṃ bāhiraṃ āpodhātu? Yaṃ āpo āpogataṃ sineho sinehagataṃ bandhanattaṃ rūpassa – idaṃ taṃ rūpaṃ bāhiraṃ āpodhātu.

૮૫૭. કતમં તં રૂપં બાહિરં ન આપોધાતુ? રૂપાયતનં…પે॰… કબળીકારો આહારો – ઇદં તં રૂપં બાહિરં ન આપોધાતુ.

857. Katamaṃ taṃ rūpaṃ bāhiraṃ na āpodhātu? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ na āpodhātu.

૮૫૮. કતમં તં રૂપં અજ્ઝત્તિકં રૂપસ્સ ન લહુતા? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં રૂપસ્સ ન લહુતા.

858. Katamaṃ taṃ rūpaṃ ajjhattikaṃ rūpassa na lahutā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na lahutā.

૮૫૯. કતમં તં રૂપં બાહિરં રૂપસ્સ લહુતા? યા રૂપસ્સ લહુતા લહુપરિણામતા અદન્ધનતા અવિત્થનતા – ઇદં તં રૂપં બાહિરં રૂપસ્સ લહુતા.

859. Katamaṃ taṃ rūpaṃ bāhiraṃ rūpassa lahutā? Yā rūpassa lahutā lahupariṇāmatā adandhanatā avitthanatā – idaṃ taṃ rūpaṃ bāhiraṃ rūpassa lahutā.

૮૬૦. કતમં તં રૂપં બાહિરં રૂપસ્સ ન લહુતા? રૂપાયતનં…પે॰… કબળીકારો આહારો – ઇદં તં રૂપં બાહિરં રૂપસ્સ ન લહુતા.

860. Katamaṃ taṃ rūpaṃ bāhiraṃ rūpassa na lahutā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na lahutā.

૮૬૧. કતમં તં રૂપં અજ્ઝત્તિકં રૂપસ્સ ન મુદુતા? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં રૂપસ્સ ન મુદુતા.

861. Katamaṃ taṃ rūpaṃ ajjhattikaṃ rūpassa na mudutā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na mudutā.

૮૬૨. કતમં તં રૂપં બાહિરં રૂપસ્સ મુદુતા? યા રૂપસ્સ મુદુતા મદ્દવતા અકક્ખળતા અકથિનતા – ઇદં તં રૂપં બાહિરં રૂપસ્સ મુદુતા.

862. Katamaṃ taṃ rūpaṃ bāhiraṃ rūpassa mudutā? Yā rūpassa mudutā maddavatā akakkhaḷatā akathinatā – idaṃ taṃ rūpaṃ bāhiraṃ rūpassa mudutā.

૮૬૩. કતમં તં રૂપં બાહિરં રૂપસ્સ ન મુદુતા? રૂપાયતનં…પે॰… કબળીકારો આહારો – ઇદં તં રૂપં બાહિરં રૂપસ્સ ન મુદુતા.

863. Katamaṃ taṃ rūpaṃ bāhiraṃ rūpassa na mudutā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na mudutā.

૮૬૪. કતમં તં રૂપં અજ્ઝત્તિકં રૂપસ્સ ન કમ્મઞ્ઞતા? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં રૂપસ્સ ન કમ્મઞ્ઞતા.

864. Katamaṃ taṃ rūpaṃ ajjhattikaṃ rūpassa na kammaññatā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na kammaññatā.

૮૬૫. કતમં તં રૂપં બાહિરં રૂપસ્સ કમ્મઞ્ઞતા? યા રૂપસ્સ કમ્મઞ્ઞતા કમ્મઞ્ઞત્તં કમ્મઞ્ઞભાવો – ઇદં તં રૂપં બાહિરં રૂપસ્સ કમ્મઞ્ઞતા.

865. Katamaṃ taṃ rūpaṃ bāhiraṃ rūpassa kammaññatā? Yā rūpassa kammaññatā kammaññattaṃ kammaññabhāvo – idaṃ taṃ rūpaṃ bāhiraṃ rūpassa kammaññatā.

૮૬૬. કતમં તં રૂપં બાહિરં રૂપસ્સ ન કમ્મઞ્ઞતા? રૂપાયતનં…પે॰… કબળીકારો આહારો – ઇદં તં રૂપં બાહિરં રૂપસ્સ ન કમ્મઞ્ઞતા.

866. Katamaṃ taṃ rūpaṃ bāhiraṃ rūpassa na kammaññatā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na kammaññatā.

૮૬૭. કતમં તં રૂપં અજ્ઝત્તિકં રૂપસ્સ ન ઉપચયો? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં રૂપસ્સ ન ઉપચયો.

867. Katamaṃ taṃ rūpaṃ ajjhattikaṃ rūpassa na upacayo? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na upacayo.

૮૬૮. કતમં તં રૂપં બાહિરં રૂપસ્સ ઉપચયો? યો આયતનાનં આચયો, સો રૂપસ્સ ઉપચયો – ઇદં તં રૂપં બાહિરં રૂપસ્સ ઉપચયો.

868. Katamaṃ taṃ rūpaṃ bāhiraṃ rūpassa upacayo? Yo āyatanānaṃ ācayo, so rūpassa upacayo – idaṃ taṃ rūpaṃ bāhiraṃ rūpassa upacayo.

૮૬૯. કતમં તં રૂપં બાહિરં રૂપસ્સ ન ઉપચયો? રૂપાયતનં…પે॰… કબળીકારો આહારો – ઇદં તં રૂપં બાહિરં રૂપસ્સ ન ઉપચયો.

869. Katamaṃ taṃ rūpaṃ bāhiraṃ rūpassa na upacayo? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na upacayo.

૮૭૦. કતમં તં રૂપં અજ્ઝત્તિકં રૂપસ્સ ન સન્તતિ? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં રૂપસ્સ ન સન્તતિ.

870. Katamaṃ taṃ rūpaṃ ajjhattikaṃ rūpassa na santati? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na santati.

૮૭૧. કતમં તં રૂપં બાહિરં રૂપસ્સ સન્તતિ? યો રૂપસ્સ ઉપચયો, સા રૂપસ્સ સન્તતિ – ઇદં તં રૂપં બાહિરં રૂપસ્સ સન્તતિ.

871. Katamaṃ taṃ rūpaṃ bāhiraṃ rūpassa santati? Yo rūpassa upacayo, sā rūpassa santati – idaṃ taṃ rūpaṃ bāhiraṃ rūpassa santati.

૮૭૨. કતમં તં રૂપં બાહિરં રૂપસ્સ ન સન્તતિ? રૂપાયતનં…પે॰… કબળીકારો આહારો – ઇદં તં રૂપં બાહિરં રૂપસ્સ ન સન્તતિ.

872. Katamaṃ taṃ rūpaṃ bāhiraṃ rūpassa na santati? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na santati.

૮૭૩. કતમં તં રૂપં અજ્ઝત્તિકં રૂપસ્સ ન જરતા? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં રૂપસ્સ ન જરતા.

873. Katamaṃ taṃ rūpaṃ ajjhattikaṃ rūpassa na jaratā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na jaratā.

૮૭૪. કતમં તં રૂપં બાહિરં રૂપસ્સ જરતા? યા રૂપસ્સ જરા જીરણતા ખણ્ડિચ્ચં પાલિચ્ચં વલિત્તચતા આયુનો સંહાનિ ઇન્દ્રિયાનં પરિપાકો – ઇદં તં રૂપં બાહિરં રૂપસ્સ જરતા.

874. Katamaṃ taṃ rūpaṃ bāhiraṃ rūpassa jaratā? Yā rūpassa jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko – idaṃ taṃ rūpaṃ bāhiraṃ rūpassa jaratā.

૮૭૫. કતમં તં રૂપં બાહિરં રૂપસ્સ ન જરતા? રૂપાયતનં…પે॰… કબળીકારો આહારો – ઇદં તં રૂપં બાહિરં રૂપસ્સ ન જરતા.

875. Katamaṃ taṃ rūpaṃ bāhiraṃ rūpassa na jaratā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na jaratā.

૮૭૬. કતમં તં રૂપં અજ્ઝત્તિકં રૂપસ્સ ન અનિચ્ચતા? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં રૂપસ્સ ન અનિચ્ચતા.

876. Katamaṃ taṃ rūpaṃ ajjhattikaṃ rūpassa na aniccatā? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ rūpassa na aniccatā.

૮૭૭. કતમં તં રૂપં બાહિરં રૂપસ્સ અનિચ્ચતા? યો રૂપસ્સ ખયો વયો ભેદો પરિભેદો અનિચ્ચતા અન્તરધાનં – ઇદં તં રૂપં બાહિરં રૂપસ્સ અનિચ્ચતા.

877. Katamaṃ taṃ rūpaṃ bāhiraṃ rūpassa aniccatā? Yo rūpassa khayo vayo bhedo paribhedo aniccatā antaradhānaṃ – idaṃ taṃ rūpaṃ bāhiraṃ rūpassa aniccatā.

૮૭૮. કતમં તં રૂપં બાહિરં રૂપસ્સ ન અનિચ્ચતા? રૂપાયતનં…પે॰… કબળીકારો આહારો – ઇદં તં રૂપં બાહિરં રૂપસ્સ ન અનિચ્ચતા.

878. Katamaṃ taṃ rūpaṃ bāhiraṃ rūpassa na aniccatā? Rūpāyatanaṃ…pe… kabaḷīkāro āhāro – idaṃ taṃ rūpaṃ bāhiraṃ rūpassa na aniccatā.

૮૭૯. કતમં તં રૂપં અજ્ઝત્તિકં ન કબળીકારો આહારો? ચક્ખાયતનં…પે॰… કાયાયતનં – ઇદં તં રૂપં અજ્ઝત્તિકં ન કબળીકારો આહારો .

879. Katamaṃ taṃ rūpaṃ ajjhattikaṃ na kabaḷīkāro āhāro? Cakkhāyatanaṃ…pe… kāyāyatanaṃ – idaṃ taṃ rūpaṃ ajjhattikaṃ na kabaḷīkāro āhāro .

૮૮૦. કતમં તં રૂપં બાહિરં કબળીકારો આહારો? ઓદનો કુમ્માસો સત્તુ મચ્છો મંસં ખીરં દધિ સપ્પિ નવનીતં તેલં મધુ ફાણિતં, યં વા પનઞ્ઞમ્પિ અત્થિ રૂપં યમ્હિ યમ્હિ જનપદે તેસં તેસં સત્તાનં મુખાસિયં દન્તવિખાદનં ગલજ્ઝોહરણીયં કુચ્છિવિત્થમ્ભનં યાય ઓજાય સત્તા યાપેન્તિ – ઇદં તં રૂપં બાહિરં કબળીકારો આહારો.

880. Katamaṃ taṃ rūpaṃ bāhiraṃ kabaḷīkāro āhāro? Odano kummāso sattu maccho maṃsaṃ khīraṃ dadhi sappi navanītaṃ telaṃ madhu phāṇitaṃ, yaṃ vā panaññampi atthi rūpaṃ yamhi yamhi janapade tesaṃ tesaṃ sattānaṃ mukhāsiyaṃ dantavikhādanaṃ galajjhoharaṇīyaṃ kucchivitthambhanaṃ yāya ojāya sattā yāpenti – idaṃ taṃ rūpaṃ bāhiraṃ kabaḷīkāro āhāro.

૮૮૧. કતમં તં રૂપં બાહિરં ન કબળીકારો આહારો? રૂપાયતનં…પે॰… રૂપસ્સ અનિચ્ચતા – ઇદં તં રૂપં બાહિરં ન કબળીકારો આહારો.

881. Katamaṃ taṃ rūpaṃ bāhiraṃ na kabaḷīkāro āhāro? Rūpāyatanaṃ…pe… rūpassa aniccatā – idaṃ taṃ rūpaṃ bāhiraṃ na kabaḷīkāro āhāro.

એવં તિવિધેન રૂપસઙ્ગહો.

Evaṃ tividhena rūpasaṅgaho.

તિકનિદ્દેસો.

Tikaniddeso.

ચતુક્કં

Catukkaṃ

૮૮૨. કતમં તં રૂપં ઉપાદા ઉપાદિણ્ણં? ચક્ખાયતનં…પે॰… કાયાયતનં, ઇત્થિન્દ્રિયં પુરિસિન્દ્રિયં જીવિતિન્દ્રિયં, યં વા પનઞ્ઞમ્પિ અત્થિ રૂપં કમ્મસ્સ કતત્તા રૂપાયતનં ગન્ધાયતનં રસાયતનં આકાસધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં ઉપાદા ઉપાદિણ્ણં.

882. Katamaṃ taṃ rūpaṃ upādā upādiṇṇaṃ? Cakkhāyatanaṃ…pe… kāyāyatanaṃ, itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādā upādiṇṇaṃ.

૮૮૩. કતમં તં રૂપં ઉપાદા અનુપાદિણ્ણં? સદ્દાયતનં કાયવિઞ્ઞત્તિ વચીવિઞ્ઞત્તિ રૂપસ્સ લહુતા રૂપસ્સ મુદુતા રૂપસ્સ કમ્મઞ્ઞતા રૂપસ્સ જરતા રૂપસ્સ અનિચ્ચતા, યં વા પનઞ્ઞમ્પિ અત્થિ રૂપં ન કમ્મસ્સ કતત્તા રૂપાયતનં ગન્ધાયતનં રસાયતનં આકાસધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં ઉપાદા અનુપાદિણ્ણં.

883. Katamaṃ taṃ rūpaṃ upādā anupādiṇṇaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādā anupādiṇṇaṃ.

૮૮૪. કતમં તં રૂપં નો ઉપાદા ઉપાદિણ્ણં? કમ્મસ્સ કતત્તા ફોટ્ઠબ્બાયતનં આપોધાતુ – ઇદં તં રૂપં નો ઉપાદા ઉપાદિણ્ણં.

884. Katamaṃ taṃ rūpaṃ no upādā upādiṇṇaṃ? Kammassa katattā phoṭṭhabbāyatanaṃ āpodhātu – idaṃ taṃ rūpaṃ no upādā upādiṇṇaṃ.

૮૮૫. કતમં તં રૂપં નો ઉપાદા અનુપાદિણ્ણં? ન કમ્મસ્સ કતત્તા ફોટ્ઠબ્બાયતનં આપોધાતુ – ઇદં તં રૂપં નો ઉપાદા અનુપાદિણ્ણં.

885. Katamaṃ taṃ rūpaṃ no upādā anupādiṇṇaṃ? Na kammassa katattā phoṭṭhabbāyatanaṃ āpodhātu – idaṃ taṃ rūpaṃ no upādā anupādiṇṇaṃ.

૮૮૬. કતમં તં રૂપં ઉપાદા ઉપાદિણ્ણુપાદાનિયં? ચક્ખાયતનં…પે॰… કાયાયતનં, ઇત્થિન્દ્રિયં પુરિસિન્દ્રિયં જીવિતિન્દ્રિયં, યં વા પનઞ્ઞમ્પિ અત્થિ રૂપં કમ્મસ્સ કતત્તા રૂપાયતનં ગન્ધાયતનં રસાયતનં આકાસધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં ઉપાદા ઉપાદિણ્ણુપાદાનિયં.

886. Katamaṃ taṃ rūpaṃ upādā upādiṇṇupādāniyaṃ? Cakkhāyatanaṃ…pe… kāyāyatanaṃ, itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādā upādiṇṇupādāniyaṃ.

૮૮૭. કતમં તં રૂપં ઉપાદા અનુપાદિણ્ણુપાદાનિયં? સદ્દાયતનં કાયવિઞ્ઞત્તિ વચીવિઞ્ઞત્તિ રૂપસ્સ લહુતા રૂપસ્સ મુદુતા રૂપસ્સ કમ્મઞ્ઞતા રૂપસ્સ જરતા રૂપસ્સ અનિચ્ચતા, યં વા પનઞ્ઞમ્પિ અત્થિ રૂપં ન કમ્મસ્સ કતત્તા રૂપાયતનં ગન્ધાયતનં રસાયતનં આકાસધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં ઉપાદા અનુપાદિણ્ણુપાદાનિયં.

887. Katamaṃ taṃ rūpaṃ upādā anupādiṇṇupādāniyaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādā anupādiṇṇupādāniyaṃ.

૮૮૮. કતમં તં રૂપં નો ઉપાદા ઉપાદિણ્ણુપાદાનિયં? કમ્મસ્સ કતત્તા ફોટ્ઠબ્બાયતનં આપોધાતુ – ઇદં તં રૂપં નો ઉપાદા ઉપાદિણ્ણુપાદાનિયં.

888. Katamaṃ taṃ rūpaṃ no upādā upādiṇṇupādāniyaṃ? Kammassa katattā phoṭṭhabbāyatanaṃ āpodhātu – idaṃ taṃ rūpaṃ no upādā upādiṇṇupādāniyaṃ.

૮૮૯. કતમં તં રૂપં નો ઉપાદા અનુપાદિણ્ણુપાદાનિયં? ન કમ્મસ્સ કતત્તા ફોટ્ઠબ્બાયતનં આપોધાતુ – ઇદં તં રૂપં નો ઉપાદા અનુપાદિણ્ણુપાદાનિયં.

889. Katamaṃ taṃ rūpaṃ no upādā anupādiṇṇupādāniyaṃ? Na kammassa katattā phoṭṭhabbāyatanaṃ āpodhātu – idaṃ taṃ rūpaṃ no upādā anupādiṇṇupādāniyaṃ.

૮૯૦. કતમં તં રૂપં ઉપાદા સપ્પટિઘં? ચક્ખાયતનં…પે॰… રસાયતનં – ઇદં તં રૂપં ઉપાદા સપ્પટિઘં.

890. Katamaṃ taṃ rūpaṃ upādā sappaṭighaṃ? Cakkhāyatanaṃ…pe… rasāyatanaṃ – idaṃ taṃ rūpaṃ upādā sappaṭighaṃ.

૮૯૧. કતમં તં રૂપં ઉપાદા અપ્પટિઘં? ઇત્થિન્દ્રિયં…પે॰… કબળીકારો આહારો – ઇદં તં રૂપં ઉપાદા અપ્પટિઘં.

891. Katamaṃ taṃ rūpaṃ upādā appaṭighaṃ? Itthindriyaṃ…pe… kabaḷīkāro āhāro – idaṃ taṃ rūpaṃ upādā appaṭighaṃ.

૮૯૨. કતમં તં રૂપં નો ઉપાદા સપ્પટિઘં? ફોટ્ઠબ્બાયતનં – ઇદં તં રૂપં નો ઉપાદા સપ્પટિઘં.

892. Katamaṃ taṃ rūpaṃ no upādā sappaṭighaṃ? Phoṭṭhabbāyatanaṃ – idaṃ taṃ rūpaṃ no upādā sappaṭighaṃ.

૮૯૩. કતમં તં રૂપં નો ઉપાદા અપ્પટિઘં? આપોધાતુ – ઇદં તં રૂપં નો ઉપાદા અપ્પટિઘં.

893. Katamaṃ taṃ rūpaṃ no upādā appaṭighaṃ? Āpodhātu – idaṃ taṃ rūpaṃ no upādā appaṭighaṃ.

૮૯૪. કતમં તં રૂપં ઉપાદા ઓળારિકં? ચક્ખાયતનં…પે॰… રસાયતનં – ઇદં તં રૂપં ઉપાદા ઓળારિકં.

894. Katamaṃ taṃ rūpaṃ upādā oḷārikaṃ? Cakkhāyatanaṃ…pe… rasāyatanaṃ – idaṃ taṃ rūpaṃ upādā oḷārikaṃ.

૮૯૫. કતમં તં રૂપં ઉપાદા સુખુમં ઇત્થિન્દ્રિયં…પે॰… કબળીકારો આહારો – ઇદં તં રૂપં ઉપાદા સુખુમં.

895. Katamaṃ taṃ rūpaṃ upādā sukhumaṃ itthindriyaṃ…pe… kabaḷīkāro āhāro – idaṃ taṃ rūpaṃ upādā sukhumaṃ.

૮૯૬. કતમં તં રૂપં નો ઉપાદા ઓળારિકં? ફોટ્ઠબ્બાયતનં – ઇદં તં રૂપં નો ઉપાદા ઓળારિકં.

896. Katamaṃ taṃ rūpaṃ no upādā oḷārikaṃ? Phoṭṭhabbāyatanaṃ – idaṃ taṃ rūpaṃ no upādā oḷārikaṃ.

૮૯૭. કતમં તં રૂપં નો ઉપાદા સુખુમં? આપોધાતુ – ઇદં તં રૂપં નો ઉપાદા સુખુમં.

897. Katamaṃ taṃ rūpaṃ no upādā sukhumaṃ? Āpodhātu – idaṃ taṃ rūpaṃ no upādā sukhumaṃ.

૮૯૮. કતમં તં રૂપં ઉપાદા દૂરે? ઇત્થિન્દ્રિયં…પે॰… કબળીકારો આહારો – ઇદં તં રૂપં ઉપાદા દૂરે.

898. Katamaṃ taṃ rūpaṃ upādā dūre? Itthindriyaṃ…pe… kabaḷīkāro āhāro – idaṃ taṃ rūpaṃ upādā dūre.

૮૯૯. કતમં તં રૂપં ઉપાદા સન્તિકે? ચક્ખાયતનં…પે॰… રસાયતનં – ઇદં તં રૂપં ઉપાદા સન્તિકે.

899. Katamaṃ taṃ rūpaṃ upādā santike? Cakkhāyatanaṃ…pe… rasāyatanaṃ – idaṃ taṃ rūpaṃ upādā santike.

૯૦૦. કતમં તં રૂપં નો ઉપાદા દૂરે? આપોધાતુ – ઇદં તં રૂપં નો ઉપાદા દૂરે.

900. Katamaṃ taṃ rūpaṃ no upādā dūre? Āpodhātu – idaṃ taṃ rūpaṃ no upādā dūre.

૯૦૧. કતમં તં રૂપં નો ઉપાદા સન્તિકે? ફોટ્ઠબ્બાયતનં – ઇદં તં રૂપં નો ઉપાદા સન્તિકે.

901. Katamaṃ taṃ rūpaṃ no upādā santike? Phoṭṭhabbāyatanaṃ – idaṃ taṃ rūpaṃ no upādā santike.

૯૦૨. કતમં તં રૂપં ઉપાદિણ્ણં સનિદસ્સનં? કમ્મસ્સ કતત્તા રૂપાયતનં – ઇદં તં રૂપં ઉપાદિણ્ણં સનિદસ્સનં.

902. Katamaṃ taṃ rūpaṃ upādiṇṇaṃ sanidassanaṃ? Kammassa katattā rūpāyatanaṃ – idaṃ taṃ rūpaṃ upādiṇṇaṃ sanidassanaṃ.

૯૦૩. કતમં તં રૂપં ઉપાદિણ્ણં અનિદસ્સનં? ચક્ખાયતનં…પે॰… કાયાયતનં, ઇત્થિન્દ્રિયં પુરિસિન્દ્રિયં જીવિતિન્દ્રિયં, યં વા પનઞ્ઞમ્પિ અત્થિ રૂપં કમ્મસ્સ કતત્તા ગન્ધાયતનં રસાયતનં ફોટ્ઠબ્બાયતનં આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં ઉપાદિણ્ણં અનિદસ્સનં.

903. Katamaṃ taṃ rūpaṃ upādiṇṇaṃ anidassanaṃ? Cakkhāyatanaṃ…pe… kāyāyatanaṃ, itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ anidassanaṃ.

૯૦૪. કતમં તં રૂપં અનુપાદિણ્ણં સનિદસ્સનં? ન કમ્મસ્સ કતત્તા રૂપાયતનં – ઇદં તં રૂપં અનુપાદિણ્ણં સનિદસ્સનં.

904. Katamaṃ taṃ rūpaṃ anupādiṇṇaṃ sanidassanaṃ? Na kammassa katattā rūpāyatanaṃ – idaṃ taṃ rūpaṃ anupādiṇṇaṃ sanidassanaṃ.

૯૦૫. કતમં તં રૂપં અનુપાદિણ્ણં અનિદસ્સનં? સદ્દાયતનં કાયવિઞ્ઞત્તિ વચીવિઞ્ઞત્તિ રૂપસ્સ લહુતા રૂપસ્સ મુદુતા રૂપસ્સ કમ્મઞ્ઞતા રૂપસ્સ જરતા રૂપસ્સ અનિચ્ચતા , યં વા પનઞ્ઞમ્પિ અત્થિ રૂપં ન કમ્મસ્સ કતત્તા ગન્ધાયતનં રસાયતનં ફોટ્ઠબ્બાયતનં આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં અનુપાદિણ્ણં અનિદસ્સનં.

905. Katamaṃ taṃ rūpaṃ anupādiṇṇaṃ anidassanaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā , yaṃ vā panaññampi atthi rūpaṃ na kammassa katattā gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ anidassanaṃ.

૯૦૬. કતમં તં રૂપં ઉપાદિણ્ણં સપ્પટિઘં? ચક્ખાયતનં…પે॰… કાયાયતનં, યં વા પનઞ્ઞમ્પિ અત્થિ રૂપં કમ્મસ્સ કતત્તા રૂપાયતનં ગન્ધાયતનં રસાયતનં ફોટ્ઠબ્બાયતનં – ઇદં તં રૂપં ઉપાદિણ્ણં સપ્પટિઘં.

906. Katamaṃ taṃ rūpaṃ upādiṇṇaṃ sappaṭighaṃ? Cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇaṃ sappaṭighaṃ.

૯૦૭. કતમં તં રૂપં ઉપાદિણ્ણં અપ્પટિઘં? ઇત્થિન્દ્રિયં પુરિસિન્દ્રિયં જીવિતિન્દ્રિયં, યં વા પનઞ્ઞમ્પિ અત્થિ રૂપં કમ્મસ્સ કતત્તા આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં ઉપાદિણ્ણં અપ્પટિઘં.

907. Katamaṃ taṃ rūpaṃ upādiṇṇaṃ appaṭighaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ appaṭighaṃ.

૯૦૮. કતમં તં રૂપં અનુપાદિણ્ણં સપ્પટિઘં? સદ્દાયતનં, યં વા પનઞ્ઞમ્પિ અત્થિ રૂપં ન કમ્મસ્સ કતત્તા રૂપાયતનં ગન્ધાયતનં રસાયતનં ફોટ્ઠબ્બાયતનં – ઇદં તં રૂપં અનુપાદિણ્ણં સપ્પટિઘં.

908. Katamaṃ taṃ rūpaṃ anupādiṇṇaṃ sappaṭighaṃ? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇaṃ sappaṭighaṃ.

૯૦૯. કતમં તં રૂપં અનુપાદિણ્ણં અપ્પટિઘં? કાયવિઞ્ઞત્તિ વચીવિઞ્ઞત્તિ રૂપસ્સ લહુતા રૂપસ્સ મુદુતા રૂપસ્સ કમ્મઞ્ઞતા રૂપસ્સ જરતા રૂપસ્સ અનિચ્ચતા, યં વા પનઞ્ઞમ્પિ અત્થિ રૂપં ન કમ્મસ્સ કતત્તા આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં અનુપાદિણ્ણં અપ્પટિઘં.

909. Katamaṃ taṃ rūpaṃ anupādiṇṇaṃ appaṭighaṃ? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ appaṭighaṃ.

૯૧૦. કતમં તં રૂપં ઉપાદિણ્ણં મહાભૂતં? કમ્મસ્સ કતત્તા ફોટ્ઠબ્બાયતનં આપોધાતુ – ઇદં તં રૂપં ઉપાદિણ્ણં મહાભૂતં.

910. Katamaṃ taṃ rūpaṃ upādiṇṇaṃ mahābhūtaṃ? Kammassa katattā phoṭṭhabbāyatanaṃ āpodhātu – idaṃ taṃ rūpaṃ upādiṇṇaṃ mahābhūtaṃ.

૯૧૧. કતમં તં રૂપં ઉપાદિણ્ણં ન મહાભૂતં? ચક્ખાયતનં…પે॰… કાયાયતનં ઇત્થિન્દ્રિયં પુરિસિન્દ્રિયં જીવિતિન્દ્રિયં, યં વા પનઞ્ઞમ્પિ અત્થિ રૂપં કમ્મસ્સ કતત્તા રૂપાયતનં ગન્ધાયતનં રસાયતનં આકાસધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં ઉપાદિણ્ણં ન મહાભૂતં.

911. Katamaṃ taṃ rūpaṃ upādiṇṇaṃ na mahābhūtaṃ? Cakkhāyatanaṃ…pe… kāyāyatanaṃ itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ na mahābhūtaṃ.

૯૧૨. કતમં તં રૂપં અનુપાદિણ્ણં મહાભૂતં? ન કમ્મસ્સ કતત્તા ફોટ્ઠબ્બાયતનં આપોધાતુ – ઇદં તં રૂપં અનુપાદિણ્ણં મહાભૂતં.

912. Katamaṃ taṃ rūpaṃ anupādiṇṇaṃ mahābhūtaṃ? Na kammassa katattā phoṭṭhabbāyatanaṃ āpodhātu – idaṃ taṃ rūpaṃ anupādiṇṇaṃ mahābhūtaṃ.

૯૧૩. કતમં તં રૂપં અનુપાદિણ્ણં ન મહાભૂતં? સદ્દાયતનં કાયવિઞ્ઞત્તિ વચીવિઞ્ઞત્તિ રૂપસ્સ લહુતા રૂપસ્સ મુદુતા રૂપસ્સ કમ્મઞ્ઞતા રૂપસ્સ જરતા રૂપસ્સ અનિચ્ચતા, યં વા પનઞ્ઞમ્પિ અત્થિ રૂપં ન કમ્મસ્સ કતત્તા રૂપાયતનં ગન્ધાયતનં રસાયતનં આકાસધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં અનુપાદિણ્ણં ન મહાભૂતં.

913. Katamaṃ taṃ rūpaṃ anupādiṇṇaṃ na mahābhūtaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ na mahābhūtaṃ.

૯૧૪. કતમં તં રૂપં ઉપાદિણ્ણં ઓળારિકં? ચક્ખાયતનં…પે॰… કાયાયતનં, યં વા પનઞ્ઞમ્પિ અત્થિ રૂપં કમ્મસ્સ કતત્તા રૂપાયતનં ગન્ધાયતનં રસાયતનં ફોટ્ઠબ્બાયતનં – ઇદં તં રૂપં ઉપાદિણ્ણં ઓળારિકં.

914. Katamaṃ taṃ rūpaṃ upādiṇṇaṃ oḷārikaṃ? Cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇaṃ oḷārikaṃ.

૯૧૫. કતમં તં રૂપં ઉપાદિણ્ણં સુખુમં? ઇત્થિન્દ્રિયં પુરિસિન્દ્રિયં જીવિતિન્દ્રિયં, યં વા પનઞ્ઞમ્પિ અત્થિ રૂપં કમ્મસ્સ કતત્તા આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં ઉપાદિણ્ણં સુખુમં.

915. Katamaṃ taṃ rūpaṃ upādiṇṇaṃ sukhumaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ sukhumaṃ.

૯૧૬. કતમં તં રૂપં અનુપાદિણ્ણં ઓળારિકં? સદ્દાયતનં, યં વા પનઞ્ઞમ્પિ અત્થિ રૂપં ન કમ્મસ્સ કતત્તા રૂપાયતનં ગન્ધાયતનં રસાયતનં ફોટ્ઠબ્બાયતનં – ઇદં તં રૂપં અનુપાદિણ્ણં ઓળારિકં.

916. Katamaṃ taṃ rūpaṃ anupādiṇṇaṃ oḷārikaṃ? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇaṃ oḷārikaṃ.

૯૧૭. કતમં તં રૂપં અનુપાદિણ્ણં સુખુમં? કાયવિઞ્ઞત્તિ વચીવિઞ્ઞત્તિ રૂપસ્સ લહુતા રૂપસ્સ મુદુતા રૂપસ્સ કમ્મઞ્ઞતા રૂપસ્સ જરતા રૂપસ્સ અનિચ્ચતા, યં વા પનઞ્ઞમ્પિ અત્થિ રૂપં ન કમ્મસ્સ કતત્તા આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં અનુપાદિણ્ણં સુખુમં.

917. Katamaṃ taṃ rūpaṃ anupādiṇṇaṃ sukhumaṃ? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ sukhumaṃ.

૯૧૮. કતમં તં રૂપં ઉપાદિણ્ણં દૂરે? ઇત્થિન્દ્રિયં પુરિસિન્દ્રિયં જીવિતિન્દ્રિયં, યં વા પનઞ્ઞમ્પિ અત્થિ રૂપં કમ્મસ્સ કતત્તા આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં ઉપાદિણ્ણં દૂરે.

918. Katamaṃ taṃ rūpaṃ upādiṇṇaṃ dūre? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇaṃ dūre.

૯૧૯. કતમં તં રૂપં ઉપાદિણ્ણં સન્તિકે? ચક્ખાયતનં…પે॰… કાયાયતનં, યં વા પનઞ્ઞમ્પિ અત્થિ રૂપં કમ્મસ્સ કતત્તા રૂપાયતનં ગન્ધાયતનં રસાયતનં ફોટ્ઠબ્બાયતનં – ઇદં તં રૂપં ઉપાદિણ્ણં સન્તિકે.

919. Katamaṃ taṃ rūpaṃ upādiṇṇaṃ santike? Cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇaṃ santike.

૯૨૦. કતમં તં રૂપં અનુપાદિણ્ણં દૂરે? કાયવિઞ્ઞત્તિ વચીવિઞ્ઞત્તિ રૂપસ્સ લહુતા રૂપસ્સ મુદુતા રૂપસ્સ કમ્મઞ્ઞતા રૂપસ્સ જરતા રૂપસ્સ અનિચ્ચતા, યં વા પનઞ્ઞમ્પિ અત્થિ રૂપં ન કમ્મસ્સ કતત્તા આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં અનુપાદિણ્ણં દૂરે.

920. Katamaṃ taṃ rūpaṃ anupādiṇṇaṃ dūre? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇaṃ dūre.

૯૨૧. કતમં તં રૂપં અનુપાદિણ્ણં સન્તિકે? સદ્દાયતનં, યં વા પનઞ્ઞમ્પિ અત્થિ રૂપં ન કમ્મસ્સ કતત્તા રૂપાયતનં ગન્ધાયતનં રસાયતનં ફોટ્ઠબ્બાયતનં – ઇદં તં રૂપં અનુપાદિણ્ણં સન્તિકે.

921. Katamaṃ taṃ rūpaṃ anupādiṇṇaṃ santike? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇaṃ santike.

૯૨૨. કતમં તં રૂપં ઉપાદિણ્ણુપાદાનિયં સનિદસ્સનં? કમ્મસ્સ કતત્તા રૂપાયતનં – ઇદં તં રૂપં ઉપાદિણ્ણુપાદાનિયં સનિદસ્સનં.

922. Katamaṃ taṃ rūpaṃ upādiṇṇupādāniyaṃ sanidassanaṃ? Kammassa katattā rūpāyatanaṃ – idaṃ taṃ rūpaṃ upādiṇṇupādāniyaṃ sanidassanaṃ.

૯૨૩. કતમં તં રૂપં ઉપાદિણ્ણુપાદાનિયં અનિદસ્સનં? ચક્ખાયતનં…પે॰… કાયાયતનં, ઇત્થિન્દ્રિયં પુરિસિન્દ્રિયં જીવિતિન્દ્રિયં, યં વા પનઞ્ઞમ્પિ અત્થિ રૂપં કમ્મસ્સ કતત્તા ગન્ધાયતનં રસાયતનં ફોટ્ઠબ્બાયતનં આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં ઉપાદિણ્ણુપાદાનિયં અનિદસ્સનં.

923. Katamaṃ taṃ rūpaṃ upādiṇṇupādāniyaṃ anidassanaṃ? Cakkhāyatanaṃ…pe… kāyāyatanaṃ, itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ anidassanaṃ.

૯૨૪. કતમં તં રૂપં અનુપાદિણ્ણુપાદાનિયં સનિદસ્સનં? ન કમ્મસ્સ કતત્તા રૂપાયતનં – ઇદં તં રૂપં અનુપાદિણ્ણુપાદાનિયં સનિદસ્સનં.

924. Katamaṃ taṃ rūpaṃ anupādiṇṇupādāniyaṃ sanidassanaṃ? Na kammassa katattā rūpāyatanaṃ – idaṃ taṃ rūpaṃ anupādiṇṇupādāniyaṃ sanidassanaṃ.

૯૨૫. કતમં તં રૂપં અનુપાદિણ્ણુપાદાનિયં અનિદસ્સનં? સદ્દાયતનં કાયવિઞ્ઞત્તિ વચીવિઞ્ઞત્તિ રૂપસ્સ લહુતા રૂપસ્સ મુદુતા રૂપસ્સ કમ્મઞ્ઞતા રૂપસ્સ જરતા રૂપસ્સ અનિચ્ચતા, યં વા પનઞ્ઞમ્પિ અત્થિ રૂપં ન કમ્મસ્સ કતત્તા ગન્ધાયતનં રસાયતનં ફોટ્ઠબ્બાયતનં આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં અનુપાદિણ્ણુપાદાનિયં અનિદસ્સનં.

925. Katamaṃ taṃ rūpaṃ anupādiṇṇupādāniyaṃ anidassanaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā gandhāyatanaṃ rasāyatanaṃ phoṭṭhabbāyatanaṃ ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ anidassanaṃ.

૯૨૬. કતમં તં રૂપં ઉપાદિણ્ણુપાદાનિયં સપ્પટિઘં? ચક્ખાયતનં…પે॰… કાયાયતનં, યં વા પનઞ્ઞમ્પિ અત્થિ રૂપં કમ્મસ્સ કતત્તા રૂપાયતનં ગન્ધાયતનં રસાયતનં ફોટ્ઠબ્બાયતનં – ઇદં તં રૂપં ઉપાદિણ્ણુપાદાનિયં સપ્પટિઘં.

926. Katamaṃ taṃ rūpaṃ upādiṇṇupādāniyaṃ sappaṭighaṃ? Cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇupādāniyaṃ sappaṭighaṃ.

૯૨૭. કતમં તં રૂપં ઉપાદિણ્ણુપાદાનિયં અપ્પટિઘં? ઇત્થિન્દ્રિયં પુરિસિન્દ્રિયં જીવિતિન્દ્રિયં, યં વા પનઞ્ઞમ્પિ અત્થિ રૂપં કમ્મસ્સ કતત્તા આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં ઉપાદિણ્ણુપાદાનિયં અપ્પટિઘં.

927. Katamaṃ taṃ rūpaṃ upādiṇṇupādāniyaṃ appaṭighaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ appaṭighaṃ.

૯૨૮. કતમં તં રૂપં અનુપાદિણ્ણુપાદાનિયં સપ્પટિઘં? સદ્દાયતનં, યં વા પનઞ્ઞમ્પિ અત્થિ રૂપં ન કમ્મસ્સ કતત્તા રૂપાયતનં ગન્ધાયતનં રસાયતનં ફોટ્ઠબ્બાયતનં – ઇદં તં રૂપં અનુપાદિણ્ણુપાદાનિયં સપ્પટિઘં.

928. Katamaṃ taṃ rūpaṃ anupādiṇṇupādāniyaṃ sappaṭighaṃ? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇupādāniyaṃ sappaṭighaṃ.

૯૨૯. કતમં તં રૂપં અનુપાદિણ્ણુપાદાનિયં અપ્પટિઘં? કાયવિઞ્ઞત્તિ વચીવિઞ્ઞત્તિ રૂપસ્સ લહુતા રૂપસ્સ મુદુતા રૂપસ્સ કમ્મઞ્ઞતા રૂપસ્સ જરતા રૂપસ્સ અનિચ્ચતા, યં વા પનઞ્ઞમ્પિ અત્થિ રૂપં ન કમ્મસ્સ કતત્તા આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં અનુપાદિણ્ણુપાદાનિયં અપ્પટિઘં.

929. Katamaṃ taṃ rūpaṃ anupādiṇṇupādāniyaṃ appaṭighaṃ? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ appaṭighaṃ.

૯૩૦. કતમં તં રૂપં ઉપાદિણ્ણુપાદાનિયં મહાભૂતં? કમ્મસ્સ કતત્તા ફોટ્ઠબ્બાયતનં આપોધાતુ – ઇદં તં રૂપં ઉપાદિણ્ણુપાદાનિયં મહાભૂતં .

930. Katamaṃ taṃ rūpaṃ upādiṇṇupādāniyaṃ mahābhūtaṃ? Kammassa katattā phoṭṭhabbāyatanaṃ āpodhātu – idaṃ taṃ rūpaṃ upādiṇṇupādāniyaṃ mahābhūtaṃ .

૯૩૧. કતમં તં રૂપં ઉપાદિણ્ણુપાદાનિયં ન મહાભૂતં? ચક્ખાયતનં…પે॰… કાયાયતનં ઇત્થિન્દ્રિયં પુરિસિન્દ્રિયં જીવિતિન્દ્રિયં, યં વા પનઞ્ઞમ્પિ અત્થિ રૂપં કમ્મસ્સ કતત્તા રૂપાયતનં ગન્ધાયતનં રસાયતનં આકાસધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં ઉપાદિણ્ણુપાદાનિયં ન મહાભૂતં.

931. Katamaṃ taṃ rūpaṃ upādiṇṇupādāniyaṃ na mahābhūtaṃ? Cakkhāyatanaṃ…pe… kāyāyatanaṃ itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ na mahābhūtaṃ.

૯૩૨. કતમં તં રૂપં અનુપાદિણ્ણુપાદાનિયં મહાભૂતં? ન કમ્મસ્સ કતત્તા ફોટ્ઠબ્બાયતનં આપોધાતુ – ઇદં તં રૂપં અનુપાદિણ્ણુપાદાનિયં મહાભૂતં.

932. Katamaṃ taṃ rūpaṃ anupādiṇṇupādāniyaṃ mahābhūtaṃ? Na kammassa katattā phoṭṭhabbāyatanaṃ āpodhātu – idaṃ taṃ rūpaṃ anupādiṇṇupādāniyaṃ mahābhūtaṃ.

૯૩૩. કતમં તં રૂપં અનુપાદિણ્ણુપાદાનિયં ન મહાભૂતં? સદ્દાયતનં કાયવિઞ્ઞત્તિ વચીવિઞ્ઞત્તિ રૂપસ્સ લહુતા રૂપસ્સ મુદુતા રૂપસ્સ કમ્મઞ્ઞતા રૂપસ્સ જરતા રૂપસ્સ અનિચ્ચતા, યં વા પનઞ્ઞમ્પિ અત્થિ રૂપં ન કમ્મસ્સ કતત્તા રૂપાયતનં ગન્ધાયતનં રસાયતનં આકાસધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં અનુપાદિણ્ણુપાદાનિયં ન મહાભૂતં.

933. Katamaṃ taṃ rūpaṃ anupādiṇṇupādāniyaṃ na mahābhūtaṃ? Saddāyatanaṃ kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ ākāsadhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ na mahābhūtaṃ.

૯૩૪. કતમં તં રૂપં ઉપાદિણ્ણુપાદાનિયં ઓળારિકં? ચક્ખાયતનં…પે॰… કાયાયતનં, યં વા પનઞ્ઞમ્પિ અત્થિ રૂપં કમ્મસ્સ કતત્તા રૂપાયતનં ગન્ધાયતનં રસાયતનં ફોટ્ઠબ્બાયતનં – ઇદં તં રૂપં ઉપાદિણ્ણુપાદાનિયં ઓળારિકં.

934. Katamaṃ taṃ rūpaṃ upādiṇṇupādāniyaṃ oḷārikaṃ? Cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇupādāniyaṃ oḷārikaṃ.

૯૩૫. કતમં તં રૂપં ઉપાદિણ્ણુપાદાનિયં સુખુમં? ઇત્થિન્દ્રિયં પુરિસિન્દ્રિયં જીવિતિન્દ્રિયં, યં વા પનઞ્ઞમ્પિ અત્થિ રૂપં કમ્મસ્સ કતત્તા આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં ઉપાદિણ્ણુપાદાનિયં સુખુમં.

935. Katamaṃ taṃ rūpaṃ upādiṇṇupādāniyaṃ sukhumaṃ? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ sukhumaṃ.

૯૩૬. કતમં તં રૂપં અનુપાદિણ્ણુપાદાનિયં ઓળારિકં? સદ્દાયતનં, યં વા પનઞ્ઞમ્પિ અત્થિ રૂપં ન કમ્મસ્સ કતત્તા રૂપાયતનં ગન્ધાયતનં રસાયતનં ફોટ્ઠબ્બાયતનં – ઇદં તં રૂપં અનુપાદિણ્ણુપાદાનિયં ઓળારિકં.

936. Katamaṃ taṃ rūpaṃ anupādiṇṇupādāniyaṃ oḷārikaṃ? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇupādāniyaṃ oḷārikaṃ.

૯૩૭. કતમં તં રૂપં અનુપાદિણ્ણુપાદાનિયં સુખુમં? કાયવિઞ્ઞત્તિ વચીવિઞ્ઞત્તિ રૂપસ્સ લહુતા રૂપસ્સ મુદુતા રૂપસ્સ કમ્મઞ્ઞતા રૂપસ્સ જરતા રૂપસ્સ અનિચ્ચતા, યં વા પનઞ્ઞમ્પિ અત્થિ રૂપં ન કમ્મસ્સ કતત્તા આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં અનુપાદિણ્ણુપાદાનિયં સુખુમં.

937. Katamaṃ taṃ rūpaṃ anupādiṇṇupādāniyaṃ sukhumaṃ? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ sukhumaṃ.

૯૩૮. કતમં તં રૂપં ઉપાદિણ્ણુપાદાનિયં દૂરે? ઇત્થિન્દ્રિયં પુરિસિન્દ્રિયં જીવિતિન્દ્રિયં, યં વા પનઞ્ઞમ્પિ અત્થિ રૂપં કમ્મસ્સ કતત્તા આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં ઉપાદિણ્ણુપાદાનિયં દૂરે.

938. Katamaṃ taṃ rūpaṃ upādiṇṇupādāniyaṃ dūre? Itthindriyaṃ purisindriyaṃ jīvitindriyaṃ, yaṃ vā panaññampi atthi rūpaṃ kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ upādiṇṇupādāniyaṃ dūre.

૯૩૯. કતમં તં રૂપં ઉપાદિણ્ણુપાદાનિયં સન્તિકે ચક્ખાયતનં…પે॰… કાયાયતનં, યં વા પનઞ્ઞમ્પિ અત્થિ રૂપં કમ્મસ્સ કતત્તા રૂપાયતનં ગન્ધાયતનં રસાયતનં ફોટ્ઠબ્બાયતનં – ઇદં તં રૂપં ઉપાદિણ્ણુપાદાનિયં સન્તિકે.

939. Katamaṃ taṃ rūpaṃ upādiṇṇupādāniyaṃ santike cakkhāyatanaṃ…pe… kāyāyatanaṃ, yaṃ vā panaññampi atthi rūpaṃ kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ upādiṇṇupādāniyaṃ santike.

૯૪૦. કતમં તં રૂપં અનુપાદિણ્ણુપાદાનિયં દૂરે? કાયવિઞ્ઞત્તિ વચીવિઞ્ઞત્તિ રૂપસ્સ લહુતા રૂપસ્સ મુદુતા રૂપસ્સ કમ્મઞ્ઞતા રૂપસ્સ જરતા રૂપસ્સ અનિચ્ચતા, યં વા પનઞ્ઞમ્પિ અત્થિ રૂપં ન કમ્મસ્સ કતત્તા આકાસધાતુ આપોધાતુ રૂપસ્સ ઉપચયો રૂપસ્સ સન્તતિ કબળીકારો આહારો – ઇદં તં રૂપં અનુપાદિણ્ણુપાદાનિયં દૂરે.

940. Katamaṃ taṃ rūpaṃ anupādiṇṇupādāniyaṃ dūre? Kāyaviññatti vacīviññatti rūpassa lahutā rūpassa mudutā rūpassa kammaññatā rūpassa jaratā rūpassa aniccatā, yaṃ vā panaññampi atthi rūpaṃ na kammassa katattā ākāsadhātu āpodhātu rūpassa upacayo rūpassa santati kabaḷīkāro āhāro – idaṃ taṃ rūpaṃ anupādiṇṇupādāniyaṃ dūre.

૯૪૧. કતમં તં રૂપં અનુપાદિણ્ણુપાદાનિયં સન્તિકે? સદ્દાયતનં, યં વા પનઞ્ઞમ્પિ અત્થિ રૂપં ન કમ્મસ્સ કતત્તા રૂપાયતનં ગન્ધાયતનં રસાયતનં ફોટ્ઠબ્બાયતનં – ઇદં તં રૂપં અનુપાદિણ્ણુપાદાનિયં સન્તિકે.

941. Katamaṃ taṃ rūpaṃ anupādiṇṇupādāniyaṃ santike? Saddāyatanaṃ, yaṃ vā panaññampi atthi rūpaṃ na kammassa katattā rūpāyatanaṃ gandhāyatanaṃ rasāyatanaṃ phoṭṭhabbāyatanaṃ – idaṃ taṃ rūpaṃ anupādiṇṇupādāniyaṃ santike.

૯૪૨. કતમં તં રૂપં સપ્પટિઘં ઇન્દ્રિયં? ચક્ખુન્દ્રિયં…પે॰… કાયિન્દ્રિયં – ઇદં તં રૂપં સપ્પટિઘં ઇન્દ્રિયં.

942. Katamaṃ taṃ rūpaṃ sappaṭighaṃ indriyaṃ? Cakkhundriyaṃ…pe… kāyindriyaṃ – idaṃ taṃ rūpaṃ sappaṭighaṃ indriyaṃ.

૯૪૩. કતમં તં રૂપં સપ્પટિઘં ન ઇન્દ્રિયં? રૂપાયતનં…પે॰… ફોટ્ઠબ્બાયતનં – ઇદં તં રૂપં સપ્પટિઘં ન ઇન્દ્રિયં.

943. Katamaṃ taṃ rūpaṃ sappaṭighaṃ na indriyaṃ? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ sappaṭighaṃ na indriyaṃ.

૯૪૪. કતમં તં રૂપં અપ્પટિઘં ઇન્દ્રિયં? ઇત્થિન્દ્રિયં પુરિસિન્દ્રિયં જીવિતિન્દ્રિયં – ઇદં તં રૂપં અપ્પટિઘં ઇન્દ્રિયં.

944. Katamaṃ taṃ rūpaṃ appaṭighaṃ indriyaṃ? Itthindriyaṃ purisindriyaṃ jīvitindriyaṃ – idaṃ taṃ rūpaṃ appaṭighaṃ indriyaṃ.

૯૪૫. કતમં તં રૂપં અપ્પટિઘં ન ઇન્દ્રિયં? કાયવિઞ્ઞત્તિ વચીવિઞ્ઞત્તિ…પે॰… કબળીકારો આહારો – ઇદં તં રૂપં અપ્પટિઘં ન ઇન્દ્રિયં.

945. Katamaṃ taṃ rūpaṃ appaṭighaṃ na indriyaṃ? Kāyaviññatti vacīviññatti…pe… kabaḷīkāro āhāro – idaṃ taṃ rūpaṃ appaṭighaṃ na indriyaṃ.

૯૪૬. કતમં તં રૂપં સપ્પટિઘં મહાભૂતં? ફોટ્ઠબ્બાયતનં – ઇદં તં રૂપં સપ્પટિઘં મહાભૂતં.

946. Katamaṃ taṃ rūpaṃ sappaṭighaṃ mahābhūtaṃ? Phoṭṭhabbāyatanaṃ – idaṃ taṃ rūpaṃ sappaṭighaṃ mahābhūtaṃ.

૯૪૭. કતમં તં રૂપં સપ્પટિઘં ન મહાભૂતં? ચક્ખાયતનં…પે॰… રસાયતનં – ઇદં તં રૂપં સપ્પટિઘં ન મહાભૂતં.

947. Katamaṃ taṃ rūpaṃ sappaṭighaṃ na mahābhūtaṃ? Cakkhāyatanaṃ…pe… rasāyatanaṃ – idaṃ taṃ rūpaṃ sappaṭighaṃ na mahābhūtaṃ.

૯૪૮. કતમં તં રૂપં અપ્પટિઘં મહાભૂતં? આપોધાતુ – ઇદં તં રૂપં અપ્પટિઘં મહાભૂતં.

948. Katamaṃ taṃ rūpaṃ appaṭighaṃ mahābhūtaṃ? Āpodhātu – idaṃ taṃ rūpaṃ appaṭighaṃ mahābhūtaṃ.

૯૪૯. કતમં તં રૂપં અપ્પટિઘં ન મહાભૂતં? ઇત્થિન્દ્રિયં…પે॰… કબળીકારો આહારો – ઇદં તં રૂપં અપ્પટિઘં ન મહાભૂતં.

949. Katamaṃ taṃ rūpaṃ appaṭighaṃ na mahābhūtaṃ? Itthindriyaṃ…pe… kabaḷīkāro āhāro – idaṃ taṃ rūpaṃ appaṭighaṃ na mahābhūtaṃ.

૯૫૦. કતમં તં રૂપં ઇન્દ્રિયં ઓળારિકં? ચક્ખુન્દ્રિયં…પે॰… કાયિન્દ્રિયં – ઇદં તં રૂપં ઇન્દ્રિયં ઓળારિકં.

950. Katamaṃ taṃ rūpaṃ indriyaṃ oḷārikaṃ? Cakkhundriyaṃ…pe… kāyindriyaṃ – idaṃ taṃ rūpaṃ indriyaṃ oḷārikaṃ.

૯૫૧. કતમં તં રૂપં ઇન્દ્રિયં સુખુમં? ઇત્થિન્દ્રિયં પુરિસિન્દ્રિયં જીવિતિન્દ્રિયં – ઇદં તં રૂપં ઇન્દ્રિયં સુખુમં.

951. Katamaṃ taṃ rūpaṃ indriyaṃ sukhumaṃ? Itthindriyaṃ purisindriyaṃ jīvitindriyaṃ – idaṃ taṃ rūpaṃ indriyaṃ sukhumaṃ.

૯૫૨. કતમં તં રૂપં ન ઇન્દ્રિયં ઓળારિકં? રૂપાયતનં…પે॰… ફોટ્ઠબ્બાયતનં – ઇદં તં રૂપં ન ઇન્દ્રિયં ઓળારિકં.

952. Katamaṃ taṃ rūpaṃ na indriyaṃ oḷārikaṃ? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ na indriyaṃ oḷārikaṃ.

૯૫૩. કતમં તં રૂપં ન ઇન્દ્રિયં સુખુમં? કાયવિઞ્ઞત્તિ વચીવિઞ્ઞત્તિ…પે॰… કબળીકારો આહારો – ઇદં તં રૂપં ન ઇન્દ્રિયં સુખુમં.

953. Katamaṃ taṃ rūpaṃ na indriyaṃ sukhumaṃ? Kāyaviññatti vacīviññatti…pe… kabaḷīkāro āhāro – idaṃ taṃ rūpaṃ na indriyaṃ sukhumaṃ.

૯૫૪. કતમં તં રૂપં ઇન્દ્રિયં દૂરે? ઇત્થિન્દ્રિયં પુરિસિન્દ્રિયં જીવિતિન્દ્રિયં – ઇદં તં રૂપં ઇન્દ્રિયં દૂરે.

954. Katamaṃ taṃ rūpaṃ indriyaṃ dūre? Itthindriyaṃ purisindriyaṃ jīvitindriyaṃ – idaṃ taṃ rūpaṃ indriyaṃ dūre.

૯૫૫. કતમં તં રૂપં ઇન્દ્રિયં સન્તિકે? ચક્ખુન્દ્રિયં…પે॰… કાયિન્દ્રિયં – ઇદં તં રૂપં ઇન્દ્રિયં સન્તિકે.

955. Katamaṃ taṃ rūpaṃ indriyaṃ santike? Cakkhundriyaṃ…pe… kāyindriyaṃ – idaṃ taṃ rūpaṃ indriyaṃ santike.

૯૫૬. કતમં તં રૂપં ન ઇન્દ્રિયં દૂરે? કાયવિઞ્ઞત્તિ વચીવિઞ્ઞત્તિ…પે॰… કબળીકારો આહારો – ઇદં તં રૂપં ન ઇન્દ્રિયં દૂરે.

956. Katamaṃ taṃ rūpaṃ na indriyaṃ dūre? Kāyaviññatti vacīviññatti…pe… kabaḷīkāro āhāro – idaṃ taṃ rūpaṃ na indriyaṃ dūre.

૯૫૭. કતમં તં રૂપં ન ઇન્દ્રિયં સન્તિકે? રૂપાયતનં…પે॰… ફોટ્ઠબ્બાયતનં – ઇદં તં રૂપં ન ઇન્દ્રિયં સન્તિકે.

957. Katamaṃ taṃ rūpaṃ na indriyaṃ santike? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ na indriyaṃ santike.

૯૫૮. કતમં તં રૂપં મહાભૂતં ઓળારિકં? ફોટ્ઠબ્બાયતનં – ઇદં તં રૂપં મહાભૂતં ઓળારિકં.

958. Katamaṃ taṃ rūpaṃ mahābhūtaṃ oḷārikaṃ? Phoṭṭhabbāyatanaṃ – idaṃ taṃ rūpaṃ mahābhūtaṃ oḷārikaṃ.

૯૫૯. કતમં તં રૂપં મહાભૂતં સુખુમં? આપોધાતુ – ઇદં તં રૂપં મહાભૂતં સુખુમં.

959. Katamaṃ taṃ rūpaṃ mahābhūtaṃ sukhumaṃ? Āpodhātu – idaṃ taṃ rūpaṃ mahābhūtaṃ sukhumaṃ.

૯૬૦. કતમં તં રૂપં ન મહાભૂતં ઓળારિકં? ચક્ખાયતનં…પે॰… રસાયતનં – ઇદં તં રૂપં ન મહાભૂતં ઓળારિકં.

960. Katamaṃ taṃ rūpaṃ na mahābhūtaṃ oḷārikaṃ? Cakkhāyatanaṃ…pe… rasāyatanaṃ – idaṃ taṃ rūpaṃ na mahābhūtaṃ oḷārikaṃ.

૯૬૧. કતમં તં રૂપં ન મહાભૂતં સુખુમં? ઇત્થિન્દ્રિયં…પે॰… કબળીકારો આહારો – ઇદં તં રૂપં ન મહાભૂતં સુખુમં.

961. Katamaṃ taṃ rūpaṃ na mahābhūtaṃ sukhumaṃ? Itthindriyaṃ…pe… kabaḷīkāro āhāro – idaṃ taṃ rūpaṃ na mahābhūtaṃ sukhumaṃ.

૯૬૨. કતમં તં રૂપં મહાભૂતં દૂરે? આપોધાતુ – ઇદં તં રૂપં મહાભૂતં દૂરે.

962. Katamaṃ taṃ rūpaṃ mahābhūtaṃ dūre? Āpodhātu – idaṃ taṃ rūpaṃ mahābhūtaṃ dūre.

૯૬૩. કતમં તં રૂપં મહાભૂતં સન્તિકે? ફોટ્ઠબ્બાયતનં – ઇદં તં રૂપં મહાભૂતં સન્તિકે.

963. Katamaṃ taṃ rūpaṃ mahābhūtaṃ santike? Phoṭṭhabbāyatanaṃ – idaṃ taṃ rūpaṃ mahābhūtaṃ santike.

૯૬૪. કતમં તં રૂપં ન મહાભૂતં દૂરે? ઇત્થિન્દ્રિયં…પે॰… કબળીકારો આહારો – ઇદં તં રૂપં ન મહાભૂતં દૂરે.

964. Katamaṃ taṃ rūpaṃ na mahābhūtaṃ dūre? Itthindriyaṃ…pe… kabaḷīkāro āhāro – idaṃ taṃ rūpaṃ na mahābhūtaṃ dūre.

૯૬૫. કતમં તં રૂપં ન મહાભૂતં સન્તિકે? ચક્ખાયતનં…પે॰… રસાયતનં – ઇદં તં રૂપં ન મહાભૂતં સન્તિકે.

965. Katamaṃ taṃ rūpaṃ na mahābhūtaṃ santike? Cakkhāyatanaṃ…pe… rasāyatanaṃ – idaṃ taṃ rūpaṃ na mahābhūtaṃ santike.

૯૬૬. રૂપાયતનં દિટ્ઠં, સદ્દાયતનં સુતં, ગન્ધાયતનં રસાયતનં ફોટ્ઠબ્બાયતનં મુતં, સબ્બં રૂપં મનસા વિઞ્ઞાતં રૂપં.

966. Rūpāyatanaṃ diṭṭhaṃ, saddāyatanaṃ sutaṃ, gandhāyatanaṃ rasāyatanaṃ phoṭṭhabbāyatanaṃ mutaṃ, sabbaṃ rūpaṃ manasā viññātaṃ rūpaṃ.

એવં ચતુબ્બિધેન રૂપસઙ્ગહો.

Evaṃ catubbidhena rūpasaṅgaho.

ચતુક્કં.

Catukkaṃ.

પઞ્ચકં

Pañcakaṃ

૯૬૭. કતમં તં રૂપં પથવીધાતુ? યં કક્ખળં ખરગતં ¹³ કક્ખળત્તં કક્ખળભાવો અજ્ઝત્તં વા બહિદ્ધા વા ઉપાદિણ્ણં વા અનુપાદિણ્ણં વા – ઇદં તં રૂપં પથવીધાતુ.

967. Katamaṃ taṃ rūpaṃ pathavīdhātu? Yaṃ kakkhaḷaṃ kharagataṃ ¹⁴ kakkhaḷattaṃ kakkhaḷabhāvo ajjhattaṃ vā bahiddhā vā upādiṇṇaṃ vā anupādiṇṇaṃ vā – idaṃ taṃ rūpaṃ pathavīdhātu.

૯૬૮. કતમં તં રૂપં આપોધાતુ? યં આપો આપોગતં સિનેહો સિનેહગતં બન્ધનત્તં રૂપસ્સ અજ્ઝત્તં વા બહિદ્ધા વા ઉપાદિણ્ણં વા અનુપાદિણ્ણં વા – ઇદં તં રૂપં આપોધાતુ.

968. Katamaṃ taṃ rūpaṃ āpodhātu? Yaṃ āpo āpogataṃ sineho sinehagataṃ bandhanattaṃ rūpassa ajjhattaṃ vā bahiddhā vā upādiṇṇaṃ vā anupādiṇṇaṃ vā – idaṃ taṃ rūpaṃ āpodhātu.

૯૬૯. કતમં તં રૂપં તેજોધાતુ? યં તેજો તેજોગતં ઉસ્મા ઉસ્માગતં ઉસુમં ઉસુમગતં અજ્ઝત્તં વા બહિદ્ધા વા ઉપાદિણ્ણં વા અનુપાદિણ્ણં વા – ઇદં તં રૂપં તેજોધાતુ.

969. Katamaṃ taṃ rūpaṃ tejodhātu? Yaṃ tejo tejogataṃ usmā usmāgataṃ usumaṃ usumagataṃ ajjhattaṃ vā bahiddhā vā upādiṇṇaṃ vā anupādiṇṇaṃ vā – idaṃ taṃ rūpaṃ tejodhātu.

૯૭૦. કતમં તં રૂપં વાયોધાતુ? યં વાયો વાયોગતં થમ્ભિતત્તં રૂપસ્સ અજ્ઝત્તં વા બહિદ્ધા વા ઉપાદિણ્ણં વા અનુપાદિણ્ણં વા – ઇદં તં રૂપં વાયોધાતુ.

970. Katamaṃ taṃ rūpaṃ vāyodhātu? Yaṃ vāyo vāyogataṃ thambhitattaṃ rūpassa ajjhattaṃ vā bahiddhā vā upādiṇṇaṃ vā anupādiṇṇaṃ vā – idaṃ taṃ rūpaṃ vāyodhātu.

૯૭૧. કતમં તં રૂપં ઉપાદા? ચક્ખાયતનં…પે॰… કબળીકારો આહારો – ઇદં તં રૂપં ઉપાદા.

971. Katamaṃ taṃ rūpaṃ upādā? Cakkhāyatanaṃ…pe… kabaḷīkāro āhāro – idaṃ taṃ rūpaṃ upādā.

એવં પઞ્ચવિધેન રૂપસઙ્ગહો.

Evaṃ pañcavidhena rūpasaṅgaho.

પઞ્ચકં.

Pañcakaṃ.

છક્કં

Chakkaṃ

૯૭૨. રૂપાયતનં ચક્ખુવિઞ્ઞેય્યં રૂપં, સદ્દાયતનં સોતવિઞ્ઞેય્યં રૂપં, ગન્ધાયતનં ઘાનવિઞ્ઞેય્યં રૂપં, રસાયતનં જિવ્હાવિઞ્ઞેય્યં રૂપં, ફોટ્ઠબ્બાયતનં કાયવિઞ્ઞેય્યં રૂપં, સબ્બં રૂપં મનોવિઞ્ઞેય્યં રૂપં.

972. Rūpāyatanaṃ cakkhuviññeyyaṃ rūpaṃ, saddāyatanaṃ sotaviññeyyaṃ rūpaṃ, gandhāyatanaṃ ghānaviññeyyaṃ rūpaṃ, rasāyatanaṃ jivhāviññeyyaṃ rūpaṃ, phoṭṭhabbāyatanaṃ kāyaviññeyyaṃ rūpaṃ, sabbaṃ rūpaṃ manoviññeyyaṃ rūpaṃ.

એવં છબ્બિધેન રૂપસઙ્ગહો.

Evaṃ chabbidhena rūpasaṅgaho.

છક્કં.

Chakkaṃ.

સત્તકં

Sattakaṃ

૯૭૩. રૂપાયતનં ચક્ખુવિઞ્ઞેય્યં રૂપં, સદ્દાયતનં સોતવિઞ્ઞેય્યં રૂપં, ગન્ધાયતનં ઘાનવિઞ્ઞેય્યં રૂપં, રસાયતનં જિવ્હાવિઞ્ઞેય્યં રૂપં, ફોટ્ઠબ્બાયતનં કાયવિઞ્ઞેય્યં રૂપં, રૂપાયતનં સદ્દાયતનં ગન્ધાયતનં રસાયતનં ફોટ્ઠબ્બાયતનં મનોધાતુવિઞ્ઞેય્યં રૂપં, સબ્બં રૂપં મનોવિઞ્ઞાણધાતુવિઞ્ઞેય્યં રૂપં.

973. Rūpāyatanaṃ cakkhuviññeyyaṃ rūpaṃ, saddāyatanaṃ sotaviññeyyaṃ rūpaṃ, gandhāyatanaṃ ghānaviññeyyaṃ rūpaṃ, rasāyatanaṃ jivhāviññeyyaṃ rūpaṃ, phoṭṭhabbāyatanaṃ kāyaviññeyyaṃ rūpaṃ, rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ manodhātuviññeyyaṃ rūpaṃ, sabbaṃ rūpaṃ manoviññāṇadhātuviññeyyaṃ rūpaṃ.

એવં સત્તવિધેન રૂપસઙ્ગહો.

Evaṃ sattavidhena rūpasaṅgaho.

સત્તકં.

Sattakaṃ.

અટ્ઠકં

Aṭṭhakaṃ

૯૭૪. રૂપાયતનં ચક્ખુવિઞ્ઞેય્યં રૂપં, સદ્દાયતનં સોતવિઞ્ઞેય્યં રૂપં, ગન્ધાયતનં ઘાનવિઞ્ઞેય્યં રૂપં, રસાયતનં જિવ્હાવિઞ્ઞેય્યં રૂપં, મનાપિયો ફોટ્ઠબ્બો સુખસમ્ફસ્સો કાયવિઞ્ઞેય્યં રૂપં, અમનાપિયો ફોટ્ઠબ્બો દુક્ખસમ્ફસ્સો કાયવિઞ્ઞેય્યં રૂપં, રૂપાયતનં સદ્દાયતનં ગન્ધાયતનં રસાયતનં ફોટ્ઠબ્બાયતનં મનોધાતુવિઞ્ઞેય્યં રૂપં, સબ્બં રૂપં મનોવિઞ્ઞાણધાતુવિઞ્ઞેય્યં રૂપં.

974. Rūpāyatanaṃ cakkhuviññeyyaṃ rūpaṃ, saddāyatanaṃ sotaviññeyyaṃ rūpaṃ, gandhāyatanaṃ ghānaviññeyyaṃ rūpaṃ, rasāyatanaṃ jivhāviññeyyaṃ rūpaṃ, manāpiyo phoṭṭhabbo sukhasamphasso kāyaviññeyyaṃ rūpaṃ, amanāpiyo phoṭṭhabbo dukkhasamphasso kāyaviññeyyaṃ rūpaṃ, rūpāyatanaṃ saddāyatanaṃ gandhāyatanaṃ rasāyatanaṃ phoṭṭhabbāyatanaṃ manodhātuviññeyyaṃ rūpaṃ, sabbaṃ rūpaṃ manoviññāṇadhātuviññeyyaṃ rūpaṃ.

એવં અટ્ઠવિધેન રૂપસઙ્ગહો.

Evaṃ aṭṭhavidhena rūpasaṅgaho.

અટ્ઠકં.

Aṭṭhakaṃ.

નવકં

Navakaṃ

૯૭૫. કતમં તં રૂપં ચક્ખુન્દ્રિયં? યં ચક્ખુ ચતુન્નં મહાભૂતાનં ઉપાદાય પસાદો…પે॰… સુઞ્ઞો ગામો પેસો – ઇદં તં રૂપં ચક્ખુન્દ્રિયં .

975. Katamaṃ taṃ rūpaṃ cakkhundriyaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ cakkhundriyaṃ .

૯૭૬. કતમં તં રૂપં સોતિન્દ્રિયં…પે॰… ઘાનિન્દ્રિયં…પે॰… જિવ્હિન્દ્રિયં…પે॰… કાયિન્દ્રિયં …પે॰… ઇત્થિન્દ્રિયં…પે॰… પુરિસિન્દ્રિયં…પે॰… જીવિતિન્દ્રિયં? યો તેસં રૂપીનં ધમ્માનં આયુ ઠિતિ યપના યાપના ઇરિયના વત્તના પાલના જીવિતં જીવિતિન્દ્રિયં – ઇદં તં રૂપં જીવિતિન્દ્રિયં.

976. Katamaṃ taṃ rūpaṃ sotindriyaṃ…pe… ghānindriyaṃ…pe… jivhindriyaṃ…pe… kāyindriyaṃ …pe… itthindriyaṃ…pe… purisindriyaṃ…pe… jīvitindriyaṃ? Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ jīvitindriyaṃ.

૯૭૭. કતમં તં રૂપં ન ઇન્દ્રિયં? રૂપાયતનં…પે॰… કબળીકારો આહારો – ઇદં તં રૂપં ન ઇન્દ્રિયં.

977. Katamaṃ taṃ rūpaṃ na indriyaṃ? Rūpāyatanaṃ…pe… kabaḷīkāro āhāro – idaṃ taṃ rūpaṃ na indriyaṃ.

એવં નવવિધેન રૂપસઙ્ગહો.

Evaṃ navavidhena rūpasaṅgaho.

નવકં.

Navakaṃ.

દસકં

Dasakaṃ

૯૭૮. કતમં તં રૂપં ચક્ખુન્દ્રિયં? યં ચક્ખુ ચતુન્નં મહાભૂતાનં ઉપાદાય પસાદો…પે॰… સુઞ્ઞો ગામો પેસો – ઇદં તં રૂપં ચક્ખુન્દ્રિયં.

978. Katamaṃ taṃ rūpaṃ cakkhundriyaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ cakkhundriyaṃ.

૯૭૯. કતમં તં રૂપં સોતિન્દ્રિયં…પે॰… ઘાનિન્દ્રિયં…પે॰… જિવ્હિન્દ્રિયં…પે॰… કાયિન્દ્રિયં…પે॰… ઇત્થિન્દ્રિયં…પે॰… પુરિસિન્દ્રિયં…પે॰… જીવિતિન્દ્રિયં? યો તેસં રૂપીનં ધમ્માનં આયુ ઠિતિ યપના યાપના ઇરિયના વત્તના પાલના જીવિતં જીવિતિન્દ્રિયં – ઇદં તં રૂપં જીવિતિન્દ્રિયં.

979. Katamaṃ taṃ rūpaṃ sotindriyaṃ…pe… ghānindriyaṃ…pe… jivhindriyaṃ…pe… kāyindriyaṃ…pe… itthindriyaṃ…pe… purisindriyaṃ…pe… jīvitindriyaṃ? Yo tesaṃ rūpīnaṃ dhammānaṃ āyu ṭhiti yapanā yāpanā iriyanā vattanā pālanā jīvitaṃ jīvitindriyaṃ – idaṃ taṃ rūpaṃ jīvitindriyaṃ.

૯૮૦. કતમં તં રૂપં ન ઇન્દ્રિયં સપ્પટિઘં? રૂપાયતનં…પે॰… ફોટ્ઠબ્બાયતનં – ઇદં તં રૂપં ન ઇન્દ્રિયં સપ્પટિઘં.

980. Katamaṃ taṃ rūpaṃ na indriyaṃ sappaṭighaṃ? Rūpāyatanaṃ…pe… phoṭṭhabbāyatanaṃ – idaṃ taṃ rūpaṃ na indriyaṃ sappaṭighaṃ.

૯૮૧. કતમં તં રૂપં ન ઇન્દ્રિયં અપ્પટિઘં? કાયવિઞ્ઞત્તિ…પે॰… કબળીકારો આહારો – ઇદં તં રૂપં ન ઇન્દ્રિયં અપ્પટિઘં.

981. Katamaṃ taṃ rūpaṃ na indriyaṃ appaṭighaṃ? Kāyaviññatti…pe… kabaḷīkāro āhāro – idaṃ taṃ rūpaṃ na indriyaṃ appaṭighaṃ.

એવં દસવિધેન રૂપસઙ્ગહો.

Evaṃ dasavidhena rūpasaṅgaho.

દસકં.

Dasakaṃ.

એકાદસકં

Ekādasakaṃ

૯૮૨. કતમં તં રૂપં ચક્ખાયતનં? યં ચક્ખુ ચતુન્નં મહાભૂતાનં ઉપાદાય પસાદો…પે॰… સુઞ્ઞો ગામો પેસો – ઇદં તં રૂપં ચક્ખાયતનં .

982. Katamaṃ taṃ rūpaṃ cakkhāyatanaṃ? Yaṃ cakkhu catunnaṃ mahābhūtānaṃ upādāya pasādo…pe… suñño gāmo peso – idaṃ taṃ rūpaṃ cakkhāyatanaṃ .

૯૮૩. કતમં તં રૂપં સોતાયતનં…પે॰… ઘાનાયતનં…પે॰… જિવ્હાયતનં…પે॰… કાયાયતનં…પે॰… રૂપાયતનં…પે॰… સદ્દાયતનં…પે॰… ગન્ધાયતનં…પે॰… રસાયતનં…પે॰… ફોટ્ઠબ્બાયતનં? પથવીધાતુ…પે॰… ફોટ્ઠબ્બધાતુ પેસા – ઇદં તં રૂપં ફોટ્ઠબ્બાયતનં.

983. Katamaṃ taṃ rūpaṃ sotāyatanaṃ…pe… ghānāyatanaṃ…pe… jivhāyatanaṃ…pe… kāyāyatanaṃ…pe… rūpāyatanaṃ…pe… saddāyatanaṃ…pe… gandhāyatanaṃ…pe… rasāyatanaṃ…pe… phoṭṭhabbāyatanaṃ? Pathavīdhātu…pe… phoṭṭhabbadhātu pesā – idaṃ taṃ rūpaṃ phoṭṭhabbāyatanaṃ.

૯૮૪. કતમં તં રૂપં અનિદસ્સનં અપ્પટિઘં ધમ્માયતનપરિયાપન્નં? ઇત્થિન્દ્રિયં…પે॰… કબળીકારો આહારો – ઇદં તં રૂપં અનિદસ્સનં અપ્પટિઘં ધમ્માયતનપરિયાપન્નં.

984. Katamaṃ taṃ rūpaṃ anidassanaṃ appaṭighaṃ dhammāyatanapariyāpannaṃ? Itthindriyaṃ…pe… kabaḷīkāro āhāro – idaṃ taṃ rūpaṃ anidassanaṃ appaṭighaṃ dhammāyatanapariyāpannaṃ.

એવં એકાદસવિધેન રૂપસઙ્ગહો.

Evaṃ ekādasavidhena rūpasaṅgaho.

એકાદસકં.

Ekādasakaṃ.

અટ્ઠમભાણવારો.

Aṭṭhamabhāṇavāro.

રૂપવિભત્તિ.

Rūpavibhatti.

રૂપકણ્ડં નિટ્ઠિતં.

Rūpakaṇḍaṃ niṭṭhitaṃ.

Next: ૩. નિક્ખેપકણ્ડં • 3. Nikkhepakaṇḍaṃ

Footnotes: