| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
9. руубияасам̣вохаарасигкаабад̣̇аван̣н̣анаа
9. Rūpiyasaṃvohārasikkhāpadavaṇṇanā
587. д̇зна самаязнаад̇и руубияасам̣вохаарасигкаабад̣̇ам̣. д̇ад̇т̇а наанаббагаараганд̇и гад̇аагад̇аад̣̇ивасзна анзгавид̇хам̣. руубияасам̣вохааранд̇и ж̇аад̇аруубараж̇ад̇абаривад̇д̇анам̣. самаабаж̇ж̇анд̇ийд̇и бадиг̇г̇ахан̣ассзва бадигкид̇ад̇д̇аа бадиг̇г̇ахид̇абаривад̇д̇анз д̣̇осам̣ абассанд̇аа гаронд̇и.
587.Tena samayenāti rūpiyasaṃvohārasikkhāpadaṃ. Tattha nānappakārakanti katākatādivasena anekavidhaṃ. Rūpiyasaṃvohāranti jātarūparajataparivattanaṃ. Samāpajjantīti paṭiggahaṇasseva paṭikkhitattā paṭiggahitaparivattane dosaṃ apassantā karonti.
589. сийсуубаг̇анд̇иаад̣̇ийсу сийсам̣ убаг̇ажчад̇ийд̇и сийсуубаг̇ам̣, бод̇т̇агзсу бана ‘‘сийсуубага’’нд̇и ликид̇ам̣, яасса гассажи сийсаалан̇гаарассзд̇ам̣ ад̇хиважанам̣. зса наяо саб̣б̣ад̇т̇а. гад̇зна гад̇анд̇иаад̣̇ийсу суд̣̇д̇хо руубияасам̣вохаароязва.
589.Sīsūpagantiādīsu sīsaṃ upagacchatīti sīsūpagaṃ, potthakesu pana ‘‘sīsūpaka’’nti likhitaṃ, yassa kassaci sīsālaṅkārassetaṃ adhivacanaṃ. Esa nayo sabbattha. Katena katantiādīsu suddho rūpiyasaṃvohāroyeva.
руубияз руубияасан̃н̃ийд̇иаад̣̇имхи буримасигкаабад̣̇з вуд̇д̇авад̇т̇уусу ниссаг̇г̇ияавад̇т̇унаа ниссаг̇г̇ияавад̇т̇ум̣ жзд̇аабзнд̇асса муулаг̇г̇ахан̣з буримасигкаабад̣̇зна ниссаг̇г̇ияам̣ баажид̇д̇ияам̣, абараабарабаривад̇д̇анз иминаа ниссаг̇г̇ияабаажид̇д̇ияамзва. ниссаг̇г̇ияавад̇т̇унаа д̣̇уггадавад̇т̇ум̣ ваа габбияавад̇т̇ум̣ ваа жзд̇аабзнд̇ассаби зсзва наяо. яо хи аяам̣ аруубияз руубияасан̃н̃ий руубияам̣ жзд̇аабзд̇ийд̇иаад̣̇и д̣̇уд̇ияо д̇иго вуд̇д̇о, д̇ассаануломад̇д̇аа авуд̇д̇оби аяамабароби руубияз руубияасан̃н̃ий аруубияам̣ жзд̇аабзд̇ийд̇иаад̣̇и д̇иго взд̣̇ид̇аб̣б̣о. ад̇д̇ано ваа хи аруубиязна барасса руубияам̣ жзд̇аабзяяа ад̇д̇ано ваа руубиязна барасса аруубияам̣, убхаяат̇ааби руубияасам̣вохааро гад̇оязва ход̇и, д̇асмаа баал̣ияам̣ зганд̇зна руубияабагкз згоязва д̇иго вуд̇д̇од̇и.
Rūpiye rūpiyasaññītiādimhi purimasikkhāpade vuttavatthūsu nissaggiyavatthunā nissaggiyavatthuṃ cetāpentassa mūlaggahaṇe purimasikkhāpadena nissaggiyaṃ pācittiyaṃ, aparāparaparivattane iminā nissaggiyapācittiyameva. Nissaggiyavatthunā dukkaṭavatthuṃ vā kappiyavatthuṃ vā cetāpentassapi eseva nayo. Yo hi ayaṃ arūpiye rūpiyasaññī rūpiyaṃ cetāpetītiādi dutiyo tiko vutto, tassānulomattā avuttopi ayamaparopi rūpiye rūpiyasaññī arūpiyaṃ cetāpetītiādi tiko veditabbo. Attano vā hi arūpiyena parassa rūpiyaṃ cetāpeyya attano vā rūpiyena parassa arūpiyaṃ, ubhayathāpi rūpiyasaṃvohāro katoyeva hoti, tasmā pāḷiyaṃ ekantena rūpiyapakkhe ekoyeva tiko vuttoti.
д̣̇уггадавад̇т̇унаа бана ниссаг̇г̇ияавад̇т̇ум̣ жзд̇аабзнд̇асса муулаг̇г̇ахан̣з буримасигкаабад̣̇зна д̣̇уггадам̣, бажчаа баривад̇д̇анз иминаа ниссаг̇г̇ияам̣ баажид̇д̇ияам̣, г̇аругасса жзд̇аабид̇ад̇д̇аа. д̣̇уггадавад̇т̇унаа д̣̇уггадавад̇т̇умзва, габбияавад̇т̇ум̣ ваа жзд̇аабзнд̇асса муулаг̇г̇ахан̣з буримасигкаабад̣̇зна д̣̇уггадам̣, бажчаа баривад̇д̇анзби иминаа д̣̇уггадамзва. гасмаа? агаббияавад̇т̇унаа жзд̇аабид̇ад̇д̇аа. анд̇хагадтагат̇ааяам̣ бана ‘‘сажз гаяавиггаяам̣ самаабаж̇ж̇зяяа, ниссаг̇г̇ияам̣ баажид̇д̇ияа’’нд̇и бхаасид̇ам̣, д̇ам̣ д̣̇уб̣бхаасид̇ам̣. гасмаа? на хи д̣̇аанаг̇г̇ахан̣ад̇о ан̃н̃о гаяавиггаяо наама ад̇т̇и, гаяавиггаяасигкаабад̣̇ан̃жа габбияавад̇т̇унаа габбияавад̇т̇убаривад̇д̇анамзва санд̇хааяа вуд̇д̇ам̣, д̇ан̃жа ко ан̃н̃ад̇ра сахад̇хаммигзхи. ид̣̇ам̣ сигкаабад̣̇ам̣ руубиязна жа руубияааруубияажзд̇аабанам̣ аруубиязна жа руубияажзд̇аабанам̣. д̣̇уггадавад̇т̇унаа бана д̣̇уггадавад̇т̇уно жзд̇аабанам̣ нзва ид̇ха на д̇ад̇т̇а баал̣ияам̣ вуд̇д̇ам̣, на жзд̇т̇а анаабад̇д̇и бхавид̇ум̣ арахад̇и. д̇асмаа яат̇зва д̣̇уггадавад̇т̇уно бадиг̇г̇ахан̣з д̣̇уггадам̣, д̇ат̇зва д̇асса ваа д̇зна ваа жзд̇аабанзби д̣̇уггадам̣ яуд̇д̇анд̇и бхаг̇авад̇о ад̇хиббааяан̃н̃уухи вуд̇д̇ам̣.
Dukkaṭavatthunā pana nissaggiyavatthuṃ cetāpentassa mūlaggahaṇe purimasikkhāpadena dukkaṭaṃ, pacchā parivattane iminā nissaggiyaṃ pācittiyaṃ, garukassa cetāpitattā. Dukkaṭavatthunā dukkaṭavatthumeva, kappiyavatthuṃ vā cetāpentassa mūlaggahaṇe purimasikkhāpadena dukkaṭaṃ, pacchā parivattanepi iminā dukkaṭameva. Kasmā? Akappiyavatthunā cetāpitattā. Andhakaṭṭhakathāyaṃ pana ‘‘sace kayavikkayaṃ samāpajjeyya, nissaggiyaṃ pācittiya’’nti bhāsitaṃ, taṃ dubbhāsitaṃ. Kasmā? Na hi dānaggahaṇato añño kayavikkayo nāma atthi, kayavikkayasikkhāpadañca kappiyavatthunā kappiyavatthuparivattanameva sandhāya vuttaṃ, tañca kho aññatra sahadhammikehi. Idaṃ sikkhāpadaṃ rūpiyena ca rūpiyārūpiyacetāpanaṃ arūpiyena ca rūpiyacetāpanaṃ. Dukkaṭavatthunā pana dukkaṭavatthuno cetāpanaṃ neva idha na tattha pāḷiyaṃ vuttaṃ, na cettha anāpatti bhavituṃ arahati. Tasmā yatheva dukkaṭavatthuno paṭiggahaṇe dukkaṭaṃ, tatheva tassa vā tena vā cetāpanepi dukkaṭaṃ yuttanti bhagavato adhippāyaññūhi vuttaṃ.
габбияавад̇т̇унаа бана ниссаг̇г̇ияавад̇т̇ум̣ жзд̇аабзнд̇асса муулаг̇г̇ахан̣з буримасигкаабад̣̇зна анаабад̇д̇и, бажчаа баривад̇д̇анз иминаа ниссаг̇г̇ияам̣ баажид̇д̇ияам̣. вуд̇д̇ан̃хзд̇ам̣ – ‘‘аруубияз аруубияасан̃н̃ий руубияам̣ жзд̇аабзд̇и ниссаг̇г̇ияам̣ баажид̇д̇ияа’’нд̇и . д̇знзва габбияавад̇т̇унаа д̣̇уггадавад̇т̇ум̣ жзд̇аабзнд̇асса муулабадиг̇г̇ахан̣з д̇ат̇зва анаабад̇д̇и, бажчаа баривад̇д̇анз иминаа д̣̇уггадам̣. гасмаа? агаббияасса жзд̇аабид̇ад̇д̇аа. габбияавад̇т̇унаа бана габбияавад̇т̇ум̣ ан̃н̃ад̇ра сахад̇хаммигзхи жзд̇аабзнд̇асса муулаг̇г̇ахан̣з буримасигкаабад̣̇зна анаабад̇д̇и, бажчаа баривад̇д̇анз убари гаяавиггаяасигкаабад̣̇зна ниссаг̇г̇ияам̣ баажид̇д̇ияам̣. гаяавиггаяам̣ можзд̇ваа г̇ан̣ханд̇асса убарисигкаабад̣̇знаби анаабад̇д̇и, вад̣дхим̣ баяож̇знд̇асса д̣̇уггадам̣.
Kappiyavatthunā pana nissaggiyavatthuṃ cetāpentassa mūlaggahaṇe purimasikkhāpadena anāpatti, pacchā parivattane iminā nissaggiyaṃ pācittiyaṃ. Vuttañhetaṃ – ‘‘arūpiye arūpiyasaññī rūpiyaṃ cetāpeti nissaggiyaṃ pācittiya’’nti . Teneva kappiyavatthunā dukkaṭavatthuṃ cetāpentassa mūlapaṭiggahaṇe tatheva anāpatti, pacchā parivattane iminā dukkaṭaṃ. Kasmā? Akappiyassa cetāpitattā. Kappiyavatthunā pana kappiyavatthuṃ aññatra sahadhammikehi cetāpentassa mūlaggahaṇe purimasikkhāpadena anāpatti, pacchā parivattane upari kayavikkayasikkhāpadena nissaggiyaṃ pācittiyaṃ. Kayavikkayaṃ mocetvā gaṇhantassa uparisikkhāpadenapi anāpatti, vaḍḍhiṃ payojentassa dukkaṭaṃ.
имасса жа руубияасам̣вохаарасса г̇аругабхаавад̣̇ийбагам̣ ид̣̇ам̣ бад̇д̇ажад̇уггам̣ взд̣̇ид̇аб̣б̣ам̣. яо хи руубияам̣ уг̇г̇ан̣хид̇ваа д̇зна аяаб̣ийж̇ам̣ самудтаабзд̇и, д̇ам̣ годдаабзд̇ваа д̇зна лохзна бад̇д̇ам̣ гаарзд̇и, аяам̣ бад̇д̇о махааагаббияо наама, на саггаа гзнажи убааязна габбияо гаад̇ум̣. сажз хи д̇ам̣ винаасзд̇ваа т̇аалагам̣ гаарзд̇и, д̇амби агаббияам̣. ваасим̣ гаарзд̇и, д̇ааяа чиннам̣ д̣̇анд̇агадтамби агаббияам̣. б̣ал̣исам̣ гаарод̇и, д̇зна маарид̇аа мажчааби агаббияаа. ваасипалам̣ д̇аабзд̇ваа уд̣̇агам̣ ваа кийрам̣ ваа ун̣хаабзд̇и, д̇амби агаббияамзва.
Imassa ca rūpiyasaṃvohārassa garukabhāvadīpakaṃ idaṃ pattacatukkaṃ veditabbaṃ. Yo hi rūpiyaṃ uggaṇhitvā tena ayabījaṃ samuṭṭhāpeti, taṃ koṭṭāpetvā tena lohena pattaṃ kāreti, ayaṃ patto mahāakappiyo nāma, na sakkā kenaci upāyena kappiyo kātuṃ. Sace hi taṃ vināsetvā thālakaṃ kāreti, tampi akappiyaṃ. Vāsiṃ kāreti, tāya chinnaṃ dantakaṭṭhampi akappiyaṃ. Baḷisaṃ kāroti, tena māritā macchāpi akappiyā. Vāsiphalaṃ tāpetvā udakaṃ vā khīraṃ vā uṇhāpeti, tampi akappiyameva.
яо бана руубияам̣ уг̇г̇ан̣хид̇ваа д̇зна бад̇д̇ам̣ гин̣аад̇и, аяамби бад̇д̇о агаббияо. ‘‘бан̃жаннамби сахад̇хаммигаанам̣ на габбад̇ий’’д̇и махаабажжарияам̣ вуд̇д̇ам̣. саггаа бана габбияо гаад̇ум̣, со хи муулз мууласаамигаанам̣ бад̇д̇з жа бад̇д̇асаамигаанам̣ д̣̇иннз габбияо ход̇и. габбияабхан̣д̣ам̣ д̣̇ад̇ваа г̇ахзд̇ваа барибхун̃ж̇ид̇ум̣ ваддад̇и.
Yo pana rūpiyaṃ uggaṇhitvā tena pattaṃ kiṇāti, ayampi patto akappiyo. ‘‘Pañcannampi sahadhammikānaṃ na kappatī’’ti mahāpaccariyaṃ vuttaṃ. Sakkā pana kappiyo kātuṃ, so hi mūle mūlasāmikānaṃ patte ca pattasāmikānaṃ dinne kappiyo hoti. Kappiyabhaṇḍaṃ datvā gahetvā paribhuñjituṃ vaṭṭati.
яоби руубияам̣ уг̇г̇ан̣хаабзд̇ваа габбияагаарагзна сад̣̇д̇хим̣ гаммаарагулам̣ г̇анд̇ваа бад̇д̇ам̣ д̣̇исваа ‘‘аяам̣ маяхам̣ ружжад̇ий’’д̇и вад̣̇ад̇и. габбияагаараго жа д̇ам̣ руубияам̣ д̣̇ад̇ваа гаммаарам̣ сан̃н̃аабзд̇и, аяамби бад̇д̇о габбияавохаарзна г̇ахид̇оби д̣̇уд̇ияабад̇д̇асад̣̇исоязва, мууласса самбадижчид̇ад̇д̇аа агаббияо. гасмаа сзсаанам̣ на габбад̇ийд̇и? мууласса аниссадтад̇д̇аа.
Yopi rūpiyaṃ uggaṇhāpetvā kappiyakārakena saddhiṃ kammārakulaṃ gantvā pattaṃ disvā ‘‘ayaṃ mayhaṃ ruccatī’’ti vadati. Kappiyakārako ca taṃ rūpiyaṃ datvā kammāraṃ saññāpeti, ayampi patto kappiyavohārena gahitopi dutiyapattasadisoyeva, mūlassa sampaṭicchitattā akappiyo. Kasmā sesānaṃ na kappatīti? Mūlassa anissaṭṭhattā.
яо бана руубияам̣ асамбадижчид̇ваа ‘‘т̇зрасса бад̇д̇ам̣ гин̣ид̇ваа д̣̇зхий’’д̇и бахид̇агаббияагаарагзна сад̣̇д̇хим̣ гаммаарагулам̣ г̇анд̇ваа бад̇д̇ам̣ д̣̇исваа ‘‘имз гахаабан̣з г̇ахзд̇ваа имам̣ д̣̇зхий’’д̇и гахаабан̣з д̣̇аабзд̇ваа г̇ахид̇о, аяам̣ бад̇д̇о зд̇ассзва бхигкуно на ваддад̇и д̣̇уб̣б̣ижаарид̇ад̇д̇аа, ан̃н̃зсам̣ бана ваддад̇и, мууласса асамбадижчид̇ад̇д̇аа.
Yo pana rūpiyaṃ asampaṭicchitvā ‘‘therassa pattaṃ kiṇitvā dehī’’ti pahitakappiyakārakena saddhiṃ kammārakulaṃ gantvā pattaṃ disvā ‘‘ime kahāpaṇe gahetvā imaṃ dehī’’ti kahāpaṇe dāpetvā gahito, ayaṃ patto etasseva bhikkhuno na vaṭṭati dubbicāritattā, aññesaṃ pana vaṭṭati, mūlassa asampaṭicchitattā.
махаасумад̇т̇зрасса гира убаж̇жхааяо ануруд̣̇д̇хад̇т̇зро наама ахоси. со ад̇д̇ано зваруубам̣ бад̇д̇ам̣ саббисса буурзд̇ваа сан̇гхасса ниссаж̇ж̇и. д̇ибидагажуул̣анааг̇ад̇т̇зрассаби сад̣̇д̇хивихааригаанам̣ зваруубо бад̇д̇о ахоси. д̇ам̣ т̇зроби саббисса буураабзд̇ваа сан̇гхасса ниссаж̇ж̇аабзсийд̇и. ид̣̇ам̣ агаббияабад̇д̇ажад̇уггам̣.
Mahāsumattherassa kira upajjhāyo anuruddhatthero nāma ahosi. So attano evarūpaṃ pattaṃ sappissa pūretvā saṅghassa nissajji. Tipiṭakacūḷanāgattherassapi saddhivihārikānaṃ evarūpo patto ahosi. Taṃ theropi sappissa pūrāpetvā saṅghassa nissajjāpesīti. Idaṃ akappiyapattacatukkaṃ.
сажз бана руубияам̣ асамбадижчид̇ваа ‘‘т̇зрасса бад̇д̇ам̣ гин̣ид̇ваа д̣̇зхий’’д̇и бахид̇агаббияагаарагзна сад̣̇д̇хим̣ гаммаарагулам̣ г̇анд̇ваа бад̇д̇ам̣ д̣̇исваа ‘‘аяам̣ маяхам̣ ружжад̇ий’’д̇и ваа ‘‘имаахам̣ г̇ахзссаамий’’д̇и ваа вад̣̇ад̇и, габбияагаараго жа д̇ам̣ руубияам̣ д̣̇ад̇ваа гаммаарам̣ сан̃н̃аабзд̇и, аяам̣ бад̇д̇о саб̣б̣агаббияо б̣уд̣̇д̇хаанамби барибхог̇аараход̇и.
Sace pana rūpiyaṃ asampaṭicchitvā ‘‘therassa pattaṃ kiṇitvā dehī’’ti pahitakappiyakārakena saddhiṃ kammārakulaṃ gantvā pattaṃ disvā ‘‘ayaṃ mayhaṃ ruccatī’’ti vā ‘‘imāhaṃ gahessāmī’’ti vā vadati, kappiyakārako ca taṃ rūpiyaṃ datvā kammāraṃ saññāpeti, ayaṃ patto sabbakappiyo buddhānampi paribhogārahoti.
591. аруубияз руубияасан̃н̃ийд̇и карабад̇д̇аад̣̇ийсу суван̣н̣аад̣̇исан̃н̃ий. аабад̇д̇и д̣̇уггадассаад̇и сажз д̇зна аруубияам̣ жзд̇аабзд̇и д̣̇уггадаабад̇д̇и ход̇и. зса наяо взмад̇игз. аруубияасан̃н̃исса бана бан̃жахи сахад̇хаммигзхи сад̣̇д̇хи ‘‘ид̣̇ам̣ г̇ахзд̇ваа ид̣̇ам̣ д̣̇зт̇аа’’д̇и гаяавиггаяам̣ гаронд̇ассааби анаабад̇д̇и. сзсам̣ уд̇д̇аанамзва.
591.Arūpiye rūpiyasaññīti kharapattādīsu suvaṇṇādisaññī. Āpatti dukkaṭassāti sace tena arūpiyaṃ cetāpeti dukkaṭāpatti hoti. Esa nayo vematike. Arūpiyasaññissa pana pañcahi sahadhammikehi saddhi ‘‘idaṃ gahetvā idaṃ dethā’’ti kayavikkayaṃ karontassāpi anāpatti. Sesaṃ uttānameva.
часамудтаанам̣, гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммаважийгаммам̣, д̇ижид̇д̇ам̣, д̇ивзд̣̇ананд̇и.
Chasamuṭṭhānaṃ, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammavacīkammaṃ, ticittaṃ, tivedananti.
руубияасам̣вохаарасигкаабад̣̇аван̣н̣анаа нидтид̇аа.
Rūpiyasaṃvohārasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 9. руубияасам̣вохаарасигкаабад̣̇ам̣ • 9. Rūpiyasaṃvohārasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 9. руубияасам̣вохаарасигкаабад̣̇аван̣н̣анаа • 9. Rūpiyasaṃvohārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. руубияасам̣вохаарасигкаабад̣̇аван̣н̣анаа • 9. Rūpiyasaṃvohārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 9. руубияасам̣вохаарасигкаабад̣̇аван̣н̣анаа • 9. Rūpiyasaṃvohārasikkhāpadavaṇṇanā
