[241] 1. саб̣б̣ад̣̇аатаж̇аад̇агаван̣н̣анаа

[241] 1. Sabbadāṭhajātakavaṇṇanā

син̇г̇аало маанад̇т̇ад̣̇д̇ход̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇ам̣ аараб̣бха гат̇зси. д̣̇звад̣̇ад̇д̇о аж̇аад̇асад̇д̇ум̣ басаад̣̇зд̇ваа уббаад̣̇ид̇ам̣ лаабхасаггаарам̣ жирадтид̇игам̣ гаад̇ум̣ наасагки, наал̣ааг̇ирибаяож̇анз баадихаарияасса д̣̇идтагаалад̇о бадтааяа д̇асса со лаабхасаггааро анд̇арад̇хааяи. ат̇згад̣̇ивасам̣ бхигкуу д̇хаммасабхааяам̣ гат̇ам̣ самудтаабзсум̣ – ‘‘аавусо, д̣̇звад̣̇ад̇д̇о лаабхасаггаарам̣ уббаад̣̇зд̇ваа жирадтид̇игам̣ гаад̇ум̣ наасагкий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, д̣̇звад̣̇ад̇д̇о ид̣̇аанзва ад̇д̇ано уббаннам̣ лаабхасаггаарам̣ анд̇арад̇хаабзд̇и, буб̣б̣зби анд̇арад̇хаабзсиязваа’’д̇и вад̇ваа ад̇ийд̇ам̣ аахари.

Siṅgālomānatthaddhoti idaṃ satthā veḷuvane viharanto devadattaṃ ārabbha kathesi. Devadatto ajātasattuṃ pasādetvā uppāditaṃ lābhasakkāraṃ ciraṭṭhitikaṃ kātuṃ nāsakkhi, nāḷāgiripayojane pāṭihāriyassa diṭṭhakālato paṭṭhāya tassa so lābhasakkāro antaradhāyi. Athekadivasaṃ bhikkhū dhammasabhāyaṃ kathaṃ samuṭṭhāpesuṃ – ‘‘āvuso, devadatto lābhasakkāraṃ uppādetvā ciraṭṭhitikaṃ kātuṃ nāsakkhī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, devadatto idāneva attano uppannaṃ lābhasakkāraṃ antaradhāpeti, pubbepi antaradhāpesiyevā’’ti vatvā atītaṃ āhari.

ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса бурохид̇о ахоси д̇ин̣н̣ам̣ взд̣̇аанам̣ адтаарасаннан̃жа сиббаанам̣ баарам̣ г̇ад̇о. со бат̇авийж̇аяаманд̇ам̣ наама ж̇аанаад̇и. бат̇авийж̇аяаманд̇од̇и аавадданаманд̇о вужжад̇и. ат̇згад̣̇ивасам̣ б̣од̇хисад̇д̇о ‘‘д̇ам̣ манд̇ам̣ саж̇жхааяиссаамий’’д̇и згасмим̣ ан̇г̇ан̣адтаанз бидтибаасаан̣з нисийд̣̇ид̇ваа саж̇жхааяамагааси. д̇ам̣ гира манд̇ам̣ ан̃н̃авихид̇ам̣ д̇хид̇ивирахид̇ам̣ саавзд̇ум̣ на саггаа, д̇асмаа нам̣ со д̇ат̇ааруубз таанз саж̇жхааяад̇и. ат̇асса саж̇жхааяанагаалз зго син̇г̇аало згасмим̣ б̣илз нибанно д̇ам̣ манд̇ам̣ суд̇ваава баг̇ун̣амагааси. со гира ананд̇араад̇ийд̇з ад̇д̇абхаавз баг̇ун̣абат̇авийж̇аяаманд̇о зго б̣раахман̣о ахоси. б̣од̇хисад̇д̇о саж̇жхааяам̣ гад̇ваа удтааяа ‘‘баг̇ун̣о вад̇а мз аяам̣ манд̇о’’д̇и ааха. син̇г̇аало б̣илаа нигкамид̇ваа ‘‘амбхо б̣раахман̣а, аяам̣ манд̇о д̇аяааби мамзва баг̇ун̣ад̇аро’’д̇и вад̇ваа балааяи. б̣од̇хисад̇д̇о ‘‘аяам̣ син̇г̇аало маханд̇ам̣ агусалам̣ гариссад̇ий’’д̇и ‘‘г̇ан̣хат̇а г̇ан̣хат̇аа’’д̇и т̇огам̣ ануб̣анд̇хи. син̇г̇аало балааяид̇ваа аран̃н̃ам̣ баависи.

Atīte bārāṇasiyaṃ brahmadatte rajjaṃ kārente bodhisatto tassa purohito ahosi tiṇṇaṃ vedānaṃ aṭṭhārasannañca sippānaṃ pāraṃ gato. So pathavījayamantaṃ nāma jānāti. Pathavījayamantoti āvaṭṭanamanto vuccati. Athekadivasaṃ bodhisatto ‘‘taṃ mantaṃ sajjhāyissāmī’’ti ekasmiṃ aṅgaṇaṭṭhāne piṭṭhipāsāṇe nisīditvā sajjhāyamakāsi. Taṃ kira mantaṃ aññavihitaṃ dhitivirahitaṃ sāvetuṃ na sakkā, tasmā naṃ so tathārūpe ṭhāne sajjhāyati. Athassa sajjhāyanakāle eko siṅgālo ekasmiṃ bile nipanno taṃ mantaṃ sutvāva paguṇamakāsi. So kira anantarātīte attabhāve paguṇapathavījayamanto eko brāhmaṇo ahosi. Bodhisatto sajjhāyaṃ katvā uṭṭhāya ‘‘paguṇo vata me ayaṃ manto’’ti āha. Siṅgālo bilā nikkhamitvā ‘‘ambho brāhmaṇa, ayaṃ manto tayāpi mameva paguṇataro’’ti vatvā palāyi. Bodhisatto ‘‘ayaṃ siṅgālo mahantaṃ akusalaṃ karissatī’’ti ‘‘gaṇhatha gaṇhathā’’ti thokaṃ anubandhi. Siṅgālo palāyitvā araññaṃ pāvisi.

со г̇анд̇ваа згам̣ син̇г̇аалим̣ т̇огам̣ сарийрз д̣ам̣си, ‘‘гим̣, саамий’’д̇и жа вуд̇д̇з ‘‘маяхам̣ ж̇аанааси на ж̇аанаасий’’д̇и ааха. саа ‘‘аама, ж̇аанаамий’’д̇и самбадижчи. со бат̇авийж̇аяаманд̇ам̣ баривад̇д̇зд̇ваа анзгаани син̇г̇ааласад̇аани аан̣аабзд̇ваа саб̣б̣зби хад̇т̇иассасийхаб̣яаг̇гхасуугарамиг̇аад̣̇аяо жад̇уббад̣̇з ад̇д̇ано санд̇игз агааси. гад̇ваа жа бана саб̣б̣ад̣̇аато наама рааж̇аа худ̇ваа згам̣ син̇г̇аалим̣ аг̇г̇амахзсим̣ агааси. д̣̇виннам̣ хад̇т̇ийнам̣ бидтз сийхо д̇идтад̇и, сийхабидтз саб̣б̣ад̣̇аато син̇г̇аало рааж̇аа син̇г̇аалияаа аг̇г̇амахзсияаа сад̣̇д̇хим̣ нисийд̣̇ад̇и, маханд̇о яасо ахоси. со яасамаханд̇зна бамаж̇ж̇ид̇ваа маанам̣ уббаад̣̇зд̇ваа ‘‘б̣аараан̣асираж̇ж̇ам̣ г̇ан̣хиссаамий’’д̇и саб̣б̣ажад̇уббад̣̇абаривуд̇о б̣аараан̣асияаа авид̣̇уурадтаанам̣ самбаабун̣и, барисаа д̣̇ваад̣̇асаяож̇анаа ахоси. со авид̣̇уурз тид̇оязва ‘‘раж̇ж̇ам̣ ваа д̣̇зд̇у, яуд̣̇д̇хам̣ ваа’’д̇и ран̃н̃о саасанам̣ бзсзси. б̣аараан̣асиваасино бхийд̇ад̇асид̇аа наг̇арад̣̇ваараани бид̣̇ахид̇ваа адтам̣су.

So gantvā ekaṃ siṅgāliṃ thokaṃ sarīre ḍaṃsi, ‘‘kiṃ, sāmī’’ti ca vutte ‘‘mayhaṃ jānāsi na jānāsī’’ti āha. Sā ‘‘āma, jānāmī’’ti sampaṭicchi. So pathavījayamantaṃ parivattetvā anekāni siṅgālasatāni āṇāpetvā sabbepi hatthiassasīhabyagghasūkaramigādayo catuppade attano santike akāsi. Katvā ca pana sabbadāṭho nāma rājā hutvā ekaṃ siṅgāliṃ aggamahesiṃ akāsi. Dvinnaṃ hatthīnaṃ piṭṭhe sīho tiṭṭhati, sīhapiṭṭhe sabbadāṭho siṅgālo rājā siṅgāliyā aggamahesiyā saddhiṃ nisīdati, mahanto yaso ahosi. So yasamahantena pamajjitvā mānaṃ uppādetvā ‘‘bārāṇasirajjaṃ gaṇhissāmī’’ti sabbacatuppadaparivuto bārāṇasiyā avidūraṭṭhānaṃ sampāpuṇi, parisā dvādasayojanā ahosi. So avidūre ṭhitoyeva ‘‘rajjaṃ vā detu, yuddhaṃ vā’’ti rañño sāsanaṃ pesesi. Bārāṇasivāsino bhītatasitā nagaradvārāni pidahitvā aṭṭhaṃsu.

б̣од̇хисад̇д̇о рааж̇аанам̣ убасан̇гамид̇ваа ‘‘маа бхааяи, махаарааж̇а, саб̣б̣ад̣̇аатасин̇г̇аалзна сад̣̇д̇хим̣ яуд̣̇д̇хам̣ мама бхааро, табзд̇ваа мам̣ ан̃н̃о д̇зна сад̣̇д̇хим̣ яуж̇жхид̇ум̣ самад̇т̇о наама над̇т̇ий’’д̇и рааж̇аанан̃жа нааг̇арз жа самассаасзд̇ваа ‘‘гинд̇и гад̇ваа ну ко саб̣б̣ад̣̇аато раж̇ж̇ам̣ г̇ахзссад̇и, бужчиссаами д̇аава на’’нд̇и д̣̇ваараддаалагам̣ абхирухид̇ваа ‘‘самма саб̣б̣ад̣̇аата, гинд̇и гад̇ваа имам̣ раж̇ж̇ам̣ г̇ан̣хиссасий’’д̇и бужчи. ‘‘сийханаад̣̇ам̣ над̣̇аабзд̇ваа махааж̇анам̣ сад̣̇д̣̇зна санд̇аасзд̇ваа г̇ан̣хиссаамий’’д̇и. б̣од̇хисад̇д̇о ‘‘ад̇т̇зд̇а’’нд̇и н̃ад̇ваа аддаалагаа оруяха ‘‘сагалад̣̇ваад̣̇асаяож̇анигаб̣аараан̣асинаг̇араваасино ган̣н̣ажчид̣̇д̣̇аани маасабидтзна лан̃ж̇анд̇уу’’д̇и бхзрим̣ жараабзси. махааж̇ано бхзрияаа аан̣ам̣ суд̇ваа анд̇амасо б̣ил̣аалз убаад̣̇ааяа саб̣б̣ажад̇уббад̣̇аанан̃жзва ад̇д̇ано жа ган̣н̣ажчид̣̇д̣̇аани яат̇аа барасса сад̣̇д̣̇ам̣ сод̇ум̣ на саггаа, звам̣ маасабидтзна лан̃ж̇и.

Bodhisatto rājānaṃ upasaṅkamitvā ‘‘mā bhāyi, mahārāja, sabbadāṭhasiṅgālena saddhiṃ yuddhaṃ mama bhāro, ṭhapetvā maṃ añño tena saddhiṃ yujjhituṃ samattho nāma natthī’’ti rājānañca nāgare ca samassāsetvā ‘‘kinti katvā nu kho sabbadāṭho rajjaṃ gahessati, pucchissāmi tāva na’’nti dvāraṭṭālakaṃ abhiruhitvā ‘‘samma sabbadāṭha, kinti katvā imaṃ rajjaṃ gaṇhissasī’’ti pucchi. ‘‘Sīhanādaṃ nadāpetvā mahājanaṃ saddena santāsetvā gaṇhissāmī’’ti. Bodhisatto ‘‘attheta’’nti ñatvā aṭṭālakā oruyha ‘‘sakaladvādasayojanikabārāṇasinagaravāsino kaṇṇacchiddāni māsapiṭṭhena lañjantū’’ti bheriṃ carāpesi. Mahājano bheriyā āṇaṃ sutvā antamaso biḷāle upādāya sabbacatuppadānañceva attano ca kaṇṇacchiddāni yathā parassa saddaṃ sotuṃ na sakkā, evaṃ māsapiṭṭhena lañji.

ат̇а б̣од̇хисад̇д̇о буна аддаалагам̣ абхирухид̇ваа ‘‘саб̣б̣ад̣̇аатаа’’д̇и ааха. ‘‘гим̣, б̣раахман̣аа’’д̇и? ‘‘имам̣ раж̇ж̇ам̣ гинд̇и гад̇ваа г̇ан̣хиссасий’’д̇и? ‘‘сийханаад̣̇ам̣ над̣̇аабзд̇ваа мануссз д̇аасзд̇ваа ж̇ийвид̇агкаяам̣ баабзд̇ваа г̇ан̣хиссаамий’’д̇и. ‘‘сийханаад̣̇ам̣ над̣̇аабзд̇ум̣ на сагкиссаси. ж̇аад̇исамбаннаа хи сурад̇д̇ахад̇т̇абаад̣̇аа гзсарасийхарааж̇аано д̇аад̣̇исасса ж̇арасин̇г̇ааласса аан̣ам̣ на гариссанд̇ий’’д̇и. син̇г̇аало маанад̇т̇ад̣̇д̇хо худ̇ваа ‘‘ан̃н̃з д̇аава сийхаа д̇идтанд̇у, яассаахам̣ бидтз нисинно, д̇ан̃н̃зва над̣̇аабзссаамий’’д̇и ааха. ‘‘д̇зна хи над̣̇аабзхи, яад̣̇и саггосий’’д̇и. со яасмим̣ сийхз нисинно, д̇асса ‘‘над̣̇аахий’’д̇и баад̣̇зна сан̃н̃ам̣ ад̣̇ааси. сийхо хад̇т̇игумбхз мукам̣ уббийл̣зд̇ваа д̇игкад̇д̇ум̣ аббадивад̇д̇ияам̣ сийханаад̣̇ам̣ над̣̇и. хад̇т̇ий санд̇аасаббад̇д̇аа худ̇ваа син̇г̇аалам̣ баад̣̇амуулз баад̇зд̇ваа баад̣̇знасса сийсам̣ аггамид̇ваа жун̣н̣авижун̣н̣ам̣ агам̣су, саб̣б̣ад̣̇аато д̇ад̇т̇зва ж̇ийвид̇агкаяам̣ бад̇д̇о. д̇зби хад̇т̇ий сийханаад̣̇ам̣ суд̇ваа маран̣абхаяад̇аж̇ж̇ид̇аа ан̃н̃аман̃н̃ам̣ овиж̇жхид̇ваа д̇ад̇т̇зва ж̇ийвид̇агкаяам̣ баабун̣им̣су, табзд̇ваа сийхз сзсааби миг̇асуугараад̣̇аяо сасаб̣ил̣аарабарияосаанаа саб̣б̣з жад̇уббаад̣̇аа д̇ад̇т̇зва ж̇ийвид̇агкаяам̣ баабун̣им̣су. сийхаа балааяид̇ваа аран̃н̃ам̣ бависим̣су, д̣̇ваад̣̇асаяож̇аниго мам̣сарааси ахоси. б̣од̇хисад̇д̇о аддаалагаа од̇арид̇ваа наг̇арад̣̇ваараани вивараабзд̇ваа ‘‘саб̣б̣з ад̇д̇ано ган̣н̣зсу маасабидтам̣ абанзд̇ваа мам̣сад̇т̇игаа мам̣сам̣ аахаранд̇уу’’д̇и наг̇арз бхзрим̣ жараабзси. мануссаа алламам̣сам̣ каад̣̇ид̇ваа сзсам̣ сугкаабзд̇ваа валлуурамагам̣су. д̇асмим̣ гира гаалз валлуурагаран̣ам̣ уд̣̇абаад̣̇ийд̇и вад̣̇анд̇и.

Atha bodhisatto puna aṭṭālakaṃ abhiruhitvā ‘‘sabbadāṭhā’’ti āha. ‘‘Kiṃ, brāhmaṇā’’ti? ‘‘Imaṃ rajjaṃ kinti katvā gaṇhissasī’’ti? ‘‘Sīhanādaṃ nadāpetvā manusse tāsetvā jīvitakkhayaṃ pāpetvā gaṇhissāmī’’ti. ‘‘Sīhanādaṃ nadāpetuṃ na sakkhissasi. Jātisampannā hi surattahatthapādā kesarasīharājāno tādisassa jarasiṅgālassa āṇaṃ na karissantī’’ti. Siṅgālo mānatthaddho hutvā ‘‘aññe tāva sīhā tiṭṭhantu, yassāhaṃ piṭṭhe nisinno, taññeva nadāpessāmī’’ti āha. ‘‘Tena hi nadāpehi, yadi sakkosī’’ti. So yasmiṃ sīhe nisinno, tassa ‘‘nadāhī’’ti pādena saññaṃ adāsi. Sīho hatthikumbhe mukhaṃ uppīḷetvā tikkhattuṃ appaṭivattiyaṃ sīhanādaṃ nadi. Hatthī santāsappattā hutvā siṅgālaṃ pādamūle pātetvā pādenassa sīsaṃ akkamitvā cuṇṇavicuṇṇaṃ akaṃsu, sabbadāṭho tattheva jīvitakkhayaṃ patto. Tepi hatthī sīhanādaṃ sutvā maraṇabhayatajjitā aññamaññaṃ ovijjhitvā tattheva jīvitakkhayaṃ pāpuṇiṃsu, ṭhapetvā sīhe sesāpi migasūkarādayo sasabiḷārapariyosānā sabbe catuppādā tattheva jīvitakkhayaṃ pāpuṇiṃsu. Sīhā palāyitvā araññaṃ pavisiṃsu, dvādasayojaniko maṃsarāsi ahosi. Bodhisatto aṭṭālakā otaritvā nagaradvārāni vivarāpetvā ‘‘sabbe attano kaṇṇesu māsapiṭṭhaṃ apanetvā maṃsatthikā maṃsaṃ āharantū’’ti nagare bheriṃ carāpesi. Manussā allamaṃsaṃ khāditvā sesaṃ sukkhāpetvā vallūramakaṃsu. Tasmiṃ kira kāle vallūrakaraṇaṃ udapādīti vadanti.

сад̇т̇аа имам̣ д̇хаммад̣̇зсанам̣ аахарид̇ваа имаа абхисамб̣уд̣̇д̇хаг̇аат̇аа вад̇ваа ж̇аад̇агам̣ самод̇хаанзси –

Satthā imaṃ dhammadesanaṃ āharitvā imā abhisambuddhagāthā vatvā jātakaṃ samodhānesi –

182.

‘‘син̇г̇аало маанад̇т̇ад̣̇д̇хо жа, бариваарзна ад̇т̇иго;

‘‘Siṅgālo mānatthaddho ca, parivārena atthiko;

баабун̣и махад̇им̣ бхуумим̣, рааж̇ааси саб̣б̣ад̣̇аатинам̣.

Pāpuṇi mahatiṃ bhūmiṃ, rājāsi sabbadāṭhinaṃ.

183.

‘‘звамзва мануссзсу, яо ход̇и бариваараваа;

‘‘Evameva manussesu, yo hoti parivāravā;

со хи д̇ад̇т̇а махаа ход̇и, син̇г̇аало вияа д̣̇аатина’’нд̇и.

So hi tattha mahā hoti, siṅgālo viya dāṭhina’’nti.

д̇ад̇т̇а маанад̇т̇ад̣̇д̇ход̇и бариваарам̣ ниссааяа уббаннзна маанзна т̇ад̣̇д̇хо. бариваарзна ад̇т̇игод̇и уд̇д̇аримби бариваарзна ад̇т̇иго худ̇ваа. махад̇им̣ бхууминд̇и маханд̇ам̣ самбад̇д̇им̣. рааж̇ааси саб̣б̣ад̣̇аатинанд̇и саб̣б̣зсам̣ д̣̇аатийнам̣ рааж̇аа ааси. со хи д̇ад̇т̇а махаа ход̇ийд̇и со бариваарасамбанно бурисо д̇зсу бариваарзсу махаа наама ход̇и. син̇г̇аало вияа д̣̇аатинанд̇и яат̇аа син̇г̇аало д̣̇аатийнам̣ махаа ахоси, звам̣ махаа ход̇и, ат̇а со син̇г̇аало вияа бамаад̣̇ам̣ аабаж̇ж̇ид̇ваа д̇ам̣ бариваарам̣ ниссааяа винаасам̣ баабун̣аад̇ийд̇и.

Tattha mānatthaddhoti parivāraṃ nissāya uppannena mānena thaddho. Parivārena atthikoti uttarimpi parivārena atthiko hutvā. Mahatiṃ bhūminti mahantaṃ sampattiṃ. Rājāsi sabbadāṭhinanti sabbesaṃ dāṭhīnaṃ rājā āsi. So hi tattha mahā hotīti so parivārasampanno puriso tesu parivāresu mahā nāma hoti. Siṅgālo viya dāṭhinanti yathā siṅgālo dāṭhīnaṃ mahā ahosi, evaṃ mahā hoti, atha so siṅgālo viya pamādaṃ āpajjitvā taṃ parivāraṃ nissāya vināsaṃ pāpuṇātīti.

‘‘д̇ад̣̇аа син̇г̇аало д̣̇звад̣̇ад̇д̇о ахоси, рааж̇аа саарибуд̇д̇о, бурохид̇о бана ахамзва ахоси’’нд̇и.

‘‘Tadā siṅgālo devadatto ahosi, rājā sāriputto, purohito pana ahameva ahosi’’nti.

саб̣б̣ад̣̇аатаж̇аад̇агаван̣н̣анаа батамаа.

Sabbadāṭhajātakavaṇṇanā paṭhamā.

Next: [242] 2. сунакаж̇аад̇агаван̣н̣анаа • [242] 2. Sunakhajātakavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 241. саб̣б̣ад̣̇аатиж̇аад̇агам̣ • 241. Sabbadāṭhijātakaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact